السالفه ومافيها ولابد البت فيها وباسرع وقت قبل تفاقم المشكله

[الصغيره]

استحملوني ولا تقولون ردينا على ياطير ياللي ...

لكلام موجه للي يهمه مدرري من بيهتم :)

هل ادارة العمل ؟

حقوق الانسان ..؟

الصحه ؟؟

ادارة

مكتب
استقدام

المهم ادخل بالموضوع اللي ماله نهايه ابد ...طبعا لي ثلاث شهور واختكم تدور في المكاتب عن خدامه كفئ ومن مكتب لمكتب واخترت وخلصت اموري يلكن الطلب قالوا يطول قلت لحلو ولا قوه ...ورحت ادور على مسترجعه قلت يمكن القى وحده زينه اخذها وتكون لي عون وزياده خير...

بالبدايه كل ما ادخل مكتب القى فئه عجيبه مسترجعه خدامات بنقلادش مكتب فيه وحده واخر فيه ثلاث وثالث فيه 15

الله يرزقهم لكن ليه يا ادارة العمل والاستقدام تفرضون علينا هالفئه ؟وغيرها كينيا وغانا ومدري اش الاخرى ياناس مااقطع الرزق لحد لكن ترى هالمساكين بالذمه يتاجر بهم كل يوم ببيت كل يوم بمشكله ويطول الطويل لا فحص ولا راتب ولا نوم ولا اكل طايحين بالمكاتب من مهتم ومن المسؤول والخساره مقسومه على المكتب وعلى الكفيل وعلى المكفوله المسكينه لا لغه ولا مال وحاله ....زين الحين الكفيل اللي طلبها وما ااستفاد يبي فلوسه يبي يطلع له خادمه اخرى قال صاحب المكتب لاااااا لابد من يجي كفيل جديد ويدفع فلوس ويجيب فيزه وتعال بعدها اخذ حقك ....؟

المهم

المشكله اللي صادفتني لقيت خادمه وخبره واعجبتني قلت خلاص اخذها تعالي يافلانه وش السبب انك مايبيك الكفيل قالت انا ماجاني الكفيل الا بعد 17 يوم وانا بالمكتب بعدها خذاني اسبوع للبيت وردني للمكتب قال ما تعرفين شي :(

قلت دفع لك شي قالت ولا ريال

المهم دفعت الفلوس وانا طالعه قلت للي بالمكتب سوت الفحص الطبي قال لااااااا خذيتها وسويت لها الفحص بعد طبعا اجازة العيد قعدت عندي لفتح القمسون الطبي وسوينا الفحص وننتظر المسج اللي يجي من القمسون الطبي الا المفاجاه غير لائق طبيا للعمل ....رجعتها للمكتب وقلت ابي فلوسي قال صبر لين يجي كفيل اخر :eek5:

اش تقول المراه غير لائق صحيا كيف كفيل اخر هات الفلوووس الحين المهم دفع فلوسي ورديت البيت ومضى على الامر شهر الا زوجها يكلمني على تلفوني من بلادها لانها كلمت من جوالي قالت وين فلانه قلت رديتها قال ماكلمتنا ولا اعرف عنها شي:discuss:

متى بيسفرها المكتب؟ وايش مصيرها ومن بيبحث عن المستقدمين اللي دخلوا البلاد وطاف عليهم 6 شهور بدون فحص طبي ؟؟؟

هل نحتاج لجنه متابعه خاصه بشان الخدم هل الوزاره المعنيه ماتقدر تلقى حل عن مشاكل الخدم قانون الخدم هروب الخدم وتسيبهم ولا لقينا حل على ان لنا افعال طيبه وصلت صيتها سطح القمر الا حلول بسيطه ماقدرنا للاسف لا جرايد لا رادوا لا تلفزيون لا واقع ما تكلمنا عن مشاكل الخدم نبي نعرف حقهم وحقوقنا نبي شي يردع حتى الامراض الساريه اللي تنتشر من اهمال المكاتب نبي يلزم المكتب بعمل الفحص الطبي من اول يوم للخادمه للخادم

نبي لجنه او متطوعين يدورون على المكاتب يبحثون حالة المسترجعين ومصيرهم المحزن الصراحه

بعدين بيوتنا الحين نعرف اللي يناسبها من العماله ليه تفرض علينا فئات التفاهم معهم مستحيل لاهم يعرفون عربي ولا انجليزي ولاحنا نعرف لغتهم بس هاتوا وردو ا حرام والله الخساير لنا ولخلق الله واقصد البنقلاديشيات حرام والله بعدين الخادم الخادمه هم الي بنختارهم وبيعيشون معنا فحنا مش ناقصين مشاكل خدم زياده

نبي حل يريحنا ويريحهم

الفلبينيات خبره وصلن الراتب بس 1500 من غير اتعاب المكتب اللي ما راح تقل من 14 الف
الاندونسيات بس تحضرها وصلت 13 الف زين نرضى لكن وين اللي يضمن لك عدم هروبها

ياجماعة الخير ترى المساله طولت وترى المسترجعات بشر مهما كان والفحص الطبي لابد ان يكون الزامي يقوم به المكتب قبل تلسليم الخدم

ترى كثر السل والدرن والتيفود والفيروسات

والله يسهلها على كل مسترجع ومسترجعه ويحفظنا من كل بلاء وابتلاء

[طبيب قطري]

موضوع مهم جدا وانا صارلي نفس الموقف وخسرت حوالي ثلاثين الف ريال بسبب خدامتين واحده سيريلانكيه بعد ماسويتلها الاقامه مرضت وقعدت تصيح وتقول ابي اموت ببلدي وسفرتها ! والثانيه فلبينيه شردت منا واحنا مسافرين اوروبا!!!!

[طير حوران]

الله المستعان اختي العزيزه

[00soma00]

ايش يعنى خدامة مسترجلة :secret:

[بن غيث]

السﻻم عليكم ..

انا بتكلم اﻻول عن ،، ادارة اﻻستخدام وزارة العمل ..

قسم مكاتب اﻻستقدام بأدارة اﻻستخدام

وهو القسم المختص بتلك المكاتب .. من ناحية اصدار التراخيص والتفتيش لضبط اي مخالفة وحل الشكاوي بالطرق الودية
لكن .. هذا القسم وباﻻخص ،، تلك اﻻدارة تعتبر من اسواء اﻻدارات بهذه الوزارة الفاشلة

حيث ﻻ يتم التفتيش على اي مكتب استقدام وﻻ يتم مراجعة العقود الموقعة بين اﻻطراف وﻻ يتم مخالفة المكاتب ومحاسبتهم للتجاوزات التي نعلمها كلنا كما ذكرتي ..

حيث يجب على مفتشين ذلك القسم الذهاب الى المكاتب والبحث عن اﻻخطاء والمخالفات التي تحدث لتفادي وقوع المشاكل التي تحدث .. قبل وقوعها

لكن .. الذي يحدث هو انتظار المشكلة حتى قدومها اليهم ثم يتم فتح شكوى ويحاولون حلها ..

اما بشأن وزارة الصحة .. ارى ان يكون في المطار مختبر خاص للخدم وعمال المنازل يتم اخذ التحاليل الضرورية لتفادي اﻻمراض المعدية ،، ويمكن تنفيذ هذه الفكرة بمنتهى السهولة

[captin]

ايش يعنى خدامة مسترجلة :secret:

تدور بنات
يعني تميل للجنس الناعم
على عكس الفطرة
بالمصطلح المحلي

بوية :secret:

ما يندرى عاد بوية بحر ولا بوية نوع ثاني :)

[الصغيره]

ايش يعنى خدامة مسترجلة :secret:








تدور بنات
يعني تميل للجنس الناعم
على عكس الفطرة
بالمصطلح المحلي

بوية :secret:

ما يندرى عاد بوية بحر ولا بوية نوع ثاني :)

الناس قبل ما تكتب رد المفروض تقرا والقراءه تاتي من خلال النظر بالعينين وليسس بغيرها راجعت موضووعي اعلاه ما لقيت كلمة مسترجله كل الموضوع حول المسترجعه .....وهي خادمه احضرت من اجل العمل ببيت الكفيل ثم تم استرجاعها للمكتب لعدم كفائتها وهنا فرق بين الكلمتين والمعنين:)

