كم الراتب في المتوسط الي يوفر للاسره القطريه الحياه الكريمه

[مليت]

السلام عليكم اخواني

استفساري كم الراتب المناسب للاسره القطرية واقصد هنا اسره فيها على الاقل 5 ابناء غير الزوج وزوجه والخدم ومصاريف كيوتل والبترول ولتموين وخاصه اصحاب المجالس ولا يخفى عليكم بعض الكماليات مثل السفر مرتين في السنه وبعض المناسبات خلنا نقول 3 اعراس وعيدين والشهر الفضيل وبعض الهدايه البسيطه للمواليد وخلافه لايشترط الزوجه تعمل غير مصاريف الاقامه للخدم وتجديد الاستمارات والمصاريف الدراسية

وياليت لا نتكلم عن سياسة شد الحزام انا اتكلم عن الحياه العاديه

من وجهة نظري 80 الف ريال شهري ممتازه جداً وممكن يتم التوفير منها شي بسيط

[New Vision]

مش اقل من100الاف

[عشرج]

2250 ريال :tease:

[مليت]

2250 ريال :tease:

شكلك حطيت احساب فاتورة كيوتل بس

[بوحارب]

عليكم كيفكم 80 و 100 !!!!!!

انا أشوف 30000 تفلهم فل طول الشهر بس مايكون البيت اجار

[مليت]

عليكم كيفكم 80 و 100 !!!!!!

انا أشوف 30000 تفلهم فل طول الشهر بس مايكون البيت اجار

قسم لي 30 الف وخلها تكفيهم ولك مني جائزة مليت لسلام

[عشرج]

شكلك حطيت احساب فاتورة كيوتل بس


وانت الصاج اخوي هذا راتب معتمد من جهه رسميه

[حسن]

على حسب كل شخص
فيه اللي يوفر منه ويزيد ويستثمر وفيه منه يلعب فيه ويعلب في فلوسه
المستوى الان وفي ضل الكل يعمل الزوج الزوجه الابناء والبنات
الماي زاد على الطحين

[محاسب]

اي هدف ترجوه من الموضوع.
لوبيدي حذفت الموضوع مع كامل
احترامي للجميع

[مليت]

اي هدف ترجوه من الموضوع.
لوبيدي حذفت الموضوع مع كامل
احترامي للجميع

عزيز وغالي

[بوخالد911]

35000 - 45000

بس لو يخفووون من الزبوووو والمفوشرررر

[أم علي 2010]

شوف اخوي

انا تقريبا صرفنا حول ال 30 قاصره او زايده

وعندنا صرف بو عيالي لان يدرس برع ، ففضلت ان ابقى في الدوحه

رواتب خدم 3000 ريال
فواتير كيوتل و الانترنت والشو تايم 2000 ريال تقريبا
تقريبا ما جلت البيت 5000 ريال
توفير حق اليهال 2000 ريال
التموين الحكومي 350
مصاريف الحضانه 3000 شهريا لطفل
يعني ملابس و طلعات خلال الشهر 3000 لين 5000
البترول تقريبا 500

اذا في مواجيب وهالامور تقريبا رينج الهديه في 1000
اوفر مبلغ شهريا

للحين مافتحنا مجلس رجاجيل

يعني انا اتكلم عن عايله 5 افراد ام واب و 3 اطفال و خادمتين و سايق

الحمدالله الامور ماشيه

اهم شي الواحد ينظم اموره و يعرف الصرف الثابت شهريا وبعدين يدلع نفسه
وانا ماشيه على هالنظام

يعني زيد على ال30 الف 15 الف تقريبا 40 لين 50 اتوقع مناسبة

بس ماظن راتب الزوج وحده :tease:

تحيه حق المراة العاملة اللي تساعد زوجها :nice:

[النواخذة]

150الف اقل شي لأنة كل شي صاير نار

[النواخذة]

20الف بس مصاريف السعال يادوب تسدهم

[@ بوفيصل@]

45 الى 55

[مستر راشد]

50 الي 60

[OREO]

سؤالك صعب ياخوي ،،

لأن الأُسر القطرية طبقات و كل طبقة لها برستيج معين و هكذا..

البعض قال 30 و البعض الاخر 45 و انا شخصياً لا ارضى بأقل من 100 الف ريال لان هذه مصاريفي شهريا و غيري تلاقي برستيجه اعلى و لا يقبل بأقل من 200 الف ريال و هكذا ،، و بالمقابل البعض يعيش بأقل من 5 الالاف ريال شهريا ..

من وجهة نظري الشخصية لابد على الشخص يعيش على وضعة الاجتماعي و كم يملك في رصيده في البنك و هل هو عايش على راتب الدولة فقط ام على مصدر دخل ثاني و هل هو من الطبقة المخملية ام من الطبقة المتوسطة ام الطبقة المتواضعة و لابد من الشخص أن لا يعيش عيشة الاخرين و إلا هلَك،،فلذا لا توجد ارقام معينة نستطيع الاعتماد عليه

[Tamuq]

يَا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ وَكُلُوا وَاشْرَبُوا وَلا تُسْرِفُوا إِنَّهُ لا يُحِبُّ الْمُسْرِفِينَ


اللي يقول 100 واللي يقول 150 ... تمعنو في الاية وتدبرو كلام الله ..


مليت .. موضوعك كشف لنا اسباب التضحم في البلاد .. صدق الهندي .. انتا قطري جيب بخشيش .. اهداء لبعض اخواني المواطنين المذكورين فوق (100-150) .. انتو احد اسباب رفع الاسعار والمعيشه الغاليه .. اذكروو الله

[أم علي 2010]

:secret:

كان عندي تعليق بس غيرت رايي

[OREO]

يَا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ وَكُلُوا وَاشْرَبُوا وَلا تُسْرِفُوا إِنَّهُ لا يُحِبُّ الْمُسْرِفِينَ


اللي يقول 100 واللي يقول 150 ... تمعنو في الاية وتدبرو كلام الله ..


مليت .. موضوعك كشف لنا اسباب التضحم في البلاد .. صدق الهندي .. انتا قطري جيب بخشيش .. اهداء لبعض اخواني المواطنين المذكورين فوق (100-150) .. انتو احد اسباب رفع الاسعار والمعيشه الغاليه .. اذكروو الله

لماذا ذكرت 100-150 ،، ؟؟ لماذا لم تقل 30-50 ؟؟ لماذا لم تقل 10-30؟؟

الهندي تراه حاسدك و يقولك ان راتبه 1200 و انت يا القطري راتبك 20 الف و مسرف !!

هل هذه المعادلة تروق لك يا عزيزي ؟؟ و هل بإمكانك تقتبس لنا آيةاخرى من القرآن لأجل تبرر مصاريف القطري بو 20 الف ريال ؟؟

[OREO]

:secret:

كان عندي تعليق بس غيرت رايي

بالعكس اختي ام علي علقي و خذي راحتج و بدون تجريح و هذا من حقج ،،،

[لاجل QT]

50 الف اوكى راتب الفرد العادي في الاسرة الواحدة

طبعا اذا الاسعار اثبتت ...اما يزدونا مني والاسعار ترتفع منى حتى راتب مليون مايكفي

لاذكرونى بالمصاريف...تونى دافعه في مكتبة الرونق 1500 هذا ولين الحين ماخلصنا بعد من طلبات الابلوات

[نسيم الغربي]

50,000

[برويقن]

شدعوه 80 100 150 200

أبي اعرف وشو مصاريفكم بالضبط؟؟؟

تشتروون ساعه ورلكس كل شهر ولا جي أكس

[الدبلوماسي]

200.000

[New Vision]

وقريبا حتى ال200الف ماتكفي

[النهار]

50 الف اوكى راتب الفرد العادي في الاسرة الواحدة

طبعا اذا الاسعار اثبتت ...اما يزدونا مني والاسعار ترتفع منى حتى راتب مليون مايكفي

لاذكرونى بالمصاريف...تونى دافعه في مكتبة الرونق 1500 هذا ولين الحين ماخلصنا بعد من طلبات الابلوات

اي رونق لايكون الي في التاون سنتر مب مشتراء اغراض المدرسه تقولون حج
تركت الاغراض في القاري وطلعت :eek5:

[رهج السنابك]

انا مليون مايكفيني

[مخطط قطري]

بصراحه هذا الموضوع من اهم المواضيع اللي شفتها هالسنه ومع احترامي للشخص اللي طالب بحذف الموضوع ماله داعي ينحذف خصوصا مليت يهدف الى شي بعيد بطرحه يمكن البعض مايشوفه
باختصار شديد
البيت ملك هذا اهم شي
من 40000 لين 50000 تكفيك لحياه كريمه طول السنه لكل اللي ذكرته في موضوعك

[فلتة زمانها]

عن نفسي 30 الف تكفي وزيادة واقدر أتصدق منها واكفل أيتام شهرياً

[السامـي]

من وجهة نظري الشخصية لابد على الشخص يعيش على وضعة الاجتماعي و كم يملك في رصيده في البنك و هل هو عايش على راتب الدولة فقط ام على مصدر دخل ثاني و هل هو من الطبقة المخملية ام من الطبقة المتوسطة ام الطبقة المتواضعة و لابد من الشخص أن لا يعيش عيشة الاخرين و إلا هلَك،،فلذا لا توجد ارقام معينة نستطيع الاعتماد عليه.
هذا الكلام الصحيح،واللي مفروض يكون.

