رخام البيت

[باندول]

السلام عليكم ورحمه الله وبركاته
بغييت رخام للغرف حجم 30 في 30 بسعر معقول
ممكن تنورنا بارك الله فيكم

[باندول]

ابـــــــــــــــوك يا صبي

وين الخبراء افا

[Chambray]

السلام عليكم ورحمه الله وبركاته
بغييت رخام للغرف حجم 30 في 30 بسعر معقول
ممكن تنورنا بارك الله فيكم

ايش نوع الرخام يالغالي
بعدين 30 في 30 ماتحس صغير !!

خصوصاً في الرخام الطبيعي

حلاته 60 في 60 او 90 في 90

وهناك اكثر من نوع
لكن اشهر نوع هو الكريم مارفيل
متره في حدود 250 - 500 ريال

اذا غرفتك 5 في 5 يعني محتاج 25 متر
اذا قلنا السعر في حدود 350 ريال المتر
فراح يكلفك 8750 ريال ( من غير تركيب )

وانصحك في محل ( الرخام الذهبي )
مع ان موجود في السوق اكثر من 150 محل رخام

لكن انا افضل هذا المحل صراحة :nice:

[باندول]

مشكور يا Chambray
يا طويل العمر عندي صالات داخليه خلصت منها وركبت 60 في 60 كريم مارفيل ايطالي
والمجلس ركبت منه 30 في 60
وماعجوبني بصراحه .. بس باقي لي الغرف حبيت انوع بحجم الرخام و احب الصغير خبرك تعودنا على بلاط الي يحطون عليه الزوليه .. بس نبغي شوي نمشي مع تطور العمراني .. والله يعيني من بروده الصاله وانا متعود امشي حافي في البيت

[Chambray]

مشكور يا chambray
يا طويل العمر عندي صالات داخليه خلصت منها وركبت 60 في 60 كريم مارفيل ايطالي
والمجلس ركبت منه 30 في 60
وماعجوبني بصراحه .. بس باقي لي الغرف حبيت انوع بحجم الرخام و احب الصغير خبرك تعودنا على بلاط الي يحطون عليه الزوليه .. بس نبغي شوي نمشي مع تطور العمراني .. والله يعيني من بروده الصاله وانا متعود امشي حافي في البيت

والله انا عن نفسي احب انواع غير عن الكريم مارفيل

احب مثلاً : اللايت امبرادور ( اليوناني ) فيه عروق واحب العروق بالرخام
ايضاً : التاسوس الابيض ( وهو نفس رخام الحرم )

صراحة انواع الرخام كثيره جداً .. عاد انت وذوقك

[باندول]

لكل عصفور شجرة و لكل رسم معنى مثل بتاني

والله اخوي العزيز البيت كبير والغرف كثيرة وكل غرفه مع غرفه ملابس نقول بحدود مايقارب 800 متر من غير الصالات والميلس الي خلصوا وتم تركيب رخام لهم

وهذا جلال البنغالي مرتحت له بصراحه

هل عندك خلفيه هل اقدر استورد رخام من سعوديه ولا ممنوع

[الواافي]

الغالي عندك محل بنوراما في الصناعيه
الرخام الذهبي

في محل مقابل العاصمه اسمه شوش للرخام

[باندول]

تسلم اخوي الواافي ان شاء الله امر عليهم

جعل والديك الجنه

[اللوز]

بس نبغي شوي نمشي مع تطور العمراني ..

التطور العمراني مش بالجمال
وانما بالشي العملي ووضع كل شي في موضعه

شوف اخوي
الرخام ما يصلح للغرف نهائيا
حتى الصالات ما يصلح
فقط يصلح للاماكن التي ليس عليها اقبال كبير ومن ضمنها المجالس

اللي يقول لك يصلح
تعال بعد سنتين بتلوع جبدك !!
والسبب ان الرخام طبيعي فيتميز بكثرة تشربه للسوائل
فمثلا عندك ( بجاه ) أطفال الله يحفظهم لك
ما يعرفون
شبه يوميا
يقطون المشروبات الغازية
ناهيك عن الخدامة لما تنظف الارضية بمواد التنظيف الكيميائية
فتتضطر بعد مدة تجلي الرخام ( عمل بوليش - تلميع الرخام ) وهذه المرحلة تزيل طبقة من الرخام

