يالمرور و يا اوريدو .. نبغي ضوابط للتصرف في الأرقام المميزة

[وجه السعد 2]

طبعا الكل شايف و سامع عن تجارة الأرقام المميزة سواء للسيارات و الجوالات واللي وصلت لأرقام خيالية !!!!!!!
و مع الأسف مافي هناك أي ضوابط او حدود للتصرف في هاذي الأرقام من الجهات المسؤولة .. بحيث يمنع التصرف او بيع الرقم المميز الا بعد تسجيلة بسنة على سبيل المثال .. يعني حرام الصراحة الواحد ينجبر يدفع عشرات الألاف في رقم كان قبل فترة مجاني او ما يسوى اكثر من 500 ريال !!!!!!!!!!
والمشكلة ان المستفيد من هالعملية فئة صغيرة تتلاعب في بيع و شراء الأرقام و توصلها لمبالغ خيالية !!!
فهل من مجيب !!!!!!!!!!

[طموحي عالي]

ماعتقد في مجيب صراحه
لان بكل سهوله بيقولك شلي حادك تاخذ رقم مميز وبالسعر الفلاني

[7llo]

ياخي الارقام المميزه مصيبه الربع والاهل يصيدونك في كل مكان تروحه وماتقدر تكذب واتشرد منهم لانهم يكونون حافضين رقم السياره , يازين الارقام السلطه

[سعادة الوزير]

بالنسبة لأوريدو انا اشوف الموضوع اهون ، لان الارقام تنصرف بالكمبيوتر ومافي تدخل بشري في الموضوع الا بالنسبة للارقام المميزة جدا هاذي فعلاً فيها لعبة ولكن بشكل محدود.

لكن الطامة الكبرى بالنسبة للمرور ، الحين اللعبة صارت في الارقام الخماسية ، والكل يعرف ان عشرات الالاف من الوافدين عندهم سيارات قديمة بارقام خماسية اصبحت مميزة ، ولما يروح يجدد ويطالبونه بتمميز الرقم عن طريق دفع 500 ريال ، ممكن انه يرفض ويركب رقم عادي بداله ، هني الموظف بامكانه حجز الرقم لنفسة وبيعة بقيمة تتراوح بين 10 الى 30 الف ريال بالنسبة للرقم الواحد!! ، يعني لو الموظف عمل هالحركة مرة او مرتين فقط كل اسبوع ، ممكن انه يطلع مبلغ يصل الى 200 الف ريال شهرياً ، وهذا طبعا فساد مالي واضح جدا واستغلال للوظيفة!

المفروض من الاخوان في المرور لو كان عندهم شوية جدية في الموضوع ، انهم يضعون اكشاك في المرور لصرف الارقام المميزة ، او من خلال موقعهم على الانترنت ، وان يتم وقف صرف الارقام من خلال الموظفين.

[العلم]

كل شيء وراه مبالغ يتلاعبون فيه الفوق فوووق .. والأمثلة كثيرة .. عندك مثلا العزب مايوزعون عزب على الناس الحين وناس ماخذين اكثر من عزبة قبل والحين اسعارهم توصل 300 الف .. يعني تلاعب في تلاعب ولا حسيب ولا رقيب .. كل واحد منهم يستغل الفرصة دام انه فالمنصب .. والفرصة ماتتكرر دوم :shy:

[الجوكر90]

ماتبي تدفع ﻻتشتري
انت راح اتم انت برقم قيمته 500 ريال
او رقم قيمته مليون
ليش تربط نفسك فرقم
ترى مب شرط الي عنده رقم هيبه يمكن بالشكل صح هيبه والناس مظاهر
بس جي انت تلغي قيمتك وراح يكون عندك نقص
طبعا هالكلام عام مب خاص حق شخص معين