حشرااات صغيرة متطايرة لعوزتني في غرفتي

[الماريّة]

بسم الله الرحيم الرحمن

اخواني / اخواتي

مشكلتي لعوووووزتني حشرات صغيرة لونها بني واطير

فجأه لقيتها بغرفتي من كم يوم ونظفت الغرفه وقلبت السرير فوق تحت وغيرت الشراشف

ومازلت تطلع لي

وفي الاخير عرفت ان السبب من الموكيت نفسه لما جبت نظارتي :secret: وقعدت اطالع السجاد

لقيتهم معششييييييين في زغبر السجاد داااااااااخل

تلعوووووووزت معاها لاول مره احط سجاد وتحته اللباد والباركيه السفنج الي فيه المنيوم واشك انه هو السبب :anger1:

واظنه هو السبب لان قبل استخدم موكيتات واتم عندي سنين طووويلة ولا عمري اشتكيت من الحشرات

وهالمره لما حطيت هالشي طلعت لي الحشرات


لعووووزتني كرهت غرفة نومي وافكر اغيرها واحط سيراميك مع اني ماحب السيراميك لانه يبرد وانا انسسسسسانه ماحب البرد كلش


المهم حطيت لهم كرات النفثالين ورشيت فوق الموكيت بودره ريحان قريت هالمعلومه في النت ومافيه فااااايدة


مع العلم ان البيت بكبره ماصاده شي بس غرفتي الوحييييييييدة الي صابها هالشي
والغرفه يوميا اتنظف تنظيف كامل و ابخرها بعد يوميا انا من النوع الي البخور شغال على طول بغرفتي

قوووولوا لي ايش ممكن تكون الطريقة ؟

الموكيت توه جديد وماصار له اشششهر :weeping:
/

اختكم لافام فاتال

[w.qatar]

فيه جهاز في الجمعيه صوب المبيدات الحشريه يتوصل على الكهرباء و فيه سائل بف باف سائل بعبوه موصله فيه

انا جربتها للباعوض طريقتها انج تسكرين الليت و الستاير و تشغلينه و تطلعين من الغرفه و تقفلينها

الظلام بيجذب الحشرات خلال يومين ان شاء الله بتنظف

و حاولي تغيرين الزوليه و تشيلين الباركيه احسن شي تسوين سيراميك مره ثانيه و تفرشين فوقه


http://content.logta.com/78e9f581-5ccb-4ddb-aff8-7733e0f062df.jpg

[كازانوفا]

رشي عليه مثل ما تفضلت الاخت اللى علقت اول وحده

[JN000N]

اذا السبب منه خلاص شيليه
بس بعد تنظيف الغرفه ويمسحون بالديتول وبعذ تحكرينها بشبة وسويده لان تعقم الجو مب بخور ويمكن ينفع معاهم
اول شي فلتي ف الغرفه وحكريهم طفي الليت وصكي الباب عقب بطلي الغرفه وحكريها بشبه وسويده وعقب يمششون وينظفون بديتول واخر شي تحطين البودره وهالسوالف
جذي اتوقع بيقضي على ٩٩.٩٪ من الجراثيم خخخخخخ < :shy:
لا بس صج جربي هالحركه ولو مانفع خلاص شيليه هم معششين فيه

[ضوى]

اعذريني اختي الكريمة اذا قلت لج ولا شي بينفع معاهم

لازم ولا بد تغيرين السجاد بالكامل وتشيلين الباركيه لانه سبب رطوبة تحته وهالسبب اللي طلع لج الحشرات

لاتتعبين وايد بالرش الحل التغير وبس

[بو الجوري]

تقريبا نفس اللي يطلعون عندي فالصاله ، مع إنه ماعندي إلا قطعه صغيره سجاد :..

http://www.cheesebuerger.de/images/midi/boese/a054.gif

مللوني :(

[قطريه22]

هذي نفس حالتي صارلي كم شهر اعاني منها وماخليت شيء ماسويته واخرتها اكتشفت ان هالحشرات طالعه من اغراض كنت شاريتها من الحواي

شوفي اذا عندج حنه والا هالاشياء الي تنشرى من الحواي موجوده شيكي عليها بتلاقينهم طالعين منها..

