واحد من ربع يشتكي ويبقي الحل

[jassim69]

يقول اخت مرتي كل يوم تنزل عيالها عندنا في البيت ومشاء الله هم 4 تحت بعض اكبرهم 8 سنوات ويقول انا عيالي هم 4 اكبرهم 11 سنه يقول مسببين لي زعاج وكل يوم عافسين البيت
يقول كلمت المره تقول حق اختها لا عاد تجيبهم لا في الويكند تقول كلمتها ماتفهم وخاف تزعل علي المشكله تنزلهم وتروح وانا رجال بيتوتي يقول والله منزعج من هم يقول ابغي اكلم زوجها بس منحرج منه :telephone: ويبقي الحل من عندكم

[حسن]

والله حاله

كل يوم عاد قول في الويكند معقوله انزين هم وين يروحون
كل ماينزلونهم
شوف انا عندي لكم خطه ماتخرش المايه
كل ماتتصل واتقول بنجيكم تتعذر لهم بانهم طالعين وكل يوم على هل الحال
لين يحسون شوي
ولو اجبرو على الطلعه يوميا ولو لفه في السياره

هذه اول خطه واذا مانجحت نعطيك غيرها



:)

[jassim69]

والله حاله

كل يوم عاد قول في الويكند معقوله انزين هم وين يروحون
كل ماينزلونهم
شوف انا عندي لكم خطه ماتخرش المايه
كل ماتتصل واتقول بنجيكم تتعذر لهم بانهم طالعين وكل يوم على هل الحال
لين يحسون شوي
ولو اجبرو على الطلعه يوميا ولو لفه في السياره

هذه اول خطه واذا مانجحت نعطيك غيرها



:)

والله يابوعلي قلتله عن الخطه قبل يقول تجيبهم بدون موعد وبعض الساعات يقول حنا برع تنزله وتخليهم مع الخدامه يقول تصيدني صدمه لما حصلهم قدامي

[توشيبا]

ماشوف أن هناك مشكله إلا من انه طلب من زوجته تكلمها وهدا بيتسبب في مشاكل بينها وبين أختها

والمشكله الثانيه أنها ماعندها أي إحساس أو إحراج من ناحيت تنزل عيالها وتحرك

الأفضل يشوف حل متوازي وعدم إحراج زوجته

[وليف الشوق]

والله ياخوي عندنا مثل يقول اللي مايستحي لاتستحي منه وانت من حقك الراحه في بيتك ومع عيالك دون وجود شريك في حياتك يقلب بيتك ومن اللحظه هذي كلم زوجها لانه فعلا مايستحي وخبره بان زوجتك وعيالها مسببين لك زحمه وخله يزعل بالطقاق اللي يطق راسه

[بوخالد911]

عيبكم هو الطيبة الزايدة


عطهم بالعضل وقوووووول ما اقدر

[احب قطر]

بالعكس ... احتسب الأجر ... وسوا لهم حجرة في البيت حق العيال يلعبون فيها ولا تحسس العيال أن عيال خالتهم مب مرغوب فيهم ... وحاول تطرش عيالك عندهم أحيانا ..

[رهج السنابك]

قولوا لهم احنا ناس نصدع من الدوشه نبي نرتاح
يه اش قلت الادب ذي


في ناس ويهها بليته

[بومحمد]

لهدرجة مافي مواضيع تنزل هذا الموضوع

وبعدين هل طلب منك الرجال تنزل موضوعه هنا وتشوف له حل

اسمحلي أخوي جاسم بس موضوعك ماله داعي بصراحة

[أم علي 2010]

يالله هانت عقب باجر بتفتح المدارس وبيرتاح

خل ينطر كم يوم و يشوف الوضع

الافضل يكلم زوجته بطريقه حلوه يعني يطلع معاها يتعشون ولا يتمشون بالسياره ومع السوالف هي من فرحة الطلعه بتكون هادية ان شالله و ما بتزعل

[حسن]

نعطيك الخطه رقم 2

قوله احسن طرق للانتصار هو مهاجمه العدو
يعني يسون هجوم مضاط وبالصواريخ اقصد بالخدامه معاهم كل يوم حتى اذا مالقوهم يقعدون في البيت

ها وش رايك
تخطيط جهنمي واذا مانجحت نزودك بالخطه رقم 3

:victory:

[النهار]

ياخوي خل رفيجك يأخذ عياله ويقطهم في بيت اخت زوجته تكون العمليه بالعكس قبل مايجون هم يروحون لهم في بيتهم يقطون العيال عندهم

