(( توحيد ملابس المدرسات ))

[حمد 2002]

السلام عليكم ورحمه الله وبركاته

كيف حالكم يالربع ،،

الموضوع يحمل العنوان التالي

(( توحيد ملابس المدرسات ))

الصراحه كثيرا من المدرسات يأخذون راحتهم باللبس بحجه ان اللي بالمدرسه اطفال اصغار سواءا ذكور او عادي مدرسه بنات وهالشيء غلط ،،، يجب عليكم ان تكونوا يااخواتي المدرسات خير مثال يقتدون به تلك الطلاب والطالبات ،،،

لأننا كما نعلم بأن الاطفال الصغار وحتى المراهقين والمراهقات بمختلف الاعمار الدراسيه يقلدون كل شيء يرونه امامهم وبعضهم يتخذون من تلك المدرسه نموذجا يقتدي به ، لانه الطالب او الطالبه كل يوم رايح او رايحه للمدرسه رووووووحه وجيييييييه ،، فأكيد بيتأثرون بتلك المدرسه التي تدرسهم وتشرف عليهم ،،،


الطلاب اتوقع بكل مدرسه اموحدين لباسهم !!!!!! ،،،

فهل تؤيد عزيزي القارىء لهذا الموضوع توحيد ملابس المعلمات بكل مدرسه ؟ ومالسبب لذلك ؟
يرجى من الجميع الألتزام بأداب الحوار وسياسه وقوانين المنتدى وعدم الخروج عن الإطار العام للموضوع والمحاور الأساسيه بالموضوع ،،،

وشكرا لتعاونكم معنا ،،

تحياتي للجميع

[Dmy Enabi]

حمد
تحياتي لك
موضوع أذكر انطرح سنة 88 في الجرايد ومحد حب الموضوع
وفي رايي موضوع بعيد عن حرية الشخص في اللبس
ضد وبقوة

[عـ العبيدلي]

انا بترك موضوع مع او ضد لباقي الأعضاء ..
بصراحه الاعضاء يخرعون .. اخاف اقول شي ويقولون اني كافر ..

بس للمدرسات ..
ترى الطلاب البنين " تفكيرهم اكبر من عمرهم " لا يستصغرون عقولهم ..

الشي الثاني ..
انتوا قدوه للبنات ..
مره قلت حق بنت اخوي لا تسمعين اغاني قالت .. مدرستنا تشغل اغاني عادي ..
اتوقع الشي نفسه بينعكس على الملابس وغيره ..

[حمد 2002]

حمد
تحياتي لك
موضوع أذكر انطرح سنة 88 في الجرايد ومحد حب الموضوع وفي رايي موضوع بعيد عن حرية الشخص في اللبس
ضد وبقوة

ماكنا نقرأ جرايد بتلك الفتره هههه :shy::tease: ،،،

هل تعتبرين ياختي الكريمه المطالبه بالاحتشام لمصلحه ابنائنا الطلاب والطالبات ،، يتعارض مع الحريه الشخصيه للفرد ؟!!!!!!!!! :) ،،،

تحياتي لج ،، :nice:

[حمد 2002]

انا بترك موضوع مع او ضد لباقي الأعضاء ..
بصراحه الاعضاء يخرعون .. اخاف اقول شي ويقولون اني كافر ..

بس للمدرسات ..
ترى الطلاب البنين " تفكيرهم اكبر من عمرهم " لا يستصغرون عقولهم ..

الشي الثاني ..
انتوا قدوه للبنات ..
مره قلت حق بنت اخوي لا تسمعين اغاني قالت .. مدرستنا تشغل اغاني عادي ..
اتوقع الشي نفسه بينعكس على الملابس وغيره ..

صاااااااااادق وهالشيء الي اهدف له من وراء الموضوع ،،،

تحياتي لك يالذيب ،،،

[Dmy Enabi]

ماكنا نقرأ جرايد بتلك الفتره هههه :shy::tease: ،،،

هل تعتبرين ياختي الكريمه المطالبه بالاحتشام لمصلحه ابنائنا الطلاب والطالبات ،، يتعارض مع الحريه الشخصيه للفرد ؟!!!!!!!!! :) ،،،

تحياتي لج ،، :nice:

