هل تتزوج طليقة رفيجك

[أسد الجزيرة]

السلام عليكم

العنوان هو الموضوع

[حمد 2002]

هههههههه متابع ،،،

[كازانوفا]

صعبه يا اخي الكريم

[ضوى]

دام مافيه مايمنع ماشوف فيها شي ، بس اكيد فيه نوع من التحفظ ، اتذكر فيه عايلة الكبير طلق الحرمة واخذها اخوه ، لانه الكبير كان معقد شوي وتعاطفوا ويا الزوجة ، فما اظن فيها شي بس اكيد بيكون فيه شد وجذب

[عـ العبيدلي]

مافي أي مشــكلة ..
نصيـيبي

[شبح الصمت]

تم تغيير الرد


خلصوا البنات لاجل اتزوج طليقة رفيجي

[عاشق العديد]

اتزوجـها ممكـن لحبي صديقي ولا حبي لعياله ولاني احس بذنب يمـكن .؟

لكن لشـي ثاني لا والف لا ..

[ضوى]

السؤال طليقة ، وليست أرملة

[aziz4z]

أول شيء الزواج و الطلاق مب لعبة
وثاني شيء الواحد يتزوج امرأة صالحة وذات خلق و جمال , سواء مطلقة أو بكر
بعدين الرفيج يكون نفس الاخ , و من الممكن يقولك أحواله مع عائلته , وليش طلقها , أكيد في أسباب , وبناء على هذه الاسباب ممكن أتزوجها وممكن لا

[شبح الصمت]

السؤال طليقة ، وليست أرملة




مب مشكلة الطليق ينحسب في اعداد الموتى اختي في نظر بعض الحريم

يعني اختكي كمثلكي


:shy:

[احب قطر]

الاول على ايام شيبانا ، المطلقة ماكانت تكمل عدتها الا اخذها واحد ثاني وماكانت تطول بيت اهلها ، وكان الكل يفكر بالستر ، يعني ممكن رفيج او ولد عم او جار .

[قطريه22]

مب مشكلة الطليق ينحسب في اعداد الموتى اختي في نظر بعض الحريم

يعني اختكي كمثلكي


:shy:

:eek5:
بل مره وحده المطلقه حكمت عليها بالموت؟؟

أخوي أسد الجزيره الجواب ماراح تلاقيه عند الأعضاء لأن بتلاقي وايد رافضيين وفي فئه نادره بتوافق

بس الأهم هو الشيء الي الله يرضى فيه ،
وثانياً الإستخاره

[ضوى]

:eek5:
بل مره وحده المطلقه حكمت عليها بالموت؟؟

أخوي أسد الجزيره الجواب ماراح تلاقيه عند الأعضاء لأن بتلاقي وايد رافضيين وفي فئه نادره بتوافق

بس الأهم هو الشيء الي الله يرضى فيه ،
وثانياً الإستخاره

هو يقصد الزوج المطلق :)

[شبح الصمت]

هو يقصد الزوج المطلق :)




اختي ضوى هههههههههههههههههههاي

يالسه لنا يلسه ترى التفهي على الصبح عفوي صبري خليني اصحصح اشرب قهوتي ..

:discuss:

[ضوى]

اختي ضوى هههههههههههههههههههاي

يالسه لنا يلسه ترى التفهي على الصبح عفوي صبري خليني اصحصح اشرب قهوتي ..

:discuss:

ياخوي الله يكملك بعقلك ، عادي كلامك وصحيح ، مافيه اي تفهي ، المطلقة تعتبر ميتة للزوج والعكس صحيح خاصة لما مايكون فيه احترام ولا ود باقي للعشرة

[رهج السنابك]

عادي اعرف اخوان واحد طلق زوجته واخوه خذاها
So easy

[قطريه22]

هو يقصد الزوج المطلق :)

هههههههههههههههههههههه اسمحلي شبح

[دااانة قطر]

اتوقع السؤاال موجهه للشبااب



بصرااحة في 2في باالي بناات نااس ومعروفين بالاخلاااق والطيبه وكل شي زين وحااولت مع وااحد من أخوااني يااخذ وحده منهم بس للاسف رافض فكرة الزوااج من مطلقة مع العلم مافي عياال عشاان يقول صعبة


الله يوفق الجميع ويرزق الكل الشريك الصالح

[نور الحور]

هو يقصد الزوج المطلق :)


هههههههههههههههههههههههههههه .. ضوى ..ضوى << قاعدة أحييج :shy:




بالنسبة لي مستغربة الموضوع مع إنه ممكن يصير ..بس أحسه غير مقبول اجتماعياً .. متابعة آراء الأعضاء لأن السؤال موجه لهم :nice:

[طبيب قطري]

ليش ماكتبت سؤالك بقسم الاستفسارات؟

[نوار قطر]

يعني ياخذ طليقة رفيجه وهو يدري ان رفيجه كان ماخذ فلانه بنت فلان ومع هذي راح وخطب ... لاااطبعا الوضع مب عاادي كلش ولا هي بعدله انه يفكر فيها اصلا.. الله مكثر بنات الحلال ...يروح ويخطب له

[العلم]

:rolleyes2:

لا والله ما اتزوجها .. النفس ماتقبل ..

[بونووف]

صعبه ..!!

[الحاقول]

عادي وزواج حلال

[شاهين]

أذا مدرسة اي باخذها وانا مغمض :shy:

[مهرة]

اوبـــــــــــــــاااااااااااااااااااااااااااا :eek5:

[آلملآزم]

مافيها شي لو تزوجتها بما أنه حلال

[الخـود]

صعب على الرجل وعلى المجتمع أنه يتقبل ذلك،،
لكن أعتقد انه ممكن البنت تتزوج طليق رفيجتها : )

[شبح الصمت]

صعب على الرجل وعلى المجتمع أنه يتقبل ذلك،،
لكن أعتقد انه ممكن البنت تتزوج طليق رفيجتها : )




ااااي اهنيه مربط الفرس

لانه الحريم يتكلمون فالبنت ادرى وادهى تعرف الرجال اشلون ..
بس هل تتوقعين الحركة الي تسويها هالانسانه انها تاخذ طليق رفيجتها يتقبلها المجتمع ..

