استفسار بخصوص تركيب الارضيات للفيلا

[Almossafer]

مرحبا
بغيت اعرف شنو الافضل في طريقة تركيب الارضيات ( سيراميك )

كل عامل يج يقول لي نوع هو الافضل

واحد قالي عن طريق الاسمنت بالمونه طريقة مصرية
العامل جنسيته مصري , يقول هالنوع احسن في التركيب

واحد ثاني قال لي بالماده ( صمغ )

بغيت احد يفيدني

والسوال الثاني هل ادفن داخل الفيلا بودرة - او اي نوع

اتمنى احد يفيدني

يعطيكم العافيه

[خزامئ]

حنا سوو لنا عمال مصريين
حطو تحت السراميك رمل عادي
وصكرو بين السراميك بمعجون
والحمامات قالو لازم صبيه تحت السراميك

[IT Engineer]

مرحبا اخوي احسن شي تحط داخل الفيلا بودرة وبعدين تركب مع الاسمنت هاي احسن شي

[الواافي]

بودره عقب الاسمنت

[Almossafer]

بودره + اسمنت + ماده اللاصق فوق الاسمت

[معماري قطري]

كنت كاتب اليوم في موضوع مشابه وكتبت قبل نفس الرأي .. اللي يبي شيء رخيص وكجره يحط بودره .. البودره يا اخوي عادم كسارات ويستغلونه استغلال اقتصادي ببيعه على معامل الطابوق المخالفة للمواصفات وعلى معامل الانترلوك الغش وعلى العامة اللي يمشي عليهم هالكلام... هذا نقل لما كتبته..

للحمامات نصيحة لحد يحط بودره

أما رمل خشن مغسول أو رمل بلاستر مغسول، والسبب البودرة تيبس وتتراصص حباتها ومن يتسرب لها ماي تنتفخ وترفع البلاط أو تخليه يتموج .. شيء ثاني البودرة عادم كسارات رخيص يتخلصون منه بطريقة اقتصادية ببيعه للدفان وهو ما يسوى حتى ببلاش .. شيء ثالث ومهم البودرة تكون مرتع خصب للأرضة وبسبب عدم معالجتها طبيعي بتنتشر وبتكون قريبة من مصدر أي خشب وتعرفون الباقي... يعني بإختصار اللي بيبني بيت يعمر ليستخدم بودرة كلش.

بالنسبة للبرورسلان والسيراميك ينحط على صبية خرسانة خفيفة حتى لو 20 نيوتن .. ردي مكش أو خلط في الموقع وبحيث تكون مستوية وما فيها تعرجات .. والتعرجات تبين بواسطة قطعة ألمنيوم طويلة توضع بكذا إتجاه أو بتسليط ضوء جانبي عليها .. للأرضية التخشين بتمشيطها بمشط حديدي غير ضروري أما الحوائط فضروري.

غير كثيرين ياخذون راي العمال والعمال بعضهم تعلموا طريقة معينة ما يغيرونها وقد تنفع لبعض أنواع السيراميك والبلاط الشعبي ولا تنفع لغيره .. اللزقة مختلفة الأنواع ومنها يستخدم للصق البلاط تحت الماء .. وكل نوع له مقادير ومكونات وطريقة خلط خاصة يشرحها المورد.

نصيحة أخيرة لحد يستخسر فرقية بسيطة في الدفان أو في التركيب وهو شاري مواد غالية وباني مبنى غالي .. بالنسبة لمشاريع الحكومة ما شفت مشروع يستعمل البودره للحين الا إذا المشرفين عليهم ما يفهمون ممكن... حتى لدفن البايبات في الشوارع يستخدمون جزء من الدفان ناتج الحفر بعد غربلته من الحجارة الكبيرة.

[dream~qa]

العامل اللي ركب لي البورسلان كان يحط رمل مخلوط باسمنت وبعدين يرشه بخلطة بيضا ويثبت فوقة قطع البورسلان ويضربه بمطرقة

والنتيجة أن التركيب كان سيء لأن الليفل كان غير متساوي . مع العلم أن البورسلان زيرو جوينت .

[قطري 777]

مرحبا
بغيت اعرف شنو الافضل في طريقة تركيب الارضيات ( سيراميك )

كل عامل يج يقول لي نوع هو الافضل

واحد قالي عن طريق الاسمنت بالمونه طريقة مصرية
العامل جنسيته مصري , يقول هالنوع احسن في التركيب

واحد ثاني قال لي بالماده ( صمغ )

بغيت احد يفيدني

والسوال الثاني هل ادفن داخل الفيلا بودرة - او اي نوع

اتمنى احد يفيدني

يعطيكم العافيه
مرحبا الشيخ

امممممممممممم بخصوص الدفان داخل الفلا الرمل الحكومي افضل شي بعد متحطط شرب للفلا ترش عليه ماي على اساس الرمل يشربه وينزل وبعد كذا اسمنت وتحطط السراميك او ارخام عليه بخصوص الطريقه المصريه المونه,,, هاذي تنفه للجدار الي مش معمول بلاستر من الاساس يعني طابوق بسس يجيب البلاط ويعبيها مونه ويلصقها بطوفه هاذي انا اشوفها زينه احسن من الزق وتوفر عليك لو انت خاصم البلاستر الداخلي للحمامات من المقاول امى البودرة انا انصح فيها للدفان الحووش بعد المغربل الي تحته طبعا ويرش ويدك ولا انصح فيه في داخل البيت ووووسلاممممتك .

[معماري قطري]

العامل اللي ركب لي البورسلان كان يحط رمل مخلوط باسمنت وبعدين يرشه بخلطة بيضا ويثبت فوقة قطع البورسلان ويضربه بمطرقة

والنتيجة أن التركيب كان سيء لأن الليفل كان غير متساوي . مع العلم أن البورسلان زيرو جوينت .

هذا ما قصدته فوق تركيب بطريقة ما تنفع

ألحين للبورسلان والسيراميك وخصوصاً القطع الكبيرة .. يتم صب صبية مايعة وبنفسها وبثقلها تستوي في مستوى واحد .. ومهب شرط تكون قوية وايد المهم مستوية ونظيفة وفوقها يحطون اللزقة بمشط حديد مربع الأسنان .. فتجي اللزقة فيها فراغات طولية تتقبل نزول قطعة السيراميك قليل حتى تتساوى مع القطعة الثانية بالطرق .. وهنا تتدخل أجهزة قياس حديثة لضمان مستوى واحد بعد التركيب منها ما يعمل بالليزر.. وكذلك خط الليزر يغني عن طريقة الخيط التقليدية في صف البلاط سيده.

وضد البودرة نهائياً حتى في الحوش، وناتج الحفر أحسن شيء .. ممكن مغربل في بعض المناطق وبحجارة شوي أكبر في مناطق ثانية .. والأفضل ترك الحجارة الكبيرة تحت والدفن فوقها، وإذا وجدت حجارة كبيرة جداً تستخدم للحديقة.

[باندول]

الطريقة المفضله والمتبعة لتركيب يعتمد على حسب درجه طقس وجو الدوله الي بتركب فيها
في الاجواء الحارة مثل قطر
يكون استخدام الخلطة الأسمنتية (أسمنت أبيض)
تفرد الخلطة بسماكة 5 إلى 7 سم وتكون شبه جافة مو لينه
بعد ها يتم تركيب البورسلان او الرخام باستخدام الروبة الاسمنتية
أسمنت أبيض مع الماء

اما تركيب باستخدام بالغراء يصلح لبلادان الي جوها وطقسها بارد