!!! سـرقـــة سيــــارة عند محل رامــــز !!!

[fhd4]

السلام عليكم...


سرقت سيارة رفيجي اليوم من أمام محل رامز عند محطة البترول خلف اللاندمارك ...

شفرولية تاهو موديل 2007
اللون أسود

رقم السيارة 60331

اللي يشوف السيارة أو عنده أي معلومات ياليت يبلغ الشرطة أو يبلغنا ...

[بريق الحق]

الله يعينه

[مخطط قطري]

يمكن واحد من ربعه حب يتغشمر وياه وسرقاها الشارع كامل مراقب وفي دقايق يطلعونه

[الدوحة 2010]

الله يعنية بس غريبة سرقة في الدوحة

[النهار]

لاحول ولاقوة الا بالله

[ولد الشحانية]

اشووف الموضوع ماله داعي مدام بلغ الجهات المختصه

[Amigo]

الله يعينه ومب اول مره تصير

[ودي أكون]

هاي اذا مابقوها الاسيويين .. واحين صارت سكراب :rolleyes2:


الرقم للبيع :shy:

[قلبي الطيب]

الله يعينه ويرجعها له سالمة
عبالي اكسروا الجزاز واسرقوا داخلها طلع السيارة بكبرها
اهنيه دور الشرطة

[بصمة قطرية]

الله يعينه
بس شلون إنسرقت
هل كانت شغالة والسويج فيها ..!!

[Locale]

حسبي الله ونعم الوكيل فيهم

[فــلان]

اشووف الموضوع ماله داعي مدام بلغ الجهات المختصه


لا كيف ماله داعي إلا له داعي ونص

الرجال يبلغنا وينشر بيانات السياره لعل أي شخص بيمر على الموضوع ممكن يشوف رقم السياره ولين سكر جهازه وطلع يلقى الموتر مار عليه.

إن شاءالله أخوي بيلقاه لا تحاتي عندي واحد من الشباب الفجر دق سلف يصخن موتره ودخل يشرب شاي ويوم طلع مالقى الموتر جانا الدوام متكدر وعقبها بأسبوع لقوا سيارته على حطتها في أحد الأماكن.

[ha083939]

شلون انسرقت ؟ يعني نسى المفتاح داخلها
ولا بطلها وشبك وايرات وشغلها؟

[اكاديمي]

لاحول ولاقوة الا بالله

[BoFahed]

اتوقع والله اعلم المكان في المواقف اللي ورا رامز وخدمة السيارات اي سي ديلكو كان من فترة جيم

وايد يصفون ويخلونها بالايام اذكر مرة شفت واحد كم سيارة من مناقصة كروة راعيها قطها بالشهور هناك والمكان اصلا مظلم فاكيد واحد ولد حرام طمع وباقها

النصيحة يا شباب لاحد يخلي موتره فترة طويلة بمكان مخشوش واذا حد قط موتره في كراج بالصناعيه ياخذ وصل استلام وياكد على راعي الكراج بانه يتحمل كامل المسئولية عنها

البلد امتلت عمالة واحنا صرنا مستهدفين من جميع العالم بسبب طيبتنا الزايدة والاعلاماغنى دولة بالعالم اغنى شعب الخ الخ وقمنا نشوف مسجات(سحر وبنات للتعارف -شركات سياحة وهمية-عصابات طرارورة وغيره وغيره وسيارات القطريين تنعرف وللاسف يبقونها ويقولك هذيه فلوسهم زايده شنو يعني سيارة

[fhd4]

يمكن واحد من ربعه حب يتغشمر وياه وسرقاها الشارع كامل مراقب وفي دقايق يطلعونه

صعبة ... السيارة كانت عند الدريول ... والله يهديه نزل المحل دقايق والسيارة شغالة ...

بلغ الشرطة ... وإن شاء الله يحصلونها...

ومحتاجين مساعدتكم الطيبة ...