[وليف الشوق]

ياجماعه الخير خلونا نكون واقعيين !! اللي في الموقع وش جنسياتهم بالضبط ؟ وش هالمواضيع هذي اللي لا القارئ ولا المستمع ولا المشاهد يستفيد منها ! للدرجه هذي قمنا بتشويه منظر المنتدى بافكار لا معنى لها ؟ وين المواضيع والمعلومات المفيده ؟ وين قسم الشريعه وين الاخبار والمعلومات اللي تفيد ؟ للدرجه هذي وصل فينا الحال لطرح مواضيع لا معنى لها مع احترامي لصاحب الموضوع !!! يااااخي وشو زوجه واولاد و5 عيال وخدم واعراس ومناسبات ؟ انت تتكلم عن وضعك الاجتماعي ومصاريفك الخاصه ولا بشكل عام ؟ ولا وش قصدك من طرح الموضوع

[ودي أكون]

من 35 لين 40 تكفي وتزيد ان شاءالله ..

وهالمبلغ شامل راتب خدامتين ودريول وتموين البيت من الخضره والفواكه لين التموين من الجمعيه .. والبترول .. معاها اكل برع طلبيات .. وخفافيف وقت حد جا البيت .. الخ
واللحم وكم كرتون دياي الخ .. غير الصرف الشخصي بدون ترف الخ

واللي يقول مايكفي فهذا انسان فسقان لو تعطونه 100 الف مابتملي عينه وتكفيه :tease:

ونسيت بعد الخبز يومياً :tease:
وسلامتكم

[فلتة زمانها]

من 35 لين 40 تكفي وتزيد ان شاءالله ..

وهالمبلغ شامل راتب خدامتين ودريول وتموين البيت من الخضره والفواكه لين التموين من الجمعيه .. والبترول .. معاها اكل برع طلبيات .. وخفافيف وقت حد جا البيت .. الخ
واللحم وكم كرتون دياي الخ .. غير الصرف الشخصي بدون ترف الخ

واللي يقول مايكفي فهذا انسان فسقان لو تعطونه 100 الف مابتملي عينه وتكفيه :tease:

ونسيت بعد الخبز يومياً :tease:
وسلامتكم

نسيت مصاريف مهمه
الصالون
والسبا
واقساط ابتسامة هوليود :tease:

[cavok]

الحمد لله على كل حال

[ودي أكون]

نسيت مصاريف مهمه
الصالون
والسبا
واقساط ابتسامة هوليود :tease:

هاذي من ضمن المصاريف الشخصيه .. اما السبا والابتسامه ماحسبتها لانها تحت بند الفسفسه :)

[نيساني]

والله انه احنا في نعمه المفروض الموضوع يذكرنا نحمد ربنا على هالنعم ومانتذمر

والانسان مايملي عينه غير التراب


اللهم اجعل هذا البلد آمناً مطمئناً وسائر بلاد المسلمين

وشكراً اخوي على الموضوع

[خزامئ]

الله يبارك للجميع في الي عنده
والله لو سار المعاش مليون
والوضع مثل ماهو عليه من غلا في كل شي
وجشع التجار ماتسد
المشكله انهم يسمعو الاشاعه ويزيدون قبل ماحن نزاد
وذا زادو المعاش
هم زادو مره ثانيه

[مخطط قطري]

لو المعاش مليون احس احلى شي بتخصص بند خاص للمتعه
وكل ويك اند مسافر واخر الشهر لندن ولا باريس ويليت بعد يخلونها مليونين صج احس مليون بعد ماتكفي

[New Vision]

لو المعاش مليون احس احلى شي بتخصص بند خاص للمتعه
وكل ويك اند مسافر واخر الشهر لندن ولا باريس ويليت بعد يخلونها مليونين صج احس مليون بعد ماتكفي

ليش مستكثر المليون على المواطن تدري ان فيه اجانب رواتبهم مليوووون ريال:anger1:

[Dexter]

شهالموضوع السخيف؟

يعني الحين الأسر القطرية كلها متساوية؟! ياخي كل اسرة يختلف وضعها عن الأسرة الثانية، من ناحية العدد او البيت سكن او ملك او من ناحية الديون ووووو

سؤالك مستحيل تلقى له جواب، وكل واحد بيتكلم عن وضعه الخاص


أما الردود هذي موضووع ثاني..


و انا شخصياً لا ارضى بأقل من 100 الف ريال

أخ اوريو شلون ما ترضى؟ يعني انت تصرف لحاجتك ولا لمجرد الصرف؟ لو صرفت 60 الف مثلاُ بتروح و بتفسف 40 الف عشان (البرستيج) ؟

و إلي يقول 150 و 200 هذي لا تعلييق

[khalid525]

طالما تتكلمون عن الراتب فهنا نقصد الاسر التي يعمل ابنائها في وظائف تعطي رواتب شهرية ، يعني ما نتكلم عن التجار او رجال الاعمال ،
هذه الاسر مفروض تكتفي برواتبها وتعيش على قد الراتب يعني مستحيل نقول ان مبلغ معين راح يناسب كل الاسر حتى لو كان عدد ابنائها متساوي ، ولا يمكن توحيد مواصفات الاسرة القطرية فلكل اسرة حجمها وطريقة صرفها ،ولا تنسون ان تضيفوا مع الراتب جميع الامتيازات المجانية التي وفرتها الدولة وهي مجانية الماء والكهرباء والسكن والتعليم والعلاج ، هذه الامتيازات وحدها تقارب حجم الراتب التي يحصل عليه رب الاسرة .

[OREO]

شهالموضوع السخيف؟

يعني الحين الأسر القطرية كلها متساوية؟! ياخي كل اسرة يختلف وضعها عن الأسرة الثانية، من ناحية العدد او البيت سكن او ملك او من ناحية الديون ووووو
سؤالك مستحيل تلقى له جواب، وكل واحد بيتكلم عن وضعه الخاص
أما الردود هذي موضووع ثاني..
أخ اوريو شلون ما ترضى؟ يعني انت تصرف لحاجتك ولا لمجرد الصرف؟ لو صرفت 60 الف مثلاُ بتروح و بتفسف 40 الف عشان (البرستيج) ؟
و إلي يقول 150 و 200 هذي لا تعلييق

اخوي ديكستر ،، الموضوع مهب سخيف بل مهم لأجل تذكير البعض بأن كل فرد او عائلة لها نمط معين في الحياة و هذا وجهة نظري و انا اخوك ..

اما بخصوص هل تكفيني 10 الالاف او 100 الف !! ،،، فهاذا يرجع لنمط الحياة اللي عشتها و مازلت اعيشها و كم رصيدي في البنك و كم راتبي و هل لي مدخول غير راتب الحكومه ام لا .. الخ. فهذا الشئ تم ذكره سابقاً و من هذا الباب مستحيل اقارن مصاريفي و احتياجاتي بمصاريف و احتياجات الآخرين ،،

لنفترض راتبي 10 الالاف ريال ،، مهب معقولة اجيبلي سايق و خادمه و طباخ و اضربها سلفه 300 الف لاجل كروزر للسايق و اضربها بسلفه ثانيه لاجل كايين و اجي اخر الليل اتشكى و اقول الراتب ما يكفي ،، !!! شخصياً كل ما اشوف اللي تحتي اتصدق و اقول الحمدلله و كل ما اشوف فوق اقول الحمدلله على النعمة اللي انا فيها ،،

المفروض دوم نعيش الواقع و ما نتصنع حياة غيرنا و الا مرضنا و انا اخوك ،،

[أم علي 2010]

بالعكس اختي ام علي علقي و خذي راحتج و بدون تجريح و هذا من حقج ،،،

مشكور اخوي

انا اشوف ان صح في اختلاف بس مب كم استلم كراتب و الراتب يحدد صرفي

يعني في امور ثابته شهريا وهي الالتزمات منها. رواتب الخدم و مصاريف البيت و الفواتير و اذا عندك قسط او لا

اما الباقي احنا مرهيين على نفسنا يمكن صرف البيت بس 20 وانا ادفع 30 غيرهم ارفهه على نفسي مثلا مل طلعه بتدفع 3 لين 4 مشتريات و تلاعب اليهال و وراك مواجيب وغيره

يعني البيت الكبير يختلف عن البيت الصغير ماقدر اقارن بيتي انا في بيت هلي لان عايله كبيره يعني اذا انا اعطي رواتب خدم 4 في بيوت 10

اتوقع هالشي هو اللي يحدد الصرف الثابت للبيت


انصح الكل كل مشترياتكم لمده شهر جمعوها وشوف كم تصرفون مثلا الجمعيه وبتعرف تقريبا كم بتحط بدجت للجمعية و كم رواتب خدم و كم صرف اليهال و هكذا

يعنيد100 الف اشوفها وايد على بيت من 7 افراد و بس صرف الاساسيات هذا كماليات معاها مثلا ساعه او بتجيب خدامة او عندك من 3 الى 4 عزايم في الشهر

