الى متى !!!

[lolita.90]

السلام عليكم

طبعا كتابتي بس من القهر لانه ادري مافي شي بيتغير

طبعا انا قدمت السي في في مدرسه من هالمدارس المستقلة ..

بعد يومين اتصلت فيني وحده وقالتلي انه عندي انتر فيو ...

رحت المدرسه اول ما دشيت طبعا الرسبشن (( قطريه )) قاعده

السلام عليكم
- وعليكم السلام
تفضلي اختي
- انا اتصلو فيني عندي انتر فيو اليوم بخصوص مدرسة كمبيوتر
لا احنا ما نبي ما عندنا شواغر محد قالي
-انزين الشيخه انا دقو علي متاكده اللحين بتصل من الرقم اللي دق علي
اوكي تفضلي استريحي


طبعا دقيت على اللي دقت لي وكلمتها وقالت لها تخلني ادش على النائبه الاكاديمية
المهم بعد ثلث ساعه دشيت على النائبة اللي اهي كانت ابلتي العربي مب مهم

اول ما دخلت
تسألني على السي في وينه .. عندنا .. ولا يبتيه وياج ..
نو كوميييينت :rolleyes2:
وبعدين
تسألني عن خبرتي وشهادتي وتخصص دراستي
ثلاث اسأله

شنو دارسة .. أشتغلتي قبل ولا لا ... من اي جامعة تخرجتي ..


:omen2::omen2::omen2::omen2::omen2::omen2::omen2:: omen2:


يعني اول شي ابي اعرف الرسبشن مالت الاستقبال شنو وظيفتها
مب المفروض الادارة يخبرونها لو في احد طالبينه .. او ع الاقل في حالات هالشكل
شلون تتصرف ..

والنائبه الاكاديميه ..

منصب محترم .. المفروض ذات تعليم عالي .. المفروض تعرف شنو يعني انتر فيو ..
يعني ماعرف شلوون داشه مب شايفه السي في مالي .. شنو يعني متصلين عشان اجي المدرسه تسألوني أشياء مكتوبه بالسي في .. شنو يعني بتسوين مقابله مع وحده ما شفتي
اوراقها ... وليش انتي اللي تسوين الانتر فيو ..


يعني جد منه وعليه العوض

استهتار .. مافي مسؤولية ... مافي خطه ... مافي مستوى ... :weeping:

تحياتي وأسفي

لـ|ولـ|و

[أم نواري1]

كان الله في عونج
لو لج رزق بتاخذينه

[برشلوني قطر]

الحين بيشوفون مضوعج وبيقولون من الحين تتشكى

وبتروح عليج الوظيفه ههههههه

وسعي صدرج اختي

[ضوى]

بجد حاسة بقهرج . لما اسوي مقابلة مع احد اكون مفصفصة السي في من قلب والاسئلة اللي اسألها تكون خاصة بالسي فيه يعني تفاصيل اكثر مب اسالها انتي خريجة شنو والا سنة كم ،

ذكرتيني باطباء الطواري ، يطلعون ملفج ولا يقرا ولا حرف فيه يسالج عندج حساسية من دوا معين !!

لا تعليق

[lolita.90]

هههههههههههههههههههه

ترى والله مب سائلة في الوظيفه

مثل ما قال اخوي بو نوره 1 .. انا رزقي مكتوب وباخذه وين ما كان ...

انا قهري على الاسلوب وع الوضع .. طبعا ملينا من الشكاوي ع المدارس ولا يتغير شي ..
بعد انبطت جبدي شفت مدرسة .. يعني ماعرف شلون مخلينها للحين مدرسة .. المفروض يخافون على بناتهم الاهالي بهالمدارس ..
الله كريم ..

و نـورتـو ..

[lolita.90]

بجد حاسة بقهرج . لما اسوي مقابلة مع احد اكون مفصفصة السي في من قلب والاسئلة اللي اسألها تكون خاصة بالسي فيه يعني تفاصيل اكثر مب اسالها انتي خريجة شنو والا سنة كم ،

ذكرتيني باطباء الطواري ، يطلعون ملفج ولا يقرا ولا حرف فيه يسالج عندج حساسية من دوا معين !!

لا تعليق

صدقتي اختي هههههه

اشكرج ..

[أم محمد 90]

< صحيح كلامك اخوي برشلوني

معليه اختي طولي بالج عادي امور تصير
انا قبل لا اتوظف ف دوامي الحالي سويت 9 مقابلات وفي مقابلات حلوة وسلسلة
وفي مقابلات اتعبوني ولتهوني ع الفاضي
الله يكتب لج الي فيه الخير

[lolita.90]

يسلمو اختي ام محمد .. اي اكيد انا بعد رحت مقابلات .. انا استانست فيها ..