وش سالفة العقار ............؟؟؟

[الكاسر99]

السلام عليكم ورحمة الله وبركاته

اشوف الكل يعرض أراضي وفلل وما أشوف أحد يرد ويطلب

هل هذا دليل على أن العقار ينزل وراح ينزل أكثر وأكثر

[أسد الجزيرة]

لانه الاسعار وصلت اسعار فلكية و الكل يبي يستفيد من الفرصة بس الناس ما عندها قدرة تشتري بهذي الاسعار

[الكاسر99]

أن شاء الله تنزل وتنزل

وكفاية جشع

[V.I.P_QATAR]

بتنزل يالغالي اصبر شوي وصلت اسعار حتى لو تبي تستثمر فيها ماتقدر الحين فله ب 2 مليون وطالع ولو جيت تبي تاخذ استثمار كنك بتجمد الـ2 مليون لمده 18 سنه علشان تجيب راس مالها وي هذه الحالة حرام تثبت الـ2 مليون لمدة 17 سنة والحين نفس الشي بالاراضي التجاريه وصلت اسعار خرافيه ال في معيذر الفوت ع 2000 ريال شيء الصراحة ينخاف منه

[MAZEN37]

اعتقد الاسعار بتطلع والله اعلم

[الكاسر99]

اتوقع اللي يقول ان الأسعار بتطلع

اللي للحين ماعنده بيت على كلامك أن الأسعار بتطلع راح يسكن في الشارع

[الكنج]

الفوت في ام عبيرية وصل 300 ؟؟!

بس متى راح تنزل الاسعار هني السؤال .

[ملك المشاعر]

صار فيه مبالغة في الاسعار وقلت نسبة الفائدة من الاستثمار في العقار

[مخطط قطري]

قريب جدا وراح ارفع هالمشاركه الطلبات قلت واجد والعروض كثرت وانا والله اعرض عقارتي بسعر السوق ولاتروح وانزل وبعد ماتروح انا ابي اشترى عقارات والمشكله الدلالين اغلبهم ماعنده مصداقيه

[الوسيط العقاري]

الفوت في ام عبيرية وصل 300 ؟؟!

بس متى راح تنزل الاسعار هني السؤال .

الفوت بأم عبيريه 275

[الوسيط العقاري]

قريب جدا وراح ارفع هالمشاركه الطلبات قلت واجد والعروض كثرت وانا والله اعرض عقارتي بسعر السوق ولاتروح وانزل وبعد ماتروح انا ابي اشترى عقارات والمشكله الدلالين اغلبهم ماعنده مصداقيه

صادق اخوي

الاغلبيهً ماعندهم مصداقيه


لكن ممكن اعرف منك اشلون ماعندهم مصداقيه في شنو ؟

[الوسيط العقاري]

اعتقد الاسعار بتطلع والله اعلم

الاسعار بتنزل

شوي

لان الاسعار صارت خياليه

[q6ri_]

بـ التوفيق ..

[مخطط قطري]

صادق اخوي

الاغلبيهً ماعندهم مصداقيه


لكن ممكن اعرف منك اشلون ماعندهم مصداقيه في شنو ؟
سجل عندك اول حاجه اذا نويت تشتري عقار والسعر المعروض عن طريق الدلال اعجبك تقوله اوكي خلص يتاخر عليك كم يوم وعقب تتصله يافلان وين العقار كلمتهم المعهوده المالك مسافر تنتظر عليه وتقعد كم يوم تنتظر المالك وفي الخير تكتشف انه المالك بايعها ,,, الدلال هنيه ضيع وقتك وضيع فرص عليك موجوده في السوق هذا للنموذج منتشر بكثره
واغلب اللي ماعندهم مصداقيه لايفقهون في ابجديات التعامل في السوق وتحصله يلقط عقارات من وسطاء اخريين ويحاول يبحث عن المالك ويزعجه ويقوله فيه شراي وهو كاذب بس عشان يضمنه انه ماراح يبيع الا عن طريقه وعقب هو يسوق للعقار
والمقام لايتسع لذكر امثله انت وسيط وادرى فيهم مني وانا ماجاوبك بس انت انا حاط ردي في العام عشان بعض الوسطاء يتقون الله والمعامله تكون مع الناس بصدق لاني كمستثمر وشراي بتعاملك وياك مره ومرتين و10 اذا انت صادق وراعي امانه واذا كنت بايع ماراح ابيع الا عن طريق دلال مشهود له بالصدق وحسن التعامل مع الناس
وقسم بالله انه وصلت لشخص مره قالي اذا سمعت في التلفون الدلال من الجنسيه ?????سكر الخط وقوله غلطان وهذا الرجل يشتري ويبيع في العقارات من 25 سنه يعني خبير واستشاري عقاري

[KSK Logistic]

قريب جدا وراح ارفع هالمشاركه الطلبات قلت واجد والعروض كثرت وانا والله اعرض عقارتي بسعر السوق ولاتروح وانزل وبعد ماتروح انا ابي اشترى عقارات والمشكله الدلالين اغلبهم ماعنده مصداقيه

الكلام صحيح ، أنا اظطريت أني انزل سعري جامد علشان أبيع . الشراي مختفي

[جعران]

السلام عليكم ورحمة الله وبركاته

اشوف الكل يعرض أراضي وفلل وما أشوف أحد يرد ويطلب

هل هذا دليل على أن العقار ينزل وراح ينزل أكثر وأكثر

اخي العزيز
لكل بداية نهاية
وكلامك 100%

[wesam82]

أن شاء الله يصير الوضع التصحيحي وتنزل الأسعار
كل شيء يبدأ صغير ويكبر إلا المصيبة تبدأ كبيرة وتصغر وأن شاء الله هالمصيبة تصغر وتروح من غير رجعة

[OM_OMAR_QATAR]

ياريت تنزل العقارات

[Bozizoo]

قريب جدا وراح ارفع هالمشاركه الطلبات قلت واجد والعروض كثرت وانا والله اعرض عقارتي بسعر السوق ولاتروح وانزل وبعد ماتروح انا ابي اشترى عقارات والمشكله الدلالين اغلبهم ماعنده مصداقيه

والله انك صااااج معدومه المصداقيه
وكل واحد يكلمك على باله انك غبي ماتفهم
واذا تبي تبيع يخسف في السعر الارض وأذا انت شراي يرفع الاسعار فوق
وكله كلامه انا مع المالك مباشره الارض عندي و يطلع اخرطي

[Bozizoo]

اخي العزيز
لكل بداية نهاية
وكلامك 100%

اول شي ابي اقولكم انا ماني تاجر
بس اشك ان الاسعار بتنزل و انا اتمنى انها تنزل
اكثر الي يعرضون مايبون يبيعون ..يبون يشفون كم يجيب له العقار كم او يطلب فيه سعر خرافي
...اذا ما القحت ماضرها التيس...
انا صار لي فتره عندي عقار ابي ابيعه وكل يومين يزيد السعر تخيلوا من سنه لين اليوم السعر زاااايد تقريبا 2.5 مليون بس فرق في السعر ...انا منهبل

[الوسيط العقاري]

المشكله في ارتفاع العقار هم التجار الجشعين وبعض الملاك اللي مب عارفين للعقار
اللي كل يومينً او ٣ ايام يرفع سعر الفوت ٥ ريال زياده
والدلال مظطر يجيب له السعر اللي يبغيه
ويقعد يمدح ويلمع في ارضه كأنه عنده ارض في سويسرا واخرتها ارضه في الوكره او ام عبيريه او بظلًوف والطامه الاكبر انك تجيب للمالك السعر اللي يبيه ويقول خلاص هونت عن البيعه لان كأس العالم قرب وتحت ارضي مخزون نفط

وثاني يوم عارضها عند دلال ثاني بسعر اعلى


هذه حقيقه ارتفاع العقار ولدي جميع الدلائل!!!

[KSK Logistic]

المشكله في ارتفاع العقار هم التجار الجشعين وبعض الملاك اللي مب عارفين للعقار
اللي كل يومينً او 3 ايام يرفع سعر الفوت 5 ريال زياده
والدلال مظطر يجيب له السعر اللي يبغيه
ويقعد يمدح ويلمع في ارضه كأنه عنده ارض في سويسرا واخرتها ارضه في الوكره او ام عبيريه او بظلًوف والطامه الاكبر انك تجيب للمالك السعر اللي يبيه ويقول خلاص هونت عن البيعه لان كأس العالم قرب وتحت ارضي مخزون نفط

وثاني يوم عارضها عند دلال ثاني بسعر اعلى


هذه حقيقه ارتفاع العقار ولدي جميع الدلائل!!!

واللة انة كلامك صحيح ، انا مالك عرضت علية نفس السعر الي طالبة ، قام قالي لا انا هونت ، اليوم عارض علي اقل وانا الي هونت

[مستانس]

والله ياالربع كل ما احصل مبلغ فوق الي عندي كل اربع خمس ست شهور اقول خلاص الحين بحصل ارض ابدا ادور في الجرايد كلها مع الوسيط الاسبوعي احصل الاسعار ترتفع ارجع اجمع ودبر منيه مناك ارجع اشتري جرايد واحصل ارتفعت الاسعار ياخي شاسوي تعبت مليت والله صارلي حروت سنه وشوي وانا على هل الحال شكلي بروح تايلند افسفس الفلوس

[QTR TV]

كل ن يغني على ليلاه في ٢٠٠٨ كانت الأسعار لاتطاق ويوم أنزلة بعدها بفترة قعدنا انتلفت على بعض الشقق في دبي وصلت ٢٥٠ ألف من مليون ونص وعندنا معروفين أصحاب الاراضي ماضرهم شئ مسكوا على أراضيهم ولا باعوا وكانت الاراضي بدون سعر معين على حاجت المالك وكان الشراي ملك وانتوا يالي دورون اراضي حزتها المزانيه الي عندكم ماكانت تسمح لشراء ارض أما الحين تقدر بعد لزيادات الي طرت في الاونه الاخير لأكن هذا اسمه تضخم يزيد عندك وعند غيرك فلاحد يزعل مني الي يبغي يشتري يطلع إشاعات أن الاراضي بتنزل ولي يبغي يبيع يطلع إشاعات أن الاراضي بترتفع يعني مثل لعبت الأسهم في النهاية أنا واغلب الي موجودين في الساحه يملك ارض ويبغي يبيعها أو يبغي يشتري ارض يسكنها لأكن يكتشف في النهاية ان الي حوله كلهم دلالين
مع احترمي للكل معاهم الدلالين لاتاخذ نصيحة دلال ترا الدلال كل مازاد السعر زادت فايدته

وسمحولي مجرد رأي

[بونووف]

والله ياالربع كل ما احصل مبلغ فوق الي عندي كل اربع خمس ست شهور اقول خلاص الحين بحصل ارض ابدا ادور في الجرايد كلها مع الوسيط الاسبوعي احصل الاسعار ترتفع ارجع اجمع ودبر منيه مناك ارجع اشتري جرايد واحصل ارتفعت الاسعار ياخي شاسوي تعبت مليت والله صارلي حروت سنه وشوي وانا على هل الحال شكلي بروح تايلند افسفس الفلوس

نفس حالتك

[البانوش]

كل ماطار طير ورتفع الا كما طار وقع

انا اتوقع والله اعلم بعد المونديال ترجع اسعار السبعينات

[بن يوسف الثقفي]

راح تنزل اسعار العقارات ونزول قوي والوقت الحالي بالنسبة للتجار العقارات العارفين بالسوق هو وقت الحصاد
رجعنا لايام الفقاعة
مجرد راي شخصي والله اعلم

[باندول]

الي يقول بتنزل الاراضي غلطان وانا اقول عشم ابليس في الجنه
والي عنده ارض في دوحه وضواحيها بمليون ونص بمساحه 1200م انا شراي هلعرض مدته سنتين من الان
يله دوروا لي من الحين

[بوحارب]

انا محايد لا أتمنى النزول حتى لايزعل راعي العقار

ولا أتمنى الصعود حتى لايزعل اللي ما شرى

ووجهة نظري في الموضوع ان العقار نازل

لأني أشوف عقارات معروضة للبيع من 6 شهور وللحين خايسه مكانها !!

[أسد الجزيرة]

انا محايد لا أتمنى النزول حتى لايزعل راعي العقار

ولا أتمنى الصعود حتى لايزعل اللي ما شرى

ووجهة نظري في الموضوع ان العقار نازل

لأني أشوف عقارات معروضة للبيع من 6 شهور وللحين خايسه مكانها !!

