اضراب سواقين المدرسه الهنديه في الدوحه عن العمل...

[الدوحه1]

سواقين باصات المدارس التابعين لمدرسة الدوحه الحديثه الهنديه والسسب تدني الرواتب..
للعلم راتب السايق 700 ريال بس!!!

المصدر لمزيد من المعلومات:
http://thepeninsulaqatar.com/qatar/253229-chaos-anger-as-bus-drivers-go-on-strike.html

[عيون الدوحة]

كفو عليهم يعجبني في الهنود التكاتف يد وحدة

[وليف الشوق]

ومتى صارت عندنا سوالف الاضراب ؟!!!! وليش مايلجأون للجهات المختصه ترد حقوقهم او تقديم ضد المدرسة شكوى رسميه ؟ حقيقة تعدي على قوانين وراحه البلد

[الصغيره]

ايه هذا اول الغيث من العماله بكره بيهربون من المدرسه وبينتشرون بقطر

[فرهود]

الاضراب عن العمل طريقه راقيه للتعبير عن الاحتجاج على سوء المعيشه او وضع متردي في الدول الديمقراطيه.

[شبح الصمت]

عطوني بس نص ساعة وجيب لكم الخبر الاكيد مدير المدرسة الهنديه اخو رجل اعرفه ..

[تحداني]

كفو عليهم يعجبني في الهنود التكاتف يد وحدة



عندهم روح الاخاء والمبادره عاليه
صادق في كل شي يد وحده تلقى افكارهم طموحهم رغباتهم عليها مليون تصويت وصوت

[why me]

والكامبردج امس كان عندهم اضراب وارسلوا للكل رسايل انهم يجون ياخذون عيالهم بسبب اضراب سائقي الباصات

اذا هالشي بيساهم في انهم ياخذون حقوقهم فانا معهم والله يوفقهم
طريقه حضارية جداً اذا الطرق الثانيه مانفعت وبعض رجال الاعمال مايدفعون الا بهالاسلوب

[شبح الصمت]

في عدة مدارس هندية

ولاجل ما يكون في لبس عند الاخوان والاخوات

هذه المدرسة الي فيها اضراب للسائق ومشاكل مدرسة جديدة

لانه من المدارس القديمة الهندية المدرسة المثالية وفي مدرسة في بوهامور هذولي ما فيهم اي مشاكل ..

هذا ما لزم توضيحه للأخوة الاعضاء ..

وتقبلوا مروري ..

[عاشق العديد]

للاخوان والاخت الصغيره ,,

لو كان راتبج الفين .؟ هل بتعيشين .؟
عندج اهل عند بيت وفي غربه .؟ وغير وغير وغير .؟
ليش دايما تنظرون للموضوع من جانب واحـد .؟
انتو دايما تطالببون بزياده وتبون رواتب وغيركم لو طلب حرام .؟ مايحق له .؟ ترى ماياخذ ربع ولا ثلث راتب .؟ فا حرام فكرو فيهم فالاخير ترى هـم بشششر .. وهاذي فلوس محد بيدفعها من جيبه

[romoz]

700 قليل جدا
و طريقة راقية للاعتراض ، لعل و عسى تنحل امورهم

وين المدرسة ذي ، بروح اتفق مع احد السواويق على راتب 1500 و يشتغل عندنا :secret:

[النهار]

للاخوان والاخت الصغيره ,,

لو كان راتبج الفين .؟ هل بتعيشين .؟
عندج اهل عند بيت وفي غربه .؟ وغير وغير وغير .؟
ليش دايما تنظرون للموضوع من جانب واحـد .؟
انتو دايما تطالببون بزياده وتبون رواتب وغيركم لو طلب حرام .؟ مايحق له .؟ ترى ماياخذ ربع ولا ثلث راتب .؟ فا حرام فكرو فيهم فالاخير ترى هـم بشششر .. وهاذي فلوس محد بيدفعها من جيبه

الله هداك باين عليك ضعيف في الحساب
700x4 = 2800
مافي مقارنه

[شبح الصمت]

700 قليل جدا
و طريقة راقية للاعتراض ، لعل و عسى تنحل امورهم

وين المدرسة ذي ، بروح اتفق مع احد السواويق على راتب 1500 و يشتغل عندنا :secret:




ههههههههههههههاي

ناس تتصيد في الميه العكره
صار السائق الهندي مثل بيض الصعو نسمع عنه والا نشوفه او الذهب مره يرتفع سعره ومره ينزل ..

