الى أين ياملاّك الأولى للتمويل الى أين ؟

[(بوطلال)]

السلام عليكم ورحمة الله وبركاته...

سؤال أوجهه لملاّك الأولى للتمويل ولجميع المستثمرين
الى أين أنتم متجهون بسعر السهم؟
هل ترون أن سعره العادل أكثر مما هو عليه الآن؟
أم أن فئه منكم تورطت بأسعار عاليه والفئه الأخرى ترغب بالتصريف بأسعار خياليه؟
بصراحه...
مايحصل في السهم يذكرني بما يحصل في سوق السيارات (تحت المكرفون).. سياره يرغب صاحبها (الشريطي) في بيعها... ومعاه مجموعه من ربعه يرفعون السعر (والسياره ماتسوى) أمّا لأنها (خربانه وفيها بلى) أو( سعرها أقل بكثير)..وآخرتها تلزق السياره في لحية أقرب مغفّل

أتمنى أجد أجابه منكم شافيه وافيه ومقنعه

يعطيكم العافيه

[العذبي]

يعطيك العافيه ....
الصراحه كلامك منطقي وسعر السهم حده 30 ريال لكن الجماعه ملاك الاسهم الله يجزاعم خير يبون يساوووونه بسعر البنوك.. وهذا كلام ما يدش العقل.. وهذا تلاعب .. انا سار لي اسبوع ابي اشتري ومو قادر.. لا نزلوا اسهم نشتريها ولا خلونا نشتري في البنوك. يوم انها نازله ضاعت علينا الفرص بسعر المعقووول للبنووك
. الصراحه من اليوم حلفت ما اشتري فيه .. والشرهه على اللي بيحطون طلابات للشراء المفروووض الكل يسحب اطلبه على شان الربع يطرحووون الاسهم بسعر عدل مو خيالي نفس اللي هم حاطينه في بالهم..

[امير الاسهم]

سهم الاولى للتمويل صار خطر ولازم الواحد ياخذ حذره من ذي السهم لانه

اذا صرفوا اسهمهم اصحابه بينزل نزول كبير .

اتمنى ان ملاكه يبيعونه بسعر مناسب والسعر العادل له بس في نفس الوقت

مابي يكون هناك مبالغه في السعر ويتورط فيه ناس وهو بسعر عالي .

الله يوفق الجميع

[ManKSA]

الشركة مرفوع عليها قضيتين ارجو الحذر ،،،،، وللتاكيد اتصلوا على الشركة ولن يستطيعوا نفي الموضوع.

[برزان1]

ملاك سهم الأولى للتمويل ليسوا ناس عاديين فهم من كبار المستثمرين وكل واحد فيهم يعرف الآخر وهناك تنسيق واتصالات تتم بينهم وقد يصلوا بسعر السهم إلى ما فوق الخمسين ريال حتى لو قل الطلب على السهم في الأيام القادمة ونزل سعره فلن يخسر ملاكه شيء لأنهم اشتروا السهم بسعر قليل حتى الأسهم التي تم تداولها منذ نزول الشركة في البورصة تم تداوله فيما بينهم

[الأختصاصي]

الظاهر الي 100 ريال

[العقيد]

الشركة مرفوع عليها قضيتين ارجو الحذر ،،،،، وللتاكيد اتصلوا على الشركة ولن يستطيعوا نفي الموضوع.

ارجو الحذر من شراء السهم بأكثر من 40ريال خاصه ان بروكر في احدى شركات الوساطه اكد لي ان 80% من الطلبات هي لاصحاب الشركه لدعم السهم..

[الزاجل]

بالمبارك عليهم ..
اسهمهم وهم احرار فيه يوصلونه ان شاءالله القمر مب حتى 1000 ريال ..
المهم اللي متخوف لا يقدم طلبات في الأولى ..

ويالتوفيق للجميع ..

[ابن البيطار]

ملاك سهم الأولى للتمويل ليسوا ناس عاديين فهم من كبار المستثمرين وكل واحد فيهم يعرف الآخر وهناك تنسيق واتصالات تتم بينهم وقد يصلوا بسعر السهم إلى ما فوق الخمسين ريال حتى لو قل الطلب على السهم في الأيام القادمة ونزل سعره فلن يخسر ملاكه شيء لأنهم اشتروا السهم بسعر قليل حتى الأسهم التي تم تداولها منذ نزول الشركة في البورصة تم تداوله فيما بينهم

يعني شلون لهم ثلاث عيون وطالعه لهم يد وسط يطنهم :funny:

[QIIK]

طلبات وهميه لشركه غامضه
الله يستر على المساكين اللي بيتعلقون فيها

[مقيم]

اعود ... واكرر ... الحذر من سهم الاولى ... فهو ليس افضل بسعره هذا من السلام او ناقلات او بروة او الريان

[shared]

اعود ... واكرر ... الحذر من سهم الاولى ... فهو ليس افضل بسعره هذا من السلام او ناقلات او بروة او الريان
اوافقك الراي الرجاء الحذر و التريث علشان ما تتعلقون باسعار غالية ...
انا مب ضد السهم بس هذي لعبت و ما نبي الناس تصير لها مثل ما صار لنا احنا في اسهم ثانية...
و الله يوفق الجميع

[Mercedes]

يعطيك العافيه ....
الصراحه كلامك منطقي وسعر السهم حده 30 ريال لكن الجماعه ملاك الاسهم الله يجزاعم خير يبون يساوووونه بسعر البنوك.. وهذا كلام ما يدش العقل.. وهذا تلاعب .. انا سار لي اسبوع ابي اشتري ومو قادر.. لا نزلوا اسهم نشتريها ولا خلونا نشتري في البنوك. يوم انها نازله ضاعت علينا الفرص بسعر المعقووول للبنووك
. الصراحه من اليوم حلفت ما اشتري فيه .. والشرهه على اللي بيحطون طلابات للشراء المفروووض الكل يسحب اطلبه على شان الربع يطرحووون الاسهم بسعر عدل مو خيالي نفس اللي هم حاطينه في بالهم..

كلامك عين العقل ... ولله العظيم اني احاتي الناس اللي بيشترونه بأعلى سعر ... ايش راح يكون مصيرهم ... الله يعينهم مقدما

[المراقب]

سهم المصيدة ....

[برزان1]

يعني شلون لهم ثلاث عيون وطالعه لهم يد وسط يطنهم :funny:
لا يا الخال ما هو هذا قصدي

قصدي أنهم من كبار المستثمرين ويعرفون كيف يتصرفوا في السوق وليس مثل بقية ملاك أسهم الشركات الأخرى مع الخيل يا شقراء!!!