فما الحل :weeping::weeping::weeping:
الحل انك اتشوف بورسلان نفس الرخام ويكون السطح شوي خشن
فهناك بورسلان نفس تشكيلة الرخام والمتر ينباع تقريبا ب 180 ريال عند محل سيراميك الخليج - طريق سلوى
مع العلم ان الرخام النوع بورلاتو ارخص من هذا النوع من البورسلان
ولا تنسى انك تركب البورسلان بطريقة 45 درجة في الغرف ليتناسب من الناحية الجمالية
وبالتوفيق :victory::victory::victory:

[باندول]

التطور العمراني مش بالجمال
وانما بالشي العملي ووضع كل شي في موضعه

شوف اخوي
الرخام ما يصلح للغرف نهائيا
حتى الصالات ما يصلح
فقط يصلح للاماكن التي ليس عليها اقبال كبير ومن ضمنها المجالس

اللي يقول لك يصلح
تعال بعد سنتين بتلوع جبدك !!
والسبب ان الرخام طبيعي فيتميز بكثرة تشربه للسوائل
فمثلا عندك ( بجاه ) أطفال الله يحفظهم لك
ما يعرفون
شبه يوميا
يقطون المشروبات الغازية
ناهيك عن الخدامة لما تنظف الارضية بمواد التنظيف الكيميائية
فتتضطر بعد مدة تجلي الرخام ( عمل بوليش - تلميع الرخام ) وهذه المرحلة تزيل طبقة من الرخام

فما الحل :weeping::weeping::weeping:
الحل انك اتشوف بورسلان نفس الرخام ويكون السطح شوي خشن
فهناك بورسلان نفس تشكيلة الرخام والمتر ينباع تقريبا ب 180 ريال عند محل سيراميك الخليج - طريق سلوى
مع العلم ان الرخام النوع بورلاتو ارخص من هذا النوع من البورسلان
ولا تنسى انك تركب البورسلان بطريقة 45 درجة في الغرف ليتناسب من الناحية الجمالية
وبالتوفيق :victory::victory::victory:

ماشاء الله عليك يا اخوي اللوز وانا اشهد انك عسل وسكر واللوز
كفيت وفيت
بس حبيت افيدك بشغله رخام بورلاتو فيه نوعين بقطر اصلي وغير اصلي الايطالي
الاصلي 30 في 60 يتراوح سعرة 125 ريال وهو اجود انواع الرخام يستحمل الماء ولاتتعلق فيه الاوصاخ من عصير وخلافه وسعر البورلاتو 60 في 60 غالي 250 للمتر
اما البورسلان الي بقطر 200 ريال خارج قطر تحصله 50 ريال مهما كانت جودته يعني الكلام مافي مقارنه حصلت بورسلان في السعوديه بـــ 80 ريال المتر ونفسه في دبي 45 ريال قبل الخصم

...لكن انا شايف قبل من كم سنه قبل لا اسوي ..رخام 30 في 30 يصلح لكل اماكن الي في البيت ..هذه الي انا اسائل عنه وان مخاب ظني مكتوب عليه مركز قطر لرخام ز

عموما مشكور اخوي اللوز وبارك الله فيك

[شموخ دائم]

,

,


مرحبا


موفق ان شاء الله

ما شاء الله خبرتك زينه في الرخام ومتابع جيد للانواع

جرب مركز الرخام والجرانيت
عندهم مكان في بروه وعندهم المصنع في الصناعيه
شارع 4 بوابه 69


بالغرف اكثر الناس تفضل الموكيت وانا افضل الموكيت ايضا

ولكن هي اذواق واحتياجات

بالنسبه للرخام ممنوع تصديره من السعوديه الى قطر
يحجزون الشحنه بالجمارك لا تغامر

,

,

اخوك

شموخ دائم

[Chambray]

اذا تبي مساحات كبيره تقدر تطلبه من اسبانيا مثلاً
الكونتينر 450 متر مربع

[ولد المنصور]

فيه محل في نحمه اسمه الهجران مشاهد المسجد والمحل مشاهد الغرب

[معماري قطري]

[COLOR="Blue"]مع الأخ شموخ دايم في الموكيت " الزل " لأنه يعطيك راحة ودفء وعزل عن الصوت .. بس ركب أندرلي نوع زين تحت وخذ نوعية زينه.

