&& هن كذلك وهم كذلك &&

[ضوى]

مقال رائع لجعفر رجب
يحكي واقع كثير من حريم الكويت

⬇⬇⬇⬇⬇⬇⬇⬇
(( في هاتفها أرقام ألف رجل ))


أم عبدالله إمرأة كاملة المواصفات «فل أوبشن»، مثل أجهزة مولينكس المطبخية «تسعة في واحد»!
في الصباح تصحي الأولاد بهدوء، لأن بوعبدالله لا يحب الإزعاج، تلبسهم، وتفطرهم، ثم توزعهم على مدارسهم، بدلا من بوعبدالله، لانه لا يحب زحمة المدارس، ثم تتجه إلى دوامها!
تعمل في المركز الصحي، أول من تداوم، تساعد الجميع، ولا توجد مشكلة لمراجع إلا وتتدخل أم عبد الله، وبوعبدالله بدوره يرسل ربعه المتمارضين، إلى المركز لتتوسط لهم، للحصول على الإجازات المرضية!
أم عبد الله، هي من تذهب للمدرسة وتتابع وتسأل عن أبنائها، لأن بوعبدالله لا يعرف أين مدارسهم، ولا يعرف كيف يتفاهم مع المعلم، ولايعرف في أي مرحلة دراسية هم، يقول لها كالعادة، «انتي روحي، آنا ياالله أعرف أسامي عيالي، هالمرة أعرف في أي صف ومدرسة»!
هي من تأخذ الأولاد إلى المستشفى في منتصف الليل، لأن بوعبدالله لا يحب رائحة المستشفيات، ولا يعرف كيف يتفاهم مع الأطباء، ولا أسماء الأدوية!
أم عبد الله، تذهب للخباز عادة لأن بو عبدالله لا يحب أن يقف في الطابور مع السواق والعمال، وأيضا يأخذها معه في إنجاز بعض المعاملات في أي وزارة مزدحمة لأن «طابور الحريم يمشي أسرع»، وهو يجلس ليعبث في هاتفه بإنتظار أن تنتهي!
هي من تذهب لتشتري أغراض الجمعية، وتمر على اللحام، والتموين، وتذهب إلى «الشبرة» وتشتري الخضرة الطازجة لأن بوعبدالله لا يعرف أنواع الخضرة وأشكالها، وتذهب بطريقها إلى سوق السمك أيضا، لتكاسر أصحاب البسطات على الأسعار!
وهي من تشتري لبوعبدالله ملابسه، وكرت التلفون، وتجهز حقائبه للسفر، وتشتري له الروائح والمعطرات، وتعد له العشاء والغداء، ولربعه في كثير من الأحيان!
وهي من تاخذ سيارتها للكراج لأن بوعبدالله مسافر مع الربع، أو إنه «بنام الظهر، ولا أحد يقومني»، وهي تعرف أغلب أصحاب الكراجات، ويعرفونها !
أم عبد الله في هاتفها أرقام : بهادور النجار، وعبد الفتاح الصباغ، وشوكت الكهربائي، وغلام علي الخباز، ومقصود الحلاق، ومشتاق الخياط، وأبو فادي اللحام، وطانيوس الميكانيكي، وحمدي الصحي، وبابو فني الستالايت... وعشرات الأرقام التي تتصل بهم يوميا، لإصلاح البيت، والأجهزة المنزلية، لأن بوعبدالله «ماله خلق يجابل العمال»!
يوما ما، طرق الباب، ذهبت أم عبد الله وفتحته:
-من في الباب «يصرخ بوعبدالله»!
-ولد عمك بوعلي!
بوعبد الله يأمر زوجته: قومي دشي داخل!
-ليش؟
بوعبد الله بغضب: شنو ليش؟ ماعندنا مرة تنكشف على رجال!
👏👏👏👏👏👏👏👏

مع تحيات
"الجمعية الوطنية للرفق بالمرأة الخليجية"

[chillis]

ههههههههههه اي والله هاي الي صاير الحين للاسف في الكثير من البيوت :) الحين يطلعون لج المثالين لا تحاتين مب غلط الوحده تساعد الا في موضوع انها تجيب عمال هني مصيبه صج

[كازانوفا]

ذكرتيني يا ضوى بدعاية قديمه برت بلس 2 في 1

هالنوعيه كثيره وفي تزاااااايد مستمر من الرجال للاسف
والسبب الرئيسي هو توافر السياره عند المرأة خلى الرجل يتكل عليهااا 100%
لذلك نصيحتى للي ما عندها سياره لا اطلعي سياره بتتحملي مهام متعب ويهد الحيل

الله المستعان

[عاهد بن علي]

واقع ملموس ومحسوس ومدروس
لكن بدون حل

[مشاكل]

بعض النساء جنوا على انفسهن بمطالبتهن المساواة بالرجل ،،، فوقعن في الفخ ،،،
الخلاصة : خبز خبزتيه اكليه

شكراً اخت ضوى على النقل الجميل

[شبح الصمت]

ليس كل رجل رجل

وليست كل آمرأة أمرة

ومع احترامي لها اهي الي عطته الخيط والمخيط لو رفضت راح يسوي كل شيء وغصباً عنه ولكنه بموافقاتها تتحمل الي يجيها مفروض تقوله انت رجال البيت انا علي من شغلي واعيالي فقط باقي الاشياء اهو يقوم فيها ..

والي مهب قد المسؤولية لا يتزوج يتم عزابي ابرك له واستر له ..

[عشرج]

هذا النموذج الوارد في الموضوع تصنيفه (ذكر) وليس له علاقة بصنف (رجل).
وأعترف أن هذا الصنف في ازدياد مضطرد لعدة أسباب أخشى فعلا سردها.

[كازانوفا]

هذا النموذج الوارد في الموضوع تصنيفه (ذكر) وليس له علاقة بصنف (رجل).
وأعترف أن هذا الصنف في ازدياد مضطرد لعدة أسباب أخشى فعلا سردها.

ليش تخشى دام راح تكون كلمة حق
يمكن تنجي نساااء كثير ورجال كثر من عذاب الاخره يا شيخناا

[غايه الطواش]

كثير من الناس من يناقض نفسه ...
والحياه ماشيه , والاثنين متفاهمين ...
اللوم ليس على المرأه ,ولكن على من تخلى عن واجباته كزوج ورب اسره ..
وقام بالتنازل بها للمراه, فما كان منها الان تستلم زمام الامور .

[توشيبا]

مقال يتحدث عن نسبه بسيطه في مجتمعنا يتبعون هالعاده وهذا من قل الصلاه وألابتعاد عن ذكر الله في الزوج نفسه

تحصلين الزوجه تكرف ليل ونهار تروح الجمعيه مع دريول ويمكن تكسي في النهائه تطلب منه أنها تسوق وخبرج أهو بيشتري سياره يطلع لج بطلغه ماعندنا حريم يسقون

طيب يابو العصبيه من يؤديها الجمعيه ليه ماقلت لها ماعندي حريم يرحون مع دريول أو تكسي بروحهم ليه ماتوديها

أنا ضد سواقه المرأءة بس ضربت لج كمثال

يعطيج العافيه أختي ضوئ

[ام السعف]

بالفعل اليوم ارقام كثير من الرجال في جواويلنا ،،

ولدخلنا الوتس ياربي على صورهم كل كاشخ بعمره
كرهت رقمي ان دخلت هالوتس من زود وجود هالكم الكبير من الريايل فيه :(

لكن شنسوي الحياة فرضت علينا نتواصل مع الرجال

مدرسين
مشايخ دين
محلات افراح
مطاعم
مكتب مضيفات
وغيره وغيره

صارت المرأة هي اللي تتواصل وياهم اذا عندها عزيمة
او مناسبة ،،

[ضوى]

شاكرة لكم مروركم الطيب

[ضوى]

بالفعل اليوم ارقام كثير من الرجال في جواويلنا ،،

ولدخلنا الوتس ياربي على صورهم كل كاشخ بعمره
كرهت رقمي ان دخلت هالوتس من زود وجود هالكم الكبير من الريايل فيه :(

لكن شنسوي الحياة فرضت علينا نتواصل مع الرجال

مدرسين
مشايخ دين
محلات افراح
مطاعم
مكتب مضيفات
وغيره وغيره

صارت المرأة هي اللي تتواصل وياهم اذا عندها عزيمة
او مناسبة ،،


والله انا مثلج ، لاعت جبدي من صورهم من فترة لفترة اسوي غربلة للارقام عل وعسى افتك من صورهم بجوالي ، بس للامانة انا اخزن اصور لاني ماثق بجوال بو العيال وايد يفرمت تلفونه ويضيع الارقام ففي ارقام مهمة مشكلة اذا ضاعت فاحتفظ بنسخة عندي لوقت الحاجة

[وطن]

هذا النموذج الوارد في الموضوع تصنيفه (ذكر) وليس له علاقة بصنف (رجل).
وأعترف أن هذا الصنف في ازدياد مضطرد لعدة أسباب أخشى فعلا سردها.

