المساعد الشخصي الرقمي

مشاهدة النسخة كاملة : مشكلتي ............... مع من ....... مادري


al-vtc
08-09-2013, 11:26 PM
السلام عليكم ورحمة الله وبركاته

اناا سويت حادث اول شهر 7 اللي طاف يعني من شهرين ولين اللحين موتري مقطوط بدووون تصليح

مع اني مب الغلطان دعمنا واحد عنده كتشه تامينها منتهي
المهم طبعا احنا اكثر من موتر اللي دعمنا وموتري اكثر موتر متضرر

الرجال اللي دعمنا قال ما اقدر اصلح لكم وطبعاً المرور قالو عادي بحولها النيابه ومن يوم حولو المرور الموضوع الى النيابه لين اللحين على حسب كلام النيابه بتحول الموضوع للمحكمه ويقول لي اللي في النيابه الموضوع يبي له اكثر من شهر في المحكمه انزين اصلن لين اللحين صار له شهرين عندكم انتو مع المرور

يعني روحه ورده وموتري مقطوط واناا ما عندي موتر غيره ليش ما يلزمون اللي دعمنا بنفس الوقت في المرور بالدفع دامه هو الغلطان وحسب تقرير المرور يعني روح ورد واخر شي الموتر قطه في السكراب لان الشمس والحر والغبار اكل الباقي منه

حد صادفه هالموقف من قبل لا سمح الله ... وشنوو الاجراءات والا اشسوى يفيدنا ....

ما اقوول الا حسبنا الله ونعم الوكيل
توشيبا
08-09-2013, 11:32 PM
@@ ....
New Vision
09-09-2013, 12:28 AM
نعم هالقانون فيه اجحاف مفروض مدام غلطان وتقرير المرور واضح يلزم بالتصليح ولاكن بعض الناس ينكر انه غلطان ويقول ابيها محكمه فالمفروض يكون هناك محكمه مستعجله للامور الي ماتتاخر مثل موضوعك الله يعوضك خير ونصيحتي طالب المحكمه بالتعويض عن الاضرار التي لحقت بك من التاخير
جاري البحث
09-09-2013, 12:42 AM
اذا انت مب غلطان تقدر تصلح موترك على حسابك الخاص وفي المحكمه تطالب بالمبلغ الي دفعته بالفواتير.
والله يعينك تتحمل اخطاء غيرك.
alwahesh
09-09-2013, 12:48 AM
رتقدر بعد. تاخذ تمويل من الجزيره او الاولى او المصرف وتصلح سيارتك والمحكمه تقدم لهم الفواتير
al-vtc
09-09-2013, 01:23 AM
رتقدر بعد. تاخذ تمويل من الجزيره او الاولى او المصرف وتصلح سيارتك والمحكمه تقدم لهم الفواتير

والله اذا يستوي يا ريت
al-vtc
09-09-2013, 09:48 AM
نعم هالقانون فيه اجحاف مفروض مدام غلطان وتقرير المرور واضح يلزم بالتصليح ولاكن بعض الناس ينكر انه غلطان ويقول ابيها محكمه فالمفروض يكون هناك محكمه مستعجله للامور الي ماتتاخر مثل موضوعك الله يعوضك خير ونصيحتي طالب المحكمه بالتعويض عن الاضرار التي لحقت بك من التاخير

اطالب المحكمه ؟؟؟
يعني اقوم محامي واناا مب ناقص مصاريف وروح ومادري شنووو ...
والله عباله
مرحوم قطر
09-09-2013, 10:06 AM
الشيخ صلح موترك على حسابك الخاص

و عط النيابه الفاتوره

بس بلغهم قبل لان اعتقد في ورقه لازم توقعها
al-vtc
09-09-2013, 01:50 PM
الشيخ صلح موترك على حسابك الخاص

و عط النيابه الفاتوره

بس بلغهم قبل لان اعتقد في ورقه لازم توقعها

سألتهم في النيابه عن هالشي يقولون كيفك بس روح بالفواتير المحكمه
حسيت انه حقي بيضيع

انزين اللي ما عنده مبلغ التصليح انه يسبق وعقب بيعوضونه شيسوي


المشكله اني تواصلت مع اللي دعمنا وقال انه عقب الحادث على طول صلح موتره على التأمين ولا تعطل يعني مب هامه شي

اشلون التامين صلح له وهو الغلطان وثاني شي حتى لو شامل اشلون يصلح له وهو عنده كتشه منتهيه
عـ العبيدلي
09-09-2013, 01:51 PM
واحد من الربع صارله نفس الموقف مع اهله ..

واحد فرط التيدر عنده ودعمهم ..

وماعوضوهم اله عقب تقريبا سنه ..
qatarman8008
09-09-2013, 07:10 PM
انا صار لي نفس الحادث.. قالوا لي حاول مع الرجال.. واذا ما رضى حولها محكمة..
حلوة هذي حاول مع الرجال... وانتوا وش شغلكم.. ليش الضعف هذا.. انتوا كشرطة المفروض تجبرونه يصلح غصبا عنه.. واذا تامينه منتهي يدفع غرامة للمرور بعد..
المهم وحولنا الموضوع للمحكمة.. وشهرين انتظار.. رجعت صلحت الموتر وامري لله...
al-vtc
09-09-2013, 10:31 PM
انا صار لي نفس الحادث.. قالوا لي حاول مع الرجال.. واذا ما رضى حولها محكمة..
حلوة هذي حاول مع الرجال... وانتوا وش شغلكم.. ليش الضعف هذا.. انتوا كشرطة المفروض تجبرونه يصلح غصبا عنه.. واذا تامينه منتهي يدفع غرامة للمرور بعد..
المهم وحولنا الموضوع للمحكمة.. وشهرين انتظار.. رجعت صلحت الموتر وامري لله...

لا حول ولا قوة الا بالله

هنا الغبنه واناا خوووك

يا رجااال المشكله تحس حزات ان المرور والا الشرطه توقف مع الغلطان

يعني اناا اطلع وادعم العالم واقول لهم ارفعوها محكمه

اشدعوووه وين قاعدين
al-vtc
09-09-2013, 10:31 PM
واحد من الربع صارله نفس الموقف مع اهله ..

واحد فرط التيدر عنده ودعمهم ..

وماعوضوهم اله عقب تقريبا سنه ..

:eek5::eek5::eek5: سنه :eek5::eek5::eek5:
شروووق
13-09-2013, 11:40 PM
الله يعينك والحمد لله على سﻻمتك