~~ مركـــز قطر للقيادات ~~

[رهج السنابك]

اليوم اتوقع اول دفعه دشت امتحان المركز

وبيتم اربع ايام

هالموضوع ابيه يكون للنقاش حول المركز
والامتحانات

منو حضر امتحان اليوم؟؟ شنو الانطباع؟؟ اي معلومات نتشارك فيها؟


ارحب بالجميع :)

[عاهد بن علي]

متابع

[أم علي 2010]

مشكوره على الموضوع


انا امتحاني الثلاثا الظهر

خذت كورس في القيادة و حليت هالامتحان بس بدون جزء الرياضيات


انا متخوفه من هالحزء لان مب رياضيات الجبرا فيها كلكىليشن نسب

http://www.practiceaptitudetests.com/numerical-reasoning-tests/


هالموقع بيفيدج وايد ولو انها شوي متاخره

[أم علي 2010]

عندي سؤال مكان الامتحان هو نفسه مبنى الجسر ؟

[أخت الكل]

أنا أول مرة اسمع عن هـ الموضوع
وبعد البحث في العم جوجل كانت النتيجة :victory:

مركز قطر للقيادات

يهدف مركز قطر للقيادات إلى تطوير المهارات القيادية الكامنة لدى المتميّزين من أبناء قطر، وهو يبحث عن المهارات القيادية الواعدة في المدارس الثانوية والجامعات ومختلف قطاعات الأعمال (بما في ذلك القطاعين العام والخاص)، بهدف إبرازها وتطويرها. ويعمل المركز أيضًا على إحداث تغيير إيجابي عميق يؤدي إلى إيجاد بيئة حيوية لتطوير المهارات القيادية في دولة قطر.

للاطلاع
http://www.qlc.org.qa/ar/Default.html

[بصمة قطرية]

أول مرة أسمع عن هالشي
و منكم نستفيد :victory:
بالتوفيق للجميع ،،

[رهج السنابك]

ام علي لا مب الجسر


الامتحان بيكون في قطر فاونديشن مبنى الاستيودنت سنتر

ماطرشوا لج ايميل ؟؟؟؟

وانا سالت هل لازم تحضير ماقالوا في رياضيات!

[Miss]

الله يوفقكم

[khalid525]

لا اختي الرياضيات جزء من اختبار القدرات وابشرج ممنوع استخدام الكالكوليتر ، والاسئلة معظمها كسور عشرية ونسب مئوية بس اغلبها سهله ، بس حتى لو ما اجتزتي اختبار الرياضيات ما راح يأثر هالشي تأثير كبير ع النتيجة ، الا اذا خمبقتيها في كل الاجزاء .

[أم علي 2010]

ام علي لا مب الجسر


الامتحان بيكون في قطر فاونديشن مبنى الاستيودنت سنتر

ماطرشوا لج ايميل ؟؟؟؟

وانا سالت هل لازم تحضير ماقالوا في رياضيات!


عدي ب قطر فونديشن سنة 2004 :shy:

اخبر ان هو المبنى الابيض المخرم هو الستيودنت سنتر


بلى جاني الايميل و الخريطة بس احسها مب واضحه

[أم علي 2010]

لا اختي الرياضيات جزء من اختبار القدرات وابشرج ممنوع استخدام الكالكوليتر ، والاسئلة معظمها كسور عشرية ونسب مئوية بس اغلبها سهله ، بس حتى لو ما اجتزتي اختبار الرياضيات ما راح يأثر هالشي تأثير كبير ع النتيجة ، الا اذا خمبقتيها في كل الاجزاء .

لا تقول انا بانيه امل على الكلوكليتر

:rolleyes2:


مع ان في بريطانيا مسموح

[غايه الطواش]

قدمت الابلكيشن بالعربي
اتصلت فيني الموظفه وقالت لي
انت نظام مؤسسي لازم تقدمين الابلكيشن بالانجليزي
قلت لها مش مكتوب
طرشت لي الابلكيشن بعد ما انتهت فتره التسجيل

قلت خيره ماللله كاتب أسجل السنه

[أم علي 2010]

قدمت الابلكيشن بالعربي
اتصلت فيني الموظفه وقالت لي
انت نظام مؤسسي لازم تقدمين الابلكيشن بالانجليزي
قلت لها مش مكتوب
طرشت لي الابلكيشن بعد ما انتهت فتره التسجيل

قلت خيره ماللله كاتب أسجل السنه

موفقه ان شالله

الموضوع طويل والبقاء للافضل


ودي اعرف شنو الاساس اللي اختاروا فيه الابليكشنات

[غايه الطواش]

بس لو مكتوب الي في قطاع خاص بعبون بالانجليزي والحكومي عربي
ممكن الواحد يتجنب مثل هالاخطاء

الموظفه قالت لي فالبدايه يكون عندهم تصنيفين على حسب جهه العمل

[أم علي 2010]

بس لو مكتوب الي في قطاع خاص بعبون بالانجليزي والحكومي عربي
ممكن الواحد يتجنب مثل هالاخطاء

الموظفه قالت لي فالبدايه يكون عندهم تصنيفين على حسب جهه العمل

اعتقد ان اسالة الابليكشن كانت بالعربي والانجليزي و يمكن هالشي هو اللي سبب لخبطة

صراحة انا ماتوقعت ان اكون من ضمن اللي بيختبرونهم لان طولوا لين ما ردوا

[رهج السنابك]

غايه انا نفسج


مع اني كنت ابي بالعربي


ودام التاخير منهم كان المفروض احتجيتي وقلتي انتو تاخرتوا علي

ام علي فديتج عيل بتفيديني دام بتمتحنين قبلي *_*

[رهج السنابك]

خالد يعني انت سبق وقدمت؟؟؟


فيدنا بعلمك

[مخطط قطري]

اهم شي الانجليزي قوي عندك وثقتك بنفسك عاليه اضمن لك مقعد وامتحاناتهم جدا سهله بس يبيلها تقرا السوال اكثر من مره وتركز لانه بعضها فيها تركس

[رهج السنابك]

Thanks a lot brother Mokhatit

[أم علي 2010]

غايه انا نفسج


مع اني كنت ابي بالعربي


ودام التاخير منهم كان المفروض احتجيتي وقلتي انتو تاخرتوا علي

ام علي فديتج عيل بتفيديني دام بتمتحنين قبلي *_*

ان شالله و لايهمج ،،

بثبت الاسئله وبعطيج اياهم


انا مشكلتي اسألة الرياضيات التحليلة :rolleyes2:

[أم علي 2010]

اهم شي الانجليزي قوي عندك وثقتك بنفسك عاليه اضمن لك مقعد وامتحاناتهم جدا سهله بس يبيلها تقرا السوال اكثر من مره وتركز لانه بعضها فيها تركس

مافهمت موضوع التركس اخوي

هل تقصد في الستويشنل ججمنتس ولا الماث

[وطن]

