منظورتصميم مجلس مطلوب رآيكم وهل يمكن التنفيذ [الأرشيف]

مشاهدة النسخة كاملة : منظورتصميم مجلس مطلوب رآيكم وهل يمكن التنفيذ

CiTy

16-09-2013, 06:48 PM

السلام عليكم ورحمة الله
هذه الصورة عبارة عن منظور تصميم داخلي لمجلس ، المطلوب رايكم في التصميم وهل يمكن تنفيذ هذا التصميم بدون مشاكل
أنا قمت بالاتفاق مع مهندس تصميم داخلي وهذا ما نتج عنه لتصميم مجلس الفيلا
تقبلوا تحياتي

http://store2.up-00.com/Sep13/DXn46076.jpg (http://www.up-00.com/) مركز تحميل الصور (http://www.up-00.com/)

باندول

16-09-2013, 09:24 PM

الديكور الي بصورة ممتاز بلا شك لكن هناك اشكالية التحويل من التصورات الذهنية إلى الصور المادية أي تنفيذ المشروع بمعنى اخر ضعف إمكانيات التنفيذ لخرائط الديكور نتيجة ضعف الإمكانيات لمواد التصنيعية أي المواد المستخدمه في الصورة من رخام او اضاءه وخلافه فما إدراك.
فهذا العمل يعتمد على قدرة المنفذ او المهندس لمشروع ربما يظهر التصميم ارقى من الي بصورة
او ربما لاتجد من ينفذ لم الفكرة لعدم وجود الفني الماهر
اخي ان مصمم الديكور ومصصم ثري دي سهل عمله لكن المشكله في تنفيذ
فرجائي لك ولمصلحتك ان استطعت ان تجدد مصمم ديكور يصمم وينفذ التصميم كاملا على ارض الواقع
لا تردد ان تتفق معه.

معماري قطري

16-09-2013, 09:25 PM

ممكن التنفيذ .. بس أتوقع بما انه تصميم داخلي انه يكون متماشي مع الوضع الفعلي والمقاسات الفعلية.

وأتوقع فيه مواصفات لكل التشطيبات ورسومات تفصيلية.

على فكرة التصميم الداخلي مب تصور بس .. يفترض يحدد كل شيء يمشي عليه عمال التركيب ويحدد طريقة التركيب والأولويات .. وهذا لو كان التصميم عن بعد .. لكن لو عن قرب ومطلوب صراحة في العقد متابعة التنفيذ وتسعير كميات فالمفروض عمل ذلك ويكون مهندس التصميم الداخلي مسؤول عن التعاقدات مع الشركات وعن ترتيب كل شيء.

باندول

16-09-2013, 09:26 PM

CiTy

16-09-2013, 09:51 PM

الشكر موصول لكل من باندول وأخ معماري قطري
المشكلة ان مكتب التصميم الي راح يصمم وينفذ العمل لابد ان يكون داخل دولة قطر وهذا يعني سعر كبير او خارج الميزانية المحددة ، لهذا انا لجأت إلى الخارج لاختلاف الاسعار عن الداخل بشكل كبير جداً هذا التصميم لمصمم خارج الدولة يعني سوف يكون علي البحث عن منفذ ويكون ذو خبرة ومهارة ،، بالتأكيد سوف اطلب من المصمم تقديم بيانات تفصيليه بالمواصفات وما يلزم ،،،

بو الجوري

17-09-2013, 10:18 AM

الصراحه ماعجبني التصميم أو بالأحرى توزيع الكراسي

يعني حسيته صاله مب مجلس !!!!

الديكور حلو وراقي لكن توزيع الجلسه مايناسب مجلس :..

