زيادة السرعة هي الحل الناجح لزحمة شارع 22فبراير

[محمد ناصر]

السلام عليكم ورحمة الله وبركاته

يعاني شارع 22 فبراير من ازدحام شديد في كل الأوقات وخاصة أوقات الذروة.ويعتقد البعض أن الزحام ناتجاً عن اختناقات عند المخارج أو بسبب وجود حوادث . لاشك أن هذه الأمور تسهم في توقف الشارع أحيانا ولكن ليس هذا هو السبب الحقيقي لزحمة الشارع .فالمشكلة الحقيقة تكمن في تقييد السرعة عند 100ك/س فلهذا السبب تجدد البعض وخاصة الأجانب يتفادون الاقتراب من حد السرعة خوفاً من الغرامة فتجدهم يسيروا بسرعة 90ك/س ومن ثم تسير مجموعة من السيارات خلفهم بسرعة اقل في حدود 80ك/س والمجموعة التي خلفهم تسير بسرعة 70ك/س تقريبا .فتتانقص السرعة بسبب ضيق الشارع وكثرة عدد السيارات .فيصبح متوس السرعة 70ك/س فالاوقات العادية بينما يكون شبة متوقف في أوقات الذروة .فالمشكلة التي يعاني منها هذا الشارع هي وبين قوسين هي (بطء الحركة) للأسباب التي ذكرتها.كما انه لايوجد ما يبرر الازدحام إطلاقاً بسبب كون الشارع مفتوح ولا يوجد هناك تقاطعات .فلهذا فأن الحل الوحيد هو زيادة حد السرعة إلى 120ك/س حتى يصل متوسط السرعة إلى 90 أو 100 .كي تسهم زيادة السرعة في تفوييج أكبر عدد ممكن من السيارات فالساعة .اما إغلاق المخارج فليس هو الحل إطلاقاً بل هو نقل للازدحام من مكان إلى مكان آخر فقط وكما أن فيه تعطيل لمصالح الناس وهروب من الواقع. ففالنهاية أتمنى من إدارة المرور النظر في هذا الاقتراح والتمعن فيه وتطبيقه وحتى ولو كان من باب التجربة لتأكد من جدواة . ولكي اضرب لكم مثالاً حي فهناك شارع سلوى لايقل عن شارع 22فبراير فالاهمية أن لم يكن هو الأهم لانه يربط العاصمة بدول الخليج بالاضافة إلى المحلات التجارية على طول الطريق والأحياء السكنية .فاإلى الآن لا توجد هناك اختناقات في هذ الشارع وذلك بسبب عدم تقييد السرعة بعد وذلك لعدم اكتمال تركيب الرادارات فلهذا تجد متوسط السرعة فيه هي 100ك/س تقريبا والحوادث فيه قليلة جداً بسبب انسيابية الحركة .هذا ولكم جزيل الشكر

[همر]

تتكلم على اساس كل الناس تعرف تسوق ...

ترى في ناس اذا وصل عداده 90 السياره تبكي من الفرحه !!!



والشارع ماله حل الا ازالة الدوارات والاشارات

وتتحول كل التقاطعات الى جسور ...



هذا اللي عجز عنه العقل الاشغالي ...


يمقن محاوله منهم للحفاظ على تراث الدوارات..

[أسد الجزيرة]

اتفق معاك

[شبح الصمت]

اش رايك مهب حل

بتقولي ليش بقولك شوف كم شارع خدمات وكم لفه على خط الهاي وي يا رجال لو الخطوط البيوت بعيده عنها ذيك الحزه اقولك اي اما شارع هاي وي وعقب مره وحده تدخل خط الخدمات الا بيت الا مطبه الا مدري ايش الا تزرق ما تقدر

مهب حل الحل الله يسلمك ما يكون في اشارات نهائيا نهائياً تنشل كامل وينحط مكانها مداخل واتمنى اتمنى انه يكون في مساحة 50 متر قبل لا تدخل شارع تجاري لاجل يكون في مجال ..

اهنيه تبي تدخل خلنا نقول شارع النصر قبل لا تدخله وانت توك طالع من الجسر زحمة ..


واتمنى ينزل قرار اي واحد يمر على حادث ويخفف السرعة ويقعد يبحلق في الحادث واشوي يطلع راسه من الفتحه ينصك مخالفه لانه اوقات حادث بسيط وتحصل العالم مسوين زحمة ..