بس لو مكتوب الي في قطاع خاص بعبون بالانجليزي والحكومي عربي
ممكن الواحد يتجنب مثل هالاخطاء

الموظفه قالت لي فالبدايه يكون عندهم تصنيفين على حسب جهه العمل

يمكن عشان نسجل مع بعض انا و انتي :shy:

[رهج السنابك]

حبيبتي ام علاوي

ربي يوفقج ان شاء الله ونلتقي مع بعض مع قروب الفاينل

[أم علي 2010]

حبيبتي ام علاوي

ربي يوفقج ان شاء الله ونلتقي مع بعض مع قروب الفاينل

امين يارب

والجميع ان شالله

[مخطط قطري]

التركس غير الماتركس
التركس خدع
انا مستعد الف كتاب رياضيات معتمد على التفاضل والتكامل والهندسه الفراغيه ترى اسهل شي الرياضيات ولعبتي حل المسائل الرياضيه وبفضل من الله دايمن درجاتي في الرياضيات والفيزياء الفول مارك من ايام الثانويه وحتى بعد الجامعه واشوف الرياضيات امر سهل وفي مركز قطر للقيادات وصلت المراحل الاخيره وياهم وكانت مقابله اخيره وياهم لاختيار 30 او 35 من 60شخص وصلو المرحله الاخيره والله يوفق اللي وصلو اذا كان بمجهودهم وذكائهم واما اذا كان واسطه وخصوصا اني صححت حق شخصين من اللجنه بعض المعلومات لديهم عن بعض الامور فبالتالي انا شخصيا ماكانت عندي ثقه كبيره في لجنه التحكيم اللي هم عباره عن 3 مصري وقطري والثالث ناسي جنسيته بس عربي
وشهادتي الاكاديميه اعلى منهم ولكن في الخبره هم اعلى اكيد بس في مجالهم
لهم رب يحاسبهم وانا ماوقفت على بخدم بلادى في اي مكان وبطور نفسي ماوقفت عليهم
بس كان ودي استفيد منهم وهالكلام كله من سنتين واشكر اخواني كلهم اللي في المنتدى والي كنا على تواصل في موضوع القيادات بلا استثناء وعلى راسهم الحجاجي اللي وصل معاي لين الاخير

[بوحارب]

دام السالفة فيها امتحانات وانجلش وماث

إذاً دخلت مكان غلط :)


موفقييين جميع

[أم علي 2010]

التركس غير الماتركس
التركس خدع
انا مستعد الف كتاب رياضيات معتمد على التفاضل والتكامل والهندسه الفراغيه ترى اسهل شي الرياضيات ولعبتي حل المسائل الرياضيه وبفضل من الله دايمن درجاتي في الرياضيات والفيزياء الفول مارك من ايام الثانويه وحتى بعد الجامعه واشوف الرياضيات امر سهل وفي مركز قطر للقيادات وصلت المراحل الاخيره وياهم وكانت مقابله اخيره وياهم لاختيار 30 او 35 من 60شخص وصلو المرحله الاخيره والله يوفق اللي وصلو اذا كان بمجهودهم وذكائهم واما اذا كان واسطه وخصوصا اني صححت حق شخصين من اللجنه بعض المعلومات لديهم عن بعض الامور فبالتالي انا شخصيا ماكانت عندي ثقه كبيره في لجنه التحكيم اللي هم عباره عن 3 مصري وقطري والثالث ناسي جنسيته بس عربي
وشهادتي الاكاديميه اعلى منهم ولكن في الخبره هم اعلى اكيد بس في مجالهم
لهم رب يحاسبهم وانا ماوقفت على بخدم بلادى في اي مكان وبطور نفسي ماوقفت عليهم
بس كان ودي استفيد منهم وهالكلام كله من سنتين واشكر اخواني كلهم اللي في المنتدى والي كنا على تواصل في موضوع القيادات بلا استثناء وعلى راسهم الحجاجي اللي وصل معاي لين الاخير

هههه اخوي مخطط خليتني ارجع اقرى ردي كتبت تركس مب ماتركس

واعرف الفرق بينهم والحمدالله الانجليزي عن فلونت على قولتهم

واتوقع اي مهندس الرياضيات عنده عالي ولا شلون تخرج


انا ماتكلم لا عن الدرفيتف ولا الانتغريشن لان مستحيل الامتحان بيكون كلكولس ولا راح يكون الجبرا ،،

الماث اللي في الامتحان اعتمدا على السامبلز اللي شفتهم يكون تحللي

الكونسبت بسيطة لكن فيها حسابات بسيطه هي اللي تغير الاجابات و تحكم وتميز

وهذا اللي بيكون يميز القائد في اتخاذا القرار عن غيره و كنت في كورس ميني ام بي ايه لما كانوا يعلمونا البلنس شيت كانوا يعلمونا شلون نقراها



عموما دايما الرجال عندهم طرق مب بسطه في الحل عكس النساء مع ان ممكن يوصلون لنفس الحل


وبخصوص اللجنه ،،، انا ماعرف المعايير اللي يمشون عليها ،، لكن دايما الخيره فيما اختاره الله


تهقى لو قلت لهم فلان عمي يقبلوني :telephone:

[w.qatar]

متاكدين ان الاختبار للجهات الحكوميه بالعربي ؟

و بخصوص الرياضيات فيها مسائل معقده ؟؟

[رهج السنابك]

هو مب اختبار

هو اكثر مثل تقييم الشخصيه

عشان يكتشفون هل الشخص عنده حس قيادي ام لا


انا طبعا بتفنن بحط لهم الاجوبه الي تناسب الحس القيادي :)

[w.qatar]

يكون في علمج الاجابات ما فيها صح او غلط و لازم تجاوبين بمصداقيه لان عندهم كذا سؤال يوضح لهم هل انتي صادقه ولا تالفين و تخمين الاجابات اللي فيها حس قيادي او غيره لان اذا فيه تعارضات يعرفون ان ما عندج مصداقيه

[أم علي 2010]

هو مب اختبار

هو اكثر مثل تقييم الشخصيه

عشان يكتشفون هل الشخص عنده حس قيادي ام لا


انا طبعا بتفنن بحط لهم الاجوبه الي تناسب الحس القيادي :)

الأسئلة اختيار متعدد هههههه ومافي شئ غلط

هم يحللون الشخصية من خلال اختياراتج وعلى أساس النتيجة بيختارون المتأهلين والعلم عند الله


في أساله من يعطونج موقف ويقولون لج شنو بتسوين وعندج اختيارات




الرياضيات مب مسائل معقدة يعني مب كلكلوس لكن توقعاتي ان قرأة بيانات وتحليل

والامتحان بالانجليزي ماظن في شئ بالعربي

لان اللي بيحاظرون في البرنامج أجانب

[رهج السنابك]