[BO SAUD]

الله يرجعله ضالته ان شاءالله
اخوي مابغي احط بذمتي بخصوص السايق بس خل الشرطه يحققون معاه يمكن يكون على اتفاق مع السارق

[أبو يووسف]

نفس الشيء سيارة أخوي في رمضان انسرقت من قدام بيته في الليل، مع العلم بأنه السيارة ماكانت شغالة، وكانت مقفولة، ولين الحين ماحصلوها، وما في أمل يحصلوها

[قطــ علي ــر]

جزاك الله خير اخوي فهد على الفزعه

حسبي الله ونعم الوكيل

[MaRuKoO]

هذيلا الاسيويين يبيلهم ضرب قبل لا يتسفرون عشان يكونون عبره ماصاروا يخافون من شي

[Qt.1]

احنى في قطر والا وين ! من متى نسمع عن سرقة السيارات ومن متى صار هالشي طبيعي !

[عزووز قطر]

مابي أحط في ذمتي بس أتوقع ان السايق متفق مع السارق ،، لأن المحطة ماتفضى من الشباب خصوصاً ان المحطة فيها كرك النعيمي ووقت الشاي

الموضوع شوي محير وأتمنى يحققون مع السايق

وان شاءالله يحصلونها

[l0o0rd-qtr]

اخبر اللي يبي يسرق شي يسرقه في مكان مافيه احد

اما يسرق موتر قدام خلق الله يمكن والعلم عند الله متفق مع الدريول

انشالله تلقون الموتر وياخذ السارق جزاه

[الإكسير]

مابي أحط في ذمتي بس أتوقع ان السايق متفق مع السارق ،، لأن المحطة ماتفضى من الشباب خصوصاً ان المحطة فيها كرك النعيمي ووقت الشاي

الموضوع شوي محير وأتمنى يحققون مع السايق

وان شاءالله يحصلونها

هههههههههههههاي .....ممكن تفيدنا راعي السيارة وش مستفيد من الحركة هذي؟؟؟؟

[وحيد-الشوق]

ان شاء الله يحصلها في اقرب وقت ويارب تنشل يد الحرامي ولايقدر يحركها

[اللوز]

نتمنى من الادارة تثبيت الموضوع لحد العثور على السيارة

[التميمي 3]

غريبه في قطر وتسرق السياره

طيب وين يبي يوديها أو شسوي فيها

[بوحارب]

الله يعينه


نصيحة يا جماعة لحد يخلي موتره شغاله وينزل مكان

ترى الحرامية في كل مكان !!

[مضارب دوسري]

الله يعينه


نصيحة يا جماعة لحد يخلي موتره شغاله وينزل مكان

ترى الحرامية في كل مكان !!

الله يجزاك خير


بس موتره شغاله ضحكتني هههههههه :telephone:

[NBA_]

الله يعينه ويحصله ف أقرب وقت باذن الله

[العقل المدمر]

هههههههههههههاي .....ممكن تفيدنا راعي السيارة وش مستفيد من الحركة هذي؟؟؟؟


السايق مب راعي السياره :shy:

[rayyani4ever]

اجااانب و اجااانب


معظم الحالات اللي مرت علي سواء من الاهل أو الربع طلعوا اللي بايقين الموتر عيال البلد



مراهقين و عبالهم السالفه لعب..

[wesam82]

حديث: اللهم يا جامع الناس في يوم لا ريب فيه, اجمع بيني وبين ضالتي, ويجوز أن تذكر اسم الشيء المفقود

[العساس]

السايق اذا بيخلي الموتر شغال راح يخلي التلفون داخل السيارة وان كان تلفونه معاه فالامر فيه شك

انصح بمراقبة تلفون ااسايق من خلال الشرطة

اذا له علاقة راح تتضح الامور مع الوقت


اهم شي تعطونه الامان

[السيف5]

ان شاء الله تلاقيها يارب

تكثيف تحريات الشرطة باماكن الاجانب المظلمه مطلوب

[ابو تميم11]

الله يعينكم
والله له داعي ينشر الموضوع ومواصفات السيارة في المنتديات والبلاك بيري
يمكن حد يشوف السيارة .قبل سنة تقريبا انسرق موتر البيت المغرب من
شارع ام الدوم وبلغنا الشرطة الله يعطيهم العافيه ونشرنا الموضوع
علبلاك بيري الساعة 12 فالليل واحد الله يجزاه خير شاف الموتر
في الناصرية مع مراهقين يستعرضون فيه بعد
ماعرف مواصفاته في البلاك بيري وبلغنا .

