بكون متواجد في امريكا وقت صدور الايفون

[bo-ibrahem]

مثل ماهو مكتوب بالعنوان بكون متواجد من 17 الى 25 شهر 9 ان شاء الله

بس استفساي هل الايفون الي بينزل بيكون مقفول ولا مفتوح؟

الي اعرفه ان بيكون مفتوح بس يمكن فيه حد عند علوم ثانيه

[الجوكر90]

السلام عليكم
الي اعرفه ان شركه t&n هي محتركه الايفون ويكون مقفول
واغلب الناس يجيبون من بريطانيا والجوال يكون مفتوح
وبالتوفيق

[bo-ibrahem]

يعطيك العافيه بس اي تي اند تي شركة اتصالات وهي تشتري من ابل

انا اقصد الشراء من شركة ابل نفسها

لان الشركه بتوزع على مجموعة دول من ضمنها الصين ولاول مره

[الفضي]

انا جيت شركة ابل العام اللى بامريكا
حصلتها مقفرله
ويمكن الحين بييعونها مفتوحه

[برشلوني قطر]

اخبر يوم نزل ايفون 5 اول الايام كلهم بالاشتراكات

ويوم نزل طابووور ماله نهايه. ويقولي واحد شغال

ف ابل تعال الساعه ست الصبح :eek5:

[بونووف]

الشركه توفر المفتوح بس الحق ماتلحق توقف في الطابور من الفجر لين يفتح المحل وانت وحظك لين جا دورك بتلاقي اجهزه ولا لا

وبالنسبه لي دايما بعد مايتم اصدار الجهاز بشهرين ينزلونه فالموقع مفتوح واطلبه

والموقع البريطاني ينزلونه مفتوح لكن اغلى ب1000 من الامريكي

[بيض الخعفق]

أهم شي تأكد من موديل الايفون
يكون شغال نفس ترددات اوريدو للـ4G
LTE - Bands 7 , 20

[eng.bader]

اوريدو شركة تعيسه اصلا اشدعوه عندها 4 جي اصلا كلام فاضي ولقو بس يطلع لك ان 4 جي قاصين على العالم مجموعه حراميه امس مشترك في خدمه 4 جي للبيت والتغطيه عندي فل سجنل والسرعه ماتعدت 8 ميجا

[بيض الخعفق]

اوريدو شركة تعيسه اصلا اشدعوه عندها 4 جي اصلا كلام فاضي ولقو بس يطلع لك ان 4 جي قاصين على العالم مجموعه حراميه امس مشترك في خدمه 4 جي للبيت والتغطيه عندي فل سجنل والسرعه ماتعدت 8 ميجا

اخوي خدمة اوريدو الـ 4g حاليا برودباند
الـ 4g عن طريق جهاز الايفون مباشرة بيكون خلال هالسنة على ما اعتقد

[قطر77]

كل الاجهزه في امريكا بتكون لوك في اول ٣ أشهر

[غيم الجنوب]

آيفون 5 سي - iPhone 5c
راح ينزل اول شي بالصين لانه تم تخصيصه وتصميمه خصيصا للسوق الصيني
ومن بعدها سيتم توزيعه لباقي الدول

يأتي ب 5 ألوان
الاخضر - الاصفر - وردي - ازرق - ابيض)
وتجيله كفرات خاصه فيه سعر الواحد ب 39 دولار .. بألوان (اسود - ابيض - اخضر - ازرق - اصفر - وردي) عشان الواحد يقدر يدمج لونين بلون اذا يحب

مواصفاته: مثل الآيفون 5 الأول

اللهم بس مصنوع من نوع من انواع البلاستيك

السعر:
للعقود مع الشركات (لمدة سنتين): ال 16 جي بي ب 99 دولار
ال 32 جي بي ب 199 دولار
مانزل منه 64 ولا 128

والمفتوح unlocked راح يكون سعره 549 يعني اقل من ايفون 5أس ب 100 دولاؤ فقط


بالنسبه للآيفون 5 أس - iPhone 5S

فهو تقريبا نفس شكل الايفون 5 .. والبعض راح يقوم بتنزيل الاصدار الجديد (السوفتوير) فقط عشان يكون نفس ايفون 5 اس
ولكن غير صحيح
الايفون 5 أس شكله نفسه الايفون 5 ولكن فيه هاردوير جديده مش موجوده في ايفون 5
في برامج وخدمات مثل ال آي دي..والبصمه اللي ماراح تشتغل الا فالايفون 5 اس الجديد..والفلاش نوعين..والآي وورك..والآي فيديو..والآي فوتو .. ماراح تنزل على الايفون 5
وفي هاردوير ام7 الجديد المتضمن بالمعالج ال آيه7 وهو فائق السرعه للالعاب والجوال بشكل عام
غير ان ال 4جي والوايرليس والبلوتوث والصوت والسماعات جديد بشكل كلي عن الايفون 5
والكاميرا مختلفه تماما
فاعتقد الكثير راح يضطر يشتري ايفون 5 اس