بعد مانبي نذكر تفاصيل اكثر وينقز حد لنا ويقول نزابي


وعلى فكره كل ما زاد الراتب زاد الصرف ههههههههه

[رهج السنابك]

ماشاء الله طلع اعضاء المنتدى هوامير

اوريو ممكن سلفه بس ٥٠ الف وما اردها؟


..
هالموضوع خلاني
افتح مسجات البنك واحسب اشكثر صارفه من اول الشهر لين اليوم تخيلوا اشكثر


٥٩٢ ريال

صج اني مسرفه لازم اسوي كنترول :(

[QtrGate]

انا اشوف 40 الف تكفي شهريا
ﻻكن نحتاج بونس سنوي 100 الف حق السفره .
ﻻزم نسافر برع ونغير جو
ومصاريف السفره الى لندن للعائلة لمدة 3 اسابيع بين 70 -100 الف

[قطري 777]

نفس كلام بوحارب

30000 الاف معقوله بس مايكون البيت اجااار

[OREO]

مشكور اخوي
انا اشوف ان صح في اختلاف بس مب كم استلم كراتب و الراتب يحدد صرفي
يعني في امور ثابته شهريا وهي الالتزمات منها. رواتب الخدم و مصاريف البيت و الفواتير و اذا عندك قسط او لا
اما الباقي احنا مرهيين على نفسنا يمكن صرف البيت بس 20 وانا ادفع 30 غيرهم ارفهه على نفسي مثلا مل طلعه بتدفع 3 لين 4 مشتريات و تلاعب اليهال و وراك مواجيب وغيره
يعني البيت الكبير يختلف عن البيت الصغير ماقدر اقارن بيتي انا في بيت هلي لان عايله كبيره يعني اذا انا اعطي رواتب خدم 4 في بيوت 10
اتوقع هالشي هو اللي يحدد الصرف الثابت للبيت
انصح الكل كل مشترياتكم لمده شهر جمعوها وشوف كم تصرفون مثلا الجمعيه وبتعرف تقريبا كم بتحط بدجت للجمعية و كم رواتب خدم و كم صرف اليهال و هكذا
يعنيد100 الف اشوفها وايد على بيت من 7 افراد و بس صرف الاساسيات هذا كماليات معاها مثلا ساعه او بتجيب خدامة او عندك من 3 الى 4 عزايم في الشهر
بعد مانبي نذكر تفاصيل اكثر وينقز حد لنا ويقول نزابي
وعلى فكره كل ما زاد الراتب زاد الصرف ههههههههه

انتي قلتي الصرف عندج 20 الف و اترفهين عن نفسج بـ 30 الف ،،

اعرف عيلة قطرية عايشة بـ 5 الالاف ريال شهرياً ،، هل هذا يعني انتي مسرفه ؟

[OREO]

ماشاء الله طلع اعضاء المنتدى هوامير
اوريو ممكن سلفه بس ٥٠ الف وما اردها؟
..
هالموضوع خلاني
افتح مسجات البنك واحسب اشكثر صارفه من اول الشهر لين اليوم تخيلوا اشكثر
٥٩٢ ريال
صج اني مسرفه لازم اسوي كنترول :(

والله بعدني ما تعشيت و شكلي بقوم بمر على اميركان جريك فود و بعدها بروح القهوة اجلسلي اشوي و العب فان ران ،،

قلتي كم صرفتي هالشهر 592 ريال @@

[أم علي 2010]

انتي قلتي الصرف عندج 20 الف و اترفهين عن نفسج بـ 30 الف ،،

اعرف عيلة قطرية عايشة بـ 5 الالاف ريال شهرياً ،، هل هذا يعني انتي مسرفه ؟


تبي الصج مسرفه :secret:

وبعد انت قلت عندك برستيج معين ونمط معين و كل عايله لها برستيجها

يعني ولد الدبلوماسي مثل ولد الموظف العادي ؟
كل واحد عاش حياة مختلفه و شي طبيعي راح يطبق هالشي على نفسه او بيته
وحتى افكر لو قعدت في البيت يمكن ريلي جن من الطلبات :tease:

وحلاتي قاعده في البيت ما اطلع

بس قلت صرف البيت اللي ثابت تقريبا 30 زايد او ناقص على حسب
وكتبتهم و حتى علمت زوجي يكتب التزاماته في ورقه علشان نقدر نسوي كنترول


و دام الواحد يسوي الخير اهم شي و لا الفلوس تجي و تروح :shy:


اهم شي لا يشوفنا حمد و ينزل موضوع فينا

[حسن]

الحمدلله الحكومه ماقصرت
العيش من احسن العيوش حبته تقول بلاليط غطي على بوابه الهند
وكارتون الدهن ببلاش عن سعر السوق والسكروالحليب
لدرجه ان البعض قام يصدره صوغه للدول المتعففه
والحين البيوت القطريه مايقل دخلها من 100 الف وطالع الاغلبيه العظمى
وهل السنه ماخلو بلاد ماراحوها السفره مش اقل من 3 الى اربع طول
يمكن انا قصرت بعد بالوصف ومن الحين يقولك حاجزين على اوربا قبل الاضحي حتى الاعياد معاد يعيدون فيها والفنادق كله من 5 نجوم وطالع

الصراحه الشعب القطري يشار له بالبنان من الترفيه
وفي كل بيت مش اقل من نصف مليون وطالع سيارات بس
الله يرحم ايا الادا والفيات الريقاتا مافوقها فوق
اللهم لك الحمد والشكر

[حسن]

ماشاء الله طلع اعضاء المنتدى هوامير

اوريو ممكن سلفه بس ٥٠ الف وما اردها؟


..
هالموضوع خلاني
افتح مسجات البنك واحسب اشكثر صارفه من اول الشهر لين اليوم تخيلوا اشكثر


٥٩٢ ريال

صج اني مسرفه لازم اسوي كنترول :(

سعيد الحض اللي
:)

[أم علي 2010]

ماشاء الله طلع اعضاء المنتدى هوامير

اوريو ممكن سلفه بس 50 الف وما اردها؟


..
هالموضوع خلاني
افتح مسجات البنك واحسب اشكثر صارفه من اول الشهر لين اليوم تخيلوا اشكثر


592 ريال

صج اني مسرفه لازم اسوي كنترول :(

ماشالله عليج

لو ارويج راتبي كم و كم تم منه اخاف تزعلين

والله توني جايه من الجمعيه دفعت 1000 وانا طالعه و وصيت ريلي على كم شي نسيتهم :omen2:

[صمت 1]

الحمدلله الحكومه ماقصرت
العيش من احسن العيوش حبته تقول بلاليط غطي على بوابه الهند
وكارتون الدهن ببلاش عن سعر السوق والسكروالحليب
لدرجه ان البعض قام يصدره صوغه للدول المتعففه
والحين البيوت القطريه مايقل دخلها من 100 الف وطالع الاغلبيه العظمى
وهل السنه ماخلو بلاد ماراحوها السفره مش اقل من 3 الى اربع طول
يمكن انا قصرت بعد بالوصف ومن الحين يقولك حاجزين على اوربا قبل الاضحي حتى الاعياد معاد يعيدون فيها والفنادق كله من 5 نجوم وطالع

الصراحه الشعب القطري يشار له بالبنان من الترفيه
وفي كل بيت مش اقل من نصف مليون وطالع سيارات بس
الله يرحم ايا الادا والفيات الريقاتا مافوقها فوق
اللهم لك الحمد والشكر
لا تنسى الفيرفلاي وهايونداي سونيتا

[حسن]

لا تنسى الفيرفلاي وهايونداي سونيتا

:omg:

:eek5:

:con2:


هذه كلمه السر لنا اكيد انت واحد من الدفعه
اللي ولا بلاش انت تعرف تكملتها

فعلا سيارات كانت فخمه لما انت تكون بين زيارات زباله
هنا الفرق

:victory:

[تغلبية]

بتكلم عن نفسي .. بس

تكفيني 30 الف
معيشة اكل شرب لبس هدايا عزايم نثريات بيت
دريول وخدامة ومصاريفهم بترول صيانة سيارة مع سفرة عمرة بس

[تاجر كشخة]

350 الف توفر حياة كريمة

خبركم كيوتل تبي ومصاريف البيت والخدم يبون والعيال يبون والبنك يبي ولازم اطلع لي سيارة اخر موديل والسفر و الوناسة تبي فلوس وراعي الدكان يبي فلوس ومحل الكرك يبي فلوس خبركم ما يعطي كرك بلاش وطلعة مع الربع تبغا فلوس

بس الزكاة مستحيل ازكي والفقير ما يشم نص ريال حمر من عندي
لا لا لا لا 350 الف ما تكفي لازم 500 الف شهريا أقل شي

[بريق الماسه]

كل منا يبرمج مصاريفه حسب مستواه الاجتماعي ومدخوله الشهري

انا اتكلم عن وضعي مثلآ شهريآ احصل على 170,000 ريال قطري بدون الراتب

شهر اصرف فقط 20,000 وشهر ثاني اصرفه كله بسياره او طقم

وشهر انسى انه نزل لي المبلغ واتصرف بعقلانيه نفس الارستقراطيه :rolleyes2:

كل واحد فينا يتأقلم ماديآحسب وضعه وطبيعته

اسره يكفيها 40,000 واخرى نفس العدد مايكفيها ضعف المبلغ

وبالنسبه لأسرتي مادري صراحه كم مصروفنا ....بسأل الوالده

[تاجر كشخة]

اخوي ديكستر ،، الموضوع مهب سخيف بل مهم لأجل تذكير البعض بأن كل فرد او عائلة لها نمط معين في الحياة و هذا وجهة نظري و انا اخوك ..

