منظر مؤلم وشرايكم يوجد صور ؟؟؟؟

[حسن]

السلام عليكم ورحمه الله وبركاته

اليوم وانا عند مجمع اللولو رايح اخذ بعض
لوزم الرحله

وانا واقف في البراكنج الصراحه شفت منظر حز في خاطري

سياره لسيده وهي رايحه تركب سيارته خلت الباب مفتحوح الى والعامل كان ينزل يركب الاغراض في سيارتها

كان تبطل الباب وماخذت الى اشياء تتحذف من الباب كل شوي ورمت لها شي فاين وعلبه سفن اب ماخلت شي من الكشره للاسف ماسعفني الحظ ان اصورها وبابها مفتوح

بعدها حركت وناديت العامل نفسه وعطيته الكيس والمقسوم وقلت له شيل هذه الزباله
ومر على واحد من الانجليز وهو كان شايف النظر وقام يهز براسه
الصراحه استغربت من هذه السيده بهذا التصرف

والليكم الصور والوساخه تحت الباب ولما غادرت العامل يشيل المخلفات

والله عيب
http://im36.gulfup.com/F2NH5.jpg (http://www.gulfup.com/?G6pjxw)

هني وهي داخل السياره بعد ماسكرت الباب والعامل يحط الاغراض


http://im42.gulfup.com/VjNqK.jpg (http://www.gulfup.com/?uCn7yq)

وهذه صوره العامل وهو يشيل المخلفات

هل هذا تصرف يرضيكم

اترك لكم التعليق وشكرا

تحياتي

:)

[عاهد بن علي]

الصراحه تصرف معيب ومشين يا بوعلي

[عيون الدوحة]

مبين في الاساس انها مش نظيفة
اذا هاي الزبالة في سيارتها يمكن صار لها كم يوم
وليت تطبق مخالفة رمي القاذورات في الشوارع

[خزامئ]

لو يطبغون عندنا مثل الامارات
غرامه عند رمي القمامه من السياره
كان تعدلو
الي يفتحون الدريشه ويقطون كشرتهم

[برويقن]

عمل غير أخلاقي اكره هالمناظر حتى الآسيويين والعرب يقطوون في الشارع

للأسف مافي قانووووووون واردع ولا فيه يد تضرب من حديد الوضع صاير مصخره في الدوحة وغير تفاااااال لهنود يبطل الباب عند الإشارة ويتفل

في اوروبا كنت رايح سوبرماكت كبيرة وطاح من مخباي فأين وانا ماادري الا واحد من الصيع الي يركبون هارلي يوقفني يقولي ترى طاح منك الفاين

[لاجل QT]

طبعا سلوك خاطئ من المراءة

وتصرفك يابوعلى خطأ ان تصور سيارة حرمة..تعرف ان هالشي عندنا مايجوز عيب غير 3 ارقام واضحة ونوع السيارة

ياخوفي بكرة يتطور الوضع ونصور مخالفات حرمينا وجهة لوجهه

كان نزلت الموضوع من غير تصوير للسيارة

[q6ri_vip]

كنت نزلت وكلمتها عن هالتصرف

[سلطان قطرر]

الله يهديها ويسامحها
تشويه منظر

[ولي العهد]

قلنا لكم لا يسوقون ماطعتونا ،،،،، تصرف أحمق وشنيع ومخجل ،،،،، هذي لو أنها هي اتنظف بيتها بنفسها كانت حست بالمعاناة

[بوطويشم]

السلام عليكم

ذي من الكسل و الأعتماد الدائم للخدم

وذ الصوره اذا ماتبي الرقم يظهر

http://im36.gulfup.com/F2NH5.jpg (http://www.gulfup.com/?G6pjxw)

[عضو مشاكس]

فشلتنا قدام العالم

[حمد 2002]

اشكرك بوعلي على اصطيادك لتلك الجريمه وكشفك للحقيقه ، أي نعم اعتبرها جريمه بحق القانون ،، تدري بوعلي لو في اوربا اتحداها اتسوي هالشيء ، بسسسسسس اخخخخخخخخخخخ ،،


وعلى فكره انا اجوف وايد حريم ايقطون اشياء وقاذورات من سيايرهم عيل تصدق مره جفت حرمه حذفت من سياراتها وهي تسوق جيس كبير مال ماكدونالدز تخيل وهالكيس فيه بيبسي ومادري شنو !!!!!!!!!!!! ، وانا كنت منبهر من ذلك المنظر المشمئز الصراحه :eek5: ، وقلبي عورني على ماقد يسببه ذلك الكيس من ظرر على البيئه ، اخخخخخخخخخخ بسسسسس ،،


بس المشكله حرمه اشلون بتكلمها ، اتخاف اتكلمها وينقلب الموضوع علييييك :rolleyes2: ، خبرك يابوعلي حريييم وكيدهم عظييييم :(:weeping: ،،


تحياااااااااااااااتي لك يالذيب ،،، واشكرك على اصطيادك لتلك الجريمه من قلب الحدث

[قطري 777]

ودي تصير شوراعنا ودواعيسنى كيمرات مثل لندن يسلام متى هلحلم بيتحقق .

[بصمة قطرية]

قذرة بمعنى الكلمة ..
و الدليل مجمعة هالوصاخة في سيارتها
مادري هاي اللي سيارتها جذي
عيزانين يحطون كيس و يجمعون فيه وصاختهم ..
إستغفر الله العظيم
و ما كفاها وصاختها اللي في السيارة
راحت و وصخت الشارع
يالييييت تتخالف عشان تتأدب ..

مكان الشخص السيارة بالذات
هي اللي تمثله نظيفة يعني انسان نظيف
وصخة يعني هاي طبيعته وبيته أخس ..
الله لا يبلانا

قسم بالله نرفزتني .. :anger1:

[منصور.]

المفروض صورت رقم السياره والمخالفة 10000 على طول

[فلتة زمانها]

عيب عليها الي سوته أسأت لنفسها ودينها ووطنها
اذا تصرفت هالشكل في الشارع دليل على نظافتها في البيت

[لاجل QT]

ياجماعة المراءة اخطأت

ولكن الستر زين ليش تحبون الفضايح تاثموون

ليش الصور مهب من عوايدنا نصور الحريم وسيارتهم

يعنى كونها مرة صار هالهجوم عليها

نتكلم عن التصرف بشكل عام ياجماعة الخير ومن غير صور

يعنى لو واحد عضو في المنتدى وقالت له زوجتة او اختة هذي صورة سيارتي
محد بيرضى

[بنت مريخ]

عيب عليها
اشدعوه

[حياتي روايه]

بوعلي يا ريت ترسل الصور لموقع وزارة الداخليه وبيخالفونها
انا امس مرسله صور سياره مخالفه
هدا لأجل الوطن لا تتردد

[حسن]

شكر كل من رد في الموضوع

الصراحه انتو ماشفتو المنظر الحقيقي اللي انا شفته شي كان مقرف
وقدام الناس الاجانب

والمشكله ماعاد تعرف من مواطن ولا غيره الكل قام يلبس لبسنا
ولكن هذا التصرف مرفوض سواء من ابن بلد ولا غيره

اذا احنا ماحترمنا انفسنا امام الاخرين كيف بيحترمونك

صديق لي زار كيرلا يقول استغربت لما شفتها نظيفه بشكل غير طبيعي وهم كثر

يقول والله ماشفت فاين في الشارع وممنوع منعا باتا

اعتقد القاء المخلفات يعاقب عليها القانون وبغرامه على مااضن 5000 ريال
ليش مانشوف دوريات للبلديه بلون معين ولبس معين تفتش على المجمعات وتدور في الشوارع
علشان الناس تعرف هذه وظيفتها المحافظه على نظافه البلد بدال ماتعرفهم في مواترهم
احيانا الشكل المعيين يحسس الناس بالمراقبه

ياريت يكون عند الناس وعي شفت الكثير للاسف بس منظر اليوم كان افضعها
وخصوصا لما ينظر لها اجنبي ويهز راسه

[Mr.Abdullah]

طرش الصوره حق مطراش

[رحال]

طرش الصورة حق مطراش

[بوخالد911]

منظر مقرف ومؤسف من وحده عديمة الاحساس والنظافة

طرررش الصور للبلدية من خلال برنامج : بلديةBaladiya ع الايفون من متجر ابل ستور او غيره
واكتب وقت المخالفة وتاريخها


وهذا موقعهم
http://www.baladiya.gov.qa/cui/view.dox?id=323&siteID=1

والله يعافيك سوو اللي اقولك عليه

ولا تهون

[لاجل QT]

يلا ياحسن طرش الصورة حق مطراش:(

[عزووز قطر]

الدولة مب مقصرة ،، في كل زاوية وكل شارع نشوف زبالة الله يعزكم
واذا عندك الرقم ياليت تطرشه للبلدية وان شاءالله تتعاقب على فعلها

[توشيبا]

ماسوت كذا الا انهاء زباله

[بوخالد911]

يلا ياحسن طرش الصورة حق مطراش:(

مطراش ما لهم خص

فقط البلدية

:victory::victory::victory:

[محب قطر 64]

سؤال
هي لو كانت فبلاد بره
هل كانت تتجرأ وترمي
طبعا لا
خوف من الشرطة يخليها تلم الاوساخ و بعد يخالفها
هكذا هم العرب
يوسخون بلادهم وعند الاجنبي قمة الادب والنظافة

[لاجل QT]

مطراش ما لهم خص

فقط البلدية

:victory::victory::victory:

حرام بوخالد شهالفضايح حق خلق الله..وبعد حريم:weeping:

