::: أفضل أنواع الدبليو سي والشطاف والمغسله والشاور :: [الأرشيف]

إعلامي قطر

10-09-2013, 05:30 PM

..

بسم الله الرحمن الرحيم..

::: أفضل أنواع الدبليو سي والشطاف والمغسله والشاور ::

يا أخوان شرايكم بالتالي للدبليو سي:

1) كوتو "شركه يابانيه تجميع تايلندي"
تتواجد بشركة عبيدان عند دوار الكتب..

2) توتو "شركة يابانيه تجميع صيني"
تتواجد بشركة نابينا بمنطقة المطار..

3) باقي الأغراض مثل الشطاف والشاور
هل تنصحون بنوع معين أو شركه معينه ؟!

وياليت الخبراء وأصحاب التجارب يعطونا آرائهم
بخصوص أفضل الأنواع للحمامات عموماً أعزكم الله ؟!

بالتوفيق للجميع
إن شاء الله..

..

مضارب دوسري

10-09-2013, 06:09 PM

هلا اخوي
توتو اندونيسي
مب ياباني

افضل تلاقيهمً عند العمودي والتجهيزات المتحده وشبيب والعطيه
بس تاكد كلن وسعره يختلف

الخلاطات والشاور
انصحك بجروهي عند محمد واخوانه فالنجمه
وانصحك تروح كافود اشتري خلاطات ايديل ستاندرد

اما الدبليو سي والمغسله لا تشتري من كافود

وعندك بعد كوانتوار عنده دبليو سي ومغاسل اسبانيه باسعار حلووه
وماركه جيده جدا

وعندك ارام عنده دبليو سي ومغاسل برتغاليه جيده جدا باسعار جدا ممتازه

توتو انصحك تبتعد عنها
لانها تحتاج مسافة 32 سم عن حائط الحمام

وكل الماركات الاخرى 23سم و 24 و 25
ف يعني اذا اشتريت توتو تلزم نفسك ماتشتري غير هالماركه

@north_star@

10-09-2013, 07:41 PM

عندك شبيب وعلي العطية طريق سلوى أو دوار الكتب
عندهم خلاطات جروهي وجاكوب ديلافون الفرنسي وكذلك الحمامت توايفورد الانجليزية

@north_star@

10-09-2013, 07:44 PM

إعلامي قطر

10-09-2013, 10:46 PM

..

مشكورين شباب وجزاكم الله خير..

وراح أمر على هالمحلات وإن شاء الله خير..

بانتظار باقي الأعضاء للإفاده :nice:

وعساكم ع القوه يارب..

..

مضارب دوسري

10-09-2013, 11:40 PM

بالنسبة للتوتو والكوهلر وكل الحمامات اللي على المواصفات الامريكية سنترها من الطوفة لين سنتر فتحة التصريف 30 سم وهالماركات بالذات حط وانسى اخوي واسمحلي على الاضافه :nice:
توتو لا اتفق معاك اخوي نهائيا
والسبب تقدر تروح نابينا وتشوف المعروض من الدبليو سي
وشوف داخل الدبليو سي بتلاقي ترسبات الى درجة الاصفرار مع سواد

التوتو لا انصح فيها بصراحه :(
اول شي البايع قالي ده موديل جديد نازل من كام شهر
خذيت لفه ورجعت للموديل الجديد اللي يقول عنه قلت له يا فلان شلون من كم شهر وفيه الترسبات كانه مستعمل من عشر سنوات
قالي ايوه ده بقى له اكثر من سنه وبصراحه احنا ما ننظف المعروض عشان كده طلعت الترسبات دي :rolleyes2:

ف انا لا ارشحها بصراحه خصوصا ان سابقا كانت من اليابان والحين من اندونيسيا ولما تسال ليش
يجيبولك الموال المعروف
تكلفة المصنع ف اندونسيا اقل من اليابان عشان كده حولوا المصنع لاندونيسيا :discuss:

ف صارت توتو كانها ايديل ستاندرد في منها رخيص مصري واغلى شوي اوروبي وفي منها انجليزي
فاعتقد انهم يجيبون التوتو من اندونيسيا عشان فرق السعر والربخ اكثر والله اعلم

اما الكوهلر وماركه اسمها ديورنت اذا ماخاب ظني
فهم الافضل بصراحه بس السعر غاالي
وكلن حسب ميزانيته
هناك ممتاز غالي
وجيد جدا بسعر مناسب
وجيد بسعر مناسب جدا
وسيء بسعر رخيص

إعلامي قطر

11-09-2013, 12:32 AM

توتو لا اتفق معاك اخوي نهائيا
والسبب تقدر تروح نابينا وتشوف المعروض من الدبليو سي
وشوف داخل الدبليو سي بتلاقي ترسبات الى درجة الاصفرار مع سواد

التوتو لا انصح فيها بصراحه :(
اول شي البايع قالي ده موديل جديد نازل من كام شهر
خذيت لفه ورجعت للموديل الجديد اللي يقول عنه قلت له يا فلان شلون من كم شهر وفيه الترسبات كانه مستعمل من عشر سنوات
قالي ايوه ده بقى له اكثر من سنه وبصراحه احنا ما ننظف المعروض عشان كده طلعت الترسبات دي :rolleyes2:

ف انا لا ارشحها بصراحه خصوصا ان سابقا كانت من اليابان والحين من اندونيسيا ولما تسال ليش
يجيبولك الموال المعروف
تكلفة المصنع ف اندونسيا اقل من اليابان عشان كده حولوا المصنع لاندونيسيا :discuss:

ف صارت توتو كانها ايديل ستاندرد في منها رخيص مصري واغلى شوي اوروبي وفي منها انجليزي
فاعتقد انهم يجيبون التوتو من اندونيسيا عشان فرق السعر والربخ اكثر والله اعلم

اما الكوهلر وماركه اسمها ديورنت اذا ماخاب ظني
فهم الافضل بصراحه بس السعر غاالي
وكلن حسب ميزانيته
هناك ممتاز غالي
وجيد جدا بسعر مناسب
وجيد بسعر مناسب جدا
وسيء بسعر رخيص

أخوي الدوسري شرايك بكوتو؟؟

مادحينها لي بس مادري وين وكيلهم ويقولون
مستشفى حمد حاطين منها بمستشفى كامل لهم !

وباقي الأنواع إللي مدحتهم وآخرهم الكوهلر
ممكن تحطهم لي بالترتيب مع مواقعهم لأني
بكره إن شاء الله راح آخذ لفه عليهم كلهم..

تحياتي للجميع..

..

بن غيث

11-09-2013, 12:50 AM

اذا تبحث عن الجودة .. اﻻنجليزي

إعلامي قطر

11-09-2013, 12:56 AM

اذا تبحث عن الجودة .. اﻻنجليزي

فيه ماركه أو محل معين تدلني عليه الشيخ؟

..

مضارب دوسري

11-09-2013, 01:01 AM

أخوي الدوسري شرايك بكوتو؟؟

مادحينها لي بس مادري وين وكيلهم ويقولون
مستشفى حمد حاطين منها بمستشفى كامل لهم !

وباقي الأنواع إللي مدحتهم وآخرهم الكوهلر
ممكن تحطهم لي بالترتيب مع مواقعهم لأني
بكره إن شاء الله راح آخذ لفه عليهم كلهم..

تحياتي للجميع..

..

من قال لا اعلم فقد افتى
اول مره اسمع عن كوتو ان شاء الله الاخوان يفيدونك

كوهلر شفته عن شبيب والعطيه كان عندهم طقم واحد
واعتقد عندهم محل اسمه كوهلر عند دوار الجيده بس مادري اذا يفتح او لا

كيرماغ نوعيه المانيه ممتازه وسعرها حلو بس عيبها محدودة الاشكال اما الكواليتي :nice: تلقاها عند تدمر

درافيت بتلقاهم عند التجهيزات المتحده

توايفورد تلقاهم عند شبيب العطيه

النوعيه الاسبانيه اللي نصحتك فيها بتلقاها عند كوانتوار اسعاره حلوه بس رص عليه نوعيه جيده جدا

النوعيه البرتغاليه اشتريت منها لاربع حمامات من عند ارام ف طريق سلوى

وجنب كوانتوار فيه محل جكوزي عنده دبليو سي ومغسله ايطاليه اذا ماخانتني الذاكره وسعرهم ايضا حلو

هذا اللي اذكره كنت افتر ادور من شهرين :tease:
انا قسمت البيت عندي العيال اشتريت لهم من البرتغالي
الماستر وحمامات الضيوف من كيرماغ تدمر
والخلاطات كتبتها لك سابقا بس زيد عليهم الخلاطات في نابينا جيده جداا
وبالتوفيق

مضارب دوسري

11-09-2013, 01:06 AM

وطبعا هانز جروهي ايضا ممتازه عند التجهيزات المتحده

Chambray

11-09-2013, 01:14 AM

وطبعا هانز جروهي ايضا ممتازه عند التجهيزات المتحده

صراحة روعه
غاليين لكن سعرهم فيهم

واذا قدرت من برع تجيبهم ارخص .. جيب من برع ..

هانز جروهي ماركه كده :nice:
عن تجربه
hansgrohe
http://www.choicebathroomshop.co.uk/_userfiles/images/Hansgrohe.jpg

شطافات انصحك في شطافات ( جروهي ) غاليين شوي بس :nice:

اما بخصوص الدبليو سي انصحك ترافيت duravit
http://www.duravit.com/
تحصلها عند المتحده

خذ الالماني هو الافضل :nice:

بتدعيلي ان شاء الله

مضارب دوسري

11-09-2013, 01:16 AM

صراحة روعه
غاليين لكن سعرهم فيهم

واذا قدرت من برع تجيبهم ارخص .. جيب من برع ..

هانز جروهي ماركه كده :nice:
عن تجربه
hansgrohe
http://www.choicebathroomshop.co.uk/_userfiles/images/Hansgrohe.jpg

شطافات انصحك في شطافات ( جروهي ) غاليين شوي بس :nice:

اما بخصوص الدبليو سي انصحك ترافيت duravit
http://www.duravit.com/
تحصلها عند المتحده

خذ الالماني هو الافضل :nice:

بتدعيلي ان شاء الله

ههههههههههههههههه انت صح درافيت وانا اقول ديورنت :tease:

خلني اروح اعدل المشاركه :tease:

الشطافات جروهي
بس الشاورات عجبني ايديل ستاندرد اكثر
وكلهم نفس الاسعار تقريبا
محمد واخوانه فالنجمه يبيع جروهي باسعار حلوووه

الســـهم

11-09-2013, 11:17 AM

خذ اللستة الجاية ووكلائها المحليين ..

twyford و jacob delafon عند شبيب وعلي العطية خلف استاذ الدوحة ..

toto عند نابينا على طريق الوكرة ..

cotto عند عبدالله عبيدان جنب دوار الكتب (فريق الغانم القديم) ..

duravit عند التجهيزات المتحدة على طريق سلوى ..

kohler تحت جسر الجيدة بجانب الركن الرياضي ..

villeroy & boch عند العمودي على طريق سلوى ..

ideal standard و american standard عند كافود على طريق الوكرة ..

اما بخصوص المكسرات والشطافات فانصحك بماركتي grohe عند العمودي وشبيب العطية وتدمر ومحمد واخوانه و hansgrohe عند التجهيزات المتحدة ..

إعلامي قطر

11-09-2013, 11:36 AM

خذ اللستة الجاية ووكلائها المحليين ..

Twyford و jacob delafon عند شبيب وعلي العطية خلف استاذ الدوحة ..

Toto عند نابينا على طريق الوكرة ..

Cotto عند عبدالله عبيدان جنب دوار الكتب (فريق الغانم القديم) ..

Duravit عند التجهيزات المتحدة على طريق سلوى ..

Kohler تحت جسر الجيدة بجانب الركن الرياضي ..

Villeroy & boch عند العمودي على طريق سلوى ..

Ideal standard و american standard عند كافود على طريق الوكرة ..

اما بخصوص المكسرات والشطافات فانصحك بماركتي grohe عند العمودي وشبيب العطية وتدمر ومحمد واخوانه و hansgrohe عند التجهيزات المتحدة ..

جزاك الله خير يالذيب..

..

شموخ دائم

11-09-2013, 12:03 PM

,

,

مرحبا

الشباب ما قصروا بالردود

انا من عشاق هذه الماركات

قطع الحمامات

twyford
رخيصه وكوالتي عالي جدا جدا

و

ideal standard
سعر زين وكوالتي عالي

وكل الحنفيات والشطافات وما يتعلق بالماي
اخذ grohe

ولا عمري غيرت عنهم انا صديق لهم وهم اصدقائي
:)

كنت عند شخص معزوم في بيته ( قديم ) من 25 سنه هذا البيت
ودخلت الحمام بعد الاكل وانا دائما شديد الملاحظه بكل شي حولي
لفت انتباهي قطعه الحمام الله يعز الجميع ( twyford )
قلت له من متى هذي القطعه عندك ؟
قالي من 25 سنه موجوده وما بدلتها نهائيا وشغاله من اروع ما يمكن

من بعدها ركبت بيتي كل القطع twyford وكل مكان انصح فيها
صناعه انجليزيه وشكلها بسيط جدا

انا مجرد اذكر هذا من تجربه شخصيه

واكيد الجميع له تجارب مر فيها

اكبر مشكله في البيوت بقطر والعالم هي مشكله ( الفيتري )
احسب كم مره يدخل كل شهر بيوتكم
:)
علينا الحذر في امور الاختيار

وما نروح للشكل الجمالي ونهمل الكوالتي

الجمال في الاكسسوارات والديكور

مو بالقطع العمليه والمهمه بالبيت

,

,

اخوك

شموخ دائم

خزامئ

11-09-2013, 02:30 PM

فيه ماركه روكا ممتازه اسبانيه
كانت عند السيار
والحين خذها الوكاله
محمد الفطيم
المفروض اخر الشهر يفتح لهم محل كامل من كل مايخص الحمامات
من الى

شارع المطار بعد الرونق
اذا هم صدقو سار لي كم شهر انطرهم يفتحون

معماري قطري

11-09-2013, 03:15 PM

فيه ماركه أو محل معين تدلني عليه الشيخ؟

..

الانجليزي معروف أكثر شيء التوايفورد من شبيب وعلي العطية .. وخذ العريض صحيح تصميم قديم بس مريح وعملي ويعمر .. كولر الأمريكي بعد عندهم.

بالنسبة لأغلب مصنعين الحمامات ألحين يصنعون في دول رخيصة وموديلات أقل جودة .. إذا المورد مضمون وتهمه سمعته بيبعك الزين وبيكون معاك صريح وممكن علشان تتطمن أكثر يراويك شهادة المنشأ.

عيب التصنيع في دول رخيصة ودول ما فيها مراعاة جودة التصنيع مثل الصين تحصل مادة التشطيب النهائي رقيقة أو فيه عيوب وينكسر بسهولة من مكان معين .. يعني تحصله في مكان سميك وفي مكان ضعيف وممكن معالجته الحرارية سريعة أو غير صحيحة فتحصل في شلوخ مخفية تبين بسرعة وقت الإستعمال .. نوعية الطلاء أوقات تكون ردية مثل البورسلان اللي عند .. شيسمونه شيسمونه يا ربي نسيت .. الزهايمر المبكر .. اللي يبيع كل شيء وعنده محل في طريق سلوى ورا المتحدة .. المهم فيه نوعيات شوي غالية فيها نقوشات تنحط ديكور فيها لون ذهبي وغيره .. هذي ألوانها تطير من المشي عليها والغسيل بعد فترة وما تسوى قيمة تركيبها. .. إيه صدت الإسم أنصار ستي :nice:

معماري قطري

11-09-2013, 03:21 PM

الأخ شموخ دايم كتبت ردي ولا شفت ردك
ألحين شفته .. طلعنا متفقين

إعلامي قطر

11-09-2013, 09:09 PM

..

اليوم رحت شبيب العطيه وشفت ماركة:

twyford

وحسب كلام البايع النوع إللي عليه إقبال من هل قطر أكثر
شي سعره بألفين وخرده ومع الخصم بيكون بألفين إلا
شوي بس بصراحه الشكل مع إنه يبان عليه كوالتي
وماشاء الله شكبره لدرجه تخيلت ولدي يمكن يشدخ
فيه لا سمح الله ههه ويبان له هيبه وفيه عبق التاريخ
لكن بصراحه ماحبيته أحسه محتاج بيت ضخم مب بيتي ! :omg:

ورحت كافود وشفت:

ideal standard

وسعره نفس سالفة سعر مال العطيه ولكن بصراحه ذيه
شكله شوي مودرن أكثر وفيه فخامه ورزه ولو إنه يبان
عليه أصغر من العملاق إللي بالعطيه بس دش قلبي
والظاهر بخلص معاهم هاليومين إن شاء الله..