طبعاً لانها عارفه كل شاردة ووارده عارفه اشلون كان يعاملها عارفه اشلون كان يصرف عليها

وطبعا في نظر المجتمع هالانسان شيسموونه في المجتمع المصري

خطافت الرقاله ..


اما الرجل طبعاً لو كان مب رفيجه اعز واحد او اخوه ما يقدر يقوله المشاكل او يمدح له زوجته او او اشياء كثيرة لا يتقبله عقل رجال والا يتقبله المجتمع الا اذا الرجال مشموخ وانسان مش سوي شيء ثاني ..

الله يستر على الجميع

[غايه الطواش]

باب للشكوك :)
من الافضل غلقه :)

[الخـود]

^
شبح الصمت
اها
يعني بالرغم من انه شرعا جائز في الحالتين، لكن كمجتمع، هناك فرق كبير بين الحالتين !!!
والحمدلله رب العالمين

[نور الحور]

باب للشكوك :)
من الافضل غلقه :)


تعجبيني غاية .. كلامج دايماً مختصر مفيد :victory:

[محاسب]

عايشت هالتجربه .............وتابعتها
في النهايه علاقتهم ضعفت ,,,,,,,,,,,,,,,,,, والحمدالله بقى السلام والأحترام بينهم

[قطري2022]

دام الاسلام حلل شي مب من اي حق اي انسان يمنعه ، بس يبيلها جرائة لمواجهة المجتمع الي مطبق تعاليمه اكثر من تعاليم الاسلام .

[آلملآزم]

باب للشكوك :)
من الافضل غلقه :)

أعجبني ردج غايه :victory:

[لاجئ عاطفي]

الزواج اذا تم على سنة الله ورسوله ماله علاقه برفيجي والا غيره وانا لما اروح اخطب شلون بعرف انها كانت طليقه رفيجي؟؟؟ انا ربعي ماعرف اسماء حريمهم ولا ادريبهم فماشوف الموضوع مهم بصراحه الزواج سنة من سنن الله على عباده فهو شي محلل شرعا ماظن لو الزوجه اللي بيتزوجها كانت طليقة رفيجي صار حرام مثلا؟؟

[طموحي عالي]

دينيا حلال
اجتماعيا احسه منقود


من نظري اذا رفيجه وايد وايد صعبه
عكس الحريم اذا كانت رفيجتها وايد وايد تكون سهل تاخذ طليق رفيجتها


خلنا من موضوع من ومن



يمكن رفيجي ماعامملها زين
يمكن ماتوالفوا

عادي اعرف بنات خاله خذوا عيال عم
وعقب فتره تطلقوا الثنتين
وواحد منهم خذ وحده من البنات المطلقات
اما الثانيه خذت من برا
وماشاء الله عاشوا في سبات ونبات وخلفوا صبيان وبنات

[Dmy Enabi]

دام حلال ويتم وفق أركان الزواج وشروطه
ربي يسهل لهم ويبارك لهم

[رايق البال]

اقتدوا بالصحابة بتلاقون الجواب ..
فلا اعتقد اننا أفضل فكريا ممن سبقونا

[شبح الصمت]

اقتدوا بالصحابة بتلاقون الجواب ..
فلا اعتقد اننا أفضل فكريا ممن سبقونا




آرحم الله والديك عقب ردك ما اتوقع في رد

بس حالياً

مجتمع مجتمع مجتمع في نظر العالم اهنيه مجتمعنا يحكم
:(

[الجوكر90]

So what يعني

[قنديلة]

الحلال ما احله الله

والحرام ما حرمه الله

واذا يجوز شرعا مش عيب

[قطري2022]

وفي نقطة مهمة ، الهدف من الزواج هو ان البنت تتزوج اللي يقنعها فكريا و شكليا ، و ان الشاب يتزوج اللي تقنعه فكريا و شكليا ، وعقبها بيجي الاستقرار ، واذا نقص احد الركنين احتمال كبير يفشل الزواج او يعيشون الزوجين في معاناة مالها نهاية ، فغلط اني اتراجع عن بنت فيها الصفات والاخلاق اللي ابيها علشان انها كانت زوجة رفيجي ، لان ايجاد الزوج والزوجة المناسبين صعب جدا في هذا الزمن الصعب ، فما بخلي فكرة مجتمعية انولدت على يد اشخاص عندهم قلة وعي في الحياة تخرب علي سعادتي ، و نجاح الاسرة هو بداية النجاح في الدنيا و الاخرة .

[السيف5]

في الواقع العملي صعبة

اتزوج طليقة رفيجي يعني اخسر صداقة رفيجي

هل انا مستعد لذلك ؟

[Dmy Enabi]

وفي نقطة مهمة ، الهدف من الزواج هو ان البنت تتزوج اللي يقنعها فكريا و شكليا ، و ان الشاب يتزوج اللي تقنعه فكريا و شكليا ، وعقبها بيجي الاستقرار ، واذا نقص احد الركنين احتمال كبير يفشل الزواج او يعيشون الزوجين في معاناة مالها نهاية ، فغلط اني اتراجع عن بنت فيها الصفات والاخلاق اللي ابيها علشان انها كانت زوجة رفيجي ، لان ايجاد الزوج والزوجة المناسبين صعب جدا في هذا الزمن الصعب ، فما بخلي فكرة مجتمعية انولدت على يد اشخاص عندهم قلة وعي في الحياة تخرب علي سعادتي ، و نجاح الاسرة هو بداية النجاح في الدنيا و الاخرة .

:victory:

[swairah]

بوجهة نظري ان الزواج قسمة ونصيب ولو له نصيب بشيء بياخذه غصب مش طيب

[MAZEN37]

ابعد عن الشر وغني له

[لاجئ عاطفي]

طيب نفرض تزوجتها وماكنت ادري انها طليقة رفيجي شسوي لدريت ؟؟ اطلقها؟؟؟ ياناس تكلموا كلام منطقي

[قطري2022]

:victory:

اشكرك اخوي او اختي dm
نسعد دوما بخدمتكم

[طموحي عالي]

وفي نقطة مهمة ، الهدف من الزواج هو ان البنت تتزوج اللي يقنعها فكريا و شكليا ، و ان الشاب يتزوج اللي تقنعه فكريا و شكليا ، وعقبها بيجي الاستقرار ، واذا نقص احد الركنين احتمال كبير يفشل الزواج او يعيشون الزوجين في معاناة مالها نهاية ، فغلط اني اتراجع عن بنت فيها الصفات والاخلاق اللي ابيها علشان انها كانت زوجة رفيجي ، لان ايجاد الزوج والزوجة المناسبين صعب جدا في هذا الزمن الصعب ، فما بخلي فكرة مجتمعية انولدت على يد اشخاص عندهم قلة وعي في الحياة تخرب علي سعادتي ، و نجاح الاسرة هو بداية النجاح في الدنيا و الاخرة .

بالضبط:nice:

وبعدين يكفي نسبه البنات مرتفعه بعد تحرمون اشياء محلله

[نفسي عزيزه]

مستحييل

[تحداني]

صباح الخير على الجميع

اليوم اسد الجزيره لا يسأل عن " الحلال والحرام "
يقول اسد الجزيره هل تتزوج انت .. بمعنى هل تستطيع .. هل ترغب .. هل بإمكانك تخطي خيالات تلك العلاقه الزوجيه السابقه .. هل تقبل نفسك بزوجه كانت لصديقك زوجه تطبخ له .. تلبس له .. تتعدل له .. اتجابله .. تلمس ايدينه .. هل تستطيع ان تكرر كل ذلك


اما عن الفكر قليل من يستطيع ان يأخذ هالاعتبار في الحسبان خاصه في الزواج
مازال هذا المجتمع ينظر للزواج على انه رجل وامراه تتلاصق اجسادهم وينجبون ابناء
فكر يسيطر على المجتمع ليخلف الاطفال وتكبر فراغات العاطفه ..
وبغض النظر عن العاطفه
حتى فراغات الحوار والتركيبه الفكريه ..

حياه اشبه ما تكون برجل آلي يمارس ما عليه ممارسته قد يكون كاره او كارها
المهم يفعلوا ما عليهم فعله



جملكم الله برضاه

[تحداني]

وفي نقطة مهمة ، الهدف من الزواج هو ان البنت تتزوج اللي يقنعها فكريا و شكليا ، و ان الشاب يتزوج اللي تقنعه فكريا و شكليا ، وعقبها بيجي الاستقرار ، واذا نقص احد الركنين احتمال كبير يفشل الزواج او يعيشون الزوجين في معاناة مالها نهاية ، فغلط اني اتراجع عن بنت فيها الصفات والاخلاق اللي ابيها علشان انها كانت زوجة رفيجي ، لان ايجاد الزوج والزوجة المناسبين صعب جدا في هذا الزمن الصعب ، فما بخلي فكرة مجتمعية انولدت على يد اشخاص عندهم قلة وعي في الحياة تخرب علي سعادتي ، و نجاح الاسرة هو بداية النجاح في الدنيا و الاخرة .






هذا القلم مميز للغايه لعده اسباب على راس تلك الاسباب
قلم يدخل في فكر الانسان وتركيبته قبل كل شي
وخاصه ان كان خلف هذا كله .. عضو وليست عضوه

[قطري2022]

هذا القلم مميز للغايه لعده اسباب على راس تلك الاسباب
قلم يدخل في فكر الانسان وتركيبته قبل كل شي
وخاصه ان كان خلف هذا كله .. عضو وليست عضوه

وانا من اول ما قريت اول رد لج على كلامي عرفت انج انسانة ذكية و خبرة في الحياة وتفكرين من خلال المنطق والاسلام ، والاسلام هو المنطق اساسا، و الله يكثر من امثالج

[تحداني]

وانا من اول ما قريت اول رد لج على كلامي عرفت انج انسانة ذكية و خبرة في الحياة وتفكرين من خلال المنطق والاسلام ، والاسلام هو المنطق اساسا، و الله يكثر من امثالج



ماهو تجميل في شخصك الكريم ولا حتى في شخصي انا
لكن المجتمع وصل لمرحله يجب ان يستخدم فكره بما تتضمنه امور الدين
الحياه ما عادت تقف وتستمر على افكار العادات والتقاليد .. خاصه ان كانت الامور محسومه بالحلال والحرام

الحياه اليوم فيها من اجيال ترفض اسلوب خذوه فغلوه
اذا استغنى الانسان عن فكره ومشى على هامش الحيه لمجرد انه مسير
ستظهر فجوات وفراغات وتشتت


جملك الله برضاه

[مهرة]

محد يكذب على نفسه خاصه انتو يالرجال مستحيل ومن سابع المستحيلات بعد انه انت او غيرك تتزوج طليقة رفيجك حتى بالأحلام ماتصير .. اذا اخوه ممكن وعادي بعد وخاصة اذا هالأخ مات او غيره من نفس او قرايب هالعايلة يقدرون يتزوجونها .. لكن رفيجك الي هو مرات يكون أعز من اخوك ولد أمك وابوك ؟؟؟؟؟ لا والله ماتصير .. ممكن اتصير لأسباب معينه بعيدة عن المنطق ولكن ممكن ؟؟؟ في نظر بعض الناس

المرأة اتسويها مع رفيجتها ولكن مو لمن تتطلق رفيجتها إلا وهو مرتبط بها :eek5: وبعضهم تنطر لين يصير الطلاق وتلهفه ..! كثير أسمع من بعض البنات الي تقول عادي باخذ واحد متزوج أحسن عنده خبرة وبيدلعني لأني بكون الصغيرة والجديدة وبيسوي مقارنااااااات ..

بنات هالجيل الله بسماه أدرى بنواياهم السودة .. شياطين بهيئة جنس ناعم..!

يالله خارجنا

[بومحمد المطاوعه]

عن نفسي اذا كان السؤال

هل تتزوج ارمله اعز اصدقائك .؟؟

نعم بالتأكيد لحبي له وتربيه ابنائه

[أخت الكل]

صراحه تخيلت نفسي رجال وتخيلت الموقف

بجد تعتبر حركه نذاله وتوجع

[AL-MAYSTRO]

النصيب مايمنع
وليش لا اذا الخلل من رفيجي والبنت ماعليها كلام

وفالنهايه هاي نصيب مو معناته مطلقه ماتزوجها

بالعكس ياما مطلقات شايلين بيوت وقد المسؤوليه وماعليهم كلام

[بومحمد المطاوعه]

بس الصراحه قويه ههههههه

اذا كان رفيجي على قيد الحياه ومطلق اروح اخذ زوجته

خخخخخخخخخخ

مب مستحيل الا مستربحيل هههههه

[عيون الدوحة]

عادي مافيها شي أذا الواحد تزوج طليقة رفيجة
وأتوقع راح يرتفع الضغط عن الزوج السابق لي رن تلفون رفيجة بالمجلس وقال الاهل متصلين

[ام السعف]

النصيب ماله حواجز ،،

والله يوفق كل من اختار الزواج

الحين متى العرس ؟

[الخـود]

في الواقع العملي صعبة

اتزوج طليقة رفيجي يعني اخسر صداقة رفيجي

هل انا مستعد لذلك ؟

عفوا،، ليش تخسر صداقة رفيجك، ليش بيزعل؟ ماله حق.

[قطري2022]

ماهو تجميل في شخصك الكريم ولا حتى في شخصي انا
لكن المجتمع وصل لمرحله يجب ان يستخدم فكره بما تتضمنه امور الدين
الحياه ما عادت تقف وتستمر على افكار العادات والتقاليد .. خاصه ان كانت الامور محسومه بالحلال والحرام

الحياه اليوم فيها من اجيال ترفض اسلوب خذوه فغلوه
اذا استغنى الانسان عن فكره ومشى على هامش الحيه لمجرد انه مسير
ستظهر فجوات وفراغات وتشتت


جملك الله برضاه

وانا و الله ما اجامل بعد و قلت الواقع اللي شفته عليج ، وانا دايما اقول افكارنا المجتمعية اللي تحرم الحلال و تحلل الحرام ، و استخدام اغلب المسلمين لاخلاقهم الخاصة الي تربو عليها في بيوتهم ، دونا عن الاخلاق الاسلامية ، هم سبب مشاكل المسلمين و ضعفهم .

[رايق البال]

أن البقاء أسرى لما يسمى (( بالعرف أو التقليد الدخيل )) يؤدي بشكل طبيعي إلى إعتبار الزوجه ككماليات أو اكسسوارات اجتماعية يحتمها الوضع الفكري السائد ، وهو دليل جهل ..
ومتى ما اعتبر الزواج (( شراكة حياة فعليه وليست فقط جسدية أو ماكنة تفريخ )) قد نقول عندها أنه تم كسر قيد هذا التقليد ..

علما بأن المقصد في كلامي بالتقليد أو العرف الدخيل هو ما لم يأتي به الأسلام اًصلاً ..
فأعجب من اناس يتحسسون من تأثير علاقة الصداقه او (( الكلام المجتمعي )) ويلقون بعرض الحائط ما أحله الأسلام ..

[توشيبا]

بالنسبه لي صعب لأكن بتكلم.ومحد يقول نفسي صعبه أو قويه أني أتزوج طليقه رفيجي هذا شيء ربك كاتبه سوا تزوجتها انت أو رفيجك الثاني أو أخوه أو ولد عمه أو واحد غريب

لأكن من ناحيتي أنا
إذا كان رفيجي هذا راعي سؤالف ؤخرابيط وبلاوي في هالوقت النصيب اللي ربي كاتبه لي ولها. بيصير


أما إذا كان رفيجي رجال والنعم فيه ؤلا يعيبه شيء مأقول لو فيها خير معافها الطير

[قطري2022]

محد يكذب على نفسه خاصه انتو يالرجال مستحيل ومن سابع المستحيلات بعد انه انت او غيرك تتزوج طليقة رفيجك حتى بالأحلام ماتصير .. اذا اخوه ممكن وعادي بعد وخاصة اذا هالأخ مات او غيره من نفس او قرايب هالعايلة يقدرون يتزوجونها .. لكن رفيجك الي هو مرات يكون أعز من اخوك ولد أمك وابوك ؟؟؟؟؟ لا والله ماتصير .. ممكن اتصير لأسباب معينه بعيدة عن المنطق ولكن ممكن ؟؟؟ في نظر بعض الناس

المرأة اتسويها مع رفيجتها ولكن مو لمن تتطلق رفيجتها إلا وهو مرتبط بها :eek5: وبعضهم تنطر لين يصير الطلاق وتلهفه ..! كثير أسمع من بعض البنات الي تقول عادي باخذ واحد متزوج أحسن عنده خبرة وبيدلعني لأني بكون الصغيرة والجديدة وبيسوي مقارنااااااات ..

بنات هالجيل الله بسماه أدرى بنواياهم السودة .. شياطين بهيئة جنس ناعم..!

يالله خارجنا

اختي العزيزية مهرة ، في ناس يضربون بعض او اغلب الافكار المجتمعية بعرض الحائط ، و انا منهم ، لكن مب في كل شي ، في الضرورات اللي ممكن تخرب علي سعادتي ، وفي نفس الوقت لازم الواحد يراعي افكار المجتمع الي هو عايش فيه بس بحدود المعقول ، طبعا بحدود المعقول هذي نسبية لانه يختلف المعقول من شخص لاخر على حسب طريقة تفكير كل شخص ، لكن موضوع مثل ذي اتوقع ان بخلي رفيجي على جنب ، و اذا زعل مرده بيرضى ، وما اظن بيطول بزعلته ، انا عارف انه صعب علي و عليه موضوع اني اتزوج طليقته ، لكن الحياة فيها مصاعب و ابتلاءات لازم نخوضها ، و انا عندي الزوجة اللي بتسعدني اللي هي نصفي الثاني اهم عندي من الصديق ، لانها هي اللي اتدير اموري في البيت و امور عيالي مب صديقي ، و هي اللي بيدها اكون سعيد في حياتي او تعيس ، و تأكدي ان اذا لانسان او الانسانة ارتاحو في بيتهم ، معناها نص او ثلاث ارباع همهم انزاح .

[::.Silent.::]

قبل أن تقرر

هل أنت صاحب قرار اصلاً ؟!!!

يعني لما تكون مقتنع بالفكرة ، هناك رأي للوالدة و رأي للوالد و الأخوان و الخوات و .. و...

يعني الموضوع يصعب تقبله و الموافقه عليه.



الشاب اللي يقبل بالفكرة ، يلا شد حيلك و روح جرب !!
البنت اللي تقول عادي ، ما تخطب حق أخوها بنفس الحالة !!



الموضوع حلال ، لكن العادات و التقاليد و العرف أرفضه للأسف !

[قطري2022]

قبل أن تقرر

هل أنت صاحب قرار اصلاً ؟!!!

يعني لما تكون مقتنع بالفكرة ، هناك رأي للوالدة و رأي للوالد و الأخوان و الخوات و .. و...

يعني الموضوع يصعب تقبله و الموافقه عليه.



الشاب اللي يقبل بالفكرة ، يلا شد حيلك و روح جرب !!
البنت اللي تقول عادي ، ما تخطب حق أخوها بنفس الحالة !!



الموضوع حلال ، لكن العادات و التقاليد و العرف أرفضه للأسف !

قواك الله اخوي الكريم ،ماهو احنا قاعدين نتكلم عن رأي اللي بيتزوج قبل راي اهله ، و اذا اهله وقفوا في طريقه فهذي مشكلة ثانية يبيلها قعدة ، وبالنسبة للاخت اللي بنفس الحالة ، لو هي انسانة تفكر بعقلها مب بعواطفها بتوافق تخطب ، و اذا ما وافقت فالام موجودة و الخوات الثانيات موجودات ، ومشكلة اغلب الناس انهم يفكرون بعواطفهم مب بعقولهم .

[قطري2022]

النصيب ماله حواجز ،،

والله يوفق كل من اختار الزواج

الحين متى العرس ؟

بكرة الخطوبة و العرس ليلحين ماتحدد

[قطري2022]

بالنسبه لي صعب لأكن بتكلم.ومحد يقول نفسي صعبه أو قويه أني أتزوج طليقه رفيجي هذا شيء ربك كاتبه سوا تزوجتها انت أو رفيجك الثاني أو أخوه أو ولد عمه أو واحد غريب

لأكن من ناحيتي أنا
إذا كان رفيجي هذا راعي سؤالف ؤخرابيط وبلاوي في هالوقت النصيب اللي ربي كاتبه لي ولها. بيصير


أما إذا كان رفيجي رجال والنعم فيه ؤلا يعيبه شيء مأقول لو فيها خير معافها الطير

صح الله لسانك

[تحداني]

في نقطه تذكرتها ومن خلال سنواتي البسيطه في المنتدى .. وبين مختلف شرائح

في مواضيع الزواج بالتحديد .. تختلف الاراء والقناعات لعده عوامل
اذا كان العضو متزوج .. غير متزوج .. كبير بالعمر .. شاب مراهق
بنت اصغيرونه .. غير عن بنت خذتها الحياه ابتجاربها .. غير عن المطلقه والارمله
فكل واحد يحط رده على طريقه حياته وفكره

تلقى المتزوجه .. ما تفرق عندها هالمواضيع يصير الي يصر ويختمها بالنصيب
المب متزوجه واصغيرونه اتقول اهم شي زوج وعندي اعيال والبس فستان
الاكبيره الي رفضت وايد لسبب البحث عن ذات الفكر ترفض رفض تام الا في حال وجود شي
يخليها تقول اي

تلقى الي عنده اعيال واكبار يقول اهم شي انه حلال لان راح يعتبرها زوجه ثانيه


فالردود اهني كل من على حسب طبيعته ونظرته للزواج
واخر شي يكتبون " نصيب " صح هو نصيب وقضاء وقدر وووو لكن هم فوق في شي اسمه عقل .. ومبدأ وكرامه .. ونفس تقبل .. ونفس ترفض
واعتبارات كثيييييره نفسيه



جملكم الله برضاه

[أم نواري1]

صارت بين الإخوان مابالك بالأصحاب.!

وكلن وظروفه مثل ما قالت أختي تحداني

[ام السعف]

في نقطه تذكرتها ومن خلال سنواتي البسيطه في المنتدى .. وبين مختلف شرائح

في مواضيع الزواج بالتحديد .. تختلف الاراء والقناعات لعده عوامل
اذا كان العضو متزوج .. غير متزوج .. كبير بالعمر .. شاب مراهق
بنت اصغيرونه .. غير عن بنت خذتها الحياه ابتجاربها .. غير عن المطلقه والارمله
فكل واحد يحط رده على طريقه حياته وفكره

تلقى المتزوجه .. ما تفرق عندها هالمواضيع يصير الي يصر ويختمها بالنصيب
المب متزوجه واصغيرونه اتقول اهم شي زوج وعندي اعيال والبس فستان
الاكبيره الي رفضت وايد لسبب البحث عن ذات الفكر ترفض رفض تام الا في حال وجود شي
يخليها تقول اي

تلقى الي عنده اعيال واكبار يقول اهم شي انه حلال لان راح يعتبرها زوجه ثانيه


فالردود اهني كل من على حسب طبيعته ونظرته للزواج
واخر شي يكتبون " نصيب " صح هو نصيب وقضاء وقدر وووو لكن هم فوق في شي اسمه عقل .. ومبدأ وكرامه .. ونفس تقبل .. ونفس ترفض
واعتبارات كثيييييره نفسيه



جملكم الله برضاه

ايه يا آنسيتي الرقيقة

النصيب لو لعب دور ، فلا هناك صوت لمنطق او عقل

وعليه

عطيني واحد
شايف بعيونك سما ما بتخطر على بال
:shy:

[قطري2022]

في نقطه تذكرتها ومن خلال سنواتي البسيطه في المنتدى .. وبين مختلف شرائح

في مواضيع الزواج بالتحديد .. تختلف الاراء والقناعات لعده عوامل
اذا كان العضو متزوج .. غير متزوج .. كبير بالعمر .. شاب مراهق
بنت اصغيرونه .. غير عن بنت خذتها الحياه ابتجاربها .. غير عن المطلقه والارمله
فكل واحد يحط رده على طريقه حياته وفكره

تلقى المتزوجه .. ما تفرق عندها هالمواضيع يصير الي يصر ويختمها بالنصيب
المب متزوجه واصغيرونه اتقول اهم شي زوج وعندي اعيال والبس فستان
الاكبيره الي رفضت وايد لسبب البحث عن ذات الفكر ترفض رفض تام الا في حال وجود شي
يخليها تقول اي

تلقى الي عنده اعيال واكبار يقول اهم شي انه حلال لان راح يعتبرها زوجه ثانيه


فالردود اهني كل من على حسب طبيعته ونظرته للزواج
واخر شي يكتبون " نصيب " صح هو نصيب وقضاء وقدر وووو لكن هم فوق في شي اسمه عقل .. ومبدأ وكرامه .. ونفس تقبل .. ونفس ترفض
واعتبارات كثيييييره نفسيه



جملكم الله برضاه

فعلا كلمة النصيب هي الشماعة اللي نعلق عليها اخطاءنا ، لكن الوالدين هم الي يحددون مسار عيالهم ، عن طريق اسلوب التربية و عن طريق تغذيتهم بخبرة الحياة ، و عن طريق توجيهاتهم للعيال ، اذا التوجيهات منطقية و سليمة ، بيسعدون الابناء ، و اذا التوجيهات خاطئة بيتعسون الابناء ،و اذا التوجيه كان خاطئ ، و توهق الولد او البنت ، بيقولن لهم نصيبكم جذي اش بتسوون ، ما بيقولون ان توجيهم غلط .

[وليف الشوق]

باتزوجها وبكل قوة اذا ثبت انها راعيه دين ومش معناتها انها مطلقة احط العيب فيها او في رفيجي واعتقد اكثر مشاكل الطلاق عدم توافق بين الزوجين في كل شي فالافضل عدم الاستمرار في العلاقة الزوجية ان كانت الحياة بهذه الطريقة وكل" يدور على نصيبه

[تحداني]

ايه يا آنسيتي الرقيقة

النصيب لو لعب دور ، فلا هناك صوت لمنطق او عقل

وعليه

عطيني واحد
شايف بعيونك سما ما بتخطر على بال
:shy:

واخر شي يكتبون " نصيب " صح هو نصيب وقضاء وقدر وووو لكن هم فوق في شي اسمه عقل .. ومبدأ وكرامه .. ونفس تقبل .. ونفس ترفض
واعتبارات كثيييييره نفسيه



^
^
^
هنا ستجدين الاجابه
عندما تتيسر امور الزواج بعد قبول العقل والكرامه والمنطق وكل العوامل المحيطه
استطيع ان اقول كتب الله لهم وقدر ذلك .. اما لم ترفضه نفسي واجبر عليه
بإسم الهروب من العنوسه وحالي من حال الناس والرجال مافيه عيب فخذيه تحداني
هنا ابدا ليس للنصيب دخل انما للفكر المجتمعي دخل





فعلا كلمة النصيب هي الشماعة اللي نعلق عليها اخطاءنا ، لكن الوالدين هم الي يحددون مسار عيالهم ، عن طريق اسلوب التربية و عن طريق تغذيتهم بخبرة الحياة ، و عن طريق توجيهاتهم للعيال ، اذا التوجيهات منطقية و سليمة ، بيسعدون الابناء ، و اذا التوجيهات خاطئة بيتعسون الابناء ،و اذا التوجيه كان خاطئ ، و توهق الولد او البنت ، بيقولن لهم نصيبكم جذي اش بتسوون ، ما بيقولون ان توجيهم غلط .





صدقت .. لذلك الدور الاكبر والاعظم على تربيه هالجيل على ما يرتاحون له
شباب اليوم هم من يبحثون عن زوجاتهم ولك الكثير من الامثله من بيننا " البعض "
الكثير من الشباب واولهم اخوي يقول لي تحداني لا اتعبين نفسج
كل البنات طيبين لكن خليني ارسم حياتي ابطريقتي مع من اتمنى

اروح ازوجه طليقه صديقه .. هو حلال .. لكن ابدا لا كرامته ولا نفسه تقبل يحط ايده بيد زوجه صديقته .. ولا يقدر حتى يلمس اي طرف فيها حتى لو حلال .. هاذي تركيبه نفسيه فطريه فيه
قد تختلف عن البعض لكن حتما هناك من هم هكذا
الفكره ابعد من الجنس والجسد والاطفال
اخرجوا من هذا الاطار ابوس راس الوالده
ارجوكم



جملك الله برضاه

[ام السعف]

آنستي

كله نصيب ،،كله نصيب،، صدقيني،، صدقيني ،،

وعطيني واحد
قلاص ماي بارد
:(

[تحداني]

آنستي

كله نصيب ،،كله نصيب،، صدقيني،، صدقيني ،،

وعطيني واحد
قلاص ماي بارد
:(




اوك .. از يو لايك
عندي انا .. اعتقد في شي اسمه شخص بإمكانه تغيير مجرى النصيب ان كان بالامكان
صعب اروح اركب فوق الطعس واقط نفسي من فوق .. وتالي ان مت بقول قضاء وقدر
مهو رب العالمين عطاك عقل ..


اما اذا خذت بالاسباب وهم صار الي صار
اهني للنصيب دور بالنسبه لي

[ام السعف]

اوك .. از يو لايك
عندي انا .. اعتقد في شي اسمه شخص بإمكانه تغيير مجرى النصيب ان كان بالامكان
صعب اروح اركب فوق الطعس واقط نفسي من فوق .. وتالي ان مت بقول قضاء وقدر
مهو رب العالمين عطاك عقل ..


اما اذا خذت بالاسباب وهم صار الي صار
اهني للنصيب دور بالنسبه لي

يووووه

كل شي نصيب سواء خططنا له او ما خططنا فهو نصيب هالانسان
اللي يخطط ويكمل هذا نصيبه ،، واللي كمل وما خطط هذا نصيبه

فهمتي يا فراشتي ؟

وعطيني واحد
ما بدي شي
:shy:

[تحداني]

يووووه

كل شي نصيب سواء خططنا له او ما خططنا فهو نصيب هالانسان
اللي يخطط ويكمل هذا نصيبه ،، واللي كمل وما خطط هذا نصيبه

فهمتي يا فراشتي ؟

وعطيني واحد
ما بدي شي
:shy:



فاهمه كلمه نصيب .. بس ما اقدر افهمها بطريقتك
لان ما تنطبق علي


سوري

[فلتة زمانها]

مبروك للعروسين

[تحداني]

مبروك للعروسين





ليش متى العرس ليكون وافقت عليه ؟؟
الا تعالي ليكون تلبس نفس الفستان الي البسته في عرسها الاول
وخذي وهاتي سوالف حريم


احبج وايد

[فلتة زمانها]

ليش متى العرس ليكون وافقت عليه ؟؟
الا تعالي ليكون تلبس نفس الفستان الي البسته في عرسها الاول
وخذي وهاتي سوالف حريم


احبج وايد

عرس منو؟؟ ومن اللي بيغني ؟؟
شذى حسون والا مريام فارس :p

تؤبريني حبيبة ألبي

[ام السعف]

فاهمه كلمه نصيب .. بس ما اقدر افهمها بطريقتك
لان ما تنطبق علي


سوري

ما طلبت منج تفهمينها بطريقتي
حاولت بس تفهمين ان لي وجهة نظر

وعطيني واحد
كونتيه بارتيرو

[قطري2022]

باتزوجها وبكل قوة اذا ثبت انها راعيه دين ومش معناتها انها مطلقة احط العيب فيها او في رفيجي واعتقد اكثر مشاكل الطلاق عدم توافق بين الزوجين في كل شي فالافضل عدم الاستمرار في العلاقة الزوجية ان كانت الحياة بهذه الطريقة وكل" يدور على نصيبه

صح لسانك ياوليف الشوق ، لان مقولتي تقول ، العلاقة التي تفتقر للاحترام ، من الخطأ استمرارها
سواء علاقة صداقة او زواج او عمل .

[تحداني]

عرس منو؟؟ ومن اللي بيغني ؟؟
شذى حسون والا مريام فارس :p

تؤبريني حبيبة ألبي



حلاته نوال الكويتيه .. ولا محمد عبده
:)




ما طلبت منج تفهمينها بطريقتي
حاولت بس تفهمين ان لي وجهة نظر

وعطيني واحد
كونتيه بارتيرو




فهمتها والله العظيم من زمان
من اول ما قلتيها .. وكتبتيها

ما اعرف هالاختراع :( ولا كان سعيت لج

[تحداني]

باتزوجها وبكل قوة اذا ثبت انها راعيه دين ومش معناتها انها مطلقة احط العيب فيها او في رفيجي واعتقد
اكثر مشاكل الطلاق عدم توافق بين الزوجين في كل شي فالافضل عدم الاستمرار في العلاقة الزوجية ان كانت الحياة بهذه الطريقة وكل" يدور على نصيبه





شفت هالكمن كلمه .. هي اكبر كارثه في الحياه الزوجيه
لان ممكن اكتشافها في بدايه الطريق والخطبه
لكن كل واحد يجي على نفسه ويظل ينتظر وهي واضحه


الكارثه الثانيه لما تحط هذا احذى هذا
واتقول راح يتزوجون ويجيبون اعيال حالهم حال الناس
وهم يبحثون عن السعاده وليس عن هذا المفهوم الخاطئ


يوم اخطبوا لاخوي بنت خالتي
قلت لهم ايش جاب هذا لهذا
قالوا والله البنت بنتنا .. والولد ولدنا .. هذا جامعي وهذيح جامعيه
هاذي بيضه .. وذاك ابيض
هاذي متوسطه الطول .. وذاك زوين
خلاص عطوهم حق بعض

قلت لهم والله افكارهم مختلفه
ردوا علي هلي اسكتي بس .. واتذكر الوالده قالت لي انتوا اشدراكم يهال ويدخلون

لين اليوم اتقول صدقتي تحداني
وانفصلوا
وانتهت الحكايه المتوقعه




ارجوكم فكروا في حياتكم لانكم انتوا الي تملكونها
مب غيركم


ترى باجر في اعيال
ليش تعيشون وانتوا مب متقبلين


ما قلنا تعصون والدينكم .. لكن اوزنوا الامور من كل النواحي

[السويدي 88]

ما عندي تعليق بس اللي الله كاتبه راح يصير

[حسن]

الحين خل يعرسون البنات اللي في البيوت الاول وبعدين نفككر فيهم

احسن حل ان الدووله تصدر قرار الزامي بالتعدد

[قطري2022]

الحين خل يعرسون البنات اللي في البيوت الاول وبعدين نفككر فيهم

احسن حل ان الدووله تصدر قرار الزامي بالتعدد

واذا يبوني انا اللي احط الخطة الاستراتيجة للإلزام التعدد انا جاهز
تدرون بلادي هذي و وابي لها الخير

[حسن]

واذا يبوني انا اللي احط الخطة الاستراتيجة للإلزام التعدد انا جاهز
تدرون بلادي هذي و وابي لها الخير

اذا انت رجل فنحن نقبل بالخطه
صح يارجال ولا غلط

[تحداني]

الحين خل يعرسون البنات اللي في البيوت الاول وبعدين نفككر فيهم

احسن حل ان الدووله تصدر قرار الزامي بالتعدد


واذا يبوني انا اللي احط الخطة الاستراتيجة للإلزام التعدد انا جاهز
تدرون بلادي هذي و وابي لها الخير




اذا انت رجل فنحن نقبل بالخطه
صح يارجال ولا غلط





وانت صادق يا حسن البنات زادوا
والابيوت مليانه .. وكلهم بدون زواج .. ويردون ويقولون نصيب
اي نصيب هذا والبنت مافي حد يعرفها
او ما عندها اعيال عم او اعيال عمات
وانانيه البعض من النساء ما اتخليهم يخبرون عن بنات الناس ان في وحده في هالبيت
ولو سألوها الحريم اتعرفين بنت للزواج اتقول ما اعرف

ما عادت الناس مثل اول تسعى للناس


ما اعتقد دايما التعدد حل .. لان ساعات يخلق مشكله جديده
بس اعتقد لما الكل يساعد الكل ويدور للناس بنات الحلال واعيال الحلال
ما راح اتم بنت بيت ابوها


والله انا قلتها واكررها
اعرف بنات مثل الذهب .. لكن ما جى ولا شاب طق باب بيتهم
بياض .. طول .. جمال .. عوائل .. انيقات .. رشيقات .. مثقفات .. متعلمات .. واعيات
انسات ولا كل الانسات .. لكن لا اعيال عم ولا عمه وكل الي حولهم اصغر منها
هاذي اشلون بتتزوج .. ؟

بتقول لي من دوامها .. بقول لك صعبه
بتقول ي من صديقاتها .. انا وحده من صديقاتها .. كل ما حاولت مع ام وحده من الشباب
ابنفسها ترفض واتقول ولدي عندي له حد .. والولد شروطه مختلفه عن شروط امه