نزل منه 3 الوان
(الابيض والذهبي - الابيض والفضي - الاسود الرمادي)
الاحجام اللي نزلت 16 و 32 و 64
ولم يتم الاعلان عن ال128 جيجا المنتظر

الاسعار:

للعقود (لمدة سنتين) .. 16 جي بي ب199 دولار
32 جي بي ب 299 دولار
64 جي بي ب 399 دولار

بالنسبه للمفتوح راح يبدأ بسعر 649 دولار لحجم ال 16 جيجا (المفتوح) - UNLOCKED

ومثل ماقالوا أبل .. راح يكون الآيفون 5 اس المفتوح يشتغل على كل الشبكات ال4G بعكس الايفون 5 السابق كان في 3 ارقام تسلسليه مختلفه تشتغل كل منها في بلد معين
فالحمدلله هالمره تشتري الunlocked وانت مطمن

الايفون 5 سي فقط راح يبدأ الحجز عليه من تاريخ 13-سبتمبر-2013
في محلات أبل فالدول الغربيه + الانترنت
أما بالنسبه للايفون 5 اس راح يكون على طول نازل السوق للشراء من تاريخ 20 سبتمبر بوقت شحن الايفون 5سي بنفس الوقت

ولكن .. راح يكون التوزيع لدول معينه .. مثل
(أمريكا, بريطانيا, الصين, استراليا, فرنسا, كندا, اليابان, المانيا. سنغافورة) فقط


ويتوقع انه ينزل للدول العربية في ديسمبر (شهر 12) حول ال 14 ديسمبر الا اذا قاموا بعض المحلات بشراءه من الخارج ويبعونه بأسعار خياليه ب 7 و 8 آلاف ريال

بالنسبه لتنزيل الاصدار الجديد .. يمكن تنزيله على ايفون 4 و 4اس و 5
وراح ينزل الUPDATE بتاريخ 18 سبتمبر
ويتوقع تنزيله على 700 مليون جهاز حول العالم

الجديد فالموضوع ان شركة أبل تسمح لكل شخص يمتلك ايفون 5 او 4 أس بارجاعه وتبديله بآيفون 5 أس الجديد ويزيدهم شوي
لكن عندنا راح يتم التلاعب ونضطر نشتري من اول وجديد


حاولت احجز فالنت..لقيت موقع الشراء البريطاني والكندي والامريكي والصيني والايطالي كلهم مسكرين الشراء
وتم اغلاق الموقع بالامس قبل المؤتمر عشان يحطون معلومات الايفون اس الجديد والايفون سي الجديد
وافتحوه بعد المؤتمر بس من غير شراء او حجز

الطريقه الوحيده للشراء من غير ماتروح هي عن طريق EBAY اذا تتعامل مع بائع مضمون من قبل EBAY
تحجز عن طريقه وتدفعله عن طريق PAYPAL ولمن ينزل بتاريخ 20 سبتمبر .. هو يكون من اوائل اللي يشترون ويشحنه لك
وهذي اسرع طريقه

او تجرب حظك تشتري بالنت من الموقع الاصلي وتدفع ولكن يمكن نفس ايفون 5 سابقا راح تضطر تمشي على سياسة ابل ويكون الشحن بعد اسبوع او اسبوعين من الشراء
وراح تضطر ترسل صوره من جوازك وبطاقتك الشخصيه وصوره من بطاقة البنك..وصوره من BANK STATEMENTS حديثه لاخر TRANSACTIONS سويتها فالبنك
وراح يسجلونه باسمك شخصيا + ضمان عالمي

التواجد في محلات أبل راح يبدأ الطابور من بداية صباح الليله السابقه..مش من المغرب لليله السابقه
لان محل ابل مفتوح 24 ساعه اصلا ولكن الايفون 5 بيتم وروده بمنتصف الليل والتوزيع الصبح..للطابور الخاص بالايفون 5 اس
في ال ففث افينيو محل 767
اللي على شكل مكعب
وطبعا الحديقه مقابل المحل..فتلاقي الناس متعشين ونايمين فالحديقه لليوم الثاني..ماعندهم مشاكل S:


الله يستر

[غايه الطواش]

اخبر يوم نزل ايفون 5 اول الايام كلهم بالاشتراكات

ويوم نزل طابووور ماله نهايه. ويقولي واحد شغال

ف ابل تعال الساعه ست الصبح :eek5:
انا قالولي الساعه ثمان الصبح :victory:

[برشلوني قطر]

غيم الجنوب مشكور ع المعلومات



انا قالولي الساعه ثمان الصبح :victory:

ثمان ولا طلعتي من وراهم بشي:rolleyes2:

مشروع ارجع القديم وازيدهم واخذ الجديد بس لازم اجهز خيمة كارفور

بس تنصحون ب 5 اس ؟؟ والا

[bo-ibrahem]

يعطيكم العافيه

اخوي غيم الجنوب كفيت ووفيت