ابي اركب كاميرات في سيارتي ؟؟؟

[رهج السنابك]

خطر ببالي فكره يمكن مفيده ويمكن لا بس ابي رايكم



اللهم لك الحمد ما يمر علي شهر او شهرين الا واخينا في الله الدريول مسوي حادث او متسبب بحادث

يمكن نص حوادث قطر بسبة اخينا في الله الي مب راضي يستعدل :)


الغريب في الموضوع وانا اكثر من مره اكون معاه ونسوي حوادث ان في كل مره الخطأ علينا
حتى لو كنا مندعمين من الخلف والثاني هو المخطي

كله احنا نتحمل الخطأ ً
والسبب ان هندينا مايتكلم ابدا وقت مايروح للشرطه والطرف الثاني يقط علينا الغلط وهندينا ساكت

ففكرت عشان العداله تاخذ مجراها اني لازم اركب كامرات اماميه خلفيه في السياره عشان لاسمح الله مستقبلا صار حادث اقدر احاجج الشرطه بالدليل وهو تسجيل الكاميرا
لان مب معقوله نتحمل اخطائنا واخطاء الغير للابد
هل الفكره ممكن تتطبق؟ هل في نوع كاميرات للسيارات ويسجل 24ساعه؟

[نسيم الغربي]

ماتشوفين شر

[بوحارب]

الشباب امدحوا لي الكاميرات اللي في السوق الصيني

لكن في الدوحة ماعرف

الله يحفظكم من السيارات ومخاطرها

[العساس]

في شركة متخصصة في هذي الامور بس مايحضرني اسمها
وتقدرين تراقبين تحركات السايق كلها وانتي في البيت من خلال الاي فون
صوت وصورة
وتركب في مكان سري

[رهج السنابك]

العساس ذي وايد مفيده ياليت لو عندك معلومات اكثر احتاجها

[العساس]

هي شركة اجتمعت معانا في الادارة لطرح المشروع قبل 5 شهور والله ماذكر اسمها بس ممكن تبحثين عنها في الجوجل
وانا في الوقت الحالي بأجازة لكن بتصل بكره بالمسوال وبتاكد انشالله اذا عاده يذكر اسمهم

لانا رفضنا المشروع

[راعي ارقام]

اختي العله ف ادريولكم صدقيني
لانه الشرطه مالها ف اللي يتكلم ولا اللي ساكت
الشرطه تحدد الغلطان بعد ماتحدد مسرى سير السيارة
ف نصيحتي لكم غيروا الدريول !! والكيمرات لو تحطين الف كيمره ماراح تصيد لج
كل الزوايا ؟؟ حتى لو سويتي موترج نفس المقنع ✔
سلامي للمقنع ...

[العساس]

تذكرت في محل ثاني مريت عليه في شارع الخليج وانتي متجهه الى جسر الجيدة في لفه يسار تدخلين فيها لشارع بن محمود
الفه الثانية او الثالثة من بعد نفق المانع في محل بعد ماتدخلين على ايدج اليمين متخصص في هذي الامور

[R 7 A L]

حتى لو فيه كيمرات تتابع
غير معقول يروح كل يومك تراقبين

الحل
تستبدلين السيارة الحالية بسيارة رخيصة
قرنبع حلال فيها الدعمات

[تغلبية]

^

السيارة القرنمبع حلال فيها الدعمات .. والفقيرة الى الله .. تروح شهيدة مثلاً :looking:

[R 7 A L]

^
دائماً حوادث القرنمبعات تأتي سطحية وحفيفة
يعني الي راح يتضرر القرنبمع فقط

تطمني على أختنا ماراح يصيبها شي ان شاء الله (:

[شيخ الديرة]

كم كاميرا يعني؟ الفكرة في أول وهلة تبدو منطقية ولكن من الناحية العملية غير مفيدة. الشرطة عندهم مؤشرات واضحة لتحديد من المذنب. وأذا صارت حادثة مرة ثانية, لا تتركين الدريول يروح بدون مرافق يتحدث العربية

[لاجئ عاطفي]

انا ودي اركب كيمرا عشان اصور المخالفات اللي تصير بشكل يومي جدامي واغلبها ركوب الارصفه حتى الاجانب يخالفون هالمخالفه بكل قواة عين بدون مراعاة ان هالرصيف امكلف الدولة ملايين ودون مراعاة السائقين اللي واقفين ينتظرون بالساعات

