المرور وحجز سيارتي بالغلط

[قهوجي]

سلام عليكم ورحمه الله وبركاته
صارلي موضوع امس الساعه 12 بالليل ماشي من اتجاه كتارا لدوار البيئه
وقف علي ثبوت لخويا امس ويقولي سيارتك محجوزه
والسياره 2013 مطلعها من 3 شهور

تم حجز سيارتي وسيارتي مديل 2013 ورقم السياره ركبولي اياه الوكاله
المهم
وقالو انه سيارتك مطلوبه تاريخ 26/6 كنت مطلعها من والوكاله 20 يوم تقريبا
قلت للشباب في الدوريه ايش الحجز قالو ماندري كلم الضابط
الضابط ماعطانا وجه وهذا المتوقع ولا كانه يشوفك
تميت للساعه 2 ونص بالليل لين خلص الثبوت ودوني الحجز شارع 59 واخر شي الشخص اللي في الحجز يقولي سيارتك مطلوبه 26/6/2010
يقولي شكله الرقم قديم متركب علي سيارتك
قلت باجيكم بكره
قالي لازم تتم السياره في الحجز بعدين كلم الضابط وبكره بفكون الحجز
تنقعت في الليل والله وصلت البيت علي صلاه الفجر صليت الفجر ونمت
والصبح اطارد ارجع علشان افك الحجز السياره اللي انا مطلها 3 شهور بس
وانا مالي ذنب

والله قهر يوم كامل متنقع بسبتهم

[لاجئ عاطفي]

ارفع عليهم دعوى قضائية وطالب بتعويض مالي ومعنوي عشان يشتغلون عدل في المرات الجايه وهالحركه صارت معاي في سيارة البيت اطلعت عليها مخالفات في الامارات والسياره جديده عمرنا ماتعدينا فيها حدود قطر في الاخير اطلعت المخالفه اتخص الرقم اللي كان على سياره من قبل ..!!!

[عـ العبيدلي]

وشله موترك كان مطلوب .. بس عشان الرقم قديم !!!!

مداه ينطلب في 20 يوم !؟

[عيون الدوحة]

هااااااااااااي
لازم لازم دماء جديدة بالمرور
الله يعينك يارب

[swairah]

لا حول وقوة الا بالله العلي العظيم:omg:

[قهوجي]

ارفع عليهم دعوى قضائية وطالب بتعويض مالي ومعنوي عشان يشتغلون عدل في المرات الجايه وهالحركه صارت معاي في سيارة البيت اطلعت عليها مخالفات في الامارات والسياره جديده عمرنا ماتعدينا فيها حدود قطر في الاخير اطلعت المخالفه اتخص الرقم اللي كان على سياره من قبل ..!!!

ياحبيبي قال ارفغ قضيه قول رفعت قضيه وكسبته بس فكر بعدين ممكن لخويا والمرور يتحبلونلك في اي مكان واي طريق يارجال
انا عندي مخالفات في الدفنه دفعتها ولا عوار الراس وقالولي تشيلها لانها منطقه الابراج
ومخلفات دفعتها وما ابي اتواجه معاهم

[monatee]

ماعرف شاقول الصراحه

غباء عبط استهبال

على افتراض ان الرقم مطلوب من قبل وتوه تركب على سيارتك

انزين مايجوفون شنو نوع السياره اللي كان مركب عليها

لو نقول كروزر ،، لهدرجه نفس اللون ونفس النوع ونفس موديل السنه

ناس جاهله الحمدلله والشكر

[قهوجي]

ماعرف شاقول الصراحه

غباء عبط استهبال

على افتراض ان الرقم مطلوب من قبل وتوه تركب على سيارتك

انزين مايجوفون شنو نوع السياره اللي كان مركب عليها

لو نقول كروزر ،، لهدرجه نفس اللون ونفس النوع ونفس موديل السنه

ناس جاهله الحمدلله والشكر

لا قالولي نيسان باترول ابيض مطلوب اللي هي سيارتي مشاء الله عغيرو معلومات السياره كلها وماشلو الحجز

[السامـي]

غيروا معلومات السيارة..ليش؟!.

بينك وبينهم عداوة؟!.

[بومحمد المطاوعه]

اذا الموتر لوحته قديمه ومطلوب من زمان والموتر يديد

مايصير تركب اللوحه على موتر يديد اذا اللوحه عليها مشاكل

من طلبات او مخالفات

اشلون جذي مادري

استغفرالله من بعض افراد لخويا

وسوالف الضباط الاكثريه مايعطون ويه
معروفين

البعض منهم لا اخلاق ولا احترام يبي يفرض هيبته بالفيت

استغفرالله ما احب هالنوعيه من الناس


الله يعينك ياخوي عليهم

[AL-MAYSTRO]

شدعوة كل هالانظمه والتكنولوجيا والاي تي عندهم

وماشالوة من السستتم ..؟!!!!!

لو فالسبعينات بدفاتر كان بيشطبون البلاغ وبيتكنسل

الحين في حده يهمل هالاشياء في هالوقت مع التقدم ؟؟!!

لاتعليق

[قهوجي]

اذا الموتر لوحته قديمه ومطلوب من زمان والموتر يديد

مايصير تركب اللوحه على موتر يديد اذا اللوحه عليها مشاكل

من طلبات او مخالفات

اشلون جذي مادري

استغفرالله من بعض افراد لخويا

وسوالف الضباط الاكثريه مايعطون ويه
معروفين

البعض منهم لا اخلاق ولا احترام يبي يفرض هيبته بالفيت

استغفرالله ما احب هالنوعيه من الناس


الله يعينك ياخوي عليهم


والله انا الوكاله ركبته لي ولا ادري بالسالفه

[qatari 111]

قمة التخلف لخويا والتحريات

[ناصر الصلاحي]

والله لو انا منك ما اخليه يحجز الموتر لو تنطبق السماء على الأرض
لعب عيال هو والله لا اشرشحهم و اعرفهم السنع
حلوه هاي الضابط شنو فايدته في الثبوت بس زيادته عدد لا يجي احسن و خل الأفراد هو يتصرفون
واقف ارقوز في الثبوت ما ينفع انا لو منك اسحب عليهم دام ان ما يعرفون ليش الموتر مطلوب ما اوقف لهم
لين ما يقولي ليش الموتر مطلوب اما ينقعني هالوقت كله و اخر شي يطلع بالخطأ لا والله اني ما وقفت

[عاشق العديد]

.. من فتره دعمـت ..

ورحت وقلت انا غلطان عشان افتـك بس ..
قلت لهم عطوني ورقة تصليح قالو سياره مطلوبه فك الطلب وتعال ..
المهم رحت المعموره الشيخ شالموضوع الموتر مطلوب شالطلب
صوت وصدام صب حديد ..
المهم قلت حق الشباب الي هناك مالي كلام معاكم ابي الظابط .. وغير هالكلام ماينفع دخلت على الظابط وتناقشت معاه والحمد لله طلع متفهـم وفكيت طلب موتري لكن لحد الحين مب راضين يطلعون لي ورقة تصليح .. لا اله الا الله امورهم طويله وصعـبه ..

[Riku3]

وش فايدة الاجهزة والكمبيوترات الي مركبه بمواترهم :] .. حجز ونوع السيارة غلط ! .. قول للرجال توكل على الله واكتب تقرير ينحط في السستم ! .

مشكلة الداخلية للاسف مع التطور الكبير الي وصلوله للحين نظامهم "تعال بكره" .

[توشيبا]

أشلون تركب رقم من الوكاله وهالرقم مطلوب

فرضا مطلوب في قضيه تهريب مخدرات أو قتل وين كانت السياره اللي مركب الرقم عليها أشلون تكنسل منها الرقم وراح للوكاله ويركب علي سياره جديده

هذا سبب من أسباب الواسطه للي كنسلت موتر وحذفت الرقم علي سياره جديده

أنا مالوم لخويا أو الفزعه أو التحريات. أهم يقمون بواجبهم ؤلا يعرفون إذا الرقم قديم باسمك أو لا لحد ماتروح عندهم في الحجز ويعرفون السالفه ويبحثون فيها وتاخد حقك

أنا ألوم المرور اللي كنسلو الرقم وعليه قضيه وعطوه الوكاله تركبه علي سياره جديده

[معماري قطري]

سلام عليكم ورحمه الله وبركاته



لي تعليق بسيط بخصوص كلمة أو جملة سلام عليكم، وأشوف الكثير يستخدمونها والمفروض كمسلمين نقول السلام عليكم .. وسامحوني حبيت أوضحها عام لإستفادة الجميع.

[بوخالد911]

وصل الموضوع للادارة العيا

واطلب تقديم اعتذار لك

[وجه السعد 2]

الموتر موديل ٢٠١٣ ومطلوب من ٢٠١٠ والله خوش يالمرور !!!!!

[وطن]

يعني بديهيا عندهم اسم صاحب السيارة المطلوبة

الرقم غير مطابق
للإسم
ولا الموديل

شلون يحجزون السيارة ؟!
الله يعينك أخوي

[OM_OMAR_QATAR]

الله يعينك ع البهذلة والله

[CH Engineer]

المفروض تكلم الضابط وتقوله ماعندك غير هالموتر وانهم غلطانين

جرب بكره تمر على المجلس الاعلى للقضاء وترفع قضية مستعجلة اطاالب فيها بموترك والتعويض..

[قهوجي]

المفروض تكلم الضابط وتقوله ماعندك غير هالموتر وانهم غلطانين

جرب بكره تمر على المجلس الاعلى للقضاء وترفع قضية مستعجلة اطاالب فيها بموترك والتعويض..

السياره طلعتها ثاني يوم

[قهوجي]

وصل الموضوع للادارة العيا

واطلب تقديم اعتذار لك


علي قوله السودانين اسكت ساكت:shy:

بلاش انا اللي اقدم اعتذار لهم اذا طولت معاهم بالموضوع

[911Turbo]

السلام عليكم جميعا
على طاري البهدله ههههههه جاتني مخالفتين كل مخالفة اعبط من الثانية
المخالفة الاولى الوقوف في المكان المخصص لذوي الاحتياجات الخاصة بجانب احد المطاعم المعروفة في الدوحة!!!!
المخالفة الثانية التجاوز من اليمين و السياقة بسرعة عالية في الريان !!!!
بخصوص المخالفة الاولى اولا انا كنت مسافر في السيارة الامارات يعني السيارة كانت برع البلاد واصلا مستحيل اسويها ولا احترم من يسويها لان الموقف مب مخصص لنا.
و بخصوص المخالفة الثانية كان الموتر في الوكالة ووقت المخالفة كان الفجر يعني الوكالة للحين ما بدى دوامهم هههههه
المشكلة في البهدله و التعني عشان تجيب لهم الاثباتات مثل كتاب رسمي من الوكالة و تقولهم تأكدوا من الهجرة و الجوازات عشان تعرفون ان السيارة كانت برع البلاد و المصيبة اذا المخالفة من لخويا لازم تتعنى للخويا عشان تقط المخالفة ... والله عقب البهدلة لو دافع المخالفة ابرك لي . لكن كانت مسألة عناد بس. يعني لو انا كنت فعلا استحق المخالفة بدفعها لانه خطأي فعلا لكن لو مظلوم !!! ريال مب دافع :anger1:

[المارونـــي]

سلام عليكم ورحمه الله وبركاته
صارلي موضوع امس الساعه 12 بالليل ماشي من اتجاه كتارا لدوار البيئه
وقف علي ثبوت لخويا امس ويقولي سيارتك محجوزه
والسياره 2013 مطلعها من 3 شهور

تم حجز سيارتي وسيارتي مديل 2013 ورقم السياره ركبولي اياه الوكاله
المهم
وقالو انه سيارتك مطلوبه تاريخ 26/6 كنت مطلعها من والوكاله 20 يوم تقريبا
قلت للشباب في الدوريه ايش الحجز قالو ماندري كلم الضابط
الضابط ماعطانا وجه وهذا المتوقع ولا كانه يشوفك
تميت للساعه 2 ونص بالليل لين خلص الثبوت ودوني الحجز شارع 59 واخر شي الشخص اللي في الحجز يقولي سيارتك مطلوبه 26/6/2010
يقولي شكله الرقم قديم متركب علي سيارتك
قلت باجيكم بكره
قالي لازم تتم السياره في الحجز بعدين كلم الضابط وبكره بفكون الحجز
تنقعت في الليل والله وصلت البيت علي صلاه الفجر صليت الفجر ونمت
والصبح اطارد ارجع علشان افك الحجز السياره اللي انا مطلها 3 شهور بس
وانا مالي ذنب

والله قهر يوم كامل متنقع بسبتهم

هذا اللي فالحين فيه في ذمتي ثبوت وهدرز واستعراض مافي احسن منهم
سيارت اخوي مسروقه وداعمين فيها وعارفين اسم المتهم وعنوانه ولين الحين حضرتهم ماصادوه ويقولك الشرطه في خدمة الشعب وبكل برود ( صلح الموتر على حسابك )

[حسن]

السلام عليكم جميعا
على طاري البهدله ههههههه جاتني مخالفتين كل مخالفة اعبط من الثانية
المخالفة الاولى الوقوف في المكان المخصص لذوي الاحتياجات الخاصة بجانب احد المطاعم المعروفة في الدوحة!!!!
المخالفة الثانية التجاوز من اليمين و السياقة بسرعة عالية في الريان !!!!
بخصوص المخالفة الاولى اولا انا كنت مسافر في السيارة الامارات يعني السيارة كانت برع البلاد واصلا مستحيل اسويها ولا احترم من يسويها لان الموقف مب مخصص لنا.
و بخصوص المخالفة الثانية كان الموتر في الوكالة ووقت المخالفة كان الفجر يعني الوكالة للحين ما بدى دوامهم هههههه
المشكلة في البهدله و التعني عشان تجيب لهم الاثباتات مثل كتاب رسمي من الوكالة و تقولهم تأكدوا من الهجرة و الجوازات عشان تعرفون ان السيارة كانت برع البلاد و المصيبة اذا المخالفة من لخويا لازم تتعنى للخويا عشان تقط المخالفة ... والله عقب البهدلة لو دافع المخالفة ابرك لي . لكن كانت مسألة عناد بس. يعني لو انا كنت فعلا استحق المخالفة بدفعها لانه خطأي فعلا لكن لو مظلوم !!! ريال مب دافع :anger1:

شوف ياخوي انا الاسبوع اللي راح حذفت مخالفتين وحده وقوف مكان ذوي الاحتياجات الخاصه
رحت وشرحت لهم وعطيتهم التصريح اللغيت كلها
بس مايسوى عليك تروح وتبرر لهم وتثبت لهم
المشكله الكل يخالف وماتعرف من رفيجك
تداخل صلاحيات ويجب ان تصحح كلن وله اختصاص
انامره جاتي مخالفه وطلعت عقب حوس ودوس من اللخويا وبنفسه الضابط قال وش نسوي الهم الغيت لي
ترا الكثير من المخالفات تكون غير صحيحه لكن العالم بطرانه ولا تراجع يقولك ادفعها وخلاص ولا اعور راسي وش تسويله كيفه

وبعدين بخصوص الحجز مادري الصناعيه بالنسبه لي انا ماعرف هل السوالف بخصوص هدرز ومخفي كامل ومادري من هل الخرابيط
زين ليش مايكون المعلومات في جميع المراكز التابعه للمرور شمعنى مكتبهم هناك شارع 52 معقوله اروح اهناك استفسر

ومثل ماذكرت اذا الالخويا يبون يخالفون يوقف المخالف ويستدعي المرور ليستلم الموضوع هذا هو الاجراء الصح من وجهه نظري

اما يسون يوم سالفه الرادرا البشري الل يحط يده ويشوفك تمر عليه ويحدد سرعتك
هذا ولا سالفه بوريل حمار مال الشمال الاول

:)

[قهوجي]

السلام عليكم جميعا
على طاري البهدله ههههههه جاتني مخالفتين كل مخالفة اعبط من الثانية
المخالفة الاولى الوقوف في المكان المخصص لذوي الاحتياجات الخاصة بجانب احد المطاعم المعروفة في الدوحة!!!!
المخالفة الثانية التجاوز من اليمين و السياقة بسرعة عالية في الريان !!!!
بخصوص المخالفة الاولى اولا انا كنت مسافر في السيارة الامارات يعني السيارة كانت برع البلاد واصلا مستحيل اسويها ولا احترم من يسويها لان الموقف مب مخصص لنا.
و بخصوص المخالفة الثانية كان الموتر في الوكالة ووقت المخالفة كان الفجر يعني الوكالة للحين ما بدى دوامهم هههههه
المشكلة في البهدله و التعني عشان تجيب لهم الاثباتات مثل كتاب رسمي من الوكالة و تقولهم تأكدوا من الهجرة و الجوازات عشان تعرفون ان السيارة كانت برع البلاد و المصيبة اذا المخالفة من لخويا لازم تتعنى للخويا عشان تقط المخالفة ... والله عقب البهدلة لو دافع المخالفة ابرك لي . لكن كانت مسألة عناد بس. يعني لو انا كنت فعلا استحق المخالفة بدفعها لانه خطأي فعلا لكن لو مظلوم !!! ريال مب دافع :anger1:

انا جتني مخالفتين من لخويا دفعتهم بدون وجعه الراس وجتي والله ظلم

[قهوجي]

والله لو انا منك ما اخليه يحجز الموتر لو تنطبق السماء على الأرض
لعب عيال هو والله لا اشرشحهم و اعرفهم السنع
حلوه هاي الضابط شنو فايدته في الثبوت بس زيادته عدد لا يجي احسن و خل الأفراد هو يتصرفون
واقف ارقوز في الثبوت ما ينفع انا لو منك اسحب عليهم دام ان ما يعرفون ليش الموتر مطلوب ما اوقف لهم
لين ما يقولي ليش الموتر مطلوب اما ينقعني هالوقت كله و اخر شي يطلع بالخطأ لا والله اني ما وقفت


والله ماقلولي الا لما دخلتها الحجز
اصلا الضابط ماعطاني وجه