للأسف
صحيح

:weeping:

[مهرة]

اشووف الموضوع ماجاز لكم ؟؟؟ وينكم يالمثالييين وينكم يالرجاجيل ؟؟؟ وطبعاً مو أي رجل ينقاله انت صج رجال من ظهر رجال ؟؟؟

مشكورة اختي وحبيبتي ضوى على نقلج الطيب ولو أنه ماله داعي اتثيرين الفتن ؟؟ ولا يمكن تبين اتزيدين مشاركاتج؟؟ ولا يمكن تطلعين مب قطرية؟؟ واكيد انتي موظفة واتسوين نفسج ضحية ومسكينة ومحد حاس بقيمتج ودورج الفعال في المجتمع؟؟


بس في النهاية أكيد أكيد الي كتب الموضوع مرة ومتخفية بإسم رجل ؟؟ حريم ..!!:rolleyes2:

[دااانة قطر]

المرأه لم تطاالب بشي بقدر ما طالبت بحياة كريمه وبخروجها للعمل إما لمسااعدة الزوج في أمور الحياة وإما لعدم كفااية راتب الزوج أو لعدم تلبيته لاحتيااجات الأسرة بأكملها




كثير من الناس من يناقض نفسه ...
والحياه ماشيه , والاثنين متفاهمين ...
اللوم ليس على المرأه ,ولكن على من تخلى عن واجباته كزوج ورب اسره ..
وقام بالتنازل بها للمراه, فما كان منها الان تستلم زمام الامور .

:nice::nice::nice:

[Dmy Enabi]

واقع في زمن تخلى فيه بعض الرجال عن مسؤولياتهم
وقبلت بعض النسوة الإمساك بزمام الأمور

تحياتي إختي ضوى

[أم محمد 90]

بعض النساء جنوا على انفسهن بمطالبتهن المساواة بالرجل ،،، فوقعن في الفخ ،،،
الخلاصة : خبز خبزتيه اكليه

شكراً اخت ضوى على النقل الجميل

:victory:

[OM_OMAR_QATAR]

مقال رائع لجعفر رجب
يحكي واقع كثير من حريم الكويت

⬇⬇⬇⬇⬇⬇⬇⬇
(( في هاتفها أرقام ألف رجل ))


أم عبدالله إمرأة كاملة المواصفات «فل أوبشن»، مثل أجهزة مولينكس المطبخية «تسعة في واحد»!
في الصباح تصحي الأولاد بهدوء، لأن بوعبدالله لا يحب الإزعاج، تلبسهم، وتفطرهم، ثم توزعهم على مدارسهم، بدلا من بوعبدالله، لانه لا يحب زحمة المدارس، ثم تتجه إلى دوامها!
تعمل في المركز الصحي، أول من تداوم، تساعد الجميع، ولا توجد مشكلة لمراجع إلا وتتدخل أم عبد الله، وبوعبدالله بدوره يرسل ربعه المتمارضين، إلى المركز لتتوسط لهم، للحصول على الإجازات المرضية!
أم عبد الله، هي من تذهب للمدرسة وتتابع وتسأل عن أبنائها، لأن بوعبدالله لا يعرف أين مدارسهم، ولا يعرف كيف يتفاهم مع المعلم، ولايعرف في أي مرحلة دراسية هم، يقول لها كالعادة، «انتي روحي، آنا ياالله أعرف أسامي عيالي، هالمرة أعرف في أي صف ومدرسة»!
هي من تأخذ الأولاد إلى المستشفى في منتصف الليل، لأن بوعبدالله لا يحب رائحة المستشفيات، ولا يعرف كيف يتفاهم مع الأطباء، ولا أسماء الأدوية!
أم عبد الله، تذهب للخباز عادة لأن بو عبدالله لا يحب أن يقف في الطابور مع السواق والعمال، وأيضا يأخذها معه في إنجاز بعض المعاملات في أي وزارة مزدحمة لأن «طابور الحريم يمشي أسرع»، وهو يجلس ليعبث في هاتفه بإنتظار أن تنتهي!
هي من تذهب لتشتري أغراض الجمعية، وتمر على اللحام، والتموين، وتذهب إلى «الشبرة» وتشتري الخضرة الطازجة لأن بوعبدالله لا يعرف أنواع الخضرة وأشكالها، وتذهب بطريقها إلى سوق السمك أيضا، لتكاسر أصحاب البسطات على الأسعار!
وهي من تشتري لبوعبدالله ملابسه، وكرت التلفون، وتجهز حقائبه للسفر، وتشتري له الروائح والمعطرات، وتعد له العشاء والغداء، ولربعه في كثير من الأحيان!
وهي من تاخذ سيارتها للكراج لأن بوعبدالله مسافر مع الربع، أو إنه «بنام الظهر، ولا أحد يقومني»، وهي تعرف أغلب أصحاب الكراجات، ويعرفونها !
أم عبد الله في هاتفها أرقام : بهادور النجار، وعبد الفتاح الصباغ، وشوكت الكهربائي، وغلام علي الخباز، ومقصود الحلاق، ومشتاق الخياط، وأبو فادي اللحام، وطانيوس الميكانيكي، وحمدي الصحي، وبابو فني الستالايت... وعشرات الأرقام التي تتصل بهم يوميا، لإصلاح البيت، والأجهزة المنزلية، لأن بوعبدالله «ماله خلق يجابل العمال»!
يوما ما، طرق الباب، ذهبت أم عبد الله وفتحته:
-من في الباب «يصرخ بوعبدالله»!
-ولد عمك بوعلي!
بوعبد الله يأمر زوجته: قومي دشي داخل!
-ليش؟
بوعبد الله بغضب: شنو ليش؟ ماعندنا مرة تنكشف على رجال!
👏👏👏👏👏👏👏👏

مع تحيات
"الجمعية الوطنية للرفق بالمرأة الخليجية"

رائع رائع رائع ..
واقع فعلي ونقل جميل

/
الرجال " قوّامون" على النساء بما " فضّل" الله عليهم ..
وللأسف اغلب المجتمع يقولج .. قوّامون ومايكمّل..
الله سبحانه وتعالى .. اشترط صفة القوامة بواقع الفضل ..
والفضل هو الأداء .. التحمل .. العطاء .. التضحية ّ .. المواقف .. !
هذه ما تصنع الرجل .. والرجل قوّام ..

اذا قضى الرجل يومه بأنانيته وطالب بحقوقه ولستة الطلبات والمتطلبات
وحصر نفسه بقوقعه الـ " ماعرف " و " انتي احسن "

ازاح عن نفسه صفة الرجولة !
وحرّمت عليه القوامة !

/
عذراً للرجال ... :secret:

[عاشق العديد]

شي مؤؤؤسففففف

[OM_OMAR_QATAR]

بعض النساء جنوا على انفسهن بمطالبتهن المساواة بالرجل ،،، فوقعن في الفخ ،،،
الخلاصة : خبز خبزتيه اكليه

شكراً اخت ضوى على النقل الجميل

النساء ولقلة عقولهنّ العاطفية .. ما صاغوا مطالباتهم بصياغة صحيحة
كل مايحتاجه النساء .. تطبيق شرع الله ورسوله في حقهن ّ وكفى !




ليس كل رجل رجل

وليست كل آمرأة أمرة

ومع احترامي لها اهي الي عطته الخيط والمخيط لو رفضت راح يسوي كل شيء وغصباً عنه ولكنه بموافقاتها تتحمل الي يجيها مفروض تقوله انت رجال البيت انا علي من شغلي واعيالي فقط باقي الاشياء اهو يقوم فيها ..

والي مهب قد المسؤولية لا يتزوج يتم عزابي ابرك له واستر له ..