:rolleyes2:

[Abdullah_89]

قسما بالله اليوم الصبح انا واقف فالزحمه من دوار خميس العبيدلي بإتجاه تقاطع التضامن وباخذ الخط لحد دوار سوق العلي والله ومن غير مبالغه من 06:30 الصبح وصلت دوار سوق العلي 08:20 الصبح ..

يعني ساعتين فالزحمه


الله يعين بس ويفتحون الكورنيش

اشغال كان عندها فتره الاجازة كاملة ماشتغلوا فالكورنيش ماتذكروا يكسرون ويصلحون الا الحين مع افتتاح المدارس ورجعة الدوامات

[بونووف]

المفروض يحطون لوحه كبيييره تكون فيها صوره تبين انه اللي يمشي 80 يكون اقصى اليمين و فالنص 100 وعلى اليسار للي يبغي يتجاوز السرعه

وتكون كل كيلو عشان تذكر الاخ راعي التيدا اللي قابض خط النص وحاط يده على سيت العبري وطاق سالفه مع اللي حذاه ويمشي 50

[نور الحور]

اش رايك مهب حل

بتقولي ليش بقولك شوف كم شارع خدمات وكم لفه على خط الهاي وي يا رجال لو الخطوط البيوت بعيده عنها ذيك الحزه اقولك اي اما شارع هاي وي وعقب مره وحده تدخل خط الخدمات الا بيت الا مطبه الا مدري ايش الا تزرق ما تقدر

مهب حل الحل الله يسلمك ما يكون في اشارات نهائيا نهائياً تنشل كامل وينحط مكانها مداخل واتمنى اتمنى انه يكون في مساحة 50 متر قبل لا تدخل شارع تجاري لاجل يكون في مجال ..

اهنيه تبي تدخل خلنا نقول شارع النصر قبل لا تدخله وانت توك طالع من الجسر زحمة ..


واتمنى ينزل قرار اي واحد يمر على حادث ويخفف السرعة ويقعد يبحلق في الحادث واشوي يطلع راسه من الفتحه ينصك مخالفه لانه اوقات حادث بسيط وتحصل العالم مسوين زحمة ..

:rolleyes2:


مهم جداً هذا المقترح .. أشكرك عليه شبح :victory:

[بوجاااااسم]

حرام عليك ياااااااااااااخي
ماتخاف الله يااااااااااااخي
إنت ماتحس ياااااااااااخي
تبي الهندي الي يتسدح على الخط اليسار
ويضرب بريكات كل 10 ثواني لين ما يصيد اللي وراه عمى ألوان
تبيه يمشي بسرعة 120 كم/ ساعه
إتقي الله ياااااااااااااااخي ...

[asadfg]

قطو الغتر واشترو موتر سيكل وكل واحد يروح الدوام والله ابرك واسرع

ولا حط مللابسك بشنطه واشخط بالدراجه وبدل هناك بالحمام

[شيخ الديرة]

اذا حد السرعة زاد من 100 الى 120 كل اللي راح يفرق 2 دقيقة من أول الطريق الى نهايته, وذلك لا يستحق زيادة المخاطر في السرعة والحوادث.

وعليه الأقتراح قد يكون بالعكس, يعني تغيير حد السرعة الى 80

السرعة على طريق طوله 15 كم لا يفرق شئ مهم في وقت الوصول

[عـ العبيدلي]

على هالزحمه انا راضي امشي لو 60 طول الخط .. بس امممممممممشي

[ناصر الصلاحي]

اش رايك مهب حل

بتقولي ليش بقولك شوف كم شارع خدمات وكم لفه على خط الهاي وي يا رجال لو الخطوط البيوت بعيده عنها ذيك الحزه اقولك اي اما شارع هاي وي وعقب مره وحده تدخل خط الخدمات الا بيت الا مطبه الا مدري ايش الا تزرق ما تقدر

مهب حل الحل الله يسلمك ما يكون في اشارات نهائيا نهائياً تنشل كامل وينحط مكانها مداخل واتمنى اتمنى انه يكون في مساحة 50 متر قبل لا تدخل شارع تجاري لاجل يكون في مجال ..

اهنيه تبي تدخل خلنا نقول شارع النصر قبل لا تدخله وانت توك طالع من الجسر زحمة ..


واتمنى ينزل قرار اي واحد يمر على حادث ويخفف السرعة ويقعد يبحلق في الحادث واشوي يطلع راسه من الفتحه ينصك مخالفه لانه اوقات حادث بسيط وتحصل العالم مسوين زحمة ..

