شلون يوافقون على مراجعاتي في الخارج

[وهم السنين]

السلام عليكم
الرجاء من اللي يعرف انه يعلمني شلون ألطريقه عشان يوافقون على مراجعتي .. الحمدلله تعالجت في امريكا بس عندي مراجعات كل اربع شهور لمدة سنتين .. وكل شوي احد يقول لي كلام غير .. المكتب الطبي في امريكا يقولون راجعي قطر ولمن راجعت اللجنة الطبية في قطر كل شوي يقولون شي .. اخر شي قالوه لي اللحين أخذ موعد مع دكتور في مستشفى حمد وهو اللي يقرر .. بليز اللي كملو مراجعاتهم برى يقولون لي ألطريقه واكلم من بالضبط وشنو هي الخطوات بالترتيب وجزاكم الله خير

[كود نمبر]

السلام عليكم

ماعليكم شر ان شالله والحمدلله السلامه

امور الجنه الطبيه معقده والواسطه فيها فوق القانون
الله يعين المرضى عليهم

بنسبه للمراجعه والموافقه عليها لابد من امرين

اما عن طريق الطبيب الذي يتابع حالتك هو يرفع
تقريره للجنه الطبيه بتوصيه لمتابعة المواعيد

او عن طريق الديوان الاميري وهو الافظل تكتب كتاب موجه لسمو الامير تشرح له الحاله
وترفق معه التقرير الطبي وان شالله امورك طيبه

تحياتي لك وماتشوف شر ان شالله

[بوحارب]

سلامات وما تشوف شر

الأمر بسيط تودي تقرير العودة اللي خذيته من أمريكا الى الدكتور الخاص بك في مستشفى حمد

وهو راح يكتب لك تقرير العودة الى أمريكا ويرسل التقرير الى اللجنة أو انت توديه

موفق ان شاء الله

[وحيد-الشوق]

مثل ماقال بوحارب ويستحسن تكلم الدكتور وقوله اكتب تقرير عدل مب مثل ويهك بعض الدكاترة يكتبون تقارير اي كلام وتروح للجنة ويرفضون العلاج

وحزات اذا دكتورك كتب التقرير وراح للجنة ممكن توافق للمراجعة وممكن يحولون موضوعك لدكتور ثاني متخصص في نفس المجال او رئيس قسم >> صارت لنا شخصيا

[وهم السنين]

اي افضل عن طريق اللجنه او الديوان ??
ويوافقون على العلاج بس ولا التذاكر والسكن ??