هذي وجهة نظري

السويدي 88

17-09-2013, 10:36 AM

التصميم قمة فى الروعة
و التنفيذ ان شاء الله بيكون احلي اذا استلم المشروع شخص شاطر نفذ بطريقة صحيحة
اما توزيع الكراسي حق مجلس اظن يبيله اعادة نظر
و بالتوفيق لك

عيون الدوحة

17-09-2013, 10:41 AM

تخبر مدرسة المجتمع إلى بمدينة خليفة الشمالية
تم تحويل المدرسة لمجلس كبير جداً
وأنا أمر عليه يوميا وأشوفة من الخارج أنصحك تروح تشوف التصميم شكله راقي وحلو وايد

CiTy

17-09-2013, 11:04 AM

السلام عليكم ورحمة الله
الأخ العزيز بو الجوري والسويدي 88 نعم وجهة نظركم صحيحة ان الكراسي ليست بالمستوى المطلوب وانا ادرك ذلك لان المصمم من خارج قطر ولا اظن انه يستطيع ان يضع كراسي متوفرة في السوق القطري ، في الغالب انا من سوف يقوم بهذه العملية ،، شكرا لكم

عيون الدوحة اذا توفر الوقت وكانت الشوارع خالية من الزحمة ان شاء الله سوف امر على المجلس ^_* شكرا على النصيحة ،،
وان شاء الله سوف اوافيكم بباقي المستجدات في الصالة والمطعم .
واي شخص او شركة لديه المقدرة على التنفيذ يرجى التواصل

تلفزيون قطر

17-09-2013, 11:25 AM

فالك التوفيق ياخوي والله يهنيك ولخلص إن شاء الله عطنا خبر ترى ندور مجالس نفس هالفخامه نصور فيه برامج للتلفزيون بعد موافقتك طبعا ...

تلفزيون قطر

معماري قطري

17-09-2013, 12:44 PM

:nice: سبحان الله معماري ردنا كان في نغس الوقت
ولا يعلى على ردك طول الله بعمرك

انت سبقتني بشوي

للأخ ستي صاحب الموضوع .. أتمنى لو تحط باقي الرسومات والمواصفات وشروط التعاقد لكي نستطيع أن نحكم على التصميم ككل .. مع تمنياتي لك بالتوفيق.

إن خذت كل شيء وكان فيه نقص حاول تتفق مع مكتب في قطر للتنفيذ أو مباشرة مع مقاول متخصص يقدر يسوي كل شيء.

أو عندك الحل الأخير تنسق الأعمال انت بروحك وتتنازل عن بعض الحيثيات حسب الاتفاق .. أذكر واحد اتفق مع لبناني يسوي تصميم جبس وكانت فيه منحنيات وأقواس غريبة شوي .. يقول عطاني كلام ما فيه أحلى منه وخليته ينفذ ويوم رحت الموقع تفاجأت إن الأقواس عبارة عن قطع مستقيمة مثبتة في بعض .. يقول واللبناني يقول له شو بدك ياني اعمل كيف بدي إحني قطع الكورنيش .. يقول تهاوشت معاه وقلت له لك يوم تشيل أغراضك وتطلع.

CiTy

17-09-2013, 01:06 PM

شكرا أخ معماري قطري على المتابعة
وان شاء الله لما تجهز باقي الرسومات راح انزلها . بخصوص شروط التعاقد تقدر اتقول لا يوجد شروط سوى طريقة الدفع وعدد مرات التعديل على التصميم . انا ماقدر اسند المشروع لمكتب تصميم داخل الدوحة لان اقل واحد عطاني سعر هو 80 الف ريال علما اني محدد امكان معينة فقط للتصميم وليس الفلا كاملة
المجلس والمطعم وحمام المجلس
الصالة الرئيسية والفرعية والعلوية
غرفة النساء
والمطبخ الداخلي
والغرفة الرئيسية
اما عن سعر الذي يقوم حالياً بعمل هذه التصاميم فسوف اتركه الى
وقت أخر ^_*

معماري قطري

17-09-2013, 01:26 PM

بالتوفيق لك يا اخوي

قصدت بشروط التعاقد اللي يسويها لك المكتب وتعطيها لكل مقاول .. مثلاً نفترض البيت واقف على الطابوق وبدون بلاستر وبدون تمديدات .. المصمم المفروض يحدد أعمال الكهرباء والإنارة ونقاطها وين وعددها وتفاصيلها على الرسومات .. وهذي فرضاً يسويها مختص كهرباء .. ولو افترضنا موجودة لا بد ويكون عليها تعديل أو تبقى كما هي وتتماشى مع التصميم بس يذكر شبيصير بالنسبة للإضاءَة وكيف بتترتب مثلا كلها على مفتاح واحد ولا لكل نوع خط ومفتاح خاص.