:rolleyes2:


انا اتفق معاك و بقوه
لأن الأشارات تعطل الطريق يفضل يكون في مخارج يعني اللي يبي يروح يمين ياخذ المخرج الفلاني و هكذا ولكن ربعنا ما يقدرون يعيشون من غير دوارات
و حتى اذا جابوا حد من برى ينسق لهم البلد يقولون له اهم شي الدوارات
ههههههههههههههههههههههه
والله انا كل يوم رايح الدوام اقعد اضحك على اللي يشتغل في المشروع
يعني شنو سوى شي جديد انه سوى اشارات
هذا شي مب جديد ولا بيحل المشكلة
اصلا المفروض يسوون جسور و انفاق احسن و اوفر لهم للمستقبل
الله كريم
احسن شي سووه ان اذا تبي تروح الوكرة تاخذ مخرج يوديك على خط سلاح الجو
والله شوف ما تحصل زحمه
المخارج تخفف من الزحمه
الله كريم و حتى لو تكلمنا من اليوم لين بكره مافي فايده لا حياة لمن تنادي

[مرتبش]

يمشي 80 او اقل واذا شاف الرادار يصك بريك رغم ان السرعة 100..
و هو نفس اللي من يشوف الاشارة تبرق خضرا يوقف ماعليه من اللي وراه.. هذول اعدادهم اضعاف الشباب المتهورين لكن المرور مايشوفونهم يمكن عشان لغتهم غير.. المهم ان المرور مايحاولون يتواصلون معاهم وتوعيتهم ولا يخالفونهم سبحان الله كأنهم مو موجودين..

نقطة اخرى كم عدد شرطة المرور للسكان في قطر. هل نسبتهم قريبة من الدول المتقدمة؟ او قريبة من دول افريقيا ؟

[شبح الصمت]

مهم جداً هذا المقترح .. أشكرك عليه شبح :victory:

حاضرررين ترى


انا اتفق معاك و بقوه
لأن الأشارات تعطل الطريق يفضل يكون في مخارج يعني اللي يبي يروح يمين ياخذ المخرج الفلاني و هكذا ولكن ربعنا ما يقدرون يعيشون من غير دوارات
و حتى اذا جابوا حد من برى ينسق لهم البلد يقولون له اهم شي الدوارات
ههههههههههههههههههههههه
والله انا كل يوم رايح الدوام اقعد اضحك على اللي يشتغل في المشروع
يعني شنو سوى شي جديد انه سوى اشارات
هذا شي مب جديد ولا بيحل المشكلة
اصلا المفروض يسوون جسور و انفاق احسن و اوفر لهم للمستقبل
الله كريم
احسن شي سووه ان اذا تبي تروح الوكرة تاخذ مخرج يوديك على خط سلاح الجو
والله شوف ما تحصل زحمه
المخارج تخفف من الزحمه
الله كريم و حتى لو تكلمنا من اليوم لين بكره مافي فايده لا حياة لمن تنادي



آرحم الله والديك اهنيه المقصد

يعني الاشارات صدقني ما راح تحصل المخارج اهي الحل الوحيد الاشاراة خلاص اماكن محددة .. صدقني لو خط الكرنيش ما سووا فيه اشارات احسن وحطو تحويلات جسور معلقه ابرك اشوف ..

الله يسهل

[الزعفراني]

نفس اللي قلته واقوله كل مره في موضوع خط 22 فبراير .. زيادة السرعه هي الحلللللل بدال 100 يخلونها 140 مثلا ..

انا استنتجت هالحل بحكم استخدامي الدائم لهذا الخط .. وفعلا لاحظت سبب الزحمة السائقين نفسهم الخط السرعه فيه 100 وهو تلقاه ماشي 80 .. فما بالك لو السايق هندي

:rolleyes2:

[عيون الدوحة]

نفس اللي قلته واقوله كل مره في موضوع خط 22 فبراير .. زيادة السرعه هي الحلللللل بدال 100 يخلونها 140 مثلا ..

