فقدت حاسة الشم وين اروح ؟

[الجــازي]

فقدت حاسة الشم من شهر 12/2012م وماخليت دكتور مارحت له حتى

الدكتور عبدالعزيز الجفيري

الدكتور توماس الهندي

كلهم رحت لهم بس مافية فايدة :(

وين تنصحوني اروح ؟؟؟؟؟؟؟؟؟

[آنــه]

والله ما انصحج تروحين بعد حق دكاتره الظاهر انتي عندج الجيوب الانفيه المتقدمه
رفيجتي استخدمة عشبه معينه ك غسول للانف و هي فقدت حاستين التذوق والشم
و الحمدلله اتصلت تبشرني بانها ردت لها الحاستين بس نسيت العشبه اذا كلمتها ان شاء الله ببلغج
شنو اسم هالعشبه وجربيها دام ما لها مضار :)

[الجــازي]

والله ما انصحج تروحين بعد حق دكاتره الظاهر انتي عندج الجيوب الانفيه المتقدمه
رفيجتي استخدمة عشبه معينه ك غسول للانف و هي فقدت حاستين التذوق والشم
و الحمدلله اتصلت تبشرني بانها ردت لها الحاستين بس نسيت العشبه اذا كلمتها ان شاء الله ببلغج
شنو اسم هالعشبه وجربيها دام ما لها مضار :)

جزاك الله خير يا أختي آنــه

بس قالو لي مافيني جيوب ولا اي شي :( حتى سوو لي مسح ضوئي وقالو لي الجيوب سليمه بس قالو لي هذي كانت نزلة برد وراحت :( ومن بعدها خلاص معاد شميت ابد .

ياليت يا أختي تسئلين لي عن هذي العشبه الله يخليك وكون شاكرة لك :)

[فلتة زمانها]

ما عليج شر يالغلا
دوري في النت وشوفي تجارب البنات عن افضل
دكتور في الخليج يحل هالمشكلة
وان شاءالله باقي الأعضاء يفيدونج

[khaldoon]

متابع للاستفاده.....سلامات ان شاء الله

حاسة الشم عندي اعتقد ضعيفه و ما فكرت اعالجها !!!

[R 7 A L]

لاحول ولا قوة الا بالله
انصحك ماتخلين احد يتطبب
حاولي تبحثين عن مستشفى عالمي

[شبح الصمت]

الله يشفيج ويعافيج اختي ..

نفس حالتك انا ولي من قريب الـ 8 شهور تروح وترجع

الحل تروحين للدكتور خالد الشيخ في عيادة النصر مع اني ما انصح بابرة الكرتزون بس انتي جيوب انفيه حساسية والحساسيه مشكلة نفس مشكلتي ..

عن نفسي قمت استعمل بخاج اجيبه من البحرين مغطاته خضره مش موجود اهنيه وفي حبوب صغيرة نسيت اسمها لازم اداوم عليها كورس كامل ..

وحاليا رجع لي الشم وترى طبيعة المكان والجو ياثر في الواحد وايد وايد

وما عليج شر ان شاء الله

[كتكوت الوحش]

والله ما انصحج تروحين بعد حق دكاتره الظاهر انتي عندج الجيوب الانفيه المتقدمه
رفيجتي استخدمة عشبه معينه ك غسول للانف و هي فقدت حاستين التذوق والشم
و الحمدلله اتصلت تبشرني بانها ردت لها الحاستين بس نسيت العشبه اذا كلمتها ان شاء الله ببلغج
شنو اسم هالعشبه وجربيها دام ما لها مضار :)

صحيح الجيوب الأنفية واستمري عالعلاج العادي والضاهر حساسيه ويبيلها وقت

[عاشق العديد]

والله مادري اذا انا اشم او لا ..

الله يشفيج ..

[قطريه22]

الله يشفيج ان شاء الله
ونصيحه للاخوان والاخوات لحد يستخدم هذي لحبوب هي للزكام بس اضرارها كثيره وايد
وحده من الأهل كانت مزكمه وعطوها هالحبوب وتشافت من الزكام وافقدت حاسة الشم ويوم راجعت دكاتره قالو لها ان هالحبوب تنشف الزكام وجمدته ماعرف اشلون اوصف بس المنطقه الداخليه للانف وتفرعها الي جهة العضمتين الي في الخد قدام
وبعد معاناة نظفو المكان بأدويه بس هالشي مارجع لها حاسة الشم..

