رأيكم في زحمة اليوم [الأرشيف] - منتديات شبكة الأسهم القطرية

bohilal191

15-09-2013, 04:13 PM

وليف الشوق

15-09-2013, 04:21 PM

والله انا شفت الزحمه اليوم غير طبيعيه من دوار وادي السيل الى دوار نادي قطر لكن لازم نصبر ونستحمل شوي لاجلنا ولاجل عيالنا لان في اعمال واشغال طرق سوف تجد نتاجها ايجابي في القريب العاجل وبهذه المناسبه اثمن جهود هئية الاشغال لما تقوم به من دور جبار في خدمه الوطن والمواطن واقول الله يعطيكم عافيه فعلا اهلا" لها

عاهد بن علي

15-09-2013, 04:27 PM

والله انا شفت الزحمه اليوم غير طبيعيه من دوار وادي السيل الى دوار نادي قطر لكن لازم نصبر ونستحمل شوي لاجلنا ولاجل عيالنا لان في اعمال واشغال طرق سوف تجد نتاجها ايجابي في القريب العاجل وبهذه المناسبه اثمن جهود هئية الاشغال لما تقوم به من دور جبار في خدمه الوطن والموطن واقول الله يعطيكم عافيه فعلا اهلا" لها

:nice::nice::nice:

مخطط قطري

15-09-2013, 04:28 PM

اي نفس شارع 22 فبراير صبرنا 5 سنوات وقلنا كله في مصلحه التطور والله يعطيهم العافيه اشغال وعانينا الويل في استخدام الطرق البديله ف هالهخمس سنوات وتاخير ومخالفات وصرنا بدال مانوصل اشغالنا ايام دوار الجيداه ودوار السودان في ربع ساعه وصلت ساعه كامله صبرنا وتحملنا وفي النتيجه وش عينا شارع ٢٢ فبراير ومادراك ماهالشارع الخوف نفس الاخطاء ونفس المشاكل تتكرر مع المشاريع الجديده والشوارع الي شغاله عليها اشغال

panda

15-09-2013, 04:28 PM

تحيا الحياة خارج الدوحة.... الله اصبركم يا اهل الدوحة :)

محاسب

15-09-2013, 04:28 PM

أستغرب وأندهش ...... إلى شفت سيارة أسعاف أودفاع مدني ::
متورطين في الزحمه ...أو المواطنين بشكل يومي وع طول العام
.وكأن مسئولين البلد راح يسببون كارثة لوقامو بتعديل مواعيد حضور وانصراف العمل
كل جهه ع حسب نسبة تأثيرها

رهج السنابك

15-09-2013, 04:29 PM

كله من طلاب الجامعه

هالاسبوع اول يوم لهم

عرفنا الحين مصدر الزحمه

طلاب المدارس والجامعه

واحنا ظلمنا الاجانب مساكين كله نقول هم سبب الزحمه

معناتها لازم يسوون حل دام الزحمه من الطلاب

وانا اقترح يخلون الطلاب يدرسون في البيت اونلاين :)

JN000N

15-09-2013, 04:33 PM

هاهاها بس هالاسبوع؟
من ذاك الاسبوع من بدت المدارس اصطكت الزحمه
والحين بدت الجامعه
باجر بنطلع من ٥ ونص من بيوتنا وبنوصل ٧ هه ٧ ونص بالكثير :)

لاجل QT

15-09-2013, 04:34 PM

اليوم الساعة من 2 الى 4 شنهو سبب هالزحمة اريولي بغت تنجلط من دوست البريك

VX.R

15-09-2013, 04:36 PM

فعلاً الحياة توقفت اليوم وأصيبت بشلل تام ..

كم تمنيت ان يكون هناك برلمان يستدعي المسؤول عن فشل المشاريع وتأخرها ، فإن ثبت تقصيره ، يقدم استقالته ..