لا ام علي سالت امنه قالت في لج الخيار ياعربي يا انجليزي



بخصوص التخمين اي ادري انه اختيار من متعدد بس شنو بقولج

مثلا لو ياني سؤال


هل تحبين العمل

منفردا
في جماعه
لا يهم


بختار في جماعه حتى لو كنت احب العمل المنفرد

لان القائد لازم يعرف يشتغل مع قروب

[أم علي 2010]

لا ام علي سالت امنه قالت في لج الخيار ياعربي يا انجليزي



بخصوص التخمين اي ادري انه اختيار من متعدد بس شنو بقولج

مثلا لو ياني سؤال


هل تحبين العمل

منفردا
في جماعه
لا يهم


بختار في جماعه حتى لو كنت احب العمل المنفرد

لان القائد لازم يعرف يشتغل مع قروب

أي بس ما بيكون دايركت وهذي قصد أخونا مخطط

[رهج السنابك]

Yea a lot of trics

Allah ye3een

[Dmy Enabi]

الخوات إلي يستفسرون آنا قدمت الاختبار العام الماضي
الاختبار باللغة العربية طويل بس سهل
لاتحاتون مافي مسائل معقدة كلها أمور بسيطة
الاختبار كله اختيار متعدد بس يبي له تركيز كثير لأنه غير مباشر
بالتوفيق لكم

[أم علي 2010]

الخوات إلي يستفسرون آنا قدمت الاختبار العام الماضي
الاختبار باللغة العربية طويل بس سهل
لاتحاتون مافي مسائل معقدة كلها أمور بسيطة
الاختبار كله اختيار متعدد بس يبي له تركيز كثير لأنه غير مباشر
بالتوفيق لكم

بس عندي سؤال دخلتي البرنامج ؟

ودي اعرف اذا اضاف شي حق اللي دخلوا البرنامج. او لا


وبالنسبة للرياضيات

شوفي المرفقات هل الاسئلة بنفس هالطريقه

[Dmy Enabi]

بس عندي سؤال دخلتي البرنامج ؟

ودي اعرف اذا اضاف شي حق اللي دخلوا البرنامج. او لا


وبالنسبة للرياضيات

شوفي المرفقات هل الاسئلة بنفس هالطريقه

عديت الاختبار بس ماعديت المقابلة والسبب إن اللغة الإنجليزية ماكانت قوية بس ألحين طورت نفسي وصرت أغرد

بالنسبة للمرفق أقدر أقولج مشابه بس أسهل بوايد

[أم علي 2010]

عديت الاختبار بس ماعديت المقابلة والسبب إن اللغة الإنجليزية ماكانت قوية بس ألحين طورت نفسي وصرت أغرد

بالنسبة للمرفق أقدر أقولج مشابه بس أسهل بوايد

الله يوفقج يا رب

حلو الواحد يطور من نفسه و ان شالله فالج التوفيق يارب

[khalid525]

خالد يعني انت سبق وقدمت؟؟؟


فيدنا بعلمك

نعم بقولج باختصار

الاختبار الاول اختبار تحديد شخصيتج ، هل هي قيادية ام متبعه
افضل مثل ما ذكرتي يكون ميولج للاجوبة اللي تحسين فيها ميول للقيادة بس لا تخالفين شخصيتج الحقيقية لان الاسئلة فيها تركس راح تكشفج .

الاختبار الثاني : اعتقد الهدف منه تحديد هل انتي شخصية ابداعية ام منطقية
يعطيج اسئلة مثل هل تفضل سماع قطعة موسيقية ام العمل المكتبي .

الاختبار الثالث : اختبار الرياضيات اللوعة طبعا بيسك ماث بس فيه كم مسألة معقدة .

الاختبار الرابع : الترتيب المنطقي للارقام وهذي احلى الاختبارات عندي
مثال ، 12 , 15, 18 , ؟ اوجدي علامة الاستفهام طبعا الاجابة 21

الاختبار الخامس : العلاقة المنطقية بين الكلمات : مثال
ضفدع : ديناصور ------ بقرة : ؟
ويعطيج اربع اختيارات هل هي :مرعى ، اسد ، بيت ، كرسي

الاختبار السادس : اختبار العلاقة اللغوية
يعطيج كلمة ويحط لج اربع خيارات اختاري اقرب معنى للكلمة من الاختيارات

مثل سرعة : الاختيارات : قوي ، استعجال ، صبر ، يقرر
طبعا سرعة = استعجال

الوقت جدا كافي ، الامر ما يحتاج توتر وقلق ، اول اجابة تطري في بالج هي الاجابة الصحيحة يعني لا تترددين وايد ونتمنى لكم التوفيق جميعا وشكرا

[رهج السنابك]

استاذ خالد ربي يفتح عليك دنيا واخره

مشكور يالطيب ماقصرت ربي يوفقك


عطيتني صوره جدا واضحه عن الامتحان

[ام السعف]

مكتوب طلاب الثانوية بعد

فاشلون طلاب الثانوية يتقدمون للاختبارات هذي ؟

[رهج السنابك]

اي حبيبتي ام السعف في برنامج القيادات الشابه لطلاب الثانوي



http://www.qlc.org.qa/ar/WhatWeOffer_Leadership.html

[رهج السنابك]

بس ماعرف اذا بدأوا استقبال الطلبات او لين الحين

[أم علي 2010]

مكتوب طلاب الثانوية بعد

فاشلون طلاب الثانوية يتقدمون للاختبارات هذي ؟

المفروض المدارس تثقف الطلاب عن هالبرنامج

[مخطط قطري]