ماله خص الاحتشام بتوحيد الزي ، الحشمة نابعة من الداخل وينعكس أثرها في سلوك ظاهري ،فالمعلمة لوهي محتشمة من الأساس ماراح تخالف ،
يعني في ضوابط موضوعة في كل مدرسة وفي لائحة جزاءات تطبق على الموظفات على حد سواء
معلمة يعني وحده وصلت لسن يسمح لها تختار وتقرر ماتريد وفي نفس الوقت تكون قدوة
كون إن في شواذ لايعني أن نطالب بفرض الأمر عالجميع
ولازلت أقول إن المعلمات القطريات على وجه العموم محتشمات وقدوة وإن وجدت بعض المخالفات فهذا أمر طبيعي في كل العالم

[تحداني]

يلبسون لبس نفس لبس عارضات الازياء
ولا تعال شوف اشعورهم ههههههه .. " اهني يعانون من كلمه اسمها البعض "
فعشان خاطرهم انقول البعض

دار راسها المديره اتراقب الطالبات والطلاب
ولا اتراقب هالمدرسات



يازين زي الرجال


جملك الله برضاه

[نوار قطر]

اذا الطالبات ماالتزمو بالزي المدرسي .. الا لازم تلقى مخالفات ولو بشي بسيط.. تبي المدرسات يتقيدون ويلبسوون .عيل شالفرق بينهم وبين طالباتهم. والحين ترى اغلب المدرسات مفتكين من الغثى وايتموون بعباياتهم

[w.qatar]

^
بعض المدارس المديرات يمنعونهم يتمون بالعبايه مع ان اعرف بنات يشتكون من الطلاب مع انهم ابتدائي بس خلاص ماعاد فيه طفوله و برائه

بخصوص توحيد الزي انا ضده لو يخلون المدرسات بالعبايات استر لهم

[أم نواري1]

توحيد لا
لكن وضع شروط للبس محتشم
والشروط موجودة بكل مكان لكن لا تطبق
فالتطبيق مستحيل

[تحداني]

ما امنوعهم المديرات الا من المهرجانات الي يسونها
ولا بالله عليكم يا ناس يا عالم حد يلبس لبس يشف الجسم قدام الناس
حتى كأناقه هالشي يخالف الاناقه الصباحيه

ولا حد يلبس لقن ويدخل القميص
وين احساسج ابي افهم ؟؟
هاي في عالم الموضه اسمه اعاده تأهيل


ولا تعالوا شوفوا الأعجب تنوره قصيره مع بوت
من زين الجو عشان تلبسين بوت

لا وطالعين ابموضه الخلخال
ليته خلخال حلو .. الا يقرقش من اول الممر لين اخر الممر

لا اتقولون لي شنو المصدر ؟؟ وشنو الدليل ؟؟ واي مدرسه


البعض عشان خاطركم :)

[دروب]

أؤيد وبقوة
توحيد الزي + اللباس المحتشم

[طموحي عالي]

نسوي مثل السعوديه الوان محدده
ابيض اسود رصاصي بني ازرق ودرجات هالالوان

ممنوع احمر ووردي ومادري اي لون وممنوع يد قصيره ممنوع وضيق وايد ممنوع


لان ماشاء الله المدرسات فالحين فل ميك اب قمصان ضيقه شفافه وانا اشوفها هلاقه زايده مع احترامي لان الاناقة مالها بالطريق هذا شي
خصوصا بعض بعض بعض بنات الثانوية اللي صاروا مساعدات مدرسات هاي بروحهم مفروض يردونهم صف اول اعدادي

[أم علي 2010]

يكسرون خاطري المدرسات لان الراتب يروح في اللبس

اهم شي اختيار نوعية اللبس او العباة يعني المجلس يطلع قانون خاص باللبس وهالامور بس مب عارفه المسمى بالعربي ايش

يسمون بالانجليزي dress code

يعني بيكون نوع من انواع الضوابط ،، و اشوف موظفات البنك صار يلتزمون بالزي مثل بنك قطر

وحتى المركز الصحي لاحظت عباية الموظفات موحده الوانها مثل الوان شعار المجلس الاعلى للصحه و كذلك المستشفى الاهلي

[AL-MAYSTRO]

موضوعك هادف

وانا


مع

وبقوة

[tawareq]

هههه محد راح يربح غير الخييايط

اذا الطلبة الصغار بسعر 200 الى 300 ريال

كم بيكون سعر تفصيل الملابس للمدرسات والاداريات

[عضو مشاكس]

احس انه ماله داعي

[بومحمد]

اعتقد فكرة توحيد الملابس ممتازة وذلك للأسباب التالية

توفير مبالغ مالية طائلة على الأسرة

إمكانية معرفة المدرسة من غيرها

رسم صورة تربوية ونظامية لأبنائنا الطلاب يستفيدون منها في المستقبل

انا مع الفكرة وضدها أيضاً لما فيها من سلبيات وإيجابيات

أشكرك على الطرح

[عضو دائم]

توحيد ملابس المدرسات يعتبر من الضوابط الادارية ويعس صورة جميلة لكل مدارس الدولة .. انا مع وبشدة وياليت يطبق وبسرعة .

