التشويش المتعمد لعقلي من الاقمار الصناعيه !!!

[همر]

بسم الله الرحمن الرحيم...



من 2010 لاحظت اختلال توازن النڤيجيشن في سيارتي

الى ان وصل الوضع من كم يوم الى ان النڤيجيشن مايشتغل

واذا اشتغل تظهر لي السياره تمشي بالريوس !!!


سألت الشركه كذا مره وقالوا لي العازل الحراري في السياره

يأثر على استقبال اشارة القمر الصناعي.. طبعاً ماصدقتهم لاني

يوم اركب العازل النڤجيشن كان يشتغل بدون مشاكل..


لين قبل كم يوم .. قمت بازالة الحمايه اللي ركبتها على الجامه

الاماميه من الخارج طبعا غير العازل اللي من الداخل..

واذا بي .. استقبال القمر الصناعي اخر حلاوه والنڤجيشن

اشتغل صاغ سليم .. فلم الحمايه اللي شليته صار لونه

بيج وتيبس وتخدش من الخطوط وسنوات الخدمه لدرجة انه

صار يعيق اشارة القمر الصناعي..


لمراد .. المقدمه يمكن تفيد حد في موضوع العازل والحمايه :nice:

ولكن موضوع النڤجيشن والتقاط الاشاره خلاني افكر ..


سنين وسنين وعقولنا واجسامنا تستقبل ارسال كل انواع

الاقمار الصناعيه وموجات الراديو والرادار والجي اس ام

والمايكروويڤ لدرجة اني اذا اتعمق في التفكير احس اني

في بحر متلاطم من الموجات والاشارات في جميع الاتجاهات..


احس بضوضاء الاشارات وتزاحمها رغم هدوئها وتواريها

عن الانظار ..


احس بتشويش متعمد من الاقمار الصناعيه على مخي بدون

وجه حق :(...


وبعدين تبدا تفكر ...


كل هذي الموجات اللي تخترق عقولنا على مدار الساعه

لسنوات وسنوات معقوله مالها تأثير على صحتنا ؟!!


الامراض والاورام اللي زادت في الناس بسبب وبدون سبب

هل عملنا دراسات لمعرفة سبب انتشارها ؟!!

طنين الاذن واورام الدماغ والارق دائماً الموجات بريئه منها ؟!!


ولا اللي يقولونه لنا الغرب ناخذه من المسلمات والامراض

عندهم ادهى وامر ...


قرأت في بعض مواقع الفيزياء الصحيه وعلاقة الموجات

في بعض الامراض.. ووجدت الاجوبه "المخدره" المعتاده ..


لم يثبت .. لم يربط .. قد يحدث .. الاشعه بطبعها ضعيفه ولا تؤثر..

الاشعه في حدود المسموح به من المنظمه الدوليه لأي حاجه في اي حته..




مثل موضوع البيبسي .. اللي تقرا معلومات عن اضراره

في كل حدب وصوب وفي الاخير جاني خبير تغذيه بكل

بساطه يقولي اشراب دايت بيبسي عشان الرجيم ..


والامراض يادكتور ؟!! والاسبرتيم ؟!!


يقول مافي دراسات اكيده عن اي امراض !!!

كلها ... سبيكيولايشنز :rolleyes2:



خلونا من الكفار .. ونرجع لمحور حديثنا ...

هل عندنا مراصد لقياس تأثير الاشعه على ادمغتنا

تاخذ بعين الاعتبار كثافة الاشعه ومسافاتها وكمية التعرض ؟!!

هل في فحوصات دوريه في المستشفيات لقياس كمية

تعرض الناس العاديين ، مش عمال المصانع، لانواع الاشعه

والموجات ؟!!

ادارات الصحه والسلامه وخاااااصة البيئه في كل شركه ومؤسسات

الدوله هل لهم دور يذكر في اي شي في حياتنا ؟!!

المؤسسات العلميه ؟!!

المؤسسات البحثيه ؟!!

مواشي ؟!!

اي حد مهتم فينا ؟!!




اعتقد الموضوع يهم الجميع لان كل واحد فيكم في اي مكان في

جيبه وجيب اللي حواليه اجهزة بث واستقبال والموجات

لاعبه في حسبتنا يمين يسار ولا احد مهتم ...


