الكويتيون يدخلون بريطانيا بلا فيزا [الأرشيف]

مشاهدة النسخة كاملة : الكويتيون يدخلون بريطانيا بلا فيزا

jassim69

11-09-2013, 02:34 PM

نقلت صحيفة "السياسة" الكويتية عن مصادر مسؤولة في وزارة الخارجية أن المملكة المتحدة وافقت على إعفاء المواطنين الكويتيين من الحصول على "تأشيرة " مسبقة لدخول بريطانيا.

وأشارت المصادر إلى أن القرار سيتيح للكويتيين ختم جوازاتهم بتأشيرات الدخول في المطارات البريطانية، وأن قرار الإعفاء دخل حيز التنفيذ فعلياً للمواطنين حاملي جوازات السفر الخاصة، على أن يشمل جميع المواطنين اعتباراً من مطلع العام المقبل.

وبينت أن هذه الخطوة تعد الأولى لإنهاء معاناة الكويتيين مع السفارات أثناء تقديم طلب الحصول على "الفيزا"، وتسهل على المواطنين السفر إلى بريطانيا كما أنها ستعود بالمنفعة المشتركة على كل الأطراف في المجالات الاقتصادية والتجارية والصحية والسياحية والثقافية، وستعزز علاقات الصداقة بين البلدين.

تاسيتوس

11-09-2013, 02:37 PM

الغريب ليش دول الخليج ما تتفاوض كمجلس التعاون الخليجي مع دول اليورو.

بطل الفريج

11-09-2013, 02:37 PM

يستاهلون

عنيــــد

11-09-2013, 02:39 PM

عقبالنا يا رب

asasasss

11-09-2013, 02:44 PM

لوول القطريين متى

jassim69

11-09-2013, 02:47 PM

وين راحت ستثمراتنه هروز+ برج شارد + ستثمارات الجماعه الخاصه:eek5: ليش ماتشفع لنا دخول بدون فيزه :) الموضوع في شي :nice:

مخطط قطري

11-09-2013, 02:48 PM

بومحمد

11-09-2013, 02:48 PM

الغريب ليش دول الخليج ما تتفاوض كمجلس التعاون الخليجي مع دول اليورو.

سؤال في مكانه بصراحة

jassim69

11-09-2013, 02:51 PM

monatee

11-09-2013, 08:11 PM

وين راحت ستثمراتنه هروز+ برج شارد + ستثمارات الجماعه الخاصه:eek5: ليش ماتشفع لنا دخول بدون فيزه :) الموضوع في شي :nice:

ابد الموضوع مافيه شي،، الجماعات الخاصه اصحاب الجوازات الخضر يدشون بريطانيا بدون فيزا

الفيزا حق العنابي بس :)

New Vision

11-09-2013, 08:30 PM

ابد الموضوع مافيه شي،، الجماعات الخاصه اصحاب الجوازات الخضر يدشون بريطانيا بدون فيزا

الفيزا حق العنابي بس :)

لهذا السبب لايوجد اهتمام:rolleyes2:

كود نمبر

11-09-2013, 09:15 PM

ابرك مجلس تعاون كل بلد يلعب بصوب

الوعب

11-09-2013, 09:23 PM

القطريين قريب جدا وقبلهم بعد انشاءالله هم العام المقبل واحنا قبل نهايه العام انشاءالله
القطريين دايمن افعالهم تسبق كلامهم
من سنتين الجوازات الخاصه وهم توهم والجوازات العاديه قبل نهايه العام باذن الله

اللي فهمته من موظف في الخارجيه, في شهر 11 تعبئ الطلبات عن طريق النت ثم اعطائك الفيزا لمده 6 اشهر مجاني

cavok

11-09-2013, 09:32 PM

سمعنا هاي الكلام من زمان
اللة المستعان

SOUD.QA

11-09-2013, 09:38 PM

الله يعين الاحد عندي موعد للفيزا واليوم واحد من الربع هناك يقول حشره اللي يصارخ واللي يهاوش عالتأخير والاوقات اللي حاجزينها عالفاضي مكتبهم سيء ونتفه