كم تدفع لي وجيب لك هندي خبره ويدل .. !!

انتظر السومه تبدأ من 5 آلاف

:nice:

[عاشق العديد]

الله هداك باين عليك ضعيف في الحساب
700x4 = 2800
مافي مقارنه

اي والله ضضضعيف جدا جدا يالنهاررر

[النهار]

اي والله ضضضعيف جدا جدا يالنهاررر

تصدق كان عندي سائق هندي في المحل سنة 1998 كان راتبه 1700 ريال وذاك الوقت كل شي رخيص الحين في 2013 راتب 700 ريال :eek5:
ياخوي لويدخن كل يوم باكت سجاير طار نصف الراتب

[أم علي 2010]

وين مكان المدرسه ؟

ابي دريول والله بعطيه 1200 و اكل وشرب وغرفه ببلاش

[كازانوفا]

من حقهم
انا لو يصح لي اسوي بالشركه اللى انا فيها اضراب والله لاسوي لان الدنيااا في غلااا والراتب مكانك سر
الله لا يسامحهم الرواتب لناس وناس

[ام السعف]

يعجبوني الهنود كثيرا ،،

تحية خاصة لاميتان
والله يرحمه امجد خان
:(

[رحال]

يستاهلون بصراحة الراتب متدني

700 ريال غير مجدية لهموم الغربة

[عاشق العديد]

تصدق كان عندي سائق هندي في المحل سنة 1998 كان راتبه 1700 ريال وذاك الوقت كل شي رخيص الحين في 2013 راتب 700 ريال :eek5:
ياخوي لويدخن كل يوم باكت سجاير طار نصف الراتب

والله ياخوي .. بعيد عن كل شي الانسانيه تحـكم علينـا ..
يعني بذمـه 700 ريال وش يسسوي فيهـا .؟ وش بتعيشه فيـه ..؟ ياخوي انت تطلع لك طلعه وحـده فلوسك تطير .. وهم في النهايه بشر امرهم مغلوب وهم اخوانا واسسئل الله ان يفرجها عليهم ..

[همر]

يعجبوني الهنود كثيرا ،،

تحية خاصة لاميتان
والله يرحمه امجد خان
:(


اميتان امس مطرش تهنئه لاسرائيل

وانتي تطرشين له تحيه معجفه بفيونكه ورديه ؟!!! :eek5:

[ام السعف]

اميتان امس مطرش تهنئه لاسرائيل

وانتي تطرشين له تحيه معجفه بفيونكه ورديه ؟!!! :eek5:




هااااا

ما عندي خبر كلش ؟

من قال لك انه مطرش تهنئة حق اسرائيل وشنهي المناسبة ؟

[ام السعف]

اميتان امس مطرش تهنئه لاسرائيل

وانتي تطرشين له تحيه معجفه بفيونكه ورديه ؟!!! :eek5:




لحظة لحظة

لا تكون تقصد تهنئته حق اصدقائه في اسرائيل ؟

[همر]

لحظة لحظة

لا تكون قصد تهنئته حق اصدقائه في اسرائيل ؟

يس....

[ام السعف]

يس....




يعني يات على اميتان :(

احنا في قطر استقبلنا بيريز ،، وسياسيينا المحنكين قعدوا مع ليفني
وغيرها وغيرها ،، ووالسياسيين العرب
يقعدون معاهم في مفاوضات علشان يسلمونهم
فلسطين وانيي نحاسب هندي على تهنئته ،،،

صج مساكين هالهنود في كل شي منقودين :(

[جمال اليافعي]

اهنيهم الهنود , قاموا بإضراب والكل وقف معاهم ومن كم سنه اضراب القطريين باحدى الجهات وتحركت لهم كل انواع الدوريات زين مكافحه الشغب ما راحوا ...