مدري يمكن انا ما وصلت المعلومه لكن اشوف الشباب قروها صح مدري ليه المسترجله مسيطره على بعض العقول


تقديري لكن اخواتي وصباح الخير

ااخواني اللي ردوا بصلب الموضوع لي رجعه لردودكم الكريمه وصباح الخير مره ثانيه

[ودي أكون]

حبيبتي الصغيره .. وفي احتمال ثاني بعد

يمكن ان المكتب طرشها ولكن هي مابلغت اهلها وشردت :secret:

لان اختي صارت لها نفس السالفه وريل اختي دخلها المطار لين داخل خلاص ماتقدر تطلع .. عقبها بفتره الا اهلها متلين وين فلانه .. :rolleyes2:

والعلم عند الله

[00soma00]

اسفة ... العتب على النظر
captin ماشاء الله شرح باستفاضة ههههه

[شيخ الديرة]

سيستم كفالة الخدامات كله ضروري يتغير, ويتحول الى شركات توظيف مؤقت حسب نظم تختلف كليا. الزبون يرتاح من المسؤولية والحكومة ترتاح من تعقيد الأجراءات والمكاتب العصر حجرية.

[لاجئ عاطفي]

المفروض ماتخذون خدامه الا عقب الفحص الطبي وهذا اللي صار معاي رحت اخذ خدامه فلبينيه من فتره واتفقت مع المكتب اني ماراح استلمها الا عقب ماتخلص من الفحص الطبي لان عندي عيال وفعلا هذا اللي صار عقب الفحص الطبي رحت وخذتها وبدون ما ادافع ولا ريال زياده لازم انتوا تجبرون المكاتب بهالشي المكتب يبي فلوسه ويبي يفتك وخلاص فلاتخلونهم يمشونكم على كيفهم انتوا دافعين مبالغ بالالاف فتشرطوا عليهم

[فلتة زمانها]

والله الخدامات حظوظ
بعضهم مادري شلون عليهم حركات ومقالب ،، مره جبت سيرلانكية مشتغلة
في لبنان كانت أوكيه في البداية ومره واحنا طالعين السوق نزلنا نصلي
العشاء في المسجد وفجأة الخدامة اختفت ما ادري وين راحت والله حرقت
أعصابنا وأرجعت عقب 40 دقيقه واسالها وين رحتي تقولي السوبر ماركت!!
وهي خايفه وحالتها حاله ثاني يوم رديناها المكتب
وعقب جبت إثيوبية مسترجعة ماشاءالله عليها نظيفه وهاديه على كثر ما اسمع عن الافارقه بس فيهم الزين ،، وعشان تكسبين الخدامة اكثر لا تضغطين عليها
وزيدي راتبها
1000 او 1200 صدقيني بتم عندج فترة طويلة

[دروب]

والله الخدامات حظوظ
بعضهم مادري شلون عليهم حركات ومقالب ،، مره جبت سيرلانكية مشتغلة
في لبنان كانت أوكيه في البداية ومره واحنا طالعين السوق نزلنا نصلي
العشاء في المسجد وفجأة الخدامة اختفت ما ادري وين راحت والله حرقت
أعصابنا وأرجعت عقب 40 دقيقه واسالها وين رحتي تقولي السوبر ماركت!!
وهي خايفه وحالتها حاله ثاني يوم رديناها المكتب
وعقب جبت إثيوبية مسترجعة ماشاءالله عليها نظيفه وهاديه على كثر ما اسمع عن الافارقه بس فيهم الزين ،، وعشان تكسبين الخدامة اكثر لا تضغطين عليها
وزيدي راتبها
1000 او 1200 صدقيني بتم عندج فترة طويلة

صحيح كلامك
جربناه وارتحنا ..