[ضوى]

بو الجوري تقصد اللي نفس الفراش والا زي الخنفسة اللي ظهرها صلب صغيرة كلش؟

[الماريّة]

:telephone: برجع لكم عنددددددددددي ضغط شغل الحين

[حسن]

حلقى راس الخدامه وبتفتكين من هل الحشرات

[jassim69]

[اقري المعوذات في ماي ونثرية في الغرفه

[بو الجوري]

بو الجوري تقصد اللي نفس الفراش والا زي الخنفسة اللي ظهرها صلب صغيرة كلش؟

نفس الفراش


بس توني تذكرت إنه من كم يوم ماشفتهم ههههه

تذكرت إني من كم يوم منظف البانتري وقاط كذا شغله

[رمح الضعاين]

انا لو طلع في بيتي هالكلام احرق البيت بالي فيه اشلون مستحملين هالحشرات



اخوكم

[توشيبا]

عندي نفس وحجم كرت البسبول أشبكه في الكهرباء أي فأر وأي حشره معاد تدخل البيت

في العزبه جرد كبر القطو شفته من بعيد وكانت معي في السياره أول ماشغلتها تشنج علي بالي ضربه شلل رحمته وفصلت عنها الكهرباء

ماعرف وين يبعونها بس مأخذها من الصين ومأخذ كميه بسيطه ماتوقعت أن فيها فأيده كذا

[طموحي عالي]

جيبي بودره بف وكتيها فوقهم وعقب ساعه خمي
او جيبي المكينه اللي تنظف بالماي والصابون

[بزنس كاتس]

وي نفس معاناتي!! بنتف شعري لوعوا جبدي كرهوني في حياتي في كلللل شي يدشووووون ~.~ محتلين المطبخ مع اني قطيت كل شي يتكون فيه لكن مع ذلك موجودين ! ماعرف شالحل وياهم )؛
تاكدت ان كل شي يطلع منه قطيته ، لا وفوق هاي طبوا في حجرتي مادري شلون دشوا حجرتي )؛
هاي وفي بيبي فالطريج اخاف يدش شي في اذنه او خشمه ): :weeping:
(هي نفسها مثل الخنفسانة لونها بني محمر اتطير وتدش في اي شي حتى لو ماتاكله حتى الشموع اتطب عليها وتموت عليها ): وفي اللي ظهرها مغبر هاي يمكن الجدة /-:

حد ينقذني .:>.<:.

[Doha6]

بيتنا سارله 10 سنين ولا اشتكينا منه في الحشرات

لنه نكلم شركه كل 6 شهور تقريبن ترش البيت من داخل وبرا عن الحشرات

والحمدلله مافي اي مشكله

[Aaziz]

انصح باستخدام المبيدات ( البودرة) و المبيدات الي عباره عن بخاخ ( رذاذ ) الي يكون مثل البخاخ الازرق المخصص لتنظيف الزجاج .

حاولي تدورين غرفه ثانيه تباتين فيها ليله .. و فظي غرفتج من الشراشف و الادوات الشخصيه و ماشابه .

و رشي البودره على السجاد في الغرفه كامله .. و انتظري عليها ساعه و بعدين غرقي سجاد الغرفه بالبخاخ الي بيكون عباره عن رذاذ او قطرات سائله تتغلغل في السجاد .
و سكري باب الغرفه بدون مكيف و خليها يوم مسكره .. و ثاني يوم جيبي مكنسه كهربائيه قويه و خمي الغرفه عدل و امسحي الاسطح مثل التسريحه و الكمدينو .. و ان شاءالله تنتهي المشاكله .

البف باف و البخاخات هذي تبخص رذاذ صغير غازي متطاير في الجو ماتنفع لانها مصممه لقتل الحشرات الطائره و انتي تبين تقتلين شي معشش في السجاده

[ذكي جدااا]

اذا بتستخدمون المبيدات لاتنسوون الاقنعه الواقيه من الغازات ولا بيرجع عليكم. امززززح
الله يعينكم

[00soma00]

حلقى راس الخدامه وبتفتكين من هل الحشرات

رد بعيد كل البعد عن الانسانية

وفرضا ماكان السبب من الخدامة

اسمح لى حسن انا دائما احس بقسوة قلب فى بعض ردودك

مااعرف ليش

اكيد مجال عملك فيه شىء من الشدة والصلابة


مع انى لاحظت ان مجال عملك تقريبا مرتبط بالبحر

والغريب ان البحر مايقسى القلب

لذلك مااعرف السبب

[قطري 777]

رد بعيد كل البعد عن الانسانية

وفرضا ماكان السبب من الخدامة

اسمح لى حسن انا دائما احس بقسوة قلب فى بعض ردودك

مااعرف ليش

اكيد مجال عملك فيه شىء من الشدة والصلابة


مع انى لاحظت ان مجال عملك تقريبا مرتبط بالبحر

والغريب ان البحر مايقسى القلب

لذلك مااعرف السبب
اسمحيلي يلغاليه انا اخالفج الصراحه .....ابو علي قلبه مب قاسي ولا حاجه بس اسلوب الشباب فيه دفاشه شوووي مب نفسكم يحلوين ...

