المجلـــس الاعلـــى و مدارس الليلي

[كلاسيك قطر]

السلام عليكم ورحمه الله وبركاته

اخواني واخواتي اليوم الصبح قلت اتصل المجلس الاعلى ابي استفسر عن المدارس ليلي ونهاري

لاني كنت ابي اقرب مدرسه لي المهم اتصلت قالولي عندك في عين خالد قلت مو مشكله
قلته شنو المطلوب مني اني اروح اقدم قالولي شهاده النتيجه القبليه وصورتين من بطاقه الشخصيه هاي اوكي وانا انصدمت في شي قالولي لازم اتوديلهم (( سند الملكيه ))
قلت الحين اشدخل سند الملكيه في موضوع المدرسه

انا قبل سنه بدون سند الملكيه وله اي شي والحين يبون سند الملكيه

مادري شنو الحل ممعاهم وانا مب دارس صباحي انا ابي ادرس ليلي

[شروووق]

التعليم صاير خربطه ود السند مو خسران واذا ماعندك ود وصل من صاحب اﻻجار اتذكر كان لطﻻب المدارس يسون كذا المفروض يكون في المساله ديمقراطيه يعنى يدخل الشخص المدرسه الى يبيها ويميل لها ويرتاح لها نفسيا بس انا اسمع ديمقراطيه بس ماشوف اﻻدكتاتوريه يابلفيت تنظيم وهو خرطى

[كلاسيك قطر]

المفروض يكون في المساله ديمقراطيه يعنى يدخل الشخص المدرسه الى يبيها ويميل لها ويرتاح لها نفسيا


جذي اوكي طال عمرج

بس شنو سوي

[نمر بن عدوان]

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

[كلاسيك قطر]

نبي ردود ياشباب

[المستعصم بالله]

أخي تأكد فالظاهر هناك سوء فهم حصل ، فالمستندات المطلوبة للتسجيل موجودة على موقع المجلس وليس من بينها ماذكرت

وفقك الله ويسر أمرك

[vip-30003]

اللي قال سند ملكيه غلطان مافي شي اسمه سند ملكيه

اورقه من كهروماء او من البلديه او مركز الشرطه

تثبت مكان سكن الشخص

اما ملكية البيت مثلا واحد عنده اكثر من بيت ملك

والتعليم الموازي نوعين

يا تعليم ليلي من 4-8 او منازل

اذا منازل مب لازم هالورقه

والهدف من تحديد النطاق الجغرافي تنظيم لا اكثرر مايبون تكدس في مكان واحد

[كلاسيك قطر]

يعني اروح العصر عادي

ويطلبون مني النتيجه الاخيره هل هاذا صحيح

[كلاسيك قطر]

نبي ردودكم ياشباب

[عذاري قطر 2011]

لا اخوي اعتقد بس ورقة من كهرماء وممكن اطلعها بسهولة من موقع كهرماء

[كلاسيك قطر]

لا اخوي اعتقد بس ورقة من كهرماء وممكن اطلعها بسهولة من موقع كهرماء


اخوي انا قالولي اذا ليلي مايطلبون منك اي شي واذا نهاري يمكن يبون اورقه من كهرماء

[تحداني]

لازم اتراجع البرج .. بس اعتقد سند الملكيه عشان يشوفون قرب البيت من المدرسه
واذا عشان شي ثاني فاعتقد اورقه الكهربا اتأدي الغرض


الله يوفقك يارب