[ولي العهد]

الحل سهل جدا جدا ... الاكيد انه حد من هلج ولا من جماعتج ولا من صديغاتج عندهم خدامات ... كلمي اي خدامه وقولي لها اذا عندها حد في بلادها تبي تشتغل وانتي الي عليج بس اطلعين لها الفيزا وهي بتصرف نفسها في ديرتها وبطلع لها عقد عمل وبترتب امورها وبالطريقه هذي وفرتي على نفس الجهد والمال وبنفس الوقت المكاتب راح تتكبد خسائر فادحة

[AL-GROOB]

الحل سهل جدا جدا ... الاكيد انه حد من هلج ولا من جماعتج ولا من صديغاتج عندهم خدامات ... كلمي اي خدامه وقولي لها اذا عندها حد في بلادها تبي تشتغل وانتي الي عليج بس اطلعين لها الفيزا وهي بتصرف نفسها في ديرتها وبطلع لها عقد عمل وبترتب امورها وبالطريقه هذي وفرتي على نفس الجهد والمال وبنفس الوقت المكاتب راح تتكبد خسائر فادحة

والله كلامك 100 % وانا جبت عن طريق خدامه فلبينية كلفتني 3500 او 3800 والاعجب ان مكاتب الخدم يقولون بأن السفاره الفلبينية ماتستقبل الكفيل الا عن طريق مكتب خدم وعندما ذهبت الى السفارة استقبلوا الطلب مني بكل سهوله وتم الانتهاء من الاجراءات .

[q1989]

سبحان الله قبل شوي كانو يسولفون عن الخدامات و مشاكلهم في " وطني الحبيب "

[Ba6A]

اوف الله يكره الخدامات

[ام السعف]

ايش يعنى خدامة مسترجلة :secret:

مسترجعة مب مسترجلة
:(

المفروض ادارة العمل يكون عندها خط مباشر مع الكفيل
والقمسيون الطبي ،،

يعني اليوم ام السعف خذت هالخادمة من المكتب الفلاني
تدخل بيانات ام السعف مع الخادمة في سستم وزارة العمل

يطرشون مسج من القمسيون لكل من الكفيل ووزارة العمل

اهنيه الكفيل يبري ذمته من هالخادمة ويسلم الخادمة المكتب مع
وصل استلام الخادمة بتاريخه،،
ووزارة العمل تكون لها اجراءات خاصة بخصوص ابقاء خادمة
غير لائقة طبيا ،،

[حسن]

الصداع على قدر الالم

هذا الموضوع جدا معقد وشائك غير اتهامات الدول بالعبوديه من قبل منظمات حقوق الانسان وغيرها

هل راجعتي وزاره العمل وبلغتيهم بالموضوع واللي حصل معاك ؟؟

الى متى واحنا نعذب انفسنا بانفسنا الى متى وثقافه الخدم السائده ؟؟

اللي جايكم اعبر وبتتقبلونه بصدر رحب

اجازه
اقامه خارج المنزل
وغيره وغيره
وبعدين والحل نسوط نلطلم نموت ولا ترجع العبوديه ونشتري عبيد ونفتك من الغثى

يجب ان نغير من ثقافتنا هو الحل الابدي

لهذا الصداع المزمن في راس الحكومات

صج ميري ماركه عالميه

الله يحفضها ويخليها لنا

:)

[الصغيره]

موضوع مهم جدا وانا صارلي نفس الموقف وخسرت حوالي ثلاثين الف ريال بسبب خدامتين واحده سيريلانكيه بعد ماسويتلها الاقامه مرضت وقعدت تصيح وتقول ابي اموت ببلدي وسفرتها ! والثانيه فلبينيه شردت منا واحنا مسافرين اوروبا!!!!

وما هذا الا صوره متكرره لالاف القصص التي تحدث بكل منزل قطري

الامل بالله ثم بالمعنين بالامر لايجاد حل سريع وجذري لهذه الافه التي طال بترها وتعقيمها

شرفني مرورك الطيب

[الصغيره]

الله المستعان اختي العزيزه

والنعم بالله وبالله الامل

تقديري لك

[الصغيره]

السﻻم عليكم ..

انا بتكلم اﻻول عن ،، ادارة اﻻستخدام وزارة العمل ..

قسم مكاتب اﻻستقدام بأدارة اﻻستخدام

وهو القسم المختص بتلك المكاتب .. من ناحية اصدار التراخيص والتفتيش لضبط اي مخالفة وحل الشكاوي بالطرق الودية
لكن .. هذا القسم وباﻻخص ،، تلك اﻻدارة تعتبر من اسواء اﻻدارات بهذه الوزارة الفاشلة

حيث ﻻ يتم التفتيش على اي مكتب استقدام وﻻ يتم مراجعة العقود الموقعة بين اﻻطراف وﻻ يتم مخالفة المكاتب ومحاسبتهم للتجاوزات التي نعلمها كلنا كما ذكرتي ..