الرخام ما ادري ليش استويت ضده .. حتى التكنولوجيا الإيطالية اللي استمرت عقود في انتاج الرخام والغرانيت ألحين بدت تطور تصنيع الغرانيت البورسلاني .. وهو شريحة غرانيت رقيقة تتركب على عجينة بورسلان وينعمل لها تشطيب وحماية بحيث تعطي شكل الغرانيت وقوة وصلابة وإعتمادية البورسلان .. خذت نوع منه من العمودي المتر ب 200 للدرجة الثانية والدرجة الأُولى المتر ب 800 وذلك بعدما وجدت نفس النوع بس غرانيت بسعر 7500 وفوق نسيت بالضبط كم... وبعد التركيب كان قمة في الجمال أسود بخطوط متموجة بيضاء./COLOR]

[بن غيث]

معماري .. يعطيك العافية

صدقني ،، مافي شركة من شركات قطر تستورد من ايطاليا اي منتج من منتجات مواد البناء واﻻحجار
ما عدا شحنات شخصية ﻻفراد فقط ..وهي شحنات بسيطة

وهذا الكﻻم من مسئول في غرفة التجارة اﻻيطالية
ولكن .. الشحنات التي تصل قطر من دول شرق اسيا او من دول الجوار
يكتب عليها انها صناعة ايطالية .. وشهادة بلد المنشاء ايضا

[معماري قطري]

كل شيء يجوز يا بن غيث .. انا خذت هالنوع من العمودي وهو قال لي انه من ايطاليا وركبته وكان جيد كشكل وكنوعية، ولو أحتاج مره ثانية باخذ مثله .. ونوعية ثانية بعد بسمك 14 ملم وبتشكيلة رخام 120 في 60 .. القطعة يركبونها 3 أشخاص .. إثنين يشيلونها وواحد يوازنها بعد على ما قالوا لي ايطالي ووايد زين بعد التركيب واللي يبي يشوف على الطبيعة حياه الله بس بعد اسبوعين إن شاء الله بارجع قطر.

العمودي يقول لي محد يشتري هالنوعيات تعال أي وقت بتحصل عندنا كمية :)

[السويدي 88]

السلام عليكم ورحمة الله و بركاته
اخوي شموخ دائم
هل صحيح ما اقدر اجيب الرخام من السعودية لان انا كنت ناوي اجيبه من الرياض
و انت حطمتني بجملة يتم حجزة في الجمارك
واسف على الاطاله و يسمح لي صاحب الموضوع علي هالمداخلة

[شموخ دائم]

,

,


مرحبا


اخوي السويدي

قبل فتره تم حجز شحنه بسبب المنع من ( جهه السعوديه )

ياريت تتاكد من الجهه المسئوله من خلال الاتصال بالجمارك
او احد المسئولين المختصين قبل ما تستورد
وتحدد لهم انك تبي تستورد رخام من السعوديه
لان بالفعل حصل موقف لاحد الاصدقاء

لعل وعسى القانون تغير ياريت تتاكد

,

,


اخوك


شموخ دائم

[باندول]

,

,


مرحبا


موفق ان شاء الله

ما شاء الله خبرتك زينه في الرخام ومتابع جيد للانواع

جرب مركز الرخام والجرانيت
عندهم مكان في بروه وعندهم المصنع في الصناعيه
شارع 4 بوابه 69


بالغرف اكثر الناس تفضل الموكيت وانا افضل الموكيت ايضا

ولكن هي اذواق واحتياجات

بالنسبه للرخام ممنوع تصديره من السعوديه الى قطر
يحجزون الشحنه بالجمارك لا تغامر

,

,

اخوك

شموخ دائم

هلا بك شموخ الغالي
وين حنا وانت وين الله يهداك في الخبرة
المحل الي ذكرته في بروة والله انك صادق محل ممتاز وفي رجال طيب من الجنسيه العربيه قعدت معاه العام الماضي قبل لا ابني البيت وايامها لاسف محصلت مطلبي عنده واغلب شغله جرانيت عموما بشيك معاه مرة ثانيه لعل وعساي اتوفق
بارك الله فيك وطول الله بعمرك