[حمد 2002]

اشكركم على هذا المرور الجميل ،،، تحياتي ،،

[حسن]

اوبيه توني اشوف الموضوع يبيلى ارد من الاول واقرا كامل
بس من العنوان انا اييد الاقتراح ها عطيناك موافقه مبدئيه

[قوت القلوب]

اشدعوا خدامات !!!

حتى فاللبس يبون يضيقون عليهم ، كفايه الكرف اللي يشوفونه من الصبح

الله يقويهم ويعينهم على تربية الأجيال

[ودي أكون]

مع .. وفكره جداً ممتازه

[الشامخ]

وانت شدراك بلبس المدرسات ؟؟؟؟؟

[حياة]

الحين بيجونك مدرعمين بالرفض وهم نفسهم اللي رافضين النقاب في موضوع الاستقراطيه
انا مع فرض لبس العبايه في المدارس للمدرسات

[be cool]

توحيد ملابس المدرسات وايظا المدرسين مساواه :victory:

[تغلبية]

عباية معقول
اما زي موحد .. اشدعوة جرسون !

[دلال قطر]

.

ماله داعي توحيد الزي
بالامكان وضع قانون صارم يلزم المعلمة بالاحتشام

وانا كتجربة في مجال التدريس
كنت اشوف الطالبات وقت روحة البيت ملابسهم مافيها لاحشمة ولا كنهم طالبات ابتدائي مع ان المدرسات محتشمات..
الموضوع لو بتكلم فيه بيتفرع

الزبده اني ضد توحيد الزي وشكرا :)

[النهار]

اقتراح جيد
حمد بعد مايخلص الموضوع افتر على موظفات الجهات الاخرى
خلهم كلهم يلبسون جلباب :(

[khalid525]

لا طبعا الموظفين والموظفات يلبسون زيهم الاعتيادي ، الزي المحلي ،
الا اذا تطبق الموضوع على مستوى كل الوزارات

[نتفـه]

بعد ما قلتو يتمون بعبيهم !!! لبس موحد ؟! ليش عاملات نظافه!!! والا زعلانين من رواتبهم بعد ؟:)
ضد الزي الموحد لكن مع لبس العباية ..
ترضون يوحدون لبسكم في دواماتكم ؟!

[R 7 A L]

وبعد لا تنسى الشنط النسائية
ياليت يوحدونها
مو تطلع لنا اشكال وانواع تأثر على تفكير الطلاب
واقترح يوزعونها عليهم من المجلس الاعلى

[قوت القلوب]

وبعد لا تنسى الشنط النسائية
ياليت يوحدونها
مو تطلع لنا اشكال وانواع تأثر على تفكير الطلاب
واقترح يوزعونها عليهم من المجلس الاعلى

ههههههههههههههههههههههههههههههههههههههههههه

[حمد 2002]

شكرا لكم أخواني وأخواتي على تلك الردود الراقيه والمداخلات الجميله ،،،

تحــــــــــــــــــــــــــياتي للجميع ،،،

[fahd]

وبعد لا تنسى الشنط النسائية
ياليت يوحدونها
مو تطلع لنا اشكال وانواع تأثر على تفكير الطلاب
واقترح يوزعونها عليهم من المجلس الاعلى
:nice:
نعم مؤيد وبقوة وضع قانون صارم يلزم المعلمة بالاحتشام

[رمح الضعاين]

لا اؤيد فكرة ( التقييد )

المفترض كل رب اسرة كل ولي امر يراقب تصرفات بناته وزوجته او اهل بيته بشكل عام

المجتمع ككل يحتاج لتوعيه بطريقه اللبس لان للاسف اسيئ مفهوم اللبس ماعاد نعرف هل هذه رايحه لعرس ولا لعمل ولا لمدرسه ولا لحفله تنكريه ولا موظفه بسيرك او او او00الخ

اعتقد المجتمع بكل فئاته يحتاج لتوعيه بطريقه اللبس الراقي المحترم البعيد كل البعد عن التبرج الزائد