حيث يجب على مفتشين ذلك القسم الذهاب الى المكاتب والبحث عن اﻻخطاء والمخالفات التي تحدث لتفادي وقوع المشاكل التي تحدث .. قبل وقوعها

لكن .. الذي يحدث هو انتظار المشكلة حتى قدومها اليهم ثم يتم فتح شكوى ويحاولون حلها ..

اما بشأن وزارة الصحة .. ارى ان يكون في المطار مختبر خاص للخدم وعمال المنازل يتم اخذ التحاليل الضرورية لتفادي اﻻمراض المعدية ،، ويمكن تنفيذ هذه الفكرة بمنتهى السهولة

هالجهه المعنيه ياخوي خلفها من يقومها وخلفها من يوجهها مدري مافيه اقتراحات تجديد افكار بحث متابعه موظف مميز موظف لديه حلول اقتراحات حاس بمعاناة الناس

المشكله مدري من يحذفها على من ومن يعدل فها ومن يبحث ومن يقترح مدري ليمتى حناجرنا مبحوحه والحل متى وكيف ...؟


سعدت بمتابعتك وردك

تقديري

[الصغيره]

حبيبتي الصغيره .. وفي احتمال ثاني بعد

يمكن ان المكتب طرشها ولكن هي مابلغت اهلها وشردت :secret:

لان اختي صارت لها نفس السالفه وريل اختي دخلها المطار لين داخل خلاص ماتقدر تطلع .. عقبها بفتره الا اهلها متلين وين فلانه .. :rolleyes2:

والعلم عند الله

ما اعتقد ياخوي شكلها عندها اسره وتحب اسرتها زوجها قال جاي بتاريخ 21 هالشهر وراح يبحث عنها لانه جاي شغل بقطر

والقصه مش قصتي بس الا هناك قصص كثيره اخرها الليله الماضيه وحده لها نفس القصه خادمه مسترجعه بعد 5 شهور من التنقل من بيت لاخر وبعد شهرين عندها سوت الفحص ثاني يوم جاتها رساله راجعي القمسون الطبي...

هذا يبي له حل جازم ملزم لكل مكتب وكل كفيل ثلاث ايام مايسوى للمستقدم فحص طبي يكون غرامه عن كل يوم تاخير على المكتب وعلى الكفييل


تقديري لك الغاليه

[الصغيره]

اسفة ... العتب على النظر
captin ماشاء الله شرح باستفاضة ههههه

:)


:)

[الصغيره]

سيستم كفالة الخدامات كله ضروري يتغير, ويتحول الى شركات توظيف مؤقت حسب نظم تختلف كليا. الزبون يرتاح من المسؤولية والحكومة ترتاح من تعقيد الأجراءات والمكاتب العصر حجرية.

الشركات مكسب مادي قد يرهق كاهل المواطن والمقيم تخيل عامله بالساعه 35 ريال 5 ساعات كم ؟
175
الشهر كم ؟

تخيل

زين الربح زيناه مشروع اشوفه بيكون ناجح خاصه وهناك ايدي توظف الهاربات والدليل ان بعض العاملات من تجيك وتعرف هالمنطقه قريبه من مكان هروبها ما عاد تجي حتى لو تطلبها بالاسم

خساره من كل صوب

تقديري لمرورك الطيب

[الصغيره]

المفروض ماتخذون خدامه الا عقب الفحص الطبي وهذا اللي صار معاي رحت اخذ خدامه فلبينيه من فتره واتفقت مع المكتب اني ماراح استلمها الا عقب ماتخلص من الفحص الطبي لان عندي عيال وفعلا هذا اللي صار عقب الفحص الطبي رحت وخذتها وبدون ما ادافع ولا ريال زياده لازم انتوا تجبرون المكاتب بهالشي المكتب يبي فلوسه ويبي يفتك وخلاص فلاتخلونهم يمشونكم على كيفهم انتوا دافعين مبالغ بالالاف فتشرطوا عليهم