نوعية التشطيبات ويبدأ بماذا أولاً، وثانياً وثالثاً .. إلى إتمام العمل.

هذا كله بحيث انك لو تمر على مقاول معين ممكن يقول لك انه قادر يسوي الأعمال كلها وينسقها أو انت تسويها مجزأة وتسويها حسب خطة وتفاصيل ورسومات واضحة وما تتضارب شغلة والثانية وتكتشف أخطاء فادحة تخرب التصميم كله.

كثير من من يدعون انهم مصممين يشتغلون رسم حلو ثلاثي الأبعاد وبألوان وتحصلهم ما عندهم أدنى فكرة عن المواد أو يجاوبك ببساطة تقدر تركب كذا أو كذا .. والمفروض كل شيء يكون محدد كعمل كامل.

حتى التأثيث والتجهيزات تذكر بنوع الموديل والمسمى التجاري .. شفت تصميم لمطبخ حتى نوعية المغسلة وموديلها والخلاط مذكور ما يقدر يغير شيء المقاول .. وهذي كلها تجي بعدين في جداول كميات لسهولة التسعير .. المقاسات تجيك دقيقة ومذكورة لأقرب ملم في بعض الأماكن .. مثلاً الفرن نفترض يكون نوع كذا وموديل كذا ومقاسه من الكتلوج بالملم مذكور ومكان تركيبه وكيف ينقص له في الرخام هذا موضح في الرسومات.

بن غيث

17-09-2013, 01:44 PM

تصميم جميل ،،،

لكن تحتاج شركة جيدة ومميزة للتنفيذ ،
كنا نتعامل مع مهندس عراقي .. لكنه فنان
اشتغل في قصر اﻻمير من فترة طويلة وعقبها سافر .. واسعاره كانت جيده
طبعا السوق فيه مهندسين مميزين .. لكن اسعارهم ناااااار

في مهندس لبناني جيد .. اسمه جرجس
وعندك شركة ريزاني اﻻيطالية
والمهندس مازن في صباح الكويت
وفي مهندس ممتاز في شركة نشوان

وفي طبعا .. مهندسين على مستوى عالي جدا واسعارهم راح تكون فلكية .. لكن دقة وجودة
ومثل ما ذكرلك اﻻخ معماري .. العقد والمواصفات

موفق ان شاء الله

CiTy

17-09-2013, 11:35 PM

السلام عليك ورحمة الله
الشكر موصول لتلفزيون قطر والعرض المغري
بن غيث تسلم
أخوي معماري قطري أن شاء الله راح أخذ هذه الأمور في الحسبان خاصة مواقع مفاتيح الانارة والسوكتات ..
الصورة التالية المطعم الملاصق للمجلس

http://store2.up-00.com/Sep13/rMM50083.jpg (http://www.up-00.com/) مركز تحميل الصور (http://www.up-00.com/)

CiTy

27-09-2013, 04:14 PM

السلام عليكم ورحمة لله
لم اجد تعليق او اي ملاحظات علي غرفة الطعام
كنت اتمنى ان اجد لديكم بعض الملاحظات او التعليق عليها
ارفق لكم صورة للصالة الرئيسية وذلك للملاحظات والتعليق
كل التحيات لكم *_^

http://store2.up-00.com/Sep13/10d87644.jpg (http://www.up-00.com/) مركز تحميل الصور (http://www.up-00.com/)

معماري قطري

27-09-2013, 10:07 PM

تصميم مبهج ومتناسق وأحلى ما فيه وضوح الخطوط والخلفيات البيضاء .. الصالة عجبتني.

بوخالد911

27-09-2013, 11:54 PM

الديكور رووووووووووعة

ولكن طقة الكراسي
يبيلك اعادة نظر

والله الموفق

CiTy

28-09-2013, 08:43 AM

[FONT="Arial Black"][COLOR="Purple"][SIZE="5"]أخوي معماري قطري شكراً على المشاركة
نعم هناك وضوح وإضاءة في التصميم لكن لا اعرف ان كان
على الواقع سوف تكون بنفس الحدة والوضوح

بو خالد911
الكراسي في التصميم هنا فقط للاسترشاد فقط لمعرفة امكان الكراسي
والتوزيع التركيز كله على الحوائط والارضيات
شكرا لك

ارفق لكم هذه الرسمة وهى الملاحظات التي ارسلتها للمصمم
هل توافقوني على هذه الملاحظات ام لا

http://store2.up-00.com/Sep13/s0o47098.jpg (http://www.up-00.com/) [url=http://www.

معماري قطري

28-09-2013, 06:28 PM

[font="arial black"][size="5"]أخوي معماري قطري شكراً على المشاركة
نعم هناك وضوح وإضاءة في التصميم لكن لا اعرف ان كان
على الواقع سوف تكون بنفس الحدة والوضوح

بو خالد911
الكراسي في التصميم هنا فقط للاسترشاد فقط لمعرفة امكان الكراسي
والتوزيع التركيز كله على الحوائط والارضيات
شكرا لك

ارفق لكم هذه الرسمة وهى الملاحظات التي ارسلتها للمصمم
هل توافقوني على هذه الملاحظات ام لا

http://store2.up-00.com/sep13/s0o47098.jpg (http://www.up-00.com/) [url=http://www.

[color="blue"]
أتفق معاك 100% وانا قلت رأيي باستعجال وما حبيت أقول هذا المفروض كذا أو كذا .. مشكلة اللي قاعد ويشخبط شخابيط على الكمبيوتر يسوي لك شيء خيالي والمهم انه يملي فراغ وبس .. وللأسف بدون دراسة مستفيضة .. وما شاء الله انت وغيرك من أعضاء المنتدى وزواره متذوقين ومجربين وتعرفون الصعوبات ومشاكل التنفيذ.

بالنسبة للدرابزين اللي قرب الحائط انا سويته وصحيح صعب التنظيف خلفه ومستحيل تصبغ أو تركب ورق الا تشيله قبل .. بس شكله حلو وما تقبلت الشكل بدونه .. بالنسبة لك الحائط سيده وممكن تحط غرانيت أو رخام أو بورسلان أبيض اللي فيه قطع ذهبية لماعة تحدد مكان الدرابزين وممكن فوقها هاند ريل مثبت في الحايط.

السقف حلو بس بيستوي أحلى لو كانت التشكيلات المربعة فيه غير أو نوعين أو 3 من التشكيلات، ولو كانت العوارض السقفية خرسانة بتقدر تثبت قطع حديد مشغول أو ألمنيوم وفوقها قزاز محبب وانارة مخفية.

أشياء كثيرة عملية تقدر تسويها ولتنسى الروشنات تعطي جو حلو بعد.

جاني زاير ومضطر ما اكمل.

إستكمالاً لما جاء .. إن تكون الأرضية إنعكاس للسقف أشوف هذا مبدأ تصميم مستمر من زمان ويمكن ينفع مع نوعيات أرضية غير بس هنا أفضل يكون التحديد للأطراف بس والوسط سادة ولون فاتح وبدون إنعكاس للسقف فوق.

هذي النقاط المبدئية وأضيف عليها المنفذ يحتاج تفاصيل أكثر للنقوشات وتكبير لبعض التفاصيل وأحسن لو يكون 1 إلى 1 يعني تشكيلة بالحجم الطبيعي .. ومؤكد أفضل لو يتم ذكر المواد ومواصفاتها بالضبط ودرجة اللون بما انه تصميم من بعد.

شكل ما قلت لك لو حبيت تسوي كسرات في الحائط وروشنات من مواد قريبة أو مشابهة لمواد الديكور وبإنارة مدروسة بتطلع حلوة وبتكمل جمال المكان خصوصا الصالة والمجلس، وخصوصاً عندك مساحات حائط كبيرة فاضية.

باندول

28-09-2013, 10:19 PM

اسمح لي على صراحتي

اخي الكريم الصور التصميم في غايه الروعة وتنسيق وترخيم وخلافه من ديكور لا يعلى عليه ابدا ابد جميل لغايه

لكن المشكلة في التنفيذ سوف نجد هناك لعبه ابحث عن الاخطاء السبعة ولم تكن سبع بل ستكون بالعشرات

ان كان عندك في قطر شركه تنفذ نفس الديكور هذا بضبط مثل الارضيات والديكور كامل ارجوك راسلني وعطني العنوان وتلفونهم لأني في نفس المرحلة قاعد اشطب

مليون صورة في الانترنت نقدر نقلدها لكن لأسف الامكانيات بقطر من مواد مفقودة

الله يوفقك ويسهل دربك

معماري قطري

29-09-2013, 12:06 AM

الأخ باندول أي تصميم ممكن تنفيذه بسهولة بس المصمم لو ترك المنفذ بدون قيود ومواصفات وتفاصيل كاملة المنفذ طبيعي بينفذ الأسهل له وبيخربط .. ولو كان المنفذ مهتم وفنان ممكن يسوي شيء أجود وأجمل .. ولو فيه تفاصيل كافية بيسوي بالضبط اللي يقصده المصمم.

شوف التصميم ذيه بسيط وقديم وخشب مقطوع بطريقة فنية ومركب على كسرة " روشنة " طابوق مغطى بسيراميك ملون.

http://im39.gulfup.com/7pBeX.jpg (http://www.gulfup.com/?EZK9og)

باندول

29-09-2013, 12:12 AM

معماري قطري

29-09-2013, 12:20 AM

فاهم قصدك اخوي معماري
انا اقصد المواد والوانها الي بصورة صعب تحصلها ولا تقدر تركبها

هذا القصد بارك الله فيك

صح كلامك إذا ما لها تفاصيل مكتوبة وصور توضيحية مكبرة صعب تنفيذها والمنفذ ممكن يتخيلها أي شيء حسب مفهومه.

لو تلاحظ الصورة اللي حطيتها ممكن أحسن ما فيها قصة الخشب بطريقة ملتفة وبنقوشات مدروسة وواضحة ومتشابهة واحتمال ببرنامج كمبيوتر وأدوات قص خاصة .. يبقى عندك تفصيل التركيب وتركبت بمسامير في الأطراف وانصبغ فوقها والصبغ والمعجون لطخ الخشب .. والسيراميك فيه فواصل وطريقة تركيبه ما جات مناسبة .. والمفروض هذي الكسرات تكون مرتفعة جات نازلة للأرض .. بكل بساطة التصميم الداخلي يحتاج فن ومتابعة وناس مختصين يسون كل صغيرة وكبيرة ويتابعون التنفيذ كامل للنهاية.

باندول

29-09-2013, 12:28 AM

بارك الله فيك اخوي معماري هذا المقصود

بنسبه لتصميم الداخلي طبعا يعتمد على تخيل صاحب البيت
طبعا دام الشخص اختار الهيكل الخارجي لازم يكون له تخيل
لداخل البيت او فكرة
عموما اهني يكون التخيل يعتمد على المواد ان وجدت
اما بنسبه لديكور الخشب والحجر والستاير مقدور عليها لكن يبقى دور الكبير في تناسق الالوان مع بعضها

CiTy

29-09-2013, 08:22 PM

باندول

29-09-2013, 09:17 PM

الله يوفقك اخوي وان شاء الله يكون لك بيت السعد ومسكن مبارك مقدما
بتوفيق لاتردد ان تطرح مواضيع ثانيه وان كان عندك تسائل اخر لا تردد
فنقاش واختلاف الراي لابد منه
على قوله فيصل القاسم في الاتجاه المعاكس اختلاف في الرأي لايفسد للود قضية
دمت بحفظ الرحمان

معماري قطري

30-09-2013, 01:46 AM

السلام عليك ورحمة الله
اخوي معماري قطري
شكرا على الاسهاب والمتابعة سوف اخذ ملاحظاتك في عين الاعتبار وتعديل ما يلزم في حال المقدرة خاصة الروشنات
اخوي باندول وفقك الله في اعمال تشطيب البيت وسهل أمورك
هذا التصميم ليس مأخوذ من النت بل عن طريق مصمم وان شاء الله سوف يزودني بالتفاصيل والمكونات .
انا ما زلت في بداية المشروع اي في الحفار لهذا اود ان اتدارك
كل هذه الأمور منذ البداية قبل فوات التعديل ..

شكراً لكم مره أخرى

عليكم السلام ورحمة الله وبركاته

زين تسوي والله يوفقك .. ملاحظة بسيطة ما دام توك في البداية .. المربعات العميقة هذي بيكون شوي صعب تشكيلها بالجبس لكن لو هي جاهزة كأبيام خرسانة بتكون ممكن تسوي تصاميم داخلها .. لو بتسويها جبس خلها أخف شوي مب عميقة أو ركز على التصميم البسيط للسقف وممكن يكون طبقتين وكورنيش لكل طبقة .. وممكن تكون تشكيلة قبة وانارة هادية فيها .. شوف مر على موبل دزاين أعتقد .. اللي ملاصق حق محطة التيسير في طريق سلوى من جهة الشرق وشوف تشكيلة القبة الجبس شلون هناك .. وهم ممكن يسوون لك دزاين مجاناً بشرط تسويه عندهم... انت ما تخسر شيء تاخذ فكرة وهم يقدرون يسون تصاميم عجيبة بس سعرهم مؤكد بيكون غالي.

mohammad.sy

02-10-2013, 03:00 AM

لا اله الا الله محمد رسول الله

CiTy

03-10-2013, 05:00 PM

اخوي معماري قطري شكراً على ملاحظاتك وسوف اخذها في عين
الاعتبار واحيطكم بالجديد أن شاء الله ..
هذه الصورة بعد رصد الملاحظات ورفعها للمصمم
1- تعديل الارضية لتكون سهلة التطبيق من ناحية التكلفة
2- الدرج من حديد مشغول الى زجاج
وتعديلات بسيطة اخرى
http://store2.up-00.com/Sep13/NVH08733.jpg (http://www.up-00.com/) مركز تحميل الصور (http://www.up-00.com/)

معماري قطري

04-10-2013, 09:50 PM

وايد أحلى خصوصاً الأرضية .. ووايد فيه تناسق

تصدق صالة بيت الوالد قريبة من هذي الصالة بس مسوينها أبسط .. ما ادري إذا تقدر تسوي سكايلايت أو شكلك مخلص البنيان باقي التشطيب .. الباب اللي جنب الدرج يودي على الميلس صح؟ .. والصورة هذي تعتبر ماخوذه من بعد الدخول من باب الصالة.

CiTy

05-10-2013, 08:24 PM

السلام عليك ورحمة الله
الباب الي جنب الدرج هو مدخل الصالة ، الي يودي على المجلس الباب المدعوس تحت الدرج ،، وانا مازلت في الحفر ، وماعرف ايش تقصد بسكاي لايت هل تقصد صورة راسية ؟

معماري قطري

06-10-2013, 01:23 PM

سكاي لايت منور سقفي يعني .. عندك لو ما فيه شيء في سقف الصالة لو سويت منور هرمي مربع متناسب ومتناغم مع المربعات اللي في السقف بتطلع صالتك شرحة وايد ويدخلها نور الشمس من فوق... حتى 2 في 2 متر أو شوي أكثر تقدر تسويه بسهولة وبيعطيك جو حلو .. وخل القزاز شفاف بدون تعتيم.

CiTy

06-10-2013, 04:46 PM

السلام عليكم ورحمة الله

شكراً أخوي معماري قطري على التوضيح للسكاي لايت
هذه صورة لواجهة الصالة اتصور النوافذ تغني عن السكاي لايت
خاصة انها بتكون منفذ للامطار وتحتاج الى صيانة وإعادة تصميم في الإنشائي ..
http://store2.up-00.com/Sep13/0CZ66874.jpg (http://www.up-00.com/) مركز تحميل الصور (http://www.up-00.com/)

معماري قطري

06-10-2013, 07:37 PM

ما شاء الله بيتك إن شاء الله بيطلع حلو.

مشكلة الدرايش هي انها تتغطى بستاير علشان الخصوصية .. والمناور تكون مفتوحة دوم .. عندك شكلها حلو وهي متصلة للأرض بس لو مفصولة بتكسب في إنك ممكن تخلي الجزء العلوي بدون ستارة وممكن تخلي الزجاج ملون أو رملي ما يبين وراه .. قصدي مثل اللي على اليسار تقريباً .. وشيء ثاني منتبه له توني هو الإطار المنقوش باللنقشة الإسلامية .. هذي حلاتها متواصلة مب مقطعة لإنها ما تكون كاملة .. وهي عنصر الديكور المهيمن في الصالة والمفروض تكون لها وضعية مهمة .