صيانه وكالة الرنج روفر

[Hamad_qa]

السلام عليكم

خذت لي رنج روفر فوج 2013 جديد من الشركة .. ثاني اسبوع طلعت مشكلة البريك وتعطلت الجانبينات الامامية ... كلمت الشركة عطوني موعد بعد اسبوع .. المهم رحت لهم قالو هذي مشكلة من المصنع والجانبينات بنطلبها لك من الشركة الام مش متوفره عندهم فقالو انتظر 20 يوم وطبعا ماعطوني سيارة بديلة ... بعد مرور عشرين يوم قالو لي مش متوفرة بعد في الشركة الام اصبر لين مايصنعونها ... والموتر واقف في البيت

فهل يحق لي استرداد قيمة الرنج الموتر ماشي 6000 فقط .. ؟؟

نصايحكم ياشباب

[بوطويشم]

السلام عليكم

كلم وكيل الشرق الأوسط اتوقع في دبي

[النهار]

عليك بحماية المستهلك اقعد لهم عظم في البلعوم
على الاقل طلع منهم تعويض عن الضرر الذي لحق بك من جراء التأخير
وجرب كلم الوكيل بعد منت بخسران وشوف ردهم
واحد من الاعضاء عنده نفس المشكله الحين صار له سنه ونصف عيب تصنيع
بس مع وكاله غير ( امريكي ) ونفس الشي الوكيل في دبي ولين الحين المشكله مانتهت

[كازانوفا]

امس ولدي يقولي يما سياره رنج موديل 2013 للبيع ماشيه بس 6000 للبيع شاريها صاحبها 7500000 وبيبيعها 500000 اقوله ليش انخسف فيها السعر قالي فيها مشكله
ليكون سيارتك
ودخلنا بموضوع اللكزس لو شاريها ارحم من الرنج فقعد يمدح بالسياره وايش فيها وايش ما فيها

الله يعينك مثل ما قال احد الاخوه كلم الشركه الام

[بونووف]

كلم وكيل الشرق الاوسط واذا شفت في تأخير طق لك سفره للوكيل ..

واحد من الربع كانت عنده مشكله في موتره كل 10 ايام يخترب القير والوكاله ترقع له فهالموتر قام سافر دبي راح للوكيل وحشرهم وقالوا له اختار لون الموتر اللي تبيه .. عطوه موتر جديد الموتر cr8 شفرليه

عليك بس تشوف وين مكان الوكيل للشرق الاوسط .. الاغلب كلهم فدبي

[الزجاجي]

لازم توصل معاهم لحل .. ويفضل الحل الاسلم بعيد عن رفع الصوت الايادي :shy:
لا تكلم موظف عادي .. كلم مديرهم وتواصل معاه على حل يرضي الطرفين .. انت شاريه بفلوس مش ببلاش !!


على فكره من قرائاتي لمواضيع المنتدى .. يمكن انت رقم واحد 4 يشتكي على الوكاله وفي منهم رفع قضيه :rolleyes2:

[Qtel-Qat]

مايحلها غير الوكيل
ارسل لهم ايميل او حاول تتواصل معاهم وراح يستبدلون السياره لك

ياخذون الموجوده حاليا ويرسلون لك الثانيه ارسل للشركه في بريطانيا راح يوقفون معاك

بالتوفيق

[معماري قطري]

السلام عليكم

خذت لي رنج روفر فوج 2013 جديد من الشركة .. ثاني اسبوع طلعت مشكلة البريك وتعطلت الجانبينات الامامية ... كلمت الشركة عطوني موعد بعد اسبوع .. المهم رحت لهم قالو هذي مشكلة من المصنع والجانبينات بنطلبها لك من الشركة الام مش متوفره عندهم فقالو انتظر 20 يوم وطبعا ماعطوني سيارة بديلة ... بعد مرور عشرين يوم قالو لي مش متوفرة بعد في الشركة الام اصبر لين مايصنعونها ... والموتر واقف في البيت

فهل يحق لي استرداد قيمة الرنج الموتر ماشي 6000 فقط .. ؟؟

نصايحكم ياشباب

وضع صعب صراحة وكيل الرنج يربح أرباح خيالية وما يسوي أقل اللي عليه وجهات حماية المستهلك ما يقدرون عليه.

يكفي إن الواحد يشوف سعر الرنج في أمريكا بكل المواصفات الموجودة عندنا والغير موجودة وبيحصله أرخص بوايد .. عن اللكزس كانت في عز ارتفاع الين أيام الدولار = 75 ين .. كانت بسعر 90 ألف شاملة كل المواصفات حتى الخاصة بالثلوج = 330 ألف تقريباً بالريال وألحين مؤكد أرخص وأتوقع أرخص بحدود 20 الى 25% بسبب نزول الين .. الدولار = تقريباً 95 ين.

يبقى السؤال وين جهات الدولة اللي السعر يزيد ولا يقل نهائياً؟

[معماري قطري]

أعلى سعر للرنج في أمريكا 511 ألف ريال بكامل امواصفات والضريبة مؤكد تختلف من ولاية لولاية وهي في حدود 10% في الغالب .. والسعر للكزس كاملة المواصفات مع حماية لصبغ السيارة مع قفل للرنغات والتواير ضد السرقة 90 ألف دولار = 328000 ريال قطري .. بمواصفات عادية 75000 دولار

[Hamad_qa]

يعطيكم العافيه على الردود


انا كلمت مدير الصيانه ونفس الكلام قالي ... فاكلمت حماية المستهلك وعطوني رقم الشكوى وقالو المفتش بيتصل فيك .. وقاعد انطر اتصاله من يومين ...

وكلمت وكيل الشرق الاوسط للرنج وسجلت عندهم شكوى وقالو فعلا عندنا مشكله في قطع الغيار وانشالله الاداره بتتواصل معك خلال يومين عمل ...

المشكله مش من الرنج ... المشكله من وزارة التجاره .. مالها اي دور في تلاعب الشركات والضحيه المستهلك ( خاصه المواطن ) .. المقيم بيخلص اموره من خلال المعرفه ....

فابشوف اخرتها معهم ... حتى السياره كرهوني فيها ..

الله المستعان

[معماري قطري]

الهونداي الجيب عجيبه يمدحونها وقطع غيارها متوفره ولها 4 تواير وفيها مكيف ولها 4 ابواب وسعرها معقول جداً .. دخلت مره وكالة الرنج وشفت البياعين أصحاب البشرة الحمراء يتكلمون من طرف خشومهم كنهم هم مصنعين الرنج .. لا ويقولون تحجز ويجيك بعد 4 شهور .. وبمبلغ لن يقل عن كذا .. قلت ما فيه أحسن من الرنج الياباني مع السلامة.

[CH Engineer]

اخوي حقك تقدر تاخذه وتقدر تطلب تعويض بسعر اجار الرنج لكل يوم وقف فيه الرنج..
الطريقة سهله تروح المجلس الاعلى للقضاء امام برج برزان وترفع دعوى مستعجلة عليهم
وادعيلي

[لاجئ عاطفي]

قرار حماية المستهلك الجديد يلزم كل شركات السيارات بتوفير سياره بديله للزبون اذا تعدى تصليحها 15 يوم بسبب عدم توافر قطع غيار فعليك بهم واخذ حقك منهم

[باحث علم]

اخوي لو انك قاري عدل قبل تشتريه كان ماتورطت
ناس واجد حذروا من الرنج روفر وصيانته
الحل الوحيد بيعه
حسبي الله عليهم ياخذون مليارات في البيع ومايدفعون ريال في الصيانة
على فكرة اللبناني اللي هناك خرااااط وشغلته بس يصرفك ويأجل قد مايقدر

[بن جعران]

انت عارضه يا اخوي للبيع ؟

[اللوز]

الهونداي الجيب عجيبه يمدحونها وقطع غيارها متوفره ولها 4 تواير وفيها مكيف ولها 4 ابواب وسعرها معقول جداً .. دخلت مره وكالة الرنج وشفت البياعين أصحاب البشرة الحمراء يتكلمون من طرف خشومهم كنهم هم مصنعين الرنج .. لا ويقولون تحجز ويجيك بعد 4 شهور .. وبمبلغ لن يقل عن كذا .. قلت ما فيه أحسن من الرنج الياباني مع السلامة.

انا استغرب من بعض التاس
اللي يشترون الموتر وهم ما جلسوا في الموتر
بمعنى ان الموتر مش معروض في الوكالة !!
:anger1::anger1::anger1::anger1::anger1:

[طلعة الروح]

انا استغرب من بعض التاس
اللي يشترون الموتر وهم ما جلسوا في الموتر
بمعنى ان الموتر مش معروض في الوكالة !!
:anger1::anger1::anger1::anger1::anger1:

شدراك انه الموتر مب معروض في الوكالة؟
الهونداي عندهم جيب مثل ما الكل عارف!!
والاخ معماري ماخصص اسم الموتر فقط الماركه!!

[طلعة الروح]

السلام عليكم

خذت لي رنج روفر فوج 2013 جديد من الشركة .. ثاني اسبوع طلعت مشكلة البريك وتعطلت الجانبينات الامامية ... كلمت الشركة عطوني موعد بعد اسبوع .. المهم رحت لهم قالو هذي مشكلة من المصنع والجانبينات بنطلبها لك من الشركة الام مش متوفره عندهم فقالو انتظر 20 يوم وطبعا ماعطوني سيارة بديلة ... بعد مرور عشرين يوم قالو لي مش متوفرة بعد في الشركة الام اصبر لين مايصنعونها ... والموتر واقف في البيت

فهل يحق لي استرداد قيمة الرنج الموتر ماشي 6000 فقط .. ؟؟

نصايحكم ياشباب


أنا استغرب من وكالة مثل الفردان أو أي وكالة على شاكلتها يعرضون للناس مواتر بموديلات جديده للبيع واخر شي قطع غيارهم غير مصنعه أو راح تتصنع في المستقبل، لايجب أن يستوردونها من الأساس، حماية المستهلك صباح الخير: المفروض قطع الغيار تتواجد حتى قبل ما تنزل السيارة الجديدة في صالة العرض، يا إدارة حماية المستهلك اذا كنتوا للحين موجودين فعليا وليس بالإسم بطلوا عيونكم زين على هالسالفة..

[برشلوني قطر]

اخوي شنو الجديد الي صار معاك ؟؟

[اللوز]

شدراك انه الموتر مب معروض في الوكالة؟
الهونداي عندهم جيب مثل ما الكل عارف!!
والاخ معماري ماخصص اسم الموتر فقط الماركه!!

انا اتكلم عن وكالة الرنج
وتحديدا الرنج فوج والسبورت الجديد
مش معروض
سمك في بحر !!!!!!!!!!!

[طلعة الروح]

انا اتكلم عن وكالة الرنج
وتحديدا الرنج فوج والسبورت الجديد
مش معروض
سمك في بحر !!!!!!!!!!!

مادام مش معروض عندهم ، خلوه يصدي...

[نوفة قطر]

هالموضوع خرعني !

كلمت وكالة الرنج قبل ايام اسال عن كم شغله لاني ناويه اخذ ان شاء الله وسكرت الخط بسرعه لان الموظف مايحمس للشراء ابدا ><

اول شي خذوا رقمي وكلموني بعد تقريبا 4 ساعات يقول زحمه فالمعرض ! وعقب كل ما اسأله سؤال يقول ايوه طبعاااا هايدي رنج

وعقب تجربتك شكلي بتردد مرتين اهم شي المعامله

[معماري قطري]

هالموضوع خرعني !

