الاخـــــــــــــــــــــــــــت والـــــبـــنـــــت...!!!!

[aziz4z]

شدني انتباه منظر .....
الصبح و أنا طالع للدوام شفت أخ و أخت يبين عليهم أنهم توأم , يمكن في الروضة , يبيون يعبرون الشارع للباص , البنت ماسكة يد أخوها ماتبي تخليه يركض , و المسكينة تطالع يمين يسار عشان في سيارات و لا لا , طاحت المطارة من يد أخوها , نزلت من الباص و أخذتها:(

ومنظر آخر لبنت
أبوها كبير بالسن وتعبان , وماعنده رغبة يتحمم , و الله البنت تجبر جبر عشان يتحمم وتطلع بره مع عيالها , و تخليه يتحرك , بعكس أولاده الغير مهتميين

بس حبيت أنبه لعظم نعمة الاخت و البنت , مستغرب من بعض الناس اللي يحس بنقمة عندما يجيله بنت
((و إذا بشر أحدهم بالانثى ظل وجهه مسودا وهو كظيم ))

[عاشق العديد]

الانثى معروفه بخوفها على من تحب لديها طيبه وقلب زجاج ..
والله يرزقنـا ..

[بوحارب]

البنات بركه وهذا الشي معروف

[aziz4z]

الانثى معروفه بخوفها على من تحب لديها طيبه وقلب زجاج ..
والله يرزقنـا ..

أيه و الله , إذا أحسنت إليها بذلت كل مافي وسعها لإسعادك
الله يرزقك زوجة صالحة

[كازانوفا]

ربي يحفظهم ان شالله من كل مكروه
اللى ما تعجبه خلفة البنات يروح يموت احسنله ولا يقلب حياة زوجته لجحيم

[تغلبية]

((و إذا بشر أحدهم بالانثى ظل وجهه مسودا وهو كظيم ))

للحين فيه حد يسود وجه بقدوم الانثى ؟!



:

البنت رحمة .. وسبب دخول الجنة لمن أحسن تربيتها

هي وجه الخير على زوجها " تفاءلوا بالنواصي والأقدام" والمرأة أحد من يتفاءل بهم

[شبح الصمت]

شيء معروف البنت قلبها ارحم من اخوانها مهما بلغ فيها العمر اتم رحيمة

البنت امي الي ربتني وخافت علي

البنت زوجتي الي بعيش معاها حياتي

البنت هي بنتي اهي الي راح تشلني وقت ما تتهاون عظامي

الله يخليهم وينبتهم النبات الصالح ويستر عليهم فوق الارض وتحت الارض ويوم العرض

[فلتة زمانها]

كم انتي رائعه يا حواء

[عاشق العديد]

أيه و الله , إذا أحسنت إليها بذلت كل مافي وسعها لإسعادك
الله يرزقك زوجة صالحة

اللهم اميـن ..

[عاشق العديد]

كم انتي رائعه يا حواء

بعضضضضهم وليس الكـل ..

[بو راشد 1]

يقال ان رجل تزوج امراءة و في شهر العسل اتفقوا ان لا يفتحون الباب لاي احد كان، فطرق الباب والدي الزوج، فناظر كل منهما الاخر و لم يفتحو الباب، و بعد ساعة طرق الباب والدي الزوجة، فنظر الرجل الى زوجته فراءها تبكي، و قالت لا استطيع ان اترك والدي على الباب، ففتحت الباب لهما.
مرت السنين و رزقهما الله 4 اولاد، فلما ولدت الزوجة بنت في المرة الخامسة فرح الرجل كثيرا، فلما سألة الناس: لماذا هذا الفرح الكبير و قد رزقك الله 4 من الاولاد الذكور سابقا؟ قال: هذة اللي بتفتح لي الباب.

[aziz4z]

((و إذا بشر أحدهم بالانثى ظل وجهه مسودا وهو كظيم ))

للحين فيه حد يسود وجه بقدوم الانثى ؟!



:

البنت رحمة .. وسبب دخول الجنة لمن أحسن تربيتها

هي وجه الخير على زوجها " تفاءلوا بالنواصي والأقدام" والمرأة أحد من يتفاءل بهم

مرة من المرات قابلت واحد , و سألته , عندك عيال ؟. رد علي و وجه غير , يقول ايه كلهم بنات :( , كأنه غير راضي

[chillis]

البنات بركه وهذا الشي معروف

:secret::rolleyes2: كل شوي راي :tease:

[aziz4z]

:secret::rolleyes2: كل شوي راي :tease:

لا بوحارب إذا البنت حلوة يكون صوبها ههههه

[chillis]

لا بوحارب إذا البنت حلوة يكون صوبها ههههه

ههههههههه

[مشاكل]

البنت كالزهرة ،، ان سقيتها بعطفك ،،، اثمرت حباً وحنان ،،،
وان قسوت عليها واهملتها ،، بتتحول الى وحش

[العقل الحر]

كم انتي رائعه يا حواء

صدقتي

[خزامئ]

فيه حديث
اذا رزق العبد بثلاث بنات وحسن تربيتهم
فجزاهه الجنه

[بصمة قطرية]

يحليلهم ..

يا زين البنات
وجودهم في البيت غيييييير
عيالي يقولون لي يمه :
ليش إحنا ما عندنا إخت :(


الحمدلله كل اللي حولي و عندهم بنات
مستانسين و طايرين ببناتهم الله يحفظهم
بعضهم عندهم بس بنات و مستانسين
يقولون البيت غير حنونة و رحيمة
وجودها غير ..

الأولاد ما وراهم إلا عوار راس :rolleyes2:
معارك طاحنة طول اليوم ..


الحمدلله على كل حال ..

[توشيبا]

البنت بنت أبوها والدليل أمس العصر ماسكه خط اليسار ؤتمشي يمكن 40 وماسكه تلفونها

شكل أبوها قائل الشارع مسجل باسمي

كان ودي أنزل الجامه واصكها بالنعال بس تذكرت أنها نعال اخوي بإيقها منه

أنا الحمدالله واتمنى أن أول مولود لي يكون بنت ويليت توأم بعد

[aziz4z]

يحليلهم ..

يا زين البنات
وجودهم في البيت غيييييير
عيالي يقولون لي يمه :
ليش إحنا ما عندنا إخت :(


الحمدلله كل اللي حولي و عندهم بنات
مستانسين و طايرين ببناتهم الله يحفظهم
بعضهم عندهم بس بنات و مستانسين
يقولون البيت غير حنونة و رحيمة
وجودها غير ..

الأولاد ما وراهم إلا عوار راس :rolleyes2:
معارك طاحنة طول اليوم ..


الحمدلله على كل حال ..

الاولاد بعد حلوين , يشعلون البيت و يخلون فيه حركة دائمة , ممكن مرات البيت يكون هادئ إذا في بنات , بس تعال الاولا يخلونك تحسين كأنك في الملعب :)

[بوحارب]

شيليز لازم تنوع الآراء :omg:


لا بوحارب إذا البنت حلوة يكون صوبها ههههه

تعجبني :nice:

بس لا تكشف أسراري :secret:

[بشائر]

الانثى معروفه بخوفها على من تحب لديها طيبه وقلب زجاج ..
والله يرزقنـا ..


رد جميل ...رفقا بالقوارير