هل شهادة اتمام البناء يبيلها مساح

[AL-ANSARI]

السلام عليكم حبيت اسأل هل شهادة اتمام البناء من بلدية الريان يبيلها مساح ؟ وهل هذا المساح من البلدية او من برا أجيبه صراحة ماعرفت لان في ناس قالوا لي مب لازم مساح بس المقاول كلمني وقال لي لازم مساح من برا وتكلفته 3500 ريال. السؤال الثاني هو انا بديت اسوي اجراء اتمام البناء من البلدية وفي نفس الوقت من كهرماء هل الي اسويه صح؟ لان صراحة اجراءاتنا عقيمة وغير واضحة وكل واحد يقول لك شي غير مع العلم البيت خالص ومشطب بس عدم وضوح الاجراءات ملخبطني

[اللوز]

سؤال مهم

[شموخ دائم]

,

,


مرحبا


اخوي الكريم


الموضوع جدا سهل لو المقاول عمل الخطوات الصحيحه من البدايه

و شرح لك تقديم الملف

1 - لما يوصل البيت عظم تقدم فتح ملف في كهرماء وتعمل طلب توصيل ( الكيبل على السور الخارجي ) يقوم فيها الكهربائي او المقاول

على ما توصل مرحله التشطيب يكون الكيبل واصل عندك في السور وامورك طيبه
( المقاول عندك ما قام بهذه الخطوه )
ومن ثم انتظار شهاده اتمام البناء لادخال الكهرباء داخل البيت


2- الان نكمل الخطوه الثانيه شهاده اتمام البناء

نظافه البيت من الخارج من مخلفات البناء ولازم البيت ركب فيه الشبابيك
والابواب ومرحله الصبغ حتى يطلع المفتش يشوف البيت

3- ختم كيوتل على الطلب ومعاينه مكان تمديد بايب الواير من السور

المرفقات المهمه للبلديه ولكهرماء

1- بطاقه الشخصيه
2- تقرير مساحي للتاكد من الالتزام بالحدود للارض وعدم التجاوز
3- ضمان العازل من شركه معتمده
4- نتيجه اختبارات الصبيات
5- توقيع الاستشاري
6- توقيع المقاول
7- ملكيه الارض جديده

عندك خيارين للمساح

* تطلبه من قسم المساحه والانتظار على الدور مكانهم خلف البلديه على الكورنيش
الانتظار ممكن يوصل الى اسبوعين

* تجيب مساح على حسابك ( اذا كنت مستعجل ) وتخلص نفسك في يومين او 3 ايام


الموضوع راجع لك

بعدها تاخذ ( ورقه اتمام البناء ) من البلديه التابعه لك
وتروح كهرماء تكمل باقي الاجراءات لتوصيل الكهرباء وتركيب العداد

من المفترض الكهربائي جاب مكينه كهرباء وشغل البيت للتاكد
من كل التمديدات وركب ليتات اختبار للبيت
ويشوفها المفتش منوره

داخل البيت

لو عندك مقاول جيد ( كان عمل كل هذه الاجراءات ) وانت مرتاح

ولو عندك كهربائي جيد كان عمل كل هذه الاجرائات وانت مرتاح

ما عليك الا توقع على الطلب او الفورمه

:)

انت الان طريقتك نفس الي يشطب لوحده وبمجهودك



,

,


اخوك


شموخ دائم

[AL-ANSARI]

شاكر لك ردك اخوي شموخ دائم وانا فعلا سويت البيت فقط عظم وانا الي كملته بنفسي وكيبل الكهربا الرئيسي واصل وكيوتل موصل لهم البيب والحبل جاهز من داخل البيت والبيت خالص ولكن بالنسبة للمساح ببدأ موضوعه الاحد ان شاءالله لانه مطلوب صورة طبق الاصل من سند الملكية وهذي يبيلها مشوار ثاني. انا تأخرت في اتمام البناء لاعتقادي ان البيت لازم يخلص اول المهم انا الحين شغال في اتمام البناء وفي نفس الوقت قدمت على موعد فحص من كهرماء وجا المفتش وكانت عنده ملاحظات وعدلناها والحين بقدم على موعد ثاني والله المستعان

[هدوء العاصفة]

شموخ ما قصر وضح لك .. وهذا اللي صاير تحطون مقاول رخيص وتعيس ومكتب استشاري تعبان ورسوماته كلها غلط في غلط وبعدين تذمون في الموظفين والبلدية .. والله المستعان. انا بيتي الاجراءات سهلة جدا سواها لي المقاول وجاب لي الاوراق اوقعها وكان الله رؤوف رحيم.

[AL-ANSARI]

شموخ ما قصر وضح لك .. وهذا اللي صاير تحطون مقاول رخيص وتعيس ومكتب استشاري تعبان ورسوماته كلها غلط في غلط وبعدين تذمون في الموظفين والبلدية .. والله المستعان. انا بيتي الاجراءات سهلة جدا سواها لي المقاول وجاب لي الاوراق اوقعها وكان الله رؤوف رحيم.

ياهلا والله....يخي من قال لك اني حطيت مقاول رخيص وتعيس على قولتك ومن قال لك اني حطيت مكتب استشاري تعبان على حد وصفك. انا سألت عن المساح والبيت خالص والعضو شموخ دائم رد علي وجزاه الله خير. أما اسلوبك هذا في المشاركة ما أحبه (اذا تكلمت فلتقل خيرا أو لتصمت) وشاكر لك مرورك

[هدوء العاصفة]

لا تزعل وانا اخوك .. وان شالله خير.

[باندول]

شموخ واحد من الجماعه قبل لايبني بيته وعشان ترخيص البناء قالوا له جيب مساح يحددد الارض وجاب المساح
وبعد مخلص البنيان عشان اتمام البناء قالوا له جيب مساح مرة ثانيه وجاب
وطلع فيه غليطه بسبب المساح الاولي الطوفه ديكورها طالع مدري كم سنتيمتر وكتبوه تعهد

طيب ليش نجيب مساح مرتين عشان المسافات والقياسات قبل وبعد
هل هي فقط لمقارنه