[امـ حمد]

الله يعينه

[اللوز]

نتمنى وضع اعلان
في الجرائد
فيس بوك
تويتر
انستغرام
عن سرقة سيارة

[لاجئ عاطفي]

لحد يقول غريبه وماتصير ومن هالكلام والله ان واحد من الربع انباق موتره وهو في طبيلة البيت واللي باق الموتر مراهقيين راحوا يستعرضون بالموتر فنصيحه لاي واحد لايترك سيارته شغاله وينزل منها حتى لو دقايق الحرامية يامكثرهم وانا صارت معاي اسرقوا منظرة سيارتي الجانبيه وهي في مواقف طواري الاطفال في السد وفي وضح النهار ولقيت في مركز الشرطه وانا ابلغ رجال اسرقوا كيمرة سيارته وشبك السياره وهي واقفه جدام بيتهم فنصيحه يجب على الكل اخذ الحيطه والحذر ..

[(بوطلال)]

الله يعينه


نصيحة يا جماعة لحد يخلي موتره شغاله وينزل مكان

ترى الحرامية في كل مكان !!

شغاله ولا خدامه ههههههههه:tease:

[الجوكر90]

لا كيف ماله داعي إلا له داعي ونص

الرجال يبلغنا وينشر بيانات السياره لعل أي شخص بيمر على الموضوع ممكن يشوف رقم السياره ولين سكر جهازه وطلع يلقى الموتر مار عليه.

إن شاءالله أخوي بيلقاه لا تحاتي عندي واحد من الشباب الفجر دق سلف يصخن موتره ودخل يشرب شاي ويوم طلع مالقى الموتر جانا الدوام متكدر وعقبها بأسبوع لقوا سيارته على حطتها في أحد الأماكن.

هههههههه
ياخي عندي سوال
يدق سلف ويشرب شاي ليش
خل يشرب شاي ويعدين يدق سلف
ترى مال اول تسخن الموتر الحين بس 20 ثانيه وتتحرك
اخبر مره فالبي ام ابوي كان معاي شغلت الموتر ابوي قالي ليش ناطر تحرك قلت له شوي تسخن قالي انت من صجك البي ام مايحتاي تسخن
واغلب السيارات مايحتاي تسخن اقصد الجديده

[الجوكر90]

انا الحمدلله حتى لو بنزل الدكان دقيقه اصكر الموتر
الحين مب مثل قبل الدنيا امان
فغمضة عين الموتر ينباق

[طاش]

الله يرده عليه ان شاء الله

[المستعصم بالله]

أنا إذا كنت نازل الدكان مثلاً أو الصيدلية أو أو أو فأترك السيارة شغالة وأقفل الأبواب الخارجية فقط .

[fhd4]

جزاكم الله خير على ردودكم جميعاً ...

مازال البحث جاري عن السيارة ...

[بوخالد911]

حديث: اللهم يا جامع الناس في يوم لا ريب فيه, اجمع بيني وبين ضالتي, ويجوز أن تذكر اسم الشيء المفقود

[MAZEN37]

اشووف الموضوع ماله داعي مدام بلغ الجهات المختصه
سبحان الله يمكن احد الاعضاء يشوفها قدامه ويبلغ
ماتدري

[@فهد@]

الله يرد عليك سيارتك ,ظاهره غريبه سرقةالسيارات في قطر

[hot2000]

الإهمال أهم أسباب سرقة السيارات

في الدول الأوروبية والأمريكية سرقة فيها أي أهمااااااال ما يفتحون لك بلاغ

الله يعينه

[وبشرالصابرين]

اخوي لو تحط صوره السياره احسن

[ولد الشحانية]

سبحان الله يمكن احد الاعضاء يشوفها قدامه ويبلغ
ماتدري

اوكي بس المال السايب يعلم السرقه
وهنا منتدي والناس من خارج الدوله تقرا مب زينه كل شي ينكتب مدام بلغ الجهات المختصة اللي ماراح يقصرون بالبحث عنها والناس اللي بره بتاخذ نظره علينا

[الكواري 1972]

يأخذون نظره

حلوه

[شروووق]

اكيد نزل من السيارة وخلاها تشتغل
المال السايب يعلم السرقه

[اللوز]

لقو السيارة ؟؟؟

[العنيده]

الله يعينهم ان شاء الله .. صرنا نتوقع كل شي من زيادة العماله في الدوله يعني نرص السياره في البيت ولانربطها بسلاسل .. سرقة البيوت والحين السيارات الله يبعد عنا شرهم

اللهم ادم علينا نعمة الامن والامان على بلدنا وجميع بلاد المسلمين ,,

[Ba6A]

الله يعينه مسكين وانشالله ترجعله ..

[MAZEN37]

اوكي بس المال السايب يعلم السرقه
وهنا منتدي والناس من خارج الدوله تقرا مب زينه كل شي ينكتب مدام بلغ الجهات المختصة اللي ماراح يقصرون بالبحث عنها والناس اللي بره بتاخذ نظره علينا
الحمدلله ماهي بقضية جايده والسرقات موجوده بكل الدول عادي عمال وايد والحمدلله البلد امان من قديم وفكره مال سايب اخالفك يمكن يبيلنا حرص زود لكن الكل يوقف سيارته شغاله وبالساعه ولا صادنا شي الحمدلله

[الكنترول]

لاحول ولاقوة الا بالله
صراحة شيء يخوف سيارة تنسرق
ما يخاف السارق

[fhd4]

اوكي بس المال السايب يعلم السرقه
وهنا منتدي والناس من خارج الدوله تقرا مب زينه كل شي ينكتب مدام بلغ الجهات المختصة اللي ماراح يقصرون بالبحث عنها والناس اللي بره بتاخذ نظره علينا

الشرطة بنفسهم قالوا للرجال ... اكتب عنها في تويتر والواتس اب والمنتديات !!

[ولد الشحانية]

الشرطة بنفسهم قالوا للرجال ... اكتب عنها في تويتر والواتس اب والمنتديات !!

غريبه....!

[CH Engineer]

يقولون هاليومين سيارات كثيرة ينسرق الي داخلها

[المحاميه]

شدعوه

شلون باقوها؟؟

والله استغربت وانا اقرا الردود ان وايد سيارات انباقات ..
شي غير متوقع

[الصغيره]

هذيلا الاسيويين يبيلهم ضرب قبل لا يتسفرون عشان يكونون عبره ماصاروا يخافون من شي

هذا كله من مخلفات هروب العماله وبلاويهم الصراحه اذا جات على السرقه هانت بس لا تتطور السالفه الى ما لا يحمد عقباها :(

الله يعوضه خير ومب اول مره تصير

[قطــ علي ــر]

الشرطة بنفسهم قالوا للرجال ... اكتب عنها في تويتر والواتس اب والمنتديات !!

الشرطة مافيهم قصور, و التعاون بين الشباب والشرطة شيء مهم ومافيه حرج وخصوصا" ان افراد الشرطة منا وفينا. هذي الحادثه غريبة على البلد و بكره ممكن نسمع حوادث قتل في الشوارع وبيجيك واحد وبيقول ماله داعي هالموضوع خل الجهات المختصه تقوم بالواجب الله يستر علينا.