ياجماعه الخير هدووو شوي اكثر شخص خابز هالبرامج محدثكم مشكلتهم في اللجنه ولا الخبير الفلته اللي حطلهم البرنامج المعتمد اصلن من جامعه هارفرد ماقصر رسم له خارطه الطريق واحنا كنا تكتل وشباب وعندنا تكتيك انه كلنا نوصل وكان فيه فريق مضاد لنا وقوي انا ماتكلم عن المراحل الاوليه لانها كلها شغل بسيط وعادي خصوصا الامتحان الاول وتحليل الشخصيه والمقابله الاولى اللي تاهلك الي المرحله الاخيره ويخلونا في مجموعات
بعدين حمى الوطيس وكنا ماخذينها تحدى ومغامره وتجربه جميله فيها استعراض قدرات وعصف ذهني وكنه على حسب كلام السكرتيره امنه فوق ١١٠٠ مشارك بعد الامتحان الاول وصلنا فوق ٢٠٠ وعقب المقابله الاولى وتحليل الشخصيه وصلنا 120 وعقب الاختبار ماقبل الاخير 60
وكلهم عندهم حس القائد لا من هنا بدت الشكوك صراحه لاني اعرف بعضهم ولكن ماعندي يقين ومابي احط في ذمتي ولكن شكيت فيه تلاعب
المهم المنعطف الاخير وصلنا ٦٠ شخص فقط مطلوب تقريبا نصهم للاستفاده من برنامج القاده وكان كل شي بالانجليزي
اذا تذكرون كتبت فوق فيه فريق مضاد كان جدا قوي وكان فيه شخص قائد له وهذا من باب المنافسه الشريفه وكان شخص فطحل ومب هين صراحه وقوي وكنت متاكد من حجز مقعد له يمكن هو افضلنا بعلمه وبخططه وذكاءه
ولكن كان تحدي ودخلنا فيه هذا الشخص يوم دخل البرنامج اول يوم اشوفهم يصفقون له ومب مصدقين انه هذا داش معانا وفي المنافسات الاخيره والهامه والحاسمه مع الاسف هذا الشخص القيادي ماكان وياهم وهالشي اثار استغرابنا اكثر وفريقنا كامل خسر المقاعد وهو كذلك واستغربنا من اللي فازو طبعا الله يوفقهم ونتمنى لهم مناصب قياديه في الدوله ويستفيدون من البرنامج وهذا الشخص اللي اكلمكم عنه قائد في عمله وكان يقول سمع وايد عن البرنامج في دبي ويوم جا قطر حب يجربه واستفاد وهذا الشي اللي ذكرته لكم للتاريخ وعرض تجربه في هذا المركز
ان كانو اللجنه اصابو فلهم كل الشكر وجزاهم الله خير وان كان هناك اي عمليات غش او محاباه او واسطه الله يسامحهم وخانو ثقه ولي الامر اللي حطهم في هالمكان
نصيحتي الاخيره ترى هذا مش تقييم لك عادل ودقيق انت عارف نفسك وخل ثقتك في نفسك عاليه وهذي مجرد تجربه تتعلم منها
دمتم بود

[محمد]

انا من الي وصلوا للمرحلة الاخيرة (المقابلة الشخصية) لكن بصراحة ما كنت مستعد ولا مهيأ واصلا تهاوشت مع السكيورتي قبل مادخل يعني داش وانا ادري المزاج و الاستعداد مب ذاك الزود .. وما تم اختياري .. لكن كخريج حديث نسبياً واني اوصل للمرحلة النهاية حسيت بارتياح .. خصوصاً معانا مدراء اطلعوا من مرحلة اختبار القدرات ..

مهم جداً الاستعداد في المقابله الشخصية قبل تقسيم ال60 .. اعتقد يبنون عليها قرارهم بشكل كبير


والحمدلله على كل حال

[ام السعف]

اي حبيبتي ام السعف في برنامج القيادات الشابه لطلاب الثانوي



http://www.qlc.org.qa/ar/whatweoffer_leadership.html


بس ماعرف اذا بدأوا استقبال الطلبات او لين الحين


المفروض المدارس تثقف الطلاب عن هالبرنامج

العام بنتي شاركت في دورة برعاية البنك الأهلي مشاركة مع قطرفونديشن
كان منصب في نقطة القيادات ،،

ويوم قريت موضوعكم صوتت على بنتي وقلت لها تعالي واقري
قالت لي ما عندي فكرة عن هالبرنامج ،، يمكن لأن مكتوب بالعربي
لكن في الاساس المفروض المدارس تنبه الطلاب للشي هذا

الا اذا المدارس اتنبه وعيالنا محلكم سر فهذا شي ثاني ،،

بس لفت نظري انها دورة تستمر 8 شهور

اشلون بيكون 8 شهور واشلون الطالب بيوفق ما بين دراسته
وهالمكان ؟

[أم علي 2010]

ياجماعه الخير هدووو شوي اكثر شخص خابز هالبرامج محدثكم مشكلتهم في اللجنه ولا الخبير الفلته اللي حطلهم البرنامج المعتمد اصلن من جامعه هارفرد ماقصر رسم له خارطه الطريق واحنا كنا تكتل وشباب وعندنا تكتيك انه كلنا نوصل وكان فيه فريق مضاد لنا وقوي انا ماتكلم عن المراحل الاوليه لانها كلها شغل بسيط وعادي خصوصا الامتحان الاول وتحليل الشخصيه والمقابله الاولى اللي تاهلك الي المرحله الاخيره ويخلونا في مجموعات
بعدين حمى الوطيس وكنا ماخذينها تحدى ومغامره وتجربه جميله فيها استعراض قدرات وعصف ذهني وكنه على حسب كلام السكرتيره امنه فوق 1100 مشارك بعد الامتحان الاول وصلنا فوق 200 وعقب المقابله الاولى وتحليل الشخصيه وصلنا 120 وعقب الاختبار ماقبل الاخير 60
وكلهم عندهم حس القائد لا من هنا بدت الشكوك صراحه لاني اعرف بعضهم ولكن ماعندي يقين ومابي احط في ذمتي ولكن شكيت فيه تلاعب
المهم المنعطف الاخير وصلنا 60 شخص فقط مطلوب تقريبا نصهم للاستفاده من برنامج القاده وكان كل شي بالانجليزي
اذا تذكرون كتبت فوق فيه فريق مضاد كان جدا قوي وكان فيه شخص قائد له وهذا من باب المنافسه الشريفه وكان شخص فطحل ومب هين صراحه وقوي وكنت متاكد من حجز مقعد له يمكن هو افضلنا بعلمه وبخططه وذكاءه
ولكن كان تحدي ودخلنا فيه هذا الشخص يوم دخل البرنامج اول يوم اشوفهم يصفقون له ومب مصدقين انه هذا داش معانا وفي المنافسات الاخيره والهامه والحاسمه مع الاسف هذا الشخص القيادي ماكان وياهم وهالشي اثار استغرابنا اكثر وفريقنا كامل خسر المقاعد وهو كذلك واستغربنا من اللي فازو طبعا الله يوفقهم ونتمنى لهم مناصب قياديه في الدوله ويستفيدون من البرنامج وهذا الشخص اللي اكلمكم عنه قائد في عمله وكان يقول سمع وايد عن البرنامج في دبي ويوم جا قطر حب يجربه واستفاد وهذا الشي اللي ذكرته لكم للتاريخ وعرض تجربه في هذا المركز
ان كانو اللجنه اصابو فلهم كل الشكر وجزاهم الله خير وان كان هناك اي عمليات غش او محاباه او واسطه الله يسامحهم وخانو ثقه ولي الامر اللي حطهم في هالمكان
نصيحتي الاخيره ترى هذا مش تقييم لك عادل ودقيق انت عارف نفسك وخل ثقتك في نفسك عاليه وهذي مجرد تجربه تتعلم منها
دمتم بود

توني طالعه من الامتحان

االامتحان جدا بسيط مسائل رياضيه بسيطة

اوافقك الراي و شفت وجوه مالوفه مافيها حس قيادي و في وجهه في قوة شخصية و سيطره

طبع الابليكشن بيعكس صوره جميله عن صاحبه لكن الامتحان والمقابله راح يعطي الصوره الصحيحة و انطباع اللجنه