لاجل QT

15-09-2013, 04:39 PM

بصراحة الطرق الجديدة والجسور والانفاق اثبت فشلها اليوم

jassim69

15-09-2013, 05:05 PM

الحل:telephone:

يخلون المدارس عصر من ساعه 3 إلى 8 مؤقت المده سنتين هذا الحل

غير ذالك لايوجد حل التخلص المشاريع وتعديل الشوارع

النهار

15-09-2013, 05:14 PM

اكيد بتصير زحمه كل الشوارع مسكره وفيها صيانه
اليوم رحت اخذ بنتي من الجامعه الساعه 02.30 العصر من اشارات الجامعه الي شارات جامعة البنات الي الدوار الي عند كلية شمال الاطلنطي السيد واقف ومش راضي يتحرك لاناس قادره تدش الجامعه والي في الجامعه مش قادرين يطلعون منها ولاتوجد دوريه واحده تنظم السير 45 دقيقه من جامعة البنات الي الاشاره علشان اقبض لي سيد وادش في المعمعه من جديد وصلت البيت بعد ساعه ونصف والطريق في الاساس مايأخذ معاي ربع ساعه في اسو الظروف والاحوال طلاب الجامعه زادوا هالسنه حوالي 4000 طالب واكثر حسب ماسمعت
يأدارة المرور شوفوا لكم حل مع هذه المداخل والشوارع

بوخالد911

15-09-2013, 05:20 PM

شللٌ مروريٌ أصابنا بالاحباط واليأس والضجر:anger1::anger1::anger1:

الاسباب كثيرة :

زيادة عدد السكان بشكل جنوني
اغلاق واجراء تحويلات مرورية
عودة المدارس اليوم

لاجل QT

15-09-2013, 05:24 PM

شللٌ مروريٌ أصابنا بالاحباط واليأس والضجر:anger1::anger1::anger1:

الاسباب كثيرة :

زيادة عدد السكان بشكل جنوني
اغلاق واجراء تحويلات مرورية
عودة المدارس اليوم

يعنى شنهو؟؟

كل يوم بيكون هالشكل؟؟؟:(

باقدم على تقاعد:(

أخت الكل

15-09-2013, 05:26 PM

مساكم الله بالخير مثل ماتعرفون ان اليوم كل الموظفين والطلاب داوموا وطبعا الاسبوع الفات داوموا بس اكثريتهم أجلوا الى هذا الاسبوع وعن نفسي حسيت ان الدوحة اليوم صادها شلل مروري والزحمة اللي شفتها اليوم من دوار الجبيلات أو الدفنة الى دوار دحل الحمام وانتوا اشرايكم

أنا مشيت بنفس خط سيرك أخوي وصلت شغلي مصدعه ومتضايقه والظهر وأنا طالعه انصدمت بنفس حجم الإزدحام الصباحي وما صدقت اشوف خط الشمال

الزحمه غير طبيعية اليوم وإذا بنستمر كذا اشغالنا راح تتاثر فياليت تتغير اوقات الدوام ونداوم من الساعة 9 لحد 2 يكون افضل ولا هـ المعانات

بوخالد911

15-09-2013, 05:28 PM

يعنى شنهو؟؟

كل يوم بيكون هالشكل؟؟؟:(

باقدم على تقاعد:(

الى أن يقضيَ اللهُ أمراً كان مفعولا

مستثمر رشيد

15-09-2013, 05:29 PM

الو الو ....الشرطة ..... الساعة الحين 4:27 بعد الظهر وانا عالق في 22 فبراير .... عند دحيل بالضبط على جسر دحيل باتجاه الدوحة ..... ابغي طيارة تفكني من الزحمة ..... السيارات وقفه والحركة شبه مشلولة .....

لاجل QT

15-09-2013, 05:30 PM

الى أن يقضيَ اللهُ أمراً كان مفعولا

:weeping:

اريولي اليوم نط فيها عرج من دوست البريك:weeping:

مدري بكرة شنهو بيصير:(

kawkawii

15-09-2013, 05:41 PM

المفروض المدارس 12 ونص مثل قبل على الأقل يمديه الياهل يتغدى ويقيل ويل واجباته وينام مب من يخلص غداه الا المغرب مآذن !!!!

والدوامات المفروض بعدهم بمالا يقل عن ساعه

ويبدلون هلا شركات الي ماخذه مناقصات الشوارع
يهدمون في يوم ويسكرون مل شي والشغل لما تحج البقر على قرونها مثل ما يقولون يخلصونه
الناس تزوجوا وعيلوا بالثلاث والاربع والشارع بعده مسكر !!
وياليت أذا فتح يكون مستاهل هالنطره للأسف ما يناسب الإعداد والشغل تجاري مليان عيوب ويردون يسكرونه من جديد !
ليش ما يتعاقدون مع الشركات الي تشتغل في الامارات؟! اهناك العكس الهدام يأخذ وقت أطول والتنفيذ سريع !

ياليت الإشارات والدوارت تنلغي وتصير جسور ومخارج وكل شارع ما يقل عن 4 خطوط كحد أدنى !!!
وأول مدخل لتقاطع ينهدم الأند ! اللهم لك الحمد والشكر على العقليه الي مسويته !