انا استنتجت هالحل بحكم استخدامي الدائم لهذا الخط .. وفعلا لاحظت سبب الزحمة السائقين نفسهم الخط السرعه فيه 100 وهو تلقاه ماشي 80 .. فما بالك لو السايق هندي

:rolleyes2:

وش رايكم يتم الغاء الرادارات في هذا الشارع
لاحد بيصك بريك مفاجاء ولا شي
ويخلون ادنى سرعة 90 واعلى سرعة 130
ويتم تجربة الوضع اذا نجح كأن بها
او يرجعون على الوضع السابق

[الزعفراني]

وش رايكم يتم الغاء الرادارات في هذا الشارع
لاحد بيصك بريك مفاجاء ولا شي
ويخلون ادنى سرعة 90 واعلى سرعة 130
ويتم تجربة الوضع اذا نجح كأن بها
او يرجعون على الوضع السابق

انا ضد الغاء الرادارات في هالشارع .. لان مع الرادارات وفي وقت متأخر تعال شوف المسابق من بعض المستهترين من الشباب :rolleyes2:

لكن زيادة السرعه وبس .. عل الاقل اللي يمشي 80 بيمشي 100 دامه يدري ان السرعه 120 او 140

[حسن]

اشكرك يااخ ناصر
تفكير سليم مره في احدي المواضيع المروريه تكلمت عن فتح السرعه
وارفعو السرعات للاسف مافي رجل رشيد يستمع العقل
الشوارع على كثافه السيارات الحين تحس انها مقيده ماتكدر تتحرك
فا يسير تكدس الشوارع
والله لو مهب تعب لاقتبست الرد بس مش متذكر الموضوع

طالبت بن تكون سرعه الشوارع الخارجيه مش اقل من ال140 او 160
وعندك 22 فبراير مش اقل 120 والداخليه من 100 ومافي اقل منها
فقط اعتماد هذه السرعات
زرنا دوله في الصيف وكانت السرعات عندهم مفتوحه ولا شفنا حوادث
الثقافه غير واللقافه غير

الشوارع فوضى مروريه وعدم التزام الحارات وحجم السيارات بالحارات
تشوفه موتر كبير ماسك حاره اليسار ولا النصف ولا واحد قالص غرفه ولا طراد مساك اليسار ولا النصف
للاسف اليمين شبه فاضي والله لو انا مدير المرور اسبوع بس بالخيازرين
على هل السواقين واللي يبطل حلجه قطه في شبك الجمس
هني الشغل الصح

[سهم عتيج]

شخصيا مقتنع ومن زمان ان القيادة بسرعات بطيئة من اهم أسباب الاختناقات المرورية الحاصلة وأتمنى ان يقتنع مدير المرور بذلك لانه ومنذ ان استلم المرور وأغرق الشوارع بالرادارات الثابتة والمتحركة والجوية والبحرية واحنا نعيش في اختناقات دائمة

اول مرة بحياتي أشوف اختناقات دائمة سواء في ساعات الذروة أو غيرها

هناك خلل كبير ولكن للأسف محد يبغي يتحمل مسؤوليته ويعترف بالخطأ

لا ،، وفي عز الاختناقات المرورية ينخش رجل المرور عشان يعطيك مخالفة حزام بدال ماينشغل في كيفية حل وفك الاختناقات الحاصلة

[" Snake "]

شخصيا مقتنع ومن زمان ان القيادة بسرعات بطيئة من اهم أسباب الاختناقات المرورية الحاصلة وأتمنى ان يقتنع مدير المرور بذلك لانه ومنذ ان استلم المرور وأغرق الشوارع بالرادارات الثابتة والمتحركة والجوية والبحرية واحنا نعيش في اختناقات دائمة

اول مرة بحياتي أشوف اختناقات دائمة سواء في ساعات الذروة أو غيرها

هناك خلل كبير ولكن للأسف محد يبغي يتحمل مسؤوليته ويعترف بالخطأ

لا ،، وفي عز الاختناقات المرورية ينخش رجل المرور عشان يعطيك مخالفة حزام بدال ماينشغل في كيفية حل وفك الاختناقات الحاصلة

اوافقك الرأي وبقوه

[مو مهم]

اسرع مسار في شارع ٢٢ فبراير المسار الايمن

والله اذا كان عندي مشوار مستحيل اوصل اذا كنت ماسك اليسار او النص

يجيك واحد يمشي ٨٠ او ٧٠ وماسك اليسار والي بالنص مايبي يتجاوزه خايف من مخالفه التجاوز وتصير زحمه و٥٠ الف ابو سياره وراهم والمسار اليمين مفتوح ..!

المفروض في كيمرات مراقبه ع الخط الي يسوق اقل من ٩٠ وماسك المسار الايسر يتخالف

وفيه شي ثاني الدوار السرعه بالدوار هي الي تسبب زحمه لو الواحد من يدخل صحن الدوار يخفف السرعه الى ٣٠ كم شخص يخرج من المسارات الاخرى