للاسف بعض المكاتب تجبك الخدامه وتتفاجاء وانت مخلص الا وهي ماسوت الفحص الفحص كنت اظن انها خلصت الفحص لانها لها مده طويله لكن للاسف خاب ظني ولبعض الموظفين يقنعونك انه مش شغل المكتب والبعض يطالبك
بفلوس الفحص
وكانت اجازه العيد طويله لكن الحمد لله انها جات على كذا حتى العقد بينك وبين المكتب تحسه مجرد حبر على ورق والدليل ان بعد 8 او 9 شهور تقولك انا بسافر يا الحبيبه العقد يقول سنتين قالت بله وشرب مايه مسافره مسافره وهنا الطامه الكبرى صح

تقديري لك


تقديري لك

[الصغيره]

والله الخدامات حظوظ
بعضهم مادري شلون عليهم حركات ومقالب ،، مره جبت سيرلانكية مشتغلة
في لبنان كانت أوكيه في البداية ومره واحنا طالعين السوق نزلنا نصلي
العشاء في المسجد وفجأة الخدامة اختفت ما ادري وين راحت والله حرقت
أعصابنا وأرجعت عقب 40 دقيقه واسالها وين رحتي تقولي السوبر ماركت!!
وهي خايفه وحالتها حاله ثاني يوم رديناها المكتب
وعقب جبت إثيوبية مسترجعة ماشاءالله عليها نظيفه وهاديه على كثر ما اسمع عن الافارقه بس فيهم الزين ،، وعشان تكسبين الخدامة اكثر لا تضغطين عليها
وزيدي راتبها
1000 او 1200 صدقيني بتم عندج فترة طويلة

الله يسخر لنا فعلا بعض المسترجعات سبحان الله تجيك حظ لك من الله

ومن باب العطاء والزياده وربي شاهد نه حتى رمضان ادبل لهم الراتب ومكفولات من جميع المواد الكماليه من مواد النظافه ومن ملابس وفي حاله سفر الوحد تقولين ماثث بيتها من الال للياء ومن غير الهدايا لدرجه ان اقل خدامه قعدت عندي ست سنين واعلى مده كانت 11 سنه ولله الحمد لكن وين الطيبات رااااحو

الله يسخر لنا

تقديري لمرورك العطر

[الصغيره]

الحل سهل جدا جدا ... الاكيد انه حد من هلج ولا من جماعتج ولا من صديغاتج عندهم خدامات ... كلمي اي خدامه وقولي لها اذا عندها حد في بلادها تبي تشتغل وانتي الي عليج بس اطلعين لها الفيزا وهي بتصرف نفسها في ديرتها وبطلع لها عقد عمل وبترتب امورها وبالطريقه هذي وفرتي على نفس الجهد والمال وبنفس الوقت المكاتب راح تتكبد خسائر فادحة

كل من سالت قالت هناك مكلف وصعب ويطول لان هناك يطالبونهن ببقاشيش وياخرون معاملاتهم وبعدين اخاف تطلع مريضه شي على الاقل المكتب يرد فلوس :(

لكن فكره طيبه ان الله سهل

شكرا لك على الاضافه

[الصغيره]

مسترجعة مب مسترجلة
:(

المفروض ادارة العمل يكون عندها خط مباشر مع الكفيل
والقمسيون الطبي ،،

يعني اليوم ام السعف خذت هالخادمة من المكتب الفلاني
تدخل بيانات ام السعف مع الخادمة في سستم وزارة العمل

يطرشون مسج من القمسيون لكل من الكفيل ووزارة العمل

اهنيه الكفيل يبري ذمته من هالخادمة ويسلم الخادمة المكتب مع
وصل استلام الخادمة بتاريخه،،
ووزارة العمل تكون لها اجراءات خاصة بخصوص ابقاء خادمة
غير لائقة طبيا ،،

لبى والله هالفكر وهالاقتراح اللي يبي له عشرين سنه لين ينفذ او حتى يفكرون فيه

هو ممتاز لكن من بينفذ

هم بس يروحون يشوفون البنقلاديشيات المساكين المسترجعات ومتكدسات حتى ما يفرضون هالفئه المسكينه كجهة خدامات لا لغه ولا مهارات يعني تعب على الفاضي وخساره للمكاتب ولهن وخساره وقت وانتظار للمستقدم


تقديري لك