حل عملي وسريع لانقاذ المواطنين من الزحمه.

[ابن البيطار]

كما نعرف ان عدد المواطنين لايزيد عن 20% من العدد الكلي للسكان . وهذه النسبه لاتوجد في اي مكان في العالم الا في الخليج.

ولان شوارعنا تعاني من ازدحام شديد خانق لاذنب للمواطن فيها الا ان الدوله مقدمه على تنميه وبناء واستحقاقات . ولان عدد سيارات المواطنين لاتتعدى 20% من عدد السيارات في الشوارع .

فأقتراحي هو اعتماد خط في كل شارع يكون فيه 3خطوط او اكثر يكون هذا الخط خاص لسيارات المواطنين سواء الخطوط الرئيسيه او عند الاشارات . ويتم تلوين هذا الشارع باللون البني مثل ماهي خطوط التكاسي والباصات في لندن . ويمنع منع بات ان يستخدم تلك الشوارع غير المواطنين ويكون هناك استكر خاص يلصق على الجامه الاماميه وعلى لوحة الارقام للتأكد ان السياره لمواطن.


الاقتراح الثاني :

تخصيص مواقف في المجمعات والمستشفيات والوزاراة والاسواق للمواطنين وعلى الاقل في كل مجمع او مستشفى او سوق 20% من المواقف . ويكون هناك استكر خاص للمواقف .

طبعا الموضوع مافيه اي عنصريه لكن اعتقد من حق المواطن ان يكون له ميزه خصوصا في وسط نعتبر فيه اقليه .

[عـ العبيدلي]

يا رجل خليعدلون الشوارع اول شي ..


تكفى لا يصبغون الخطوط لانه بيصكرون كل شارع سنتين ..

[khk]

كلششششش مافي عنصرية

[لـبـيـه]

كلششششش مافي عنصرية

صدقت والله عشان جي ولا عمرنا بنتطور باقي نقول الماي والهواء الي لنا

غير والي لغير المواطنين غير

[ابن البيطار]

وين العنصريه الله يهداكم المواطن له خط واحد بس وغيره خطين !

وبعدين الدول الي تفتخر ماعندها عنصريه نسبة مواطنينها 80% مب 20%

وبعدين ترى حتى الاقربون اولى بالمعروف

[بو الجوري]

الله يهديك بس ، ماوصلت فينـا لهالدرجه :)

[سـردال]

انا معاك اقتراحك ممتاز ..
لي متى واحنا طيبين لي متى ونقول ماعليه مقيمين ونعاملهم كضيوف عندنا
ولي رحنا بلدانهم يحاولون بكل الطرق ينصبون علينا .

بسكم طيبه ياهل قطر مع الغرب . نعم حنا دول خليج وهذيلا اهلنا وعلى العين والراس لكن غيرهم والله ما يكنون لكم الا كل شر ولا تنخدعون ورى بياض السن ترى بياضه ناب حية .

[المستقل]

تخيل!!!

http://www8.0zz0.com/2013/09/17/06/827797845.png

[عاشق العديد]

والله اقتراحـك كلش يعني ...؟


يعني تعرف لو تروح تقول هالكلام حق وزير الداخليه .. يمـكن يتهاوشش معـاك ..

[راعي ارقام]

كما نعرف ان عدد المواطنين لايزيد عن 20% من العدد الكلي للسكان . وهذه النسبه لاتوجد في اي مكان في العالم الا في الخليج.

ولان شوارعنا تعاني من ازدحام شديد خانق لاذنب للمواطن فيها الا ان الدوله مقدمه على تنميه وبناء واستحقاقات . ولان عدد سيارات المواطنين لاتتعدى 20% من عدد السيارات في الشوارع .

فأقتراحي هو اعتماد خط في كل شارع يكون فيه 3خطوط او اكثر يكون هذا الخط خاص لسيارات المواطنين سواء الخطوط الرئيسيه او عند الاشارات . ويتم تلوين هذا الشارع باللون البني مثل ماهي خطوط التكاسي والباصات في لندن . ويمنع منع بات ان يستخدم تلك الشوارع غير المواطنين ويكون هناك استكر خاص يلصق على الجامه الاماميه وعلى لوحة الارقام للتأكد ان السياره لمواطن.


الاقتراح الثاني :

تخصيص مواقف في المجمعات والمستشفيات والوزاراة والاسواق للمواطنين وعلى الاقل في كل مجمع او مستشفى او سوق 20% من المواقف . ويكون هناك استكر خاص للمواقف .

طبعا الموضوع مافيه اي عنصريه لكن اعتقد من حق المواطن ان يكون له ميزه خصوصا في وسط نعتبر فيه اقليه .





للاسف مب تفكير واحد متعلم !!

[romoz]

هذا ليس حل ، بالعكس عنصرية الارض ارض ربي ، مب لاحد دون أحد


الحل يعدلون الشوارع + يغيرون اوقات الدوام لبعض الجهات

الطلاب لهم وقت و الموظفين لهم وقت و الشركات لهم وقت

[أخت الكل]

الفكرة فيها عنصرية وتفرقه لكن ياليت تطبق مرعات لنفسياتنا اللي مو قادره تتأقلم مع الزحمة

[Bozizoo]

هههههههههه
حلوه منك على اد سنك

[السكين]

الاقتراحات التي تخدم فيها بلدك هي اقتراحات لتطوير الشوارع بحيث تستوعب المواطن والمقيم معاً .

أكثر المقيمين يعملون لحساب المواطنين ( سواقين موظفين شركات ) حتى وان كانوا تابعين للحكومة فهم لخدمة الوطن ( يعني يفيدوا ويستفيدوا )

فمن غير المنطقي بل من غير المنطقي جدااااا هذا الاقتراح العنصري البحت .

