المساعد الشخصي الرقمي

مشاهدة النسخة كاملة : افضل ممول لشراء سيارة


Small Investor
30-07-2006, 05:56 PM
السلام عليكم ورحمة الله وبركاته ....
شباب...بغيت استفسر عن الجهات او البنوك اللي تمول شراء السيارات المسترجعة للشركات أو من المعارض ، حيث أنني قررت شراء Gxr ولكني ابحث عن ممول بالأقساط ليشتري السايرة فيقصدها بأقل سعر فائدة ...اللي بغيته منكم شباب تعطوني احسن مكان سواء البنوك او الجزيرة او الاولى للتمويل وغيرها ...وهل لازم افتح حساب عند البنك الممول واطلب من العمل تحويل راتبي عليهم ....بليز توضحون لي بأسرع وقت...
شكرا
الأختصاصي
30-07-2006, 09:22 PM
اخوي انصحك بالاولى للتمويل
هي الوحيده الي اقصادها واضحه وتعرف متى تنتهي
بصراحه البنوك يستخدمون الفوائد المتراكمه عاد الله يعينك ماتدري
متى تخلص الاقصاد
milan
30-07-2006, 11:09 PM
اخوي انصحك بالاولى للتمويل
هي الوحيده الي اقصادها واضحه وتعرف متى تنتهي
بصراحه البنوك يستخدمون الفوائد المتراكمه عاد الله يعينك ماتدري
متى تخلص الاقصاد
ممكن تاخذ الموتر عن طريق الجزيره للاستثمار
أو عن طريق المصرف الاسلامي او الدولي الاسلامي
Chambray
30-07-2006, 11:24 PM
إذا تبي الملكية الحره ، عليك بالدولي الإسلامي والمصرف وبنك قطر الوطني الإسلامي ، والبنوك الإسلامية الي انصحك فيها ، صج فايتدهم عاليه شوي ، لكن الملكية بتكون حره ، تقدر تبيع موترك في اي وقت بدون ماترجع للبنك علشان يفك رهن الملكية !؟؟

اما اقل فائدة فهي بنك الدولي ، وهو كرندليز سابقاً ومن ثم الوطني ، ولكن لا انصح بهم لكونهم ربويين :) ولا يعطونك الملكية حره

تحياتي لك
Qatarii
31-07-2006, 12:36 PM
اخوي انصحك بالاولى للتمويل
هي الوحيده الي اقصادها واضحه وتعرف متى تنتهي
بصراحه البنوك يستخدمون الفوائد المتراكمه عاد الله يعينك ماتدري
متى تخلص الاقصاد


ابعد عن الأولى للتمويل والتسهيلات, بالنسبه لي اقول لك هم الوحيدين في قطر غير واضحين على مدى صحتهم في التمويل الأسلامي.
بالنسبة للتمويل الأفضل ارجح لك الدولي الأسلامي ويعتبر الافضل في قطر
_QTR_
31-07-2006, 01:17 PM
3alek ib al9afa (ALSAFA) o ma 3alek ela tedfa3 10% def3ah o aqsa6hom morey7ah o faydathom 7eloooah wayed
سلمان
05-08-2006, 09:15 PM
اخوي انصحك بالاولى للتمويل
هي الوحيده الي اقصادها واضحه وتعرف متى تنتهي
بصراحه البنوك يستخدمون الفوائد المتراكمه عاد الله يعينك ماتدري
متى تخلص الاقصاد

وانا معاك في الراي وتقدر ادش موقعهم وتقدر تعرف كم الأقساط كم بتطلع عليك والفوايد والمدة
Small Investor
06-08-2006, 06:03 PM
السلام عليكم

شباب ماقصرتوا والله ويعطيكم العافيه

السياره وخذيتها وعن طريق البريطاني ... وبدون دفعة اولى ....
وبفائده 4.9% ومجموع فائده 35000
وانا قمت بالسؤال في بعض البنوك منها
الدولي : لازم دفعه اولى وتقريبا 30 الف .... والفائدة 6.2% ومجموع الفائده كامله بتكون حوالي 57000
الوطني : لازم دفعه اولى 30 الف والفائده 4.5 .... وتقريبا ارخص مكان بس مارحت لانه ماعندي حساب هناك ويبيله عوار راس

الاولى : لازم دفعه اولى 30 الف ... فائده 7.5% ماحسبت مجموع الفائده عشان ما انصدم من التمويل الاسلامي

سبحان الله يعني عشان اسلامي يسون قصف يدرون انه الواحد محتاج .... ولكن بالحسبه الصحيحه ... ولا بطريقتهم الاسلاميه في الاخير نفس باقي البنوك .... يشتري السياره ويبيعها عليك
على العموم ماقصرتوا شباب واسمحوا لي على التاخير
لمت داون111
06-08-2006, 06:52 PM
يعطيك خيرها ويكفيك شرها اخوي :)

بس ممكن أسألك سؤال فضول لاكثر ؟؟

كم قيمه السياره الي خذتها عشان احسبو عليك فائده 35 الف !!

اذا السياره غاليه مثل رنج ولا الحوت معقوله هالفايده ولكن اذا بحدود ال200 ! , مادري اشوفها وايد

واذا سؤالي يضايقك لاترد عليه يالغالي , وبالمبارك مره ثانيه :)