[قهوجي]

خطر ببالي فكره يمكن مفيده ويمكن لا بس ابي رايكم



اللهم لك الحمد ما يمر علي شهر او شهرين الا واخينا في الله الدريول مسوي حادث او متسبب بحادث

يمكن نص حوادث قطر بسبة اخينا في الله الي مب راضي يستعدل :)


الغريب في الموضوع وانا اكثر من مره اكون معاه ونسوي حوادث ان في كل مره الخطأ علينا
حتى لو كنا مندعمين من الخلف والثاني هو المخطي

كله احنا نتحمل الخطأ ً
والسبب ان هندينا مايتكلم ابدا وقت مايروح للشرطه والطرف الثاني يقط علينا الغلط وهندينا ساكت

ففكرت عشان العداله تاخذ مجراها اني لازم اركب كامرات اماميه خلفيه في السياره عشان لاسمح الله مستقبلا صار حادث اقدر احاجج الشرطه بالدليل وهو تسجيل الكاميرا
لان مب معقوله نتحمل اخطائنا واخطاء الغير للابد
هل الفكره ممكن تتطبق؟ هل في نوع كاميرات للسيارات ويسجل 24ساعه؟




شاريها من سنه ومركبها
وبعد وتشتغل علي الحركه

[ولي العهد]

مسكين الدريول ... انا اقول بعض النسوااااااان هم السبب وانتي احد الاسباب لانج اتسولفين في التلفون والفقير المسكين يسوق وفجئه وبدون مقدمات تضربينه على علباه وانتي اتسولفين في التلفون وتاشرين له بيدج يلف يمين ومره يسار بدون اي مقدمات ولا يكون في وسط دوار وفجئه اتقولين له يمين يمين يمين ويتخرع ولا ينتبه ويصك بريك ومن ثم يندعم من ورى ... على العموم في شي محيرني شلووووووووووون يندعم من ورى ويكون هو الغلطان ؟؟ حسب علمي ان قانون المرور يقول اي شخص يدعم من ورى هو الغلطان لانه ماترك مسافه

[faisalqatar]

طيب مب ممنوع اتركبين كيمرة و اتصورين الشارع ؟

انا ماعرف اذا ممنوع ولا لا بس استفسر لان الصراحة حركة حلوة

عاد بعض العساكر ما يتقبلون حد يحكر لهم .. بيقول لج اتعلميني شغلي مثلا؟

^
صارت معاي .. الشارع ما كان مخطط فـ كان يبي يقسم الشارع الى خطين عشان يعرف من لاف ع الثاني وكان يقيس بالشبر .. يوم انتقدت الموضوع عصب :)

تكنولوجيا ..

[شبح الصمت]

ما تشوفون شر

وفكره حلوه صراحة كاميرات عاديه بتركبينها بس بتكون بالمقدمة طبعاً بس على الجوانب اشلون بتعرفين !!!

[فلتة زمانها]

كاميرات وحاله لو تاخذين الليسن وتسوقين بنفسج احسن

[الزعفراني]

الخوف حتى بعد تركيب الكاميرات يطلع السايق كل مره غلطان ههههههههههه

[aldeem1]

انا مركب وحده من زمان طلبتها من amazon.com
اول ما تشتغل السياره تبدا تصور, وفي بعض المواتر تشتغل مع تبطيلة الباب
دوري على dash cam

[Qtel-Qat]

موجوده الكاميرا وشفتها في تكاسي ماليزيا اكثر شي

تصوير عند تشغيل السياره .. وانا مانصح يعني دام العلل كلها في اخينا بالله غيريه

او اخذي الليسن وروحي ادوام وارجعي وانتي مرتاحه

[الدوحة 2010]

بصراحة مفروض عقاب له يكون مرة ثانية

[ANONYMOUS]

Full insurance will reduce the cost

[تاجر كشخة]

شي جيد أختي فكرة جميلة ويا ليت تطبق مثل في روسيا شركات التامين تحط الات تصوير في السيارات علشان يحددون من الغلطان في الحادث

وهذا رابط يوضح كلامي

http://ysv.me/273020

[بوخالد911]

Full insurance will reduce the cost

it must be (0) charge to avoid paying any extra charges

:nice::nice::nice:

[ودي أكون]

الخوف حتى بعد تركيب الكاميرات يطلع السايق كل مره غلطان ههههههههههه

هههه اسمعي شوره ولا تركبين

شوفي مافي الا انتي تفتحين كيمرت جوالج وتقعدين عكس الكرسي وتصوريين السايير اللي وراكم ..