معقولة نوصل نصور بعض ونطرش على المرور او البلديه

وين النصيحة هذا خلق المسلم

مهب من دينا ولاعاداتنا هالسوالف

اي والله اصور خلق الله وباطرش الصور للمسؤولين وحدة قاطة قراطيس في الشارع فرضا اطلبو حضور المصور:nice:

[qatari 111]

هاذي مشكلتها انها راح تربي عيالها على نفس الطبع . :anger1::anger1:

[مشاكل]

كل إناء بمافيه ينضح

[مشـــــاعر]

بالعكس تستاهل الفضيحة الله ياخذها إن شاء الله

لو كنت موجودة كان فضحتها وقلت لها كاش بصورج وبطرش خمامج حق الداخلية
المفروض هالنوعيات ذي تتوقف عند حدهاا
من متى بناتنا بهالوصاخة وقلة الأدب ؟؟

[OM_OMAR_QATAR]

هي السالفة مايحتاج لها قانون
يحتاج لها ضمير ومسؤولية ..
وذمة

لها رب وللعامل رب .. وينتقص بيوم الله هذا من ذاك

[حسن]

:secret::secret:

:telephone:

[فــلان]

كل إناء ينضح بما فيه

يجب إيجاد آلية سريعة و عمليه لمخالفة هالأشكال لأنه تصرف لايمكن وصفه بأبذء المفردات لأنه يفوقها. وفي نفس الوقت مشهد مستفز جدا ً و أنا كم مره يمرون علي هالأشكال وللأسف لا حيا ولا مستحى, تلقاه في شارع عام و واقف على شاره وينزل جامته وقط فاين وحد منهم تلقاه يقط أكبر من هالأشياء. يعني إذا هو ما تربى على النظافه ما يجي في باله الناس اللي حواليه شلون نظرتهم له؟ وشلون قبل هذا نظرته لنفسه!! الله المستعان والله شي ينرفز جداً

تسلم أخوي على إثارة الموضوع لأنه يستحق وقفه فعليه

[حمد 2002]

وزاره البيئه اين دورها من تلك المخالفات التي نشاهدها بشكل يومي ؟ ولا ليش سموها بيئه ؟

[حسن]

وزاره البيئه اين دورها من تلك المخالفات التي نشاهدها بشكل يومي ؟ ولا ليش سموها بيئه ؟

هو من اختصاص لكل مواطن شريف
:weeping:
ان الاون لاستخدام الاجهزه الحديثه في عمليات ضبط المخالفات ومساعده اجهزه الدوله في عملها
هذا واجب وطني

يدا بيد مع الحكومه

اليوم ياحمد انا صادني تلوث بصري
:weeping:
ماعندك قطور حق عيني
:weeping:

[حمد 2002]

من ظمن الحلول الي اقترحها :-

أجبار كل مالك سياره بقطر على تزويد سيارته بسله مهملات صغيره جدا ايركبها بأي مكان يبي بسيارته ، والا فىلن يتم تجديد استماره سياراته ،،

كل من يرمي قمامه = كجره = مممم لها مسميات كثيره هههه ،،، الى الشارع يفرض عليه غرامه 10 الاف ريال ،، وتحجز سيارته لمده اسبوع ،،،


اطلاق حملات بالمدارس حول تلك الظاهره الخطيره بالمجتمع هههههه بدال مايفتشون روس الطلبه للبحث عن القمل خخخ :secret: ،،،

[حسن]

من ظمن الحلول الي اقترحها :-

أجبار كل مالك سياره بقطر على تزويد سيارته بسله مهملات صغيره جدا ايركبها بأي مكان يبي بسيارته ، والا فىلن يتم تجديد استماره سياراته ،،

كل من يرمي قمامه = كجره = مممم لها مسميات كثيره هههه ،،، الى الشارع يفرض عليه غرامه 10 الاف ريال ،، وتحجز سيارته لمده اسبوع ،،،


اطلاق حملات بالمدارس حول تلك الظاهره الخطيره بالمجتمع هههههه بدال مايفتشون روس الطلبه للبحث عن القمل خخخ :secret: ،،،

النظيف نظيف والوسخ وسخ
تصدق ياحمد خليت العامل يشيل كشرتها بكيس الزباله مالي اللي مركبه عند القير
الحمد لله عندي كارتون في البيت كل فتره انركب كيس جديد
موتري الحين مافيه كيس ياحمد لين ارجع الدوحه

:weeping:

[حسن]

لا وراكبه كروزر بعد ؟ :anger1:

شوف ياحمد
رغم اني مشهور باهتمامي بالبيئه وساهمت في تنطيفها عده مرات ولي الفخر
شوف ياخوك باقولك قصه ولدي ناصر اللي ابهر من كان معي في السياره
قول ماشاء الله اول شي

كنا راجعين من صلاه الجمعه والمسجد بعيد واحنا راجعين للمخيم والطريق 20 كيلو حصى بر يعني الا ولدي بو 5 سنوات يقولي يبا شوفلي درام زباله
:omg:
قلت له ليش قال ابي اقط العلوك فيه
:eek5:
زباله حق علك ياحمد
التعليم في الصغر مثل النقش على الحجر

:victory:

[حمد 2002]

ما شاء الله ، الله يحفظه لك ويخليلك اياااااااااااه ياااااااااااارب ،،،

عيل ذيك الحرمه الي قطه زباله بالشارع شلون بيكون مواقف عيالها بعدييين من الاهتمام بالبيئه ؟

لاتعليق ،،،

[عاشق العديد]

تفتقد للادب.. ويجب تربيتها من جديد من الجهات المختـصـه..


للي راحو عمان لو في احد فيه خير يقط فاين وفي سيارات مب كفو..

[qatar vision]

تصرف مؤسف للغاية
احتقر بشدة كل من يرمي قمامته في الطريق فهو سلوك لا ينم عن أبدا عن رقي فاعله بل يؤكد انحطاط أخلاقه

[ملك المشاعر]

المساهمة في نظافة الشوارع وعدم رمي النفايات حتى في البر والبحر واجب بيئي وأخلاقي على كل شخص

[بويعقوب]

النظافة من الايمان

[حمد 2002]

وين دور وزاره الصحه من ذلك الامر ؟ لان كما هو معروف بأن رمي المخلفات يساهم في انتشار الامراض والحشرات ،،،،

[حسن]

وين دور وزاره الصحه من ذلك الامر ؟ لان كما هو معروف بأن رمي المخلفات يساهم في انتشار الامراض والحشرات ،،،،


صدقت في ذالك يابوشهاب

وينه الوزير

:telephone:

[وليف الشوق]

وين دور وزاره الصحه من ذلك الامر ؟ لان كما هو معروف بأن رمي المخلفات يساهم في انتشار الامراض والحشرات ،،،،



وزارة الصحه ؟ هههههههههههه وانت الصادق يخلون المرضى ويطاردون المهملين بالشوارع ههههههه الله يهداك بس

بس فكرة حلوة منك واقتراح جميل وراح نعرض الامر عليهم يمكن الله يهداهم يوافقون على ملاحظتك هههههههههه

[حمد 2002]

وزارة الصحه ؟ هههههههههههه وانت الصادق يخلون المرضى ويطاردون المهملين بالشوارع ههههههه الله يهداك بس

بس فكرة حلوة منك واقتراح جميل وراح نعرض الامر عليهم يمكن الله يهداهم يوافقون على ملاحظتك هههههههههه

ممممممم جوف ياخوك مشكله رمي القمامه داخله فيها عده اطراف ،،،

1- الشخص نفسه 2- البلديه - 3- وزاره الصحه 4- الداخليه 5- وسائل الاعلام 6- المجلس الاعلى للتعليم بالاضافه الى عده جهات اخرى لايسعني ذكرها الان ،،،

تـــــــــــحـــــــــــياتي لك يالذيب ،،

[أم علي 2010]

النظيف في بيته نظيف برع البيت

هذا المبدا معروف من يوم كنا في ابتدائي و يعلمونا على النظافه

اتمنى لو نشوف منظر مثل هذا نقدم شكوى والجهات المختصه تتخذ الاجراء المناسب

ويا ليت الهنود اللي عند الاشاره ماتوعى الا فتح باب السياره و الله يعزكم تفل في الشارع

و الله قدام بيتي مدرسه ثانويه لو تشوف وصاختهم ماتصدق الورق واللوح واكياس الشبس والقراطيس كلها في حوش بيتي

يقطون الزباله عزكم الله عند باب المدرسه والدرام موجود

والله قلت بصور وبقدم شكوى في البلدية

[حسن]

المساهمة في نظافة الشوارع وعدم رمي النفايات حتى في البر والبحر واجب بيئي وأخلاقي على كل شخص

انا اشهد انك ملك المشاعر

ليتهم يعرفون هل الكلام

:anger1:

[بصمة قطرية]

شوف ياحمد
رغم اني مشهور باهتمامي بالبيئه وساهمت في تنطيفها عده مرات ولي الفخر
شوف ياخوك باقولك قصه ولدي ناصر اللي ابهر من كان معي في السياره
قول ماشاء الله اول شي

كنا راجعين من صلاه الجمعه والمسجد بعيد واحنا راجعين للمخيم والطريق 20 كيلو حصى بر يعني الا ولدي بو 5 سنوات يقولي يبا شوفلي درام زباله
:omg:
قلت له ليش قال ابي اقط العلوك فيه
:eek5:
زباله حق علك ياحمد
التعليم في الصغر مثل النقش على الحجر

:victory:

الله يحفظه
عيالي نفس الشي
و إذا شافوا حد يرمي شي في الشارع
قالوا عنه وصخ

[حسن]

الله يحفظه
عيالي نفس الشي
و إذا شافوا حد يرمي شي في الشارع
قالوا عنه وصخ

الله يخليهم لك يابصمه
هذا التربيه ولا بلاش

خفف خفف

:)

[MAZEN37]

حركات الحريم باعتقادهم انه الشارع والباركنجات والسواقين تحت اوامرهم
امس طلعت على سيارتي بالباركنج باللولو بعد الا واشوف تجمهر عن سيارتي هنود واوادم وسكيورتي المهم استغربت وجيتهم شنو في رفيق قالي حرمه تبي ترجع بالسياره جان تصفق الجنب ورا وحركت وقالت لهم مافي شي مافي شي
خذوا رقم سيارتها وعطوني اياه وانا الحين افكر شسوي

[الفــهد]

الاسسسسسسسلام دييييين النظاااااااااااافه

هذي تربيييييييييييييه من البييييييييييت والدييييييييين الاسسسسسسسلامي حث على النظافه ذكرتنيييييييييييي

في معصرة وقت الشششششششاي ياكثرهم الشباب ياااااااااااكلون ويحذفووووون برع السسسسسسيارة

هي بالنهايييييييييييييييييييه ثقافه وتربيييييييييييه تبدأ من البيييييييييت ومرور في اي مكان في الطريييييييق

التصرف اكيييييييييد غلط ومرفوض ويالييييييت يكون في غرامه ماليييييييييييه على هالتصرفات في قطر

نبي قوانييييييييييييييين النظافه في سنغافورا تنتقل قطر نبي قطر نظيييييييييييييييفه

[بنسل]

هالحركه منتشره عند الحريم الي يسوقون
اول ماتدخل تنفظ الوصاخه الي فلموتر برع


يازين الشباب يكرك ويحط القلاص يرمد فيه ويقط فيه الفاين وكلشي عقب يقطه ف الزباله

[غزلان]

لك شخص رجل او امرأه يمثل تربيته ومستوى النظافه في بيته وحياته

[OM_OMAR_QATAR]

انزين اخوي صور لنا كير سيارتك .. اقصد الكيس.. من باب طرح الفكرة

[امـ حمد]

لاحول ولا قوة الا بالله

[الصغيره]

لو كلمتها كان افضل من تصورها

[توشيبا]

شوف ياحمد
رغم اني مشهور باهتمامي بالبيئه وساهمت في تنطيفها عده مرات ولي الفخر
شوف ياخوك باقولك قصه ولدي ناصر اللي ابهر من كان معي في السياره
قول ماشاء الله اول شي

كنا راجعين من صلاه الجمعه والمسجد بعيد واحنا راجعين للمخيم والطريق 20 كيلو حصى بر يعني الا ولدي بو 5 سنوات يقولي يبا شوفلي درام زباله
:omg:
قلت له ليش قال ابي اقط العلوك فيه
:eek5:
زباله حق علك ياحمد
التعليم في الصغر مثل النقش على الحجر

:victory:

تصدق مواصل وفصلت علي ردك هذا

في الأول تقول بقولكم قصه ولدي ناصر الله يحفظ لك ولدك

وفي النهائه تقول علك ياحمد

عاد أنا فصلت ساعتين امخمخ في الرد أقول من اللي قط العلك ناصر ؤلا حمد

بالأخير عرفت أن ولدك اللي قط العلك وحمد عضو عندنا في المنتدى

شرائك استحق جازه و3 درجات في حصه النشاط

جمعه طيبه للجميع

[تغلبية]

تصرف لا يرضى الله ولا خلقه


سهل نحط قوانين لمثل هالناس ..

لكن رادع الضمير والوازع الديني اللي يأمر بالنظافة والمحافظة عليها تأثيره أكبر

الله يهديها ويصلحها ..

[بوحارب]

هالحركه منتشره عند الحريم الي يسوقون
اول ماتدخل تنفظ الوصاخه الي فلموتر برع


يازين الشباب يكرك ويحط القلاص يرمد فيه ويقط فيه الفاين وكلشي عقب يقطه ف الزباله

هههههه هذا نظامي انا بس الحمدلله ما رمد لأني نون سموكنج:victory:

[تاجر كشخة]

وحدة ما تستحي على وجهه

الحين السؤال هل لانها أمرأه نزلت الموضوع ؟:secret:

[حسن]

وحدة ما تستحي على وجهه

الحين السؤال هل لانها أمرأه نزلت الموضوع ؟:secret:


انا نزلت الموضوع للفعل سواء من امراءه ولا رجل
ماله خص

انظر للموضوع من الناحيه الاخلاقيه والثقافيه وقله التربيه والاهمال من الجميع للاسف وبكثره كل من يلبس الزي الوطني هو قطري ولا لا مادري
بس انا اعرف اكثر الرحاله واشوفهم بكرفاناتهم وسيرااتهم اعرف ان هؤلاء من حمله العنابي وعقب مايخلص رحلته مخلي وراه سماده
للاسف لاطنيه ثقافه العلم مع الجهل ياريتني كنت صاحب قرار لتشوف الويل مني اللي يبي يقعد ولاللي مايبي يروح هذه بلادنا واحنا ملزومين بها
مثل الاخت اللي قعدت تولول رقم السياره ورقم السياره
كان رقم السياره عوره على المراءه اللي يقول كلش وللاسف لما يكون من ينتقد الفعل له دور في التعليم مالت على التعليم زاد نشوف الوضع رايح في خرايطها

اسمحلي لاتلومني من القهر
لو كان عني رقم السيراه كامل كان ابشركم ال5000 في ظهرها وانا مستعد لحضور شهاده المحمكه

هذا بلادي واجبي الوطني ان ادافع اللي يعجبه اهلا وسهلا واللي مايعجبه غدى الشر

:)

[الخيالة]

بعض الناس مايعرفون شي عن النظافة مره كنت مع هلي في السينما عقب ماخلص الفلم حطينا كل شي في الأكياس والعالم اللي كانوا اهناك كانوا يطالعونا باستغراب جنه شي غريب اذا جمعنا باقي الأكل وودينا بره معانا بدل ما نقط كل شي ع الارض من بوب كورن وغراش الماي ووووو التربية له دور لازم يتعلمون من يوم ما هم صغار النظافة من الايمان

[حسن]

بعض الناس مايعرفون شي عن النظافة مره كنت مع هلي في السينما عقب ماخلص الفلم حطينا كل شي في الأكياس والعالم اللي كانوا اهناك كانوا يطالعونا باستغراب جنه شي غريب اذا جمعنا باقي الأكل وودينا بره معانا بدل ما نقط كل شي ع الارض من بوب كورن وغراش الماي ووووو التربية له دور لازم يتعلمون من يوم ما هم صغار النظافة من الايمان

جزاك الله خير وبارك الله فيك وهذا يدل على تربيتك وبيئتك النظيفه
الغلط لما نشوف الغلط ونسكت الارقم سياره الى صوره

يقولك يفلون شعورهم للتئبرني واحنا لين الحين الرقم طلع
وهي ماخلت زباله ماطلعتها من سياراتهم لو اقولكم وش قطت بعد بتنصدمون بس علشان نراعي شعوركم وللاسف البعض مايقدر الشعور

قالو
عيب
والله العيب اللي انتو ماتعرفون العيب

احنا هل قطر ونعرف العيب عدل

:)

[meeemz]

الموضوع مب انها قطت قراطيس من السياره ولا انها قذره بل اسلوبها في طريقه الرمي على العامل وكميه القاذورات ومكان الرمي اسلوب انسانه اما مينونه او وقحه لابعد الحدود يعني فعلا تفشل تستاهل ياليت صورت رقم السياره حقيييره

[حسن]

الموضوع مب انها قطت قراطيس من السياره ولا انها قذره بل اسلوبها في طريقه الرمي على العامل وكميه القاذورات ومكان الرمي اسلوب انسانه اما مينونه او وقحه لابعد الحدود يعني فعلا تفشل تستاهل ياليت صورت رقم السياره حقيييره

العامل عقب ماراحت انا ناديته وعطيته الكيس والمقسوم وقلت له شيلها وارميها في ازباله
ياريت لو هي مسوي جذا كان مقبوله لكن رمت وراحت

تقولين تعطي العالم الله يهداك
الدور على مفتشين النظافه وينهم القطريين ولا قاعدين في مكاتبهم ضرب زقاير وسويكه وقرايه جرايد
والله لو انا وزير البلديه لطبيت عليهم وعطيتهم سيارات فيها اجهزه تتبع تاملنا في التغيرات الجديده تعديل الوضع ولكن

الله المستعان

:(

[alsoq]

طيب ليش ما نقول ان القمامه موجوده قبل تجي

هل انت اللي مصورها؟ اذا نعم لا يحق لك تصويرها تكتفي بشكوى

[OM_OMAR_QATAR]

وحدة ما تستحي على وجهه

الحين السؤال هل لانها أمرأه نزلت الموضوع ؟:secret:

والله يخوي ان كان رجل.. فتلك مصيبة
وان كانت امرأة .. فالمصيبة اعظمُ

:telephone:

[Dmy Enabi]

حسن تحياتي لك

روح وقت الشاي بتجوف العجب
تلقاه راكب سيارة آخر موديل وآخرتها يقط في الشارع
للأسف حتى بعض الهنود إلي يشتغلون هناك وصلت فيهم الجرأة يسوون نفس الشيء

للحين البعض عنده نظرة استعلائية آنا قطري أقط في الشارع ،والهندي دوره ينظف لأنه يشتغل عندي

التربية التربية أولأ وأخيرا

[OM_OMAR_QATAR]

النظيف في بيته نظيف برع البيت

[شبح الصمت]

النظيف في بيته نظيف برع البيت

:nice:

[كازانوفا]

اخصصصصصص

[qatar700]

عمل غير أخلاقي اكره هالمناظر حتى الآسيويين والعرب يقطوون في الشارع

للأسف مافي قانووووووون واردع ولا فيه يد تضرب من حديد الوضع صاير مصخره في الدوحة وغير تفاااااال لهنود يبطل الباب عند الإشارة ويتفل

في اوروبا كنت رايح سوبرماكت كبيرة وطاح من مخباي فأين وانا ماادري الا واحد من الصيع الي يركبون هارلي يوقفني يقولي ترى طاح منك الفاين

عفوا السلوك الخاطئ لا يقتصر علي جنسيه معينه او عرق انما عديم الاخلاق والتربيه يصدر منه هالامور وهذا من ليس له دين ( النظافه من الايمان )

[تحداني]

:nop::nop::nop:

اتفششششششششششششششل

[شبح الصمت]

تدرون فيني طبع يمكن تضحكون موتري حاط لي كيس كل ما كلت شيء والا في شيء ابي اقطعه اسقطه في هالكيس وأقرب زباله ( تكرمون ) اقط فيها الوصاخه ترى..

والله قطر مريحه العالم في كل مكان زبالة لو تروحون الدول الي برى ما نحصل نفس هالنظام ..

يعني يالشيخ يالشيخة ترى اقل ما فيها وقف وقط وصاختك ما تاخذ منك اي شيء واقرب لفة وفي كل فريج اول ما تدخل هالزبالة مرتزه ..

وتسلم بوعلي على النقل

[تحداني]

اخوي شبح الصمت .. لو تنحرج من الكيس ويقولون عنك انك ااتضحك
لقيت ذاك اليوم زباله اصغيرونه الله يعزكم في جرير
حسسهم ان انت فاشن وراقي وحطها في سيارتك
وحده من ربعي امسويه جي
تميت اضحك عليها :)

[شبح الصمت]

اخوي شبح الصمت .. لو تنحرج من الكيس ويقولون عنك انك ااتضحك
لقيت ذاك اليوم زباله اصغيرونه الله يعزكم في جرير
حسسهم ان انت فاشن وراقي وحطها في سيارتك
وحده من ربعي امسويه جي
تميت اضحك عليها :)




من قال لج اتفشل بس لانه المنظر اقولك لا تقطونه خلوه لين ينترس .. لاني اعرف مواتر متزوجين ويهال لازم ينعفس او اخليهم يقطوون وراء وعقب اوديها المغسلة وحكهم حك فالتنظيف ..

يبيله هالزبالة التي تكلمين عنها اروح اشوفها زينه ترى ..

:nice:

[تحداني]

^
^
^

عجيبه ولها غطي بعد
وفي نوع الي يضغطون عليها بالرجل ههههههه
عاد دورني اذا اليهال قطوا فيها شي
زين ما يفلعونها في الشارع

[عاشق العديد]

تدرون فيني طبع يمكن تضحكون موتري حاط لي كيس كل ما كلت شيء والا في شيء ابي اقطعه اسقطه في هالكيس وأقرب زباله ( تكرمون ) اقط فيها الوصاخه ترى..

والله قطر مريحه العالم في كل مكان زبالة لو تروحون الدول الي برى ما نحصل نفس هالنظام ..

يعني يالشيخ يالشيخة ترى اقل ما فيها وقف وقط وصاختك ما تاخذ منك اي شيء واقرب لفة وفي كل فريج اول ما تدخل هالزبالة مرتزه ..

وتسلم بوعلي على النقل

تدري انا صصصار لي فتره اقول بشتري زباله وانت بكرامه وبحطها فالموتر لكن انسسى . فا اقط فكرسي العبري .. يعني الحين لو تبي تركب سيارتي الاكياس واصله لين السيت .. الاغراض مش مبطله مصكره اب اكياسها لين ماوقف عند زباله واقطهم كلهم .. ولا اقطهم فشارع ..

[وطن]

ما ادري شلون يهون عليهم يوسخون بلادهم

شلون يهون عليهم هالعامل اللي بينزل ع الارض يشيل وساختهم في هالحر

له راتب صحيح
بس من باب الرحمة
ما نزيد عليه الشغل

انا اقول يا حسن
ان كل واحد يعكس بيئته اللي جا منها
اللي نظيف في بيته ومكانه
راح يكون نظيف في وطنه
وفي غير وطنه بعد


شي يحر والله
:(

[king fish]

ياريت يتم تفعيل خدمه ترسل الصور المخالفه والسيارات المخالفه

[شبح الصمت]

^
^
^

عجيبه ولها غطي بعد
وفي نوع الي يضغطون عليها بالرجل ههههههه
عاد دورني اذا اليهال قطوا فيها شي
زين ما يفلعونها في الشارع


لا لا تحاتين بثبتها ..

:nice:


تدري انا صصصار لي فتره اقول بشتري زباله وانت بكرامه وبحطها فالموتر لكن انسسى . فا اقط فكرسي العبري .. يعني الحين لو تبي تركب سيارتي الاكياس واصله لين السيت .. الاغراض مش مبطله مصكره اب اكياسها لين ماوقف عند زباله واقطهم كلهم .. ولا اقطهم فشارع ..



كاهو الحل اختي تحداني يقولك في مكتبة جرير يبيعونها ..

[حسن]

اشكركم جميعا

فعلا كل مالنا ونشوف الهوايل لارقيب ولاحسيب بالنسبه لي انا ماطلع من بعد المساء اكثر من 10 سنوات فا مادري ويش يسير في قوت الشاي
ومثل ماذكر انا الناس تقط زبالتها

زين يالله يوزير البلديه قوم شوف شغل ربع
مهب المخالفه ب 5000 ريال يالله هذه معلومه اوصلت لك ونتمنى منك التحرك

[sweet qatar]

الا منظر مخزي ويفششششششل


دايما أتوقع من الحريم مستوى معين من النظافة.. وهذي الله يهديها تحت الصفر


حسن اهم شي انك ما خليتها بخاطرك.. ونزلت الصور :victory:

وان شالله الصورة توصل للمرة وتحس شوي وتستحي من نفسها

[بوحارب]

اشكركم جميعا

فعلا كل مالنا ونشوف الهوايل لارقيب ولاحسيب بالنسبه لي انا ماطلع من بعد المساء اكثر من 10 سنوات فا مادري ويش يسير في قوت الشاي
ومثل ماذكر انا الناس تقط زبالتها

زين يالله يوزير البلديه قوم شوف شغل ربع
مهب المخالفه ب 5000 ريال يالله هذه معلومه اوصلت لك ونتمنى منك التحرك
الليلة بمرك نروح نشرب نسكافيه عنده وشوف الوضع هناك

صدقني الوضع عادي والكل محترم نفسه ومحافظ على النظافة :)

[لاجل QT]

تدرون فيني طبع يمكن تضحكون موتري حاط لي كيس كل ما كلت شيء والا في شيء ابي اقطعه اسقطه في هالكيس وأقرب زباله ( تكرمون ) اقط فيها الوصاخه ترى..

والله قطر مريحه العالم في كل مكان زبالة لو تروحون الدول الي برى ما نحصل نفس هالنظام ..

يعني يالشيخ يالشيخة ترى اقل ما فيها وقف وقط وصاختك ما تاخذ منك اي شيء واقرب لفة وفي كل فريج اول ما تدخل هالزبالة مرتزه ..

وتسلم بوعلي على النقل

انا بعد حاطة في سيايري اكياس زباله :)

[Riku3]

في رمضان الي فات وانا راجع من صلاة التراويح مشي الا بورش فيه اجنبي شكله اوروبي قط غرشتين مشروبات غازيه قزاز وكان مشي بسرعه جنونيه داخل الفريج .. تكسروا وتنثرو على الانترلوك !! والله تميت فتره ادعي عليه هههه.

بس بسأل شنو الموقع الي ممكن نصور ونبلغ بخصوص المخالفات المروريه ؟ زهقت من الي يتجاوزون من اليمين خاطري اردعهم وايد يأخرون الطريق .

[النواخذة]

قلت تربية وعدم الاهتمام بنضافت بلادها

[العلم]

قسم بالله إني امتغثت :rolleyes2:

[khaldoon]

يا رب يصيدها واحد مسؤول عن البيئه... بيعرف اشلون يسنعها عدل

[أخت الكل]

ما تستاهل اللي يستر عليها

تصرفها يدل على قلت الدين وقلت الوطنية

[حسن]

ما تستاهل اللي يستر عليها

تصرفها يدل على قلت الدين وقلت الوطنية

النظافه من الايمان

:ok:

[بوخالد911]

هلا اخوي حسن
هل سويت اللي ذكرته لك بمشاركتي؟

[ام السعف]

يا رب يصيدها واحد مسؤول عن البيئه... بيعرف اشلون يسنعها عدل

:omg:

خلدون ؟

الحمدلله على السلامة ،، وينك يا اخوي اختفيت من رمضان ولا عاد شفناك

بصراحة اشكر اللي حذفت وصاخة سيارتها اللي خلت حسن يكتب عنها
ومن ثم تدخل انت وتشارك ،،:nice:

[ام حمد ومحمد]

تري هي اغلطت لانها ماحافظت ع نظافة المكان وتصرف غير لائق بالانثي بالذات
كان حطيتهم في كيس وعطيتهم هذا العامل وفكت عمرها
.

بس انت بعد غلطت اشلون تصور حرمه او حتي سيارتها هالغلط كبير عليك تري كان صورت الموقف ولا تصور السياره وحط نفسك فهالموقف لو واحد صور سيارة زوجتك اشلون تتصرف عموما الله يهديها ويهديك

[w.qatar]

فيه في الستي سنتر زباله صغيره للسياره ب35 ريال في محل ليكلاند اظن كذا اسمه اللي ورا ستار بوكس على طول

[حسن]

فيه في الستي سنتر زباله صغيره للسياره ب35 ريال في محل ليكلاند اظن كذا اسمه اللي ورا ستار بوكس على طول


اشكرك

كل هذه الامور ماتحتاج هناك اكياس تباع ومخصصه لتوضع يا في القير او في الاشاره تتعلق وتحط فيها كل مخلفاتك وعند اقرب زباله تكرمون ترميها

في مثل يقول النظيف نظيف والوسخ مابحبهوش

انا اناشد كل مقيم ان يراى من تلك المناظر والمخالفات ان يقوم بتصويرها وتقديمها للجهات الرسميه

انا غلطتي ان صوره الرقم ماكانت واضحه
لكان سلمتها لمن طلبها مني
واشكره والله يكثر من امثال ابناء الوطن الغيورين على وطنهم

[عـ العبيدلي]

وتلقاها تكتب في تويتر ..
النظافه من الايمان ..

انتي الاجنبي من جاف تصرفج كره الايمان والاسلام بأهله ..
الله المستعان

[khaldoon]

:omg:

خلدون ؟

الحمدلله على السلامة ،، وينك يا اخوي اختفيت من رمضان ولا عاد شفناك

بصراحة اشكر اللي حذفت وصاخة سيارتها اللي خلت حسن يكتب عنها
ومن ثم تدخل انت وتشارك ،،:nice:

بارك الله فيكي يا سيتي ام السعف...موجود و بمر كل يوم بس ما اشارك...متفرج بس:(

كل الشكر و التقدير على سؤالك الغالي و الله لا يحرمنا التواصل معكم يا رب :omen2:

[دكان عباس]

الموضوع كله يا حسن سوء تصرف وجهل وتلقى اللي مثل هذلا بيوتهم كلها كشرة لأن هذي طبايعهم , وأزيدك بعد في ظاهرة ثانية وهي اللي يقذفون سجايرهم من السيارة فعلاً حقارة ؟؟؟؟

[تحداني]

بارك الله فيكي يا سيتي ام السعف...موجود و بمر كل يوم بس ما اشارك...متفرج بس:(

كل الشكر و التقدير على سؤالك الغالي و الله لا يحرمنا التواصل معكم يا رب :omen2:






يمكن تعبان خلدون .. او زهق .. او قال ما بقى في العطاء كثر الي راح
ينتابنا هالاحساس وايد .. بس بعد في نقطه يا اخوي خلدون
سعفوه حاسه بالفراغ المميت ومفتقده مثل ما انا وانت مفتقدين اقلام كثيره قضينا معاهم ايام جميله .. فتقول دام انا اهني تموا معاي عشان ما استوحش اكتر ..

[حسن]

الموضوع كله يا حسن سوء تصرف وجهل وتلقى اللي مثل هذلا بيوتهم كلها كشرة لأن هذي طبايعهم , وأزيدك بعد في ظاهرة ثانية وهي اللي يقذفون سجايرهم من السيارة فعلاً حقارة ؟؟؟؟

اهلا يارفيق

:)

ذكرتني بايام الكانتين وشخ على الولعه

أي والله صدقت مشكله يرضى يوسخ الشارع ولا يرضى يطفي بلاه في السياره
لو لا اختلاف الاجناس كان ماحطو قوانين
هذا الراي الراجح واخذ بل سعدك
فرق بين البياده وبين الكوتش

:)

[شبح الصمت]

اشكرك اخوي حسن

تدري ليش لانك فتحت عيون الكثير منا على المحافظة على نظافة بيئته بلده

الحين اي واحد في المنتدى عضو او مشارك راح يفكر يقط شيء راح يتردد ويتلفت حواليه

واحنا ما نبي احد يتلفت ويخاف احد يصوره والا يشوفه

راقب نفسك وتصرفاتك وهل النظافة من الايمان والا لا لها مفهوم آخر لديك او لديكي في اشياء أخرى .. !!

شالفايده انسان مرتز وكاشخ ونظيف واجي افتح الدريشه وقط الوصاخه !!

احسبها احسبيها
تفكر وفكــر


جعل من جآآآبك الجنه
:)

[بوحارب]

يمكن تعبان خلدون .. او زهق .. او قال ما بقى في العطاء كثر الي راح
ينتابنا هالاحساس وايد .. بس بعد في نقطه يا اخوي خلدون
سعفوه حاسه بالفراغ المميت ومفتقده مثل ما انا وانت مفتقدين اقلام كثيره قضينا معاهم ايام جميله .. فتقول دام انا اهني تموا معاي عشان ما استوحش اكتر ..

أنا موجود وش تبون بعد :threaten:

استفيدوا مني قبل لا تشغلني الدنيا :D :

[شبح الصمت]

أنا موجود وش تبون بعد :threaten:

استفيدوا مني قبل لا تشغلني الدنيا :D :




صح

مفروض يستفيدون منك ماركة عالمية لن تتكرر

خشمك خالي

:shy:

[حسن]

أنا موجود وش تبون بعد :threaten:

استفيدوا مني قبل لا تشغلني الدنيا :D :

انت المفروض يسمونك ياخاين الوعد
ولا ساهر الليل
ايهما تختار وبعيد تعال وين الحرامي اللي تبي تمسكه اشوف ماشفنا شي
تعال خلني اعطيك دوره وببلاش شلون تعرف المجرم من مواصفاته

:eek5:

[حسن]

اشكرك اخوي حسن

تدري ليش لانك فتحت عيون الكثير منا على المحافظة على نظافة بيئته بلده

الحين اي واحد في المنتدى عضو او مشارك راح يفكر يقط شيء راح يتردد ويتلفت حواليه

واحنا ما نبي احد يتلفت ويخاف احد يصوره والا يشوفه

راقب نفسك وتصرفاتك وهل النظافة من الايمان والا لا لها مفهوم آخر لديك او لديكي في اشياء أخرى .. !!

شالفايده انسان مرتز وكاشخ ونظيف واجي افتح الدريشه وقط الوصاخه !!

احسبها احسبيها
تفكر وفكــر


جعل من جآآآبك الجنه
:)

اهلا اهلا اخي شبح الصمت
:)

الشكر لكم انتم ايظا

المفروض والواجب ان نتعلم وان نذكر والمفروض ان نستخدم التكنلوجيا في الشي المفيد مثلا التصوير أي خطاء ملاحظه وهذه عباره عن درس تحظيري وبالصور

بدال مانقعد نصور الذبانه وهي فوق الكيكه بالمقلوب ولا شوفو حناي شولون شكله
هنا الفرق
وتحمل مني ترا تلف يمينك ويسارك تراني ماارحم
على طول صوره وبالألوان
انتظر كيمرتي الجديده اللي تصور أي فعل خطاء اتوماتيكيا
تحمل تراها تحت الحمراء وفوق البنفسجي شوي

:victory:

[نور الحور]

حسن .. عادي .. من أمن العقوبة أساء الأدب ..

المفروض الأمور المتعلقة بالأماكن العامة تحدد لها ضوابط وغرامات ..وما تنترك لتقييم الأفراد وطباعهم وعاداتهم ..وبس والله :shy:



شبح ..أشوفك تعاديت من تحداني تكتب بنفس اللون والخط ..شسالفة؟:secret:

[captin]

مرحباً حسن

يعطيك العافية على الضبطية القضائية بالدليل المصور


هذا طال عمرك
تخلف ويدل على البيت والبيئة اللي عايشة فيها
للأسف ويقولون احنا مسلمين

[شبح الصمت]

اهلا اهلا اخي شبح الصمت
:)

الشكر لكم انتم ايظا

المفروض والواجب ان نتعلم وان نذكر والمفروض ان نستخدم التكنلوجيا في الشي المفيد مثلا التصوير أي خطاء ملاحظه وهذه عباره عن درس تحظيري وبالصور

بدال مانقعد نصور الذبانه وهي فوق الكيكه بالمقلوب ولا شوفو حناي شولون شكله
هنا الفرق
وتحمل مني ترا تلف يمينك ويسارك تراني ماارحم
على طول صوره وبالألوان
انتظر كيمرتي الجديده اللي تصور أي فعل خطاء اتوماتيكيا
تحمل تراها تحت الحمراء وفوق البنفسجي شوي

:victory:


يا رجال حلالالالالك لو تبي الحين اطرش لك صورتي وانا ماسك كيس وقاعد الوح فيه فالسماء وناشن على الزباله تكرم وسنتر عليها .

حريف درجة اولى مره وقفت عند الزبالة ابي اقط الكيس طاح جمبها قلت يا ولد ما فيك حيله انزل وشله شفت كمن قطو يحومون هونت قلت دامه جمب الزباله يعني فيها ومن يومها وانا ماخذ الحذر وكل تسديداتي في الممرى ..

وابشرك شريت لي كانون جديده عليها تصوير اقولك مب تلقطك اقولك لو اصورك لو في شعره في نص جبهة الواحد اطلعها ..

:shy:



حسن .. عادي .. من أمن العقوبة أساء الأدب ..

المفروض الأمور المتعلقة بالأماكن العامة تحدد لها ضوابط وغرامات ..وما تنترك لتقييم الأفراد وطباعهم وعاداتهم ..وبس والله :shy:



شبح ..أشوفك تعاديت من تحداني تكتب بنفس اللون والخط ..شسالفة؟:secret:




شاسوي لا شعورياً اللون الاخضر مر علي وقالي ياخي تكفى ارحم ام الاسود اختارني تراني حلو لون يعبر عن الراحة قلت له تبشر ..

المهم اش رايج في موضوع حسن انتي من النوع الي يقط في الشارع والا تجمعين .. !!

اطربي عيونا بردج استاذتي الفاضلة نور

:secret:

[بوحارب]

صح

مفروض يستفيدون منك ماركة عالمية لن تتكرر

خشمك خالي

:shy:
:pic: :





انت المفروض يسمونك ياخاين الوعد
ولا ساهر الليل
ايهما تختار وبعيد تعال وين الحرامي اللي تبي تمسكه اشوف ماشفنا شي
تعال خلني اعطيك دوره وببلاش شلون تعرف المجرم من مواصفاته

:eek5:

السموحة ياخي رحت صوب الشمال مع الربع

الحرامي يوم درى أني بديت ادورله ماعاد وطوط صوب الخريطيات

طني طني طني ور ور : :yawn:

[نور الحور]

يا رجال حلالالالالك لو تبي الحين اطرش لك صورتي وانا ماسك كيس وقاعد الوح فيه فالسماء وناشن على الزباله تكرم وسنتر عليها .

حريف درجة اولى مره وقفت عند الزبالة ابي اقط الكيس طاح جمبها قلت يا ولد ما فيك حيله انزل وشله شفت كمن قطو يحومون هونت قلت دامه جمب الزباله يعني فيها ومن يومها وانا ماخذ الحذر وكل تسديداتي في الممرى ..

وابشرك شريت لي كانون جديده عليها تصوير اقولك مب تلقطك اقولك لو اصورك لو في شعره في نص جبهة الواحد اطلعها ..

:shy:






شاسوي لا شعورياً اللون الاخضر مر علي وقالي ياخي تكفى ارحم ام الاسود اختارني تراني حلو لون يعبر عن الراحة قلت له تبشر ..

المهم اش رايج في موضوع حسن انتي من النوع الي يقط في الشارع والا تجمعين .. !!

اطربي عيونا بردج استاذتي الفاضلة نور

:secret:


هههههههههه .. اشوفك حبيت الأخضر من سالفة أمس في الاستراحة :tease:

أنا من النوعين ..اللي يجمع وبعدين أقط في الشارع ..عادي ما في غرامة :shy: << لا حد يصدق بس:secret:

[تحداني]

أنا موجود وش تبون بعد :threaten:

استفيدوا مني قبل لا تشغلني الدنيا :d :




انت عمود هالمنتدى .. بدونك ما يسمونه منتدى الاسهم القطريه
عاد لا اتشوف نفسك ..

[ام السعف]

بارك الله فيكي يا سيتي ام السعف...موجود و بمر كل يوم بس ما اشارك...متفرج بس:(

كل الشكر و التقدير على سؤالك الغالي و الله لا يحرمنا التواصل معكم يا رب :omen2:

اوه من هالفيس :omen2:
يبين عليك انك بخير ...> فالحمدلله رب العالمين :shy:

منووور ستو خلدون عاد لا تقطع :telephone:





يمكن تعبان خلدون .. او زهق .. او قال ما بقى في العطاء كثر الي راح
ينتابنا هالاحساس وايد .. بس بعد في نقطه يا اخوي خلدون
سعفوه حاسه بالفراغ المميت ومفتقده مثل ما انا وانت مفتقدين اقلام كثيره قضينا معاهم ايام جميله .. فتقول دام انا اهني تموا معاي عشان ما استوحش اكتر ..

يه
فسرتي الموضوع بالطريقة هذي ( !!! )

للأمانة مب حاسة بالفراغ المميت ،، لــكن هناك اقلام تستحق السؤال عنها
مب علشان تخفي وحشة المكان اهنيه مع ان المكان مب موحش اهنيه
وما شاءالله في اللي يحركونه ويخلص وقتنا ومب قادرين نخلص وياهم ،،
صحيح ما عاد نفسه ذاك المكان اللي كان مدحوب اقلام

بس مثل منتي عارفة في اقلام تنبسطين لين تشوفينها
وفي اقلام تحبين تتناقشين معاها

وفي اقلام رغم مشاكستها الا انج ما تستغنين عنها
وفي اقلام تختفي لها الحق ان نسأل عنها وخلدون اخ عنده
كل هالأٌقلام ويدور فيها فليش ما نسأل عنه ؟

اوه نسيت شي اضيفه لج واقول
وفي اقلام مثل الأحلام الحلوة وجودها تبعث بالسعادة على النفس
:shy:

[ام السعف]

انت عمود هالمنتدى .. بدونك ما يسمونه منتدى الاسهم القطريه
عاد لا اتشوف نفسك ..

عامود ؟
زين عيل بو حارب مب مزوجينك بنتنا احنا نبي هامور مب عامود :(

فتحنا العين وايد وحولنا العمود الى عمود علشان نتخلص من بوحروب

[أم محمد 90]

الموضوع كله يا حسن سوء تصرف وجهل وتلقى اللي مثل هذلا بيوتهم كلها كشرة لأن هذي طبايعهم , وأزيدك بعد في ظاهرة ثانية وهي اللي يقذفون سجايرهم من السيارة فعلاً حقارة ؟؟؟؟

سوف تكون كاميرتي مترقبة لمثل هؤلاء
نعطيه صورة وهو يرمي الزقارة وننزل موضوع
ونشوف رأي الشباب شللوووون :victory:

[تحداني]

اوه من هالفيس :omen2:
يبين عليك انك بخير ...> فالحمدلله رب العالمين :shy:

منووور ستو خلدون عاد لا تقطع :telephone:



يه
فسرتي الموضوع بالطريقة هذي ( !!! )

للأمانة مب حاسة بالفراغ المميت ،، لــكن هناك اقلام تستحق السؤال عنها
مب علشان تخفي وحشة المكان اهنيه مع ان المكان مب موحش اهنيه
وما شاءالله في اللي يحركونه ويخلص وقتنا ومب قادرين نخلص وياهم ،،
صحيح ما عاد نفسه ذاك المكان اللي كان مدحوب اقلام

بس مثل منتي عارفة في اقلام تنبسطين لين تشوفينها
وفي اقلام تحبين تتناقشين معاها

وفي اقلام رغم مشاكستها الا انج ما تستغنين عنها
وفي اقلام تختفي لها الحق ان نسأل عنها وخلدون اخ عنده
كل هالأٌقلام ويدور فيها فليش ما نسأل عنه ؟

اوه نسيت شي اضيفه لج واقول
وفي اقلام مثل الأحلام الحلوة وجودها تبعث بالسعادة على النفس
:shy:



وشفيها لو فسرتها جي .. انتي بدون دراما ما ترتاحين ابدا ابدا ابدا ابدا
هالطبع ما ادري متى تتخلصين منه .. ادخل الواحد في متاهات المتاهات المتاهات .. عشان اتقول في النهايه نفس الكلام الي قلته في البدايه

وكأن بذاك الذي فسر الماء بالماء
ولا تنسين يوم قلتي لي والله تحداني صار المنتدى مب مثل اول
يطري عليج وتميت اقول لج يطري عليج
ورديتي قلتي يطري علي ورديت علي اي والله يطري


وين راح؟؟؟ ولا كلام الليل يمحيه النهار
وايد الحياه قاسيه وايد :weeping:



عامود ؟
زين عيل بو حارب مب مزوجينك بنتنا احنا نبي هامور مب عامود :(

فتحنا العين وايد وحولنا العمود الى عمود علشان نتخلص من بوحروب



عمود يعني اساس .. يعني قوامه .. يعني الصلابه .. يعني الشي الي يرتكز عليه باقي الاشيا
عاد فتحنا العين ووووو هاي ما فهمته يمكن بوعبدالرحمن فاهم

[حسن]

انت عمود هالمنتدى .. بدونك ما يسمونه منتدى الاسهم القطريه
عاد لا اتشوف نفسك ..

لا حول ولا قوه الا بالله
الحين زين جذي تقولين له هل الكلام
هو جذي ومهب قادرين عليها ومايطلع الا من عقب انصاف اليالي
الحين مهب طالع من البيت كلش
ولا بشايفينه
:weeping:

[حسن]

سوف تكون كاميرتي مترقبة لمثل هؤلاء
نعطيه صورة وهو يرمي الزقارة وننزل موضوع
ونشوف رأي الشباب شللوووون :victory:


يالله صوري وشوفي شلون بنغسله غسال

[تحداني]

لا حول ولا قوه الا بالله
الحين زين جذي تقولين له هل الكلام
هو جذي ومهب قادرين عليها ومايطلع الا من عقب انصاف اليالي
الحين مهب طالع من البيت كلش
ولا بشايفينه
:weeping:




ابهالعمر الي هو عمر بو عبد الرحمن عليهم تصرفات غريبه
لازم نتقبلهم .. بعد تدري يمكن مب عاجبه شي في الدنيا
مهو الكل صار يبي يسوي له عالم خاص وكأنه جاي من كوكب المريخ .. اخاف مب عاجبه نفسه .. فيطلع نص الليل عشان ما يشوف شي

عاد انت ابحسبه ابوه .. ارجوك لا تتكلم عن عمرك
فخذه على قد رغباته واستوعبه واحضن افكاره

[ام السعف]

وشفيها لو فسرتها جي .. انتي بدون دراما ما ترتاحين ابدا ابدا ابدا ابدا
هالطبع ما ادري متى تتخلصين منه .. ادخل الواحد في متاهات المتاهات المتاهات .. عشان اتقول في النهايه نفس الكلام الي قلته في البدايه

وكأن بذاك الذي فسر الماء بالماء
ولا تنسين يوم قلتي لي والله تحداني صار المنتدى مب مثل اول
يطري عليج وتميت اقول لج يطري عليج
ورديتي قلتي يطري علي ورديت علي اي والله يطري


وين راح؟؟؟ ولا كلام الليل يمحيه النهار
وايد الحياه قاسيه وايد :weeping:







عمود يعني اساس .. يعني قوامه .. يعني الصلابه .. يعني الشي الي يرتكز عليه باقي الاشيا
عاد فتحنا العين ووووو هاي ما فهمته يمكن بوعبدالرحمن فاهم

يااا تحداني
ياااحبيبتي ( لاحظي كتبت لج حبيبتي وما اكتبها حق اي حد )

من قال لج اني انكر ان المنتدى ماعاد مثل اول ماهو هالشي مذكور فوق

لكن هذا ما يعني اذا ابي سين وصاد من الاعضاء يتواجدون علشان انه موحش
مرات كثيرة المنتدى يكون مدحوب دحب وتلقين يجرى البحث عن عضو
بعينه او السؤال عن عضو آخر ،، فهل هذا معناته انه المنتدى موحش ؟
:shy:

[تحداني]

يااا تحداني
ياااحبيبتي ( لاحظي كتبت لج حبيبتي وما اكتبها حق اي حد )

من قال لج اني انكر ان المنتدى ماعاد مثل اول ماهو هالشي مذكور فوق

لكن هذا ما يعني اذا ابي سين وصاد من الاعضاء يتواجدون علشان انه موحش
مرات كثيرة المنتدى يكون مدحوب دحب وتلقين يجرى البحث عن عضو
بعينه او السؤال عن عضو آخر ،، فهل هذا معناته انه المنتدى موحش ؟
:shy:




انتي فاهمتني .. بليييييز .. بلييييز
ترى بنادي " همر " ههههههههههههه

[شبح الصمت]

خاطري بس افتح موضوع لعضوتين بس

تحداني

وام السعف

ياخي فله سوالفكم استمروا ترانا مراقبين لكم ..

[تحداني]

خاطري بس افتح موضوع لعضوتين بس

تحداني

وام السعف

ياخي فله سوالفكم استمروا ترانا مراقبين لكم ..





شبح لوني اسمه " اولفز = زيتوني " لو تبي اتقلده عادي علي
انا اشكر رغبتك .. بس ما اعتقد يستمر للصفحه الثانيه
فلا تحط في مسيرتك " موضوع مغلق " دعوه من القلب والقرار يعود لك :weeping:

[حسن]

خاطري بس افتح موضوع لعضوتين بس

تحداني

وام السعف

ياخي فله سوالفكم استمروا ترانا مراقبين لكم ..

من صجك وش ناوي علينا ياشبح
:eek5:

[شبح الصمت]

شبح لوني اسمه " اولفز = زيتوني " لو تبي اتقلده عادي علي
انا اشكر رغبتك .. بس ما اعتقد يستمر للصفحه الثانيه
فلا تحط في مسيرتك " موضوع مغلق " دعوه من القلب والقرار يعود لك :weeping:




من صجك وش ناوي علينا ياشبح
:eek5:





ياخي هالخوات بوعلي ماشاء الله عليهم

قصص لا تنتهي وخبرات يعجز العقل عن مطاردتها ..

اتمنى تكون في ديتو بينهم الثنتين من صجي بوعلي والا انت اش رايك !!

:secret:

[ام السعف]

خاطري بس افتح موضوع لعضوتين بس

تحداني

وام السعف

ياخي فله سوالفكم استمروا ترانا مراقبين لكم ..

احرجتنا يا اخي :shy:




من صجك وش ناوي علينا ياشبح
:eek5:

صدقت يا حسن في تروعك ،، بس خلني ابري ذمتي
ترى بنيت معصبة وتقول ليش حسن معترض على تسجيلي في البيان :(

[بوحارب]

يسلموا تحداني وانا ماشوف نفسي يا فاهمني *•*

آفا يا سعوفه لاتاخذين عني فكرة مب زينه <•<

حسن وعدنا في الميلس واحنا نحتسي الكرك هههه

[ام السعف]

يسلموا تحداني وانا ماشوف نفسي يا فاهمني *•*

آفا يا سعوفه لاتاخذين عني فكرة مب زينه <•<

حسن وعدنا في الميلس واحنا نحتسي الكرك هههه

نحتسي هذي بحد ذاتها تخليني اضرب الاكس عليك هيهيهي

[حسن]

احرجتنا يا اخي :shy:



صدقت يا حسن في تروعك ،، بس خلني ابري ذمتي
ترى بنيت معصبة وتقول ليش حسن معترض على تسجيلي في البيان :(

والله ياام السعف مهب زعلان بس حطي نفسك مكاني
لما تكون المدرسه عند بيتي بعده مئات الامتار وانتي تبعدين عنها بعشرات الكيلو مترات
ولما اجي اسجل بنتي يقول لك احنا فل ليش انا جاركم وشروط التسجيل انك تجيب ورقه الكهرباء والماء للتاكد بخصوص المنطقه الجغرافيه
واتفاجاء ناس من خارج الاقليم يزاحمون عيالنا

التعليم مكفول للجميع وهذا مانختلف عليه بس الحكومه موزعه المدرس بحسب المناطق
صح ولا انا غلطان
هذا اللي اعرفه
تصدقين خلوني اكلم الحرقان في اول حلقه له للتاسجيل قلت المدرسه تقول لا قال بتسجل
طرشت المره قالولا لا قلنا حناجيرانك قالت متروسه من من هل المنطقه ولا خارجها مانعرف
رحت للحرقان وقلت له انا اللي كلمتك والمدرسه ردتني قال بتسجل غصب عليهم
عقب اتصلو فيني وقالولي روح سجل
ليش انا اتلغلغ على حساب غير ولا خطاء سؤ اداره
هل نا الغلطان ان اسجل بنتي في المدرسه اللي عند بيتي
والله وثم والله مافتكرت بالبيان ولا غير البيان
المهم مدرسه قريبه وبس
انتي شايفه الوضع الماسوي اللي نعانيه نحن اولياء الامور
اما عيال الخدم انا ماعلينا منهم ولا هم قدوتنا هذه امانه نتحملها بخيرها وشرها
انا املك كوبونات ولكن رفضت اوديهم ليش المدارس عند بيوتنا

حطي نفسك في مكاني الحق حق ولو على نفسي
وانا كنت اطالب من الوزير بان يكون هناك تجديد البيانات لاني لمست هذه التجاوزات
يااما الكل يسجلون ولا لا

[تحداني]

من صجك وش ناوي علينا ياشبح
:eek5:


:weeping:
:weeping:



ياخي هالخوات بوعلي ماشاء الله عليهم

قصص لا تنتهي وخبرات يعجز العقل عن مطاردتها ..

اتمنى تكون في ديتو بينهم الثنتين من صجي بوعلي والا انت اش رايك !!

:secret:


انت رجال طيب الله يرفع مقامك بين الناس

احرجتنا يا اخي :shy:



صدقت يا حسن في تروعك ،، بس خلني ابري ذمتي
ترى بنيت معصبة وتقول ليش حسن معترض على تسجيلي في البيان :(


:(
:(


نحتسي هذي بحد ذاتها تخليني اضرب الاكس عليك هيهيهي




حسيتي هههههههههههههههههه الله يستر
الي يحش في حد ترى الله يقطه في النار
انا مب مسؤوله cc: حسن الساعي

[حسن]

شوف ياشبح انا مسميهم وحده حكيمه المنتدي وحده فراشه المنتدي
والله بدون مجامله ااني تعلمت منهم الكثير
هذولا مدارس مدارس

وحده شورى وحده وزير التعليم

يااخي اللي فوق مايشوفون مايقرون وينهم من هل الكفاءات
لو انا لي سلطه لاسحبتهم ثنتينهن عينتهم المكان اللي اقوله
والله اني صادق

[تحداني]

بعد هالكلام لازم اسوي " تسجيل خروج " واروح ابوس راس الوالد والوالده
بدونهم لا اسوى جناح بعوضه ..


شكرا بحجم الارض والسماء .. شكرا بحجم كل كلمات الشكر والثناء
:shy::shy::shy:

[ام السعف]

والله ياام السعف مهب زعلان بس حطي نفسك مكاني
لما تكون المدرسه عند بيتي بعده مئات الامتار وانتي تبعدين عنها بعشرات الكيلو مترات
ولما اجي اسجل بنتي يقول لك احنا فل ليش انا جاركم وشروط التسجيل انك تجيب ورقه الكهرباء والماء للتاكد بخصوص المنطقه الجغرافيه
واتفاجاء ناس من خارج الاقليم يزاحمون عيالنا

التعليم مكفول للجميع وهذا مانختلف عليه بس الحكومه موزعه المدرس بحسب المناطق
صح ولا انا غلطان
هذا اللي اعرفه
تصدقين خلوني اكلم الحرقان في اول حلقه له للتاسجيل قلت المدرسه تقول لا قال بتسجل
طرشت المره قالولا لا قلنا حناجيرانك قالت متروسه من من هل المنطقه ولا خارجها مانعرف
رحت للحرقان وقلت له انا اللي كلمتك والمدرسه ردتني قال بتسجل غصب عليهم
عقب اتصلو فيني وقالولي روح سجل
ليش انا اتلغلغ على حساب غير ولا خطاء سؤ اداره
هل نا الغلطان ان اسجل بنتي في المدرسه اللي عند بيتي
والله وثم والله مافتكرت بالبيان ولا غير البيان
المهم مدرسه قريبه وبس
انتي شايفه الوضع الماسوي اللي نعانيه نحن اولياء الامور
اما عيال الخدم انا ماعلينا منهم ولا هم قدوتنا هذه امانه نتحملها بخيرها وشرها
انا املك كوبونات ولكن رفضت اوديهم ليش المدارس عند بيوتنا

حطي نفسك في مكاني الحق حق ولو على نفسي
وانا كنت اطالب من الوزير بان يكون هناك تجديد البيانات لاني لمست هذه التجاوزات
يااما الكل يسجلون ولا لا

يا اخوي يا حسن الله يرضى عليك ،،
كلامك بمجمله صح وعين الصواب وهل المنطقة عيالهم اولى بالتسجيل

لكن يوم سجلنا بنتنا في البيان ما خالفنا القوانين ولا كذبنا عليهم
البنت تسجلت حسب القوانين وعطيناهم رقم الكهربة والماي التابع لمسكننا

في شي انت يمكن ما تدري عنه ،، فلو رحت مثلا مثلا مثلا نقووول مثلا
اعترضت ورفعت قضية على عدم قانونية تسجيل بنت ام السعف
في البيان ،، عقب ما تعرف الحقيقة
بترجع وبتقول لي حقج علي يا ام السعف انا ما كنت ادري
ومعلوماتي كانت ناقصة ،،

و من ناحية ثانية ،، يا اخوي يا حسن
لكل ام واب طموح في تسجيل عياله في مدرسة بعينها
فاليوم لو نقول ان البيان وعمر من اقوى المدارس في قطر
عني اقول ولد حسن من الخور يتسجل في عمر لو كان متفوق
وولدي يتسجل في مدرسة ثانية لو كان عادي حتى لو مدرسة
عمر مقابل باب بيتي ،،

يا اخوي هناك قدرات وطاقات مهدرة من فكر الطالب القطري بسبة
سياسة ولد الفريج اولى بالمدرسة اللي جنب بيته ،،

تدري يا حسن ان فكرة المدارس العلمية انطمست بسبة
ولد الفريج اولى بالتجسيل في المدرسة ؟!!

قبل فكرة ولد الفريج اولى ،، كانت مدرسة البيان وعمر ما ياخذون
الا الطلاب المتفوقين في قطر ،، وعليه كان هناك تركيز عليهم وبمنهج
معاييره عالية ،، لكن يوم خلوا التسجيل للاقربون اضطروا ينزلون
المعايير بشكل كبييييير علشان الطلاب المنتسبين لها يستوعبون المنهج ،،

[حسن]

بعد هالكلام لازم اسوي " تسجيل خروج " واروح ابوس راس الوالد والوالده
بدونهم لا اسوى جناح بعوضه ..


شكرا بحجم الارض والسماء .. شكرا بحجم كل كلمات الشكر والثناء
:shy::shy::shy:

واناايظا اسوي تسجيل خروج الموعد حان والمدرسه حذفه حصاه هذا الزين

نراكم كلكم جميعا

واللي عنده عيال لاتنسونهم جيبوهم ضحو علشان هم تراهم راس المال

:telephone:

[حسن]

ام السعف انا اليوم جاتني معلومات عن هل المدارس وتوضخت لي
فكانت الفكره عندي مهب واضحه
حتى اللي تنقلي المعلومه يقولى اول مره اشوف رجل يهتم بدراسه عياله
قلت له يااخي المدارس كلها حريم ومانقدر نتواصل
والحريم مع الحريم مايتصالحون وماتفاهمون غير الرجل فمضطرين
انتابع ونلتغط الاخبار كنا حراميه
التواصل للاسف مفقود مفقود

[دكان عباس]

الله يهداك ذكرتني بأيام الجهاد ههههه تراك صادق هذي طبايع ربعنا ذولاك واللفو, قريت النقاط اللي ذكرها الكبيسي في مقاله أمس عن التقاعد , كلوا هوا ياهل قطر ,,, وفوق إصعدي ههه

[ام السعف]

ام السعف انا اليوم جاتني معلومات عن هل المدارس وتوضخت لي
فكانت الفكره عندي مهب واضحه
حتى اللي تنقلي المعلومه يقولى اول مره اشوف رجل يهتم بدراسه عياله
قلت له يااخي المدارس كلها حريم ومانقدر نتواصل
والحريم مع الحريم مايتصالحون وماتفاهمون غير الرجل فمضطرين
انتابع ونلتغط الاخبار كنا حراميه
التواصل للاسف مفقود مفقود

ما ادري شنهي المعلومات اللي ياتك يا اخوي حسن

بس تأكد ان احنا ما تعدينا على حقوق الآخرين وان البنت تكافح
واتداوم فوق الدوام الرسمي وتعطي هي وزميلاتها في الصف
الكثير من الجهد والوقت علشان يكونون قد الكرسي اللي حصلوا عليه
ومب سهل مثل هالكرسي يتحصل عليه يا اخوي حسن ،،

اما اهتمام الرجال في تعليم عيالهم
هالشي كنت الاحظه على الاجانب في المدارس المختلطة
لكن مع الوقت صرت الاحظ حضور اباء قطريين في يوم مجلس
الاباء والامهات ،، فلاحظت تغير في فكر الرجل القطري ،،
حتى صاروا يزاحموننا في الحفلات والمحاضرات و غيره وغيره ،،

[العلم]

ام السعف انا اليوم جاتني معلومات عن هل المدارس وتوضخت لي
فكانت الفكره عندي مهب واضحه
حتى اللي تنقلي المعلومه يقولى اول مره اشوف رجل يهتم بدراسه عياله
قلت له يااخي المدارس كلها حريم ومانقدر نتواصل
والحريم مع الحريم مايتصالحون وماتفاهمون غير الرجل فمضطرين
انتابع ونلتغط الاخبار كنا حراميه
التواصل للاسف مفقود مفقود


ياخي ماشاء الله عليك سوبرمان .. في كل شيء متميز .. :shy:

[حسن]

الله يهداك ذكرتني بأيام الجهاد ههههه تراك صادق هذي طبايع ربعنا ذولاك واللفو, قريت النقاط اللي ذكرها الكبيسي في مقاله أمس عن التقاعد , كلوا هوا ياهل قطر ,,, وفوق إصعدي ههه

اهلا بك مجدادا يارفيق
ذكرتني بالا يام الخوالي لما كنا سويا ايام لاتنسى من الذاكره للابد ولا يمحوها حتى الخرف المبكر

للاسف طبايع سلبيه والى متى ستستمر
بعد ان يقع الفاس بالراس
شرفني مرورك العطر
رحم الله من رحل واطال الله في عمر الباقين

تفائلو بالخير تجدوه مادام معدي القانون المستشارين القطرين فابشر بالخير واما غير ذالك
فعلى الدنيا السلام

ولاتحرمنا بان نستانس برايك اهل مكه ادري بشعابها على مايقولون

:)

[دلال قطر]

اخ عليهاا
اذا بنت الديره كذا !!
مالنا حق نتشره ع الاجانب اللي نشوفهم يوسخون شوارعنا !


آيه عليك ي احمد الشقيري تعال شوووف ههههههههه

[حمد 2002]

مازال قلبي يتقطع اربا اربا ودموعي لا تنقطع كل ماجوف تلك الصوووره الغير حضاريه نهائيا :weeping::weeping:

[بصمة قطرية]

مازال قلبي يتقطع اربا اربا ودموعي لا تنقطع كل ماجوف تلك الصوووره الغير حضاريه نهائيا :weeping::weeping:

حل من اثنين
يا يحذفون الموضوع
أو يعطونك باند :(
نخشى أن تتسبب دموعك بفضيان :(

[حسن]

مازال قلبي يتقطع اربا اربا ودموعي لا تنقطع كل ماجوف تلك الصوووره الغير حضاريه نهائيا :weeping::weeping:

:stop:
:weeping:

كفكف دموعك لاتذكرني يالموقف ياخي انا لازال قلبي يعتصر دما من المنظر
ولازلت لا اصدق فضاعته

لايجب الضرب من حديد انما تقطع ايديهم من خلاف

انتهى الدرس

:anger1:

[عاشق العديد]

خيال الذي رمى القمامه خيال وصخ ..

[قنديلة]

صحيح خلق غير مقبول حضاريا واماطة الأذى عن الطريق من الايمان والخلق النبيل !

لكن لو تناصحنا بالتي هي احسن وكنا مجتمع يعين الاخر على تغييرسلوكه دون النبش وراءه لكان مجتمعنا اكثر تقدما , مثلا في هذا الموقف لو ارسلت عامل نظافه للمرأه ينبهها ان رمي القمامة يعد مخالفة ولايجوز يمكن تكون انتبهت

_ وانا ضد تصوير النساء

[نوفة قطر]

لانا ببساطه ماتستحي !

ليش ماجمعت كل هالوصاخه في الكيس اللي قاطته وعطته العامل قالت له وده الزباله الله يعزكم !

شالحكمه من انها تقط كل شيء وعقب تخلي العامل يلم

ناس مخها مادري وين ... وين نطور وبينا ناس جذي