ويجب ان يتعلموا ماهو المكان الصحيح الذي يلبس فيه هذا اللبس

الذوق النسائي في المجتمع في خطـــــــر


الطامه الكبرى المعلمه تتعدل بالمدرسه كنها عروس ولما ترجع البيت اهي والخدامه واحد مايفرق بينهم الزوج يعني التبرج او اللبس والمكياج اصبح فقط للخارج اما داخل المنزل اهمال × اهمال مع ان المفترض العكس يصير

اخوكم

[أم محمد 90]

اخواني يدرسون بابتدائي

مرة شفت اخوي بو 8 سنين يعاير اخوي ب 10 سنين ان يحب الأبلة الفلانية
وايد كانو يعايرون بعض ف سألت أخوي الي عمره 10 سنين ليش تحب الأبلة ؟

قال : عشانها حلوة وتلبس لبس كشخة
بعد فترة رحت المدرسة باخذ اخوي عشان اوديه موعد فلما وصلت سألته يوديني حق الابلة اللي يحبها !

ولما شفتها طلعت بنت بعمري مواليد 90 ! ولبسها يفضح اكثر من مايغطي والمكياج والشعر اتوقعها رايحة صالون !

عموماً انا ماسكت وبلغت المديرة بأن لبس (مساعدة المدرسة) الفلانية غير لائق امام طلاب داخلين على سن مراهقة
احنا نسكر التلفزيون عنهم لما نشوف وحدة تلبس ضيق وشفاف في هالمسلسلات تجي المدرسة المفروض تكون مثال تلبس أخس منه؟

قامت اعتذرت وقالت صح كلامج وانا بنبها طبعاً اشك ان نبهتها لان بعد رحت عقب فترة كان عندهم يوم خيري لسوريا وشفتها لابسة اخس واخس وتتمشى بين الطلاب وتبوس خدهم وتلعب وياهم !

[شيخ الديرة]

الطالبات يعتبرون المعلمات قدوة لهم, حتى في اللبس. ويبدو أن الكثير من المعلمات في مدارس البنات يعتقدون ان اللبس الفاضح مسموح في مدارس البنات لعدم وجود الرجال, مصيبة.

[مشاكل]

الزام المدرسات بلبس العباية امام الطلاب والطالبات افضل حل
وفي غرفة المدرسات بكيفها تلبس اللي تلبس

[::.Silent.::]

مؤيد و بقوة أو الالتزام بالعباية داخل المدرسة و الفصل أيضاً

[ام السعف]

ضـــد

توحيد لا

لكن ممكن المطالبة بالحشمة وعدم المبالغة في التزيين

[الكنترول]

نعم مؤيد بقوة أو لبس العباية أمام طلاب المدارس النموذجية
تراهم مب هينين يفهمون ومتفتحين أكثر

[رجل تعليم]

ضروري من الوزرة tablier


إجبارية عندنا على كل مدرس ومدرسة .وأول شيء يلاحظه المفتش هو ارتداؤك للوزرة من عدمه ...كما أنه تمنح لنا نقطة عن الهندام من أجل الترقية

http://im31.gulfup.com/lRRV3.jpg (http://www.gulfup.com/?c1DX5r)

تستر جسد الإنسان وتمنحه هيبة تناسب مهنته كما انها تقي ملابسنا من الطباشير والغبار والصباغة. لكن مع المدة تصبح مزركشة بكل الألوان ...الجيوب تصبح حمراء مخضرة ههه لأننا ننسى ونضع الطباشير بالجيب .

حتى الرجال ممنوع لبس الجينز أو الحذاء الرياضي أو حلاقة الشعر بشكل غريب أو تضع سلاسل أو اي شيء يخالف الطباع البشرية العادية التي يتفق ليها الجميع .....نهائيا هذا غير مقبول في المدرسة .
والجمال والله لا يبرز إلا بالإحتشام والتواضع
ماذا نتتظر من مدرس يحلق شعره على شاكلة نيمار وغيره ..كله يبدو مخالفا .لا هذا له تأثير على الناشئة . اللي يحب يلبس اي شيء يحرص على ان يكون ذلك في بيته .أما المدرسة فهي مكان نتلقى فيه القيم المجتمعية السليمة التي يحبها الجميع ويتفق عليها الجميع . لا يجوز التسامح في هذه الأمور وانتم تكتبون الآن من خلال تجربتكم كيف تنعكس بعض المشاهد على أبنائكم . هذا فقط جزء مما ترونه وقد يكون ما خفي أعظم .
هذه مسؤولية أجهزة الدولة