والله خوش حل وغير مكلف :tease:

[بوخالد911]

هناك مشروع ضخم للداخلية
تركيب كاميرات مراقبة بشوارع قطر
ما يندرى متى بيتم الانتهاء منه؟

لو تم الانتها منه ؛ الكثير من المشاكل ستحل

[alsoq]

شنو نوع سيارتك

[رهج السنابك]

مسكين الدريول ... انا اقول بعض النسوااااااان هم السبب وانتي احد الاسباب لانج اتسولفين في التلفون والفقير المسكين يسوق وفجئه وبدون مقدمات تضربينه على علباه وانتي اتسولفين في التلفون وتاشرين له بيدج يلف يمين ومره يسار بدون اي مقدمات ولا يكون في وسط دوار وفجئه اتقولين له يمين يمين يمين ويتخرع ولا ينتبه ويصك بريك ومن ثم يندعم من ورى ... على العموم في شي محيرني شلووووووووووون يندعم من ورى ويكون هو الغلطان ؟؟ حسب علمي ان قانون المرور يقول اي شخص يدعم من ورى هو الغلطان لانه ماترك مسافه




شنو هالهلاقه!!!

اسولف بالتلفون وأأشر بيدي واضرب الهندي على علباه!!

لعلمك فقط

انا وحده ماتكلم نهائي داخل السياره لا بتلفون ولا حتى لو معاي حد
احب اكون على الصامت وعيني على الطريق لين اوصل ومركزه لان وايد اشياء تفاديتها بتركيزي معاه اطلب يخفف السرعه او يفسح الطريق لانه وايد عنيف واناني في الطريق

تخيلت نفسي بالوصف الي قلته صج ظلمتني ظلم :)

[رهج السنابك]

كاميرات وحاله لو تاخذين الليسن وتسوقين بنفسج احسن

عندي ليسن يا قلبي بس ديكور في البوك :)

البيغ بوس مايرضى اسوق

[رهج السنابك]

انا مركب وحده من زمان طلبتها من amazon.com
اول ما تشتغل السياره تبدا تصور, وفي بعض المواتر تشتغل مع تبطيلة الباب
دوري على dash cam

Amazing I will search for it


Thx bro.

[رهج السنابك]

بصراحة مفروض عقاب له يكون مرة ثانية

للاسف مايتعاقب ولا نخصم منه ولا ريال على الخساير الي خسرنا اياها
وهذا الي مخليه مب مهتم في السياره

لدرجة مره صكنا واحد من ورى وانخفست شوي السياره نزل طل فيها وقال للي دعمنا روح روح
وركب السياره قلت له ها اش صار
قال لا ماما مافي شي

عاد انا صدقته

ولما وصلت المكان الي ابيه نزلت ودرت اشوف شنو صار
تفاجأت بالمنظر الي يقول عنه مافي شي


اااه بس :(

[شروووق]

اختي العله ف ادريولكم صدقيني
لانه الشرطه مالها ف اللي يتكلم ولا اللي ساكت
الشرطه تحدد الغلطان بعد ماتحدد مسرى سير السيارة
ف نصيحتي لكم غيروا الدريول !! والكيمرات لو تحطين الف كيمره ماراح تصيد لج
كل الزوايا ؟؟ حتى لو سويتي موترج نفس المقنع ✔
سلامي للمقنع ...

هاااااااى هههههههه

[تغلبية]

شي جيد أختي فكرة جميلة ويا ليت تطبق مثل في روسيا شركات التامين تحط الات تصوير في السيارات علشان يحددون من الغلطان في الحادث

وهذا رابط يوضح كلامي

http://ysv.me/273020



الله يسامحك ..