المفروض مجلس التعاون يعامل بالمثل في موضوع الفيز وكمجلس يتفقون مع الاتحاد الاوروبي وبريطانيا من اعفائنا من الفيزا او تسهيلها ابسطها ناخذها من مطاراتهم من غير اي تعقيدات

قبل الناس كانت تحاتي السفاره الامريكيه وصار لهم فتره ولا اروع يسلمون الجوازات بنفس اليوم او ثاني يوم بالكثير مو بس للقطريين لا حتى للجنسيات اللي كانوا قبل يرفضونهم ويطولون فقبول فيزهم وهالكلام من واقع ناس واجد حولي وفوق هذا الفيزا للقطريين لمدة 10 سنوات بمبلغ يعتبر رمزي مقابل سعر بريطانيا لنفس المده

(بوطلال)

11-09-2013, 10:08 PM

وين راحت ستثمراتنه هروز+ برج شارد + ستثمارات الجماعه الخاصه:eek5: ليش ماتشفع لنا دخول بدون فيزه :) الموضوع في شي :nice:

استثماراتنا لنا لاهي زكاه عليهم ولا صدقه.

(بوطلال)

11-09-2013, 10:10 PM

ابد الموضوع مافيه شي،، الجماعات الخاصه اصحاب الجوازات الخضر يدشون بريطانيا بدون فيزا

الفيزا حق العنابي بس :)

هذا الي ناقص تبونهم يختمون مثلكم !

بوخالد911

11-09-2013, 10:12 PM

وليش ما نصير مثلهم؟!؟!؟!؟!

ودي أكون

11-09-2013, 10:13 PM

اذا كانت السفره لمثل هالدول عشان السياحه .. فانا انصح الجميع بعدم السفر لتلك الدول

والسبب .. ليس كل مايعرف يقال ولا كل مايقال حان وقته ولا كل ماحان وقة حضر اهله

والله اعلى واعلم

نسيم الغربي

11-09-2013, 10:46 PM

هههههههههه ، عقب فترة بيطلع لكم مسوؤل فالدولة يصرح (( قطر الاولى عالميآ في اعفاء مواطنيها من الفيز الاوروبية )) ههههههه

jassim69

11-09-2013, 11:49 PM

هذا الي ناقص تبونهم يختمون مثلكم !

عجيب ليش

VX.R

12-09-2013, 12:22 AM

هذا الي ناقص تبونهم يختمون مثلكم !

وليش هم غير وحن غير ؟؟؟

كلنا سواسيه أمام القانون ، ووفق للدستور ..

بوحــمد

12-09-2013, 12:35 AM

انا واحد توني مجدد 5 سنوات عقبها بفكر هالتفكير ههههههه

دنيا الاسهم

12-09-2013, 12:53 AM

مبروووك وعقبالنا ان شاء الله وباقي دول اروبا بدون فيزا ان شاء الله

الامير

12-09-2013, 04:36 AM

مبروووك وعقبالنا ان شاء الله وباقي دول اروبا بدون فيزا ان شاء الله

حلم ابليس في الجنه

ودي أكون

12-09-2013, 07:41 AM

هههههههههه ، عقب فترة بيطلع لكم مسوؤل فالدولة يصرح (( قطر الاولى عالميآ في اعفاء مواطنيها من الفيز الاوروبية )) ههههههه

مافي داعي للطنازه ترا قطر تسويها ههه :nice:

وانت الصاج :victory:

ولد شرق

12-09-2013, 08:06 AM

القطريين قريب جدا وقبلهم بعد انشاءالله هم العام المقبل واحنا قبل نهايه العام انشاءالله
القطريين دايمن افعالهم تسبق كلامهم
من سنتين الجوازات الخاصه وهم توهم والجوازات العاديه قبل نهايه العام باذن الله

تسلم اخوي
هذا اللي كنت باقوله لكن اظن بعض الاخوان يقرون جزء من الخبر
دخول القطرين اصحاب الجوازات الدبلوماسيه والخاصه تم تطبيقه قبل الكويت والامارات

والخبر المذكور يقول (الجوازات الخاصة) اللي اصلن مطبق عندنا قبلهم...

