سرقة مواطن قطري والأعتداء عليه بمطار باريس ! ! !

[الوسيط العقاري]

سرقة قطري وضربه في مطار باريس رواسي

باريس - أ.ف.ب - تعرض رجل أعمال قطري للضرب عند خروجه من مطار باريس رواسي شارل دي غول على أيدي لصوص سلبوه ساعة بقيمة 30 ألف يورو ومقتنيات ثمينة أخرى، على ما أفاد مصدر مطلع على الحادثة.

وشرح المصدر أن سيارة «رجل الأعمال الثري» أوقفت خلال خروجها من المطار قرابة الساعة 6.00 بتوقيت غرينيتش. وخرج «ثلاثة أشخاص على الأقل» من سيارة أخرى وكسروا بابها وقاموا بضرب راكبيها الاثنين.

واضطر رجل الأعمال إلى التخلي عن ساعة قيمتها 30 ألف يورو، فضلا عن حقائبه التي كانت تحتوي على مقتنيات ثمينة.

ولاذ اللصوص بالفرار، ولم تقدر بعد القيمة الإجمالية للمسروقات. وقد أوكل التحقيق إلى شرطة الحدود.

القبس الكويتية

[عاشق العديد]

الله المستعان ..

[غايه الطواش]

يحققون مع السواق الي جا ياخذه من المطار والا اللصوص شدراهم بجيته والا ايش عنده ,وهاذي مب اول حادثه حق قطريين في باريس .
والبلا كله من الدريوليه .

[امـ حمد]

لاحول ولا قوة الا بالله

[عاهد بن علي]

يحققون مع السواق الي جا ياخذه من المطار والا اللصوص شدراهم بجيته والا ايش عنده ,وهاذي مب اول حادثه حق قطريين في باريس .
والبلا كله من الدريوليه .

ما شاء الله عليج
ولا ( جيمس بوند )

[مزيون الدوحه]

بصراحه اللوم على المواطن و هاذي ضريبة الزبو يعني حد يروح سياحه ويلبس
ساعه قيمتها 30 الف يورو ؟
حتى اذا ماكان عندهم نيه يسرقونه اكيد بتغير نظرتهم وبيطمعون
اذا شافو االساعات والمجوهرات

[غزلان]

الله يعوضه خير وان شاء الله يمسكونهم ويرجعون له حلاله

[السامـي]

http://www.alqabas.com.kw/node/798423

[@north_star@]

المفروض الي يسافر ما يلبس مثل هالاشياء الثمينة ولا ياخذها معاه اصلا وان شاء الله يمسكونهم وياخذون جزاهم

[Chambray]

ههههه خله طبيعي ياجر سياره او يستخدم مترو محد بيفتكر فيه

لكن الساعات والفشخره الزايده تخلي الحراميه يركزون على الشخص ويدرون انه سائح وجايب معاه فلوس

[00soma00]

الحمد لله على سلامته

الخبر يقول انه رجل اعمال وليس سائح

ممكن يكون مشواره خاص بالبزنس لذلك كان لازم يكون فى ابهى حلة .. :cool:

[رهج السنابك]

انا لما اسافر برا كأني اسيويه

البس عبايه جدا عاديه
وماشيل شنطه يد
اخذ شوي فلوس احطها بجيب الملابس مع كرت الفيزا
وصندل فلات
لا اكسسورات ولا ساعات ولا اي شي غالي
واذا سألوني من وين خاصه السواقين قلت لهم موروكو ههههه يعرفون موروكو اكثر من كاتار

[شروووق]

محد قاله يروح يتفشخر ويتمشخر بالساعه عاد شوفونى غنى يحمد ربه مانذبح

[سلطان قطرر]

الحمدلله على سلامته
والواحد ينتبه على نفسه في هالدول
دائماً نسمع هالسوالف

[alsoq]

انا رحت فرنسا واغلب لصوص من المغرب العربي يتعرض لك حتى بشارع

حتى في المطار يترصدون لك

[وليف الشوق]

يااااااااااااخي الله يرزقك لكن بذمتك وش موضوعك انت تسافر ومعاك ساعه قيمتها اكثر من 30000 الف يورو ؟ وليش ماخذها معاك من الاساس ؟ وليش تلبسها دام ماعندك مناسبة او اجتماع عمل ؟

[الجنوبي]

الله اعلم ان اللصوص من المقيمين العرب في فرنسا
وبعدين وين البودي قاردية اللي معاه ؟
الله يعوض عليه واهم شي سلامته

[الإكسير]

ما شاء الله عليج
ولا ( جيمس بوند )

ههههههههههههاي :tease:

[مخطط قطري]