وبعد في مقترح ثاني !!! تكثيف الرقابة على المخالفات خاصه المتهورين والمسرعين وتوصل لسحب ليسن نهائي منهم ! ندري ان زحمه والشارع مسكر ونفسيتك زباله بس إحنا مثلك ما يحتاي هرانه وحركه الثعبان والتلصق واللفات الخطره و تجاوز الاشارات! إذا تبي تنتحر انتحر بروحك بس حركتك بتضر الي حوالينك في الشارع للأسف !!!

مضارب دوسري

15-09-2013, 05:44 PM

15 اكتوبر بتنتهي اعمال الكورنيش حسب كلام حسن الساعي اصبروا

ورايي عن زحمة اليوم ماشفتها لاني مب ساكن فالدوحه خخخخ

النهار

15-09-2013, 05:50 PM

:weeping:

اريولي اليوم نط فيها عرج من دوست البريك:weeping:

مدري بكرة شنهو بيصير:(

انا ايش اقول عندي جي استاندر كل شي فيه عادي :weeping:
اليوم احس ان بطة رجلي اليسري صارت اكبر من اليمنى :telephone:999
بليز حل

al saad

15-09-2013, 05:58 PM

ماشفت الزحمة دوامي 7:30 اطلع من البيت قبل 6 ع راحتي واحصل الموقف على كيفي واقعد ع المكتب اشرب شاي و ع نت لين 7:30 واعصابي هااااديه :)

الرحلة لين الدوام 15دقيقه ابوهامور - مدينه خليفة الجنوبية

لاجل QT

15-09-2013, 06:18 PM

انا ايش اقول عندي جي استاندر كل شي فيه عادي :weeping:
اليوم احس ان بطة رجلي اليسري صارت اكبر من اليمنى :telephone:999
بليز حل

احس اخرتها بنروح الشفلح

مهب حاله هذي

شنهو الحل:(

aziz4z

15-09-2013, 06:22 PM

المفروض يصير دوام بعض المؤسسات اللي عادي يداومون مبكرين , يعني دوامهم يبتدي من الساعة الخامسة وخاصة اللي مكان عملهم صوب الجامعة
و أفضل حل , صل الفجر و توكل على الله , و راح توصل بسلامة
الله يعين الكل

romoz

15-09-2013, 06:30 PM

الله يعينكم يا اهل الدوحة

احنا في الوكرة زحمة و متضايقين كله من ازدان ، عددهم كبير جدا و غير مهيء لشوارع الوكرة الصغيرة

الله يعين ، الكثافة السكانية في تزايد ، و مشاريع البناء و التوزيع المباني و السكان غير ملائم للشوراع و الطرق

pure

15-09-2013, 06:41 PM

الزحمه اليوم لاتطااااق !! شي مب طبيعي

المشوار اللي قبل كان ياخذ مني عشرين الى خمس وعشرين دقيقة خذ مني ساعه وربع !!

والسبب اشغااال :)

اشغال بليز تكفون اذا ماتعرفون شلون الاوادم يخططون ويبنون شوارع يبو خبراء

و اذا حدكم ماتعرفون روحو دبي وتعلمو منهم ابدا مو غلط انك ماتعرف وتتعلم

لكن نعيش بهالزحمه ويضيع وقتنا وتحترق اعصابنا !! :rolleyes2:

الزبده انا مب مسامحتهم بوقتي اللي ضاع وانا بالزحمه

ذكي جدااا

15-09-2013, 09:37 PM

زحمة اليوم غير طبيعية للأسف شوارعنا ماهي مصممة لمثل هالزحمه الله المستعان قدامنا سنه كامله

khaldoon

15-09-2013, 09:40 PM

اليوم واقف في شارع 22 فبراير بجانب كاميرا الرادار ....اقترح يفكونها لانها ما لها داعي و يحطونها مكان ثاني ...ما اقدر امشي بهالشارع اكثر من 30-50 بالكثير و كل شوي وقوف مفاجىء

أم علي 2010

15-09-2013, 09:44 PM

اليوم قدمت اجازه ما شفت الوضع الصراحة

بس ذاك الاسبوع من اشارات العسيري لين مدماك وو السيارات مسكره التقاطع

شلون بيكون الوضع بكره مايندرى

D0ha

15-09-2013, 09:56 PM

كله من طلاب الجامعه

هالاسبوع اول يوم لهم
عرفنا الحين مصدر الزحمه
طلاب المدارس والجامعه
واحنا ظلمنا الاجانب مساكين كله نقول هم سبب الزحمه
معناتها لازم يسوون حل دام الزحمه من الطلاب
وانا اقترح يخلون الطلاب يدرسون في البيت اونلاين :)

انتي عايشة في كوكب بروحج.... مع تام التقدير لج

MAZEN37

15-09-2013, 10:02 PM

في 2 مليون وشوارع حق ميتين الف

SOUD.QA

15-09-2013, 10:10 PM

الوضع كل يوم يتردى فكل وقت وكل يوم زحمه وحشره اليوم من 7 تقريبا دخلت الكورنيش من ورى وزارة الداخليه ما وصلت عند اشارات توياتا الا بعد ساعه الا ربع

عيون الدوحة

15-09-2013, 10:25 PM

انا وحدة قررت اخذ سيكل بو كهرباء
والله راح اوصل أسرع
وباخذ شور سريع في جم الوزارة
وش رايكم.؟

بنت شرق

15-09-2013, 10:31 PM

بارك الله فيك على طرحك الموضوع ، صج انا اليوم ارتفع ضغطي من الزحمة تمنيت
لو كان الكورنيش خط رايح بس وخط راجع ولا اشارات ولا مداخل عن اليمين للسيارات
تمنيت بعد اشوف رجل مرور واحد على طريق الزحمة والدورات على الاقل يصير تنسيق لمنع الاختناقات والزحمة الغير طبيعية
تمنيت لو كان فيه جسر فوق شارع الكورنيش
تمنيت لو يمنعون طلاب المدارس والجامعات من استخدام سياراتهم الخاصة ويفرضون عليهم
التنقل بالباص
تمنيت لو اشغال حطت وقت افضل لتصليح شارع الكورنيش وقسمت الاعمال بدال البهدلة الي
مسوينها للناس

alsoq

15-09-2013, 10:34 PM

انا اشرد من ساعه 7 قبل الزحمه 20 دقيقه في دوام:)

وطن

15-09-2013, 10:44 PM

الله يعين

المفروض يغيرون مواعيد دوامنا
ع الأقل بعد ما الطلاب يداومون بساعة إحنا نداوم
يكون تخف الزحمة

و نعوضها نطلع متأخرين ساعة

:)

h9466

15-09-2013, 11:26 PM

الله يعين

المفروض يغيرون مواعيد دوامنا
ع الأقل بعد ما الطلاب يداومون بساعة إحنا نداوم
يكون تخف الزحمة

و نعوضها نطلع متأخرين ساعة

:)

مؤيد وبقوة لهذا الاقتراح ،،،الموظف بيوصل دوامه مرتاح وبينتج اكثر ونفسيته بتكون طيبة،،،ولما يفكر بالرجع للبيت نفس الشي بيكون مرتاح نفسيا لانه ماراح تكون وراه زحمة،،الحقيقة وقوفنا بالساعات في الزحمة هدر للوقت وللجهد ،،،وضيف عليه حرارة الجو والرطوبة العالية وتلوث الهواء بوقوف السيارات لمدة طويلة ومحركاتها شغالة ،،،،يعني خسارة وقت وجهد ومال وتلوث هواء،،،،

أم علي 2010

15-09-2013, 11:46 PM

مؤيد وبقوة لهذا الاقتراح ،،،الموظف بيوصل دوامه مرتاح وبينتج اكثر ونفسيته بتكون طيبة،،،ولما يفكر بالرجع للبيت نفس الشي بيكون مرتاح نفسيا لانه ماراح تكون وراه زحمة،،الحقيقة وقوفنا بالساعات في الزحمة هدر للوقت وللجهد ،،،وضيف عليه حرارة الجو والرطوبة العالية وتلوث الهواء بوقوف السيارات لمدة طويلة ومحركاتها شغالة ،،،،يعني خسارة وقت وجهد ومال وتلوث هواء،،،،

عندي مقترح

لو يتم احتساب الوقت الكترونيا كل موظف عنده ايميل خاص به في الدوام اول مايسوي لوغ ان يعتبر الموظف مداوم و اي ايميل يوصل له يكون محاسب عن تاخيره و اكثر الوظايف يعطونهم لابتوب يشتغل على سرفر الدوام ويقدر يخلص الشغل اونلاين و المفروض نطبق التوقيع الالكتروني بدل الورق

وعشان نحط ضوابط ممكن نحدد وقت معين يتطلب الحضور الجسدي مثلا بعد ال9 يكون الحضور الجسدي اجباري

مع اني ضد فكرة ان الانتاج بالساعات ولكن الجماعه عندنا ينظرون لساعات العمل وليس العمل نفسه

الوليد1

15-09-2013, 11:51 PM

15 اكتوبر بتنتهي اعمال الكورنيش حسب كلام حسن الساعي اصبروا

ورايي عن زحمة اليوم ماشفتها لاني مب ساكن فالدوحه خخخخ

أخوي مضارب
اللي ينظر نظرة بسيطة وليست عميقة لمشروع الكورنيش وتطويره يكتشف ان الأخطاء السابقة ستتكرر في الكورنيش .
عجل الإشارات إلي بيسوونها مكان دوار الإعلام للقادم من دوار الديوان في مسارين فقط للي يبغي يروح يسار !!!

المشكلة ان الإخوان ما يعملون دراسة وتحليل للطريق واتجاه السيارات فنقع في نفس المشاكل

وفي النهاية 200 مليون قيمة المشروع تذهب هباء منثورا

بوخالد911

15-09-2013, 11:54 PM

حسن

15-09-2013, 11:56 PM

الحمدلله صارلي فتره مااطلع من البيت الا نادر
واليوم كلمني ولد عمي ولا يقول ايش صاير
في البلد قلت له مادري ولا يقول البلد مشوله الزحمه غير طبيعيه
اذكر اني ذكرت باحد الردود مادري في أي موضوع كتبت وتقعت ان تكون هناك كارثه سير ولكن محد يبي يسمع وهذه هي ووذكرت الحلول الوقتيه لتفاديها من تغير ساعات العمل وتقليل ساعات خروج الطلبه ولكن ابن عمك اصمخ
واليوم منزلين جدول انصراف الطلبه نشوف بكره وش يصير

الله يعين

مشاكل

15-09-2013, 11:59 PM

كل سنة الزحمة تزيد اكثر واكثر واكثر :eek3:

بوخالد911

16-09-2013, 12:02 AM

كل سنة الزحمة تزيد اكثر واكثر واكثر :eek3:

البركة في اللي يتساهلون ويتاجرون بالفيز
:anger1::anger1::anger1:

وطن

16-09-2013, 07:23 AM

وانا اطلع 6 وربع وأوصل العيال
واوصل دوامي 7 وعشر:nice:

و انا 10 كيلو أقطعها في نص ساعة :weeping:

ولا يوم اللي طلعت قبل 6 ونص أخذت ساعة و زود :rolleyes2:

غير البشر

16-09-2013, 07:25 AM

انا بصراحه ولاحد ينتقد
اكون في وسط الزحمه لكن ماطول وايد فيها :secret:

وطن

16-09-2013, 07:26 AM

عندي مقترح

لو يتم احتساب الوقت الكترونيا كل موظف عنده ايميل خاص به في الدوام اول مايسوي لوغ ان يعتبر الموظف مداوم و اي ايميل يوصل له يكون محاسب عن تاخيره و اكثر الوظايف يعطونهم لابتوب يشتغل على سرفر الدوام ويقدر يخلص الشغل اونلاين و المفروض نطبق التوقيع الالكتروني بدل الورق

وعشان نحط ضوابط ممكن نحدد وقت معين يتطلب الحضور الجسدي مثلا بعد ال9 يكون الحضور الجسدي اجباري

مع اني ضد فكرة ان الانتاج بالساعات ولكن الجماعه عندنا ينظرون لساعات العمل وليس العمل نفسه
صادقة
يهمهم عدد ساعات الحضور
مب الإنتاج

أخوي مضارب
اللي ينظر نظرة بسيطة وليست عميقة لمشروع الكورنيش وتطويره يكتشف ان الأخطاء السابقة ستتكرر في الكورنيش .
عجل الإشارات إلي بيسوونها مكان دوار الإعلام للقادم من دوار الديوان في مسارين فقط للي يبغي يروح يسار !!!

المشكلة ان الإخوان ما يعملون دراسة وتحليل للطريق واتجاه السيارات فنقع في نفس المشاكل

وفي النهاية 200 مليون قيمة المشروع تذهب هباء منثورا

شدعوه خطين
من صجك ؟؟

شدراك ؟؟ شفت المخطط أخوي :omg:

بيجلطونا ان كان صج :weeping:

وطن

16-09-2013, 07:27 AM

انا بصراحه ولاحد ينتقد
اكون في وسط الزحمه لكن ماطول وايد فيها :secret:

سيارتك فيها أجنحة تطير ؟؟
هاهاهاهاها

او تخالف
اعترف :rolleyes2:

غير البشر

16-09-2013, 07:29 AM

سيارتك فيها أجنحة تطير ؟؟
هاهاهاهاها

او تخالف
اعترف :rolleyes2:

كلشي مبين مايحتاج اقول :tease:

عاشق العديد

16-09-2013, 07:29 AM

زحمة مصلى العيد زحمة دوار السواقه .. زحمة الفروسيه زحمة دوار العطيه .. زحمة المقبره .. زحمة دوار المايل زحمة المرخيه زحمة دوار القوس زحمـه نادي قطر .. وعلى هالحاله كل الدوواير .. زحمـه .

Northqatar

16-09-2013, 07:42 AM

من فوائد الزحمه ان السيارة ماتصرف بترول

هههههه

الزحمة ماراح تنحل

كل يوم ادارة العمل تصدر مايقارب 500 موافقة عمل
منها عمال ومنها للموظفيين
غير استقدام العائلات

وجهاز التخطيط. المفروض

يرفع تقارير للجهات العليا بالدوله

بأن الطاقه الاستيعابية لا تسمح

لكن للاسف

ان إذا المسئولين الكبار وصناع القرار. سئلوا

مافي مشاكل او هل تستحمل الطاقه الاستيعابيه

جاوب المنافقون وذلك للمحافطه على مناصبهم

بكلمة

نعم

وكل شى عل مايرام

لازم ادارة العمل توقف اصدار الموافقات

لفترة عل الاقل

المواطن

16-09-2013, 07:43 AM

والله لا حول ولا قوة إلا بالله

شي عجيب من التخطيط العمراني واللي ادمر المروري

لا تنظيم طرق او شوارع
ولا ناس تعرف السواقه

في شي يسمى انسيابية المرور

والظاهر لا اللي يصممون الشوارع او اللي يسوقون عليها يعرفونه

النهار

16-09-2013, 07:48 AM

سيارتك فيها أجنحة تطير ؟؟
هاهاهاهاها

او تخالف
اعترف :rolleyes2:

يمكن :nice:
وانا اقول هذي الي قاعد يضرب ارصفه ويلف على خلق الله منهو طلعت انت :telephone:

FIRE FLY

16-09-2013, 07:53 AM

من فوائد الزحمه ان السيارة ماتصرف بترول

هههههه

بالعكس تصرف اكثر ... :)

زحمة امس مب طبيعية ...

من الكنيسة .. لاشارات بروة .. لاشارات الجديدة .. لدوار المحطتين .. لدوار العبيدلي ..

ومن دوار العبيدلي للتضامن ومنه لاشارات الهاي وي ..

كلها مشلولة .. والسيارة على السيارة ..

العبيدلي مشلول على الاخير ... والسير طول الوقت واقف ..
امس شفت الشرطة على اول اشارات الهاي وين تنظم السير ... وللأسف خلقت زحمة اكثر .. وانشل الشارع اكثر !!!

اليوم لاحظت انه الزحمة اخف ...

بس على 22 فبراير الطريق مشلول ايضا !!

عذايب قطر

16-09-2013, 07:59 AM

مأساة

JN000N

16-09-2013, 08:02 AM

انا بصراحه ولاحد ينتقد
اكون في وسط الزحمه لكن ماطول وايد فيها :secret:

اعرف نوعية سواقتك جايفتها هاهاهاهاها

R 7 A L

16-09-2013, 08:32 AM

:weeping:

http://safeshare.tv/w/KyXlPFgSYP

Dmy Enabi

16-09-2013, 08:39 AM

أم محمد 90

16-09-2013, 09:31 AM

مادري آنا فيني شي غلط ولا شسالفه
صح زحمة بس أحس الناس وايد تبالغ
أهم شي وسط الزحمة تظهر مهارات القيادة :

هل تعرف تزرق ؟
هل تعرف الاختصارات ؟
هل عندك تركيز ؟
هل تتخلى عن الانستقرام والايفون والبي بي

إذا الإجابة نعم خلاص اموركم طيبة
إذا لا الله يعينكم ( التركيز ) ياجماعة وايد مهم والله
في ناس تمشي في الشارع تحس بدون عقل مههدي وينافخ جنه ضب وماسك البي بي ويقول زحمة

امس عند اشارات الدفنة سيد اليسار واصل لين اخر الشارع واشوف الناس يتجاوزون يمين
قمت لحقتهم لقيت اصلا سيد اليمين فاضي والناس الي المفروض تمشي سيدة واقفة ف الاشارة تبي تكسر يسار !
والله مهزلة قسم بالله ياحظ الي دوامه ليل ، عندي اداوم ليل وارقد طول النهار
ولا اقوم من الصبح واعل قلبي واجلط ريلي بهالسواقة !

اول مرة اشوف شوارع بهالطريقة ! امشي رايحة دوامي 20 الف شاحنة صافة يمي وتتجاوز بعد
اطلع من دوامي شاحنات على يميني وفجأة تلف علي
والله قهر وووضع لا يطاق
والي يتفلسف ويقول اطلع قبل ال6
شنو يجبرني ليش !

دوامي يبدأ 7 ونص اطلع 5 ونص ولا 6 إلا عشر واقعد لييييين 2 !
ع اساس انك لا طلعت الظهر من الدوام ماتواجه زحمة!؟

طيب

16-09-2013, 09:33 AM

دخلت فريج المنتزة شلل تام ربع ساعة واقف في مكاني ما تحركت.

w.qatar

16-09-2013, 09:36 AM

ما يعطونا ليسن هليكوبتر يا جماعه السيارات ما عادت تفيد :(

fefea

16-09-2013, 10:24 AM

طلعت من البين 6 وربع في الثمامة ووصلت دوامي في الجامعة 8 وعشر:anger1:
زحمة مو طبيعية:secret:

fefea

16-09-2013, 10:25 AM

طلعت من البيت 6 وربع في الثمامة ووصلت دوامي في الجامعة 8 وعشر
زحمة مو طبيعية

عزووز قطر

16-09-2013, 10:30 AM

من كثر دوس البريك خلصت سفايف موتري :weeping::weeping:

أهلي العميد

16-09-2013, 10:37 AM

انا قررت اشتري هليكوبتر

بشائر

16-09-2013, 10:46 AM

مساكم الله بالخير مثل ماتعرفون ان اليوم كل الموظفين والطلاب داوموا وطبعا الاسبوع الفات داوموا بس اكثريتهم أجلوا الى هذا الاسبوع وعن نفسي حسيت ان الدوحة اليوم صادها شلل مروري والزحمة اللي شفتها اليوم من دوار الجبيلات أو الدفنة الى دوار دحل الحمام وانتوا اشرايكم

رأيي أمد الله في عمرك ..
أنه كان يوما ً مميزاً جدا

أنا أحب الزحام ..
منظر الزحام جميل ..
وأحب منظر السيارات الكثيرة دون حراك لأنها تشعرني وكأني في كرنفال وطني ..
أنا سعيدة .

استغفر الله العظيم وأتوب إليه :(

لاجل QT

16-09-2013, 06:29 PM

بك وايد ذكرتو كلمة شلل يكفينا الشر

اشرايكم نجرب السياكل نفس نظام المانيا:)

الرجال السياكل ..والحريم يتمون على السيارات:secret:

سلطان قطرر

16-09-2013, 07:01 PM

انا قررت اشتري هليكوبتر

مبرووك مقدماً
ههههههه

سداوي&مدريدي

16-09-2013, 07:06 PM

يا جماعه شسالفه الزحمه في كل دوار تقاطع لفه ,, كل مكان زحححححمه شي غير طبيعي حتى دكان حيدر زحمه عنده :weeping:

انا قررت اهاجر :(

لاجل QT

16-09-2013, 07:14 PM

يا جماعه شسالفه الزحمه في كل دوار تقاطع لفه ,, كل مكان زحححححمه شي غير طبيعي حتى دكان حيدر زحمه عنده :weeping:

انا قررت اهاجر :(

ههههههه

اشدعوة تهاجر

انا خاطري يعطونى الجزيرة (جزيرة النخيل) تكون ارض لي:) باسوي فيها جسور من جميع الجهات

امبدال ماهي جذي فارغة خلونى اعمرها:(

سداوي&مدريدي

16-09-2013, 07:20 PM

ههههههه

اشدعوة تهاجر

انا خاطري يعطونى الجزيرة (جزيرة النخيل) تكون ارض لي:) باسوي فيها جسور من جميع الجهات

امبدال ماهي جذي فارغة خلونى اعمرها:(

هههههههههههههههههههههههههههههههه

مشروع :tease:

فلتة زمانها

16-09-2013, 07:53 PM

الزحمه في كل إشارة لدرجة أتم انتظر الإشارة 25 دقيقه
وفي الأخير اتفاجا بشرطة المرور ينظمون السير

وطن

16-09-2013, 08:26 PM

كلشي مبين مايحتاج اقول :tease:

هاهاهاهاها
سجل عندك
واحد مخالف :tease:

الصراحة اللي يزيد الأزمة
عدم احترام السائقين للتقاطعات
تشوف الشارع قدامك واقف
تطلع تسكر التقاطع ليش؟؟
الخطوط الثانية تنشل بسبب هذي الحركة

قلة ثقافة و وعي من السائقين باحترام قوانين المرور و حقوق الآخرين

اليوم إشارتي خضرا
ما تحركت ولا نتفه لان الإخوان من الإشارة الثانية سادين التقاطع !! يعني لازم الشوارع كلها تنشل اذا خط واحد واقف!!

طاش

16-09-2013, 08:37 PM

حلوووووووووه وناسة

طلعة الروح

16-09-2013, 08:37 PM

بصراحه لازم flexibility بموضوع الدوام والحضور المتأخر
اللي يبي يتأخر يتأخر وله عذره ، مب طاير الدوام للموظفين... وأنا بصراحه لو حد كلمني ، عذري جاهز ..( أشغال )
مب مجبورة أطلع وقت الذروة من 7 لين 8 لأن سنداره والناس مافيهم صبر ولا احترام كلن يدرعم على خط الثاني... بصراحه صرت اتجنب هالوقت بشكل اتوماتيكي... ندور الانسيابية قدر الاستطاعه
وكل يوم لازم تتوقع ان في سايدات مغلقه وتعال دور الطرق البديلة.

ملك المشاعر

16-09-2013, 09:25 PM

الزحمة أسوأ من السنوات السابقة المرور ولخويا متوهقين مع تخطيط الشوارع

ومافيه حلول عمليه كتوسعة بعض الشوارع

ويجب توعية الجميع باحترام قوانين المرور وخاصة التجاوز اليمين

بوليد

16-09-2013, 09:39 PM

الحل الوحيد هو اعادة توقيت الدوامات
يعني المدراس دوامهم من الساعة6
والجامعات من 7
القطاع الخاص من 8
القطاع الحكومي 9
هذا الحل الوحيد للزحمة

حسن

16-09-2013, 10:37 PM

الزحمة أسوأ من السنوات السابقة المرور ولخويا متوهقين مع تخطيط الشوارع

ومافيه حلول عمليه كتوسعة بعض الشوارع

ويجب توعية الجميع باحترام قوانين المرور وخاصة التجاوز اليمين

خلاص الكل استسلم
الحل القطار القطار وباصات النقل مثل اووربا

ولا بيفوتكم القطار

وثقو بكلامي وعقب عشر سنوات ستندمون يوم لا ينفع الندم

:telephone:

باحث علم

16-09-2013, 10:56 PM

كل يوم العماله تزيد
كل يوم عوايل تدخل الدولة
كل يوم رخص سواقة تنصرف

والله مأساة فعلا ، الناس بدت تتعب نفسيا ، الواحد يروح الدوام ماله خلق يكلم حد
وترجع البيت مالك خلق تكلم حد بسبب هالزحمة اللي ترفع الضغط وتهلك الصحة

الله يعين بس
انا مع مقترح تغيير اوقات الدوام سواء بتأخيرها او تقديمها بعد صلاة الفجر ، ع الاقل مؤقتا
او يوقفون شوي من هالعمالة اللي ترست البلد خلاص والله اللي موجودين يكفون وزياده لو نبي نبني دولة ثانية

بنت شرق

17-09-2013, 12:41 AM

المرض سببه
ادارة المرور مش قادرة تضبط الشوارع بسبب اعمال اشغال على طول الشوارع وعرضها مرة وحدة
والحل ممكن أو لازم
ادارة الداخلية تضغط وتتابع مع اشغال علشان يخلصون الحفريات والاشارات بسرعة
وأي تأخير من اشغال يتم محاسبتهم عليه علانية
والمفروض وزارة الداخلية وخاصة قسم المرور يسون غرفة تحكم وطوارئ وتسير الدوريات لاماكن الازدحام
وتستعين بطائرات هليكوبتر وكاميرات المراقبة لمنع ازدحام الطرق ويكون عند رجال المرور خطة واضحة
لتقليل الازدحام
هاي اذا يبون يحلون الوضع المأساوي في اوقات الذروة والازدحام يحطون خطة إدارة أزمة