[رفيع الهامه]

هذا اللي مايخليكم تطورون



الحين الرجال عارض مقترح على الدوله ,,,, شدخل العنصريه وغيرها فيه



هذا مقترح قد يقبل وقد يرفض وتقبلوا الراي والراي الاخر

[عاشق العديد]

.. انزين هذا اقتراحـك .. انزين شرايك في اقتـراح باصات للموظفين ,؟ كل شركه توفر باصات نقـل لللموظفين لين ماينتهي الكرنيش وتكون الشوارع فقط للباصات والكل يبركن في سساحه معينـه بحيثثث انه الزحمـه ماتكوننن لهادرجـههه .؟

[حراير قطر]

.. انزين هذا اقتراحـك .. انزين شرايك في اقتـراح باصات للموظفين ,؟ كل شركه توفر باصات نقـل لللموظفين لين ماينتهي الكرنيش وتكون الشوارع فقط للباصات والكل يبركن في سساحه معينـه بحيثثث انه الزحمـه ماتكوننن لهادرجـههه .؟

نفس تفكيري :nop:

انزين واللي عندها دريول بتمر معانا والا لا :telephone:

[محمد]

الحل الاسهل .. اعتماد التعرفة والتسعيرة على الاجانب .. بدال ما كل واحد شايخ في موتره ومرته في موتر وبنته في موتر و ولده في موتر ينحكرون بموتر واحد ويحمدون ربهم بعد .. عقب ماكانوا من باص لين باص ومن قطار لقطار الحين كل واحد في بيته 3 مواتر !!!

لازم لازم لازم تطبيق تعرفة ورسوم للطرق وخصوصاً 22 فبراير .. وحتى البترول اعتقد لو يتم رفع سعره للاجانب في اول سنة و بعدها يتم تخفيضه .. يعني بالعربي الحل من المشكلة بالرسوم على الاجانب لان هذا الشي الوحيد الي يسنعهم .. اما حاليا هم (ييزهم من ييزنا) و مشاركينا بكل شي !!

[محمد]

.. انزين هذا اقتراحـك .. انزين شرايك في اقتـراح باصات للموظفين ,؟ كل شركه توفر باصات نقـل لللموظفين لين ماينتهي الكرنيش وتكون الشوارع فقط للباصات والكل يبركن في سساحه معينـه بحيثثث انه الزحمـه ماتكوننن لهادرجـههه .؟

بتصير الزحمة اكثر .. لانها بتتجه لنقطة وحده وهي ساحة التجمع .. ما سوينا شي هههههههههههههههههه

[سـردال]

اخوي أبن البيطار .. بما ان المقيمين ازعلوا وقالوا عنصرية فالحين علينا هني يقولون هل الكلام لكن تعال شوفهم في غير هل الارض الطيبة مربطة السنتهم .
المهم اقتراحك اضيف عليه تعديل بسيط مراعاتاً لمشاعر المزاحمينا الابرياء .
بأن يتم وضع مسارات سريعه ومواقف مثل ما تفضلت ومواقف خاصة تحت مسمى المسار السريع ويكون بأشتراك شهري سنوي غير ان يكون مجاني للقطريين وبمبلغ رمزي لغير القطريين ونشوف رايهم بعد اذا مب عاجبهم نخليه غير مجاني للقطريين .. طبعا اهم ما علينا راحتهم هل المقيمين .
اعتقد بان بيكون هناك عائد مادي للبلد هذا رداً على من تفضل وطلب مقترحات تخدم البلد .
وعلى ما اظن مثل هذا المقترح يخدم البلد والمواطن

[New Vision]

مفروض نفس الفكره بس ماتكون للقطرين عشان مايقولون عنصريه اتكون بفلوس يعني مجرد مرورك ياخذون تكسي مثل اندونيسيا وبعض الدول الاوروبيه

[Rider]

اقتراح رائع ومميز بس اخاف ياخوي يسون العكس كل شي للاجانب

[captin]

It's Absolutely Discrimination !
And Against The Country's Vision

[الكاسر99]

أخوي مع أحترامي لك لكن والله أشوف عيب أن يعمل بهذا

قطر تحترم كل من يعيش على أراضيها

لكن أن تخصص مسار في الشارع إلى المواطنين فقط ( فهذا ليس من شيمة شعب قطر )

وهذا ليس حل للمشكلة

الحل هو :

أنا أشوف أن الحل هو عدم أعطاء المرأه رخصة سواقه إلا في الحالات الضرورية

لأن الأن كل من هب ودب من البنات عندهم رخصة سواقة فقط للكشخة والدواره في الشوارع

إلى أخر الليل وأنا ما اخص الكل أنا أقول الأكثرية


يعني بدل ما تروح الزوجه مع زوجها في سيارة

أصبحت الزوجه في سيارة

والزوج في سيارة

والأولاد مع السايق في سيارة

هذا لكل أسره

يعني الدوله قامت مشكورة بعمل الجسور والخطوط السريعه

لكن مشكلة الزحمة تتفاقم أكثر فأكثر

وذلك بسبب كثره السيارات

والحل مثل ما قلت عدم أعطاء المرأه رخصة السواقة إلى في الحالات الضرورية

[Locale]

والدريوليه من اي صنف اهم :(

[qtr qtr]

اقتراحك في محله وممتاز وراح يريحنا من الزحمه والمواقف

وارجوا من بعض الاعضاء يحسن الفاضه ويرتقي بردوده

[الـقـاسـي]

لا بالغت يارجل ,, ماتوصل لهدرجه خط للمواطنين وخط للمقيمين حسستني داخلين مكه خط المسلمين وخط الكفار الحل غير عملي لان صعبه اصلا تسوي كنترول على الموضوع وتراقب ..

المفروض يكثرون عدد الشركات اللي تشتغل على المشاريع يعني مشروع واحد تمسكه اكثر من شركة ..

[سما الالهام]

اشدعوه اشدعوه اشدعوه !!!!!

صراحه

لا تعليق..!!!!

[سما الالهام]

مثل ما قال اخوي الكاسر ... والله عيييييييب !!

ليش هالعنصريه!!

ترى يوم لك ويوم عليك

[السامـي]

إقتراح غير مجدي في الحقيقة،ولكني أقترح:

ان يطبق نظام الأرقام الفردية والزوجية،يوم للفردي ويوم
للزوجي،على الأقل في قلب العاصمة ومحيطها.

[NBA_]

أهم شي يسؤن حل حق الزحمه , انا يكون عندي محاضرة ساعة 8 ف الجامعة ان اطلع قبلها ب ساعتين لانه نشوف زحمه غير طبيعية خاصة صوؤب الكورنيش .

وبارك الله فيكم

[توشيبا]

لو في الموضوع شيء مميز كان شاركنا وتفعلنا


بس للأسف إذا عندنا ناس تفكيرهم كذا عز الله الديره راحت فيها

ويش رأيك بعد يكون في لون خاص للسياح علي شأن مايقلون جئنا قطر وشورعها زحمه

نبغي مواضيع نرتقي فيها.