اما بخصوص هل تكفيني 10 الالاف او 100 الف !! ،،، فهاذا يرجع لنمط الحياة اللي عشتها و مازلت اعيشها و كم رصيدي في البنك و كم راتبي و هل لي مدخول غير راتب الحكومه ام لا .. الخ. فهذا الشئ تم ذكره سابقاً و من هذا الباب مستحيل اقارن مصاريفي و احتياجاتي بمصاريف و احتياجات الآخرين ،،

لنفترض راتبي 10 الالاف ريال ،، مهب معقولة اجيبلي سايق و خادمه و طباخ و اضربها سلفه 300 الف لاجل كروزر للسايق و اضربها بسلفه ثانيه لاجل كايين و اجي اخر الليل اتشكى و اقول الراتب ما يكفي ،، !!! شخصياً كل ما اشوف اللي تحتي اتصدق و اقول الحمدلله و كل ما اشوف فوق اقول الحمدلله على النعمة اللي انا فيها ،،

المفروض دوم نعيش الواقع و ما نتصنع حياة غيرنا و الا مرضنا و انا اخوك ،،

ارحمنا يا بو تحت وفوق

[منصور.]

مهاااااايط

[romoz]

2500


هذا معاش المطلقات و الارامل و بعضهن يطق الحظ اجراسه فتأتيها بدل خادم و يصك معاشها 3000 << تحس نفسها غنية .


فئة يجب تذكرها


اللهم أغننا بحلالك عن حرامك ، و بفضلك عمن سواك

[wesam82]

القطري هو السبب الرئيسي في غلاء الأسعار

هذا فيديو جداً مهم للعريفي يهدف إلى توعية النعم والشكر

http://www.************/watch?v=x7_pk37_824

[المليونير الفقير]

بيجي وقت الرواتب ماتكفي حق نص الشهر بس تصبرو خلو كاس العالم يقرب شوي

[wesam82]

الله يستر من عواقب السرف ومنع الزكاة

قال تعالى: وَلِكُلِّ أُمَّةٍ أَجَلٌ فَإِذَا جَآءَ أَجَلُهُمْ لاَ يَسْتَأْخِرُونَ سَاعَةً وَلاَ يَسْتَقْدِمُونَ

الله يستر، ما استبعد أننا نرجع بدري لبساط الفقر إذا تمينا على هالحال من سرف شديد ومنع الزكاة وعدم شكر النعم

[Tamuq]

لماذا ذكرت 100-150 ،، ؟؟ لماذا لم تقل 30-50 ؟؟ لماذا لم تقل 10-30؟؟

الهندي تراه حاسدك و يقولك ان راتبه 1200 و انت يا القطري راتبك 20 الف و مسرف !!
^
حدث العاقل بما يعقل ..

هل هذه المعادلة تروق لك يا عزيزي ؟؟ و هل بإمكانك تقتبس لنا آيةاخرى من القرآن لأجل تبرر مصاريف القطري بو 20 الف ريال ؟؟

شوف ياخوي..الجدال في بعض الاحيان لا ينتهي لختلاف الراي والفكر .. لكن لكل جدال ردود مناسبه

القران الكريم ليس كتاب لاجل الاقتباس .. ولا التبرير ..

باختصار مب قايلك ارتقي في الحديث ولا بقولك مايجوز هالكلام ..

بس بطلب منك طلب بسيط .. لا تقلل من قدر القران بجعله كتاب للاقتباس فقط! حاسب ..

ففي هذه الاية حل لي ولك وجواب للسوال المطروح

((يَا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ وَكُلُوا وَاشْرَبُوا وَلا تُسْرِفُوا إِنَّهُ لا يُحِبُّ الْمُسْرِفِينَ)

الله يهدينا ويثبتنا على الصراط المستقيم

[تغلبية]

بيجي وقت الرواتب ماتكفي حق نص الشهر بس تصبرو خلو كاس العالم يقرب شوي

أهم شي البركة .. هذي اللي ينخاف عليها تزول

[(بوطلال)]

اهم شي البركه في الراتب ناس تعيشها 5000ريال وناس ماتكفيهم 50000ريال .

بالنسبه لي 12000ريال تكفيني واحيان تزيد.

5000 مصاريف البيت من اكل وشرب.
750 راتب خادمه
500 ريال فواتير جوالين
1000ريال مصروف جيب للمدرسه لاربع عيال بمعدل 10ريال في اليوم
1000 ريال بترول
4000ريال نثريات.

المجموع =12250

الراتب ولله الحمد يكفي ويزيد اكثر من الدبل . اهم شي القناعه وعدم الاسراف .

[الزعفراني]

الحمدلله على كل حال :)

[OREO]

شوف ياخوي..الجدال في بعض الاحيان لا ينتهي لختلاف الراي والفكر .. لكن لكل جدال ردود مناسبه

القران الكريم ليس كتاب لاجل الاقتباس .. ولا التبرير ..

باختصار مب قايلك ارتقي في الحديث ولا بقولك مايجوز هالكلام ..

بس بطلب منك طلب بسيط .. لا تقلل من قدر القران بجعله كتاب للاقتباس فقط! حاسب ..

ففي هذه الاية حل لي ولك وجواب للسوال المطروح

((يَا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ وَكُلُوا وَاشْرَبُوا وَلا تُسْرِفُوا إِنَّهُ لا يُحِبُّ الْمُسْرِفِينَ)

الله يهدينا ويثبتنا على الصراط المستقيم

معليش اخوي لا اقولك و لا تقولي و لا اتلبسني شي ما قصدته ،،

شكرا على ردك لي و جزاك ربي كل خير ،،

[عنيــــد]

الشؤون الاجتماعية تقول 2,250 ريال تكفيكم و تخب عليكم ،،

الحمدلله رب العالمين ..

الدولة موفرة للمواطنين الآتي:

الرعاية الصحية .. مجاناً

التعليم .. مجاناً

الكهرباء .. مجاناً

الماء .. مجاناً

المسكن .. توفر ارض و قرض و قبلها توفر لك سكن على حساب الدولة ،، و اهل الشركات ( عشان ما ينقزون تراكم تاخذون بدل سكن يكفي و يزيد لاستئجار بيت ..

المواد الاساسية للتموين .. سعر رمزي

دام هاللي فوق توفرت و هذي هي الاساسيات ،، اعتقد والله العالم ان الصرف ما راح يكون كثير و لكن الكماليات اصبحت اساسيات ،،


قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " لا تَزُولُ قَدَمَا عَبْدٍ يَوْمَ الْقِيَامَةِ حَتَّى يُسْأَلَ عَنْ أَرْبَعٍ : عَنْ مَالِهِ مِنْ أَيْنَ اكْتَسَبَهُ وَفِيمَا أَنْفَقَهُ ؟ وَعَنْ عِلْمِهِ مَا ضَيَّعَ مِنْهُ ؟ وَعَنْ شَبَابِهِ فِيمَا أَبْلاهُ ؟ وَعَنْ عُمُرِهِ فِيمَا أَفْنَاهُ ؟ "

صدق صلى الله عليه وسلم ،، و الله يعينا وياكم على لقاء رب العالمين ..

[الدبلوماسي]

أهم شي البركة .. هذي اللي ينخاف عليها تزول

صادقه والله اهم شي البركة لان ناس وايد فاقدة هالشي
بسم الله الرحمن الرحيم قال تعالى( ولو أن أهل القرى آمنوا واتقوا لفتحنا عليهم بركات من السماء والأرض) صدق الله العظيم ...

[qatari_qtr]

انت اتقول 100 الف في اسر راتبهم 7000في الشهر واتكفيهم وعايشين بسلام

[مليت]

بعض الردود ذكرتني في قصه معاي شخصياَ كنت في احد الدول الاوربية (مرافق علاج عشان محد يقول زبو وقطو) ولي صديق دايم ينزل هذه البلاد فقلت من باب الواجب اتصل اشيك هل هو في قطر ولا موجود معانا بنفس البلاد طبعاً رد علي وقالي لا والله ما نزلت السنه هذي وايد حبربش وهيلق الكل صار ينزل هذي البلاد يضرب سلفيه حسب قوله طبعاً ويجي يفوشر علينا ,

نعم هذي حقيقه كثير من الناس ما يبون الخير يعم على الجميع عشان يتمون هم بس المميزين والله المستعان
ولا ودي اطلع من الموضوع

من رايي الي راتبه ما يكفيه يحاول ايجاد البديل بفكرة مشروع او يشتري له عقار يعدل الدخل عنده عسى ربي يطرح البركه فيكم جميعاً

[رحال]

رائع أن كل شخص ينقل تجاربه الإيجابية .. حقا إنه شئ رائع ..