تعبت وأنا أشاهق :(

[شروووق]

^

السيارة القرنمبع حلال فيها الدعمات .. والفقيرة الى الله .. تروح شهيدة مثلاً :looking:

ههههه ردود تفطس من الضحك

[STAR]

انا مركب وحده من زمان طلبتها من amazon.com
اول ما تشتغل السياره تبدا تصور, وفي بعض المواتر تشتغل مع تبطيلة الباب
دوري على dash cam
واشلون تشتغل او تشحن؟ بالبطارية؟
واذا كانت تشحن..معقولة كل يومين افك الكاميرا واروح لشحنها وارجع اركبها؟

[غايه الطواش]

عندي ليسن يا قلبي بس ديكور في البوك :)

البيغ بوس مايرضى اسوق

خلني البيغ بوس يتفاهم مع الدريول او اذا سوى حادث يروح معاه المركز
او يمكن دريولكم محتاج كم كف عشان يصحصح :tease:

[PP]

شوفي كيمره اسمها GoPro
اعتقد في فيرجن, او من النت تقدرين تشترينها

[رهج السنابك]

البيغ بوس حنون مايعطي كفوف

[السكين]

واشلون تشتغل او تشحن؟ بالبطارية؟
واذا كانت تشحن..معقولة كل يومين افك الكاميرا واروح لشحنها وارجع اركبها؟

فيه لها شاحن سيارة نفس الموبايل

[فلتة زمانها]

عندي ليسن يا قلبي بس ديكور في البوك :)

البيغ بوس مايرضى اسوق

تدرين قبل تعتبر السواقة عندنا من السبع الموبقات:omg:
وعقب تغيرت هالافكار وصرت أسوق :nice:
مردج تسوقين دامج محتاجه وبذكرج

[الكنترول]

الكاميرات في راديو بشير بشارع الأصمخ

[بومحمد المطاوعه]

الحمدلله على السلامه

والله اختي وضع كيمرات خارج السياره

ممنوع على حسب علمي

يمكن الأدريول يدخل في خط الناس او شي

الله اعلم

والي مافي ذمه بيقط على الناس

المشكله اختي ماعتقد هذي حل

لان مب حلوه كل ماتطلعون بتصورين الشارع .؟

اشوف ان الموضوع مايستاهل

اذا كانت دعمات خفيفه الحمدلله على كل حال
اهم شي سلامتكم

[STAR]

فيه لها شاحن سيارة نفس الموبايل

اها..سؤال ثاني...لوبغيت اشحنها اشلون؟ هل بضطر اشيل الكاميرا من مكانها الي مثبته عليه واشحنها وعقب ارجعها مكانها؟!
ًشكرا ع الرد...

[تغلبية]

تدرين قبل تعتبر السواقة عندنا من السبع الموبقات:omg:
وعقب تغيرت هالافكار وصرت أسوق :nice:
مردج تسوقين دامج محتاجه وبذكرج

احنا للحين من السبع الموبقات
اقرا موضوع الاستقراطية لأني نفسها بالضبط أسوق بعيني مع الدريول
ما دري متى بقص الشريط وبتجاوز كل الاعراف كعادتي السباقة وبسوق
ماتخيل نفسي اصف السيارة جنب باب البيت <<< still من أكبر الكبائر :shy:

[بومحمد المطاوعه]

اختي انا شريت من السوق الصيني ف دبي

ب 250 ريال مادري 300

بحط لج الصور

http://www.modernlife-bh.com/image/cache/data/222/2/hammlacher-car-cam-500x500.png

http://www.m5zn.com/image.php?&img=cc6916a871ee3fa.jpg

بس فالدوحه مادري اذا في ولا لا

واذا رحت الأمارات بتواصل معاج ان شاءالله وبشتري وطرشي الادريول للأستلام

سهله الكيمرا

تنشحن وفيها ممري كرت

تنحط على الجامه وتصور

اصور رحلاتي فالامارات كامله

من جبل حفيت واذا رحت الرمل وخورفكان وهالاماكن الحلوه

[فلتة زمانها]

احنا للحين من السبع الموبقات
اقرا موضوع الاستقراطية لأني نفسها بالضبط أسوق بعيني مع الدريول
ما دري متى بقص الشريط وبتجاوز كل الاعراف كعادتي السباقة وبسوق
ماتخيل نفسي اصف السيارة جنب باب البيت <<< still من أكبر الكبائر :shy:

ان شاءالله تسوقين وترتاحين من عوار الرأس
وتصفين الموتر بالريوس :app2:

[رهج السنابك]

احنا للحين من السبع الموبقات
اقرا موضوع الاستقراطية لأني نفسها بالضبط أسوق بعيني مع الدريول
ما دري متى بقص الشريط وبتجاوز كل الاعراف كعادتي السباقة وبسوق
ماتخيل نفسي اصف السيارة جنب باب البيت <<< still من أكبر الكبائر :shy:




خلينا نسوي حمله تمرد على الاعراف الي ماانزل الله بها من سلطان :(


عاد شوفي عقب ماتنجح الحمله وتاخذين لج بورش وانا فيراري نتسابق ونحفص على فلته ههههههه

[عاشق العديد]

انا زهقان من السسسواقه وهم يبون يسوقون حمـد 2002 تعال تفاهم معاهم ..

[Bin Hood]

ما عليكم شر ان شاء الله

في روسيا كل السيارات يركبون كاميرات

[فلتة زمانها]

خلينا نسوي حمله تمرد على الاعراف الي ماانزل الله بها من سلطان :(


عاد شوفي عقب ماتنجح الحمله وتاخذين لج بورش وانا فيراري نتسابق ونحفص على فلته ههههههه

اذا خذتوا الليسن الوعد في مدرج المطار
يقولون بيخلونه ساحه لاستعراض البنات :happy:

[بنت شرق]

خطر ببالي فكره يمكن مفيده ويمكن لا بس ابي رايكم



اللهم لك الحمد ما يمر علي شهر او شهرين الا واخينا في الله الدريول مسوي حادث او متسبب بحادث

يمكن نص حوادث قطر بسبة اخينا في الله الي مب راضي يستعدل :)


الغريب في الموضوع وانا اكثر من مره اكون معاه ونسوي حوادث ان في كل مره الخطأ علينا
حتى لو كنا مندعمين من الخلف والثاني هو المخطي

كله احنا نتحمل الخطأ ً
والسبب ان هندينا مايتكلم ابدا وقت مايروح للشرطه والطرف الثاني يقط علينا الغلط وهندينا ساكت

ففكرت عشان العداله تاخذ مجراها اني لازم اركب كامرات اماميه خلفيه في السياره عشان لاسمح الله مستقبلا صار حادث اقدر احاجج الشرطه بالدليل وهو تسجيل الكاميرا
لان مب معقوله نتحمل اخطائنا واخطاء الغير للابد
هل الفكره ممكن تتطبق؟ هل في نوع كاميرات للسيارات ويسجل 24ساعه؟

ليش ما تحطين له جهاز تتبع للسيارة اذا تجاوز السرعة يطرش لج الجهاز مسج على تليفون
اللي بيراقب وتقدرون تعرفون خط سيرة عن طريق الكمبيوتر
اما الكاميرات اللاسلكية اظنها ممنوعة

[رهج السنابك]

بنت شرق شنو برنامج التتبع

[بصمة قطرية]

احنا للحين من السبع الموبقات
اقرا موضوع الاستقراطية لأني نفسها بالضبط أسوق بعيني مع الدريول
ما دري متى بقص الشريط وبتجاوز كل الاعراف كعادتي السباقة وبسوق
ماتخيل نفسي اصف السيارة جنب باب البيت <<< still من أكبر الكبائر :shy:

إذا سمعتوا بأن آخر إمرأة في قطر ساقت
بتكون بصمة :nice:

[تغلبية]

خلينا نسوي حمله تمرد على الاعراف الي ماانزل الله بها من سلطان :(


عاد شوفي عقب ماتنجح الحمله وتاخذين لج بورش وانا فيراري نتسابق ونحفص على فلته ههههههه


بصراحة السواقة ما ينشفق عليها خاصة للي تقط راسها وتغط في السيارة

بس سالفة الدريول موب داشة راسي

ودي أحس بمتعة القيادة في BMW X6 اللي يقولون عنها ..:shy:

مابي أحفص .. أبي أستن و أخمس بس :tease:

[تغلبية]

ان شاءالله تسوقين وترتاحين من عوار الرأس
وتصفين الموتر بالريوس :app2:


شوقتيني للحلم الوردي :shy:



اذا خذتوا الليسن الوعد في مدرج المطار
يقولون بيخلونه ساحه لاستعراض البنات :happy:

مناسب جداً :victory:.. ودي أدعس لين 140 واحس اني راكبة طيارة :tease:



إذا سمعتوا بأن آخر إمرأة في قطر ساقت
بتكون بصمة :nice:

ماتدرين بصومة .. يمكن يجيج السويتش على طبق من ذهب قبل الآوان :victory:

[بريق الحق]

انصحج تتعاقدين مع الاقمار الصناعية عشان يصورون كل شي

[بومحمد المطاوعه]

حطيت لج رد اختي

[رهج السنابك]

بومحمد تسلم يالطيب

بس الاعضاء عقب ما اثاروا تساؤل راح عن بالي

هل هي مسموح فيها او لا ؟؟؟


الكاميرا الي حطيتها روووووعه وحتى محد يقدر يكتشف انها كاميرا

عندك فكره شلون تنشحن وهل هي تشتغل بس وقت تشغيل السياره
وشلون استعرض الفيديو
وكم ساعه تسجل
وايد عجبتني

[تاجر كشخة]

الله يسامحك ..

تعبت وأنا أشاهق :(

هههههه انا استانس على ذي المقاطع ادورها دواره

[بصمة قطرية]

شوقتيني للحلم الوردي :shy:




مناسب جداً :victory:.. ودي أدعس لين 140 واحس اني راكبة طيارة :tease:




ماتدرين بصومة .. يمكن يجيج السويتش على طبق من ذهب قبل الآوان :victory:
تهقين ..
أمممممم
كل شي جايز
بس بشرط يكون سويتش بورش :nice::secret:

[بنت شرق]

جهاز التتبع تشترين جهاز في حجم الجوال ويتركب بالسيارة مع شريحة هاتف وتقدرين تتبعين السيارة
عن طريق موقع الكتروني مثل الجي بي اس وتقدرين تعرفين سرعة السيارة ومكانها وممكن تتحكمين بغلقها ينباع الجهاز
عند محلات الزينة

[ZURICH]

الكاميرات موضوعها هين

بس المشكلة


السايق :funny:

[تغلبية]

تهقين ..
أمممممم
كل شي جايز
بس بشرط يكون سويتش بورش :nice::secret:

إنتي عيشي الحلم بشغف .. وفالج طيب .. :nice:
كل أحلامج بتجيج لي عندج متحققة وتقولج : شبيك لبيك .. أنا حلمك بين إيديك
<< جد والله :victory:

نسخة: الارستقراطية

[بوخالد911]

سؤال بريء

لو كان السائلُ رجلاً ، هل سنرى التفاعل من مشاركات وو قراءات بهذا الكم الهائل؟!؟!؟!؟!؟!
:secret::eek5::omg:

[Locale]

حتى لو فيه كيمرات تتابع
غير معقول يروح كل يومك تراقبين

الحل
تستبدلين السيارة الحالية بسيارة رخيصة
قرنبع حلال فيها الدعمات
القرنبع راح يلفلفون عليها ويتجاوزون ولايفتحون لها طريج،، ويسبب حوادث اكثر بما ان دريولهم هالشكل

مسكين الدريول ... انا اقول بعض النسوااااااان هم السبب وانتي احد الاسباب لانج اتسولفين في التلفون والفقير المسكين يسوق وفجئه وبدون مقدمات تضربينه على علباه وانتي اتسولفين في التلفون وتاشرين له بيدج يلف يمين ومره يسار بدون اي مقدمات ولا يكون في وسط دوار وفجئه اتقولين له يمين يمين يمين ويتخرع ولا ينتبه ويصك بريك ومن ثم يندعم من ورى ... على العموم في شي محيرني شلووووووووووون يندعم من ورى ويكون هو الغلطان ؟؟ حسب علمي ان قانون المرور يقول اي شخص يدعم من ورى هو الغلطان لانه ماترك مسافه

احلى مافي السالفه انك متخيل الوضع والمشهد :omg:

[المحاميه]

البلا ف الدريول غيريه .. يحر شدعوه كل يومين داعم

[المارونـــي]

سؤال بريء

لو كان السائلُ رجلاً ، هل سنرى التفاعل من مشاركات وو قراءات بهذا الكم الهائل؟!؟!؟!؟!؟!
:secret::eek5::omg:



جرب واسئل يابوخالد يمكن محد يدخل موضوعك
هههههههههههه

[جمال اليافعي]

سؤال بريء

لو كان السائلُ رجلاً ، هل سنرى التفاعل من مشاركات وو قراءات بهذا الكم الهائل؟!؟!؟!؟!؟!
:secret::eek5::omg:



الكاميرات ممنوعه واذا صادوك لخويا الله يعينك هههههههه

[صمت الرحيل]

مثل ماقال احد الاخوان غيري الدريول واشتري سلامتج وراحتج

[شاهين]

في شركة متخصصة في هذي الامور بس مايحضرني اسمها
وتقدرين تراقبين تحركات السايق كلها وانتي في البيت من خلال الاي فون
صوت وصورة
وتركب في مكان سري


العساس ذي وايد مفيده ياليت لو عندك معلومات اكثر احتاجها


الجهاز موجود في السوق الصيني بسعر 350 و 600 نوعين
الاول تركب فيه سيم كارت ويحدد لك مكان السياره عن طريق جوجل ايرث ومن جوالك
والثاني تركب فيه بعد سيم كارت وتتصل عليه وتسمع وتشوف اللي يصير داخل السياره
ويحدد لك مكان السياره
بصراحه انا جربت الثاني وكل ماتاخر السايق اتصل على الجهاز
الا الحبيب مشغل السي دي ومقاطع هندية :rolleyes2:
للعلم بعض تجار البلاك بيري الاماراتيين يبيعونه بس غالي شوي

وصباح الخير ياقطر:)

[رهج السنابك]

إنتي عيشي الحلم بشغف .. وفالج طيب .. :nice:
كل أحلامج بتجيج لي عندج متحققة وتقولج : شبيك لبيك .. أنا حلمك بين إيديك
<< جد والله :victory:

نسخة: الارستقراطية



دعوني احلم معاكم بشغف

لعل وعسى افتح عيني القى البيغ بوس حاط السويج بيدي ويقول لي شبيكي لبيكي الفيراري بين يديكي


:(

[رهج السنابك]

سؤال بريء

لو كان السائلُ رجلاً ، هل سنرى التفاعل من مشاركات وو قراءات بهذا الكم الهائل؟!؟!؟!؟!؟!
:secret::eek5::omg:





ليش الغيره هههههه

[رهج السنابك]

الجهاز موجود في السوق الصيني بسعر 350 و 600 نوعين
الاول تركب فيه سيم كارت ويحدد لك مكان السياره عن طريق جوجل ايرث ومن جوالك
والثاني تركب فيه بعد سيم كارت وتتصل عليه وتسمع وتشوف اللي يصير داخل السياره
ويحدد لك مكان السياره
بصراحه انا جربت الثاني وكل ماتاخر السايق اتصل على الجهاز
الا الحبيب مشغل السي دي ومقاطع هندية :rolleyes2:
للعلم بعض تجار البلاك بيري الاماراتيين يبيعونه بس غالي شوي

وصباح الخير ياقطر:)




وايد عجبني خاصه الي اقدر اتصل واسمع كل شي لاني اشك انه بعد مايحطني في الدوام يروح يتكس بسيارتي

عاد ويني ووين السوق الصيني

الدوحة مافيها شي كلش :(

[خليفة77]

وايد عجبني خاصه الي اقدر اتصل واسمع كل شي لاني اشك انه بعد مايحطني في الدوام يروح يتكس بسيارتي

عاد ويني ووين السوق الصيني

الدوحة مافيها شي كلش :(

الخدم شر لابد منه ،، هذا حال السواقين الصبح يتكس في موتر معازيبه بعد مايوصلهم ومن غير بعض الأشياء الثانيه مثل اللي يسرق من كفيله وقت شراء أغراض المنزل اليوميه وتعبئة بترول السيارات اللي كل يوم يطلبونها !! وما ندري وش الحل معهم والمصيبة الكبرى السائق والخدامه بعد توصيل الأطفال لمدارسهم أو الموظفة لوظيفتها وين يروح ؟!! ومافيه حل إلا وضع كاميرا داخل وخارج المنزل ووضع جهاز بالسيارة وذلك بعد الأضرار اللي حصلنا عليها منهم .

