مجرد اقتراح لحل الازمه

[king fish]

من الملاحظ أن زحمة الطرق تبدأ مع بداية المدارس وتقل بنسبه كبيره جدا عند الاجازات

يعني من اهم اسباب الزحمه توصيل الطلاب للمدارس المتفرقه في اماكن مختلف

اقتراحي هو :

لنفرض ان شخص لديه طالب في مدرسة في الدفنه ويسكن في الريان
وشخص اخر يسكن في الريان ومكان عمله في الدفنه

يقوم الشخص المتوجه الى عمله في الدفنه بتوصيل الطالب الى الدفنه بسبب انه على نفس الطريق وبالمقابل تم توفير عدد 1 سياره متوجه الى الدفنه

تنظم هذه العمليه والتصاريح عن طريق اي جهه مسؤوله عن المواصلات بحيث يتمم اخذ بيانات قائد المركبه وا سماء الطلاب معه ولازم يكون مسجلين عن الجهه المصدره للتصريح ويكون بمقابل مادي بسيط

النتائج
تقليل عدد السيارات المتجه الى المدرسه
فائده للسائق ماديا كزياده للدخل
فائده للشركه المنظمه بسبب اخذ رسوم تصاريح من غير مصاريف اضافيه

مجرد اقتراح

[مشاكل]

مافيش فايده :weeping:

[asadfg]

مافهمت شي

[ودي أكون]

حرام عليك انت جي زدت علينا اعداد السيارات

يعني بدال ما السياره الوحده اتلف من مدرسه لين مدسة وعقب لين الدوام ،،

انت خليتها سيارتين وحده للمدرسه ووحده للداوم اللي بيكون فيها الاب او الام ..

عميتها الله يهديك


حاول فكره ثانيه :tease:

واحنا نفس المجلس الاعمى .. اي فكره ناجحه لازم انفشلها :tease:

[وليف الشوق]

اقتراحك مش في محله ولا تزيد علينا طاقتنا بالماده واللي فينا كافينا وفضل من الله ماعندنا ضرايب واذا على اني اودي زوجتي ولا عيالي تقوم جهه معينه باخذ ضريبه !! لاوالله عسانا مارحنا

[شموخ دائم]

,

,


مرحبا


عليكم حلول عجيبه والله

بنصير دوله ( شيوعيه ) بالغصب تاخذ احد بطريقك

:)

الان مطبق الاولويه للساكن قريب المدرسه

شكرا على الموضوع

لكن اخوي الكريم

هذي حلول ارتجاليه !!

ولو نترك الامر لاهل الامر احسن

دول العالم المتقدم ما لقت حلول لهذه المشكله الا بطريقه القطارات والباصات

ونشر المدارس وروض الاطفال في الاحياء السكنيه قريب من بيوت الناس

وراح تنفذها الدوله بالقريب العاجل

وهي مدارس صغيره الحجم تخدم الفرجان القريبه منها فقط

:)

,

,


اخوك


شموخ دائم

[ودي أكون]

مافهمت شي

انا بفهمك

عندك نقطتين مثلاً .. نقطة أ .. في الريان
ونقطة ب في ام مسيعيد


نقطة أ مسجله اعيالها ف ب
ونقطة ب مسجلها بناتها في أ

هو يقول نبي جهة مسؤوله ورسميه .. لها مقر في نقطه أ
ولها مقر ثاني في ب

عشان كل يوم الصبح
سياره أ اتشل اعيال أ وتوديهم ب
وسيارة ب اتودي بنات ب وتوديهم لـ أ

يعني الشارع مايوقف .. وغير هذا لا تنسى ج اللي رايح من دوامه :rolleyes2:
وح اللى راد من دوامه :rolleyes2:


اذا مافهمت شيء لين اللحين قولي .. بجيب قلم وبشرح لك عدل .. :tease:


بس السؤال اللي يطرح نفسه .. ليش أ مايسجل اعيال ف مكان قريب من أ
وليش ب مايسجل اعياله في ب :rolleyes2:

صدعت والله :rolleyes2:

[التأمل]

اخوي الموضوع ما ينحل بالهطريقة
حل الازمة يريد تخطيط اولا
وثانيا يريد جسور وانفاق وزيادة مسارات الشوارع
وايضا قطارات وباصات

[شيخ الديرة]

أولادي في مدرسة خاصة يحكولي أن بعض الأخوان كل واحد منهم يجي بسيارة لأن عندهم أكثر من سيارة وأكثر من درويل.

يعني نفس نقطة أ ونفس نقطة ب

[asadfg]

انا بفهمك

عندك نقطتين مثلاً .. نقطة أ .. في الريان
ونقطة ب في ام مسيعيد


نقطة أ مسجله اعيالها ف ب
ونقطة ب مسجلها بناتها في أ

هو يقول نبي جهة مسؤوله ورسميه .. لها مقر في نقطه أ
ولها مقر ثاني في ب

عشان كل يوم الصبح
سياره أ اتشل اعيال أ وتوديهم ب
وسيارة ب اتودي بنات ب وتوديهم لـ أ

يعني الشارع مايوقف .. وغير هذا لا تنسى ج اللي رايح من دوامه :rolleyes2:
وح اللى راد من دوامه :rolleyes2:


اذا مافهمت شيء لين اللحين قولي .. بجيب قلم وبشرح لك عدل .. :tease:


بس السؤال اللي يطرح نفسه .. ليش أ مايسجل اعيال ف مكان قريب من أ
وليش ب مايسجل اعياله في ب :rolleyes2:

صدعت والله :rolleyes2:



انت او انتي مدرس او مدرسه رياضيات؟ @@

مادري ليش تذكرت ابوي وهو يدرسني رياضيات وانا صغير يحاول يفهمني يقولي تفاحتين مع برتقالتين يصير تفاحه تكون في صندوق برتقاله؟ قسما بالله ضاع المنطق عندي بسبه ها الامثال لا تعقدوني زياده بروحي تعقدت من نظريه فيساغورس

[ودي أكون]

انت او انتي مدرس او مدرسه رياضيات؟ @@

مادري ليش تذكرت ابوي وهو يدرسني رياضيات وانا صغير يحاول يفهمني يقولي تفاحتين مع برتقالتين يصير تفاحه تكون في صندوق برتقاله؟ قسما بالله ضاع المنطق عندي بسبه ها الامثال لا تعقدوني زياده بروحي تعقدت من نظريه فيساغورس

هههه صدقني انت شكلك عيل ماتفهم الا جي :rolleyes2:

اذا بعدك موب فاهم ترانا حااااااضريين ههه:tease:

[أسد الجزيرة]

الحل الغاء الرادارات على الخط لانه وجودها زي عدمه و الهنود من الخوف يضرب بريك قبل الرادار بكيلو

[abdo222]

:) الحل نعطي للمدارس اجازه طويله ,,

والله كانت الشوارع حلوه قبل اسبوعين :(

[king fish]

للي ما فهم بالعاميه توصيل طلاب بطريقك تاخد ثلاث او اربع طلاب معاك

[بونووف]

يعني اشتغل بدال الباص واشل عيال الفريج معاي ..؟ وشوي الا واحد مايبي يتاخر والا ناسي شنطته فالسياره ولا مب متريق ولا مايبي ينزل المدرسه لا ياخوي عفيسه ومسؤوليه ..

كل واحد يودي عياله واللي يخاف على الزحمه خله عياله يركبون الباص

[king fish]

,

,


مرحبا


عليكم حلول عجيبه والله

بنصير دوله ( شيوعيه ) بالغصب تاخذ احد بطريقك

:)

الان مطبق الاولويه للساكن قريب المدرسه

شكرا على الموضوع

لكن اخوي الكريم

هذي حلول ارتجاليه !!

ولو نترك الامر لاهل الامر احسن

دول العالم المتقدم ما لقت حلول لهذه المشكله الا بطريقه القطارات والباصات

ونشر المدارس وروض الاطفال في الاحياء السكنيه قريب من بيوت الناس

وراح تنفذها الدوله بالقريب العاجل

وهي مدارس صغيره الحجم تخدم الفرجان القريبه منها فقط

:)

,

,


اخوك


شموخ دائم

الله يسمع منك

[بن رحال]

من الملاحظ أن زحمة الطرق تبدأ مع بداية المدارس وتقل بنسبه كبيره جدا عند الاجازات

يعني من اهم اسباب الزحمه توصيل الطلاب للمدارس المتفرقه في اماكن مختلف

اقتراحي هو :

لنفرض ان شخص لديه طالب في مدرسة في الدفنه ويسكن في الريان
وشخص اخر يسكن في الريان ومكان عمله في الدفنه

يقوم الشخص المتوجه الى عمله في الدفنه بتوصيل الطالب الى الدفنه بسبب انه على نفس الطريق وبالمقابل تم توفير عدد 1 سياره متوجه الى الدفنه

تنظم هذه العمليه والتصاريح عن طريق اي جهه مسؤوله عن المواصلات بحيث يتمم اخذ بيانات قائد المركبه وا سماء الطلاب معه ولازم يكون مسجلين عن الجهه المصدره للتصريح ويكون بمقابل مادي بسيط

النتائج
تقليل عدد السيارات المتجه الى المدرسه
فائده للسائق ماديا كزياده للدخل
فائده للشركه المنظمه بسبب اخذ رسوم تصاريح من غير مصاريف اضافيه

مجرد اقتراح

اول حاله تسجل في قطر بسبب الزحمة:telephone: