بغيت رايكم ضروري _ مساعده في محل خزائن ملابس [الأرشيف]

مشاهدة النسخة كاملة : بغيت رايكم ضروري _ مساعده في محل خزائن ملابس

king999

12-09-2013, 12:00 AM

Chambray

12-09-2013, 12:06 AM

صراحة مريت عليه انا شفت الخزائن عنده شئ جميل وحلو . لكن توقعت اسعاره تكون مبالغ فيها صراحة
قالي المتر يبدأ من 1000 ريال

اذا حد جرب شغله وكواليتي جداً ،، السعر يستاهل

لكن اذا الكواليتي مب لين هناك او عادي ، وبهالسعر اعتقد ان شركات كثيره تقوم بموضوع الخزائن بجوده اعلى وبسعر انزل

هل مريت منجرة الشرق مثلاً
او عالم الخزائن الي عند انصار سيتي ؟

حمد 2002

12-09-2013, 12:32 AM

مر على عالم المطابخ طريق سلوى ، عنده خزائن ملابس الجوده والكواليتي ماله ممتازه ، والتركيب كذلك والاسعار كذلك ،،،

الله يوفقك ان شاء الله

برشلوني قطر

12-09-2013, 05:27 AM

ماذكر اي محل ف طريق سلوى

يا الخزائن الاوروبيه او الامريكيه الصراحه شغله

نظيف ومرتب. اشتغل ف بيتي من تقريبا 5 سنوات

سوق جالس

12-09-2013, 05:34 AM

جرب تروح ايكيا .. يسوون خزاين و اعتقد يعطونك عليها ظمان 25 سنه عليها

بالنسبة لخزانه .. انا سويت من عندهم اكثر من خزانه و شغلهم الصراحة كواليتي .. و السبب اني مسوي الخزاين قبل ما يفتح ايكيا .. و اله كان رحت ايكيا

captin

12-09-2013, 05:36 AM

مرحبا أخوي

قبل ما تاخذ قرارك من أي محل تشتري

سو لك تصاميم للخزائن حسب المساحات اللي عندك
ومر طريق سلوى على أكثر من محل وعطهم التصاميم
وخلهم يعطونك عروض اسعار رسمية بالمواصفات
واجلس افرزهم واختار الافضل من ناحية الجودة والسعر

انا شخصيا تعاملت مع الخزائن الأوروبية اللي بشارع سلوى من كم
سنة وشغلهم نظيف وذو جودة واذكر السعر للمتر كان بـ 750 ريال

من فترة شفت رافكو في طريق الريان وعندهم خزائن ممتازة واقترح عليك تمر عليهم.

موفق ان شاء الله

بو الجوري

12-09-2013, 08:04 AM

أنا سويت خزاناتي من " إكسلوسف " و أعتقد خزانه و الخزائن المبتكره كلهم نفس المالك :)

المهم سويت خزانه حرف الإل ، تقريبا 3*2
وخزانتين كل وحده فيهم 2 تقريبا

طبعا كلهم للسقف مع كبتات فوق ، و الباب سحاب وفيه منظره

طلع تقريبا 23000 ريال

سعرك وايد مرتفع

الســـهم

12-09-2013, 09:06 AM

السلام عليكم

اخواني الاعضاء

وصلت مرحلة تركيب الخزائن للغرف ورحت حق محل خزانه اللي في شارع سلوى وطلع وخذ المقاسات من البيت
3 مقاسات من متر ونصف *مترين
وغرفه مقاس 4*3

م د ف

والطامه الكوتيشن

112000 الف !!!!!!1

يالربع هذا معقول ؟؟؟

ياليت تشورون علي بمحلات خزانه زينه واسعارها معقوله

عندك الخليج للخزائن الامريكية والميرة للمطابخ , شغلهم كواليتي وماعليه كلام ..

اهم شي تحط فالعقد شرط جزائي (غرامة تأخير) علشان يلتزمون بمواعيدهم ..

w.qatar

12-09-2013, 11:31 AM

انا كنت بسوي لي خزانه كلها مرايات قالوا لي هالمحلات 10000 ريال و انتظر 3 شهور رحت ايكيا سويتها ب3700 ريال و ركبوها بعد اسبوع

اللوز

12-09-2013, 01:01 PM

فصل المنيوم ابرك من الخشب

خزامئ

12-09-2013, 02:23 PM

انا شفت الميره اسعارهم معقوله عندهم تفاوت في الاسعار
حسب نوع الخشب
والتقسيمات الي داخل
عجبني الي شفته وللامانه للحين ماسويت
بس هم الاخيار الاول
وعندك منجره اليوان شفت هم الخشب مضقوط الماني معلاج على كلامهم ضد الحشرات
المتر يبدا 750
بس ناس واجد يقولون انهم يتخرون
ولا يخلصون على الوقت
انا ماتحمل الكذابين
فكنسلتهم من حسبتي
عندك الخزنات الامريكيه معروفه من سنين
كل الي سوو عندهم يمدحون الشغل
بس انا مابي باب سحاب ماعرف اذا يسوون باب عادي
رافكو ماعليهم كلام بس ناررررر اسعارهم
عندك التجهيزات المتحده بعد يسوون وشفت شغلهم حلو
وبعد يعتمد السعر على الباب وش فيه داخل هل هو علاق او دروج او سحاب كل شي بسعره عندهم
وعندك ارض المطابخ شارع سلوى بعد عجبني شغلهم

هذولا الي انا شفتهم والله يسر للجميع
وباشوف اكيا على كلام الاعضاء شغلهم زين مادري عن الاسعار

معماري قطري

12-09-2013, 02:31 PM

عند الخزائن الأُوروبية ألمنيوم بتشكيلة خشب ويسون لك قواطع حسب اللي تبي وبسرعة وعن تجربة وايد زينين خزاينهم وحلوين وعمليين .. آخر مره سويت عندهم من سنتين بعرض 4 متر على جدار غرفة جنب كامل .. طلعت ب 8500 على ما اذكر

غير عندك المتحدة للتجهيزات يسون نوعيات مسكتة وبإكسسوارات للحين ما شفتها عند حد ... شوف إخوي هذي كلها شركات تخصصية وكل شركة لها مواصفات تختلف عن الثانية .. نصيحتي خذ عروض أسعار مع تصميم معين هم يقترحونه وبعينات من المواد وقارن جودة وسعر واختار الأفضل لك.

وممكن ما تسوي كل القطع من شركة وحدة تغير من غرفة لغرفة أفضل لك أتوقع.

naklan

13-09-2013, 12:40 AM

انا كنت بسوي لي خزانه كلها مرايات قالوا لي هالمحلات 10000 ريال و انتظر 3 شهور رحت ايكيا سويتها ب3700 ريال و ركبوها بعد اسبوع

مرحبا اخوي w.qatar
اخوي سؤال كم مقاس الخزانه عندك اخبر ايكيا يبيع
خزائن جاهزه في المقاسات وقد تصادف قياس البعض
وقد لا تصادف السؤال هل ايكيا يفصل خزائن ~؟؟
وتقبل تحياتي وتسائلاتي :)

w.qatar

15-09-2013, 09:22 AM

العرض 3 متر و الارتفاع 2.36 و التقسم من داخل حسب رغبتك تنسق مع الموظف المختص و تختار الابواب اذا تبي سحب و لا عاديه شغلهم مرتب و عجبني

و اهم شي قبل ما تروح لهم تقيس المساحه اللي عندك بالسم و الارتفاع بالضبط