او في طريقه ثانيه يخلي زوجته تتصل عليهم بعد نصف ساعه اوساعه وتقول لهم الولد قاعد يرجع وحرارته مرتفعه وزجي مو في البيت طالع برع كل مره تشوف لها عذر وتتصل فيهم بمعنى تخرب عليهم الطلعه

[أسد الجزيرة]

المشكلة مع زوجتك لانها راضية لو اختها ما حصلت الموافقة كان ما جابتهم
الحل انك تهدد زوجتك انه اذا ما حصلت الهدوء بتتزوج و تفتح بيت جديد فيه هدوء
صدقني انه عيال اختها ما بتشوف رقعة وجهم في البيت عندك

[تغلبية]

أخوي ..

خله يوسع سدره .. ويحتسب الأجر .. ترا الناس للناس والكل بالله

خل العيال يجتمعون مع عيال خالتهم ترا عقب عمر(ن) طويل مايندرا

اتم العلاقات طيبة رايحين جايني على بعض والا بيلهون في الدنيا

الخوات يتفاهمون بالحسنى .. ومثل ما قالت أم علي بتجي المدرسة تلهيهم ما بقى إلا يومين


اذا عاد كلش رفيجك حده مقفل ..

ياخذ بنصيحة أسد الجزيرة .. بتصير الدنيا ربيع والجو بديع :victory:

[Locale]

خل اليهال يزورون عيال خالتهم الناس لبعضها
مايدري يمكن بكره يحتاجونها ويحطون عيالهم عندها
بس خله يسوي كنترول شوي عليهم بالنسبه للصراخ يكلمهم ويقولهم بدون صراخ واهم شي بدون صياح

[قطري 777]

ههههههههههههههههههه الله يعينه الصراحه مافيه الا انه ينتظر كم سنه ويكبرون وتنتهي المشكله .

[WhiteBeard]

قالها أسد الجزيرة وأسد الجزيرة صادق!!


المشكلة مع زوجتك لانها راضية لو اختها ما حصلت الموافقة كان ما جابتهم
الحل انك تهدد زوجتك انه اذا ما حصلت الهدوء بتتزوج و تفتح بيت جديد فيه هدوء
صدقني انه عيال اختها ما بتشوف رقعة وجهم في البيت عندك

خطة مضمونة 1000% ... ومالك إلا هذا الحل

[qtr qtr]

سوي لعبالهم رعب فالبيت

:spider::vampire:

[بونووف]

خله يصك باب الحوش .. وخلاص ماعتقد بتنزلهم عند الباب وبتحرك

هذي طريقه والطريقه الثانيه خله يشل عياله ومرته ويروح يقطهم عند اختها وبس

[Dmy Enabi]

كلمة تستحي منها بدها
دايركت خل الأخت تقول لإختها
شهالإهمال إذا بيتي ماوفر فيه الهدوء والسكينة لي ولزوجي عيل أروح بيت هلي أبرك لي

[عليان]

الحل اطلع أنت من البيت ..... ولما تعرف اشلون تدير وتحكم بيتك رد له ... هذا الكلام اللي يجمد على الشارب ... ازعاج وبيتوتي .. اشلون يعني خايف تتطلع !

يبه اطلع وكيييف وروح اسهر وفك روحك من الهم والإزعاج ..

[مرحوم قطر]

انا كنت عندي في البيت نفس المشكله

بيت جيرانه كل يوم يجيبون عيالهم عندنا

و كان هذا الشي بشكل يومي لدرجه ان ولدهم كان يقومني من نومي

يقولي عمي ودني الدكان

و صراحه احراج اقول حق اهلهم لا تجيبونهم و اخواني و خواتي قامو ينزعجون


( هم 2 بنت و ولد البنت 5 سنوات و الولد 7 )

و حتى اخواني الصغار الي من سناينهم تمللو يقولون شفيهم كل يوم اييون بيتنا



فا كان الحل بسيط كل ما يجون اقول حق الولد اتصل في امك قولها ان بنروح البحر مثلا و بنبات اهناك

و اسالها اذا موافقه ان تجون معانه و كان يكلمها و الصدمه ان وافقة بعدين قلنا خلاص بنكنسل

ثاني يوم كان خميس وديت اخواني الصغار معاي العنه و وديت ولدهم معاي و بيتهم اهناك يومين

و الام تتصل حق الولد ( عنده جوال ) يقولها ان في العنه و بنرجع عقب بكره المهم اني وديتهم الخميس و رجعته السبت