في عقارات معروضة من سنة بس ما انباعت لانه السعر غالي و نقص مليون و بعد السعر مبالغ فيه

اتوقع انه العقار يطيح طيحة جامدة و السبب ما تخفيه الايام :secret:

[بوحارب]

في عقارات معروضة من سنة بس ما انباعت لانه السعر غالي و نقص مليون و بعد السعر مبالغ فيه

اتوقع انه العقار يطيح طيحة جامدة و السبب ما تخفيه الايام :secret:

انت يمكن تتكلم عن عماير أو أراضي كبيرة

لانه الفلل العادية لو ينزل من سعرها مليون محد بيخليها :)

والكل متوقع هبوط بس محد يعرف متى !!!

[wesam82]

انت يمكن تتكلم عن عماير أو أراضي كبيرة

لانه الفلل العادية لو ينزل من سعرها مليون محد بيخليها :)

والكل متوقع هبوط بس محد يعرف متى !!!

أخوي أنا شفت أراضي صغيرة معروضة ومحد شاريها

واللي يعرض الأرض نفسها عدد من الدلالين وما أنباعت رغم عدد الدلالين على نفس العقار

الله رحيم وهذا الشر بيزول وماراح يتم، المسأله كلها صبر وراح تُفرج

[دلال قطر]

عقب 2022 بتنزل الاسعار
وبيصير البيت بو 1000 متر ب 500 الف ويمكن اقل نفس قبل :D

^تحليلي المتواضع :o

[KSK Logistic]

اصلا قطر الي يسكن يامقيمين موظفين ، ولا قطرين ، والناس ماعندها تدفع اكثر .

[أستغفرك يارب]

ما اشوف سبب لنزول الاسعار
اللي بيقول سوريا،، احنا شدخلنا في سوريا لاهي دوله مجاوره ولا على الدوحه تهديد
بس لما يصير سبب. اتوقع نزول حااااد

[بوحارب]

أخوي أنا شفت أراضي صغيرة معروضة ومحد شاريها

واللي يعرض الأرض نفسها عدد من الدلالين وما أنباعت رغم عدد الدلالين على نفس العقار

الله رحيم وهذا الشر بيزول وماراح يتم، المسأله كلها صبر وراح تُفرج

أكيد محد بيشتري

على سبيل المثال ارض في منطقة نائية مثل ام قرن

على مليون و 200 ألف خاطري اعرف على ايش هذا السعر كله !!

أسعار مبالغ فيها واللي يشتري هذي الأيام هو المغامر واللي يبغي يفتك من الاجار فقط

[العميد الركن]

اذا بعض الفرجان ملك شخص واحد فقط!!

وين تنزل الاسعار

[wesam82]

اذا بعض الفرجان ملك شخص واحد فقط!!

وين تنزل الاسعار


ذكرتني بكلمة للحسن البصري ، وهذي الكلمة طول ما أنا أدور عن فلة أو أرض علشان أبني بيت العمر أتذكرها بسبب طمع الدلالين والملاك

قال الحسن البصري رحمه الله :" لكل أمة وثن يعبدون، وصنم هذه الأمة الدينار والدرهم" اللهم اهدنا فيمن هديت وعافنا فيمن عفيت يا الله

[ميلاف]

كل المؤششرات انها بترتفع وفي ارتفاع انا شاري ارض في معيذر الجنوبي قبل سنه على 255 الفوت

وشريت ارض في معيذر الجنوبي قبل شهر ب 350 الفوت زياده تقريبا 100 ريال

لكن النزول يمكن اذا تم سحب 2022 من قطر وهذا غير وارد واذا كان وارد ببين في 2015
او ينزل سعر البترول عن مستوياته الى الحين او ترجع ازمة اوروبا وامريكا يعني ازمة عالمية والحكومة توقف مشاريعها شوي .
هذا تحليلي ان اصبت من عند الله وان اخطأت فمن نفسي

[الدبلوماسي]

اذا بعض الفرجان ملك شخص واحد فقط!!

وين تنزل الاسعار


جبتها ع الجرح يارجال مب فرجان قوول مناطق ههههههههههه
اخبر واحد اعرفه شخصيا ماخلا لا سكني ولاتجاري ولااداري الا خذاه في منطقه من المناطق لو ذكرت اسمها بينعرف:tease:

[أسد الجزيرة]

بيطيح العقار قريب ان شاء الله

[الكاسر99]

جزاكم الله كل خير على تفاعلكم بالموضوع

وأن شاء الله تطيح الأسعار مع أن عندي فله ومب من صالحي تطيح الأسعار


بس والله شي خيالي شنو أرض مساحتها 100 فوت في العزيزية من قبل 2008 الأن نفس الأرض

بنفس المساحة فوق الثلاث ملايين

ليش وش اللي صار ليكون طلع فيها بترول

[wesam82]

جزاكم الله كل خير على تفاعلكم بالموضوع

وأن شاء الله تطيح الأسعار مع أن عندي فله ومب من صالحي تطيح الأسعار


بس والله شي خيالي شنو أرض مساحتها 100 فوت في العزيزية من قبل 2008 الأن نفس الأرض

بنفس المساحة فوق الثلاث ملايين

ليش وش اللي صار ليكون طلع فيها بترول


لا ياخوي مافي بترول، كل اللي فيها فيران وصراصير:rolleyes2:
وإذا خارج الدوحة تلقى جرذان وصراصير برتبة طيار:tease:

ههههههههههههه

والله حالة

[خليفـة]

مالك العقار يبيه يرتفع
والي يبي يشتري يبيه ينزل
نظرية قديمة ومعروفة

عموما

الي يقول العقار هالايام في نزول
احب انقل له هالخبر :

أكثر من مليار ريال حجم تداول العقارات في قطر خلال أسبوع
قنا - 24/09/2013

بلغ حجم تداول العقارات في عقود البيع المسجلة لدى إدارة التسجيل العقاري بوزارة العدل خلال الفترة من 15 إلى 19 سبتمبر الجاري مليارا و 328 مليونا و 231 ألفا و 829 ريالا قطريا.

وذكرت النشرة الأسبوعية الصادرة عن إدارة التسجيل العقاري أن قائمة العقارات المتداولة بالبيع شملت أراضي فضاء وفللا من طابقين ومتلاصقات وبيوتا وعمارات سكنية. وتركزت عمليات البيع في بلديات أم صلال والخور والشمال والدوحة والريان والظعاين والوكرة.

[الدبلوماسي]

مالك العقار يبيه يرتفع
والي يبي يشتري يبيه ينزل
نظرية قديمة ومعروفة

عموما

الي يقول العقار هالايام في نزول
احب انقل له هالخبر :

أكثر من مليار ريال حجم تداول العقارات في قطر خلال أسبوع
قنا - 24/09/2013

بلغ حجم تداول العقارات في عقود البيع المسجلة لدى إدارة التسجيل العقاري بوزارة العدل خلال الفترة من 15 إلى 19 سبتمبر الجاري مليارا و 328 مليونا و 231 ألفا و 829 ريالا قطريا.

وذكرت النشرة الأسبوعية الصادرة عن إدارة التسجيل العقاري أن قائمة العقارات المتداولة بالبيع شملت أراضي فضاء وفللا من طابقين ومتلاصقات وبيوتا وعمارات سكنية. وتركزت عمليات البيع في بلديات أم صلال والخور والشمال والدوحة والريان والظعاين والوكرة.

صدقني بتطير العقارات زيادة في اشهور تصير فيها ركود وهاي شي طبيعي وسالفة النزول نسمع عنها وماشفناها الا وقت الازمة الماليه وبس والي خذ خذ والي تردد راحت عليه وتحسف
على فكرة تذمر الناس من اسعار العقار من ايام جدودي وجدودك شي ماهو بجديد
الي مب حاط له استراتجيه واهداف وبيتم على القيل والقال بيضيع
مرجعنا الاساسي العرض والطلب مين يصدق ان في عقارات كانت تنباع على 5000 ريال و7000 ريال ومع ذالك الناس على ذيك الايام مب عاجبتها الاسعار وصلت لين 200 و 300 الف وبعد مب عاجبتهم وينتظرون النزول وصلت 2 و 3 مليون وهم ينتظرون النزول
وصدقني ان يوم قريب محد بيحصل عقار بمبلغ مليونين او 3 بيكون مجرد (حلم)
كلنا نتمنى تنزل او تثبت اسعار العقار بس ليس كل مايتمناه المرء يدركه تجري الرياح بما لاتشتهي السفن :victory:

[جبر ال جبر]

انا اقول امسكو عقاراتكم بطير اكثر بعد وماودنا يطيح انا توني شاري ومابيه ينزل ابيه في زود ومشاريع بالهبل في قطر واللي مب عاجبه السوق القطري يروح البحريني ولا السعودي وحتى الاماراتي فيها خير كثير ويضارب هناك ويرجع قطر ويشتري
انا شريت عقار ب٢ مليون وبعته ب3 ونص في قطر ورحت الخليج وخذت احلى العقارات هناك وتوني واد قطر وشاري بعد
اللي ماعنده عقار ينتظر النزول وانا اقوله بطول في انتظارك واللي عنده اكيد يبي الارتفاع وانا اولهم

[ابوالحارث]

بالمختصر المفيد مايحدث الأن بسوق العقار بقطر هو مضاربات عقاريه سوف تودي الي كوارث ماليه و الفاهم في الاستثمار العقاري يدرك ذلك.
واختم ليس كل مايعرف يقال

[mohd_bh]

انا اقول امسكو عقاراتكم بطير اكثر بعد وماودنا يطيح انا توني شاري ومابيه ينزل ابيه في زود ومشاريع بالهبل في قطر واللي مب عاجبه السوق القطري يروح البحريني ولا السعودي وحتى الاماراتي فيها خير كثير ويضارب هناك ويرجع قطر ويشتري
انا شريت عقار ب٢ مليون وبعته ب3 ونص في قطر ورحت الخليج وخذت احلى العقارات هناك وتوني واد قطر وشاري بعد
اللي ماعنده عقار ينتظر النزول وانا اقوله بطول في انتظارك واللي عنده اكيد يبي الارتفاع وانا اولهم


نصيحة يا أخوي لا تقربون سوق عقارات البحرين
احنا أهل البلد وماسكين فلوسنا ما نشتري
لأن الصراحة المستقبل مظلم ما نعرف شنو يصير
صحيح الأوضاع الحين هدأت ولكن هذي هدوء قبل العاصفة
والله يستر علينا

[بوحارب]

على كلام دلالين في السوق وناس ثقه
خبروني ان فيه فجوه كبيرة بين العرض والطلب

ونادر حد يشتري بأسعار اليوم

:swoon: :

[الكاسر99]

ياريت أصحاب الخبره يفيدونا في الموضوع

هل الأسعار الأن في نزول أو صعود

وتتوقعون الأسعار بترتفع او بتنزل على حسب اللي في السوق من عرض ومن طلب

[باندول]

ياريت أصحاب الخبره يفيدونا في الموضوع

هل الأسعار الأن في نزول أو صعود

وتتوقعون الأسعار بترتفع او بتنزل على حسب اللي في السوق من عرض ومن طلب

تقرير: ازدهار الاقتصاد ونمو السكان يحفزان الطلب على العقارات بقطر

http://www.alarab.qa/upload_ar/articles/images/large_1379473525.jpg

http://www.alarab.qa/upload_ar/articles/thumb/thumb_1379473544.jpg

تقرير: ازدهار الاقتصاد ونمو السكان يحفزان الطلب على العقارات بقطر


الدوحة - العرب | 2013-09-18

قال تقرير لموقع Oxford Business Group: إن ازدهار الاقتصاد ونمو عدد السكان مستمر في تحفيز الطلب على سوق العقارات في قطر.
وذكر التقرير -الذي حمل عنوان «نمو السكان يعزز السوق العقارية في قطر- أن الطلب على العقارات السكنية وعقارات التجزئة ما زال قويا في قطر، مشيراً إلى أن ذلك يرجع بدرجة كبيرة إلى كون الطلب يفوق العرض.
ورجح التقرير أن يؤدي طرح المزيد من العقارات خاصة من عقارات التجزئة على المدى الطويل إلى تخفيف الأسعار في السوق العقارية.
وقال التقرير: إن شركة DTZ العاملة في خدمات العقارات الدولية أصدرت في يوليو الماضي تقريرها للربع الثاني بشأن السوق العقارية القطرية، وخلص التقرير إلى استمرار ازدهار اقتصاد قطر ونمو السكان في البلاد كعوامل محفزة للطلب في جميع فئات أصول السوق العقارية.
وحسب ذات التقرير فإن متوسط سعر الإيجار الشهري للشقة الفاخرة المكونة من غرفتين استمر في الارتفاع بشكل مطرد منذ عام 2010 ليقترب من 15 ألف ريال أي ما يعادل 4100 دولار خلال العام الحالى.
وأرجع التقرير تلك الزيادة في الأسعار جزئيا إلى العدد المحدود من الشقق السكنية الفاخرة والتي يقع معظمها في الحي الدبلوماسي وفي لؤلؤة قطر.
وقد بلغ المعروض بحلول نهاية عام 2012 نحو 11 ألفا ومئتي وحدة سكنية، ومن المتوقع أن يتم دخول أربعة آلاف وحدة إضافية قبل نهاية عام 2013، إلا أن تقرير شركة DTZ أعرب عن شكوكه في إمكانية حدوث ذلك.
وأشار التقرير إلى أن زيادة السكان تزيد من الضغوط على العرض في السوق العقارية بقطر، وذلك مع تدفق الأجانب على العمل في البلاد لتنفيذ برنامج قطر المكثف لتوسيع بنيتها التحتية استعدادا لاستضافة بطولة كأس العالم عام 2022 برعاية الفيفا.
وطبقا لوكالة التصنيف الائتماني Standard & Poor’s فإنه من المتوقع أن يزداد عدد السكان في قطر بنسبة %6 سنويا وصولا إلى عام 2016. ومن الممكن أن يتذبذب الطلب على إيجارات العقارات بالارتفاع والهبوط النسبي في الفترة التي تسبق كأس العالم وذلك مع الانتهاء من إنجاز الملاعب ومشروعات البنية التحتية، وفق ما ذكره التقرير.
ومن المتوقع أن يكون المهندسون وخبراء الإنشاءات والمقاولات بين الموجة الأولى للأجانب الوافدين إلى قطر يليهم المديرون والمحترفون العاملون في مجال الخدمات.
وأشار التقرير إلى تنامي الطلب على ملكية العقارات الذي أصبح واضحا أيضا مع كون المبيعات في يوليو الماضي قد ارتفع بنسبة أعلى من %100 مقارنة بنفس الشهر من عام 2012، وذلك طبقا لبيانات صادرة عن شركة إزدان القابضة في 19 أغسطس الماضي. وقد بلغ إجمالي قيمة الصفقات 1.5 مليار دولار لذلك الشهر لتصبح بذلك أكثر من ضعف 741 مليون دولار وهي قيمة الصفقات التي تمت في شهر يوليو من العام الماضي، في وقت أرجعت الشركة العقارية تلك الزيادة في الصفقات العقارية جزئيا إلى تكثيف مشروعات التنمية والأعمال المرتبطة بالاستعداد لتنظيم كأس العالم في قطر.

http://www.alarab.qa/details.php?issueId=2109&artid=260855

[أسد الجزيرة]

تقارير الجرايد كلها مدفوعة الاجر

[wesam82]

الحدث واحد وتعددت الأسباب
الله خلق بالنفس البشرية حب الذهب والفضة، حتى الفقير يحب يشتري ويجمع ويشتري ولو جرام ذهب
ورغم الحب الشديد والطلب على الذهب يصير له نزول ومرات نزول قوي، والعقارات كذلك
موش شرط أن نزول العقارات مرتبط بسبب واحد هو الأزمة المالية، لابد أنه ينزل لسبب أخر وهالأرتفاع هو شر والشر بيزول، مافي شر يتم
كل شيء بيد رب العالمين ورب العالمين مايترك عبادة من غير سكن
أرجو ترك التشاؤم وأرجو تصفية القلوب
قال النبي (ص): تفاءلوا بالخير تجدوه

[بوحارب]

الحدث واحد وتعددت الأسباب
الله خلق بالنفس البشرية حب الذهب والفضة، حتى الفقير يحب يشتري ويجمع ويشتري ولو جرام ذهب
ورغم الحب الشديد والطلب على الذهب يصير له نزول ومرات نزول قوي، والعقارات كذلك
موش شرط أن نزول العقارات مرتبط بسبب واحد هو الأزمة المالية، لابد أنه ينزل لسبب أخر وهالأرتفاع هو شر والشر بيزول، مافي شر يتم
كل شيء بيد رب العالمين ورب العالمين مايترك عبادة من غير سكن
أرجو ترك التشاؤم وأرجو تصفية القلوب
قال النبي (ص): تفاءلوا بالخير تجدوه
جزاك الله خير

[وليف الشوق]

جعل حيلهم بينهم يارب