[مساهم فنان]

الحل كالتالي :
1-اتصلوا بالبلدية ويرشون مبيدات خاصة بهذه الحشرات. 2- إذا لم تستفيدوا من رش المبيدات ، فربما أحد أصاب غرفتكم بالعين فعليكم بقراءة القرآن ورشه في أرجاء الغرفة.

[أخت الكل]

ردي اقشعي الموكيت وطلعيه بالشمس وبيموتون

هذا كله من سؤ التخزين او من بلد المنشأ

اذكر يوم مشكلتنا مع البق ما خلينا شركه ما جربناها وما خلينا شي ما سويناه

وآخرتها شغاله بيت جيرانا أثيوبيه قالت لنا فككوا الغرفه وطلعوها بالشمس وكامل الاثاث

وعلى طول انتهت المشكله

[مرحوم قطر]

هلا ذي باعوض ضغير يطلع مع الرطوبه

اكيد في ماي مكتوت و لا الزوليه مرطبه


الحل بسيط دخني الغرفه ابشبه و امورج طيبه باذن الله

[monatee]

عندج حلين

يا تشيلين الزوليه وتقطينها بالشمس ويمكن تنحل المشكله

يا تشيلينها و تحرقينها واكيد بتنحل المشكله

[الماريّة]

مشكوووووووووورين كلكم على ردودكم ومساعدتكم

واسمحوا لي على التاخير بالرد


انا سويت كذا طريقة كلمت االبلدية ورشوا البيت كامل ومافيه فايده لحين تطلع لي في غرفتي بالذات

شليت السرير والملاحف ولا لقيت فيهم شي

وللحين اعاني من هالحشرات

استعملت المبيدات الحشرية الي بالكهرب بف باف وريد ولا فيه فايده

الحل الاخير بشل الموكيت وبحط سراميك واذا ضلوا موجودين بشيل ورق الجدران

والله المستعان


للعلم نوع الحشرة

صغيره سودا واطير وبعضها لونه مغبر رمادي وصغار

وتتواجد اكثر شي عند لليتات الغرفه وماتطلع الا في الليل

يعني ادش الغرفه النهار ولا حشرة اشوف


وبخصوص القران

غرفتي والله العظيم فيها رادو شغال 24 ساعه على اذاعه القران فما مااعتقد انها عين

تعععععععبت مب عارفه شنهي هالحشرة والا من ايش تطلع:weeping:

كرهههههههههتني بغرفتي صرت انام في غرفه ثانية من الخوف


واذا حصلت وقت صورتها لكم

واشكر الجمييييييييييييييييييع على تفاعلهم :victory:

[R 7 A L]

دامها ما أذتك
اتركيها في حالها

[shadad]

ردي اقشعي الموكيت وطلعيه بالشمس وبيموتون

هذا كله من سؤ التخزين او من بلد المنشأ

اذكر يوم مشكلتنا مع البق ما خلينا شركه ما جربناها وما خلينا شي ما سويناه

وآخرتها شغاله بيت جيرانا أثيوبيه قالت لنا فككوا الغرفه وطلعوها بالشمس وكامل الاثاث

وعلى طول انتهت المشكله


كلام صحيح . جربناها والوحيده اللي نفعت !

لا فام اعتقد اول خطواتك تخلصي من الاثاث القديم..خففي الغرفه قدر الامكان. هاي الحشرات اغلبها تنخش ورا الكبت في الزوايا وغيرها فصعب حتى المبيد يبيدها. وبطلي دريشة غرفتك قدر الامكان خلي الشمس تدخل وايد .

وحطي اللي هذول الحبوب اللي لونهم ابيض نسيت اسمهم هههههه لانهم من النوع الطارد كلش .

[عاشق العديد]

تعرفين التيزااااب هو الحل الوحيـد لجميع القوراض والحشرات وحتى القمل الي يطلع بشعر اليهـال انصحج بالتيزاااب انشريه في غرفتج وفرفششششيه وانثريه وخليه يتطاطير فالغرفه واعطيج يوم والحشرات تقولج تكفين خلاص ارحمينا ..

[OM_OMAR_QATAR]

ماينفع مضاد الحشرات يقضي عليها بس ما يقضي ع المسبب

اكو شركات متخصصة بالسجاد والحشرات .. وهالمعالجات
يمكن ينفعوك وتلقاهم بالوسيط ..

او مثل ماقالت اختي ضوى غير وافتك

[RAGA]

بالتوفيق