ضروري تكفون من يعرف دكتور ممتاز ؟؟

[الماريّة]

بسم الله الرحمن الرحيم

اخواني واخواتي


الله يخليكم من يقدر يفيدني باحسن دكتور خارج الدولة

ل قرنية العين ؟؟

تكفووووووون اي دكتور في العالم ممتاز اذكروه لي

والله لايرويكم مكروه في انفسكم ولا في غواليكم


/

اختكم

لافام فاتال

[الماليه]

الى اسبانيا بدون تردد ماعرف اسم معين بس مستشفي العيون اكبر من مستشفي حمد عندهم وفيه كل التخصصات

[عايش زمانه]

دكتور كوخ في المانيا

روح اللجنة الطبية يعطونك عنوانه

[faisalqatar]

ممكن اسأل لك و ارجع لك بالمعلومات

[القناوي]

فيه المركز الاسباني للعيون في شارع الوعب جدا ممتاز ويجيهم الدكتور الاسباني زياره كل شهر سمعته جدا ممتازه مع الدكتور تامر سالم

[alkaabi]

مرحبا

مستشفى باركير في برشلونة باسبانيا يعتبر الاشهر لعلاج العيون

هذا موقعهم وبالتوفيق

http://www.barraquer.com/

[الماريّة]

جزاااااااااااااااااكم ربي جميعا الفردوس الله يوفقكم يارب


:)

[كود نمبر]

افظل مستشفى في العالم باركير في برشلونة
والدولة تبعث مرضى لهذا المستشفى
ماتشؤفون شر

[موجه بحر]

دكتوره هيفا في البحرين والله يشفيك

[383 STROKER]

دكتور كوخ في المانيا

روح اللجنة الطبية يعطونك عنوانه

دكتور كوخ في بون في المانيا
اذا بتروح على حسابك كلم الملحق الطبي في بون يسون لك موعد معاه لان صعب تحصله.

[آنــه]

لافام فاتال

ايش فيها القرنيه ؟؟

انا اعالج في مستشفى براكير في برشلونه عن قرنية العين و سويت عمليه هناك
ما شاء الله المستشفى من زمااااان ممتازه و متخصصه في جميع امراض العيون
و مب ربحيه يقول لك اذا تنفعكم العمليه و الا لا

طبيبي هو :
http://www.barraquer.com/images/stories/InfoPaciente/UnidadesEspecializadas/Especialistas/JuanAlvarezdeToledo.jpg

هذي نبذه عنه :
نــبــذه عن الـطبـيـب (http://www.barraquer.com/en/ophthalmology/153-juan-alvarez-de-toledo.html)

[الماريّة]

تسلمون كلكم جعل ربي يعطيكم العافية


واخوان مش انا المريضة

المريض اخوي كبير بالسن عمره 48 سنة
القرنية تعبانه عنده ومايشوف عدل

وياليت احد يفيدني شلون ارسل لهم التقارير الطبية والا فيه احد يقدر يخاطبهم لو جبت له تقارير الطبية


افيدوووووووووني الله يخليكم

[الماريّة]

اخوااااااااااااااااني لو تكرمتوا وقالوا لي عن مستشفى براكير في برشلونه

شلون ارسل لهم التقارير مشكلة انا ماعرف انجليزي هل ممكن فيه جهه تساعدني

يرسلون التقارير عني ؟؟

وبالنسبة للعلاج الخارجي هني هل ممكن يساعدوني مع العلم ان المريض مش قطري ؟؟؟

هل ممكن بيرسلون اوراقه

[R 7 A L]

السلام عليكم

في البداية الله يشافي مريضكم ويعافيه

اختي

معلومة اي مستشفى راح تنرسل له التقارير
راح يقول لازم المريض يحضر
يعني ماراح يكتفون بالتقارير المرسلة راح يعملون فحوصات من جديد

[الماريّة]

السلام عليكم

في البداية الله يشافي مريضكم ويعافيه

اختي

معلومة اي مستشفى راح تنرسل له التقارير
راح يقول لازم المريض يحضر
يعني ماراح يكتفون بالتقارير المرسلة راح يعملون فحوصات من جديد

يعطيك العافية ع المعلومة

ماتقصر اخوي :)

[ghanim911]

أسال الله العظيم رب العرش العظيم ان يشفيك

[الماريّة]

^
^
جزاك الله خير

[قطرية مثقفة]

أخو زوجي توه من قبل فترة رايح إسبانيا حق عينه وهناك قالوا له تحتاج عملية لانه الشبكية متضررة بسبب ضغط العين @@ ومسوي موعد بعد شهر على مااعتقد للعملية