كلمت وكالة الرنج قبل ايام اسال عن كم شغله لاني ناويه اخذ ان شاء الله وسكرت الخط بسرعه لان الموظف مايحمس للشراء ابدا ><

اول شي خذوا رقمي وكلموني بعد تقريبا 4 ساعات يقول زحمه فالمعرض ! وعقب كل ما اسأله سؤال يقول ايوه طبعاااا هايدي رنج

وعقب تجربتك شكلي بتردد مرتين اهم شي المعامله

هذا شغلهم انا كرهتهم من سخافتهم واستغفالهم للعقول .. يكلمون الكبير متخيلينه عمره 16 بينغش بسهولة .. إخذي لكزس وإدعي لي

[معماري قطري]

انا اتكلم عن وكالة الرنج
وتحديدا الرنج فوج والسبورت الجديد
مش معروض
سمك في بحر !!!!!!!!!!!

صادق إخوي اللوز .. انا صج الهونداي الجيب تعجبني وأحس انها عملية أكثر من الرنج .. شالفايدة أشتري سيارة هي تنباع أصلاً ب 500000 وأشتريها ب 750000 من قطر وأتورط فيها لا أقدر أبيع بسعر يرضيني ولا أقدر أستعملها مثل الناس .. كان عندي في اكس آر 95 وعاش معاي 14 سنه راويته فيها عذاب ما راوى بشار حد من شعبه الله ينصرهم عليه .. وفي النهاية بعته بحدود 15 - 20% من قيمته الأصلية .. وصدفة حصلته عند قطري وكنت بايعه على باكستاني ووقفت القطري سولفت معاه وقلبي للحين متعلق بالسيارة وأسئله عنها .. قال خذتها بسعر حول 2000 ريال فرق عن سعر بيعي لها ومستانس بها مخليها للبحر والرحلات.

[CH Engineer]

السلام عليكم

خذت لي رنج روفر فوج 2013 جديد من الشركة .. ثاني اسبوع طلعت مشكلة البريك وتعطلت الجانبينات الامامية ... كلمت الشركة عطوني موعد بعد اسبوع .. المهم رحت لهم قالو هذي مشكلة من المصنع والجانبينات بنطلبها لك من الشركة الام مش متوفره عندهم فقالو انتظر 20 يوم وطبعا ماعطوني سيارة بديلة ... بعد مرور عشرين يوم قالو لي مش متوفرة بعد في الشركة الام اصبر لين مايصنعونها ... والموتر واقف في البيت

فهل يحق لي استرداد قيمة الرنج الموتر ماشي 6000 فقط .. ؟؟

نصايحكم ياشباب
اخوي يحق لك تسترد واطالب باللي تبيه في المجلس الاعلى للقضاء المنتدى للسوالف فقط محد راح ياخذلك حقك...
المحكمه راح تعين خبير ميكانيكي لك يشوف وضع السيارة ويقدر قيمة التصليحات والبريكات ويقدر قيمة الخساير..
كل هذا راح تاخذه على شكل تعويض مالي والرنج بيعه وبتطلع مستفيد
احتمال لو شافوك اتجهت للقضاء يخلصون معاك الموضوع ودي ويحاولون يراضونك لان الموضوع لصالحك 100%

[gprs]

والله يخوي راح تتعب معاهم
وما راح تستفيد شي منهم دامهم يماطلون
وفي حال انك بتغير السياره هم كوكاله راح ينشفون ريجك وبيأذونك
بس اتوقع وكالة الرنج ارحم وارقى فالمعاملة من التويوتا والكزس كصيانة وكمبيعات مثل ما اذكرو الاخوان شايفين نفسهم على ايش ما تدري ولا يتبيخل عليك بالمعلومات العادية الي تبي تعرفها عن السياره ومواصفاتها

ونصيحة اخ لاتوقع على اي ورقة الا وانت عارف ايش مكتوب فيها سواء فالتسليم او الاستلام

ومالك الا حماية المستهلك

[يوسف0]

الرنج من زمان ومعروفه عالمياً عن مشاكلها المتتالية

استغرب من الي يشترونها

ماسمعت عن الي قلص الرنج بحمارين ووداها الشركه بسبب كثرة اعطالها في سنه واحده؟

رابط الخبر
http://www.autoblog.com/2011/03/29/report-angry-chinese-driver-tows-range-rover-back-to-dealer-wit/

والله يعينك

[.:: القيصر ::.]

يعطيكم العافيه على الردود


انا كلمت مدير الصيانه ونفس الكلام قالي ... فاكلمت حماية المستهلك وعطوني رقم الشكوى وقالو المفتش بيتصل فيك .. وقاعد انطر اتصاله من يومين ...

وكلمت وكيل الشرق الاوسط للرنج وسجلت عندهم شكوى وقالو فعلا عندنا مشكله في قطع الغيار وانشالله الاداره بتتواصل معك خلال يومين عمل ...

المشكله مش من الرنج ... المشكله من وزارة التجاره .. مالها اي دور في تلاعب الشركات والضحيه المستهلك ( خاصه المواطن ) .. المقيم بيخلص اموره من خلال المعرفه ....

فابشوف اخرتها معهم ... حتى السياره كرهوني فيها ..

الله المستعان

السلام عليكم

اخوي الله يوفقك في الموتر ان شاء الله

لاتكرهه ولاشي هذا شي مكتوب والموتر انا اشوفه حلو و ماعليه كلام ان شاء الله

وانا حاجز 2014 وان شاء الله بيوصل قريب

بس خل نتكلم بصراحة الموتر بدء بيعه اعتقد في شهر 1 او 2 هالسنة يعني السيارة ترى في كل العالم جديدة و اول سنة لها

و ضغط العالم عليها مب بس في قطر يعني المصنع لازم يوفر قطع الغيار في جميع دول العالم مب بس في قطر

اذا وكيل الشرق الاوسط من كلامك قال لك فعلا عندنا مشكلة في عدم توفر قطع الغيار

يعني المشكلة الحين يبين انها من الشركة الام انها مب قادرة توفر القطع

وانا اسمع ان كل مرة ينزل عليه تحديثات للكمبيوتر يعني الموتر توه جديد لازم بتشوف فيه اشياء

ومن بعد ماتنحل كل المشاكل بإذن الله راح ترتاح

و دام الله حافظ حقك لا تخاف ماراح ينقص منه ولا ريال واحد


انت بس سو اللي عليك والله راح يعطيك المكتوب




وآخر شي لاتنسى صدقني ان الرنج موتر ولما بتقارنه مع مواتر فورويل اعتقد راح تدور مواتر صالون فخمة و تقارنة فيه :victory:

[hxamad]

انا وديت سيارتي للصيانة دمروها لى رجعوها جنها جى 2000 وبعت السيارة بسبتهم

[CH Engineer]

اخوي اتصل بحماية المستهلك واشرح لهم الموضوع كامل..
روح لهم لهناك عشان تسريع الاجراءات لو تأخروا عليك
و قولهم انك ماتبي الموتر لانه مب بالمواصفات المعروضه وغاشينك و خلهم يرجعون لك فلوسك كامله + قيمة الخساره اذا ساحب سلفيه من البنك

اذا ارفضوا او طولوها معاك روح المحكمة الابتدائية ورا برزان وارفع دعوى مستعجله اثبات حالة


و علم اي واحد تعرفه ان يسوي نفس الحركه خلال كم شهر ماراح تشوف هالنصب من هالنوعيه

[القطيني]

المشكلة حماية المستهلك ما يقصرون في معظم الشكاوي بالذات على نطاق محلات الملابس والمطاعم
لكن لين جت للرنج والتويوتا .... لا حول لهم ولا قوة

[وطن]

الله يعينك يا اخوي