[قطرية مثقفة]

فديت المدرسات @@ والله المدرسات لبسهم محتشم @@ وإذا في حالات شاذة فوين المديرة مب المفروض هي توجه وترشد المعلمات @@ أما انه يتوحد الزي فلا ياأخي هم المدرسات ناقصين هم علشان بعد تكملونها بزي موحد ليش داخلين معتقل :anger1::anger1:

[دلال قطر]

اخواني يدرسون بابتدائي

مرة شفت اخوي بو 8 سنين يعاير اخوي ب 10 سنين ان يحب الأبلة الفلانية
وايد كانو يعايرون بعض ف سألت أخوي الي عمره 10 سنين ليش تحب الأبلة ؟

قال : عشانها حلوة وتلبس لبس كشخة
بعد فترة رحت المدرسة باخذ اخوي عشان اوديه موعد فلما وصلت سألته يوديني حق الابلة اللي يحبها !

ولما شفتها طلعت بنت بعمري مواليد 90 ! ولبسها يفضح اكثر من مايغطي والمكياج والشعر اتوقعها رايحة صالون !

عموماً انا ماسكت وبلغت المديرة بأن لبس (مساعدة المدرسة) الفلانية غير لائق امام طلاب داخلين على سن مراهقة
احنا نسكر التلفزيون عنهم لما نشوف وحدة تلبس ضيق وشفاف في هالمسلسلات تجي المدرسة المفروض تكون مثال تلبس أخس منه؟

قامت اعتذرت وقالت صح كلامج وانا بنبها طبعاً اشك ان نبهتها لان بعد رحت عقب فترة كان عندهم يوم خيري لسوريا وشفتها لابسة اخس واخس وتتمشى بين الطلاب وتبوس خدهم وتلعب وياهم !

مصيبه
حبيبتي لو مااتخذو اجراء يستر هالموظفه كلمي المجلس الأعلى وسويها سالفة
مب نربي عيالنا ونوديهم المدارس على اساس انهم ف مكان للعلم آخرتها ينهدم كل اللي تربوا عليه بسبة لبس موظفات مستهترات !

آآآيه ع وزارة التربية والتعليم :(

[حسن]

الصراحه انا اؤيد ان يكون هناك يوني فورم خاص لكل مرحله ولون
ليكونو قدوه للطالبات
مش يقولون الام مدرسه والخخخخخ
مثل المدرسين كلهم لابسين ثياب ومثل الفنيين لهم لبس معين ومثل العسكريين لهم لبس معين
فانا اطالب من هذا المنبر بطبيق الامر فورا
فورا
لا رجوع

نسخه للدكتور عبدالواحد

:)

[خليفـة]

الزام المعلمات بضرورة لبس العباية طوال الوقت
افضل من توحيد زيهم
:)

خليفــة

[بصمة قطرية]

توحيد الزي لا صعبة مش حلوة ..!!!
لكن الإحتشام مطلوب
المفروض يجبرونهم على الإحتشام ،،

[حسن]

الزام المعلمات بضرورة لبس العباية طوال الوقت
افضل من توحيد زيهم
:)

خليفــة

:omg::omg:

شدعوه يابودعيج
عبي في الفصول وين صارت وين استوت
لا
لا
لا
مايسير
قول عدم تدريس المدرسات للاولاد الى صف الرابع اتفق معك
لان يجيك واحد شطح شكبره مثل حمود ولدي في الصف
تقول هذا طالب متيس عايد عشرين مره
:)

[احلى دنياااا]

بعد ما قلتو يتمون بعبيهم !!! لبس موحد ؟! ليش عاملات نظافه!!! والا زعلانين من رواتبهم بعد ؟:)
ضد الزي الموحد لكن مع لبس العباية ..
ترضون يوحدون لبسكم في دواماتكم ؟!

الاغلبية عبايات والله البس جوتي رياضة بعد شسوي ما الحق ع الشغل وبعد ماقمت احط مكياج مثل قبل مع اني اموت عليه
ما عادت المدارس مثل قبل كل شي فيها يضيق الخلق والشغل متعب جدا جدا
عندي اقترراح بعد اشرايكم ما نخليهم ياكلون مرة وحدة والا نجبرهم ياكلون من اكل الكافتيريا حالهم من حال الطلاب واللي مايطبق هالشي ينخصم من راتبه
عجبي لمواضيع من هالنوع لا تهدف لشيء ابدا

[عاهد بن علي]

اقتراح ممتاز