محتار بين سـاعتين (رولكـس) رأيكم ضروري

[سلامي للكل]

الســـلام عليكـم ورحمــة الله وبركاته

مساء الخير على الجميــع

ياجماعة الخير محتار بيــن ساعتين رولكس

فحبيت اخذ رايكم في هالســاعتين, وادري ان الأرأى راح تخلتف من شخص لاخر وتعتمد على ذوق الانسان



الســاعة رقم 1 (Rolex Datejust 2 - حجم 41)

http://im32.gulfup.com/HXekZ.jpg (http://www.gulfup.com/?b2oleB)




الســاعة رقم 2 (Rolex Submariner - حجم 40)

http://im32.gulfup.com/ZOHLj.jpg (http://www.gulfup.com/?AhJWEM)


لاتنســونا من دعواتكم الطيبة

وفااااالكم التوفيــق

[شيوخه]

الثانيه حلوه

عليك بالعافيه

[هارودز]

الثانيه حلوه الاولى حلوه بعد لكن الطوق ذهب
بالتوفيق

[انت غير]

الاولى حلوه عندي وحدة مثلها بس المينا رمادية وفيها ألماس

[sweet qatar]

الثنتين حلوات

الأولى رسمية والثانية شبابية أكثر



اذا الاولى فيها ذهب

أنصحك بالثانية.. وعليك بالعافية :)

[الزجاجي]

انصحك بالاولى يمكن لاني احب الكلاسيك

[عاهد بن علي]

الذهب حرام

[النهار]

الاولى حلوه عندي

[بنت مريخ]

الثانيه تقطعها بلعافيه

[رهج السنابك]

حبيت الاولى


الثانيه احسها نمطيه روتينيه

[ANONYMOUS]

سبمرينر

[بونووف]

الاولى رولكسيه اكثر

[آنــه]

الاولى اشيك .. كلاس وراقيه الثانيه سبورتيه وايد

[وحيد-الشوق]

الاولى احلى بس للأسف الطوق الي عليها ذهب ابيض وحرام تنلبس للرجال واذا طلبتها بدون طوق الذهب ماتطلع حلوة لذلك السوده خيار حلو

والله قبل كنت اكره ساعات عندي الرولكس هالايام متخبل عليها شكلي بتهور وباخذلي وحده ههههههه

[اهل قطر]

عليك بالعافيه
كم اسعارهم

[سلامي للكل]

مشكورين على النصائح، والله يعافيكم

وبالنسبة للأسعار الاولى 31 الف وخردة على ما اعتقد

والثانية 29 الف وخردة

وتقريبا قررت أخذ الثانية

وفالكم التوفيق

[qatarlands]

أصلي او تقليد

[الزعفراني]

الاولى حق مناسبات .. الثانية تنلبس بأي وقت ..

[وكر الذيب]

الاولى بلامنازع اجد واحلى

[nokia30]

الثانيه حلوه وعليك بالعافيه بس من بتاخذهم هالسعر

[تحداني]

الثانيه شبابيه اكثر
الاولى رسميه

حبيت الثانيه بس لو لقيت لون ثاني مب اجمل ؟؟

[حـ ن ـيـ ن]

الثانية أحلى

[OREO]

الاولى بتكون عليك احلى كون انك كلاسيكي و هادي و هذا اللي انا اشوفه ،،

لكن الثانيه بعد هم حلوه ،،

مبرووك مقدماً اخوي ،،

[لاجل QT]

الثانية روعة Rolex Submariner

شكلها ارقى من الاولى

الاولى كانها نسائية

ملبوس العافية مقدما

[حياة]

الاولى عند زوجي وكشخه ع اللبس واجد بس طبع طوقها ذهب وحنا ماندري وعقب ماخليت مكان ابي اغير الطوق ماحد قدر الا محل يركب اطواق ويفصل ذهب قلت له شيل الطوق وركب لي فضه والحمد لله اني سويته و700 ريال فقط الحمد لله
مكان المحل في سوق الذهب للقديم

[نوار قطر]

أصلي او تقليد

تقليد ب 31 الف :secret:؟

[باندول]