الإدارة المالية بين الأسر تختلف كثيرا باختلاف الدخل + وطبيعة الحياة الاجتماعية

+ وعدد الأفراد

لكن هناك قاعدة عامة إذا التزم بها (المدبر المالي) للأسرة ستسير في طريق جيد يؤمن

مستقبلها بإذن الله

من أهم الأمور كذلك في الإدارة المالية ماذكرته أحد الأخوات " لو كل من يمد لحافه على قد

رجوله " بتكون كل الأمور طيبة .

أخيرا نقطة هامة :

الاستقطاع الشهري (كصدقة) لها أثر لا يخفى عليكم ..

كل الشكر لصاحب الموضوع على هذا الأطراء الهام ؟

[لاجل QT]

اي رونق لايكون الي في التاون سنتر مب مشتراء اغراض المدرسه تقولون حج
تركت الاغراض في القاري وطلعت :eek5:

شاسوي يالنهار
واقفة في الطابور كان بيغمى علي
حتى العربات مافي من كثر هالعالم

متى المدرسة تقوم بتوفير كل شي للطالب مثل ايامنا الطيبة:(

[ام السعف]

صباح الخير من بدري

هو بشكل عام كل ما زاد الراتب كل ما كانت فرص الحياة الكريمة اكثر واكثر

لكن اليوم ما نقدر نحسب متوسط الراتب للاسرة القطرية لأن لكل اسرة
عددها فبناء عليه ما نقدر نعمم الكلام على الكل ،،

كما ان هناك اسرلها اهتمام خاصة قد ما يهتم فيها اسر ثانية

يعني ممكن تلقى اسر توفر قرش على قرش علشان تستثمر في عيالها
في حين هناك اسر تضرب سلفيات علشان سفرة او سيارة فارهة

فالاهتمامات والاساسيات تختلف من اسرة لأسرة ،،

ولكن بشكل عام الحمدلله نسأل الله انه يطرح البركة في كل ريال نستلمه
لأن لولا البركة ورحمة ربنا بنا ممكن الملايين ما تكفينا ،،

[vtcq]

بالنسبه لي من 8000 لين 15000 تكفيني والحمد لله عايش احلا حياه وتقريباا اسافر كل شهر يعني من 10 ل 12 سفره في السنه


والحمد لله على كل حال

[عـ العبيدلي]

- عجبتني ردود الاعضاء الي كاتبين بالضبط على وشو مصاريفهم .. ومبين انهم اقل ناس يصرفون لانهم مرتبين نظامهم المادي ..

- ما نقدر نقارن لأنه في ناس الـ 100 الف عندهم شوي .. وناس عندهم 10000 شوي .. فيعني كل واحد على حسب مستواه لكن فقط التذكيـــررررر ..

"لا تَزُولُ قَدَمُ ابْنِ آدَمَ يَوْمَ الْقِيَامَةِ حَتَّى يُسْأَلَ عَنْ أَرْبَعٍ : عُمُرِهِ فِيمَا أَفْنَاهُ ، وَعَنْ جَسَدِهِ فِيمَا أَبْلاهُ ، وَعَنْ مَالِهِ مِنْ أيْنَ اكْتَسَبَهُ ، وَعَنْ عِلْمِهِ مَا عَمِلَ فِيهِ "

اهم شي يكسبه فالحلال ويصرفه فالحلال .. وهو حررررر عاد يتعشى كل يوم بيض وطماط وله كل يوم في فندق هو بيتحاااااسب .. ..


انا متابع لخبراتكم .. ما عندي بيت لحين ..

لكن فقط اقول
"الحمد لله الذي عافانا مما ابتلى فيه اخرين "


:secret:

كان عندي تعليق بس غيرت رايي
بصراحه انا شوي غيرت رايي بس رديت يعني خخخخخ

[الزخنوني]

الحمدالله على النعمه والخير الي احنا فيه .

هالمبالغ الي تذكر في البلاد الاخرى تعيش عوائل وليس عائله .

مفهوم الحياه الكريمه يحتاج الى شرح وتوعيه .


اتمنى مشاهدة هذا الرابط

http://ysv.me/428135

[Al-Kuwari]

للأخوان اللي يذكرون مبالغ خيالية

ترى العين حق والحسد موجود

ماله داعي تتكلمون وتكتبون وتفتحون على نفسكم باب الحسد والعين

ومن جهة اخرى تحرقون قلوب الفقارى المساكين اللي عايشين عالشؤون


نرجع للموضوع بخصوص الراتب المتوسط اتوقع 25,000 الى 30,000 تكفل حياة كريمة للأسرة القطرية مع بعض الكماليات بحدود المعقول طبعاً

[ضوى]

للأخوان اللي يذكرون مبالغ خيالية

ترى العين حق والحسد موجود

ماله داعي تتكلمون وتكتبون وتفتحون على نفسكم باب الحسد والعين

ومن جهة اخرى تحرقون قلوب الفقارى المساكين اللي عايشين عالشؤون


نرجع للموضوع بخصوص الراتب المتوسط اتوقع 25,000 الى 30,000 تكفل حياة كريمة للأسرة القطرية مع بعض الكماليات بحدود المعقول طبعاً

اتفق معاك تماما :victory:

[همر]

30 الف حلوين ...

بتعيش اسره حياه كريمه..

كريمه يعني بحبوحه ..

يعني من غير حزام ..

مع مكافأه سنويه حق المصاريف اللاروتينيه...

هروب خدامه.. تصليح سياره..

واذا ماشردت الخدامه ولا اختربت السياره

تتحول الى ميزانية سفره تلقائياً..

[بصمة قطرية]

30 الف حلوين ...

بتعيش اسره حياه كريمه..

كريمه يعني بحبوحه ..

يعني من غير حزام ..

مع مكافأه سنويه حق المصاريف اللاروتينيه...

هروب خدامه.. تصليح سياره..

واذا ماشردت الخدامه ولا اختربت السياره

تتحول الى ميزانية سفره تلقائياً..



خخخخخخ
عجبتني ( هروب خادمة )


ضيف لها ( مدرسين خصوصيين ) :(

[وطن]

كله يعتمد على حسن التدبير
ناس بيوتهم قايمه على 10 آلاف
وناس لو عندهم 50 الف ما عرفوا يضبطون مصاريفهم
وبنص الشهر مفلسين !!

[وكر الذيب]

من وجهة نظري يكون الراتب مايقل عن 50,000
اقساط سيارة البيت + اقساط سيارة راعي البيت + اقساط البيت وبنك التنمية = 15000
يكون الصافي 35.000

[abdo222]

والله الحياه الكريمه مب معناه درويل وخدم وحشم

الحياه الكريمه "بيت وزوجه وعيال وسياره زينه وملبس محترم"

المبلغ الشهري 15000 يكفي وزياده

اما الي يقول 80 الف !!
شكله لازم يطلع له بنتلي + خدامتين وطباخ ودريول + ومجلس كل يوم ذبايح + واذا شاف الجيران جابوا شيء جديد حنا بعد نبي مثلهم ,,

ما اتكلم عن حد محدد الا كلنا نفس الشيء,,

ترى رؤيتنا للفلوس بدأت تخرب !!! بدأنا نحس ان الفلوس الكثيره ما تسوي شيء !!
بدأنا نشوف ان اقل سعر للهديه 10000 ريال ولا الهديه ما تسمى هديه !
بدينا نستهين بالالف ريال ونحسها جنها 100 !!
الله المستعان اذا قامت بنات اليوم قبل ما يتزوجون يتأملون ان راتب الزوج لازم يكون مب اقل من 70 الف !

ترى ناس عايشين رواتبهم 5 و 10 الف ,, ومرتاااحين ,,

الله المستعان

[بوجاااااسم]

سؤال هل تقصد الحياة الكريمة
قصور وسفرات وسيارات ودريول وطباخ وخدامه لكل طفل وفساتين بألوف مؤلفة

ولا تقصد الحياة الكريمة
سكن مناسب وملبس محترم وأكل بالمعقول وسيارات تفي بالغرض وزيادة حبتين

أنتظر إجابتك وأبشر بالإجابة !!!

[سهم عتيج]

الرئيس الأمريكي راتبه السنوي 400.000$ أو 33000 $ شهريا وهو رئيس أقوى وأغنى دولة في العالم

اي ان الرئيس الأمريكي اللي شايل هم العالم راتبه السنوي يوازي بدل إجازة لوزير في قطر ومع ذلك استغرب من اللي يقول ان 80 ألف ما تكفي لأسرة !!!

شخصيا أرى ان ٢٠ الف تكفي لأسرة صغيرة الى متوسطة إذا كان هناك حسن تصرف

والله اعلم

[همر]

من وجهة نظري يكون الراتب مايقل عن 60.000
اقساط سيارة البيت + اقساط سيارة راعي البيت + اقساط البيت وبنك التنمية = 15000
يكون الصافي 35.000



يالحبيب.. 15 + 35 تساوي 50 مب 60 !!!

فكر انا مافي شوف 😕

[بو الجوري]

الصراحـه أنا أشوف 40 ألف شهريا مناسب

من غير طبعاً السفر ولا أقساط للبنك

يعني هال40 ألف تكفي حق قسط بنك التنميه ومعاش الخدم و التموين
وكم فستان للأعراس و العيدين وتجهيز للمدارس وطلعات اليهال و المطاعم


لكن لو بنحسب أقساط المدارس و السفر هذا موضوع ثاني :)



صح نسيت أقول هالحسبه على أساس زوج وزوجته مع خدامتين و 3 أطفال تحت ال10 سنوات


لكن لو اليهال مراهقين فأكيد الحسبه غير

[ام السعف]

خخخخخخ
عجبتني ( هروب خادمة )


ضيف لها ( مدرسين خصوصيين ) :(

ايوااا
المدرسين الخصوصيين و التسجيل في الدورات وبعض المراكز
و مصاريف العيد ورمضان والمدارس

[الشاكوش]

مثل هالمواضيع تكون غنية ب المهايــط :victory:

[الشاكوش]

سؤالك صعب ياخوي ،،

لأن الأُسر القطرية طبقات و كل طبقة لها برستيج معين و هكذا..

البعض قال 30 و البعض الاخر 45 و انا شخصياً لا ارضى بأقل من 100 الف ريال لان هذه مصاريفي شهريا و غيري تلاقي برستيجه اعلى و لا يقبل بأقل من 200 الف ريال و هكذا ،، و بالمقابل البعض يعيش بأقل من 5 الالاف ريال شهريا ..

من وجهة نظري الشخصية لابد على الشخص يعيش على وضعة الاجتماعي و كم يملك في رصيده في البنك و هل هو عايش على راتب الدولة فقط ام على مصدر دخل ثاني و هل هو من الطبقة المخملية ام من الطبقة المتوسطة ام الطبقة المتواضعة و لابد من الشخص أن لا يعيش عيشة الاخرين و إلا هلَك،،فلذا لا توجد ارقام معينة نستطيع الاعتماد عليه



خف علينا يالي ما ترضى الله يجزاك خير :this::this:

[ام السعف]

مثل هالمواضيع تكون غنية ب المهايــط :victory:


يعني ما ناخذ في المكتوب فيها ؟

[لاجل QT]

زين اخر كلام؟؟:nice:

[بوخالد911]

ابن ادم

ما يملىء فاه الا التراب

[رهج السنابك]

ماشالله عليج

لو ارويج راتبي كم و كم تم منه اخاف تزعلين

والله توني جايه من الجمعيه دفعت 1000 وانا طالعه و وصيت ريلي على كم شي نسيتهم :omen2:

انتي تشترين للبيت واليهال طبيعي تصرفين هالكثر


انا اشتري لنفسي بس نيهاهاهاهاها
This is one of advantages to be single

اكثر ما ياخذ مني صرفيه

1-كرت هلا اعبي ب 200 في الشهر ويروح في الثري جي اثناء ماكون محبوسه في زحمه الدوحه
2-مصاريف غداي كل يوم 25-30 اذا كنت عازمه رفيجتي معاي
تكلفني بالشهر حول 500ريال
3-باقي النثريات مشتريات جمعيه ان كثرت حوالي 1000ريال بالشهر
وبس الحمدلله

اذا قدرتي تسوين كنترول على الميزانيه وماتبالغين في روحه السوق او الطلعات والتمشي والعزايم اللي لازم تشتري وانتي رايحه ووانتي عازمه
والكماليات الغير ضروريه
بتلقين نفسج مب محتاجه اكثر من 5000 بالشهر على اكثر تقدير

[أم علي 2010]

انتي تشترين للبيت واليهال طبيعي تصرفين هالكثر


انا اشتري لنفسي بس نيهاهاهاهاها
This is one of advantages to be single

اكثر ما ياخذ مني صرفيه

1-كرت هلا اعبي ب 200 في الشهر ويروح في الثري جي اثناء ماكون محبوسه في زحمه الدوحه
2-مصاريف غداي كل يوم 25-30 اذا كنت عازمه رفيجتي معاي
تكلفني بالشهر حول 500ريال
3-باقي النثريات مشتريات جمعيه ان كثرت حوالي 1000ريال بالشهر
وبس الحمدلله

اذا قدرتي تسوين كنترول على الميزانيه وماتبالغين في روحه السوق او الطلعات والتمشي والعزايم اللي لازم تشتري وانتي رايحه ووانتي عازمه
والكماليات الغير ضروريه
بتلقين نفسج مب محتاجه اكثر من 5000 بالشهر على اكثر تقدير

اكيد صرفي راح يختلف عنج

بس اعرف بنات ماوراهم الالتزامات ما يتم من راتبهم شي و اولهم اختي هههههههههه.

مع اني اوفر مبلغ لي وحق اليهال بس مقارنه بالصرف احسه شوي :rolleyes2:


عيل امتحانج متى باجر ولا الثلاثا:victory:

[basma222]

الحمدلله على كل حال

[رهج السنابك]

يمكن اختج كله مطيحه صوب البوابه الخلفيه لفيلاجيو هههههه
اذا جذي مب بس يخلص راتبها الا تضرب سلفيات بعد
امتحاني الاربعا الصبح

ربنا يستر

[تاجر كشخة]

مثل هالمواضيع تكون غنية ب المهايــط :victory:


ههههههه صدقت كم من واحد شايف نفسه يا اخي الواحد يستحي شوي من نفسه :secret:

[فرهود]

انا راتبي ولله الحمد بحدود 45000ريال

اصرف منه شهريا 5000 واوفر 40000ريال .

5000 تكفيني انا وأسرتي . لو جا يوم رجعوا الرواتب 5000ريال ماراح اتأثر .

[rashid700]

الراتب ولله الحمد والشكر (35000)
رواتب خدامتين ودريول وعاملين في العزبه6000

أقساط ثلاث سيارات وحده للوالد ووحده لي ووحده للبيت 10500

أقساط بنك التنميه 3500

مصاريف تموين للبيت 4000 بمعدل 1000 ريال كل أسبوع

هاتف 500 ريال إلى 1000

والباقي يكون مصاريف مجلس وعزايم

والحمد الله مكفي وموفي

[alsoq]

واللي راتبه 15000 بس :)

[بنت شرق]

مصاريف هالاسرة الي ضارب فيها المثل وايد ، المفروض السيستم يكون مثل الاجانب
الفرد كم مصروفه ثم اذا كان يعيل كم لازم يزيد مصروفه اما الكماليات باستثناء السكن والتنقل
مالها الدولة شغل فيها ، لكن الوضع معكوس فيه طبقة تاخذ رواتب شهرية وتتملك الاراضي بالراحة
وفيه طبقة الموظفين الي مالهم الا رواتبهم ومنح الحكومة ودعمها لهم وفيه طبقة بينهم فعلى حسب
الطبقة بيكون فيه 3 متوسطات للدخل
الطبقة الاولى لن ترضى الا بمبالغ المئات
المتوسطة نصف الاولى
الموظفين العاديين نصف الطبقة المتوسطة

[تغلبية]

واللي راتبه 15000 بس :)

فضل ونعمة من رب العالمين

أهم شي البركة .. تخليها 30000 :victory:

[مخطط قطري]

انا راتبي ولله الحمد بحدود 45000ريال

اصرف منه شهريا 5000 واوفر 40000ريال .

5000 تكفيني انا وأسرتي . لو جا يوم رجعوا الرواتب 5000ريال ماراح اتأثر .

ممكن تشرح لنا شلون 5000 تكفي اسره قطريه
اذا صدق كلامك اعتقد يجب على الحكومه فورا تسليمك مساعدا لوزير الاقتصاد والتجاره

[حمد 2002]

اهم شيء الصحه والعافيه ،،،

الي عنده الف بيعيش والي عنه مليون بيعيش ،،،،

وياما واحد راتبه 10 الاف واتحصله مرهي على نفسه وهله وكريم والكل ايحبه وقلبه طيب وواحد راتبه 100 الف والله لايرويكم بخيييييييييل ونفسه اعوذ بالله ،،،

[أم علي 2010]

اهم شيء الصحه والعافيه ،،،

الي عنده الف بيعيش والي عنه مليون بيعيش ،،،،

وياما واحد راتبه 10 الاف واتحصله مرهي على نفسه وهله وكريم والكل ايحبه وقلبه طيب وواحد راتبه 100 الف والله لايرويكم بخيييييييييل ونفسه اعوذ بالله ،،،

صدقت يا حمد

في ناس اللي في مخباه مهب له

الله يدوم علينا النعمه ان شالله

[::.Silent.::]

الاسيوي و المقيم
عايشين على المطاعم السريعه و مرة بالشهر يروحون يأكلون بالمطاعم الفخمه .. مرة وحدة افهموا


ثيابهم كشخه و نظيفه و من محلاتنا باللي بالمولات .. يعني مب لازم ناخذ الماركات الغالية و سوالف المفوشر


ياخذون السيارات الزينة و الاقتصادية .. مب لازم لاند كروز و لكزس و بي أم و هالسوالف



يعيشون في المجمعات السكنية و اللي تتوفر فيها وسائل الترفيه من جم و ملاعب و بركة سباحة ,, مب لازم ياخذون قريب بيت الاهل و الاجار صك الـ 20 الف !!

التموين ياخذون باليوم .. مب حق شهر جدام !!


و امور كثيرة هم مرتبين نفسهم فيها


يعني لا نشوف ربعنا و المفوشر
و بنكون بخيييييييييييييير و الفلوس فيها خيرة ان شاء الله

[keep calm]

13000 كحد اقصى

[زمان]

الارستقراطية

:nice:

يا بخت الي بياخذج

[عاشق العديد]

5000 تعيشك ملك وكله حداق

[أم نواري1]

يالله لك الحمد والشكر
القناعة قالوها كنز.!

[فرهود]

ممكن تشرح لنا شلون 5000 تكفي اسره قطريه
اذا صدق كلامك اعتقد يجب على الحكومه فورا تسليمك مساعدا لوزير الاقتصاد والتجاره

العيش والسكر والزيت والحليب من التموين 200ريال شهريا .مقاضي الجمعيه 2000ريال.فواتير كيوتل 400ريال.خدامه 730ريال .مصاريف 3عيال 1000ريال شهريا .500ريال بترول . 500ريال للطواري .

[ابن البيطار]

الحياه الكريمه تعني توفر السكن والقمة العيش والتعليم والصحه والامان

كل ماهو سابق موفرته الدوله مجانا او شبه مجاني باقي الكماليات وهي تخص كل فرد وليست الدوله ملزمه ان توفر لي بدل سفرات او عزايم او ملابس اعراس او بدل مرسيدس او رنج . ورغم هذا فالله الحمد الحكومه لم تقصر على المواطن و نستطيع القول برواتبنا نستطيع توفير كل ماسبق ونعيش حياة ترف ولله الحمد .

[مستجدة]

واللي عايش على 2250 ريال = اهل الشؤون
واللي عايش على 8000 ريال = المتقاعدين


ماشاءالله اقراء ردود الاعضاء ورواتبهم ومصاريفهم ومعاناة البعض مع تكاليف الحياه وتذكرت هالفئات شلون عايشين اهم واسرهم على هالمبالغ البسيطه وفي ظل هالغلا اللي اكل جيوب الموظفين ؟!!!

[الجوكر90]

انتي تشترين للبيت واليهال طبيعي تصرفين هالكثر


انا اشتري لنفسي بس نيهاهاهاهاها
this is one of advantages to be single

اكثر ما ياخذ مني صرفيه

1-كرت هلا اعبي ب 200 في الشهر ويروح في الثري جي اثناء ماكون محبوسه في زحمه الدوحه
2-مصاريف غداي كل يوم 25-30 اذا كنت عازمه رفيجتي معاي
تكلفني بالشهر حول 500ريال
3-باقي النثريات مشتريات جمعيه ان كثرت حوالي 1000ريال بالشهر
وبس الحمدلله

اذا قدرتي تسوين كنترول على الميزانيه وماتبالغين في روحه السوق او الطلعات والتمشي والعزايم اللي لازم تشتري وانتي رايحه ووانتي عازمه
والكماليات الغير ضروريه
بتلقين نفسج مب محتاجه اكثر من 5000 بالشهر على اكثر تقدير
شدعوه تعزمين رفيجتك ويطلع الحساب 25
لو رحت المعصره انا ورفيجي كل واحد بيدفع 20
انزين ممكن تعلميني
كنت زين قبل
الحين اصرف وايد بدون ماحس

[وكر الذيب]

العيش والسكر والزيت والحليب من التموين 200ريال شهريا .مقاضي الجمعيه 2000ريال.فواتير كيوتل 400ريال.خدامه 730ريال .مصاريف 3عيال 1000ريال شهريا .500ريال بترول . 500ريال للطواري .

كلامك على العين والراس
بس انت ماحسبت اشياء كثيرة ماحسبت الودام ( لحم دجاج سمك ) اذا بتقولي بدش من ضمن مقاضي الجمعية بقولك الحين الذبيحة الوحدة على 1200هذا من غيرالدجاج والسمك + اقساط البنك ( سيارتك وسيارة البيت ولاتنسى تحسب مصاريفها) + راتب الدريول +اغراض السوق المركزي( خضار ) + اقساط بنك التنمية هذي بروحها 3500 + والحين 95% من اهل قطر عندة خدامتين مش وحدة ( والمكاتب الحين قمية جلب الخادمة الواحدة (12000) وهذا غير نهاية الاسبوع تمشاية الاعيال مع شوية العاب في احدى المجمعات وفي نهاية الجولة اقرب مطعم
الموضوع عنوانة واضح ( الراتب اللي يوفر للاسرة القطرية الحياة الكريمة وليس الشحيحة )

[فرهود]

كلامك على العين والراس
بس انت ماحسبت اشياء كثيرة ماحسبت الودام ( لحم دجاج سمك ) اذا بتقولي بدش من ضمن مقاضي الجمعية بقولك الحين الذبيحة الوحدة على 1200هذا من غيرالدجاج والسمك + اقساط البنك ( سيارتك وسيارة البيت ولاتنسى تحسب مصاريفها) + راتب الدريول +اغراض السوق المركزي( خضار ) + اقساط بنك التنمية هذي بروحها 3500 + والحين 95% من اهل قطر عندة خدامتين مش وحدة ( والمكاتب الحين قمية جلب الخادمة الواحدة (12000) وهذا غير نهاية الاسبوع تمشاية الاعيال مع شوية العاب في احدى المجمعات وفي نهاية الجولة اقرب مطعم
الموضوع عنوانة واضح ( الراتب اللي يوفر للاسرة القطرية الحياة الكريمة وليس الشحيحة )

كل سبوع يومين دجاج ويومين سمك ويومين لحم ويوم الغدا برع البيت . هذي من ضمن 2000ريال .ولاتنسى 500 الطواري

سيارتي موديل 2010 شاريها كاش ب150الف ليش احط على نفسي ديون واخرتها اطالب الدوله تسددها.

وليش لدريول الباص يودي عيالي ويجيبهم وانا اوديهم واجيبهم اذا في مشاوير ولا ليش سموني رجل البيت .

بيتي اجار على حساب الحكومه .

بخصوص رسوم الخدم او رسوم تجديد ليسن او غيرها من الرسوم هذي سنويه مب شهريه يعني تصادفك مره في السنتين او السنه .

بالعكس اخوي حياه كريمه جدا بعد . وعلى العموم ولاتزعل نزيدهم 5000 فوقهم يعني 10000ريال يعني ربع الراتب :nice:

[رهج السنابك]

شدعوه تعزمين رفيجتك ويطلع الحساب 25
لو رحت المعصره انا ورفيجي كل واحد بيدفع 20
انزين ممكن تعلميني
كنت زين قبل
الحين اصرف وايد بدون ماحس




هههه اي اعزمها في الدوام
وكافتيريا الدوام اسعارها مخفضه :)

علمني شنو صرفياتك ومشترياتك هالشهر ونعرف وين الخلل

[طبيب قطري]

العيش والسكر والزيت والحليب من التموين 200ريال شهريا .مقاضي الجمعيه 2000ريال.فواتير كيوتل 400ريال.خدامه 730ريال .مصاريف 3عيال 1000ريال شهريا .500ريال بترول . 500ريال للطواري .


ترى التموين ماقي خضار وفواكهه ولحوم وبيض واسماك، اغراض الجمعيه تكلف اكثر من ٢٠٠٠ ريال !! ولو الاسره عددهم اكثر من خمس افراد يعني عندها ٤ اطفال بالمدرسه لازم اغراض المدرسه و٢ صغار لازملهم حليب وحفاضات وملابس والخدامه اقل شي تاخذ الف ريال الحين!
ال٥٠٠٠ ممكن تخليها مصروف للاطفال فقط ومصروف الام ٥٠٠٠ اذا ماكانت تشتغل ومصروف البيت ٥٠٠٠ وراتب الخدامه ١٠٠٠ والدريول مع البترول ومصاريف السياره ٢٠٠٠ ريال ومصايف رب الاسره بعد ٥٠٠٠ ريال حق طلعاته مع الربع والخ !
طبعا كده ماراح يوفر اي شي حق عياله وحق المستقبل!!!

[شجن]

2250 ريال :tease:

راتب الضمان الاجتماعي ههههههههه:nice:

[محمد]

بس ابي اقول حق واحد ..


خف علينا يا البطراااااااااان


اخرتها شابك المنتدى بوايرلس الجيران

صارت قصيدة هههههههههههههههه

[دااانة قطر]

عليكم كيفكم 80 و 100 !!!!!!

انا أشوف 30000 تفلهم فل طول الشهر بس مايكون البيت اجار



قلتها بنفسك بس مايكون البيت اجاار؟؟

















الله المستعااان :weeping:

[وكر الذيب]

كل سبوع يومين دجاج ويومين سمك ويومين لحم ويوم الغدا برع البيت . هذي من ضمن 2000ريال .ولاتنسى 500 الطواري

سيارتي موديل 2010 شاريها كاش ب150الف ليش احط على نفسي ديون واخرتها اطالب الدوله تسددها.

وليش لدريول الباص يودي عيالي ويجيبهم وانا اوديهم واجيبهم اذا في مشاوير ولا ليش سموني رجل البيت .

بيتي اجار على حساب الحكومه .

بخصوص رسوم الخدم او رسوم تجديد ليسن او غيرها من الرسوم هذي سنويه مب شهريه يعني تصادفك مره في السنتين او السنه .