ياحبهم للمبالغات لاانضرب ولاشي هددوه وطلبو ساعته وعطاهم ولمن ساله الشرطي الفرنسي تقديره لثمن الساعه قالهم بكم

[رشدان]

ياجماعه ادعوا له برد حلاله ويصيدون الحرامية

[وحيد-الشوق]

بل بل وليش كل هالمهايط والزبو يأخي هايط في بلادك احسن

[الفــهد]

زززززززعلت على اااااااااالقطري

بسسسسسسسسسسسسسسسسسسس بعد تمنيييييييييييييييت السسسسسسساعه تقليييييييييييييييد

وخطاااااا كبييييييييييييير رجل اعماااااااااااااااال يمشيييييييييييي بروووووووحه يعنيييي على الاقل

4 اشششششششششخاص معاااااااااة مرافقيييييييييييييييين

[ولد شرق]

انا شخصيا احس الخبر امفبرك

والله اعلم...

[كازانوفا]

واضحه اللى عنده معلومات انه بيوصل متى ومحددين كل شي
بس جيب عاد اللى يحقق ويرجع فلوس هالفقيرر :(

[بونووف]

ههههه خله طبيعي ياجر سياره او يستخدم مترو محد بيفتكر فيه

لكن الساعات والفشخره الزايده تخلي الحراميه يركزون على الشخص ويدرون انه سائح وجايب معاه فلوس

خفت عليك يا ريال:tease:

[شبح الصمت]

يحققون مع السواق الي جا ياخذه من المطار والا اللصوص شدراهم بجيته والا ايش عنده ,وهاذي مب اول حادثه حق قطريين في باريس .
والبلا كله من الدريوليه .




هذا الكلام الصح اشدراهم انه ثري وعنده فلوس ..

ابصم لج يا غاية تنفعين محققه

:)

[شجن]

يحققون مع السواق الي جا ياخذه من المطار والا اللصوص شدراهم بجيته والا ايش عنده ,وهاذي مب اول حادثه حق قطريين في باريس .
والبلا كله من الدريوليه .

:victory::victory::nice:

[العنيده]

الله يعوضه خير ان شاء الله والمهم سلامته كل شي يتعوض باذن الله ..

[وجه السعد 2]

انا استغرب الصراحة من جرايدنا .. الخبر مصدره وكالة الأنباء الفرنسية معناه ان الخبر توزع في كل وسائل الإعلام العالمية !!!
ليش يا صحافتنا و يا جابر الحرمي و يا محمد المري والكواري و الرابع ما عرف اسمه تخشون هالأخبار .. شكلكم تقعدون مع بعض كل ليلة و تختارون الأخبار اللي تنزلونها ثاني يوم ..

[الكنترول]

لا حولا ولا قوة إلا بالله

أحد يسافر كاشخ أكيد الحرامية بيحطون العين عليه

خلا كشخته في بلادة

[New Vision]

انا استغرب الصراحة من جرايدنا .. الخبر مصدره وكالة الأنباء الفرنسية معناه ان الخبر توزع في كل وسائل الإعلام العالمية !!!
ليش يا صحافتنا و يا جابر الحرمي و يا محمد المري والكواري و الرابع ما عرف اسمه تخشون هالأخبار .. شكلكم تقعدون مع بعض كل ليلة و تختارون الأخبار اللي تنزلونها ثاني يوم ..

اخبار الvipمايطلعونها:rolleyes2:

[ريتويت]

حد يلبس ساعة اب ها القيمة ويروح يتمشى بها برع في أوروبا

[مستر بن]

المفروض الي يسافر ما يلبس مثل هالاشياء الثمينة ولا ياخذها معاه اصلا وان شاء الله يمسكونهم وياخذون جزاهم

وانا معاك ف هالشيءء

[رجل مثالي]

بصراحه اللوم على المواطن و هاذي ضريبة الزبو يعني حد يروح سياحه ويلبس
ساعه قيمتها 30 الف يورو ؟
حتى اذا ماكان عندهم نيه يسرقونه اكيد بتغير نظرتهم وبيطمعون
اذا شافو االساعات والمجوهرات




:victory::victory:

[Dmy Enabi]

صراحة ردود البعض مأساة
شعليكم ليش لابس ساعة بهالقيمة

خفوا عالريال شوي
هذا رجل أعمال يعني " على حله " مثل مايقولون
بعدين احنا لين نسافر ناخذ معانا شناطنا " الماركة " وساعاتنا
شلون هو ؟

الله يرد له حلاله إن شا الله

[دروب]

حمداً لله على سلامتهـ

والحمدلله الذي عافانا مما ابتلاهـ