ولي العهد

12-09-2013, 08:10 AM

الله يكتب الي فيه الخير ... انا فيزتي مدتها خمستعش سنه يعني من اهنيه الين تنتهي يكون تعدلت الامور

للصبر اخر

12-09-2013, 08:12 AM

خل يوحدوون عملتناا اول بعديين تكلمو بلسان دول مجلس التعااون
الله يكتب اللي فيه الخير

AL-GROOB

12-09-2013, 08:39 AM

يستاهلون اخوانه الكويتيين .... عقبالنا يا رب .

monatee

12-09-2013, 08:58 AM

هذا الي ناقص تبونهم يختمون مثلكم !

لا طبعا مايجوز ،، اصحاب الدم السامي احنا مانوصل مستواهم

عنيــــد

12-09-2013, 11:06 AM

اتمنى حد يمر صوب عمارة الشريف و يشوف الزحمة ،،

و انا الحين داخل و نظام سيء جداً و العدد كبير و بعضهم ما لقى كرسي يقعد ،، و المشكله جاي على الموعد اللي كاتبين لي في الموقع و لما وصلت قدامي اكثر من 30 شخص انتظار ،،

يعني ابي اعرف هاللي يتشدق بالاجانب و انهم منظمين و احنا ما نفهم ،، هم عطونا موعد و طلبوا اوراق ،، و انا جبت اللي يبون كله و جيت على الموعد بالضبط ،، و في النهاية انتظار قبلي اكثر من ثلاثين شخص ،،

من اللي منظم الحين احنا ولا هم !!

حاولت مواعيد بعد الدوام و قالوا مافيه ،، و على فكره رايح دراسه عشان ما يقولون بعد سايح ،، و مستأذن من مديري ساعه و ارجع ،،

الحين صار لي نص ساعه و لا تحرك الا عشر اشخاص !!

و المشكله بعضهم حريم و اطفال و كبار في السن ،، هذا غير المواقف الزفت و تدور لك اي زاوية تدعس فيها موترك و تخلص..

اتمنى نفتك من هالمرمطة و ندخل اوروبا كلها بدون فيز ،، يعني هم يدفعون 200 ريال و يدخلون من المطار فيزة ثلاث شهور ؟؟

و انا وشو مالي كرامة ..!! على الاقل حالي حالهم !!

ام السعف

12-09-2013, 11:17 AM

الحياة صعبة

أسد الجزيرة

12-09-2013, 11:25 AM

البريطانين اذكية قطوا الشغل على الهنود و هم مرتاحين

قطرية مثقفة

12-09-2013, 10:31 PM

انه ماخذه فيزت العشر سنوات لا تخلوني أصيح :weeping: :weeping:

مشاكل

12-09-2013, 10:34 PM

انه ماخذه فيزت العشر سنوات لا تخلوني أصيح :weeping: :weeping:

يارب يشلون عنّا الفيزة :p

شيخ القبيلة

12-09-2013, 10:38 PM

انا الفيزا عندي لين 2015 وماتمنى اروح هالبلاد مادري على شنو الناس متولعين فيها وفي غيرها

أنا أحبكم

13-09-2013, 02:58 AM

الخبر غير صحيح

إلغاء تأشيرات الكويتيين إلى لندن.. إشاعة
http://www.alaan.cc/pagedetails.asp?nid=152356&cid=30

المحاميه

13-09-2013, 03:57 AM

شسالفه الحين بيلغون عنا الفيزا ولا لا