(( فتح باب بيتك ولا تهتم الدوحه أمان !!!!!!! ))

[حمد 2002]

السلام عليكم ورحمه الله وبركاته


الموضوع يحمل العنوان التالي

(( فتح باب بيتك ولا تهتم الدوحه أمان !!!!!!! ))

الناس قبل على ايام زمان كانت تقول الدوحه امان ، حتى لو الواحد فتح باب كراج بيته 24 مافيييه شيء ومافيييه خوف لانه الدوحه امان ، اما الحين هل الوضع مستمر على ماهو عليه ؟ وخصوصا في ضل وجود مسااكن العمال ووالبيوت الجديده الي تنبني الواحد قام ايخاف من هالاسيوين والافارقه ،،،

الحين الواحد باب بيييته مسكر وايخاف بعد :secret: عيل لو مفتح شبيصير :eek5: ،،،

وشالحل لو طب حرامي في بيتك شلون ببتصرف معاه ؟

http://up.arabseyes.com/uploads2013/19_09_13137957519017261.jpg (http://up.arabseyes.com/)

هل بتواجه معاه وجه لوجه ؟

ولا بتتصل بالشرطه ؟ :telephone:

وهل تربيه جلب = كلب بوليسي مفيد بهالناحيه ؟ :(

وهل على الشخص ان يدخل نادي ويتدرب على طريقه قتال الشوارع لكي يواجهه الحرامي حتى لو ماعنده سلاح ؟ :shy:

اما الان منتضرين تعليقاتكم حول الموضوع ،،،

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،،،

تـــــــــحــــــــياتي للجمـــــــــــــــيع ،،،

[why me]

اذا دخل عليك حرامي انصحك بوضعية الميت وامورك طيبه

[أم محمد 90]

we live in Qatar not Amrica brother :) !

[دااانة قطر]

بالعكس الحين باب السكه مسكر وبااب الصااله مقفول ونحااتي من اللي نسمعه



اذا دخل عليك حرامي انصحك بوضعية الميت وامورك طيبه

:nice::nice::nice:


we live in Qatar not Amrica brother :) !

والدوحه ماعاادت نفس قبل
كفااية اللي بيدرعمون عليك من هالمتسولااات اشكالهم مريبه

[حمد بن سعد]

الله ايعينة الحرامي والله بيتحسف انه فكر يجي قطر :strong3:

[V.I.P_QATAR]

والله الحمدالله الدوحة امان ولله الحمد احنا باب بيتنا ما عمرنا سكرناه لا الحوش وال باب البيت وكل سياره مفتاحها فيها اظن الحرامي يعرف يسرق من ماراح يجي بيت ويشوف البيت الي كل يوم اهله فيه وزحمه عندهم بيروح يشوف البيوت الي اهلها مسافرين او مسكره من كم يوم مو تعال واشقح وبعدين على حسب منطقتك انت اذا انت متواجد في المناطق الي تكثر فيها العماله الهاربه اكيد بتنتبه ع بيتك

[ام السعف]

الوضع تغير كثير ،، صحيح بفضل من الله ومنته احنا نعيش في سلام وامان
لكن بعد الوضع تغير عن قبل والسوالف اللي نسمعها تحثنا على الحذر ،،

المهم خلونا ندعي دايما ربنا دم علينا نعمة الأمن والأمان
اللهم آمين

[شبح الصمت]

الي يبي نصيحتي يحط له جهاز تكرمون صوت جلب الله يعز الحاضرين ويبرجمه كل 5 دقايق ينابح صدقوني بيتردد الحرامي مليون مره قبل لا يفكر يطب هالبيت ..


:nice:

[نوار قطر]

we live in Qatar not Amrica brother :) !

ام حمود سألي طنط عن سالفة حرامي بن عمران :secret:

ومن فتره في فريجنا واقصرانا الطوفه بالطوفه.. ولدهم بو 10 سنين كان واقف عند الباب يات سياره وطخته من عند بابهم وصارت سالفه والصبي ربي حافظه شرد ونزل من السياره وطبعا هم خافو يلحقونه عشان لاينفضحون .. ترى بلاوي تصير الواحد صار يخاف احنا في بيتنا يكون باب السكه مشرّع بس اقفل باب الصاله اخاف حد ايي ويدرعم علينا :rolleyes2:

[أم محمد 90]

ام حمود سألي طنط عن سالفة حرامي بن عمران :secret:

ومن فتره في فريجنا واقصرانا الطوفه بالطوفه.. ولدهم بو 10 سنين كان واقف عند الباب يات سياره وطخته من عند بابهم وصارت سالفه والصبي ربي حافظه شرد ونزل من السياره وطبعا هم خافو يلحقونه عشان لاينفضحون .. ترى بلاوي تصير الواحد صار يخاف احنا في بيتنا يكون باب السكه مشرّع بس اقفل باب الصاله اخاف حد ايي ويدرعم علينا :rolleyes2:

سمعت السالفة من زمان :secret:
يقولون عطوه سندويتش وعصير وخلوه يروح :rolleyes:

[كازانوفا]

اذا دخل عليك حرامي انصحك بوضعية الميت وامورك طيبه

طيب انا اسويها والعيال ايش يسوو؟؟؟؟:nice:

[alsoq]

الحمدلله على نعمه الامن والامان الله يخلي شبابنا العين الساهره

عندنا في مدينة المره الشرقيه الفزعه دور كل يوم واي عمال في شارع توقفهم وتشيك على البطاقات اذا ما عنده ثبات يشيلونها قدام عيني حصل ها الشي اكثر من مره

اللهم لك الحمد

اللهم احفظ قطر واهلها من كل سوء

[مو مهم]

والله باب الحوش ٢٤ ساعه مفتوح والابواب بعد مفتوحه

[الـقـاسـي]

الله يرحم ايام الاول , الحين معاد فيه امان

[توشيبا]

للحين باب بيتنا مفتوح ماعمري ذكرت أن إحنا سكرناه في يوم من الأيام

واكتفي بكلمه ولى الأمر فينا امير الدوله الشيخ تميم بن حمد - الجريمه شبه معدومه

الحمدالله علي نعمة الأمن وألامان

[عاشق العديد]

فالبدايه الحمـد لله .. على الامن والامان

والحمد لله بيتنا 24 ساعه بابه مبـطل ..
ولو فكر حرامي يدخل البيت 5 اخوان متدربين ستريت فايت .. وخل يجرب حظـه ..

وانا افضل المواجـهه ومااراح اتصل بشرطه الا عشان يشـلونـه ..
تربية جلب بوليسي جدا مفيده خاصتن لو كنت شاك انه في احد يدش بيتـك ..
انا كنت مربي واحـد .. وكان يعرف اصحاب البيت لكن من يدش اي كائن غريب يندم انه دش البيت .. ولكن شلته لانه كان لمجرد فتـره اخوف البزران ..

[w.qatar]

احنا بس نطلع بالسياره عيون العمال اللي في شارع كلهم على باب البيت لان حولنا كله بنيان بيوت جديده

بس البيت كله كيمرات حتى عند الباب برا و ما اظن يتجرون يدخلون

[شبح الصمت]

عن نفسي بيتنا اغلب الاوقات الباب مشرع

والحمد لله حركة اخواني الله يخليهم 4 شباب غير الحركة الي صوب مجلسنا

يعني الحرامي يوم يفكر او يحاول مب مشكلة بنفتح له الباب ونقلطه صوب قفص الدياي

ونقرأ على راسه الفاتحه

والحل الثاني

اجيب هذا او مقترحي اجيب جهاز لنباحه بس هذه فله اهده اخر الليل يفتر حولين الحوش

http://img90.imageshack.us/img90/5568/untitledbu9.png

[قناص 787]

الله يهديكم بس حسستوني ان كل شوي الا حرامي داخل على حد

والله حنا في امن و أمان و في خير و نعمه محد حاس فيها كلشششش

يعني لو تقارنون مع احد الدول المتقدمه و ربي ما فيها أمان مثل بلادنا

و المشكله ان واحد يكتب مافي أمان و الزمن و مادري شنو تلقى باقي الردود

مع الخيل يا شقرا و كلن يألف له قصه و الا سالفه ..... في مشاكل و انا ما اقول

انه مافي لكن و ربي ان حنا في خير و نعمه والله ثم والله ان في بريطانيا كل

5 دقايق او ربع ساعه تشوف سيارة شرطه و وراها إسعاف يعني مهب حراميه


الا اجرررررررررررام و أنتو الله يهديكم تتكلمون باب الحوش و الا باب الصاله


اقسم بالله ان هالجرايم تصير مع ان المبنى يكون فوووول سكيورتي يعني


مدخل العمارة له باسوورد و الباب اللي بعده اللي يوصلك حق اللفت و الدرج


بعد له باسوورد و شقتك بعد لها باسوورد و بعد تشوف و اذا ما شفت تسمع

سيارة الشرطة و الإسعاف و في نفس الوقت تعرف من اللي مات و الا من اللي

انسرق



والله أنكم عايشين في خير و نعمه و امن و أمان

[نوار قطر]

سمعت السالفة من زمان :secret:
يقولون عطوه سندويتش وعصير وخلوه يروح :rolleyes:
:omg: اي الشندويش والعصير = (فرد ابوي ) :rolleyes2: زين ما صوبه ،،،
بس شرد ولد اللذينا

[للصبر اخر]

ههههههههههههه
مره الوالد كان جاي من الشغل واول مادخل البيت يبركنج السياره الا ذاك اللي طالع شاخط من البيييت ويركض طلع على طول الوالد بيلحقه بالسياره بس دخل بين البيوت وماقدر يصييده
ومن يومها الباب كله مسكر

[نوار قطر]

ههههههههههههه
مره الوالد كان جاي من الشغل واول مادخل البيت يبركنج السياره الا ذاك اللي طالع شاخط من البيييت ويركض طلع على طول الوالد بيلحقه بالسياره بس دخل بين البيوت وماقدر يصييده
ومن يومها الباب كله مسكر

ههههههههههه نفس حالتنا بيبانا كله مقّفله واخواني يتحندون لين ارجعو ولقو الباب مقفول:rolleyes2:

[غرِيبهـ]

الواحد يقيم الوضع حسب موقع بيته والمنطقة اللي هو فيها
بيتنا الباب مفتوح دووم وغرفة الخدم عند الباب والوضع امان حوالينا
الحمدلله

[بصمة قطرية]

باب بيتي ما يتسكر إلا آخر الليل :secret:
ما تعودت أسكر الباب
أحب الباب مفتوح على طول
اللي يجينا يدخل موتره مايتصل و لا يهرن
عشان حد يفتح له الباب ..

بيت هلي نفس السنين
سنين طويلة ما أذكر إن في يوم باب الحوش تسكر ..
الحين كله مسكر لسبب واحد
إن مواتر أخواني إنباقت و هي في الحوش ..!!
من بعدها تغير الباب و صار بالرموت ..

جيراني كله يهاوشوني لأن بابنا كله مشرع :secret:
وحدة منهم كل ما طلعت تمشي في الفريج
شافت بابنا مفتوح دخلت سكرته و طلعت من الباب الصغير
و طرشت لي مسج
سكرت بابكم كيفكم عاد :nice:

الكل الحين يهاوشني سكروا بيبانكم
الدنيا مب أمان :telephone:

[حسن]

الواحد يقيم الوضع حسب موقع بيته والمنطقة اللي هو فيها
بيتنا الباب مفتوح دووم وغرفة الخدم عند الباب والوضع امان حوالينا
الحمدلله

صدقتي والله

الحمدلله احنا منطقه كامله كلنا جماعه واخوان وعيال عم
والحمدلله بيتي له بابين كبار تدخل من الباب ومقابل الباب الثاني على طوول يعني ماعندك مشكله
من الصبح البيبان مبطله الى حروه الساعه 9 الى 10 تتسكر
اكثر من درعم مراجعين الجمعيه الخيريه وكلهم مهب قطريين

شدارني انا فيهم مايطمرون الى على بيتي
وغرفه الصبيان عند الباب داخل
بس الصبيان لاتعتمدون عليهم ولا لو حرامي مايدرون به وملاصقني بيت اخوي
في 30 عامل تحت الارض تقولون فيران
الوضع امان الحمدلله
ونامو وانو مرتاحين البال

:)

[الكنترول]

اذا دخل عليك حرامي انصحك بوضعية الميت وامورك طيبه






هههههههههههههههههههه

[الكنترول]

الي يبي نصيحتي يحط له جهاز تكرمون صوت جلب الله يعز الحاضرين ويبرجمه كل 5 دقايق ينابح صدقوني بيتردد الحرامي مليون مره قبل لا يفكر يطب هالبيت ..


:nice:




هههههههههههههههههههه

سوالفكم حلوه

[حمد 2002]

كل وااااااااحد ايسكر بيبان بيته زيييييييين ،، وايسكر الدرايش بعد = الويندو = النافذه هههههههههههههاي