بالعكس اخوي حياه كريمه جدا بعد . وعلى العموم ولاتزعل نزيدهم 5000 فوقهم يعني 10000ريال يعني ربع الراتب :nice:

وجهة نظرك واتقبها بصدر رحب ولكن من وين بيجيك الكاش للسيارة دام 5000 او 10.000الصرف والديون مش كل الناس للسيارة انا لله الحمد سيارتي كاش والقرض خذتة حق فرش البيت
والزوجة اذا اكنت موظفة وانت موظف من بيوديها واذا كانت تطلع بدري ( ساعات رضاعة من بيجيبها ) وانا شلون بعيش ولدي حياه كريمة اذا الباص بيلف نص الدوحة بعدين يوصل ولدي ومايوصل الا منهد حيلة وبعض المدارس يقولون لك ما انغطي منطقة سكنك والمدرسة اللي حذاك مستواها التعليمي نازل والجنير مالهم اجار من الحكومة واللي يصرف على امة وابوه وخواتة من اهل الشؤون والتقاعد وفية اشياء جدا معقدة والتزامات طويلة عريضة احنا انتكلم عن الموضوع بشكل عام ولازم والنظرة تكون عامة مش على حالة فردية وتناسب جميع الحالت والضروف الموجودة
بعطيك مثال حي قبل يوم ماكنت في منزل منفصل في بداية زواجي 3000 ريال تكفيني بس ما اقدر اعممها على الجميع واقنعهم ان 3000 ريال تكفي والحين اصرف 35.000 ومش ملحق وادقق على الصغيرة والكبيرة عشان اتكفيني لين اخر الشهر
كل شهر بيطلع لك الف شي وشي العيال يطلبون الزوجه تطلب المدرسة تطلب فترة الاجازات لازم اتوديهم مكان حتى لو قريب ( دبي - الطايف - صلالة - العمرة )مش شرط اوروبا اذا بنتكلم عن الحياة الكريمة يا اخوي . الاحتياطي بوجهة نظري مايقل عن 30.000 في رصيد مفصول وكلن على قدر الاستطاعة ما اقدر بعد اعمها حق لاقدر الله حوادث او مرض البيت ياخوي مصرف خصوصا لو واحد من الموجودين معاه الديه في البيت وكان البيت عامر ومفتوح
واسمحوا لي على الاطالة

[qatar vision]

احمدوا الله واشكروه أولى لأن النعمة زوالة

[بحر شرق]

الحياه الكريمه تعني توفر السكن والقمة العيش والتعليم والصحه والامان

كل ماهو سابق موفرته الدوله مجانا او شبه مجاني باقي الكماليات وهي تخص كل فرد وليست الدوله ملزمه ان توفر لي بدل سفرات او عزايم او ملابس اعراس او بدل مرسيدس او رنج . ورغم هذا فالله الحمد الحكومه لم تقصر على المواطن و نستطيع القول برواتبنا نستطيع توفير كل ماسبق ونعيش حياة ترف ولله الحمد .

:nice::nice::nice:الحمد لله أنا قطريين الحمد لله على نعمه الأمن والصحة

[بحر شرق]

مصاريف هالاسرة الي ضارب فيها المثل وايد ، المفروض السيستم يكون مثل الاجانب
الفرد كم مصروفه ثم اذا كان يعيل كم لازم يزيد مصروفه اما الكماليات باستثناء السكن والتنقل
مالها الدولة شغل فيها ، لكن الوضع معكوس فيه طبقة تاخذ رواتب شهرية وتتملك الاراضي بالراحة
وفيه طبقة الموظفين الي مالهم الا رواتبهم ومنح الحكومة ودعمها لهم وفيه طبقة بينهم فعلى حسب
الطبقة بيكون فيه 3 متوسطات للدخل
الطبقة الاولى لن ترضى الا بمبالغ المئات
المتوسطة نصف الاولى
الموظفين العاديين نصف الطبقة المتوسطة
اعتقد دولتنا ما تفرق بين العوائل الطبقات في البلاد وما في تميز بن الشعب والأسره الحاكمة اعتقد قطر الوحيدة في دول الخليج اللي ما فضلت أو ما فيها طبقية بين الشعب والفئات في المجتمع

[New Vision]

اعتقد دولتنا ما تفرق بين العوائل الطبقات في البلاد وما في تميز بن الشعب والأسره الحاكمة اعتقد قطر الوحيدة في دول الخليج اللي ما فضلت أو ما فيها طبقية بين الشعب والفئات في المجتمع

:eek5:

[عيسى111]

كم الراتب في المتوسط الي يوفر للاسره القطريه الحياه الكريمه ؟

السؤال حياة كريمة وليس حياة كفاف

برج ومزرعة وشاليه ومجمع سكني ومجمع تجاري

[ابن البيطار]

كم الراتب في المتوسط الي يوفر للاسره القطريه الحياه الكريمه ؟

السؤال حياة كريمة وليس حياة كفاف

برج ومزرعة وشاليه ومجمع سكني ومجمع تجاري

الحياه الكريمه التي تنام فيها وانت شبعان وامن ومرتاح نفسيا . اما ماذكرته من مزرعه وشاليه مجمع فهذي حياة الترف والبذخ . حياة الكفاف هي ان تقوم من على الصحن وانت لازلت جائع وان تلبس الثوب 5سنوات وان تستخدم الباص والتكسي في المواصلات .ونعالك وانت بكرامه ب30ريال وبيتك غرفه وصاله

[ريتويت]

على حسب مصاريفهم اليوميه

[حسن]

دام التموين مدعوم احنا بخير ومافي الذ من عيش ابيض مع لبن
جربوه وبتدعون لي

[الجوكر90]

هههه اي اعزمها في الدوام
وكافتيريا الدوام اسعارها مخفضه :)

علمني شنو صرفياتك ومشترياتك هالشهر ونعرف وين الخلل

اها حلو والله
مصاريف عاديه طلعات وعشى وغدى مشتريات عاديه

[عيسى111]

دام التموين مدعوم احنا بخير ومافي الذ من عيش ابيض مع لبن
جربوه وبتدعون لي

من استوينا عليه

[عيسى111]

الحياه الكريمه التي تنام فيها وانت شبعان وامن ومرتاح نفسيا . اما ماذكرته من مزرعه وشاليه مجمع فهذي حياة الترف والبذخ . حياة الكفاف هي ان تقوم من على الصحن وانت لازلت جائع وان تلبس الثوب 5سنوات وان تستخدم الباص والتكسي في المواصلات .ونعالك وانت بكرامه ب30ريال وبيتك غرفه وصاله

قال رسول الله صلى الله عليه وسلم ( مثل المؤمنين في توادهم وتراحمهم وتعاطفهم مثل الجسد الواحد إذا اشتكي منه عضو تداعي له سائر الجسد بالسهر والحمى )

إذا طبق هذا الحديث الشريف بيننا فنحن نعيش حياة كريمة

[مخطط قطري]

اعتقد دولتنا ما تفرق بين العوائل الطبقات في البلاد وما في تميز بن الشعب والأسره الحاكمة اعتقد قطر الوحيدة في دول الخليج اللي ما فضلت أو ما فيها طبقية بين الشعب والفئات في المجتمع

غلطان الشيخ فيه تميز وفي فرق الا اذا انت مب قطري وماتعرف هاالامر
والدوله فيها طبقات حالها حال كل دول العالم

[الجوكر90]

غلطان الشيخ فيه تميز وفي فرق الا اذا انت مب قطري وماتعرف هاالامر
والدوله فيها طبقات حالها حال كل دول العالم

وهالطبقات انتو سويتوها
فلان قطري
لحظه قطري بس امه مب قطريه
لحظه امه قطريه وابوه قطري بس جده مجنس
اوك كلهم قطريين بس نسبهم والفخذيه مادري من وين

اذا عرفتوا تلغون هالاشيا من قاموسكم الشعب راح يعيش فترف وبدون فقر

[مخطط قطري]

الطبقات موجوده من قرون ولازالت مش اللي احنا صنعناها وهذا موضوع واسع
انا رديت على الاخ في جزئيه قطر مافيها طبقات

[asad100]

قال : قال رسول الله - صلى الله عليه وسلم - : " لو أن لابن آدم واديا من مال لتمنى واديين ولو أن له واديين لتمنى ثالثا ، ولا يملأ جوف ابن آدم إلا التراب "

[مستجدة]

الراتب ولله الحمد والشكر (35000)
رواتب خدامتين ودريول وعاملين في العزبه6000

أقساط ثلاث سيارات وحده للوالد ووحده لي ووحده للبيت 10500

أقساط بنك التنميه 3500

مصاريف تموين للبيت 4000 بمعدل 1000 ريال كل أسبوع

هاتف 500 ريال إلى 1000

والباقي يكون مصاريف مجلس وعزايم

والحمد الله مكفي وموفي



ياعلك بعد ابو 45 الموفر

👍

[ولد قطــــــر]

وهالطبقات انتو سويتوها
فلان قطري
لحظه قطري بس امه مب قطريه
لحظه امه قطريه وابوه قطري بس جده مجنس
اوك كلهم قطريين بس نسبهم والفخذيه مادري من وين

اذا عرفتوا تلغون هالاشيا من قاموسكم الشعب راح يعيش فترف وبدون فقر


:telephone::omg: