تحذير من شركه شحن في لندن

[طموحي عالي]

السلام عليكم
اخواني واخواتي اللي حابين يشحنون من لندن
يرجى عدم التعامل مع
شركة الزاجل ^^ اخوانا القطريين مادحينها وموجود اعلانهم بسفارة القطرية^^

لقد تم شحن أغراض لي قبل رجوعي لقطر بيوم
لكن تفاجئنا بسرقة مجموعة من العطورات والاحذية

حسبنا الله ونعم الوكيل

وحبا في أبناء وبنات وطني وجب التنبيه

دمتم بود

[خزامئ]

الله يجزاك خير

[Qa6ar]

الاغراض المهمه ماتنشحن ....والغاليه للعلم لانها تمر على ناس واجد حتى توصلك ..... وان ضمنتها عند الشركه ماضمنتها في المطار وان ضمنتها بالمطا ماضمنتها بمطار الوصول .... اتوقع انك ماغلفتها .... انا شحنت اكثر من عشر شنط قبل رمضان .... وغلفتها زين والحمدالله وصلت بسلامه.... جزاك الله خير والشركه هذي في البلاك لست من صوبي

[غزلان]

زادوا الحراميه بعد وحده من معارفنا شحنت ووصلت لها ناقصه عطورات شكلهم يحبون العطورات:eek5:

[السكين]

الله يجزيك ويعوّضك خير

[دوحة الجميع]

زادوا الحراميه بعد وحده من معارفنا شحنت ووصلت لها ناقصه عطورات شكلهم يحبون العطورات:eek5:

بس ماقلت لنا من أي شركة اشحنت أغراضها وانسرقت

[monatee]

الاغراض الغاليه ماشحنها تروح مع شناطي في المطار

اما الاغراض الغاليه الغاليه فشنطه اليد اللي بتدخل معاي الطياره ماتفارقها عيني

الشحن فقط للملابس لتخفيف الوزن علينا

[غزلان]

بس ماقلت لنا من أي شركة اشحنت أغراضها وانسرقت


والله ماعرف اسم الشركه كانوا يسولفون عن الشحن وقالت شحني وصل ناقص عطورات

[طموحي عالي]

الله يجزاكم خير
وهو فعلا الأغراض الغاليه كانت بشنطتي
بس اضطريت احط عطورات الهدايا بالشحن بسبب ضيق شنطتي

وبالنسبة للتغليف تم تغليفها من قبل المحل يعني بالمعاينه أتضح مغلف مره وحده

عموماً فدا لراسي بس حبيت احذركم لان حلفت افضحهم

[Miss]

حسبي الله عليهم
عموما دافع بلا عنج وعن هلج

[آنــه]

دفعة بلا يا بنت الحلال في الاغراض ولا فيكم

بس انا ما قد سمعت بها و بالعاده اذا بنشحن اغراض نتعامل مع الشحن العربي او العربيه
وما تكون اغراض واجد مهمه ولا جديده الملابس وبعض الالعاب لليهال , وهي مره جربت فيها اشحن شوكلت و ما وصل سليم كله ذايب وراحت فلوسك يا صابر وبعدها حرمت اشحن حلويات

[pink dream]

احنا بعد سرقوا من عندنا اغراض وايد منهم ملابس وعطورات :( مع الشحن العربي

[بوخالد911]

الله يعوضكم خيرررر

[قطري 777]

فدوووه ان شاء الله والحمدلله على السلامه .

[BonBons]

بخصوص الشحن
انا توني شاحنه من لندن تقريبا 11 شنطة
من قوانين الشحن ان مايشحنون العطورات ولا البطاريات ولا الاشياء المضغوطه بالاضافه للادويه بدون وصفه دكتور حتى لو كان بندول واي اشياء قابله للاشتغال
مش من الشركه من الجمارك عندهم

وخبرونا بهالاشياء قبل لياخذون الاغراض منا لان قال لنا بعد ماناخذ الاغراض الاشياء الممنوعه يتم مصادرتها او تلفها ..في حال اذا انك تتعامل مع هالشركه وايد ممكن ياخذ الاغراض الممنوعه ويقولك لو عندك حد هناك ممكن يسلمه له

غير انك في بند عندهم في شركه الشحن انط تأمن على اغراضك وفي حال نقص اي شي يتم تعويض قيمه مبلغ الغرض

[حياة]

انا من اربع سنين اشحن مع شركه الصقر العربي عند الاخ هيثم وماشاء الله خلال خمس ايام الا هي واصله وكامله

[صباح]

عطنا رقمه يا حياه
وكم اسعارهم
واللي عنده خبره في شركات الشحن جيده والاغراض ما تتاخر وسعر الشحن

لانه خبرني واحد من الربع ان الشركات تاخد بعضها بوند وبعضها بوندين على الكيلو وياخذون تامين بعد مادري كم وياخذون قيمة السيارة اللي جايتك للفندق واخيرا قالي لازم يكون عنده الوزن اكثر من خمسين كيلو لانه الشركات اتحسب عليك خمسين كيلو وطالع مثلا كان وزن اغراضك اربعين يكملون الوزن الى خمسين ويحسبونه عليك
افيدونا
افيدونا