قمه الظلم


ولا تعال مشكله جاهليه قديمه

هاذي مب من عيلتي مب من فخيذتي
حسستني جاي من السماء وهذيلن جايين من باطن الارض

[حسن]

وانت صادق يا حسن البنات زادوا
والابيوت مليانه .. وكلهم بدون زواج .. ويردون ويقولون نصيب
اي نصيب هذا والبنت مافي حد يعرفها
او ما عندها اعيال عم او اعيال عمات
وانانيه البعض من النساء ما اتخليهم يخبرون عن بنات الناس ان في وحده في هالبيت
ولو سألوها الحريم اتعرفين بنت للزواج اتقول ما اعرف

ما عادت الناس مثل اول تسعى للناس


ما اعتقد دايما التعدد حل .. لان ساعات يخلق مشكله جديده
بس اعتقد لما الكل يساعد الكل ويدور للناس بنات الحلال واعيال الحلال
ما راح اتم بنت بيت ابوها


والله انا قلتها واكررها
اعرف بنات مثل الذهب .. لكن ما جى ولا شاب طق باب بيتهم
بياض .. طول .. جمال .. عوائل .. انيقات .. رشيقات .. مثقفات .. متعلمات .. واعيات
انسات ولا كل الانسات .. لكن لا اعيال عم ولا عمه وكل الي حولهم اصغر منها
هاذي اشلون بتتزوج .. ؟

بتقول لي من دوامها .. بقول لك صعبه
بتقول ي من صديقاتها .. انا وحده من صديقاتها .. كل ما حاولت مع ام وحده من الشباب
ابنفسها ترفض واتقول ولدي عندي له حد .. والولد شروطه مختلفه عن شروط امه


قمه الظلم


ولا تعال مشكله جاهليه قديمه

هاذي مب من عيلتي مب من فخيذتي
حسستني جاي من السماء وهذيلن جايين من باطن الارض



وضع مؤلم

والمشكله عندنا البنات اكثر مشاء الله عليهم
وعادات المجتمع ماتحب حد ياخذ من برع
سحقا للعادات اللتي ماانزل الله بها من سلطان

حتى الشباب كثر اللي اعرفهم عزابيه وش نسوي فيهم الماده تعلب دور ومثل ماقالو المال مفسده


الله يعين والله يسوق لهم نصيب
لازم هناك حل

:)

[تحداني]

وضع مؤلم

والمشكله عندنا البنات اكثر مشاء الله عليهم
وعادات المجتمع ماتحب حد ياخذ من برع
سحقا للعادات اللتي ماانزل الله بها من سلطان

حتى الشباب كثر اللي اعرفهم عزابيه وش نسوي فيهم الماده تعلب دور ومثل ماقالو المال مفسده


الله يعين والله يسوق لهم نصيب
لازم هناك حل

:)





آآآآآآآآآآآآآآآآآآآآآآآآآآآآآآمين ونفرح فيهم كلهم
ورب العالمين ماهو بخيل على عباده .. اما ان كانت الاشكاليه في الماده
في بنات يرضون بالقليل والله في بنات اقنعهم ابهالشي
ان ردوه بيت بيتين .. في الي يشتريه من انعالته وثوبه ولحيته واعقاله
لانه رجل



وان جى حد يخطب بنتك لا اتقول له انت مب من عايلتنا
انت متعلم ومثقف خل هالافكار للناس الي لها
خل يروحون ابنصيبهم

اليوم خميس اكيد الدنيا اعراس ومناسبات
الله يسعدهم كلهم

[عاهد بن علي]

انا ما عندي مانع ( بتاتآ ) حتى ولو طليقة الطباخ:victory::victory::victory::victory::victory :

[الوسيط العقاري]

حتى مواضيع الزواج في المنتدى مولعه

[بوحارب]

الحين شالسالفة اتزوجها ولا لا !!!

[ام السعف]

حتى مواضيع الزواج في المنتدى مولعه

الفراغ لاعب لعبته :)

[مشاكل]

الفراغ لاعب لعبته :)
ضيفي عليها امتلاء البطن

[ام السعف]

ضيفي عليها امتلاء البطن

ليش لااء نضيف اللي يساعد على تفسير تفشي هالظاهرة :)

[مو مهم]

مستحيل

[لاجل QT]

هههههههه

ياربي على مواضيع موسم التزواج

ماتخلص اعنبوه

ليش مايرضى

نسمع ان اخو يتزوج طليقة اخوة

عادي اذا من نصيبة في الدنيا

[وكر الذيب]

لا طبعا حبكت مااخذ الا طليقة صديق الف بنت وبنت قدامي والخيار مفتوح لانه يسبب احراج كبير للطليق لان شخصيتة وعيوبة واسرار اسرارة بتكون مفتوحة قدامي وخبرك الحريم يحبون البهار في السوالف واذا كرهوا حد حطوا كل عيبة فية

[qatar vision]

حلوه الردود عجبتني
وأنا ما شوف فيها شي .. هي قسمة ونصيب

[لاجل QT]

في الجنة اذا الزوج او الزوجة في النار الطرف الثاني راح يكون له زوج من الدنيا الله العالم شنهو وضعة وجنسيتة وصله قرابتة ومكانتة في الدنيا

انظرو للحلال والحرام فقط

اما الاشياء الثاني قطوها وراكم

[لاجل QT]

لا طبعا حبكت مااخذ الا طليقة صديق الف بنت وبنت قدامي والخيار مفتوح لانه يسبب احراج كبير للطليق لان شخصيتة وعيوبة واسرار اسرارة بتكون مفتوحة قدامي وخبرك الحريم يحبون البهار في السوالف واذا كرهوا حد حطوا كل عيبة فية

طيب لو نقول مثلا وقعت في حب طليقة رفيجك...كلنا نعلم ان قلوبنا ليست بايدينا

هل بتقول رفيجى ؟؟

ولا بتزوج اللى حبيتها؟؟

[ولي العهد]

أوافق أني اتزوجها بس بشرط أني أضحي بصداقة رفيجي عيل اتزوجها وروح أشاهد قبسته في الميلس ويحط عينه في عيني ويعطينا بذيك النظرات الخارقة الي اتشق الجبه ؟؟؟ تباً له

[سهم عتيج]

نكتفي بهذا الحد من النقاش لان بعض المشاركات الأخيرة المحذوفة تحولت الى مشاركات خادشة للحياء العام

وشكرا