[ام السعف]

اهنيهم الهنود , قاموا بإضراب والكل وقف معاهم ومن كم سنه اضراب القطريين باحدى الجهات وتحركت لهم كل انواع الدوريات زين مكافحه الشغب ما راحوا ...

هذيلا اضربوا عن العمل بس ما وقفوا في الشارع
اهنيه يكمن الفرق ،،

الوقوف في الشارع يحتاج الى ترخيص لكن الاضراب عن العمل
ما يحتاج الى ترخيص ....> شفتنا اشلون صرنا شعب مثقف ونعرف
اللي لنا واللي علينا :)

[MAZEN37]

اعتقد عندهم نظام حتى باضرابهم
بس مادري الكيفيه

[رهج السنابك]

الحين لما نجيب هندي ونعطيه بس ٨٠٠ يشرد ويروح يشتغل بشركات ولا باي مكان ثاني


وذيلا على ٧٠٠ وشغالين ماشردوا!!!

صج حظوظ


بس لا تنسون ياجماعه ان سواق الباص ماعنده الا مشوارين واحد صبح وراحد ظهر وباقي اليوم محد يتأمر عليه

[سلطان قطرر]

700 ريال فقط
اعذرهم على الاضراب

[همر]

يعني يات على اميتان :(

احنا في قطر استقبلنا بيريز ،، وسياسيينا المحنكين قعدوا مع ليفني
وغيرها وغيرها ،، ووالسياسيين العرب
يقعدون معاهم في مفاوضات علشان يسلمونهم
فلسطين وانيي نحاسب هندي على تهنئته ،،،

صج مساكين هالهنود في كل شي منقودين :(


بغض النظر عن السياسه اللي ما افهم فيها :shy:

اهل فلسطين ادرى بشعابها..


على الاقل ماهنيناهم باعيادهم في استفزاز واضح وصريح

لمشاعر المسلمين !!

[مفكر قطري]

و ايضا عمل سائقين المدينة التعليمية اضراب بسبب عدم استلامهم الراتب اول الشهر.. و ثاني يوم عطوهم رواتبهم

[MAZEN37]

بغض النظر عن السياسه اللي ما افهم فيها :shy:

اهل فلسطين ادرى بشعابها..


على الاقل ماهنيناهم باعيادهم في استفزاز واضح وصريح

لمشاعر المسلمين !!




عفوا فلسطين ليست للفلسطينيين مع احترامي لك

[حمد 2002]

ماعندهم هندي لنقل الكفاله ،،، بعطيه 1500 ريال والله ،،،

[حسن]

ماعندهم هندي لنقل الكفاله ،،، بعطيه 1500 ريال والله ،،،

لا ويمنعون فيز الفلبيينيات يفكرون ان ضغطنا بينفع

تحطون الخليج مع المحيط

مافي مقارنه

الله يرحم ايام ال500 والناس تتذمر الحين
ال1500 والدفع مقدما
نحمد الله جات على ماتمنا
:ok:

[الرويـس]

ادارة المدرسة في موقف يا اما انها ترضى بزيادة الرواتب وفي هذي الحاله ما راح تسلم من الاضرابات القادمه
يا انا انها تتبع سياسة الارض المحروقه وتجيب ستاف جديد من القطط المغمضه حتى اجل مسمى وتنثر الموجودين

بس توقيت اضراب السائقين ماله حل

[ام السعف]

بغض النظر عن السياسه اللي ما افهم فيها :shy:

اهل فلسطين ادرى بشعابها..


على الاقل ماهنيناهم باعيادهم في استفزاز واضح وصريح

لمشاعر المسلمين !!





أميتان متعدد الثقافات ومثل كل الاديان بما فيها الديانة المسلمة وكان مسلم فيها
نطالبه اليوم باحترام مشاعر المسلمين ؟

بعدين بيريز يوم زار قطر محد احترم مشاعر المسلمين ؟

يعني ليش هالعنصرية في المعاملة ؟

:(

على العموم التهنئته من عدمها ما تعني لي شي مب حبا في اميتان
ولكن لأن قضية فلسطين أكبر من اني احصرها في تهنئة من ممثل
مب مسلم ،، الدور والباقي على المسلمين نفسهم اللي يمدون اياديهم
لليهود ويشاركونهم ويدعمونهم ،،