اتمنى من الجميع عمل برودكاست لحين القبض على المجرمين وتخليص المجتمع من شرهم.

[technical]

بسم الله الرحمن الرحيم ، وين اثر الكاميرات الي على الإشارات ؟ لان إذا الكاميرات شغالة صح معناته ان الخلل في تدريب الشخص المسؤول عن الكاميره ! وموصول الخطأ إلى الذي يتستر عن إعلان عن طريق إحصائيات عن حجم الجريمة في قطر على حسب المناطق الداخلية ، لكن إذا نشروا هكذا معلومات فضحوا قصورهم في مسؤليتهم الأساسية كجهه امنيه مقابل امتيازهم في مجال التقنيات الاكترونيه من صفحة إنترنت وخدمات إلكترونية ، والسلام.

[معماري قطري]

احنى في قطر والا وين ! من متى نسمع عن سرقة السيارات ومن متى صار هالشي طبيعي !

من اللفو اللي ييون من كل صوب وحدب يا بو عبدالله

المفروض يركبون كاميرات أمنية في كل شارع تصور هالأشياء ويكون فريق مراقب يتابع نقل هذي الكاميرات أول بأول ويبلغ بكل شيء مشبوه.. حتى التحفيص والسرعة في الفرجان واليهال اللي يسوقون وغيره.

[مشـــــاعر]

المفروض يركبون كاميرات أمنية في كل شارع تصور هالأشياء ويكون فريق مراقب يتابع نقل هذي الكاميرات أول بأول ويبلغ بكل شيء مشبوه.. حتى التحفيص والسرعة في الفرجان واليهال اللي يسوقون وغيره.

للأسف

إحنا ولله الحمد أغنى الدول وعسى ربي لايغيّر علينا إن شالله
لكن مشكلتنا ماعندنا مميزات (الرقابة) نفس غيرنا من البلاد وأولهم الخليج ..

عموماً الله يحفظنا ويبعد شرّ العالم عنّا

وعسى رفيج راعي الموضوع يلاقي سيارته وتقرّ عينه فيها ..

[fhd4]

جزاكم الله خير على دعواتكم واهتمامكم …

مازال البحث جاري عن السيارة

[بريق الحق]

صوب الصناعية

[راعي الدتسن]

الله يعينه..

[fhd4]

الحمد لله عثرت الشرطة على السيارة في منطقة الغرافة بعد ان تركها السارق باضرار جانبية …
تم اخذ البصمات ومازال البحث جاري عن المتسبب …


http://www.qatarshares.com/vb/attachment.php?attachmentid=85128&stc=1&d=1381062628

[qatari 111]

الله يعوظه ان شاءالله

وان شاءالله يصيدون السارق

[قلب صادق]

الله يعوضك خير وحسبنا الله ونعم الوكيل في كل من ياخذ شي مش له

[OM_OMAR_QATAR]

لاحول ولاقوة الا بالله

[دنيا الاسهم]

عادي سيارتنا انسرقت والشرطة عاجزة تلقاها ،، صار اكثر من 3 سنوات الحمدلله على كل حال
والبركة في الجاليات والاجانب
المهم الحمد لله على رجوع السارة

[technical]

بسم الله الرحمن الرحيم ، الحمد لله الي عقل لك حلالك

[طلعة الروح]

حسبنا الله ونعم الوكيل، سيارة وتنسرق في مكان عام ، وين وصلنا يا بلاد النص مليون مواطن ومن المسؤول عن هالجرايم اللي قاعده تصير في وضح النهار، أما وزارة الداخلية فأتوقع الانفلات الأمني اللي صاير بالدولة بسبب كثرة العمالة السايبه بالبلد واللي صاير وجودها أكبر من إنهم يرصونه، انا اقول (رحم الله امرئ عرف قدر نفسه)!!

[كلمة المرور]

الله يعنية بس غريبة سرقة في الدوحة

تصير واااااجد

وبعدد ما تتصوره