يوم الاحد بعد جابته بيتنه وديت اخواني بيت عمي و خليتهم لين اخر الليل وهي تتصل ان ردوه عنده مدرسه

و انا مطنش يوم الاثنين ما جانه قلت زين يوم الثلاثه جابته وديتهم بيت خالتي و نفس الشي

لين خلاص ما عادت تجيبه و انتهينه من هلموضوع

هم لو بس يجيون و يقعدون ولا يلعبون مافي مشكله المشكله انهم مشاغبين و بنتهم عمرها 5 سنوات

بس لحد الحين توصخ تحتها و ولدهم مشاغب و عادي يقعدني من نومي و يتطلب كني ابوه

[عضو قديم]

يكلم زوجته تتصل في اختها وتعطيها ضربات استباقيه انهم هالاسبوع بطوله ما راح يكونون بالبيت بيتغدون ويتعشون برع البيت واذا جات اختها البيت لا تفتح لها الباب لان بصراحة ضقت ذرعا من هالنوعيه

[قناص 787]

يقول اخت مرتي كل يوم تنزل عيالها عندنا في البيت ومشاء الله هم 4 تحت بعض اكبرهم 8 سنوات ويقول انا عيالي هم 4 اكبرهم 11 سنه يقول مسببين لي زعاج وكل يوم عافسين البيت
يقول كلمت المره تقول حق اختها لا عاد تجيبهم لا في الويكند تقول كلمتها ماتفهم وخاف تزعل علي المشكله تنزلهم وتروح وانا رجال بيتوتي يقول والله منزعج من هم يقول ابغي اكلم زوجها بس منحرج منه :telephone: ويبقي الحل من عندكم

يا خوي هاذي امور خاصه عيب انك تنزلها موضوع ترا هذا منتدى مهب شات

و انا اخوك

[تحداني]

خل اتنزلهم بيتنا .. احنه نستقبلهم 24 ساعه

[w.qatar]

الصراحه زوجته شخصيتها ضعيفه و اضح انها مب قادره تواجه اختها و تقول لها عيب عليج تقطين عيالج كل يوم عندنا صراحه الواحد لازم يحس بالراحه في بيته كفايه ازعاج عياله بعد يتحمل عيال خالتهم شحقه

[دااانة قطر]

قولوا لهم احنا ناس نصدع من الدوشه نبي نرتاح
يه اش قلت الادب ذي


في ناس ويهها بليته



المشكلة في ناااس ماتحس وتتعمد

يمكن اخت زوجته تتعمد تجيبهم تبي تطفش الزوج

[jassim69]

الصراحه زوجته شخصيتها ضعيفه و اضح انها مب قادره تواجه اختها و تقول لها عيب عليج تقطين عيالج كل يوم عندنا صراحه الواحد لازم يحس بالراحه في بيته كفايه ازعاج عياله بعد يتحمل عيال خالتهم شحقه

بيض الله وجهك هاذي النقطه المهمة شخصيتها ضعيفه راس المشكلة
من اهنيه لازم تنحل المشكلة :nice:

[ودي أكون]

لازم اتوضح الاسباب اول شيء اخوي وعقب اطلب الحل ..!

ليش هي اتنزلها يومياً .. هل اتنزلهم فترة دوامها يعني .. محتاجه حد حق اليهال .!؟
هل ماعندها خدامه .. فعشان جي اتنزلهم حتى بعدم وجودكم مدام الخدامه موجوده ..!؟

اسبابها شنهي .. اذا كانت الحاجه .. فاحتسب الاجر اخوي ودامك بيتوتي لاعبهم وطلعهم والحياه حلوه .. ليش الهم والكدر ..!؟


اما اذا ماكانت محتاجه نعطيك حلول ان شاءالله ..

قصدي نعطي ربيعك

[علي مهنا]

والله ياخوي عندنا مثل يقول اللي مايستحي لاتستحي منه وانت من حقك الراحه في بيتك ومع عيالك دون وجود شريك في حياتك يقلب بيتك ومن اللحظه هذي كلم زوجها لانه فعلا مايستحي وخبره بان زوجتك وعيالها مسببين لك زحمه وخله يزعل بالطقاق اللي يطق راسه

كلام سليم

[أخت الكل]

قله حيا

وش هالام اللي تهمل عيالها حتى لو في بيت اختها
ومو زينه بحقه يكلم احد او يشتكي او يتذمر الحل في يد زوجته لازم يشد عليها
وبشكل حازم

[باندول]

الله يصلح حالهم ان شاء الله