ومعروفه اضرار هالحبه لحد يستخدمها

http://im31.gulfup.com/KzLWh.jpg (http://www.gulfup.com/?10bLCV)

[شبح الصمت]

الله يشفيج ان شاء الله
ونصيحه للاخوان والاخوات لحد يستخدم هذي لحبوب هي للزكام بس اضرارها كثيره وايد
وحده من الأهل كانت مزكمه وعطوها هالحبوب وتشافت من الزكام وافقدت حاسة الشم ويوم راجعت دكاتره قالو لها ان هالحبوب تنشف الزكام وجمدته ماعرف اشلون اوصف بس المنطقه الداخليه للانف وتفرعها الي جهة العضمتين الي في الخد قدام
وبعد معاناة نظفو المكان بأدويه بس هالشي مارجع لها حاسة الشم..

ومعروفه اضرار هالحبه لحد يستخدمها

http://im31.gulfup.com/kzlwh.jpg (http://www.gulfup.com/?10blcv)




والا قد مره عطوني هالحبوب اختي قطرية

شكلهم جربوا عليها
حسبي الله ونعم الوكيل

وفي علاج آخر يومياً تحاول تحط فكس في الماي وتستنشقه وتغطي راسك واتم اقل شيء 10 دقايق حاول لمدة اسبوع شوف هل راح يفيد معاكم والا لا ..

[الجــازي]

جزاكم الله جميعا خير الجزاء والله ماقصرتو كفيتم وفيتم :)

وفي النتظار البقيه عسا وعل نحصل العلاج الصحيح

[Orchida4]

بعد نوبة رشح شديدة صادتني ووصلت لدرجة الالتهاب وبلغم برائحة كريهة اخذت لها علاج مضاضات حيوية بعدها فقدت حاسة الشم ولكن بعد فترة طويلة رجعت لي الحاسة والحمد لله وبدون علاج ولا مراجعة دكاترة

[^NoOOoR^]

نفس حالة أختي نزلة برد شديدة استمرت النزلة معاها قرابة اسبوعيين ، وعقب ما خفت النزلة لاحظت انها ما تشم شيء ، لدرجة حتى الفكس و العطورات المركزة و البصل بعد ما فادها عشان تتأكد من أنها افقدت حاسة الشم ، فراحت مستشفى العمادي عند دكتور ما اذكر اسمه و عطاها علاج مع ابرة كورتيزون بنسبة ضئيلة ..
من ثاني يوم بدت تسترجع الحاسة ..والحمدلله الحين بخير ..

[00soma00]

الله يشفيكى

[الجــازي]

جزاكم الله جميعا خير الجزاء

اختي




نفس حالة أختي نزلة برد شديدة استمرت النزلة معاها قرابة اسبوعيين ، وعقب ما خفت النزلة لاحظت انها ما تشم شيء ، لدرجة حتى الفكس و العطورات المركزة و البصل بعد ما فادها عشان تتأكد من أنها افقدت حاسة الشم ، فراحت مستشفى العمادي عند دكتور ما اذكر اسمه و عطاها علاج مع ابرة كورتيزون بنسبة ضئيلة ..
من ثاني يوم بدت تسترجع الحاسة ..والحمدلله الحين بخير ..

ممكن يا الغالية تسئلين لي عن اسم الدكتور الي راحت له أختك ؟

وكون شاكرة لك يا عيوني :)

[romoz]

الادوية الكميائية يا ليت تخلينها آخر الحلول


و العمل بالطب النبوي ، بشكل منتظم ، و ان لم يكن ناجع ، نتبع الطرق الاخرى من العلاجات الكميائية


مثال ذلك ، استخدام القسط الهندي كسعوط ، و السعوط هو الاسنتشاق و هذي من وصايا الحبيب محمد صلى الله عليه و سلم
و آخذ ملعقة من العسل و الاستنشاق بماء البحر


ابحثي عن طريقة القسط الهندي ، لاني نسيت كيف الطريقة بالضبط


و الله يشافيج

[ريتويت]

ماهي حاسه الشم

[مخطط قطري]

لي صديق كان يعاني بضبط من نفس مشكلتج وجرب حتى استنشاق البهارات والهيل والقناد وغيرها وكان في تحسن بسيط بس فعلا وصل مرحله مايشم
في دكتور في المانيا في ميونيخ ناسي اسمه اذا المشكله لازالت معاج بحاول اجيب اسمه هو في الدور الاول في فندق شرتون مجمع العيادات ومتخصص في الانف والاذن والحنجره

[باندول]

فقدت حاسة الشم من شهر 12/2012م وماخليت دكتور مارحت له حتى

الدكتور عبدالعزيز الجفيري

الدكتور توماس الهندي

كلهم رحت لهم بس مافية فايدة :(

وين تنصحوني اروح ؟؟؟؟؟؟؟؟؟

روحي لبهية الباكر دكتورة انف واذن وحنجره بمستشفى حمد العام

[الجــازي]

جزاكم الله جميعا خير الجزاء جد ماقصرتو وبيض الله وجهكم :)

وفي انتظار البقية :nice:

[النهار]

الله يشفيج ان شاء الله
ونصيحه للاخوان والاخوات لحد يستخدم هذي لحبوب هي للزكام بس اضرارها كثيره وايد
وحده من الأهل كانت مزكمه وعطوها هالحبوب وتشافت من الزكام وافقدت حاسة الشم ويوم راجعت دكاتره قالو لها ان هالحبوب تنشف الزكام وجمدته ماعرف اشلون اوصف بس المنطقه الداخليه للانف وتفرعها الي جهة العضمتين الي في الخد قدام
وبعد معاناة نظفو المكان بأدويه بس هالشي مارجع لها حاسة الشم..

ومعروفه اضرار هالحبه لحد يستخدمها

http://im31.gulfup.com/KzLWh.jpg (http://www.gulfup.com/?10bLCV)

يالله عاد هذي الحبوب استخدمها كل ماجاني زكام كل 12 ساعه صج يوقف سيلان الخشم
12 ساعه ماشفن منه ضرر :nice:

[طموحي عالي]

روحي لعيادة الدكتور عبدالمجيد الزعنوني ورا مبنى الجوزات

هالدكتور لو ماعنده علاجج بيقولج وبصراحه مهما لفيت انا واهلي عالدكاتره نهايه المطاف عنده

[المقاول]

يا سبحان الله الجازي عندها ابتلاء وتقول وين اروح ..
الجازي اليس الله من ابتلاك بهذا الخلل البسيط ؟
اليس الله سبحانه من يشفيك منه؟ اجتهدي في العبادات والدعاء
واختاري الثلث الاخير من الليل .. واطلبي من ربك الشفاء والعافيه
وستشفين بأذن الله ... المؤمن يبتلا ليعود الى ربه .. ليس يبتلا ليروح
المبتلا لغيره ... الله يهديج ويشفيج والسؤال لغير الله مذله .

[غدير البورصه]

علاج طبيعي ومامنه مضره

قهوه مقليه لين يصير لون حبة القهوه بني غامج او مثل لون الككاو.

اطحني القهوه .
كل يوم اشرب 3 فناجيل قهوه ومن غير هيل واي اضافات.

الصبح والعصر وقبل ما ترقدين .

لمدة 3 ايام وعقب ال3 بتشوفين النتيجه بقدرة الله.

[نتفـه]

نصيحة الاخ المقاول في محلها ..
ما يمنع انج تستشفين بالبحث عن الاسباب عند الاطباء لكن تحتاجين ان تدعين رب العباد القادر على كل شي ادعي الله وكثري من قراءة القران والاستماع الى القران والادعية والرقية والالحاح بالدعاء بان الله يشفيج وباذن الله راح تشفين

واعتقد ان الحجامه بعد تنفع اغلب الامراض باذن الله ..
وربي يشفيج ان شاء الله