هنالك حياة تسير... وبرود الرجل في كثير من المواقف .. و " تسييبه للخيط والمخيط "
لن يجدي نفعاً ...
ولقلّة عقول النساء " عاطفياً " كان لها ان تأخذ زمام الأمور
لو كانت حكيمة اكثر.. لتركتها .. لمن يهمّه الأمر


كثير من الناس من يناقض نفسه ...
والحياه ماشيه , والاثنين متفاهمين ...
اللوم ليس على المرأه ,ولكن على من تخلى عن واجباته كزوج ورب اسره ..
وقام بالتنازل بها للمراه, فما كان منها الان تستلم زمام الامور .

:nice:

[ضوى]

شاكرة مداخلات الجميع

[بونواف78]

للاسف في نوع من الرجال بهالطريقة
بس بصراحه ما اعتبرة رجل لانه يرضى
على زوجته الاختلاط بكل الناس
للاسف صرنا في زمن معكوس
الله المستعان

[بوعلاوي]

لازم نشوف التعاون بين الزوجين في الحياة يتعاونوا في كل شي سواء في البيت او خارجه
مب عيب الرجل يساعد زوجته في الطبخ وغسيل الصحون
ومب عيب الزوجه تروح مع زوجها سوق السمك او الخضرة تختار النوع الزين من السمك

[مهرة]

ضوى حبيبتي واختي الغالية .. مشكورة على نقلج لهذي المقالة وللأسف هذا هو الواقع الصعب الي متعايشيين معاه كل شي فوق راس الزوجة ولحد يقووول بعض الرجال في زمنا هذا كثروو وا هم موجوديين من زمن أمهاتنا .. ومثل هالمواضيع دايما ماتعجبهم ..!

[ضوى]

ضوى حبيبتي واختي الغالية .. مشكورة على نقلج لهذي المقالة وللأسف هذا هو الواقع الصعب الي متعايشيين معاه كل شي فوق راس الزوجة ولحد يقووول بعض الرجال في زمنا هذا كثروو وا هم موجوديين من زمن أمهاتنا .. ومثل هالمواضيع دايما ماتعجبهم ..!

تحبج العافية يااارب ، ربي يخلي لج غاليينج يااارب

شوفي عزيزتي مهرة ،

اللي ينكر انه المرأة بهالايام تقوم بكل شي من إلى بيكون جاحد ، محد ينكر هالحقيقة شوفي الجمعيات الاسواق الالعاب محلات الاثاث محلات السيراميك كله حريم والله يا انه زوجي يستحي ومايتم معاي في كثير من الاوقات على اساس مايسبب احراج للمراة ، لكن انا وايد اتشره عالمراة اللي ماتخليزوجها يسوي شي ، مريحته عالاخر مش لسبب بس لانها ماتبي تتعبه ، طيب انتي سمحتي له بالراحة وبعدين لا تلومين الا نفسج ، اعترف اني شايلة البيت بكل مافيه ، لكن والله والله عمره ماقال لي روحي خلصي شغلج بس انا اروح لاني ادري فيه يومه بسنة بس مع ذلك ماهمش دروه اخليه يشيل واجباته المفروضة عليه ، صحيح اخلص شغلي لكن معاه ، ليش اسوق او ادورعالمحلات وهو قاعد مرتاح ؟ يكون معاي مب للشرط للدفع بس بس وجود رجل معاج غير غير

[تحداني]

ضوى حبيبتي في ازواج يردون البيت متأخر وايد
دوام اخوي مثلا يخلص الساعه 4:30 العصر

قولي يرد البيت 5
يتغدا ويسبح وينسدح على الكرسي اشوي
يقول لي والله العظيم للحين ما ارتحت الا اذن المغرب وتلقينه عيزااااااااااااان
شنو ولا شنو الي راح يلحق عليه

ومرت اخوي تلقينها اتسوي وايد اشيا عنه
مب لان تبي اتريحه .. لان ما اتلاقيه في البيت وايد
واذا جى الويك اند اتقول استختسر اضيعه في اشيا البيت ابي اجي بيتكم يعني بيتنا ولا بيت ابوها ولا يطلعون مع اليهال


الحياه صارت ماادري اشلون :(

[ضوى]

ضوى حبيبتي في ازواج يردون البيت متأخر وايد
دوام اخوي مثلا يخلص الساعه 4:30 العصر

قولي يرد البيت 5
يتغدا ويسبح وينسدح على الكرسي اشوي
يقول لي والله العظيم للحين ما ارتحت الا اذن المغرب وتلقينه عيزااااااااااااان
شنو ولا شنو الي راح يلحق عليه

ومرت اخوي تلقينها اتسوي وايد اشيا عنه
مب لان تبي اتريحه .. لان ما اتلاقيه في البيت وايد
واذا جى الويك اند اتقول استختسر اضيعه في اشيا البيت ابي اجي بيتكم يعني بيتنا ولا بيت ابوها ولا يطلعون مع اليهال


الحياه صارت ماادري اشلون :(


اولا الله يعين مرت اخوج على هالشي ، الصراحة ضغط جربته فترة بغيت اجن ، لولا وجود ناس حواليني يشدون من ازري كان انا في خبر كان ( الحمد لله لك يارب )

ثانيا استغرب من الاجانب في هالجزئية تحديدا ، اشوفهم بالمجمعات الساعة خمس بلبس المدارس يتشلون ويرفهون عن نفسهم طيب وين احنا عنهم ؟

[دااانة قطر]

كثير من الناس من يناقض نفسه ...
والحياه ماشيه , والاثنين متفاهمين ...
اللوم ليس على المرأه ,ولكن على من تخلى عن واجباته كزوج ورب اسره ..
وقام بالتنازل بها للمراه, فما كان منها الان تستلم زمام الامور .



واللي زوجها متوفي او مطلقةايش يكون وضعها؟؟ وعندها اخواان لكن لاهين بحياتهم؟؟
والأم اللي عيالها موجودين لكن بناتها اللي شايلينها ايش وضعها؟؟

[تحداني]

اولا الله يعين مرت اخوج على هالشي ، الصراحة ضغط جربته فترة بغيت اجن ، لولا وجود ناس حواليني يشدون من ازري كان انا في خبر كان ( الحمد لله لك يارب )

ثانيا استغرب من الاجانب في هالجزئية تحديدا ، اشوفهم بالمجمعات الساعة خمس بلبس المدارس يتشلون ويرفهون عن نفسهم طيب وين احنا عنهم ؟




الاجانب عندهم الوقت شي مقدس .. بمعنى اصح يعصرونه عصار
يسون كل شي .. لكن بدقه متناهيه
تلقينهم في الدراسه اوك
في الهوايات مشتركين في 5 نوادي
في الترفيه ما عليهم كلام


ينامون بدري
يقومون بدري


وانا ما اشوفه شي غريب
كل ما الواحد زحم يومه كل ما زادت البركه والله
اما احنه للاسف كله انقول مافي وقت مافي وقت واحنه في الاساس ما انسوي شي هههههه
غير التحندي بس

[R 7 A L]

خرجت المرآة من محيطها وحياتها الطبيعة التي كان من المفترض ان تكون عليها
فكانت هذة النتيجة للاسف
الله يعينكم على ذكوركم المهملين

[ضوى]

شاكرة لك يارحال

[القبطان سلفر]

تحبج العافية يااارب ، ربي يخلي لج غاليينج يااارب

شوفي عزيزتي مهرة ،

اللي ينكر انه المرأة بهالايام تقوم بكل شي من إلى بيكون جاحد ، محد ينكر هالحقيقة شوفي الجمعيات الاسواق الالعاب محلات الاثاث محلات السيراميك كله حريم والله يا انه زوجي يستحي ومايتم معاي في كثير من الاوقات على اساس مايسبب احراج للمراة ، لكن انا وايد اتشره عالمراة اللي ماتخليزوجها يسوي شي ، مريحته عالاخر مش لسبب بس لانها ماتبي تتعبه ، طيب انتي سمحتي له بالراحة وبعدين لا تلومين الا نفسج ، اعترف اني شايلة البيت بكل مافيه ، لكن والله والله عمره ماقال لي روحي خلصي شغلج بس انا اروح لاني ادري فيه يومه بسنة بس مع ذلك ماهمش دروه اخليه يشيل واجباته المفروضة عليه ، صحيح اخلص شغلي لكن معاه ، ليش اسوق او ادورعالمحلات وهو قاعد مرتاح ؟ يكون معاي مب للشرط للدفع بس بس وجود رجل معاج غير غير


كلام من ذهب :victory: