رجاااء اللي فاهم بس

[المسافرة]

اخواني الشباب بليز اللي عنده خبرة ومجرب وبس مابي احد يكتب شي هو سامعه وبس

محتارة بين سيارتين طبعا للدريول ولحد يقولي عن غير هالسيارتين واكيد باخذ له مستعمل وموديلات بين 2009 و 2008 ابي اعرف اي سيارة أحسن للسائق من حيث الخرابات والخسائر ومطبات الدوحة مرسيدس s350 او رنج روفر وأي رنج اقل خراباته بليز أبيكم تنصحوني بس بين هالسيارتين وابد مو غيرهم قبل اتسرع بواحد منهم

ويعطيكم العافيه

[بوحارب]

أكيد الرنج

[عاشق العديد]

الرنج روفر الج س تي سي .. وانصحج بمديل 2010 او 2011 .. 2008 وتحـت ماراح يفنعـج بشي وبيكون ماشي واجـد ونظافته مب لين هنـاك ..

المرسيدس حلـوه .. واستعمال حلـو لكن السيرفسس يذبـح وكذلك الرنـج فا من ناحيتي انا .. نصيحه اخـويه ..

جي اكس ار 2013 او 2012 ..

بيعيش معاج ولاخرابات وينفع حق الدريوليه والسيرفسس حلوو وكل شهر تجينيكنه مايكلفج 300 ريال .. وشكـرن

[المسافرة]

يعطيكم العافيه

بس ارجووووكم قلت لكم لا تجيبون لي طاري غير هالسيارتين بليز

[الـقـاسـي]

الرنج الـ hse طبعا اذا مصممه الا هالموترين

[Qtel-Qat]

الرنج روفر اكيد الـ hse

وبالتوفيق

[كبير المتداولين]

دريول ويامرسيدس او رنج

ودورين اخف خساير بعد


لاتعليق

[عاشق العديد]

يعطيكم العافيه

بس ارجووووكم قلت لكم لا تجيبون لي طاري غير هالسيارتين بليز

كانت مجرد نصصيحه مش طاري .. وعن اذنج ..

[وحيد-الشوق]

الرنج بيكون افضل واعتقد تقدرين تفتحين له او تجددين له الضمان

اخيرا حتى لو الموضوع عن سيارتين فقط مايمنع تسمعين نصايح الاخوان !!

[ولد الزبارة]

ما عندك إلا هالخيارين ، وتقول إلاقل خرابات !!!

إلا من الحين حاول تغير خياراتك ، ولا تراك بتتحسف .

[qtr qtr]

اخس موترين حق الخسااير مانصحج ولا واحد منهم

[البانوش]

المرسيدس افضل من رنج روفرلسايق لان مشاكلة وصيانة مب مثل الرنج الي الكهرباء معقدة فية

وسرفس اسعارة نار وكثرت خرابة وقطع غيارة غالية جدا ورنج روفرد سيارة شباب

مب سيارة عائلة هذا الى سمعتة من بعض الاصدقاء

ولاختيار في الاخير يرجع لكم.

[alfaris]

كلها

شريتها خساره و سيرفسها خساره و بيعتها خسااره

[المناعي1]

كلهم تمام بشرط عندج المادة و سيارة ثانية تستخدمينها في حالة تعطل السيارة أو دخولها لسيرفس لانه صراحة السيارة الكشخة عندنا للأسف تفرض نفسها في الشارع ...

[الإكسير]

المرسيدس ولي يقول خربات وخساير هذا ما عمره شراء ولا استخدم مرسيدس....وخيرات التصليح للمرسدس متوفرة في أماكن واجد غير الوكالة

[مخطط قطري]

مرسيدس 350 موديل ٢٠٠٨ افضله وبقوه للعايله لاسباب كثيره خصوصا حق عايله من ابرزها اسهل لج في الركوب والنزول كان عندنا واحد وماشتكينا من شي لمده 4 سنوات واستخدمت الرنج فتره القديم 2010 والسيرفس غالي يعني حتى شكله في الشارع عقب الجديد صار مب شي
المرسدس رزه والحين سعره طايح ووقت البيع يروح بسرعه لحبيت تبدل السياره

[جاسم القطري]

بدون ضمان هالسيارتين بيخسرونج وايد


خذي المرسيدس الجديد وايد حلو وسعره معقول

[منقاش]

مع احترامي ... ولا بتستفيدين من راي ! صلي استخاره والراي الاول ولاخير لج

[CH Engineer]

الرنج خسايره اكثر وخراباته اكثر
المرسيدس افضل وتقدرين تبدلين ايل فلتر فالتيسير و تصلحينه فشركة اسمها بوش او قريب من هالاسم فالوكرة
المرسيدس جودته اعلى بكثير من الرنج

[بوعمير]

من واقع خبرة:
لا مقارنة بين الاثنين، المرسيدس فئة ال s افضل من جميع النوحي ( مكينة، رفاهية، صيانة، يعيش، شكل، سعر، بيعته سهلة ومرغوب ...الخ).

الرنج من أسوء المواتر الي استخدمته خرابات كثيرة، يبيله واحد ستعمالة حشمة يعني ماينفع حق دريول، و قطع غير ضو، حدة 4 سنين وعقب بيعة والله يعين الي يبتلش فية.

[البدر 8]

المرسيدس افضل بس اقل فئه اسمها اس 300 وان كانت غير متوفرة مالك غير 350 اس

[العميد الركن]

لاتاخذين رنج اقل من موديل 2010

[باندول]

يعطيكم العافيه

بس ارجووووكم قلت لكم لا تجيبون لي طاري غير هالسيارتين بليز

اجل ليش تبين نصيحه
هلمواتر قديمه وزباله وصيانتها غاليه وهي عند صاحبه الي محافظ عليها فمبالك بدرويل يكسرها .... في مثل قطري يقول اشتر تبيع

مالك غير كرولا ولا كامري جديده من شركه ارخص من الي ذكرتيهم :tease:

[اللوز]

المرسيدس

[المسافرة]

تسلمون ويعطيكم ألف عافية وصراحة وايد استفدت من نصايحكم لدرجة خلاص قلت خلني في سيارتي المرسيدس ابرك دام الكل نصحني بالمرسيدس
صراحة صج يعطيكم العافية على الردود