اتوقع تمت المشاركة من باب الفضول او تجميع الشهادات

البرنامج ذي يشكل اهميه كبيره لي لان مطلوب مني ماجستير في الجوده الادارية او القياده والبرنامج راح يختصر لي طريق كبير


اتمنى التوفيق للجميع

[رهج السنابك]

ام علي ان شاء الله تكونين من المقبولين

هل كان عربي او انجلش؟


فيه مسائل حساب؟


شلون تم توزيعكم؟؟ لسته اسامي ولا كلكم في قاعه وحده؟؟؟

قالوا لكم متى يردون عليكم؟؟


كم سؤال تقريبا

لو في مسائل عادي استخدم تلفوني


ولا خلوكم تحطون التلفونات برا

[رهج السنابك]

مخطط قطري

العلم اللي اعرفه ان الفاينل ليست تم اختيارها من الديوان


ومثل ماتقول انا اعرف ناس من الي اختاروهم وايد ضعيفين منهم ناس اعرفهم ايام الجامعه بس الله اعلم مب كل شي نعتقده صح يمكن مايظهر لنا كفائتهم لكن وقت الامتحان والتقييم كانوا نوابغ

[أم علي 2010]

ام علي ان شاء الله تكونين من المقبولين

هل كان عربي او انجلش؟

في عربي و في انجليزي تختارين اللي يناسبج و لا ياثر على الاختيار


فيه مسائل حساب؟

في مسائل حساب كثيره انصحج تراجعين شوي جداول الضرب و تحاولين تحلين تمرين كسور و ركزي مثلا في الضرب وين تحطين الفاصله و الموجب والسالب

يعني مثلا 30 (-0.25* 65) + 20%*175

في معقد بالطريقه اللي فوق و في سهل و دايركت

وتخبرين يوم كانوا يدرسونا المسائل الكلاميه تحولين الكلام حق معادله

شلون تم توزيعكم؟؟ لسته اسامي ولا كلكم في قاعه وحده؟؟؟

اول ما تدخلين الجامعه بتحصلين الموظفات تسجلين عندهم و راح يعطونج كرت تعريف تعلقينه

والاسامي متوزعه على الطاولات و كلنا كنا في قاعه وحده

قالوا لكم متى يردون عليكم؟؟

سالت قالت لي عقب اسبوعين بيطرشون ايميل و بيتصلون


كم سؤال تقريبا

سؤال الشخصي 182 و الرياضيات 22 و الباقي ماركزت

بس هم 6 اجزاء


لو في مسائل عادي استخدم تلفوني

مافي كلكوليتر

والتلفونات معانا وعلى الصامت
ولا خلوكم تحطون التلفونات برا



لا تحاتين الامتحان سهل بس قلت لج لا توقفين وايد على كل سؤال لان عندج 90 دقيقة بس

ووان شالله نوصل للنهائي >>>>> حلوه النهائي

[رهج السنابك]

اوف صعب شلون بضرب كسور بدون اله حاسبه!!

طيب جابوا اسئله مثل رسم بياني وعليها كم سؤال؟

ممكن مثال على الاسئله الشخصية؟


ممكن استعمل ورقة وقلم للحساب؟ ولا ممنوع

[غايه الطواش]

مخطط قطري

العلم اللي اعرفه ان الفاينل ليست تم اختيارها من الديوان


ومثل ماتقول انا اعرف ناس من الي اختاروهم وايد ضعيفين منهم ناس اعرفهم ايام الجامعه بس الله اعلم مب كل شي نعتقده صح يمكن مايظهر لنا كفائتهم لكن وقت الامتحان والتقييم كانوا نوابغ

النتائج الدراسيه مالها خص في روح القياده لدى الشخص وايد نربط النجاح بمدى مايحصل عليه الفرد من درجه في المدرسه او الجامعه

[رهج السنابك]

لا ما اربط

انا قصدت ضعيفين من ناحيه شخصيه مب علميه او دراسيه

بالعكس ناجحين دراسيا

لكن بعطيج مثال

لما تشوفين وحده كلش ماعندها حس مبادره وترفض المشاركة وماتقدم بريزنتيشنات لانها تخجل من الوقوف امام مجموعه
مهما كانت متفوقه دراسيا بس هذا يعطي انطباع ان الشخص خجول يفتقر للقياده

ماذكرته مجرد مثال

لما تكونين بالعمل وتصادفين شخص مجتهد بالعمل ينجز شغله حلو لكن على الصامت فقط ينفذ الاوامر لكن مايبادر مايبتكر طرق ما يعمل ضمن فريق ما يطرح افكاره للجميع ما يخلق شي جديد
فهذا يعطيج انطباع عن الشخص انه يفتقر لروح القياده وماتقكرين تحطينه بمنصب قيادي مهما كانت عقليته ممتازه وشغله ممتاز

هذا الي اقصده

[أم علي 2010]

اوف صعب شلون بضرب كسور بدون اله حاسبه!!

طيب جابوا اسئله مثل رسم بياني وعليها كم سؤال؟

ممكن مثال على الاسئله الشخصية؟


ممكن استعمل ورقة وقلم للحساب؟ ولا ممنوع


لا كلها اسئله مافي لا جداول ولا شارتس

الاسئله الشخصيه من كثرتها نسيتها هههههههههه

مثلا يقول لج السؤال انت شخص تغضب بسهوله

عاد تلقين السؤال مصاغ باكثر من طريقه عشان يعرفون

وفي اسئله يقول لح اي اكثر الانشطة تفضل مثلا الاستماع الى الموسيقى او مساعده الاخرين

وعندج ورقة و قلم حبر و رصاص حلي وشخبطي وفكري وترى بياخذونها في الاخير


انا اول جواب افكر فيه اختاره


ان شالله فالج التوفيق

[رهج السنابك]

مشكوره يالغاليه ريحتيني زين ان في ورقه وقلم مب اقعد احسب باصابعي ههههه

[رهج السنابك]

انا من الي وصلوا للمرحلة الاخيرة (المقابلة الشخصية) لكن بصراحة ما كنت مستعد ولا مهيأ واصلا تهاوشت مع السكيورتي قبل مادخل يعني داش وانا ادري المزاج و الاستعداد مب ذاك الزود .. وما تم اختياري .. لكن كخريج حديث نسبياً واني اوصل للمرحلة النهاية حسيت بارتياح .. خصوصاً معانا مدراء اطلعوا من مرحلة اختبار القدرات ..

مهم جداً الاستعداد في المقابله الشخصية قبل تقسيم ال60 .. اعتقد يبنون عليها قرارهم بشكل كبير


والحمدلله على كل حال



اكيد انجاز انك وصلت اخر شي


بس هالتجربه لازم تكون افادتك

والغضب والتعصيب ليس من سمات القائد :)

شفت العصبيه شنو سوت فيك عفست مزاجك وخربت عليك


اشتغل على هالنقطه وخلك ريلاكس ع طول

[غايه الطواش]

لا ما اربط

انا قصدت ضعيفين من ناحيه شخصيه مب علميه او دراسيه

بالعكس ناجحين دراسيا

لكن بعطيج مثال

لما تشوفين وحده كلش ماعندها حس مبادره وترفض المشاركة وماتقدم بريزنتيشنات لانها تخجل من الوقوف امام مجموعه
مهما كانت متفوقه دراسيا بس هذا يعطي انطباع ان الشخص خجول يفتقر للقياده

ماذكرته مجرد مثال

لما تكونين بالعمل وتصادفين شخص مجتهد بالعمل ينجز شغله حلو لكن على الصامت فقط ينفذ الاوامر لكن مايبادر مايبتكر طرق ما يعمل ضمن فريق ما يطرح افكاره للجميع ما يخلق شي جديد
فهذا يعطيج انطباع عن الشخص انه يفتقر لروح القياده وماتقكرين تحطينه بمنصب قيادي مهما كانت عقليته ممتازه وشغله ممتاز

هذا الي اقصده

شوفي اختي انا بقولج تجربتي في مشروع تخرجي كنت منحرجه وايد وانا اشرح المشروع مابقت حرقه ماحرقتها لدرجه اني شكيت اني قطريه
ويوم اشتغلت اول برزنتيشن لي سويته وانا قاعده ولكن ستب باي ستب تغيرت شخصيتي والفضل لله وللمدير الي زرع روح القياده والمسؤوليه فينا والحمدالله ترى الشخصيه تتغير يمكن بذره القياده موجوده ولكن تحتاج الى من يتهم فيها , احنا كونا في مجتمع فالسابق كان مغلق كان كل شي عيب ومب سنع والبنت المفروض ماتسوى و ما ولا ولا وما ....
بس الشخصيه تنصقل ,
بذكرت مثال ثاني
وحده من مديرات المدارس المستقله الله يرحمها كانت قياديه من الدرجه الاولى وكلن يشير لها بالبنان بحسن قيادتها للمدرسه بس يوم درستني بالثانوي كانت ضعيفه شخصيه والبنات لاعبين في حسبتها , لاتنسين ان دورات التطوير والمهارات لها دور كبير .

شطحت بالموضوع شوي :shy:

[رهج السنابك]

بالعكس اضفتي وايد

وصح كلامج

وهذا هو الهدف من البرنامج انه يلمس منو فيه روح القيادة ويتم صقلها وتنميتها


البعض يمتلكها بالفطرة لكن البيئه تطمسها

ويحتاج لبرامج ليبرزها ويطورها

وهذا اساس البرنامج

[مخطط قطري]

لو الاسماء يختارها الديوان انا اول اسم بيختارونه
الموضوع ماله خص في الديوان نهائي منسق الديوان هو الخاطر ومايدخلون في عمل اللجنه الا بعد اختيار 30
وكانت مهمته ترتيب لقاء للسلام على سمو الامير تميم فقط ايام ماكان ولي عهد

[أم علي 2010]

مشكوره يالغاليه ريحتيني زين ان في ورقه وقلم مب اقعد احسب باصابعي ههههه

كنت احسب على اصابعي هههههههه

والله يوفقج و بشرينا باجر :nice:

[حمد 2002]

انا مستعد اروح مركز قطر للقيادات واعطي دروس هناك بالمجان واعلم الطلاب معنى القياده الحقيقيه مب بس كلام يقرأ ويدرس من كتاب لا القياده الحقيقيه لاتكون كذلك ،،،


تــــــــحـــــــــياتي لج ،،

[أم علي 2010]

انا مستعد اروح مركز قطر للقيادات واعطي دروس هناك بالمجان واعلم الطلاب معنى القياده الحقيقيه مب بس كلام يقرأ ويدرس من كتاب لا القياده الحقيقيه لاتكون كذلك ،،،


تــــــــحـــــــــياتي لج ،،

للاسف من ردك هذا اثبت حسك القيادي


شكلك ماتفقه شي في الاداره من الاساس :rolleyes2:

[حمد 2002]

للاسف من ردك هذا اثبت حسك القيادي


شكلك ماتفقه شي في الاداره من الاساس :rolleyes2:

:) :)

[أم علي 2010]

الاستقراطية

http://www.qatarshares.com/vb/showthread.php?t=471670&page=3

شوفي اللنك فيه كم سؤال بالضبط مع اجوبتهم :nice:

[حسن]

النتائج الدراسيه مالها خص في روح القياده لدى الشخص وايد نربط النجاح بمدى مايحصل عليه الفرد من درجه في المدرسه او الجامعه

كلام سليم

[رهج السنابك]

حمد شنو معنى القياده؟ وشلون بتعطي دروس

[رهج السنابك]

ام السعف البرنامج مب يومي

يكون ثلاث ايام في الشهر

ويتخلله سفر لبعض الدول

[أم علي 2010]

حمد شنو معنى القياده؟ وشلون بتعطي دروس

خبير في ال

Total quality management

[رهج السنابك]

خبير في ال

Total quality management

ههههههههههههههههههههههههههههه

[محمد]

اكيد انجاز انك وصلت اخر شي


بس هالتجربه لازم تكون افادتك

والغضب والتعصيب ليس من سمات القائد :)

شفت العصبيه شنو سوت فيك عفست مزاجك وخربت عليك


اشتغل على هالنقطه وخلك ريلاكس ع طول

بالعكس احياناً العصبية مفيدة للقائد :p
وعموماً الموقف الي صار لي ينرفز ابرد بني ادم .. لين قدمتي ورحتي تصفين موترج بتتذكرين كلامي :secret: بالتوفيق ان شاءالله

[w.qatar]

المبنى هو نفسه الابيض اللي فيه حاليا كليه الدراسات الاسلامية صح ؟

وبخصوص الباركنج اخوي محمد تقصد من كلامك زحمه :( يعني نروح قبل الوقت بكم تقريبا عشان نلقى باركنج

[ام السعف]

ام السعف البرنامج مب يومي

يكون ثلاث ايام في الشهر

ويتخلله سفر لبعض الدول

صعب عليها هالسنة ،، ان شاءالله تتقدم له السنة الياية ان الله كتب لها الخير فيه ،،

وشكرا لج ،،

وحبيت من خلال هالموضوع بعد انبهج ان انجلش تاون مسوين عرض
79$ حق تسع شهور يعني الشهر اقل من 10 دولار
سجلي بتستفيدين وايد ان شاءالله ،،

[أم علي 2010]

بشروا شلون كان الامتحان ؟

[حمد 2002]

صعب عليها هالسنة ،، ان شاءالله تتقدم له السنة الياية ان الله كتب لها الخير فيه ،،

وشكرا لج ،،

وحبيت من خلال هالموضوع بعد انبهج ان انجلش تاون مسوين عرض
79$ حق تسع شهور يعني الشهر اقل من 10 دولار
سجلي بتستفيدين وايد ان شاءالله ،،

وين موقعهم هالانجلش تاون ؟

[ام السعف]

وين موقعهم هالانجلش تاون ؟

http://www.englishtown.com

وعندي موقع ثاني عجيب يساعدك تتعلم النطق الصحيح من مقاطع الافلام
واقوال المشاهير ،، تبيه ؟

[w.qatar]

ام السعف اسمحي لي على المداخله ياليت تحطين هالموقع نبي نطور اللغه شوي

[ام السعف]

ام السعف اسمحي لي على المداخله ياليت تحطين هالموقع نبي نطور اللغه شوي

ولووو

تفضلي

http://www.englishcentral.com

[w.qatar]

مشكوره :)

[ام السعف]

مشكوره :)

معفية من الرسوم
لأني في يوم من الأيام كنت احاول ابيع هالمواقع بس ما لقيت مشترين
تجارة فاشلة :(

[حمد 2002]

http://www.englishtown.com

وعندي موقع ثاني عجيب يساعدك تتعلم النطق الصحيح من مقاطع الافلام
واقوال المشاهير ،، تبيه ؟

شكرا شكرا ، بس ممكن شرح اكثر بالنسبه لهالموقع وهل فيه ترجمه ، انا دخلته وفيه مقاطع فيديو كأنه ؟

[رهج السنابك]

توني طالعه من الامتحان توقعته بالكمبيوتر طلع ورقي

[غايه الطواش]

شلون كان الامتحان ؟؟
والرياضيات شلون؟

[رهج السنابك]

ام السعف لما علمتيني ع انجلش تاون سيده سجلت وعندي قناعه انه وايد مفيد

بس بيني وبينج دشيته كم مره بس

لان لازم اشتري لي لاب توب جديد

وماينفع بالايفون

ناويه اخذ لي لاب توب او ايباد وانتظم

وايد عجبتني الكلاسات اونلاين

ومشكًوره على تنبيهي بالعرض عيل بسجل اليوم فيه

بس انا مسجله شهر من ابو واحد دولار هل امدد او اسجل من جديد للعرض

[ام السعف]

ام السعف لما علمتيني ع انجلش تاون سيده سجلت وعندي قناعه انه وايد مفيد

بس بيني وبينج دشيته كم مره بس

لان لازم اشتري لي لاب توب جديد

وماينفع بالايفون

ناويه اخذ لي لاب توب او ايباد وانتظم

وايد عجبتني الكلاسات اونلاين

ومشكًوره على تنبيهي بالعرض عيل بسجل اليوم فيه

بس انا مسجله شهر من ابو واحد دولار هل امدد او اسجل من جديد للعرض

العفو ،،

وان شاءالله تستفيدين منه ،، واعتقد عندهم عرض للمدرس الخصوصي ،،

وعندج الموقع الثاني بعد واايد مفيد وراح يفيدج واللي هو

http://www.englishcentral.com ،،

حمد انجلش تاون فيه كل شي اختبارات مقاطع فيديو دروس وكل شي،،

اما انجلش سنترال يركز لك على مقاطع فيديو ويطلع منك تتكلم مثلها
او تكتب الكلمات المفقودة ،،

الموقعين يكملون بعض ،،

[رهج السنابك]

الرياضيات الي عقدني النسب

انا ماذكر علمونا بالمدرسه نحسب النسبه او ماركزوا لنا عليه

مثلا ١٦٪ كم تساوي من ٢٢٥

٢٠٪ * ٤٧٦

[رهج السنابك]

المدرس الخصوصي بكم؟ ماعرفت شلون اطلبه

[ام السعف]

المدرس الخصوصي بكم؟ ماعرفت شلون اطلبه

ما شفت عرضهم اليديد،، بس بشكل عام هو 600 ريال تقريبا شهريا

من هالصفحة توصلين للمدرس الخاص

http://www.englishtown.com/online/private-lessons.aspx

حاليا اذا مسجلة بو شهر وتبين تسجلين بو تسع شهور خلج مع هالعرض
لين تمكنين من الموقع وعقب اذا حبيتي روحي على المدرس الخاص ،،

الموقع يشتغل على الايباد ،، بس بالنسبة لي افضل اللابتوب خاصة
اني احب اتعامل مع الكيبورد لأن الكتابة عليه افضل من الكتابة على الشاشة ،،

[محمد]

المبنى هو نفسه الابيض اللي فيه حاليا كليه الدراسات الاسلامية صح ؟

وبخصوص الباركنج اخوي محمد تقصد من كلامك زحمه :( يعني نروح قبل الوقت بكم تقريبا عشان نلقى باركنج

والله اختي الزحمة الظاهر على طول هناك .. فيه مواقف لكن بعيدة بس انا اصلا جاي متأخر فحاولت اصف في مكان ممنوع :shy: عشان جذي صار تصادم الجبابرة :tease:

[رهج السنابك]

تذكرتك يا محمد لان صار لي موضوع ينرفز بعد اليوم مداجي اعتفس بس حاولت اركز


بعض البنات استغفر الله ودي انفيهم لكوكب اخر من درجه الخبث الممزوجة بغباء :)

[أم علي 2010]

الرياضيات الي عقدني النسب

انا ماذكر علمونا بالمدرسه نحسب النسبه او ماركزوا لنا عليه

مثلا 16٪ كم تساوي من 225

20٪ * 476

قلت لج امس حسافه

16 ٪ هي 16/100 يعني 0.16 تضربينها في 225 بدون الفاصله و النتيجة تعدين خانتين وتحطينها

ابشرج في المرحله السنتر اسسمنت في رياضيات بعد

[أم علي 2010]

تذكرتك يا محمد لان صار لي موضوع ينرفز بعد اليوم مداجي اعتفس بس حاولت اركز


بعض البنات استغفر الله ودي انفيهم لكوكب اخر من درجه الخبث الممزوجة بغباء :)

امس لما شفت البنات حسيت نفسي في جامعة قطر

ما حسيت فيهم جديه ابدا كانه شو لا اكثر ولا اقل


اتمنى يختارون الافضل واللي يستحق ومايمشون على الاسم

لان اذا مشوا على الاسم انا بعد بشغل واسطتي ههههههه

[رهج السنابك]

شغلي لي واسطتج بعد انا فقيرونه ههههههه


ام علاوي والله ماذكر قريت انه في نسب مدري ماركزت بكلامج

بس احس الرياضيات اوك جاوبته

لكن الجزء الاخير الاختبار اللفظي شوي احترت في ٢

في يعدل
حاطين خيارات
يبدل
يختار
يغلق
يسقط

ذي ماعرفت اي وحده تطابقها في المعنى

[أم علي 2010]

شغلي لي واسطتج بعد انا فقيرونه ههههههه


ام علاوي والله ماذكر قريت انه في نسب مدري ماركزت بكلامج

بس احس الرياضيات اوك جاوبته

لكن الجزء الاخير الاختبار اللفظي شوي احترت في 2

في يعدل
حاطين خيارات
يبدل
يختار
يغلق
يسقط

ذي ماعرفت اي وحده تطابقها في المعنى
انا بعد تصدقين ماعرفت حطيت يبدل

[أم علي 2010]

مافي حد عنده خبر إذا اطلعت الأسماء حق المقابلة ؟

[رهج السنابك]

اممم ام علاوي محد كلمني ولا وصلني شي !

[المحاميه]

اول مره اسمع عن هالاختبار
من وين قدمتوا؟
وشنو فايدته؟

[أم علي 2010]

قالوا اسبوعين

المفروض هالاسبوع تطلع الاسامي

طرشت ايميل حق امنه بس ماردت

ان شالله خير

[أم علي 2010]

اول مره اسمع عن هالاختبار
من وين قدمتوا؟
وشنو فايدته؟

مركز القيادات يأهل الشخصية القيادية و يدربها على الادارة

هم يعلنون في الجريدة عن التسجيل

انا شخصيا عن طريق الدوام

الفايدة ان راح تكون لج اضافه وخبره وتعطيج فرصه ان تمسكين منصب قيادي

[ماكنتوش]

السلام عليكم ورحة الله وبركاته

سؤال للمشاركين ببرنامج مركز قطر للقيادات

حد سوا مقابله شخصية اليوم؟
ياليت اللي قابلوه اليوم يقول لنا انطباعه عن المقابله

[رهج السنابك]

ليش هم بدوا مقابلات!!
انا سالتهم اليوم عن نتايج الامتحان لان ماوصلني شي وقالوا انها بكره بتطلع!!!

انت جاك ايميل ماكنتوش ؟

[أم علي 2010]

كلمتهم قبل العيد وقالوا لي النتايج ما طلعت

[رهج السنابك]

ابشششرج يا ام علي نجحت وانتقلت للمرحله الثانيه


بشريني عنج

[أم علي 2010]

الحمدالله اليوم كلموني بعد

وانطر الايميل بموعد المقابله :nice:

[رهج السنابك]

كلواولوووشي ان شاء الله نعديهاا

[khalid525]

الف مبروك ان شاء الله تعدون المرحلة الجاية ويقبلونكم

[طمبحله]

متى يفتحون الباب حق اللي فوق ٣٥ سنة؟

[رهج السنابك]

يبارك فيك خالد

[راعي القالات]

حد يقدر يفيدنا عن طبيعة المقابلات والأسئلة اللي تنطرح فيها

[رهج السنابك]

اي ياليت فكره عن المقابلات

متى مقابلتك يا راعي البقالات؟

[khalid969]

اللي قابلوهم المقابلة الشخصية تقريبا الرد منتصف الشهر

موفقين ان شاء الله

[w.qatar]

بعد المقابله قالوا يمكن تكون هذي اخر مرحله و يمكن بعد المقابله اختبار اخير

حد عنده الخبر الاكيد

[رهج السنابك]

الي اعرفه هم ثلاث مراحل
بس يمكن هالسنه بس مرحلتين

[منتهى الذوق]

سلام يا جماعة الخير

أحاول أتواصل معاهم بس محد يرد علي ،، حابة اعرف متى يبدون الاختبارات للدورة الجديدة
و بالنسبة للي قبلوهم ،، شخبارهم مع الدراسة و المحاضرات

[يمامـة]

الي اعرفه هم ثلاث مراحل
بس يمكن هالسنه بس مرحلتين

وحشتنا يا حبييب اشلونك عساك طيب

ارسطو وين رحتي ؟


ومنتهى الذوق عنده استفسار ردي عليه :shy:

[منتهى الذوق]

وحشتنا يا حبييب اشلونك عساك طيب

ارسطو وين رحتي ؟


ومنتهى الذوق عنده استفسار ردي عليه :shy:


تسلمين الغالية يمامة على رفع استفساري

اختج منتهى الذوق :shy:

[غير البشر]

كل الي تعلمو في مدارس سواقتهم مش ولا بد

لان الي يعلمونهم بروحهم يبغيلهم تعليم :rolleyes2:
تعليمهم كله غلط في غلط

الحمدلله احنا تعلمنا في البر وفي الفرجان

[w.qatar]

صباح الخير

هل صحيح ما يقال عن المقبولين في البرنامج هذا ان اغلبهم من جهه وحده و السبب ان وزيرهم عضو في مركز قطر للقيادات ؟

[بو خليفه 123]

بالتوفيق للقياديين المستقبليين

[غير البشر]

بالتوفيق للقياديين المستقبليين



ولا عزاء للأرصفه :shy:

[أم علي 2010]

صباح الخير

هل صحيح ما يقال عن المقبولين في البرنامج هذا ان اغلبهم من جهه وحده و السبب ان وزيرهم عضو في مركز قطر للقيادات ؟

عزيزتي انا في البرنامج raising leaders

باللغة الانجليزية ،، وهالكلام غير صحيح و في تنوع في المجالات اقدر اقول توزيع جيد جدا

البرنامج ممتع وفيه تعلم مهارات كثيرة لحد الحين اخذنا كورسين وصراحة شخصيا استفدت كثير

والله يوفق الجميع ،،،

[w.qatar]

انا اقصد قيادات الجهات الحكومية اللي بالعربي

[يمامـة]

تسلمين الغالية يمامة على رفع استفساري

اختج منتهى الذوق :shy:

يوه اشفيني سويتج واحد

العفو يا منتهى الذوق
وبردون على اللخبطة ..

[أم علي 2010]

انا اقصد قيادات الجهات الحكومية اللي بالعربي

والله تصدقين دخلت القاعه مره بس ماركزت ان في جهه طاغية

اللي اقدر اقول له في لجنة الحين تختار وتقييم ، وهم عندهم معايير معينة يمشون عليها

واتوقع لو كانوا من جهه وحدة فهم اتوقع من اداراة مختلفة و العلم عند الله ،، بس عرفته من مصدر موثوق من المركز ان المركز ماله يد في الاختيار هم متعاقدين مع شركة هم نفسهم اللي عملوا اختبار السايكومترك وهم اختاروا المشاركين واتوقع نفس الطريقة اتبعت للبرنامج باللغة العربية

[كرواتيا]

ام علي

كم شاب انقبل وكم بنت ؟؟

سمعت ان التركيز كان على الشباب اكثر

[أم علي 2010]

ام علي

كم شاب انقبل وكم بنت ؟؟

سمعت ان التركيز كان على الشباب اكثر

العدد الكلي ظ£ظ¥

ظ،ظ£ بنت و ظ¢ظ¢ شاب

[أم علي 2010]

العدد الكلي ظ£ظ¥

ظ،ظ£ بنت و ظ¢ظ¢ شاب

سوري الايباد ما يكتب الارقام

ثلاثة عشر فتاة

و اثنان وعشرون شاب