[باندول]

اذا تبي مساحات كبيره تقدر تطلبه من اسبانيا مثلاً
الكونتينر 450 متر مربع

ان شاء الله طول الله بعمرك ان مالقيت الي بخاطري باستورد من خارج قطر وصيت الربع في اسبانيا
بتزويدي بمعلومات والالوان المطلوبه




فيه محل في نحمه اسمه الهجران مشاهد المسجد والمحل مشاهد الغرب

مشكور يا ولد المنصور بحاول امر نجمه بس مشكله الدوحه من زحمه ماتنطاق
يعطيك الف عافيه ومشكور يا حبيب الكل


معماري .. يعطيك العافية

صدقني ،، مافي شركة من شركات قطر تستورد من ايطاليا اي منتج من منتجات مواد البناء واﻻحجار
ما عدا شحنات شخصية ﻻفراد فقط ..وهي شحنات بسيطة

وهذا الكﻻم من مسئول في غرفة التجارة اﻻيطالية
ولكن .. الشحنات التي تصل قطر من دول شرق اسيا او من دول الجوار
يكتب عليها انها صناعة ايطالية .. وشهادة بلد المنشاء ايضا

نعم صادق
في رخام ايطالي استوردوه ناس حق بيوتهم من ايطاليا دايرك
وايطالي ميه في الميه من حيث الجوده والمتانه

انا معاك في هذا الشي لكن في معلومات يمكن يعرفها شموخ اكثر مني
وقله ناس متدري عنها
وهي انه في شركات اسيويه وشركات افريقيه وتركيه تنتج الرخام
مشابهه لرخام الاسباني والايطالي ومقارب له في لون وشكل وتكلفته
رخيصه لاسباب الايدي العامليه وخلافه
وسيصدرونه على ايطاليه واسيانيا ...واختلط الحابل بنابل يله
دور الاصلي بينهم ... على فكرة الرخام الاسباني الي بقطر ينباع اغلبه تركي
وينباع على اساس انه اسباني
صديق لي في اسبانيا قال لي هلمعلومه والله اعلم من صحتها الرخام في اسبانيا اغلى من قطر لانه استخراج الرخام وصقله والايدي العامله تكلفنا كثير لذلك نستورد النركي برخيص ونبيعه عليكم اساس انه اسباني لربح وسعر الخام الاسباني في اسبانيا غالي ومرتفع جدا .. مستغرب كيف ينباع بقطر ارخص من اسبانيا بنفسها


[color="blue"]مع الأخ شموخ دايم في الموكيت " الزل " لأنه يعطيك راحة ودفء وعزل عن الصوت .. بس ركب أندرلي نوع زين تحت وخذ نوعية زينه.

الرخام ما ادري ليش استويت ضده .. حتى التكنولوجيا الإيطالية اللي استمرت عقود في انتاج الرخام والغرانيت ألحين بدت تطور تصنيع الغرانيت البورسلاني .. وهو شريحة غرانيت رقيقة تتركب على عجينة بورسلان وينعمل لها تشطيب وحماية بحيث تعطي شكل الغرانيت وقوة وصلابة وإعتمادية البورسلان .. خذت نوع منه من العمودي المتر ب 200 للدرجة الثانية والدرجة الأُولى المتر ب 800 وذلك بعدما وجدت نفس النوع بس غرانيت بسعر 7500 وفوق نسيت بالضبط كم... وبعد التركيب كان قمة في الجمال أسود بخطوط متموجة بيضاء./color]
حجي معماري كيف حالك ربك بخير يا الغالي

زوليه مع الايام تنترس غبار وسوي حساسيه وكحه وربو ما فينه شده الكبر شين يا بوك ...ولا ان صادها شوي ماي الله يعينك على البكتيريا والريحه ...بلاااش منها نركب انترلوك في الغرفه احلى