[طلعة الروح]

الفكرة غير عملية مع احترامي..
إذا السائق هو سبب هالمشاكل راح تضطرين تغيرينه عزيزتي
جيبي واحد خبرة ومتمكن من سواقته.

[ll vip ll]

السلام عليكم

اختي من فتره شريت كاميره GoPro HD نفس هاي بالصوره

http://www.maxforums.net/uploaded/2/01329441933.jpg

بس غاليه تقريبا ١٠٠٠ريال ،،

وفي نفسها في فيرجن ارخص منها وبعد ممتازه تصور فيديو وصور وواتر بروف حق الغطس والسياره والسياكل والدراجات بعد تنفع وتقدرين تشبكينها عالايفون :nice:

هذه
http://i.ebayimg.com/t/8GB-Mini-Sports-DV-Camera-HD-1080P-Waterproof-4-Diving-Bike-Helmet-Car-Recorder-/00/s/MTIwMFgxMjAw/z/-zwAAOxyrYFR3Moz/$(KGrHqZ,!pIFHHFRnkl8BR3MoyqeV!~~60_35.JPG

والقالعده شريتها من موقع امازون :)

http://www.scubastore.com/images/products/fotos/gopro_43329.jpg


وعلى فكره تستخدمها بعض الدول مثل روسيا واجباري من شركات التأمين تركيبها من كثر الحوادث اللي عندهم

[تغلبية]

دعوني احلم معاكم بشغف

لعل وعسى افتح عيني القى البيغ بوس حاط السويج بيدي ويقول لي شبيكي لبيكي الفيراري بين يديكي


:(



الله يكتب لج الخير ...:victory:


لعل في تدحرج دمعتان لؤلؤليتان تبكين بهما الحال أمام (البيغ بوس) بانكسار تام ..

فيهما الفرج والخلاص .. :cry2: <<<< فيها شر :vampire:


عقبال ما كاميرا سيارتج تصور لنا مثل هالمناظر من قطر :app2:


http://safeshare.tv/w/FBahPvvujn

[الجوكر90]

سؤال بريء

لو كان السائلُ رجلاً ، هل سنرى التفاعل من مشاركات وو قراءات بهذا الكم الهائل؟!؟!؟!؟!؟!
:secret::eek5::omg:



اممممم في تجاوب بس اقل من النص بوايد

[بومحمد المطاوعه]

بومحمد تسلم يالطيب

بس الاعضاء عقب ما اثاروا تساؤل راح عن بالي

هل هي مسموح فيها او لا ؟؟؟


الكاميرا الي حطيتها روووووعه وحتى محد يقدر يكتشف انها كاميرا

عندك فكره شلون تنشحن وهل هي تشتغل بس وقت تشغيل السياره
وشلون استعرض الفيديو
وكم ساعه تسجل
وايد عجبتني

الله يسلمج اختي

الكيمرا اذا داخل السياره محد له خص

وهذي تكون لاصقه على الجامه

تنشحن عادي مثل جرج التلفون

تحطين ممري كرت فيه على كيفج

وتشغلينها بضغطه زر

وفي نوع كيمرتين

كيمرا للي داخل السياره وكيمرا للخارج

لها واجهتين

[qatar911]

مرحبا عندي كيمره نفس اللي في صوره اذا لك خاطر طرشي لي

http://www.trait-tech.com/uploads/details/T-VDVR-156-1__car-black-box.jpg

[Mohammad ALG]

في كامرات منتشرة جدا عند الروس اسمها dash cam

تصور كل شي قدام السيارة.. ومش محتاج الواحد يشوف كل ما تم تصويره

اللهم اذا صار شي يستاهل ان الواحد يشوفه بيطلعه من الكاميرا ..

[الخيالة]

انا مركب وحده من زمان طلبتها من amazon.com
اول ما تشتغل السياره تبدا تصور, وفي بعض المواتر تشتغل مع تبطيلة الباب
دوري على dash cam

كتبت في امازون طلع انواع وأيد ممكن اعرف اي نوع اللي شريت