تصوير اي مخالف وارسال المخالفه للجهات الرسميه @@@

[Qt.1]

ليش مايصدرون عندنا قانون يسمح لك بتصوير المخالف وتوثيق مخالفته سواء فيديو او صوره وارسال المخالفه عن طريق موقع معين ومخصص لهذا الغرض للجهات الرسميه لاتخاذ الااجراءات الاازمه , هالسوؤال كان في بالي من زمان واليوم قريت ان الاامارات بدت اطبق القرار , ليش مايكون عندنا نفس القانون , لان بصراحه التجاوزات كثيره والمخالفين المستهترين بالقانون بزياده كل يوم , ياريت نقدر انطبق هالشي اذا شفته خالف صور وطرش التوثيق علشان يتخذون معاه اجراء , اشوفه حل مناسب للمستهترين .

[بوحــمد]

أحس الموضوع بيصير في حقد وحساسية وبتكثر القلوب السوداء

عليك بالدعوات لهم بالغيب

[Qt.1]

أحس الموضوع بيصير في حقد وحساسية وبتكثر القلوب السوداء

عليك بالدعوات لهم بالغيب

لا ان شاء الله , مافي حد مايبي ايشوف النظام والقانون ماشي صح في ابلاده .

[يوسف0]

99% يخالفون فالشارع تجاوز من اليمين الدواوير الانتقال من الحارات بدون اشارة .... الخ

بتصير فوضى اذا تم التصوير والتربص من قبل ناس عاديين وغير عن بعض الناس الي بيضايق غيره عشان يتسبب بمخالفة و يصوره :)

[النواخذة]

بال الاحين مب سالمين من المرور كل يومين ثلاثة طكنك مخالفة بعد تبي العالم اتصور واطرش لهم وبعدين لاتلوم الناس ثرها اطفرت الدوحة صارت زحمتها لاتطاق كل مكان زحمة فيها وكل شوارع توقف السيارات وياللة ياللة تمشي والواحد ما يقول ال اللة المستعان العالم صارت توصل بيوتها العصر

[النواخذة]

ياخوي لاتدو العدوات مع الناس افرض الي مخالف شافك تصور ولا شي واللة رح يقوم البكس بينكم هههههه

[الجوكر90]

شوف الشيخ انا فكرت فيها بس اغلب التلفونات ماتطلع الرقم واضح
انا عندي الجلكسي احاول اصور المخالفين بس ساعه لين مافتح القفل وادش ع الكيمرا واصور الا بوالشباب محرك

[JN000N]

انا مع مع مع
ولو هالشي موجود جان بوووووه شكثر بصور لهم < بيكدون خير خخخخخخ
السواقه ف الدوحه صارت تشبه سواقة دولة مجاوره
وقريبا قادمون يا مصر عادي تلاقي واحد يمشي رونغ سيد

[راعي ال VXR]

شوف الشيخ انا فكرت فيها بس اغلب التلفونات ماتطلع الرقم واضح
انا عندي الجلكسي احاول اصور المخالفين بس ساعه لين مافتح القفل وادش ع الكيمرا واصور الا بوالشباب محرك

بارد هالجوال ما حبيته مررره
عليك بالايفون

واشكر راعي الموضوع مؤيد الفكره وبقوه

[دااانة قطر]

مع وبشدة

[asadfg]

فتانين

[برشلوني قطر]

فكره طيبه ومعااااك. نفس برنامج البلديه حق المخالفات

اتمنى يتطبق

[lolita.90]

انا مع مع مع
ولو هالشي موجود جان بوووووه شكثر بصور لهم < بيكدون خير خخخخخخ
السواقه ف الدوحه صارت تشبه سواقة دولة مجاوره
وقريبا قادمون يا مصر عادي تلاقي واحد يمشي رونغ سيد


no comment
the most right

المصرين بالبلبد بشكل غير طبيعي :rolleyes2:

[tawareq]

اعتقد البلديه مطبقين نظام المخالفات( رمي المخلفات من السيارة ) بالتصوير وارسال المخالفة على رقم معين

[لاجئ عاطفي]

هالاقتراح مطبق فعلا في دعايه في التلفزيون كل يوم يظهر فيها واحد يصور مخالف بجواله وعقب في ارشادات عشان اطرش الصورة بس مادري شالطريقه بالضبط ولكنها متبعه

[MAZEN37]

انا مستعد اصورك انت وموترك بطريقه تكون فيها مخالف وانت واقف بالشارع صح وتشرب كرك
انا مع تركيب كاميرات مصدقه من المرور نفسه فقط

[وليف الشوق]

قانون غير عادل صراحه ووزارتنا اكبر منها تتلقى المخالفات عن طريق اشخصاء ليست لهم صلاحيات او حتى قدرتهم تطبيق نص ومواد قانون المخالفات

[لاجئ عاطفي]

ردا على بعض الردود اللي تقول ان يمكن التصوير يكون كيدي او المخالف مايقصد ومن هالكلام .. مثل راعي هالصورة اللي لا احترم الشارع ولا الناس اللي واقفه ولا احترم نفسه حتى يستاهل مثل هالخدمه اتصوره واطرش صورته عشان يتعلم شلون يحترم الناس والشارع غصب عنه احنا في دولة نظاميه فيها قوانين مهب في غابه كلن يمشي على هواه ..
اتركم مع الصورة ..

http://im42.gulfup.com/WGrh6.jpg

[لاجئ عاطفي]

بعض الردود عجيبه يقولك قانون او تصرف غير عادل يعني الي يركب رصيف ويخالف ويكسر ممتلكات عامه ملك للدولة والشعب هذي شي عادل بنظره بس انك اتصوره واطرش صورته عشان يتعاقب ذي مب عادل؟؟ مادري البعض شلون يفكر او باي منطق يفكر

[سيمباسون]

هذا امر جيد ولاكن فيه ثغره قانونيه

ممكن يقولك تشهير لو عرف من صوره وممكن تتسبب على اللي صور مشاكل كثيره

والله ولي التوفيق

[qatar vision]

انك تصور المخالف وترسل صورته للمرور يمكن يسبب مشاكل ، خاصة لو شافك
أعتقد كاميرات مراقبة للمتجاوزين من اليمين صدق انها مكلفة لكن فعالة والدليل تجارب الدول المجاورة

[سهم عتيج]

إصدار قانون مثل هذا يعني ان الجهات المعنية مقصرة بأداء واجبها للأسف ويدل على ان هناك قصورا شديداً في الكفاءات والقيادات في تلك الجهات

خذ مثلا إداراة المرور والدوريات عندما تتقاعس عن أداء واجبها بشكل ملحوظ في حالة وقوع حوادث بسيطة ، حيث يرد عليك المحقق بان عليكم ان تتفقوا على إقرار المخطئ في الموقع ومن ثم تعالوا الى المرور إذا ماتبغون تنتظرون لساعات طويلة لعدم وجود دوريات كافية ..

السؤال هنا وين التقصير ؟؟ هل عندما نصور الحادث ونبعثه للمرور يغني عن حضور المحقق لموقع الحادث بالسرعة المطلوبة لحفظ الحقوق أم نقول ان هناك خللا واضحا في الدوريات والمرور

مثال ثاني ،، عندما تتصل البلدية عشان خدمة معينة كرش المبيدات والسحب ،، هل يتم سرعة الاستجابة لك كما لو أرسلت لهم عن طريق خدمة الآيفون لانها مراقبة عن طريق مكتب الوزير ؟؟ هل الخلل في الموظفين انفسهم أم في طريقة الرقابة من الإدارة نفسها على موظفيها !!

نعم لامانع من استخدام التكنولوجيا لمساعدة الجهات المعنية في أداء واجباتها ،، ولكن ان يتم استصدار قانون عشان تجد مثل تلك الجهات حجة بالقاء اللوم على الناس لعدم تطبيق القانون بالتبليغ عن مثل تلك المخالفات ؟؟

[توشيبا]

انا ضد لي ان هالشي بيكون فيه حقد وعنصريه

يجيج اجنبي ويقعد يتحبل لعيالنا وتحصل الف واحد من فصيلته يخالفون ولا يصورهم عادي عنده

[Qt.1]

اشكركم لردودكم جميع ، الي ايقول هذا من تخصص المرور والي ايقول مب شغلنا ترى الجهات المختصه ماتقدر اتكون متواجده في كل مكان ، وفي مثل ايقول لتبوق لتخاف والي ماشي عدل مايهمه لو ستين واحد صوره.

[khaldoon]

والله يا اخوي صورت كم واحد مخالف قبل كم شهر و حطيت الصور بالمنتدى و الاعضاء قالولي هالشي مخالف للقانون و توقفت عن الاستمرار بطرح الصور و كان الموضوع متجدد

[KHALiDiSH]

تقدر تصور وترسله على هالايميل هذا newmedia@moi.gov.qa

علماً اني عملتها من قبل وهم الي دلوني عليها.... اول مرة بعثتها لهم بتوتر لكن مثل ما قال بعض الاعضاء هذا يعتبر تشهير وممكن يقاضيك.... فوضعوا لي الايميل وبعدها مسحتها وارسلتها بالايميل

[نيساني]

ياخي انا مب مع التصوير تخيل انت اصلاً المفروض يصورونك وانت تتعبث في تلفونك !!!

تحياتي لك

[بوخالد911]

يا ريت
ولكن اشوف لو الكاميرات اللي تصور مالت المرور

[قطري 777]

مقترح لازم يوخذ بعين الا عتبار انا معه ,

[معماري قطري]

انا مره من القهر من واحد مسكر مسرب " لين " كامل علشان يدخل من يمين السيارات وقفت وسط الطريق ونزلت من سيارتي وانا مقابله صورته عينك عينك .. أرسلت صورته للمرور بس احتمال يقولون فقير مسكين خلوه لو قطري خالفوه.

أتوقع موقع وزارة الداخلية يستقبل الصور والمخالفات وممكن يبت فيها والله أعلم.

[حـ ن ـيـ ن]

ضد الإقتراح ...

من وجهة نظري الصفة غير محببة أني أصور أخطاء الناس وأرسلها ...

إذا عن مخالفات المرور والتجاوزات فيه ناس يجبرونك على هذا الشيء

تجد أمامك دنكر أو باص عمال أو سيارة عمال وأنت وراك دوام ومحاسب على

التأخير ...

لكن نعم هناك مخالفات التي تمس ديننا وعاداتنا أنا مع الوقوف عليها ومنعها

[منابر خالده]

ضد الفكرة واحس اللي يتربص بالناس شخص مايحس او ماعنده هدف في الحياه
من زين شوارع الدوحه الحين
ونفترض لو كان المخالف مع زوجته او بنته عاد نصورهم بالجوال ؟
بترضى انت
اخوي خل موضوع المخالفات لأصحاب الشأن وخل عنك اللقافه

[LED]

ضد الفكرة واحس اللي يتربص بالناس شخص مايحس او ماعنده هدف في الحياه
من زين شوارع الدوحه الحين
ونفترض لو كان المخالف مع زوجته او بنته عاد نصورهم بالجوال ؟
بترضى انت
اخوي خل موضوع المخالفات لأصحاب الشأن وخل عنك اللقافه

اروع رد فعلا كلامك في محله من يسمح لك اتصور موتر مب لك ؟

اقول مثل ما قالك خلك في حالك وفي شرطه ودوريات مب مقصرين في شغلهم انت بس خلك

سيده وروح دوامك والا بيتك وخل عنك اللقافه :telephone:

[الصغيره]

امس الصباح حوالي الساعه ثمان الا ربع جنوبي خزان بني هاجر سبرمان ذهبي فيه سائق وخادمه وطفل يمكن عمره 5 سنين الدريول بايعها لو ماستر الله لكان عمل حادث شنيع حاولت اصوره لكن من السرعه الزائده لم نستطيع مدري وش سبب سرعته لدرجه ان الخادمه والطفل من قوة السرعه يتمسكون ببعض او من الخوف

حسبي الله عليه بغى يذبحنا

[Mohammad ALG]

عزيزي

هناك نوعية كاميرات واسعة الإنتشار في روسيا ولها شعبية كبيرة وهي كاميرات ال dash cam

وهي عبارة تثبت في السيارة وتصور كل ما يراه السائق

ميزت هذه الكاميرات أنها قد تلتقط لقطات غريبة أو حتى حوادث

تنفع جدا لموضوع تصوير المخالفين كما انها مفيدة في معرفة من المخطئ او المتسبب في حادث ما

امثلة على لقطات صورتها الكاميرا http://youtu . be/6E35Lppg90k احذف المسافة

ختاما لدي معلومة (غير متأكد منها) أن المرور تقبل توثيق المخالفات من الناس عموما سواءا بصور أو بفديو أو حتى بتقرير مكتوب ..

[استقرار]

بإمكان الداخليه تنزل تطبيق في الأيفون بذلك ياليت يتم

[q6ri_vip]

انا أقول لو أتصورون أماكن اللي تكثر فيها الزحمه والضيقه اللي صايره خلال هالفتره وتطرشونها لهم ويشوفون لنا حل أفضل من تصوير أشخاص مخالفين اللي محد له حق يصورهم

[باحث علم]

وزارة البلدية مطبقين هذا عندهم من سنتين اي مخالفة نظافة او حشرات او حيوانات سائبة صور وبلغ ويردون عليك بنفس اليوم صراحة واعتقد الداخلية بعد طبقوا هذا النضام عندهم قبل شهر
شد حيلك وصور بس قانونية هذا الشي معتبرة ولا لا مادري

[ANONYMOUS]

https://twitter.com/abudhabipolice/status/380197589485756416

شرطة ابو ظبي

‏“ ‎ @AbuDhabiPolice ‏ : ثقافة قانونية.. التقاط صور الغير أو إعداد صور إلكترونية أو نقلها أو نسخها أو الاحتفاظ بها دون رضاهم يعد جريمة”


مايندرى اهنيه كيف الترتيب

[حسن]

والله عندي صوره لمخالفه لو احطها كارثه

[عاهد بن علي]

والله عندي صوره لمخالفه لو احطها كارثه

حطها يا راعي الكوارث :nice::nice:

[حسن]

حطها يا راعي الكوارث :nice::nice:


هي صورتك ياعاهد

:tease:

[طلعة الروح]

كلنا نشوف المخالفات وننقهر لما نشوفها
لكن خلوا السلطة بيد ادارة المرور ( مخالفات الطرق ) وادارة البلدية ( القاء القمامة وماشابهها ) والنيابة العامة ( جرائم أخرى)

الحل تركيب كاميرات لمراقبة الأماكن العامة والمفتوحة.
الكل عارف انه جاري تطبيق هالفكرة حاليا..

لكن في رأيي انه ممكن نعتمد قصة التصوير الشخصي لما يكون الأذى قد وقع مباشرة على واحد من المارة او الركاب او المركبات