[رهج السنابك]

اوهوووه عاد


انا اقترح بما ان المواطنين صاروا شوي والبلد كلها اجانب

ان يتم تخصيص جزيره البنانا للمواطنين ونحط شويه مستشفيات ومدارس والوظايف تكون اونلاين كل مواطن يشتغل من بيته

[ولد العرب]

اوهوووه عاد


انا اقترح بما ان المواطنين صاروا شوي والبلد كلها اجانب

ان يتم تخصيص جزيره البنانا للمواطنين ونحط شويه مستشفيات ومدارس والوظايف تكون اونلاين كل مواطن يشتغل من بيته

هههههههههههههههههه حلوه جبتي العيد لي بالدوووام مت ضحك الله يرجك:anger1:

[بـن عدوان]

عليك اقتراح يالغالي هههههه

[ابن البيطار]

مشكورين لكل من علق سواء اجانب او مواطنين.

الاقتراح مثل ماقلت ماله علاقه بالعنصريه عيل معناته نطالب بمنع كاونترات المطار المخصصه لمجلس التعاون لان فيها عنصريه ونطالب بمنع الطواري المخصص للقطرين لان فيه عنصريه ونطالب بمنع مبنى الجوازات الخاص بالقطريين لان فيه عنصريه.

المواطن يعتبر اقليه في البلد والمفروض يتم مراعاته في بلاده وتذليل اي صعاب له لان هذي بلاده ماله بد منها . لكن غيره يتحمل ولايقول عنصريه ويحمدربه هني يسوق سياره في بلاده مايحصل السيكل!

[NBA_]

مشكورين لكل من علق سواء اجانب او مواطنين.

الاقتراح مثل ماقلت ماله علاقه بالعنصريه عيل معناته نطالب بمنع كاونترات المطار المخصصه لمجلس التعاون لان فيها عنصريه ونطالب بمنع الطواري المخصص للقطرين لان فيه عنصريه ونطالب بمنع مبنى الجوازات الخاص بالقطريين لان فيه عنصريه.

المواطن يعتبر اقليه في البلد والمفروض يتم مراعاته في بلاده وتذليل اي صعاب له لان هذي بلاده ماله بد منها . لكن غيره يتحمل ولايقول عنصريه ويحمدربه هني يسوق سياره في بلاده مايحصل السيكل!

حتى هذا الرد فيه عنصريه ,

يمكن هو تعب ودرس وحلل فلوسه لين جاب الموتر مو معناته انه مناك ما يحصل موتر يمكن يحصل ونص بعد بس يمكن ظروف ما تسمح له انه يشتري مناك بسبب الامن او اي ظرف اي كان

وبالتوفيق للجميع

[qatari 111]

مشكورين لكل من علق سواء اجانب او مواطنين.

الاقتراح مثل ماقلت ماله علاقه بالعنصريه عيل معناته نطالب بمنع كاونترات المطار المخصصه لمجلس التعاون لان فيها عنصريه ونطالب بمنع الطواري المخصص للقطرين لان فيه عنصريه ونطالب بمنع مبنى الجوازات الخاص بالقطريين لان فيه عنصريه.

المواطن يعتبر اقليه في البلد والمفروض يتم مراعاته في بلاده وتذليل اي صعاب له لان هذي بلاده ماله بد منها . لكن غيره يتحمل ولايقول عنصريه ويحمدربه هني يسوق سياره في بلاده مايحصل السيكل!

والله انك حشرتهم بزاويه حاده .. قالوا عنصريه

[Anas_G]

اخوي هذا حل غير عملي بغض النظر عن العنصرية

في شوارع رئيسية ومهمة لغاية الان خطين فقط هل يعقل !

السبب الاول للزحمة هو نوعية السائقين ! في زحمة مثلا على الدوار تشوف اول سيارة على الدوار تطلع بسرعه اذا كان قطري او ابن البلد او واحد واثق من قيادته بس لما تحصل هندي يتم واقف ساعه والي وراه يقعد ساعه بعد والي وراه يكون مفضي القير ويقعد ساعه يركب القير ويروح ينطر الدوار يفضى ... لو نفس كمية السيارات وكمية السكان بس السائقين كلهم قطرين او ناس تعرف تسوق بتخف نص الزحمة ... اقترح التشديد على منح الرخص للاسيوين لانهم مايعرفون يسوقون ويمسكون الخط السريع ويمشون على 80

نقطة اخرى مثلا لما تشوف حادث في الخط الهاي ويي وتكون السيارتين صافين على الجنب والدورية موجودة والمحقق واقف معاهم يحقق تحصل كل السيارات الي تمر تخفف لدرجة ان بعد شوي تحصل الهاي ويي كله موقف وفالاخير مافي ولا مسار مسكر بس الناس لما تمر تخفف علشان تشوف شسالفة ومجرد ان سيارة تخفف كل الهاي وي يوقف لانه خط سريع ... انا اقترح رفع سرعة المسار السريع يعني الخط اليسار الى 120 وهالطريقة راح تجنب الاسيوين انهم يمشون بهالخط ويسون الزحمة مالتهم تحصلهم 3 سيارات على نفس المستوى وماشين نفس السرعه ومسكرين الخط ومسوين زحمة خلهم يمشون ورا بعض على كيفهم

ايضا ادارة المرور والدوريات عندهم تشديد غير طبيعي على الوقوف في الممنوع حتى لو انت مش معرقل السير بس ماعندهم تشديد على الي يسون حادث سخيف وصغير جدا والغلطان معروف ويتم واقف ومسكر الشارع ومسوي زحمة من اول الهاي وي لاخره على رفر او صدام ويجي شرطي التحقيق بعد ساعه ونص يقوله شيل السيارة انا اعتقد ان هاي سبب رئيسي من اسباب الزحمة يعني بدل ما يجي يتخالف الي موقف سيارته غلط ونازل يشتري خبز اقل من دقيقة يخالفون هالناس الي تسبب زحمة رئيسية وكبيرة

والحل الامثل للزحمة بشكل عام توزيع السيارات يعني تحصل الناس تستخدم طريق معين ورئيسي ومهم كل يوم خل يستحدثون طريق موازي لهالطريق وانشاء اشارات ومسارات تخفف الضغط على الاماكن المهمة والرئيسية الي عليه ضغط وللاسف قرار عدم منح الرخص للعمال قرار غير مجدي وماله اي فايدة الزحمة قائمة وصلت لمراحل الانفجار وانت جاي تمنع العامل انه ياخذ رخصة ؟ هاي حل للمستوى البعيد جدا وليس حل للمشكلة

[Anas_G]

اخوي لازم تتقبل الراي الاخر انت قلت رايك والناس قالو رايهم مافي داعي تتهم الي ما وافقك الراي انهم اجانب وانهم غير قطرين اقتراحك بغض النظر عنه اذا عنصري او لا لو فكرت فيه جديا مافي امل يتطبق ابدا الموضوع غير منطقي فاذا حد ما ايد كلامك ياربت ما تتهمه انه اجنبي وتنتقد الاجانب وتقول انهم ما عندهم الا سيكل انت تقترح حل للزحمة لاتحول الموضوع لفتنه وتغلط على فئة كبيرة موجودة معنا في الممنتدى ولهم كل الاحترام والتقدير وماتقدر تقول لو كان في بلاده كان عنده سيكل الرزق من عند الله الله كاتبله يجي البلد ويشتغل ويتعب ويشتري الي يبيه ولو تبي تقول لو تقدر تقول لو انا مب قطري وين راح اكون لو انا سوري ايش راح يكون وضعي .. لو تفتح عمل الشيطان يالغالي اتمنى من الجميع التعليق بما يرضى الله وعدم التطرق الي مواضيع ممكن تسبب حساسية واهانة لناس عايشن بينا

[ام السعف]

اشدعوة وصلنا لمرحلة بمطالبة شوارع خاصة للقطريين ؟

:(

[عاشق العديد]

بتصير الزحمة اكثر .. لانها بتتجه لنقطة وحده وهي ساحة التجمع .. ما سوينا شي هههههههههههههههههه

بقولك .. شي .. اذا هاي ساحه مليانه باركنات .. وهاي ساحـه لها اكثر من بوابـه .؟ هل بتكون زحمه .؟ وبعدين زحمه تكون بمحل واحـد ولا تكون بكل شوارع قطـر ..؟؟؟

انا اكون قابضضضض خططط وعقبها اخر شي ادخل فزحمه وتخيلم عنـها قريبه من دوامي لكن هالزحمه اتخرنييييي وايـد ..

[حسن]

والله رحتو ولا جيتو اذا مافي قطارات وباصات نقل محترمه مثل الدول المتقدمه
لا تذوقون الويل

قطارات ياعاالم
ليش مايودون المؤلين في البلاد برع ويشوفون
كل جالسن في الدوحه ولا عمرهم سافرو

:)

[عاشق العديد]

نفس تفكيري :nop:

انزين واللي عندها دريول بتمر معانا والا لا :telephone:

كل الناس الي يبون يروحون الكرنيش .. يوقفون في هذا التجمع ويمنعـون الكل يدش الكرنيششش .. وخلاص اشغال تمسك الكرنيش الكامل وتخلي خط واحد حق الباصات .. منها اشغال بتخلص من طريق الكرنيش بسرعه ومنـها راح نوفر وقت على نفسسسنا كبير جدا ..

[غايه الطواش]

:omg::omg::omg:

[وليف الشوق]

اي خط اخضر واحمر وسيارة حمرة وصفرة انت وش تقول يالمثقف ؟ تكفى لايسمعوك الدول المجاورة
حتى بالشوارع عنصرية ؟

[واحد قطري]

والله انا اشوف الريال قدم مقترح مب فارضه فرض عليكم وانتوا بدال مادافعون عنهم روحوا ردوا على مواضيعهم اللي تنتقد الدوله بكل صغيره وكبيره واللي مومصدق يروح قطر ليفنج كمثال

عموما كلامي مومعناته اني اتفق مع صاحب الموضوع باقتراحه بس في حل وحطها ببالي احد الاخوان يوم قال كل اجنبي في بيته 3 سيارات واقتراحي هو واللي اشوفه عادل لنا كمواطنين هو انه اذا رب اسره عنده سياره وولده للحين مايشتغل ويبي سياره وماعنده اسره له هو من زوجه وعيال يفرضون عليه ضرايب في شراء سياره لولده مثل اي ضرايب في دول برع هني بيفكر هالمقيم ( رب الاسره) الف مره قبل لاياخذ لولده وبنته سياره ومنها بيقل عدد السيارات بالدوله
بعد قولوا عنصريه !!!!؟

[Rosso]

لا تعليق

[رهج السنابك]

الموضوع مب بس عنصرية

الموضوع لوجيك " منطق"

بالمنطق صعب ومستحيل يتطبق


احلامكم واسعة ياشعبنا الطيب

[البانوش]

الحل الوحيد الي يخفف الزحمة

تجديد دماء في اشغال والمرور.

[NBA_]

الموضوع مب بس عنصرية

الموضوع لوجيك " منطق"

بالمنطق صعب ومستحيل يتطبق


احلامكم واسعة ياشعبنا الطيب

:nice::nice::nice:

[خزامئ]

مافي غير اقول
حلال ابوه طالبوه




للي تكلمو عن العنصريه
بمانه بمانه لكل واحد فيكم
اذا رحنا حق بلاد اي واحد من المقيمين
هل بنحصل ربع الي نعطيهم
ايكد الجواب لا

[ابن البيطار]

رواتب المواطن اكثر من رواتب الاجانب = عنصريه

ادوية المواطن مجانيه ادوية الاجنبي بفلوس= عنصريه

الطالب القطري مايدفع رسوم الباص الاجنبي يدفع=عنصريه

المواطن مايدفع رسوم كهربه وماي الاجننبي يدفع= عنصريه

المواطن له معامله خاصه في المطار والجوازت والطواري والاجنبي لا=عنصريه .


الي عارض رايي بمبداء العنصريه هل توافق على الغاء الطلبات المميزات السابقه الخاصه بالمواطن حتى لانكون عنصريين وهل ترضى تتساوى مع الاجنبي في الحقوق حتى لانكون عنصريين ؟

انتظر اجابة من قال ان الاقتراح عنصري مع انه يخدم المواطن مثل غيره من الامور السابق ذكرها التي تخدم المواطن انتظر الفرق .

[حسن]

الحل الوحيد لحل هذه الزحمه وجود مسؤلين مخلصينِ

[حمد 2002]

المفروض الاجانب يسحبون عنهم السيارات ويعطونهم سياكل ، أي أي لحد ايطالعني بنظرات الاستغراب ،،

وصدقوني هالحل بيعالج مشكله الزحمه بقطر ،، واصح من الناحيه البيئيه ،،

صدقوني والا القطرين مساكين عددهم مايي 300 الف وكلهم جالسين ببيوتهم ومجالسهم ،،

لكن الاجانب منتشرين بكل مكان تلتفت يمين اتحصل اجنبي تلتفت يسار اتحصل اجنبي ، شالحلللللللللللللللللللللللل معاهم :anger1::anger1:

[ابوسعود]

السلام عليكم ورحمة الله
اخوي ابن البيطار
راي واحترم اقتراحك
ولكن من غير المنطقي ان يكون هناك طريق للمواطنين وطريق لغير المواطنين والمشكله لاتحل بمشكله اخرى

تقبل تحياتي

ابوسعود

[حسن]

المفروض الاجانب يسحبون عنهم السيارات ويعطونهم سياكل ، أي أي لحد ايطالعني بنظرات الاستغراب ،،

وصدقوني هالحل بيعالج مشكله الزحمه بقطر ،، واصح من الناحيه البيئيه ،،

صدقوني والا القطرين مساكين عددهم مايي 300 الف وكلهم جالسين ببيوتهم ومجالسهم ،،

لكن الاجانب منتشرين بكل مكان تلتفت يمين اتحصل اجنبي تلتفت يسار اتحصل اجنبي ، شالحلللللللللللللللللللللللل معاهم :anger1::anger1:

والله ياحمد سرت حبيس الجدران
من اجيب عيالي لين بكره ماطلع بيت مجلس بيت
وين نروح

[romoz]

لا ننكر ان المواطن (مقهور) و يحس ان الديرة مب ديرته من كثر المقيمين ، و لكن هذا حل ( عنصري ) و اكررها مليون مرة

على فكرة ترا انا مقهورة اكثر منكم من الاجانب ، بس من عشان زحمة الشوارع ، لا
في شي اهم من الشوارع ، فيه قيم قاعدة تتآكل ، صار منظر الوحدة اللي لابسة من غير هدوم في المولات منظر طبيعي
عدم احترام قواعد المرور في الشوارع و الواحد كأنه في حوش ابوه ، و يبتول بين المواتر و يمشي قطوع عشان يعدي الزحمة .
عدم احترام الصفوف ، سواء عند الكاشير او في الطبيب او في اي مكان ثاني



{{{ و فيه شعب كنت احبه ، بس الحين ما اطيقه ، لان غالبية اللي عندنا متخلفين و ما يحترمون الانظمة ( ودي اشيلهم من الديرة) }}}



آسفة ، يمكن طلعت برا الموضوع ، و لكن فيه اشياء مهمه لازم تتغير و قوانين صارمة لازم توضع ، عشان ترتقي الدولة و نصير في مصاف الدولة المتحضرة.

مب مكان للقطريين و مكان للاجانب

[حمد 2002]

والله ياحمد سرت حبيس الجدران
من اجيب عيالي لين بكره ماطلع بيت مجلس بيت
وين نروح

اختار يالسد ولا النصر :shy: ههه

[حسن]

اختار يالسد ولا النصر :shy: ههه

اختار المرقاب

:victory:

[النهار]

رواتب المواطن اكثر من رواتب الاجانب = عنصريه

ادوية المواطن مجانيه ادوية الاجنبي بفلوس= عنصريه

الطالب القطري مايدفع رسوم الباص الاجنبي يدفع=عنصريه

المواطن مايدفع رسوم كهربه وماي الاجننبي يدفع= عنصريه

المواطن له معامله خاصه في المطار والجوازت والطواري والاجنبي لا=عنصريه .


الي عارض رايي بمبداء العنصريه هل توافق على الغاء الطلبات المميزات السابقه الخاصه بالمواطن حتى لانكون عنصريين وهل ترضى تتساوى مع الاجنبي في الحقوق حتى لانكون عنصريين ؟

انتظر اجابة من قال ان الاقتراح عنصري مع انه يخدم المواطن مثل غيره من الامور السابق ذكرها التي تخدم المواطن انتظر الفرق .

قصدك تبي تكملها بفصل عنصري على غرار حكومة جنوب افريقيا السابقه
ايش رايك تقسم المناطق :eek5:

[قطري 777]

مافي امل تطبق المقترحات الي انت تقولهااا والكلام الي انت تقوله مب صاير في أي دوووله ولو تطبق راح ينتقد بل عنصريه ..الخ .

[ام محمد2012]

الحل الوحيد لحل هذه الزحمه وجود مسؤلين مخلصينِ
هذا الكلام الصح

[بوحارب]

اعرفك يا ابن البيطار من قبل انك منت بهين :victory:

ع العموم انا محايد بالنسبة لهذا المقترح

وأتمنى شي واحد بس توسعة الشوارع فقط :)

[تغلبية]

رأي منطقي جداً وممكن يحل أزمة وخاصة إنه مطبق في دول أخرى

وحتى بعض الأراء أشوفها منطقية ..

بس إنسانياً صعبة !

صرت Confused :rolleyes2:

خلوا المقيمين ..مقيمين هنيه بكرامتهم بلا مَن ولا أذى

دفعوهم اشتراكات

لا تزيدون البترول عليهم ..زيادته يعني زيادة أجور الخدمات بطبيعة الحال



حتى إدارياً .. ماوصلنا إلى درجة من التنظيم اللي اتخلي تطبيق المقترح نافذ على أرض الواقع بنجاح

[hma]

رواتب المواطن اكثر من رواتب الاجانب = عنصريه

ادوية المواطن مجانيه ادوية الاجنبي بفلوس= عنصريه

الطالب القطري مايدفع رسوم الباص الاجنبي يدفع=عنصريه

المواطن مايدفع رسوم كهربه وماي الاجننبي يدفع= عنصريه

المواطن له معامله خاصه في المطار والجوازت والطواري والاجنبي لا=عنصريه .


الي عارض رايي بمبداء العنصريه هل توافق على الغاء الطلبات المميزات السابقه الخاصه بالمواطن حتى لانكون عنصريين وهل ترضى تتساوى مع الاجنبي في الحقوق حتى لانكون عنصريين ؟

انتظر اجابة من قال ان الاقتراح عنصري مع انه يخدم المواطن مثل غيره من الامور السابق ذكرها التي تخدم المواطن انتظر الفرق .

انا ما حب ادخل في جدال في مثل هالمواضيع ولكن أخوي

زيادة الرواتب للقطريين فقط هذا نوع من الترفيه لان الدولة غنية ويبون المواطن يترفه وأما صارت الزيادة صارت بدون إنقاص رواتب المقيمين (يعني ما فيه أي نوع من العنصرية)

أما بالنسبة للتعليم والصحة والماي والكهرباء فالمواطن مثله مثل المقيم ولكن الدولة هي اللي تحاسب عن المواطنين (كهروماء تأخذ فلوسها من الدولة)

أما بالنسبة للجوازات فهذا النظام موجود في كل العالم لسبب وهو أن المواطنين القطريين ومواطنين دول مجلس التعاون ما يحتاجون فيزا بالتالي ماله داعي يوقف ويتعطل ويسوي زحمة وهو أموره ماشية

والدليل أما تروح أوروبا بتحصل لاين خاص للي ما يحتاجون فيزا سواء من أوروبا أو غيرها (الأمريكي مثلا).

أخوي الحل اللي تقول عنه ممتاز ولكن بعد ما تصير شوارعنا مثل دبي

والشرطة تشتغل على اللي يعرقلون السير مثل ما شغالين على الرادارات في كل متر

وإذا فيه زحمة بعدها ممكن يأخذون باقتراحك

[مكرونة]

راي كلش مب عنصري شدعوة هاي تفكيرك في الشوارع اول شي انت تشوف شوارع عدلة ولا تخطيط عدل شهور علشان يسوون شارع بو100 متر وتجي تقول تبي مسار للمواطنين احترم رايك بس من وجهة نظري للاسف تفكيرك غلط

[shadad]

الفكرة مب عنصرية وكل واحد حر برأيه اتمنى تطبيق هاي القرار بقوة. لاجل التريلات والباصات والعالم كلها تمر في مسار واحد ويخترب موتر وتصير زحمه موطبيعيه. لازم المواطن يتميز في بلده بكل شي. عقب يوم الواحد يطيح بالمستشفى تسال النيرس وين الدكتور : جاي بخط الاجانب. وين الموظف جاي بخط الاجانب.. وين راجو راعي مطعم الكيمة اللي ربعنا مطيحين عنده كل يوم الساعه 9 ..بخط الاجانب. ومع ذلك بتحصل بتاخير من ربعنا والغياب الزياده والقعده ورا المكتب وقراية الجرايد والكسل والتهرب من الدوام.

بالمرة اتمنى تطبيق المساجد الخاصه بالمواطنين..صراحه المساجد زحمه واحس اني في جنوب افريقا مرات...بقة وحر صراحه وبريستيجي ما يسمحلي ياي :shy:..ادري لا فرق بين مسلم ......بس لازم نتميز واعتقد في امريكا هاي السوالف. واتمنى تطبيق نظام الضرائب وخصوصا على الناس اللي تروح البحر. :telephone:

وفوق كذا بعد الزحمه موجوده وبتم اكثر من قبل تدري ليش ؟ لان اقتراحك راقد مع الاحترام الشديد لك:whistling:. انت مو قاعد تحل ازمه ؟ انت تبي تسوي نفسك شيخ - حتى شيوخنا ما سوولهم سيد بروحهم !- او تميز عمرك فغير عنوان الموضوع ليكون بهاي الهيئه : كيف تميز نفسك كمواطن . ويا ريت تكون الافكار sense شوي وعقلانيه لهاي الزمن اللي احنا فيه . تر في عالم تقرا مواضيعنا وتشد علينا في قطر ليفينج كل فتره وتعبت اروح وارقع هناك واسوي report of abuse .

المفترض نقل العاصمه برا الدوحه ! خلاص يا عالم الدوحه ما عاد تشيل بسكم مباني وفنادق ملزقين ببعض وباليالله تلقى باركنج وربعنا يطلعون الرصيف مرات ويتشكون من المخالفات عقب ! ما الومهم الوم اللي خل المبني على الكورنيش وما راعى موضوع المواقف ! قطر اغلبها صحرا وما عندك الا الدوحه ؟؟؟؟؟ كل ما تسال واحد يقولك ما عندك الا فيلاجيو والحي الثقافي بس لان هاي اسوء تخطيط !!. وحتى التخطيط في الدوحه صعب انك تصلحه وايد لان في مباني قديمه او جديده انبنت على التخطيط القديم . صارت زحمه وكسروا ابو الكورنيش .
انت تزيد مع كل مبنى عدد الناس اللي بتشتغل فيه. ليش ما تنقل العاصمه لمدينة ثانيه وبتستفيد من الاتي : استثمارات اكثر , بناء اكثر , تخفيف الزحمه بشكل كبير وبنفس الوقت تساعد في نمو وازدهار للمدينة الثانيه من كل المجالات. يكون هناك مبنى جوازات, مستشفى كبير , مباني حكوميه ويمكن مطار حتى... التخطيط بيكون افضل نظرا لان المنطقه كبيره ولابناء فيها من الصفر احسن من ما انك تقعد ترقع كل شوي. ويوم تجيب الاوادم هذول حق كاس العالم وين بتحطهم ؟

حط فكرة , ابتكار , حل جذري ساعد فيه نفسك وووطنك توري الاجانب وتفتخر فيه. مو افتخر قدامهم طالعوني عندي سيد بالشارع بروحي امشي فيه ؟؟؟؟؟ العالم وصلت القمر واحنا عادنا متقوقعين على بعض وطايحين في عقدة التميز اللي مالها حل.

واعذرني اخوي لو تعديت شوي بكلامي. كل الود والتقدير .

[داااايم السيف]

صراحة قويييييه اخوي ابن البيطار:tease:
أعتقد ان هناك حلول أجدى من ذلك بكثير ناهيك ان اقتراحك ليس منطقيا بتاتا
فهو اشبه بطرح قانون ينص على حظر تجوال الاجانب وقت الذروة
اتمنى ايجاد حلول منطقية للحد من الزحمة خاصة مع حلول شهر اكتوبر الذي سيتخلله فترة اضافية على طلاب المدارس

[بوجاااااسم]

بما أن الإقتراح بالمنطق والعقل
لا مجال لتطبيقه على أرض الواقع
وبما أن الموضوع سيثير حفيظة البعض
وهم أخواننا المقيميين العرب ( اللي ربينا وكبرنا ولعبنا ودرسنا معاهم)
لذلك أرى الموضوع لم يكن له أي داعي
لو هالموضوع ينحط في مواقع يدخلها هنود وفلبينيين كان قلت هانت
لكن جرح أخوة لنا بهذه الطريقة غير مقبول
أتمنى أن تأخذ رأيي أخوي إبن البيطار بصدر رحب
أنت تعرف رأيي فيك ومعزتك الغاليه فقلبي ...

[مشلاقي]

مع احترامي الشديد للجميع هذه افكار شاذه عن المنطق وليس لها في العقل مكان المواطن على عيني وراسي ولكن الاجنبي ساهم بشكل كبير وكبير جدا في عمار الدوله وليس من الانصاف معاملتهم بهذه الافكار مع احترامي لك اذهب في جوله في شوارع البلد التي تحت التجديد لن تجد مواطن يعمل في هذه المواقع وجميع العمال من الاجانب فهل يكون الشكر بهذه الطريقه
(وانا من باب الدعابه اقترح ان تكون خدمة طيران الهلوكبتر للمواطن علشان خير شر ما يختلط بالاجنبي)
مشكلة الزحمه تزول فقط بالتنظيم من جميع الاتجاهات
توسيع الشوارع
تنظيم سير الشاحنات وتنظيم اوقاتهم
كما ان المرور يخالف على السرعه يجب ايضا ان يخالف على من يسير بسرعه اقل في شوارع مفتوحه مسبب ارباك للمركبات خلفه
اعادة برمجة اوقات الاشارات الضوئيه

هذه بعض المقترحات التي ممكن ان تفيد في حل موضوع الزحمه

وارجوا المعذره

[غير البشر]

صدقت والله عشان جي ولا عمرنا بنتطور باقي نقول الماي والهواء الي لنا

غير والي لغير المواطنين غير


الافضل وبدون عنصرية في اقتراحين
بصفه عامه بالنسبه لجميع الشوارع

1- الشوارع الرئيسيه يكون فيها نظام سالك
الي يدفع يدخل هالشارع والي مايدفع يروح للخطوط الاخرى

2- بالنسبه للمواقف
النظام في سويسرا للمواقف لونين للخط

خط ازرق للسيارات السويسريه للي دافعين رسوم المواقف وقت تجديد الاستماره
الخط الاخر للسيارات الاخرى بدون رسوم

[@north_star@]

اسمحلي اخوي موضوعك هو العنصرية بحد ذاتها

[ابن البيطار]

نقطه ثانيه لاحظوا انا قلت خطين للاجانب وخط للمواطنين يعني بعد الاجانب لهم الافضليه بخطين سير مقابل خط واحد.

المواطن يمثل اقل من 20% من عدد السكان تخيلوا مقابل مواطن هناك 8اشخاص . اذا المواطن له حق في بلده ان يكون له افضليه . لا اجد عنصريه ابدا مع احترامي لكل الاراء فيها مبالغه ومثل ماقلت هناك اماكن كثيره للمواطن فيها معامله خاصه فلماذا لايكون له في الطريق والمواقف معامله خاصه وهو صاحب الارض.

[مشلاقي]

سؤال برئ فقط لو في حالة تطبق اقتراحك وحصل حادث حتى لو بسيط في خط سير المواطن في هاي الحاله راح تحتاج لخط سير الاجنبي والعكس صحيح

يعني انا اشوف انه الاثنين مكملين بعض ولا يمكن استغناء طرف عن طرف لانها هكذا الحياة تسير

[الدوحه1]

هل الشوراع الحاليه قادره على استيعاب 500 ألف سياره(والعدد في ازدياد)؟؟؟
الجواب لا لا لا.....
اذن الحل هو ايجاد طريقه لتخفيض عدد السيارات!!!

[الزعفراني]

الحل من وجهة نظري بسيط .. هو ادارة تنظيم حركة السيارات في الزحمة ..

نعرف ان اللي ينظم الحركة رجال لخويا والمرور وطبعا المشكلة التنظيم يكون غير منصف في بعض الشوارع والمسارات نتيجة للضغط عليها من قبل المستخدمين .. ولذلك تتقلص الفرص وما يكون فيها انصاف في انسيابية حركة السيارات ..

اقترح وجود طائرة هليكوبتر او اكثر لمراقبة جوية لحركة السيارات وتحديد مسارات الازدحام ورسم خارطة لهذه المسارات وتصويرها بالفيديو .. ومن ثم يتم عرض هذه الخارطة على رجال لخويا المعنيين بتسيير وتسهيل حركة السيارات عند الدورات والاشارات ..

ويتم الاتفاق على توقيت محدد لمنح فرصة لحركة مسارات دون أخرى حسب الضغط الحاصل على هذه المسارات ..

[طرف محايد]

المشكلة ما لها علاقة بالعنصرية


تدرون وين المشكلة؟



المشكلة ان الخط الي بيكون للقطريين بيكون مميز

له كل الامتيازات في الدولة

ماراح ينكرف مثل الخطوط الباقية

والصيانة عليه دايما




لكن الخطوط المخصصة للأجانب بتكون مهمشة

ومالها أي حقوق

وظروفها صعبة

خصوصا في الحر




وبسبب هالتفرقة بينهم

والأهم من هذا كله

أن ولائها بيكون لغير الوطن !!!

[tameem1]

اقول لا ما في عنصرية ابدا
وهناك حلول توسيع الطرق الالتزام من الجميع بالمسارات وعدم التجاوز عن اليمين وغيرها تسبب الزحمة
وتعديل بعض اوقات الدوم او تقسيم العمل على فترتين حتى المدارس
وطبعا توزيع ادارة الدولة في عدة مناطق ويفضل الاسراع في عملية القطار حتى تخف الزحمة خصوصا اثناء الدوام
وشكرا للجميع

[مستر راشد]

هههههههههههه

[طلعة الروح]

اقتراحك مرفوض

الحين احنا خطين و3 خطوط واربع
ومانسلم من فلاشات القطري ودرعمته
تبيه يمشي ورانا طول الخط بتجيه حاله
هيستيريه ويمكن يضرب أخماس في أسداس...

بصراحه اقتراحك غير عملي وماله داعي...

[برشلوني قطر]

ممكن يكون ف خط ثاني سريع برسوم

نفس بعض الدول

[مرحوم قطر]

بل


صراحه انا معروف عني بين ربعي ان قمه في العنصريه

و ماداني شي اسمه اجنبي


و في ناس تسميني هتلر لاني اعتبر ان الخليجي انسان سامي


و هذي شي في نفسي و احاول اغيره


بس صراحه مثل هلاقتراح مادري احس ان شوي و بتقول بدل ما يلونون الشارع

يكتبون عليه طريق شعب الله المختار



صراحه و بدون زعل قوييييييييييييييييييييييييييه

[مرحوم قطر]

انا اقتراحي لحل مشكلة الشوارع

يطلبون جسور تركيب الي تركب خلال اسبوع


و يركبونها فوق الدواوير و الاشارات بحيث انها تغطي المسار المعروف بازدحامه

على سبيل المثال خط خليجي 11 مادري شسمه اعتقد شارع سباير


القادم من السد الا اشارات المناصير و العكس يكون طريقهم جسور

اما الي بيطلع يمين او يسار يكون دخولهم من الاشارات


و هلشي ينطبق على كل الدواوير و الاشارات

و ابكذا بتقل نسبة الازدحام الا ما يقارب 85%


و الحمدلله البلاد بخير و ترى مش مكلفه وايد


و بعدين اذا سوينا هلشي بنقدر نحط في التلفزيون اعلانات

ان احنى جداً متطورين و قطر اول دولة في الشرق الاوسط كنسلت الدواوير و الاشارات

و ان الازدحام في قطر صار صفر

((( ترى ما اقصد شي ولا اتطنز )))


و على فكره اخبر كان قبل 6 سنين كان في اقتراح ابهلخصوص بس للاسف ما تطبق


و في شي ثاني لازم كل شوارع قطر تضاعف و ترى مب صعبه سهله

يعني الشارع الثلاث حواري يصغرون كل حاره و يصغرون الارصفه و ممكن تصير 6 حواري


و ابكذا الزحمه الي هي في العاده كيلوا بتصير 500 متر يعني بتنخفض الزحمه الا 50%


اما اذا سوينه الطريقتين مع بعض بتنتهي مشكلة الازدحام بنسبة 100%

و لو صار تعداد سكان الدوحه 3 مليون مافي مشكله الا طبعاً مشكلة الباركات

[ابن البيطار]

بل


صراحه انا معروف عني بين ربعي ان قمه في العنصريه

و ماداني شي اسمه اجنبي


و في ناس تسميني هتلر لاني اعتبر ان الخليجي انسان سامي


و هذي شي في نفسي و احاول اغيره


بس صراحه مثل هلاقتراح مادري احس ان شوي و بتقول بدل ما يلونون الشارع

يكتبون عليه طريق شعب الله المختار



صراحه و بدون زعل قوييييييييييييييييييييييييييه

انا عكسك احب الاجانب والمقيمين واعتبرهم شركاء في بناء البلد ولهم فضل علينا مانقدر ننكره مثل ماللبلد فضل عليهم. ومثل ماقلت اقتراحي تسهيل للمواطن بدون ازعاج للاجنبي والمقيم.

[CH Engineer]

حل المشكله تكون بتوسعة الشوارع يعني خط 22 فبراير فالزحمه حاطينه خطين و3 خطوط وخط الشمال 4 خطوط!!
يضيقون الجزيرة الي بالنص ويستغلون الرصيف واطراف الشارع للتوسعة هالشارع المفروض اقل شي 6 خطوط لكل مسار
ومنطقة الابراج لو يحسبون كم موظف وكم مراجع يومي لهالمنطقة والفنادق وكل واحد يجيك بسيارة مستحيل واحد يمشي بهالزحمه اغلب البيوت بعيده وسكان الدفنه مستحيل يمشون بهالحر صدقوني هالمنطقة فيها اكبر كثافة للسيارات في العالم واحتمال لو يحسبونها بيدخلون موسوعة جينيس للارقام القياسية

[أبوفايد]

بما أن الإقتراح بالمنطق والعقل
لا مجال لتطبيقه على أرض الواقع
وبما أن الموضوع سيثير حفيظة البعض
وهم أخواننا المقيميين العرب ( اللي ربينا وكبرنا ولعبنا ودرسنا معاهم)
لذلك أرى الموضوع لم يكن له أي داعي
لو هالموضوع ينحط في مواقع يدخلها هنود وفلبينيين كان قلت هانت
لكن جرح أخوة لنا بهذه الطريقة غير مقبول
أتمنى أن تأخذ رأيي أخوي إبن البيطار بصدر رحب
أنت تعرف رأيي فيك ومعزتك الغاليه فقلبي ...




كلام من ذهب .... والاصح تغيير اوقات الدوام لكل جهه ......
تخيل معي تطبيق قرارك: مدير او صاحب الشركه مواطن يوصل بسرعه لانه ماشي على شارع المواطنين ... الموظف في شركة المواطن مقيم او على قولتك اجنبي ينتظر بالزحمه ويوصل متأخر على الدوام .... يقوله: ليش واصل متأخر بيقوله الزحمه .... المدير المواطن بيعطيه استيكر عشان يمشي في شارع المواطنين ... بعد سنتين ثلاث بتحصل كل الاجانب عندهم الستيكر :omg::omg: ...... واسطات :nice:

[MAZEN37]

صراحه ما كنت اتوقع في ناس تفكر بهذه الطريقه عموما الفكره غير عمليه مع احترامي لك وللمنتدى العظيم

[بوحارب]

صراحه ما كنت اتوقع في ناس تفكر بهذه الطريقه عموما الفكره غير عمليه مع احترامي لك وللمنتدى العظيم

المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط

[ابن البيطار]

الجميل في هذه البلد ان المقيم ولاجنبي يشعر فيها انه في بلده الى درجة ان المواطن اذا طالب بأي تمييز او ميزه في بلده وارضه تجد ان المقيم والاجنبي يعتبرها عنصريه ولا يتصور ان هناك من يفكر بهذه الطريقه .

[منابر خالده]

مالومك الظاهر من الزحمه طلعت لنا بهالموضوع الخطيير الفذ ههههههه

[MAZEN37]

اخي الكريم من حق المواطن يتميز عن المقيم في وطنه مافي خلاف لكن فكرتك انه يتميز بالشارع صعبه عمليا واتوقع بتفتح مطالب ثانيه منها تخصيص موقف للمواطن بالتبعيه وشرطة مرور خاصه واكيد سيارات خاصه ووو انا اايد ومن حق المواطن يختص بخدمات اوسع واشمل له فقط والامثله الي ذكرتها من تميز مافيها تعارض مع المصلحه للوطن والمواطن لكن بالشارع والله قويه يمكن بكره واحد يطلع يقولك اقترح تخصيص مساجد ومقابر خاصه
بالنسبه للهدف من الموضوع وهو التخفيف من زحمة السير بالشوارع اعتقد في حلول ومقترحات كثيره انشاءالله نتوصل لها بالتفكير والتعاون