مشكورين على النصائح، والله يعافيكم

وبالنسبة للأسعار الاولى 31 الف وخردة على ما اعتقد

والثانية 29 الف وخردة

وتقريبا قررت أخذ الثانية

وفالكم التوفيق

رجال خلص وقرر ويقول اختار الثانيه وانتوا للحين تعليقاتكم على الموضوع ما خلصت

[Alpinestars]

الثانيه حلوه عندي مثلها

انا اشوف الثانيه احلى

عليك بالعافيه واخذ اللي في خاطرك

[OREO]

الاولى عند زوجي وكشخه ع اللبس واجد بس طبع طوقها ذهب وحنا ماندري وعقب ماخليت مكان ابي اغير الطوق ماحد قدر الا محل يركب اطواق ويفصل ذهب قلت له شيل الطوق وركب لي فضه والحمد لله اني سويته و700 ريال فقط الحمد لله
مكان المحل في سوق الذهب للقديم

الطوق بلاتينيوم و مهب ذهب و الفرق كبير بين الاثنين ،،، يجوز قصدك بالعامية يسمونه ذهب ابيض !! تراه مهب حرام لان البلاتينيوم شي و الذهب شي ثاني ،،

[وحيد-الشوق]

الطوق بلاتينيوم و مهب ذهب و الفرق كبير بين الاثنين ،،، يجوز قصدك بالعامية يسمونه ذهب ابيض !! تراه مهب حرام لان البلاتينيوم شي و الذهب شي ثاني ،،



الطوق ذهب حتى محل من محلات المانيا قالي انه ذهب والله اعلم

المهم يالربع وين ارخص مكان اشتري منه ساعة رولكس في الخليج مثلا او اوروبا لأني غاسل يدي من محلات الدوحة

وشكراا

[سلامي للكل]

الســلام عليكــم ورحمــة الله وبركاتــه

الحمــد لله شــريت الســودة (Rolex Submariner - حجم 40) :shy:

مشكورين على النصائح والتهــاني هههههههههه. ويعطيكــم ألــف ألــف عافيــة :victory:

وبخصــوص إلي يســأل أصليــة ولا تقليــد :rolleyes2:

أكيــد أصليــة ومن الأسعــار تبين أصليــة

وبخصــوص الطــوق، الطــوق ذهــب أبيــض وهذا واحد من الأسباب إلي خــلاني ما اختــار Rolex Datejust أم الطــوق لأن الي بــدون طــوق ماعجبتني

والاحــلى أحــلى الرولكــس Daytona خيــالية هالساعــة راقيــة وناعمــة

بس سعــرها فــوق بحدود 42 ألف :eek5: :weeping:

ان شاء الله نخطط لها في المستقبل (إذا قلبي طاوعني)

:victory:

لاتنسونا من دعواتكــم

موفقيــن

[Qa10]

الطوق ذهب حتى محل من محلات المانيا قالي انه ذهب والله اعلم

المهم يالربع وين ارخص مكان اشتري منه ساعة رولكس في الخليج مثلا او اوروبا لأني غاسل يدي من محلات الدوحة

وشكراا

البحرين

[وحيد-الشوق]

الســلام عليكــم ورحمــة الله وبركاتــه

الحمــد لله شــريت الســودة (Rolex Submariner - حجم 40) :shy:

مشكورين على النصائح والتهــاني هههههههههه. ويعطيكــم ألــف ألــف عافيــة :victory:

وبخصــوص إلي يســأل أصليــة ولا تقليــد :rolleyes2:

أكيــد أصليــة ومن الأسعــار تبين أصليــة

وبخصــوص الطــوق، الطــوق ذهــب أبيــض وهذا واحد من الأسباب إلي خــلاني ما اختــار Rolex Datejust أم الطــوق لأن الي بــدون طــوق ماعجبتني

والاحــلى أحــلى الرولكــس Daytona خيــالية هالساعــة راقيــة وناعمــة

بس سعــرها فــوق بحدود 42 ألف :eek5: :weeping:

ان شاء الله نخطط لها في المستقبل (إذا قلبي طاوعني)

:victory:

لاتنسونا من دعواتكــم

موفقيــن



وعليكم السلام

بالمبارك تتهنى فيها ان شاء الله وملبوس العافية واحسنت الاختيار :nice:

يليت تخبرني كم طلعت عليك وعطوك خصم ولا ؟ واذا ماتحب عالعام عالخاص ماعندك مشكلة


البحرين

اكيد عن تجربة ياخوي ؟ :telephone:

[سلامي للكل]

مرحبــا اخوي وحيد-الشوق

يعافيك ربِ ويسلمك

سعرها 29،400 ريال وماعليها خصم

وعلى كلام المحل(رولكس) ان اسعــار الرولكس نزلت تقريبا من شهر 2

وسمعت من كذا واحد ان اسعار السوق الحره أرخص

دعواتك الطيبة وفالك التوفيق

[رهج السنابك]

بنااااات


ترا اقبل هدايا من هالنوع لا تكسرون خاطري :(

[MBE]

على حسب معلوماتي الاولى ذهب ابيض ... حرام للرياييل

اذا ودك بمينا زرقه عندك ماستر يخت مافيها ذهب

[بوNasser]

للفائدة

حكم لبس الذهب الابيض للشيخ محمد صالح المنجد: (http://almunajjid.com/thoughts/1895)

"" الذهب الأبيض يطلق على عدة أشياء:

الأول : يطلق على معدن البلاتين. وهذا لبسه جائز للرجال لا حرج فيه ، لأنه لم يرد في الشرع ما يفيد تحريمه على الرجال ، وتسمية الناس له بـ "الذهب الأبيض" لا تجعله حراماً ، لأنها مجرد اصطلاح ، كما يسمى القطن أيضاً بالذهب الأبيض ، والبترول بالذهب الأسود.

الثاني : يطلق الذهب الأبيض على الذهب الأصفر المعروف. ولكنه يكون مطلياً بطبقة من البلاتين ، وهذا لبسه حرام على الرجال ، لأن لابسه يكون لابساً للذهب الأصفر المعروف ، ولبسه حرام على الرجال بإجماع العلماء.

وعلى هذا ، يكون لبس الذهب الأبيض محرما على الرجال ، لأنه في الحقيقة ذهب أصفر ، ولكن أضيفت إليه مادة غيّرت لونه إلى اللون الأبيض


الثالث : يطلق الذهب الأبيض على الذهب الأصفر المعروف ، ولكنه يخلط بنسبة معينة من مادة "البلاديوم" أو غيره ، تزيد أو تقل على حسب عيار الذهب المطلوب الحصول عليه ، وهذا الإطلاق هو المشهور المعروف في محلات الذهب.

وبيان ذلك – حسب ما قاله أهل الخبرة - : أنك لإعداد كيلو من الذهب عيار (21) يخلط (875) غ من الذهب ، بـ 125 غ من الفضة والنحاس. فإن أضفت الوزن نفسه (125) غ من البلاديوم ، بدلا من النحاس والفضة ، حصل عندنا كيلو من الذهب الأبيض عيار (21) .

وعلى هذا، يكون لبس الذهب الأبيض محرما على الرجال ، لأنه في الحقيقة ذهب أصفر ، ولكن أضيفت إليه مادة غيّرت لونه إلى اللون الأبيض فالذهب الأبيض ما هو إلا ذهب أصفر ، ولكنه أضيف إليه البلاديوم بدلاً من الفضة أو النحاس ، ومعلوم أن إضافة الفضة أو النحاس إلى الذهب لا يخرجه عن كونه ذهبا ، ولا يبيح استعماله ، فكذلك إضافة البلاديوم.""
انتهى
تحياتي للجميع

[بصمة قطرية]

وعليكم السلام

بالمبارك تتهنى فيها ان شاء الله وملبوس العافية واحسنت الاختيار :nice:

يليت تخبرني كم طلعت عليك وعطوك خصم ولا ؟ واذا ماتحب عالعام عالخاص ماعندك مشكلة



اكيد عن تجربة ياخوي ؟ :telephone:

عليك بالعافيةاللي خذتها وايد حلوة ..
الديتونا سعرها ما ينزل ..

[technical]

بسم الله الرحمن الرحيم ، الاولى احلى وفي منها حديد من غير ذهب ، بتلقى طوق الساعة ساده بدال ما هو مكسر .