بس أكمل لفتي بكره وأعطيكم آخر أبديت
لعل وعسى حد يستفيد أيضاً من الشباب.. :nice:

تحياتي للجميع وعساكم ع القوه..

..

مضارب دوسري

11-09-2013, 09:20 PM

اخوي اعلامي الايديل ستاندرد اللي عند كافود ثلاث انواع

مصري سيء
اوروبي جيد
انجليزي ممتاااااز

والله يوفقك
خذ الانجليزي اذا بتشتري ايديل ستاندرد
وشوف عندهم الخلاطات ايديل ستاندرد عندهم بس عجبني اكثر شي الشاورات

إعلامي قطر

11-09-2013, 09:25 PM

اخوي اعلامي الايديل ستاندرد اللي عند كافود ثلاث انواع

مصري سيء
اوروبي سيء
انجليزي ممتاااااز

والله يوفقك
خذ الانجليزي اذا بتشتري ايديل ستاندرد
وشوف عندهم الخلاطات ايديل ستاندرد عندهم بس عجبني اكثر شي الشاورات

أكيد يالذيب وإللي سألتهم عنه
هو الإنجليزي صناعه وتجميع..

وبشوف الشغلات الثانيه إن شاء الله.. :nice:

..

مضارب دوسري

11-09-2013, 09:27 PM

أكيد يالذيب وإللي سألتهم عنه
هو الإنجليزي صناعه وتجميع..

وبشوف الشغلات الثانيه إن شاء الله.. :nice:

..

زلة كيبورد كتبت ان الاوروبي سيء

ولكنه جيد بس مب نفس الانجليزي ممتاز

بس عن نفسي انا لا ارتاح بالتعامل مع كافود مدري ليش هههه

إعلامي قطر

11-09-2013, 09:31 PM

زلة كيبورد كتبت ان الاوروبي سيء

ولكنه جيد بس مب نفس الانجليزي ممتاز

بس عن نفسي انا لا ارتاح بالتعامل مع كافود مدري ليش هههه

لو فيه طريقه سهله انزل منها الصور من الآي فون
كان رويتكم صور الشغلات إللي أتكلم عنها لأن
الصوره ممكن تكون معبره أكثر وعشان
المهتمين يستفيدون أيضاً..

بالمناسبه عند كافود الدبليو سي الانجليزي
صناعه+تجميع هم نوعين فقط لاغير !

العطيه ماشاء الله خياراته أكثر لكن مثل
ماقلت من قبل القلب ومايهوى هههه

..

Chambray

11-09-2013, 09:55 PM

ههههههههههههههههه انت صح درافيت وانا اقول ديورنت :tease:

خلني اروح اعدل المشاركه :tease:

الشطافات جروهي
بس الشاورات عجبني ايديل ستاندرد اكثر
وكلهم نفس الاسعار تقريبا
محمد واخوانه فالنجمه يبيع جروهي باسعار حلوووه

هههههههههههههه انت قريت انا شنو كاتب ؟؟

كاتب تيورنت مب ديورنت ههههههههههههههه

captin

12-09-2013, 05:09 AM

مرحبا أخوي إعلامي

انا تقريبا في نفس المرحلة اللي أنت فيها

ومريت على معظم وكالات الحمامات الرئيسية وكانت عندي الاختيارات
والأنواع كثيرة حطيت لسته بكل المنتجات العالمية والأوروبية المعروفة
وضيقت الدائرة حاليا بالنسبة للحمامات إلى 3 ماركات راح اختار منهم وهم

الإختيار الأول توايفورد

الاختيار الثاني أديال ستاندرد

الاختيار الثالث كوهلر

الأسعار تقريبا متقاربة بحدود 2000 ريال للقطعة الوحيد اللي سعرة عالي
وفارق عنهم هو كوهلر الأمريكي الكبير واللي يجي بأشكال مميزة وقصته
مودرن القطعة تقريبا بسعر 5000 ريال

بالنسبة للمغاسل ناوي على أيضا توايفورد البيضاوي اللي ينحط
تحت الرخام لأن كل مغاسل الحمامات عندي بتكون عبارة عن كاونتر رخام
شبيه بنظام الفنادق

بالنسبة للخلاطات والشاورات والشطافات الأمر محسوم بتكون جروهي

موفق إن شاء الله وخبرنا وش النوع اللي اخترته لما تاخذ قرارك.