المساعد الشخصي الرقمي

مشاهدة النسخة كاملة : المرور والدوريات ،،، حتى المخالفات مستثنين منها الاجانب !!!


نسيم الغربي
16-09-2013, 03:08 PM
السلام عليكم


لاحضت من فتره وليست بالقصيرررة وجود عدة سيارات (( ليست في منطقة الابراج ))

بالضبط عند (( المدرسة اللبنانية فالدفنة ))

وجود سيارات مخالفة على جانبين الطريق وسيارات عكس السيرر !!!

عند المدرسة اللبنانية !!!

سؤال للاخوة فالمرور والدوريات ؟

هل المخالفات تسري على موظفين منطقة الابراج ولاتشمل العاملين فالمدرسة اللبنانية والمراجعين لها ؟

هذا وللعلم ان الخرجي صرح بان الوقوف على جانبي الطريق في منطقة الابراج غير مخالف ويستثنون منها لعدم توافر مواقف كافية !!! ومع ذلك يتخالفون !!!

ومع العلم ان المدرسة اللبنانية فالدفنة يوجد بها مخالفات مرورية بالهبل ويمكن 10 مطبات امامها وولايوم شفت سيارة مرور حتى تدور هناك !!!

حتى في هذي الاجنبي مستفيد !!!


اترك التعليق لكم ؟
طلعة الروح
16-09-2013, 09:43 PM
عندنا الاستثناءات على أفى من يشيل بهالبلد وانت قلتها بروحك ناس وناس...
عزيزي مادام المارة تتأذى من وضعية السيارات المخالفة هناك دورك كمواطن او مقيم انك تبلغ 999 وعدم النكوص وانتظار احد غيرك يحرك القضية.

مسألة المطبات العشوائية والغبية اللي تنحط بالفرجان عند بعض البيوت
بطلب من أصحاب البيوت ، طبعا تنحط بدون سنع وبدون ضوابط وبدون لافتات يعني شنو 4 مطبات ورا بعض مابينهم وبين بعض مسافة متر في شارع من شوارع الفريج, إدارة تخطيط المرورعندها اخطاء كثيرة خل تتلاحق على عمرها وبصراحه نبهتم كذا مره على وجود الاخطاء لكن التخلف والكسل مشكلة هذه الإدارة نحتاج ناس تطلع على ريولها وتسوي مسح على كل الفرجان والمناطق فيما يخص المطبات المخالفة,,

بالنسبة للخرجي اللي صرح بقضية عدم مخالفة مواقف الأبراج العشوائية لعدم توفرها، هل فعلا في قانون ينص على هالشي وتم نشره بالصحيفه الرسميه..؟ اللي يتخالف هناك يقدر يعترض ويشيل مخالفته بهالحالة بدعوى ماتم نشره وتداوله لدى العامة.
حسن
16-09-2013, 10:29 PM
عندي مشكله مخالفتين ورا بعض

بكره عندهم انشاء الله بتنشال
أسد الجزيرة
16-09-2013, 10:59 PM
سبب المطبات انه في ثلاث مدارس في المنطقة المدرسة الفرنسية و اللبنانية و الدولية و في بنت اندعمت عمرها خمس سنين و ماتت و من عقبها حطو المطبات

بخصوص السيارات بس في الصباح و سيارات موظفين المدارس
bus3od
16-09-2013, 11:29 PM
سبب المطبات انه في ثلاث مدارس في المنطقة المدرسة الفرنسية و اللبنانية و الدولية و في بنت اندعمت عمرها خمس سنين و ماتت و من عقبها حطو المطبات

بخصوص السيارات بس في الصباح و سيارات موظفين المدارس

و السيارات اللي بين الأبراج مب سيارات موظفين الدوله ؟
لا ترقع لهم
إذا بيطبقون المخالفات يطبقونها عالكل و المسافة مب بعيده بين الأبراج و هالمدرسه يعني الدورية اللي بتمر بين الأبراج تمر عالمدرسه اللبنانية و هي معوده

أطالب بتواجد دوريه قدام هالمدرسه و لان الشارع المذكور يتعرقل فيه السير بسبب المخالفات
النواخذة
17-09-2013, 03:12 AM
عنزت الفريج تحب التيس الغريب
w.qatar
17-09-2013, 07:26 AM
ارسل للداخليه ملاحظه عن طريق حسابهم في تويتر مره اشتكيت بنفس الطريقه جات دورية و شفتها تخالف السيارت
khalid Qtr
17-09-2013, 07:29 AM
ما عندي اي تشكيك في أفراد دوريات المرور انهم يخالفون الجميع دون استثناء ، ولكن للامانة ملاحظ شي وخاصة في اماكن الازدحام 80% من اللي يتجاوزون على اليمين واضح من سياراتهم انهم غير قطريين ، وبعدين يجيك يقولك القطري مستهتر ويخالف!!
يا رجال من الوقاحة امس سواق باص تاتا عند جسر الدحيل يتجاوز على اليمين ويسقط قدام الناس !!
اتمنى ان ادارة المرور تشدد على موضوع التجاوز على اليمين وتجد حلول جذرية له اما بتركيب كاميرات او بتقسيم المواقف الجانبية للشوارع بحواجز بحيث انها تكفي فقط للوقوف بها ولا تصلح لحركة السيارات فيها .. بهذه الطريقة [......../......../........./........]
مبرمج QA
17-09-2013, 11:58 AM
يا حبيبي اكييد المرور بيستثني المدرسة اللبنانيه .. يعني تتوقع بيخالفونهم !!! يمكن يحرسونهم بعد
أسد الجزيرة
17-09-2013, 01:26 PM
و السيارات اللي بين الأبراج مب سيارات موظفين الدوله ؟
لا ترقع لهم
إذا بيطبقون المخالفات يطبقونها عالكل و المسافة مب بعيده بين الأبراج و هالمدرسه يعني الدورية اللي بتمر بين الأبراج تمر عالمدرسه اللبنانية و هي معوده

أطالب بتواجد دوريه قدام هالمدرسه و لان الشارع المذكور يتعرقل فيه السير بسبب المخالفات

هذي سيارات زباين الفندق ما فيه مواقف
نسيم الغربي
17-09-2013, 01:32 PM
هذي سيارات زباين الفندق ما فيه مواقف

سلامة عمرك في مواقف بيسمنت تحت الارض فالفندق والفندق ماراح يوقف سياراتة عند مدرسة ليس لها دخل بالفندق :) وبعدين الفندق بعيد عن المدرسة