استفسار هام لو سمحتو بخصوص الشرط الجزائي

[Qatarianes]

السلام عليكم
ياجماعه ع اي ااساس ينحسب مبلغ الشرط الجزائي الي ينخصم يوميا في حال تاخر المقاول
انا بيتي عظم وبلاستر مكلف 800 الف وحاط شرط جزائي 150 ريال فاليوم مب جنه شوي :rolleyes2:
ي فاهم شلون تنحسب ( لو في لها حسبه اصلا) يفهمنا لو سمحتو
شكرا

[$الملياردير$]

اللي متداول من 300 إلى 500 مع تحمل أتعاب الاستشاري لا ن زيادة المده بتدفع انت زيادة الاستشاري أما الحسبة فوالله لا اعلم و هناك أخوان لنا خبراء يمكن يفيدونكً و الله يوفقك دنيا و اخره

[قطري قديم]

حياك الله اخوي
المتعارف عليه من ٣٠٠ الي ٥٠٠ الحسبه تنحسب من اول يوم بعد انتهاء العقد بالاضافه لأتعاب الاستشاري شهريا من بعد انتهاء مدة العقد
والغرامه تنحسب الي حد اعلي ١٠٪ من قيمه العقد
وبالتوفيق

[Bo AbduRhman]

السلام عليكم
ياجماعه ع اي ااساس ينحسب مبلغ الشرط الجزائي الي ينخصم يوميا في حال تاخر المقاول
انا بيتي عظم وبلاستر مكلف 800 الف وحاط شرط جزائي 150 ريال فاليوم مب جنه شوي :rolleyes2:
ي فاهم شلون تنحسب ( لو في لها حسبه اصلا) يفهمنا لو سمحتو
شكرا


،
.

وعليكم السلام ورحمة الله وبركاته

اعتقد مالها حسبة محددة

وتنحط حسب العرف وبما يتناسب قيمة العقد

وفالعقود الحكومية و الفيديك دائما لا تتجاوز القيمة الاجمالية 10% من العقد


عملياً ومن واقع دراسة

حط شرط جزائي 100 ريال عند شركة محترمة

افضل من انك تحط شرط جزائي 1000 ريال عند شركة اي كلام


العقود فيها بنود وامور وايد لازم ننتبه لها

والاهم ان نتاكد ان الشركة تفهم وتحترم العقد

اما اذا كانت الشركة عكس ذالك

حتى لو حطينا اقوى عقد يحمي المالك

اعتقد مصيره يتبروز وينحط فالمجلس للعرض

.
.

[QP Engineer]

انا منتظر رد معماري او بن غيث او بوزيزو
ماشاء الله الخبراء كثير هنا بس جايك ردهم إن شاء الله

الله يوفقك ... اتنمى انك توضح مراحل العمل والمده لكل عمل وتخلي الشرط الجزائي للتاخير مع كل مرحله يعني اذا المرحله الأولى تأخرت لمده اسبوع زياده يتم احتساب هذا الإسبوع ويتم الخصم من الدفعه القادمه على طول .. هذا بيخلي المقاول أكثر حرص على إتمام المراحل في أوقاتها ..

الله يوفقك ويبارك لك :victory:

[New Vision]

اعرف شركة توب بمعنى الكلمه مهندسي خبره25سنه لو تحط اي شرط جزائي مايهم لانهم يحترمون العقود وللعلم ماسكة مشاريع حكوميه ومناقصات لو تبي رقمهم عالخاص وبالتوفيق

[صالح المري]

اعرف شركة توب بمعنى الكلمه مهندسي خبره25سنه لو تحط اي شرط جزائي مايهم لانهم يحترمون العقود وللعلم ماسكة مشاريع حكوميه ومناقصات لو تبي رقمهم عالخاص وبالتوفيق

ارسل لي رقمهم ولا عليك امر

[RAGA]

الله يوفقك

[عايش فرحان]

اللي اعرفه من عقود الربع مابين 400 الى 500 ريال في اليوم بما فيها ايام الويكند والاجازات الرسمية.

[بوسعود1122]

الشيخ هذا عقد تتفقون عليه ممكن انت قبل العقد تحط الغرامة الي تناسبك حتى لو 1500 بس مادام وقعت معناتها ما تقدر تغير الغرامة الا بملحق عقد

[اللوز]

حطيت ولا ما حطيت
اخرتها انت اللي بتاكلها
لا شرط جزائي ولا هم يحزنون
كل الغلط بيطلع عليك ومحاكم وعوار راس
بالتوفيق

[إعلامي قطر]

حياك الله اخوي
المتعارف عليه من 300 الي 500 الحسبه تنحسب من اول يوم بعد انتهاء العقد بالاضافه لأتعاب الاستشاري شهريا من بعد انتهاء مدة العقد
والغرامه تنحسب الي حد اعلي 10٪ من قيمه العقد
وبالتوفيق

الشيخ حتى لو تأخير المقاول تجاوز السنه؟
يعني قانونياً ما أقدر أخصم عليه كحد
أقصى إلا 10٪ فقط؟؟! لأن هالشي مب
مذكور بالعقد؟؟!

[ali22]

800000*10/100= 80000ريال غرامات

80000/150ريال = 533يوم تأخير / 30يوم بالشهر = 18 شهر
في حال تأخر عليك 18 شهر تخصم عليه ال80 الف غرامات
الغرامات ماتتجاوز 10% من قيمة العقد

= يساوي
/ تقسيم
* ضرب

الله يسامحك حد يحط 150 ريال عن اليوم الواحد