حتى البيوت ماسلمت من اجهزه خطيره مثل المايكروييف اللي

ثبت ان له اضرار صحيه مباشره على المستخدم وله تعليمات

معينه في طريقة الاستخدام وبعده عن الجسم .. اللي مادرينا

عنها طبعاً .. وتجيك ميري تحط حمني على رف المطبخ احذا

المايكروويف وتقوله شوف سحن سوي دوّر دوّر ويلصق يبهته

في باب المايكروويف عشان يشوف !!!


هذا اذا ماحطته بكبره في المايكروويف...




صباحكم خال من التشويش المتعمد ...

همر...

[ضوى]

صبحك الله بالخير ياهمر

والله ياخوي من كثر استقبالنا لهالاشعة صارت فينا كهربا زيادة ، امسك عيالي اتكهرب امسك اثاث اتكهرب عسى ماشر صرت موصل للتيار الكهربائي وانا مدري ، بس حقيقة محد يقدر ينكرها

[عاشق العديد]

.. ماعندي خليفه عن الموضوع ..

لكن كلامككك صصحيح وبنسسبه حق القارمن اول مره اسسمع منـك ..

ولكن بنسبه حق الاورام .. النسبه في قطر جدا كثيره وسسببها مخلفات الغـاز ..
واعتقد كلامكككك صصحيح عن الاشارات لانه مخي احسسه قام يتشششوش صصحيح ..

[JN000N]

هاهاها يبيلكم غتر مغزوله بعازل حراري واحنا شيل بعازل حراري :shy:

[همر]

صبحك الله بالخير ياهمر

والله ياخوي من كثر استقبالنا لهالاشعة صارت فينا كهربا زيادة ، امسك عيالي اتكهرب امسك اثاث اتكهرب عسى ماشر صرت موصل للتيار الكهربائي وانا مدري ، بس حقيقة محد يقدر ينكرها


عندي لج خوش حل .. في رش يبيعونه في الجمعيه اسمه فض فاض

حق كهربة الملابس .. ماعليج اللي تمشين وتبخين منه..

وتفتكين من مشكلة الكهربه وتبطين لنا الاوزون :nice:





.. ماعندي خليفه عن الموضوع ..

لكن كلامككك صصحيح وبنسسبه حق القارمن اول مره اسسمع منـك ..

ولكن بنسبه حق الاورام .. النسبه في قطر جدا كثيره وسسببها مخلفات الغـاز ..
واعتقد كلامكككك صصحيح عن الاشارات لانه مخي احسسه قام يتشششوش صصحيح ..


جي بي اس الشركه اذا مركب في الطبلون بدون اريل نفس الامريكي

تأثر عليه الحمايه اللي عالجامه وخاصة بعد ماتقدم .. اما العازل الحراري

مايأثر على اساس انك بتركب 10٪ بس..


والتشويش صراحه احس فيه مرات حتى وانا قاعد في مكان

هادي ... احس اني شوي وبقول طوط طط طط طوط طط مثل التلغرام :rolleyes2:




هاهاها يبيلكم غتر مغزوله بعازل حراري واحنا شيل بعازل حراري :shy:


مشكلتج ما سجلتي الفكره في وزارة التجاره كان دخلنا ملايين :rolleyes2:

[تغلبية]

لنا أن نتخيل شلون الموبايل يشوش على رادار الطيارة فما بالنا بمخ الانسان اللي اكثرنا

راقدين عليه والا حاطينه يشحن جنب روسنا !

.. وكله كوم ..

وابراج تقوية الارسال فوق المنازل .. وفي الفرجان كوم ثاني !!



أنا أشوف دام مافيه دراسات موثوقه معلنة ..

نكتفي " والله خير حافظـــاً " :victory:

[QATAR 11]

مخي صاده تشويش

[همر]

لنا أن نتخيل شلون الموبايل يشوش على رادار الطيارة فما بالنا بمخ الانسان اللي اكثرنا

راقدين عليه والا حاطينه يشحن جنب روسنا !

.. وكله كوم ..

وابراج تقوية الارسال فوق المنازل .. وفي الفرجان كوم ثاني !!



أنا أشوف دام مافيه دراسات موثوقه معلنة ..

نكتفي " والله خير حافظـــاً " :victory:


والنعم بالله..

الواحد شيقول بس يوم يشوف الشعارات الرنانه .. مصلحة

المواطن.. ورفاهية المواطن.. وصحة المواطن ..

وعلى ارض الواقع مافي اجراءات احترازيه .. بنج موضعي..

وعمليات ترقيع بعد المصيبه...



مخي صاده تشويش


انا قررت أأسس جمعيه للمشوشين ..

تسجل نائب رئيس ؟!!