عزوف الريايل الكبار عن الزواج

[طلعة الروح]

مرحبا ،،،،

موضوعي حبيت أطرحه بعد عدة ملاحظات على قضيه موجوده للأسف بمجتمعنا وبكثره ويمكن كل بيت قطري نلقى فيه شخص من هالنموذج:

الشباب اللي تجاوز عمره الـ35 والـ40 والـ 45 ومب راضي يتزوج كأن يكون عنده وسواس او تحفظات من الزواج ابي اعرف شنو وضعه في المجتمع ..؟ هذا والدولة موفرتله كل المتطلبات اللي تعينه على اتخاذ الخطوه من سنة ألف وخشبه غير طبعا الأرض والقرض والبيت على قانون الاسكان القديم كان الكل ياخذ أراضي ويبني ...

للأسف شي ينرفز ويقرف أن الشباب اللي اعمارهم اصغر خل نقول بين24 و30 واللي هم لا زالوا في مرحلة تكوين حياتهم المادية والعملية تلاقيهم واثقين من اعمارهم وتفكيرهم يحثهم على الاستقرار وتكوين أسره ومع انه ماعنده بيت ولا الدولة مخصصتله الارض يقولك بيأجر وبيسكن ولا عنده مشكله وهذول الكباريه للحين عندهم شك وقلق وتوتر من أمور مجهولة الله العالم فيها..

ما ندري شلون انقلبت الآيه بهالزمن..؟:rolleyes2:

بالنهاية نذكر الشباب بقول رسولنا الكريم :

(يَا مَعْشَرَ الشَّبَابِ مَنْ اسْتَطَاعَ مِنْكُمْ الْبَاءَةَ فَلْيَتَزَوَّجْ)....

[أبو عبدالعزيز]

مرحبا ،،،،

موضوعي حبيت أطرحه بعد عدة ملاحظات على قضيه موجوده للأسف بمجتمعنا وبكثره ويمكن كل بيت قطري نلقى فيه شخص من هالنموذج:

الشباب اللي تجاوز عمره الـ35 والـ40 والـ 45 ومب راضي يتزوج كأن يكون عنده وسواس او تحفظات من الزواج ابي اعرف شنو وضعه في المجتمع ..؟ هذا والدولة موفرتله كل المتطلبات اللي تعينه على اتخاذ الخطوه من سنة ألف وخشبه غير طبعا الأرض والقرض والبيت على قانون الاسكان القديم كان الكل ياخذ أراضي ويبني ...

للأسف شي ينرفز ويقرف أن الشباب اللي اعمارهم اصغر خل نقول بين24 و30 واللي هم لا زالوا في مرحلة تكوين حياتهم المادية والعملية تلاقيهم واثقين من اعمارهم وتفكيرهم يحثهم على الاستقرار وتكوين أسره ومع انه ماعنده بيت ولا الدولة مخصصتله الارض يقولك بيأجر وبيسكن ولا عنده مشكله وهذول الكباريه للحين عندهم شك وقلق وتوتر من أمور مجهولة الله العالم فيها..

ما ندري شلون انقلبت الآيه بهالزمن..؟:rolleyes2:

بالنهاية نذكر الشباب بقول رسولنا الكريم :

(يَا مَعْشَرَ الشَّبَابِ مَنْ اسْتَطَاعَ مِنْكُمْ الْبَاءَةَ فَلْيَتَزَوَّجْ)....



يمكن ودهم يتزوجون صبايا من 20 سنة ونازل، ومش لاقين!!
ولعل الحل هو فتح المجال لكل من بلغ الـ 38 سنة تحديدا بالزواج من الخارج دون قيد وولا شرط :)

[بريق الحق]

ماشاءالله
والله احس ان هم الامة كله فالنساء والزواج
الله يصلح حال المسلمين

[نفسي عزيزه]

شمزعلج يا أختي
دعوا الخلق للخالق
وايد شباب متزوجين ولله الحمد والمنه والعدد في ازدياد وانا متزوج والحمد الله
وقليل الاعزب ولعل هناك ضروف خاصه بهم لايعلمها الا الله كمرض عضوي او نوع الوظيفه او موقف ما
فلايجوز البحث في امور الناس الشخصيه بارك الله فيج وتنرفزين هذا شي خاص فيهم :rolleyes2:
قللوا الفضول شوي

[بوخالد911]

هلا

تطرح تساؤلات

والكل عارف الاسباب

لحد يسووووي نفسه بريء ولا ما يعرررف شي !!!!!!!!!!!

[طلعة الروح]

يمكن ودهم يتزوجون صبايا من 20 سنة ونازل، ومش لاقين!!
ولعل الحل هو فتح المجال لكل من بلغ الـ 38 سنة تحديدا بالزواج من الخارج دون قيد وولا شرط :)

بالعكس ياعزيزي ماعندهم شروط ولا قيود المشكلة انه رافض يتزوج من الاساس أو متردد أو يطلع حجج واهيه، أما مسألة انه يتزوج من بره والبنات تارسين الديرة هذي حجه مرفوضه من وجهة نظري,,

[طلعة الروح]

ماشاءالله
والله احس ان هم الامة كله فالنساء والزواج
الله يصلح حال المسلمين

الاسرة تتكون من رجل وامرأة ولولا الرجل ما كانت هناك إمرأة والعكس صحيح ولن يكون هناك لا مجتمع ولا وطن فلحد يعتقد ان الموضوع نسائي أو يركز على المرأة فقط كما هو حال الانطباع العام والسائد في هذا المنتدى ولو تقرا العنوان بتلاحظ ان المستهدف هنا هو الرجل لأنه سبب هذه المشكلة..

[توشيبا]

ودي اعلق بس كلامي مراح يعجب البعض ويمكن ينحذف من قبل المشرف

لي أني بقول الحقيقه

[أبو عبدالعزيز]

بالعكس ياعزيزي ماعندهم شروط ولا قيود المشكلة انه رافض يتزوج من الاساس، أما مسألة انه يتزوج من بره والبنات تارسين الديرة هذي حجه مرفوضه من وجهة نظري,,


مرفوضة ليش !!؟؟ احنا في زمان أصبحت فيه علاقات الصداقة والمخادنة بين الجنسين خارج إطار الزواج..؛ تعتبر من قبيل الحرية الشخصية لدى البعض، فلماذا نضع كل هذه القيود على الزواج الشرعي إن اختار الشخص الارتباط بأجنبية وبالحلال!!

[طلعة الروح]

شمزعلج يا أختي
دعوا الخلق للخالق
وايد شباب متزوجين ولله الحمد والمنه والعدد في ازدياد وانا متزوج والحمد الله
وقليل الاعزب ولعل هناك ضروف خاصه بهم لايعلمها الا الله كمرض عضوي او نوع الوظيفه او موقف ما
فلايجوز البحث في امور الناس الشخصيه بارك الله فيج وتنرفزين هذا شي خاص فيهم :rolleyes2:
قللوا الفضول شوي

الفضول لما نتكلم عن شخص بعينه وننبش في قضيته لوحده ، لكن احنا امام ظاهره متفشيه في المجتمع ونأسف على وجودها كونها تأثرعلى جميع اطرافه ككل بالسلب...

شاكرتلك مرورك..

[alsoq]

من وصل عمره 50 لا يتزوج ابرك له
في هذا العمر يكون الشخص قد فاته القطار ولا يقدر على تربيه الاولاد لان ولده يوصل 20 وهو 70 ويمكن يكون قد صاده الخرف

[رهج السنابك]

الزواج لا هو فرض ولا واجب

انا لو كنت رجلاً لن اتزوج ابداً :)


وماعتقد العدد كبير خاصه من عمر ٤٠ وطالع قد شفت احصائيه من جهاز الاحصاء فيها ان عدد القطريين في هالفئه مايتعدا ٢٥ شخص سنه ٢٠١٢

الي يقدر يطلع لنا الاحصائيه يسوي خير عشان يكون كلامنا موضوعي

[طلعة الروح]

هلا

تطرح تساؤلات

والكل عارف الاسباب

لحد يسووووي نفسه بريء ولا ما يعرررف شي !!!!!!!!!!!

يا ريت توضح رايك أكثر :)

[وحيد-الشوق]

مافي رجال مايتمنى يتزوج او يكون عنده أسرة وعيال بس يمكن عنده ظروف مادية او ظروف قاهره تمنعه من الزواج أو يمكن الرجال مايجيب عيال ويمكن ويمكن لازم مانتسرع ونطلق الاحكام في حق غيرنا

بعدين ملاحظ الكثير من الناس فضوليين ويحشرون روحهم في خلق الله ليش فلان ماتزوج وليش وليش ترى اذا الرجال ماتزوج مشكلتة هي مب مشكلتنا احنا :)

[طلعة الروح]

ودي اعلق بس كلامي مراح يعجب البعض ويمكن ينحذف من قبل المشرف

لي أني بقول الحقيقه

بامكانك التعليق بما يتناسب والذوق العام وما اعتقد انك لما تقول كلمة حق لهذا المجتمع راح تضر حد من كلامك!

[طلعة الروح]

مرفوضة ليش !!؟؟ احنا في زمان أصبحت فيه علاقات الصداقة والمخادنة بين الجنسين خارج إطار الزواج..؛ تعتبر من قبيل الحرية الشخصية لدى البعض، فلماذا نضع كل هذه القيود على الزواج الشرعي إن اختار الشخص الارتباط بأجنبية وبالحلال!!

بنت الديرة أولى من الغريبة وبصراحه العنوسه عندنا ضاربه السقف..

[طلعة الروح]

من وصل عمره 50 لا يتزوج ابرك له
في هذا العمر يكون الشخص قد فاته القطار ولا يقدر على تربيه الاولاد لان ولده يوصل 20 وهو 70 ويمكن يكون قد صاده الخرف



هذي وجهة نظرك ، لكن الهدف الاساسي من الزواج ليس بالضرورة الانجاب ، بل هو السكن والموده والرحمه.. يعني مب ضروري اللي بهالعمر يجيب عيال لأنه فعلا قد يكون فاته قطار الانجاب ولكن قطار الزواج لا زال بانتظاره...

[aziz4z]

قابلت أخوين اثنينهم في الاربعينات مب متزوجين , سألت واحد منهم ليش ماتتزوج , يقول الحين ماينفع , يجيني ولد و بيكون عمري 60 سنة وهو بيكون بسن المراهقة , كيف راح أعتني فيه
مافي شك أنه كل واحد يبغى يتزوج , بس ممكن بسبب ظروف , وكل ماتأخر سن الزواج كلما تعقدت الامور , بس الباب مفتوح
مرات كثيرة و أنا أشوف و أسمع ياكثر بنات فوق الثلاثين ليحين ماتزوجوا , ليش..؟؟

[طلعة الروح]

الزواج لا هو فرض ولا واجب

انا لو كنت رجلاً لن اتزوج ابداً :)


وماعتقد العدد كبير خاصه من عمر ٤٠ وطالع قد شفت احصائيه من جهاز الاحصاء فيها ان عدد القطريين في هالفئه مايتعدا ٢٥ شخص سنه ٢٠١٢

الي يقدر يطلع لنا الاحصائيه يسوي خير عشان يكون كلامنا موضوعي

اتمنى فعلا اشوف احصائيه عن نسبة الرجال اللي ماتزوجوا من عمر 35 وطالع ومن باب الاطمئنان وتوثيق الموضوع..لكن انا متأكده انهم موجودين وبنسبه لا يستهان بها أسوة بنسبة العازبات في الدولة..

[أبو عبدالعزيز]

بنت الديرة أولى من الغريبة وبصراحه العنوسه عندنا ضاربه السقف..

الزواج رابطة روحية عاطفية وليس زكاة أو صدقة فطر بحيث يقوم الشخص فيه بسد حاجة المجتمع الذي هو فيه...

[aziz4z]

هذي وجهة نظرك ، لكن الهدف الاساسي من الزواج ليس بالضرورة الانجاب ، بل هو السكن والموده والرحمه.. يعني مب ضروري اللي بهالعمر يجيب عيال لأنه فعلا قد يكون فاته قطار الانجاب ولكن قطار الزواج لا زال بانتظاره...

أنا وياج في ها النقطة الرسول صلى الله عليه وسلم متزوج وماعنده أولاد إلا من خديجة,ومع ذلك كان أفضل البيوت:nice:

[طلعة الروح]

مافي رجال مايتمنى يتزوج او يكون عنده أسرة وعيال بس يمكن عنده ظروف مادية او ظروف قاهره تمنعه من الزواج أو يمكن الرجال مايجيب عيال ويمكن ويمكن لازم مانتسرع ونطلق الاحكام في حق غيرنا

بعدين ملاحظ الكثير من الناس فضوليين ويحشرون روحهم في خلق الله ليش فلان ماتزوج وليش وليش ترى اذا الرجال ماتزوج مشكلتة هي مب مشكلتنا احنا :)

الغريب لما تستقرء ظروف هالرجال (العازفين) من الناحية المادية أو الصحية تلاقيهم ما شاءالله لاتوجد أي عله ظاهره ، مسألة ما يجيب عيال بحد ذاتها مب مشكلة لما يكون صريح مع اللي بيرتبط فيها وهي تتقبل أو ترفض ، والحين الحمدلله الدولة وفرت الفحص الطبي قبل الزواج يعني مافي اي عذر أو مانع لعدم الاقدام على هذه الخطوه الا اللي يبي يتعذر بأي سبب هاي شي ثاني...
أما قضية أن احنا نشوف الخطأ ونقول مشكلته مب مشكلتنا على فكره الكل يتأثر لعدم زواج الرجل ، مقابل 1 رجل أعزب هناك 4 فتيات غير متزوجات يعني هاي الواحد بحد ذاته مسبب أزمه من غير ما هو يدري وغير مشاكل اخرى مابي اتطرق لها في الوقت الحالي ونفس ماتفضلت وزعمت انها مشكله فرديه لكن المجتمع يتأثر بها وبالسالب..

[طلعة الروح]

قابلت أخوين اثنينهم في الاربعينات مب متزوجين , سألت واحد منهم ليش ماتتزوج , يقول الحين ماينفع , يجيني ولد و بيكون عمري 60 سنة وهو بيكون بسن المراهقة , كيف راح أعتني فيه
مافي شك أنه كل واحد يبغى يتزوج , بس ممكن بسبب ظروف , وكل ماتأخر سن الزواج كلما تعقدت الامور , بس الباب مفتوح
مرات كثيرة و أنا أشوف و أسمع ياكثر بنات فوق الثلاثين ليحين ماتزوجوا , ليش..؟؟

من طريقة رد الشخص الاربعيني اللي قابلته ، استنتج احدى النظريتين :

1- يتعذر بحجة عدم القدرة على التربية والانجاب وهي حجه سخيفه لتبرير قعوده وتبتله عن الزواج...
2- عقليه محدوده وبسيطه ولا تفقه شي في أسباب تشريع الزواج مع احترامي له.

واظن ان النظرية الثانية هي الأقرب للصواب.

أرى ان النظره الكليه للزواج بحد ذاتها يجب أن تتغير اذا كانت هالعقليات للحين موجوده.. والله المستعان.

[طلعة الروح]

الزواج رابطة روحية عاطفية وليس زكاة أو صدقة فطر بحيث يقوم الشخص فيه بسد حاجة المجتمع الذي هو فيه...

الحمدلله أن الدولة أدرى بمصلحة رعاياها وقد وضعت لجنة خاصة للتحقق من شروط الموافقة على زواج المواطن من الأجنبيه، وبعدين لما تقول لي ان الزواج رابطة روحية سبحان الله الرابطه الروحيه هذي ماتطلع الا لما يسافر للخارج ويحط عينه على وحده من برع !!! ، يقعد يدور بنات بلاده ولما فعلا يعجز عن وجود بنت من هالديره تقبل الارتباط فيه لسبب من الأسباب في هالحاله نقدر نقول أن الدوله تعطيه الضوء الأخضرللزواج من الخارج أما إنه يدرعم من أولها على بنات دول أخرى ويزهد في بنات بلاده ف هذا أمر مستهجن ومرفوض مع احترامي للرجال من هالنوعيه...

[رجل مثالي]

شمزعلج يا أختي
دعوا الخلق للخالق
وايد شباب متزوجين ولله الحمد والمنه والعدد في ازدياد وانا متزوج والحمد الله
وقليل الاعزب ولعل هناك ضروف خاصه بهم لايعلمها الا الله كمرض عضوي او نوع الوظيفه او موقف ما
فلايجوز البحث في امور الناس الشخصيه بارك الله فيج وتنرفزين هذا شي خاص فيهم :rolleyes2:
قللوا الفضول شوية


ممكن ظروف خاصة صح كلام الاخ العضو المميز نفسي عزيزه

[وليف الشوق]

اعذريني يااختي هذا موضوع وكلام غير صحيح !! ويشهد الله حاولت كثير اتزوج لكن مالقيت للحين زوجه لي واستعنت بالله ثم بجميع الخطابات وكثير من الوسائل المتاحه وللاسف مااحد من البنات يقبل !! وانا اقولها امام جميع الاعضاء اذا عندك زوجه لي يشهد الله من بكرى اتقدم لها بشكل رسمي وعلني للعلم ان عمري 38 سنه ! بس قولي ان السبب في البنات مش السبب فينا احنا الشباب والشياب وماراح انكر اني الحين ويشهد الله اني اتقدم للجنه المختصه من الزواج من اجنبية او اللجوء لاحدى دول الخليج للزواج والله المستعان

[أبو عبدالعزيز]

اعذريني يااختي هذا موضوع وكلام غير صحيح !! ويشهد الله حاولت كثير اتزوج لكن مالقيت للحين زوجه لي واستعنت بالله ثم بجميع الخطابات وكثير من الوسائل المتاحه وللاسف مااحد من البنات يقبل !! وانا اقولها امام جميع الاعضاء اذا عندك زوجه لي يشهد الله من بكرى اتقدم لها للعلم ان عمري 38 سنه


هل عندنا - أصلاً - في قطر خطابات جادات!؟

[وليف الشوق]

هل عندنا - أصلاً - في قطر خطابات جادات!؟

والله ياخوي لقيت خطابة ومن واقع تجربة بدون ذكر اسمها ويشهد الله انها تبي الاجر بس وماتبي اي مادة او اي شي نظير تعبها وكل ماتعرض الموضوع على اكثر من بنت تتجاوز اعمارهن الـ 35 يرفضن بحجج كثيرة ومن بينها عمري الذي بلغ فوق الـ 37 ولا حياة لمن تنادي

[مشـــــاعر]

بس هذا إحنا وهذي مواضيعنا :anger1:

زواج وبنات زواج وبنات زواج وبنات ............ إلخ :anger1:

لين متى يعني ؟؟؟ وش بنستفيد من هالخرابيط ؟؟

لاهو حرام ولا عيب

ريال عود وحرّ وله عقل ومايبي يتزوج إنتوا شتبون فيه تناقشون قضيته ؟؟
هو حرّ ماشكى لكم الحال ..

فيه مرض أو مايبي يعرس كيفه كيفه

بنموت وهذي تخاريفنا زواج وعرس وشباب وبنات وبس :anger1::anger1:

[مشـــــاعر]

من وصل عمره 50 لا يتزوج ابرك له
في هذا العمر يكون الشخص قد فاته القطار ولا يقدر على تربيه الاولاد لان ولده يوصل 20 وهو 70 ويمكن يكون قد صاده الخرف



أختلف معاك بالرأي

الزواج ماله عمر محدد كلن حر في نفسه
هذآ جارنا عرس قبل 3 سنوات وعنده ولدين وعمره 54 سنة
الله يعطيه الصحة والعافية عايش مرتاح مع مرته والله لايغير عليهم ..

ومب شرط الأب اللي يربي العيال ترى / من زين تربية (الأغلبية) عاد :anger1:
ياما أباء ولا يدرون شنو أسامي عيالهم حتى ؟؟

ومافي شي إسمه فاته القطار ترى حتى الحريم بعضهم يعرسون فوق الخمسين

هذا دليل ع التشائم وقلة الحيلة اللي نفتقر لها كشعب (عربي) و (خليجي) بالتحديد :anger1::anger1:

[أبو عبدالعزيز]

د


الحمدلله أن الدولة أدرى بمصلحة رعاياها وقد وضعت لجنة خاصة للتحقق من شروط الموافقة على زواج المواطن من الأجنبيه، وبعدين لما تقول لي ان الزواج رابطة روحية سبحان الله الرابطه الروحيه هذي ماتطلع الا لما يسافر للخارج ويحط عينه على وحده من برع !!! ، يقعد يدور بنات بلاده ولما فعلا يعجز عن وجود بنت من هالديره تقبل الارتباط فيه لسبب من الأسباب في هالحاله نقدر نقول أن الدوله تعطيه الضوء الأخضرللزواج من الخارج أما إنه يدرعم من أولها على بنات دول أخرى ويزهد في بنات بلاده ف هذا أمر مستهجن ومرفوض مع احترامي للرجال من هالنوعيه...


بكرة إذا تم الطعن أمام القضاء في دستورية هذا القانون، وأصدرت المحكمة الدستورية حكمها في ذلك...؛ هل ستقول بأن المصلحة العامة كانت في تقييد حرية الأفراد في الزواج أو هي كانت في عدم تقييد هذه الحرية بالشكل الوارد في هذا القانون الذي تم انتقاده من الناحية الحقوقية، ومن جهات بالدولة أيضا فيما أذكر!!

أما بخصوص استهجانك لقيام الرجل بالزواج من الخارج؛ فأظن بأن مثل هذا الرجل يستهجن تصرفك، ويعتبره تدخل فيما لا يعنيك، أو في أمر من خصوصياته !! :)
وعلى كل حال: فمبلغ في حدود 50 ألف ريال قد يكفي لتكاليف الزواج في الخارج بامرأة لو كانت مواطنة في الداخل - وبذات المواصفات - لما رضيت بهذا الزوج لو دفع لها 500 ألف ريال!! فهل نلومه لو تزوج أجنبية!!؟؟

[رهج السنابك]

وليف الشوق الموضوع لا ينطبق عليك

موضوع اختنا عن العازب الذي بلغ من الكبر عتيا



طلعة الروح

تبيني اقولج الي لمحوا له الاعضاء وما تجرأوا يقولونه؟؟؟
قصدهم ان بعض الشباب الله يهديهم يكون وايد منغمس في مغامراته العاطفيه فيرى انه مب في حاجة للزواج :)

[رهج السنابك]

بس هذا إحنا وهذي مواضيعنا :anger1:

زواج وبنات زواج وبنات زواج وبنات ............ إلخ :anger1:

لين متى يعني ؟؟؟ وش بنستفيد من هالخرابيط ؟؟

لاهو حرام ولا عيب

ريال عود وحرّ وله عقل ومايبي يتزوج إنتوا شتبون فيه تناقشون قضيته ؟؟
هو حرّ ماشكى لكم الحال ..

فيه مرض أو مايبي يعرس كيفه كيفه

بنموت وهذي تخاريفنا زواج وعرس وشباب وبنات وبس :anger1::anger1:




هههههههههههههههه ليش معصبة فديت قلبج


عادي عادي

[مشـــــاعر]

هههههههههههههههه ليش معصبة فديت قلبج


عادي عادي

لوعوا جبودنا بهالمواضيع :anger1:

العالم الحين اللي مشغول بالحروب واللي مشغول بالإختراعات والإنجازات
واللي مشغول بالإكتشافات ........... إلخ

وربعنا مواضيعهم زواج وعرس وعنوسة وطلاق وحب وغرام وبنات وبس :anger1::anger1:

[OM_OMAR_QATAR]

المسألة نفسها بالبنت والرجل
كلما كبر.. كلما اطلاعه على الحياة توسع وكثر
وخياراته صارت ادق و اكثر حساسية

يعني شاب عمره 22 مو واعي قد 30 ونفس الشي 40

خياراته تصير اصعب وصعب يلقى الشي المناسب مع انه الرجل كلما كبر كلما كثرت خياراته
اضافة
الى انه حتى يتزوج وحدة بعمره او قريبة من عمره
تكون عبرت الثلاثين
وهذا شي غير مفضل عند معشر الرجال


فهو يتمنى العشرينية ولا يتجرأ على ان يطولها
هاي المشكلة برايي

[أبو عبدالعزيز]

المسألة نفسها بالبنت والرجل
كلما كبر.. كلما اطلاعه على الحياة توسع وكثر
وخياراته صارت ادق و اكثر حساسية

يعني شاب عمره 22 مو واعي قد 30 ونفس الشي 40

خياراته تصير اصعب وصعب يلقى الشي المناسب مع انه الرجل كلما كبر كلما كثرت خياراته
اضافة
الى انه حتى يتزوج وحدة بعمره او قريبة من عمره
تكون عبرت الثلاثين
وهذا شي غير مفضل عند معشر الرجال


فهو يتمنى العشرينية ولا يتجرأ على ان يطولها
هاي المشكلة برايي



لو يذهب للخارج؛ بـ يطولها بكل سهولة
وحتى لو بغى أقل من عشرينية فالأمر ميسور :)

[رهج السنابك]

بو عبدالعزيز رغم ايماني العميق بحريه الرجل في الزواج بمن شاء لو واق واقيه
وضد قانون تعسير الزواج من الخارج

لكن بصراحه


وايد من الي تزوجو من الخارج فشل زواجهم من خلال معرفتي بمقربين خاصه لو الزوجة اجنبيه اوروبيه او امريكيه
وايضا العربيات كثير تركوا عيالهم وراحو بلدهم
ما انكر في حالات ناجح واعرف كم بريطانيه ماخذين قطريين وصاروا جدات وهم في قطر بس وايد نادرين

[JN000N]

عادي مايبون يتزوجون حالهم حال البنات الي مايبون يتزوجون
هم ابخص باعمارهم

[منابر خالده]

ماعندي نص مليون حق زواج

[chillis]

اعتقد الرجل يمم يوصل 30 وما تزوج شروطه تكون صعبه ويعيف الزواج ويتم ياجل والبعض الاخر ما شبع من اللعب وآخرين عندهم ظروفهم

[حسن]

فعلا
انا اعرف الكثير منهم للاسف مش متزوجين ومشاء الله عندهم خير ووظائف محترمه ورواتب عاليه عجزنا واحنا ننصحهم وابدا كانك تكلم صنم للاسف
ولا ينقصهم المال الخير كثير
واذا تنصحه بالزواج كانك تسبه مادري ليش

[فلتة زمانها]

الله يعوضهم ان شاءالله في الاخره بالحور العين ( اذا كانوا من الصالحين فقط )

[توشيبا]

بامكانك التعليق بما يتناسب والذوق العام وما اعتقد انك لما تقول كلمة حق لهذا المجتمع راح تضر حد من كلامك!

الله يسلمك مأقول الكل بقول البعض الواحد مأيوصل هالعمر واهو ماتزؤج
لو بحثت عنه تحصل سفراته لدول معينه طبعا علي رأسها المغرب

لو الدوله تمنع أي واحد عسكري السفر خارج الدوله إلا في حاله إجازته السنويه ومع موافقه انه يقضيها خارج الدوله أو عذر ظبي كمرافق الخ ..

التشديد من قبل الجهات المختصه في مراقبت الفنادق ؤمنع سكن فيها إلا بإثبات عقد النكاح

القضاء علي ظاهرت الكنائس علي قولتهم كناس واهي بيوت دعاره خمور وبنات وشباب وجنس ثالث وبويات وانواع أشكال القذاره
أكثر تواجدهم في المناطق السكنيه والعزب

الاهتمام من قبل التحريات في المواقع المشتبهه كمثل مواقف سيارات مستشفى حمد الكورنيش الخ...

هذيك الساعه محد يوصل عمره في العشرينيات إلا أهو بو عيال

[Umsultan]

للأسف شي ينرفز ويقرف أن الشباب اللي اعمارهم اصغر خل نقول بين24 و30 واللي هم لا زالوا في مرحلة تكوين حياتهم المادية والعملية تلاقيهم واثقين من اعمارهم وتفكيرهم يحثهم على الاستقرار وتكوين أسره ومع انه ماعنده بيت ولا الدولة مخصصتله الارض يقولك بيأجر وبيسكن ولا عنده مشكله وهذول الكباريه للحين عندهم شك وقلق وتوتر من أمور مجهولة الله العالم فيها..


ليش شي ينرفز ومقرف ؟

[الخيالة]

ويا ما ناس أعرفهم يبون يتزوجون بس ناطرين الموافقة اكثر من سنتين بس عشان اختاروا مواليد الدوحه ولازم موافقة الدوله مب كلهم اللي مايبون وهالمساكين ناطرين توقيع ع الورقة عشان يتزوجون علي سنة الله ورسوله

[رهج السنابك]

عندي واحد عمره ٤٥ اعزب شحليله
بس مب مزيون ونفسيه واصلع

هاه بنات منو تبيه ترا الريال جاد وعنده فلوس

[طلعة الروح]

اعذريني يااختي هذا موضوع وكلام غير صحيح !! ويشهد الله حاولت كثير اتزوج لكن مالقيت للحين زوجه لي واستعنت بالله ثم بجميع الخطابات وكثير من الوسائل المتاحه وللاسف مااحد من البنات يقبل !! وانا اقولها امام جميع الاعضاء اذا عندك زوجه لي يشهد الله من بكرى اتقدم لها بشكل رسمي وعلني للعلم ان عمري 38 سنه ! بس قولي ان السبب في البنات مش السبب فينا احنا الشباب والشياب وماراح انكر اني الحين ويشهد الله اني اتقدم للجنه المختصه من الزواج من اجنبية او اللجوء لاحدى دول الخليج للزواج والله المستعان

عزيزي وليف الشوق ، اسأل الله العظيم أن يغنيك من فضله وتتزوج عاجلا غير آجل، لا تيأس من رحمة الله وخيرته ربي بيرزقك على قد نيتك ، بصراحه انا استغرب ان البنات يردونك عشان مسألة العمر بالعكس عمرك هذا من أنسب الأعمار للزواج وأنضجها وأجملها مادري أشك انه في سبب ثاني غير العمرعموما الله يوفقك نصيحتي تدور عدل وتسأل عن البنات والأهل قبل ما تتقدم لأي وحده خلك واثق من نفسك ولا أنصحك تلجأ ابدا للخارج...

[غايه الطواش]

عندي واحد عمره 45 اعزب شحليله
بس مب مزيون ونفسيه واصلع

هاه بنات منو تبيه ترا الريال جاد وعنده فلوس
هاي الي قول شين وقوي عين
مب مزيون واصلع وفوق هاي نفيسه:rolleyes2: :shy:

[طلعة الروح]

بس هذا إحنا وهذي مواضيعنا :anger1:

زواج وبنات زواج وبنات زواج وبنات ............ إلخ :anger1:

لين متى يعني ؟؟؟ وش بنستفيد من هالخرابيط ؟؟

لاهو حرام ولا عيب

ريال عود وحرّ وله عقل ومايبي يتزوج إنتوا شتبون فيه تناقشون قضيته ؟؟
هو حرّ ماشكى لكم الحال ..

فيه مرض أو مايبي يعرس كيفه كيفه

بنموت وهذي تخاريفنا زواج وعرس وشباب وبنات وبس :anger1::anger1:

الموضوع اذا مايعنيكم ولا يأثر فيكم هذي مشكلة البعض اللي عنده تهوين ونظرة ضيقة للأمور وعماة عين ، مقابل 6000 رجل أعزب هناك حوالي 7000 امرأة عزباء ، وتقولون لنا لا توجد مشكلة، بالنسبة لي الموضوع شايفته مرض اجتماعي يأثر على كافة اطرافه لا ينسكت عنه ويجب تدخل الأسرة والدولة من خلال دراسة الحالة واقتراح الحلول..

[لاجل QT]

سؤوال؟؟؟

هل يدخل هذا العزوف ضمن الرهبنة؟؟

ولا ..العزوف هنا للتمتتع بالحراام بحرية؟؟؟

اذا كان كذالك يبلهم جلد حكم الشرع للاعزب...او يتوبو الى الله

ماينفعوون للزوااج وهم ادري بنفسهم هداهم الله...

ومن بيزوج بنتة سرسري

هم عاشو للحرام

هداهم الله

[JN000N]

طلعة انتي متزوجه او لا؟

[طلعة الروح]

د



بكرة إذا تم الطعن أمام القضاء في دستورية هذا القانون، وأصدرت المحكمة الدستورية حكمها في ذلك...؛ هل ستقول بأن المصلحة العامة كانت في تقييد حرية الأفراد في الزواج أو هي كانت في عدم تقييد هذه الحرية بالشكل الوارد في هذا القانون الذي تم انتقاده من الناحية الحقوقية، ومن جهات بالدولة أيضا فيما أذكر!!

أما بخصوص استهجانك لقيام الرجل بالزواج من الخارج؛ فأظن بأن مثل هذا الرجل يستهجن تصرفك، ويعتبره تدخل فيما لا يعنيك، أو في أمر من خصوصياته !! :)
وعلى كل حال: فمبلغ في حدود 50 ألف ريال قد يكفي لتكاليف الزواج في الخارج بامرأة لو كانت مواطنة في الداخل - وبذات المواصفات - لما رضيت بهذا الزوج لو دفع لها 500 ألف ريال!! فهل نلومه لو تزوج أجنبية!!؟؟


عزيزي ماراح أرد على الفقره الأولى من كلامك لأنه سبق وقلنا الدولة أدرى بمصالح شعبها واللي ما يتعدى عددهم نصف مليون نسمه بالكثير، والدولة لم تمنع أحد من الزواج من الخارج سواء المتزوج أو الاعزب لكن بشروط وقيود الكل عارفها ومقتنع في قرارة نفسه انها تصب في مصلحة الكل وسياسة البلد، أما مسألة انك تبي تتزوج من الخارج لرخص التكاليف فهاي مب موضوعي اليوم ولا موضوعي غلاء المهور لأني يوم طرحت الموضوع كان طرحي يخص فئة القطريين المقتدرين من جميع الجوانب والذي على قدرته يعزف عن الزواج بدون سبب مقنع...شاكرتلك الاضافه..

[لاجل QT]

عندي واحد عمره ٤٥ اعزب شحليله
بس مب مزيون ونفسيه واصلع

هاه بنات منو تبيه ترا الريال جاد وعنده فلوس

من وصفج له

مبين ان هذي اسباب الرفض له من البنات

كله في كوم ونفيسة في كوم:(

قولي له بسك عنوسة وابتسم للحياه:)

[JN000N]

من وصفج له

مبين ان هذي اسباب الرفض له من البنات

كله في كوم ونفيسة في كوم:(

قولي له بسك عنوسة وابتسم للحياه:)

عبوسه :shy:
هههههههههه :*

[طلعة الروح]

المسألة نفسها بالبنت والرجل
كلما كبر.. كلما اطلاعه على الحياة توسع وكثر
وخياراته صارت ادق و اكثر حساسية

يعني شاب عمره 22 مو واعي قد 30 ونفس الشي 40

خياراته تصير اصعب وصعب يلقى الشي المناسب مع انه الرجل كلما كبر كلما كثرت خياراته
اضافة
الى انه حتى يتزوج وحدة بعمره او قريبة من عمره
تكون عبرت الثلاثين
وهذا شي غير مفضل عند معشر الرجال


فهو يتمنى العشرينية ولا يتجرأ على ان يطولها
هاي المشكلة برايي


معاج حق أن الخيارات والشروط تزيد كلما كبر الواحد بالعمر وتعمق بامور الحياة، لكن هذا ما يمنع من أنه الرجل يبدأ بنية صافية ويقوم بالبحث والجدية في الأمر ، اللي صاير عند أكثر هالشباب هو الاستهتار والتقوقع على الذات وعدم الرغبة في خوض التجربة بدون وجود سبب واضح، لن نتحدث عن الوضع الديني لأنه معلوم بالضرورة للجميع لكن الملاحظ ان الوضع الاجتماعي عندنا بالدولة يحث على الزواج وكذلك كافة القوانين الوضعية الموجودة تصب في صالح المتزوج:)...قضية أنه يبي وحده اصغر منه ب15 سنة و20 سنة ماتوحي لي بنضوج عقليته لان البنت ماتكون راكزه بهالعمر بالنسبة له وراح تنشأ شئنا أم أبينا بعض التصادمات الفكرية بين واحد عمره 40 وزوجته عمرها 20 بسبب فرقية السن...

[لاجل QT]

عبوسه :shy:
هههههههههه :*

لا اقصد عنوسة:shy:

الريال معنس بسبب ان نفيسة:(

وعندة بعض العيوب اللى ممكن تنفر البنات منة :rolleyes2:


طبيعي بيعنس:)

هو انتة نائص:omen2:

[JN000N]

لا اقصد عنوسة:shy:

الريال معنس بسبب ان نفيسة:(

وعندة بعض العيوب اللى ممكن تنفر البنات منة :rolleyes2:


طبيعي بيعنس:)

هو انتة نائص:omen2:

واقرع وشين هههههههههه

[لاجل QT]

واقرع وشين هههههههههه

شوفي اذا مليان فلوس بيلقى من هنا، او من برة ياكثرهم

بس اذا فقير لابالله انا اشهد ان بطووول عنوستة:nice:


زين يمكن الريال عندة مواصفات خاصة جدا في زوجة الاحلام ومحصلها:rolleyes2:

ساعات اقول في خاطري اشلون يتحملون العيشة لين هالعمر بدون اطفال ولد او بنت يقولهم بابا:(

[ANONYMOUS]

يمكن مرضى ياجماعه ليش الحنه

يعني تبون واحد يدش يقول انا عاجز .. عشان تسوون جنازه وتشبعوا فيها لطم ههههه مادري شدخل هالشي بس عجبني المثل


بعدين عندكم وليف يدور مره


اشوف طنشتوه وقاعدين تعيدون وتزيدون الكلام

[رهج السنابك]

هاي الي قول شين وقوي عين
مب مزيون واصلع وفوق هاي نفيسه:rolleyes2: :shy:

بعد ريال ومن حقه يتزوج

يعني الحين مافي بنات شينات ودبيات واخلاق زفت ولها عين تصيح تبي تتزوج !!

[رهج السنابك]

من وصفج له

مبين ان هذي اسباب الرفض له من البنات

كله في كوم ونفيسة في كوم:(

قولي له بسك عنوسة وابتسم للحياه:)



والله مدري هو رفض من البنات ولا هو رافض البنات لانه يحس الزواج خساير وهو النص ريال مايطلع منه خخخخخ ابخل من البخل

[رهج السنابك]

الموضوع اذا مايعنيكم ولا يأثر فيكم هذي مشكلة البعض اللي عنده تهوين ونظرة ضيقة للأمور وعماة عين ، مقابل 6000 رجل أعزب هناك حوالي 7000 امرأة عزباء ، وتقولون لنا لا توجد مشكلة، بالنسبة لي الموضوع شايفته مرض اجتماعي يأثر على كافة اطرافه لا ينسكت عنه ويجب تدخل الأسرة والدولة من خلال دراسة الحالة واقتراح الحلول..





تبين الصج يا طلعه الروح


من حق اي ريال انه مايتزوج الزواج مب غصب هي حريه شخصيه
الزواج مب فرض ولا واجب

وانا لو ريال عمري مافكر اتزوج ههههههه يمه يمه من الحريم وهوايلهم

وحاجة الرجل للزواج ترا اقل وايد من المره

المره تشتاق تكون ام وعندها اطفال تنجبهم وترعاهم
عكس الرجل ماعنده هالحاجة ملحة

المره تغار من البنات الي عندهم ريال يحبهم ومهتم فيه

الرجل مب في هالحاجة ومب فارقه معاه


المره تحس بالزواج صار معاها شريك يقاسمها كل شي واهم شي يقاسمها فلوسه ههه طبعا انكت

الرجل لا مب في هالحاجة مستقل ويعيش حياته بالطول والعرض


حاجة المرأه للزواج وايد وايد اضعاف الرجل

الرجل عادي تزوج او ماتزوج جذي جذي عايش حياته

والي يضايق ربعه واهله العزاب ليش ماتزوجتو ومتى بتتزوجًون احسها تدخل فيما لا يعني وتجريح لهم وبالاخير حريه شخصيه عساهم مايتزوجون نهائي

[حياتي روايه]

صاحبة الموضوع مطلقه وتبين زوج مب متزوج بالاربعين

[حسن]

تبين الصج يا طلعه الروح


من حق اي ريال انه مايتزوج الزواج مب غصب هي حريه شخصيه
الزواج مب فرض ولا واجب

وانا لو ريال عمري مافكر اتزوج ههههههه يمه يمه من الحريم وهوايلهم

وحاجة الرجل للزواج ترا اقل وايد من المره

المره تشتاق تكون ام وعندها اطفال تنجبهم وترعاهم
عكس الرجل ماعنده هالحاجة ملحة

المره تغار من البنات الي عندهم ريال يحبهم ومهتم فيه

الرجل مب في هالحاجة ومب فارقه معاه


المره تحس بالزواج صار معاها شريك يقاسمها كل شي واهم شي يقاسمها فلوسه ههه طبعا انكت

الرجل لا مب في هالحاجة مستقل ويعيش حياته بالطول والعرض


حاجة المرأه للزواج وايد وايد اضعاف الرجل

الرجل عادي تزوج او ماتزوج جذي جذي عايش حياته

والي يضايق ربعه واهله العزاب ليش ماتزوجتو ومتى بتتزوجًون احسها تدخل فيما لا يعني وتجريح لهم وبالاخير حريه شخصيه عساهم مايتزوجون نهائي

الله يهداك يالاستقراطيه
غلطانه في مقارنتك هذه ومادري على ايش استندتي فيها
هل هذه لناس معينين مرضى مثلا
ولا ناس عقلاء وصاحين

انتي غطانه بهذه المقارنه كلش
الحين مستهدين على التعدد العالم وانتي تقولين مايهمه الزواج

[بريق الحق]

صاحبة الموضوع مطلقه وتبين زوج مب متزوج بالاربعين

مطلقة متزوجه مالنا خص ركز فالموضوع
قل خيرا او اصمت

[بريق الحق]

الله يهداك يالاستقراطيه
غلطانه في مقارنتك هذه ومادري على ايش استندتي فيها
هل هذه لناس معينين مرضى مثلا
ولا ناس عقلاء وصاحين

انتي غطانه بهذه المقارنه كلش
الحين مستهدين على التعدد العالم وانتي تقولين مايهمه الزواج

لا تلومها فالمقارنة
قال تعالى (وَلَيْسَ الذَّكَرُ كَالْأُنْثَى)
اتمنى فهمت علي :victory:

[حسن]

لا تلومها فالمقارنة
قال تعالى (وَلَيْسَ الذَّكَرُ كَالْأُنْثَى)
اتمنى فهمت علي :victory:

شوف يابوعابد

مافي رجل عاقل وخايف على نفسه وخايف الله مايبي يتزوج
هذا الكلام مفروغ منه

هذه سنه الحياه والانسان الطبيعي اما اذا هو غير عاقل عنده مرض يعيق زواجه هذا موضوع اخر

انا اعرف الكثير من الشباب رغم الماده متوفره عندهم وللاسف مهب متزوجين وتحن عليه ومافي فايده
بسبب اللي انا ذكرتهم ولا واحد فيهم من محافظين الصلاله للاسف والبعض يمكن صلاه الجمعه سنوات ماصلاها
ضايعين البعض كان من الام والاب هم السبب والبعض من رفقاء السؤء والسفرات اللي احنا عارفينها

يعني ضعف الدين اللي انا شفته فيهم هو كان السبب
وللاسف هذه حقيقه

[بريق الحق]

شوف يابوعابد

مافي رجل عاقل وخايف على نفسه وخايف الله مايبي يتزوج
هذا الكلام مفروغ منه

هذه سنه الحياه والانسان الطبيعي اما اذا هو غير عاقل عنده مرض يعيق زواجه هذا موضوع اخر

انا اعرف الكثير من الشباب رغم الماده متوفره عندهم وللاسف مهب متزوجين وتحن عليه ومافي فايده
بسبب اللي انا ذكرتهم ولا واحد فيهم من محافظين الصلاله للاسف والبعض يمكن صلاه الجمعه سنوات ماصلاها
ضايعين البعض كان من الام والاب هم السبب والبعض من رفقاء السؤء والسفرات اللي احنا عارفينها

يعني ضعف الدين اللي انا شفته فيهم هو كان السبب
وللاسف هذه حقيقه

بوعلي مافهمت علي
قصدي هي تفكر بهاي الطريقة وماتدري عن حالنا موفق

[رهج السنابك]

حسن اتمنى تركز بكلامي

انا ماقلت الرجل مايهمه بالمطلق


انا قلت الحاجة للزواج عند الرجل مب نفس المستوى عند المرإه


المرأه تحتاج للرجل في حياتها اكثر من حاجة الرجل للمرإه


فالمقصد من كلامي هو مدى الاحتياج

لكن مانختلف ان الزواج سنه الحياه وطبيعي الرجل بعمر معين يحتاج يتزوج والمرإه ايضا

بدليل ان الرسول قال من يستطع منكم الباءه فليتزوج


لاحظ نص الحديث ذكر الاستطاعه

وكلمه يستطع يدخل فيها معنى عدم الاجبار والوجوب

[أسد الجزيرة]

حاجة الرجل للزواج حاجة فطرية للعلاقة الزوجية لذلك الرجل اذا حس بالنقص من هذه الناحية فأول ما يهدد هو الزواج مرة اخرى
اما المراة رغبتها عاطفية في الاطفال اكثر من العلاقة الزوجية لذلك المراة تضحي بسعادتها في سبيل سعادتهم لانهم في نظرها اغلى ما تملك

عزوف الشباب عن الزواج له عدة اسباب منها

الشبع اذا يحصل ما يريد بالحرام فلماذا الزواج
جسمي ممكن مريض و لا يستطيع الزواج و لا يريد ظلم من يتزوجها
نفسي و هذا ينقسم الى عدة اقسام ممكن انه
مسحور و لا يستطيع الزواج او من يتقدم لهم يرفضونه دون اسباب
ممسوس و فيه جنية عاشقة تمنعه من الزواج
مريض نفسي و متعقد لا يرغب في النساء او فيه عقدة من النساء نتيجة موقف او صدمة في الصغر
كان يحب وحدة و تزوجت و رافض انه يتزوج غيرها
و ممكن متزوج بالسر وحدة رافضينها اهله و لا يريد كشف زواجه
و ممكن يحب وحدة و على امل اهلها يوافقون على زواجهم و لو بعد سنين
بخيل بخل شديد و لا يريد خسارة فلوسه في الزواج و مصاريف الاولاد


*

[طلعة الروح]

عادي مايبون يتزوجون حالهم حال البنات الي مايبون يتزوجون
هم ابخص باعمارهم


نظرتج للموضوع نظرة شخصية، يجب أن تكون نظرتنا للموضوع نظرة دينية أولا وهي الاساس واجتماعية ثانيا ونظرة وطنية ثالثا ...
ما نقدر نخلي الموضوع حرية شخصية واحنا هنيه عندنا مشاكل لا تعد ولا تحصى بالتركيبة السكانية وغير ان عندنا مشاكل أخرى جايتنا بالطريق اذا ما نظرنا للموضوع بشكل جدي...يا جماعه خل نكون موضوعيين وننظرللموضوع نظره كليه بما يحفظ لنا هذا المجتمع وهذا الوطن..

[طلعة الروح]

ماعندي نص مليون حق زواج

ما اعرف شنهي ظروفك ولكن النصف مليون مقدور عليها بهالزمن والحين الرواتب زادت واذا انت راتبك 30 ألف وطالع بامكانك تجمع المبلغ هذا خلال سنتين مع شوية عزم واصرار ويمكن أكثر... اللي يهمنا أن الواحد تكون نيته صافيه وعنده مبدأه الواضح وياما ناس تزوجوا بأقل من هذا المبلغ لكن أن احنا نخلي الظروف المادية هي العقبه الوحيده فهذي اسمح لي مش الأساس...

[طلعة الروح]

اعتقد الرجل يمم يوصل 30 وما تزوج شروطه تكون صعبه ويعيف الزواج ويتم ياجل والبعض الاخر ما شبع من اللعب وآخرين عندهم ظروفهم

عمر 30 سنه الحين ما يعتبر عمر كبير على الزواج بالنسبة للرجل والدليل ان هذي الفئة العمرية من 20 الى 35 هي أكثر الفئات العمرية زواجا عندنا لكن تقل نسبة الزواج بعد هذا العمر تدريجيا مع تزايد العمر....

شاكرتلج الاضافة..

[طلعة الروح]

فعلا
انا اعرف الكثير منهم للاسف مش متزوجين ومشاء الله عندهم خير ووظائف محترمه ورواتب عاليه عجزنا واحنا ننصحهم وابدا كانك تكلم صنم للاسف
ولا ينقصهم المال الخير كثير
واذا تنصحه بالزواج كانك تسبه مادري ليش

صحيح كلامك أكثر هؤلاء يتهربون من المسألة وهم الخسرانين أولا وأخيرا...

[طلعة الروح]

الله يعوضهم ان شاءالله في الاخره بالحور العين ( اذا كانوا من الصالحين فقط )

الله كريم إن شاء الله ويزرق من يشاء بغير حساب...

[طلعة الروح]

سؤوال؟؟؟

هل يدخل هذا العزوف ضمن الرهبنة؟؟

ولا ..العزوف هنا للتمتتع بالحراام بحرية؟؟؟

اذا كان كذالك يبلهم جلد حكم الشرع للاعزب...او يتوبو الى الله

ماينفعوون للزوااج وهم ادري بنفسهم هداهم الله...

ومن بيزوج بنتة سرسري

هم عاشو للحرام

هداهم الله

يدخل في دائرة العزوف كل انسان قادر على الزواج ولديه ما لدى الرجل الطبيعي من رغبة في النساء ومع ذلك لا يتزوج ، هنا يكون الزواج واجب عليه ... أما الذي لديه مرض عضوي أو قهري يمنعه عن الرغبة الطبيعية ومن شبهة الحرام خارج الاطار الشرعي فهذا لابأس من تركه للزواج....

[meeemz]

انا بيروح في بالي انه مريض او غير سويي او مرتاح لروتينه ما يبي مسؤوليات ولا ارتباطات ، في جميع الحالات ما نقول الا الحمدلله اللذي عافانا مما ابتلى به كثيرا من خلقه مساكين الاهل

[khalid525]

انا حسب مشاهدتي لبعض الحالات من اصدقائي وغير اصدقائي مب كل الحالات سببها ان الواحد عنده قيرل فرند ويبي يعيش حياته بحرية حتى لو بالحرام ، بعضهم يكون السبب انه متعقد من الحريم وبعضهم ما يبي يتحمل مسؤلية وواحد حب بنت ويوم تزوجت غيره حرم الزواج على نفسه ،وبعضهم ما يقدر يرتبط لاسباب تتعلق بالاصل وما يبي عيالة يتعقدون مثل ما تعقد من مجتمعنا ، يعني نقدر نقول انها اسباب شخصية ونفسية لكن غلاء المهور وتكاليف الزواج مب من هالاسباب ، يمكن بعض هالاسباب احنا نعتبرها تافهه بس هي اسباب حقيقية وجادة عند البعض الاخر .

اتمنى من الله ان يوفقهم لما في الخير .

[رهج السنابك]

مدري ليش احنا في مجتمع سلبي ونظرته دايما سلبيه

كل الاسباب الي ذكرتوها فيها تشويه اللي محد فيكم ذكر سبب ايجابي واحد


في شباب مثلا وقته كله تحصيل علم وحاس ان الزواج بيمنعه
في شباب وقته كله شغل في شغل وسفرات عمل وطموحه كله منصب على شغله ويبي يكون ناجح ومعتقد في قرارة نفسه انه مب وقته كلش يتزوج ومب فاضي يتزوج ويرتبط وسفراته وايد

في شباب ماتزوج لانه يبي بنت فيها صفات معينه مثل التدين الصحيح ومالقى مطلوبه و راحت فيه السنين ومايبي يتنازل عن شرطه

في شاب وحيد امه وخواته رافض يتزوج لين كل خواته يتزوجون وراحت فيه السنين


المثال الاول اعرف واحد شخصيا جذي طموحه العلمي سرق سنوات عمره


اوف خلوكم شوي ايجابيين بسكم سلبيات


يعني لازم كل واحد صك الاربعين فيه بلا ولا راعي بنات ولا مريض ولا عقيم ولا مرفوض ولا راكبه جني

[طلعة الروح]

صاحبة الموضوع مطلقه وتبين زوج مب متزوج بالاربعين


مع إنه ردك مب في محله ولا لك حق في تقييم وضعي الاجتماعي وتقييمك على بعضه خاطئ، مع ذلك بقولك أنا كإمرأة مهما كان وضعي في هذا المجتمع فأنا المستفيدة في كل الحالات من طرح القضية:

فإذا كنت متزوجه : بقلل فرصة التعدد على زوجي من خلال تزويج أكبر نسبة من العازبات على الرجال الذين لم يسبق لهم الزواج وبجذي بكون حافظت على حياتي الزوجية من فرصة التعدد ووفقت عدة رؤوس بالحلال...

ولو كنت مطلقة أو أرملة أو آنسة : فالموضوع 100% من صالحي وانا المستفيدة الأساسية من طرحه وبكون أفدت حوالي 30 ألف امرأة يعنيها الأمر ويمسها في قطر...

في النهاية نصيحتي لك اتق الله ولا تتكلم على أعراض الناس من مخك بداعي التفكه والفذلكه أمام الناس...

[طلعة الروح]

حاجة الرجل للزواج حاجة فطرية للعلاقة الزوجية لذلك الرجل اذا حس بالنقص من هذه الناحية فأول ما يهدد هو الزواج مرة اخرى
اما المراة رغبتها عاطفية في الاطفال اكثر من العلاقة الزوجية لذلك المراة تضحي بسعادتها في سبيل سعادتهم لانهم في نظرها اغلى ما تملك

عزوف الشباب عن الزواج له عدة اسباب منها

الشبع اذا يحصل ما يريد بالحرام فلماذا الزواج
جسمي ممكن مريض و لا يستطيع الزواج و لا يريد ظلم من يتزوجها
نفسي و هذا ينقسم الى عدة اقسام ممكن انه
مسحور و لا يستطيع الزواج او من يتقدم لهم يرفضونه دون اسباب
ممسوس و فيه جنية عاشقة تمنعه من الزواج
مريض نفسي و متعقد لا يرغب في النساء او فيه عقدة من النساء نتيجة موقف او صدمة في الصغر
كان يحب وحدة و تزوجت و رافض انه يتزوج غيرها
و ممكن متزوج بالسر وحدة رافضينها اهله و لا يريد كشف زواجه
و ممكن يحب وحدة و على امل اهلها يوافقون على زواجهم و لو بعد سنين
بخيل بخل شديد و لا يريد خسارة فلوسه في الزواج و مصاريف الاولاد


*

تعددت الأسباب والجرح واحد والقضية كبيره وخطيره نقدر نحلها ونختصرها بالآية الكريمة (إن الله لا يغير ما بقوم حتى يغيروا ما بأنفسهم)


كل الاسباب اللي ذكرتها أسباب وضعيه وليست أصيله فمهما كانت المشكلة والظروف المحيطة بالرجل الممتنع فلكل مشكلة حل يجب عليه أن يسعى لحلها أيا كانت مشكلته، الانسان مهما طال به الوقت في نظري دائما يرجع لفطرته الانسانية السليمة ويطلب الاستقرار الوحيد والشرعي المتمثل في النكاح واللي يحقق كل هذا مع ضرورة التثقيف وتغيير النظرة المتعارفة لدى بعض افراد المجتمع للي شبعنا وتأذينا منها وعفى عليها الدهر..

[ام السعف]

مدري ليش احنا في مجتمع سلبي ونظرته دايما سلبيه

كل الاسباب الي ذكرتوها فيها تشويه اللي محد فيكم ذكر سبب ايجابي واحد


في شباب مثلا وقته كله تحصيل علم وحاس ان الزواج بيمنعه
في شباب وقته كله شغل في شغل وسفرات عمل وطموحه كله منصب على شغله ويبي يكون ناجح ومعتقد في قرارة نفسه انه مب وقته كلش يتزوج ومب فاضي يتزوج ويرتبط وسفراته وايد

في شباب ماتزوج لانه يبي بنت فيها صفات معينه مثل التدين الصحيح ومالقى مطلوبه و راحت فيه السنين ومايبي يتنازل عن شرطه

في شاب وحيد امه وخواته رافض يتزوج لين كل خواته يتزوجون وراحت فيه السنين


المثال الاول اعرف واحد شخصيا جذي طموحه العلمي سرق سنوات عمره


اوف خلوكم شوي ايجابيين بسكم سلبيات


يعني لازم كل واحد صك الاربعين فيه بلا ولا راعي بنات ولا مريض ولا عقيم ولا مرفوض ولا راكبه جني






مب شرط كل واحد بلغ الأربعين فيه بلا ومشكلة
ولا هو شرط لازم كل ريال يتزوج ،، فالزواج حاجة داخلية
تنبع من رغبة الشخص نفسه في الاقدام عليه ،،

لكن في نقطة ما توفقتي فيه يا الارستقراطية ،،

الرجل مثله مثل المرأة في حاجتهم للزواج ،،
كل له اسبابه المرأة تبحث عن الأمومة وتفريغ الرغبة الفطرية
والرجل يبحث عن التفريغ الرغبة الفطرية وان اضطره ذلك
الى الصراخ والنواح للبحث عن التعدد ،،

يعني اليوم لما نشوف مواضيع التعدد تطفو كل يوم وثاني
من الرجاااال خاصة ......> فهل تعتقدين يطرحون هالموضوع من باب
انهم حاجتهم للزواج اقل من المرأة ؟ ولا يبون يبطون جبود حريهم
من خلال طرح مثل هالمواضيع في المنتدى ؟

[طلعة الروح]

انا بيروح في بالي انه مريض او غير سويي او مرتاح لروتينه ما يبي مسؤوليات ولا ارتباطات ، في جميع الحالات ما نقول الا الحمدلله اللذي عافانا مما ابتلى به كثيرا من خلقه مساكين الاهل


المسؤولية لا يتحملها الرجل لوحده ، المراة تشاركه هذه المسؤولية ويتقاسمون معا الحقوق والواجبات ، الخوف من تحمل المسؤولية ان دلت على شي فهي دليل عدم نضوج الشخصيه وهي حجة من لا حجة له...

[رهج السنابك]

امم اتوقع عشان يبطون جبودهم

ترا الي يدورون التعدد بس هفة خاطر

ولا المرأه الوحده تغنيه وتعفه لكن مثل ماتقولين حب تنويع وشي تعودوا يسمعونه ودرجوا عليه في مجتمعنا الخليجي لان لو تلاحظين ظاهره التعدد تكثر بس في الخليج
ليش الرجل العربي مثلا مب لحوح في مسأله التعدد
عكس الخليجي الي يعتبره فاكهة المجالس
فسيولوجيا الزوجة الوحده تعف الزوج ماعدا في حالات معينه وتختلف من رجل لاخر

[طلعة الروح]

انا حسب مشاهدتي لبعض الحالات من اصدقائي وغير اصدقائي مب كل الحالات سببها ان الواحد عنده قيرل فرند ويبي يعيش حياته بحرية حتى لو بالحرام ، بعضهم يكون السبب انه متعقد من الحريم وبعضهم ما يبي يتحمل مسؤلية وواحد حب بنت ويوم تزوجت غيره حرم الزواج على نفسه ،وبعضهم ما يقدر يرتبط لاسباب تتعلق بالاصل وما يبي عيالة يتعقدون مثل ما تعقد من مجتمعنا ، يعني نقدر نقول انها اسباب شخصية ونفسية لكن غلاء المهور وتكاليف الزواج مب من هالاسباب ، يمكن بعض هالاسباب احنا نعتبرها تافهه بس هي اسباب حقيقية وجادة عند البعض الاخر .

اتمنى من الله ان يوفقهم لما في الخير .


شاكرتلك الاضافة المهمة...ونرجع نقول لما تكون هناك جدية وشخصية سوية ترغب وتطمح للاستقرار لن يمنعها أي مانع من ذلك حتى لو وضعت السيف على رقبتها أما الشخص المتعقد نفسيا لأي سبب كان فيجب عليه أن يعالج نفسه والطرق كثيرة ومتوفرة ولا يترك الموضوع سبهلله بحجة الظروف أو تجارب الآخرين الفاشلة....

[طلعة الروح]

مدري ليش احنا في مجتمع سلبي ونظرته دايما سلبيه

كل الاسباب الي ذكرتوها فيها تشويه اللي محد فيكم ذكر سبب ايجابي واحد


في شباب مثلا وقته كله تحصيل علم وحاس ان الزواج بيمنعه
في شباب وقته كله شغل في شغل وسفرات عمل وطموحه كله منصب على شغله ويبي يكون ناجح ومعتقد في قرارة نفسه انه مب وقته كلش يتزوج ومب فاضي يتزوج ويرتبط وسفراته وايد

في شباب ماتزوج لانه يبي بنت فيها صفات معينه مثل التدين الصحيح ومالقى مطلوبه و راحت فيه السنين ومايبي يتنازل عن شرطه

في شاب وحيد امه وخواته رافض يتزوج لين كل خواته يتزوجون وراحت فيه السنين


المثال الاول اعرف واحد شخصيا جذي طموحه العلمي سرق سنوات عمره


اوف خلوكم شوي ايجابيين بسكم سلبيات


يعني لازم كل واحد صك الاربعين فيه بلا ولا راعي بنات ولا مريض ولا عقيم ولا مرفوض ولا راكبه جني







عزيزتي الارستقراطية من متى كان الزواج حصن منيع وعائق ضد فريضة العلم أو ضد العمل والابداع...!!

الأمرغير منطقي ، الانسان عنده عقل يختار فيه ويقرر فيه ، نقول حسن الاختيار ثم حسن الاختيار.. وهو حياته ماراح تكون 24 ساعه قاعد مقابل مرته وتارك شغله وكلنا عارفين ان حالات الرجال عندنا ماتطلع من أمرين: يا أنه يشتغل أو انه ماخذ تفرغ ويكمل دراسه ف مافي أي مانع من الاستقرار وياما ريايل شغلهم يتطلب السفرات المتواصلة وكاهم تزوجوا وانجبوا ونسوانهم متفهمين للأمر ومحد اعترض عليهم وترى اللي ماسكين علينا مسؤولية ومسؤولية ليكون حياة الزواج بيعيشها الرجل بروحه ترى فيه زوجه ولها حياتها بعد ومستحيل انها تتنازل عن كل شي تحبه مثل ماهو خايف يتنازل فنرجع نقول التعاون والتفاهم بين الطرفين قبل الارتباط وبعده هو الحل,,,

[ام السعف]

امم اتوقع عشان يبطون جبودهم

ترا الي يدورون التعدد بس هفة خاطر

ولا المرأه الوحده تغنيه وتعفه لكن مثل ماتقولين حب تنويع وشي تعودوا يسمعونه ودرجوا عليه في مجتمعنا الخليجي لان لو تلاحظين ظاهره التعدد تكثر بس في الخليج
ليش الرجل العربي مثلا مب لحوح في مسأله التعدد
عكس الخليجي الي يعتبره فاكهة المجالس
فسيولوجيا الزوجة الوحده تعف الزوج ماعدا في حالات معينه وتختلف من رجل لاخر

ما هو هالاختلاف مابين رجل ورجل
ما تنوجد مابين إمراة واخرى ،،

فمن جذيه تبقى حاجة الرجل الى التعدد حاجة نابعة من طاقة
يحب يوظفها بما يرضي الله ورسوله ،

[حسن]

كل الاسباب اللي ذكرت تكون صحيحه
بس القاعده الصحيحه ان الانسان يتعلم ويتوظف وبعدين يتزوج هذا ماعهدنا عليه
لو حصل تاخير بسيط مانختلف
لكن الخل لما يكون هناك عزوف
هنا توجد مشكله

والاسباب كثيره وذكرت في الموضوع

طرحتو فكره الغريزه هل الغريزه فقط عند الرجل

اما لدي الاثنين وفي كل النواحي بدايه من الغريزه وتكوين اسره واستقرار اسري

وقالها قحطه الرجال بدون مره مثل الحداد بدون فحم

:)

[العلم]

يمكن مايدقون سلف .. :)

[رهج السنابك]

طلعه الروح هذا معتقدج ومعتقدي بس ترا هم بعد مقتنعين ان الزواج يعطلهم
روحي عاد اقنعيهم

[أسد الجزيرة]

حاجة الرجل الى التعدد حاجة نابعة من طاقة
يحب يوظفها بما يرضي الله ورسوله ،

هذي الجملة المفروض تكتب بماء الذهب على جدار المنتدى

[منابر خالده]

ما اعرف شنهي ظروفك ولكن النصف مليون مقدور عليها بهالزمن والحين الرواتب زادت واذا انت راتبك 30 ألف وطالع بامكانك تجمع المبلغ هذا خلال سنتين مع شوية عزم واصرار ويمكن أكثر... اللي يهمنا أن الواحد تكون نيته صافيه وعنده مبدأه الواضح وياما ناس تزوجوا بأقل من هذا المبلغ لكن أن احنا نخلي الظروف المادية هي العقبه الوحيده فهذي اسمح لي مش الأساس...

هههههههههههههههه
ضحكتيني
راتبي 14 الف وبالغصب بعد الحمدلله على كل حال

[منابر خالده]

مع إنه ردك مب في محله ولا لك حق في تقييم وضعي الاجتماعي وتقييمك على بعضه خاطئ، مع ذلك بقولك أنا كإمرأة مهما كان وضعي في هذا المجتمع فأنا المستفيدة في كل الحالات من طرح القضية:

فإذا كنت متزوجه : بقلل فرصة التعدد على زوجي من خلال تزويج أكبر نسبة من العازبات على الرجال الذين لم يسبق لهم الزواج وبجذي بكون حافظت على حياتي الزوجية من فرصة التعدد ووفقت عدة رؤوس بالحلال...

ولو كنت مطلقة أو أرملة أو آنسة : فالموضوع 100% من صالحي وانا المستفيدة الأساسية من طرحه وبكون أفدت حوالي 30 ألف امرأة يعنيها الأمر ويمسها في قطر...

في النهاية نصيحتي لك اتق الله ولا تتكلم على أعراض الناس من مخك بداعي التفكه والفذلكه أمام الناس...

الزبده يعني كلامه طلع صحيح :tease:

[منابر خالده]

انا باشرح لج وضعي انا ادرس واعمل في نفس الوقت
ادرس في جامعه قطر وانا عمري الحين ٣١ سنه وراتبي ١٤ الف يعني ماعندي وقت حق الزواج
والله يصبرني

[تغلبية]

كل الموضوع أرزاق ونصيب ..

البارحة نقص من اللستة واحد .. والفال للباقين الله يغنيهم بالحلال عن الحرام

[نوار قطر]

بعضهم ظروفهم الماديه او العائليه اجبرتهم انهم يتأخرون في الزواج وذول طبعا قله قليله ،،،، بس الاكثر والاغلب الي للحين ماتزوجو وصارو في سن المفروض يكون فيه عيالهم طوولهم، يكون فيهم بلى ،،، الواحد منهم اما انه يلعب وماشي في طريق مخليه يستغني عن الزواج ويمشي في الحرام او انه ماشي الطريق الثاني واعتقد الكل يعرف شنهو :rolleyes2:

[هداف]

تبين الصج يا طلعه الروح


من حق اي ريال انه مايتزوج الزواج مب غصب هي حريه شخصيه
الزواج مب فرض ولا واجب

وانا لو ريال عمري مافكر اتزوج ههههههه يمه يمه من الحريم وهوايلهم

وحاجة الرجل للزواج ترا اقل وايد من المره

المره تشتاق تكون ام وعندها اطفال تنجبهم وترعاهم
عكس الرجل ماعنده هالحاجة ملحة

المره تغار من البنات الي عندهم ريال يحبهم ومهتم فيه

الرجل مب في هالحاجة ومب فارقه معاه


المره تحس بالزواج صار معاها شريك يقاسمها كل شي واهم شي يقاسمها فلوسه ههه طبعا انكت

الرجل لا مب في هالحاجة مستقل ويعيش حياته بالطول والعرض


حاجة المرأه للزواج وايد وايد اضعاف الرجل

الرجل عادي تزوج او ماتزوج جذي جذي عايش حياته

والي يضايق ربعه واهله العزاب ليش ماتزوجتو ومتى بتتزوجًون احسها تدخل فيما لا يعني وتجريح لهم وبالاخير حريه شخصيه عساهم مايتزوجون نهائي



وهو بكيفه مايبي يتزوج !! الرجال الطبيعي وخصوصا في ظل هذا التبرج والاعلام المنتهي
ويكون ماسك نفسه من غرائزه الجنسيه ووصل عمره اربعين !! هذا لازم يسوون له
نصب تذكاري على قوة الايمان والتحكم الخيالي في فطرته الطبيعيه !! ويكتبون تحت النصب
صابر ياعيني صابر !!

طبعا كل ها لكلام مستحيل مافيه رجال يصبر من المره الا انه سربوت ومكتفي بالحرام او انه
مريض ومهوب صاحي !

كلنا تزوجنا نبي الحلال اونعف انفوسنا !! اذا المشايخ حللوا زواج اسمه المسيار لنوع معين
من النساء والهدف من هذا عفهم بالحلال

[منابر خالده]

وهو بكيفه مايبي يتزوج !! الرجال الطبيعي وخصوصا في ظل هذا التبرج والاعلام المنتهي
ويكون ماسك نفسه من غرائزه الجنسيه ووصل عمره اربعين !! هذا لازم يسوون له
نصب تذكاري على قوة الايمان والتحكم الخيالي في فطرته الطبيعيه !! ويكتبون تحت النصب
صابر ياعيني صابر !!

طبعا كل ها لكلام مستحيل مافيه رجال يصبر من المره الا انه سربوت ومكتفي بالحرام او انه
مريض ومهوب صاحي !

كلنا تزوجنا نبي الحلال اونعف انفوسنا !! اذا المشايخ حللوا زواج اسمه المسيار لنوع معين
من النساء والهدف من هذا عفهم بالحلال
ليش مستحيل ؟؟ وليش هالحكم ان سربوت وموب صاحي ؟؟
الجمع لغه المغفلين
هذا انا صابر ومستحمل ومافيني شي والحمدلله

[مو مهم]

الاسباب من وجهة نظري
١) الماده غير متوفره ..
٢) الانشغال بالمعاصي ..
٣) الانشغال بالدراسه ...
٤) ينتظر اخاه الاكبر (( اكثر فئه تضرروا))
٥) رفض البنات له

..........

هذا بالترتيب ممما اراه بعيني

[بشائر]

تدرين عاد ! أنا أحترم هذه الفئة كثيرا ...أكيد بتقولين ليش؟
لأنه في نظري عارف حجمه وقدراته في تكوين الأسرة
فلقى أنه مب كفو يفتح بيت ويباشر زوجة وعيال ومسؤوليات تحتاج رجل مسؤول
فريح نفسه وملائكته وخفف على الدولة وقضاتها من مشاكل زواجه وطلاقه وتشرد عياله ...
طبعا هالكلام للي رافض الزواج (فقط)

وحتى البنات ،،،تكفون اللي تشوف نفسها ماهي كفو تتحمل بيت وزوج وتربية عيال وتدريسهم
ارفضى الزواج واحتسبي الأجر عند رب العالمين :)

[رحال]

تدرين عاد ! أنا أحترم هذه الفئة كثيرا ...أكيد بتقولين ليش؟
لأنه في نظري عارف حجمه وقدراته في تكوين الأسرة
فلقى أنه مب كفو يفتح بيت ويباشر زوجة وعيال ومسؤوليات تحتاج رجل مسؤول
فريح نفسه وملائكته وخفف على الدولة وقضاتها من مشاكل زواجه وطلاقه وتشرد عياله ...
طبعا هالكلام للي رافض الزواج (فقط)

وحتى البنات ،،،تكفون اللي تشوف نفسها ماهي كفو تتحمل بيت وزوج وتربية عيال وتدريسهم
ارفضى الزواج واحتسبي الأجر عند رب العالمين :)

برافوووووو عليك بشاير .. كلام مقنع وحكم

أخذوووا خلاصة الكلام من بشاير ..

[طلعة الروح]

من باب العلم بالشيء وتوضيح الصورة للجميع للاسف لاتوجد احصائيه دقيقه وخاصة بنسبة الرجال المستهدفين للفئات العمرية اللي تدعم موضوعنا ، لكن حبيت أنزل الصورة العامة عندنا وهي نسبة الحالة الزواجية للذكوروالاناث القطريين (فئة لم يتزوج أبدا) من عمر 15 سنة فأكثر للأعوام بين 2008-2011 وهذي الاحصائيه منشورة من قبل المجلس الاعلى للأسره،،،

2008
الذكور : 42.8
الاناث : 37

2009
الذكور :43
الاناث : 38.6

2010
الذكور: 40.5
الاناث : 37.7

2011
الذكور : 41.9
الاناث : 39.7


*نستخلص من ذلك ان نسبة الذكور أكبر من الاناث بحوالي 3.75%..
*نستخلص من ذلك بأن وجود عنوسه للبنات سواء حاضره أم مستقبليه بالبلد وهي في تزايد رضينا ام رفضنا..

واترك لكم المجال للتحليل..

[بوحارب]

يمكن مايدقون سلف .. :)

:D :happy:

[بوخالد911]

يمكن مايدقون سلف .. :)

عيل شيدقوووووووووون؟!؟!

:omg::eek5::secret:

[حسن]

من باب العلم بالشيء وتوضيح الصورة للجميع للاسف لاتوجد احصائيه دقيقه وخاصة بنسبة الرجال المستهدفين للفئات العمرية اللي تدعم موضوعنا ، لكن حبيت أنزل الصورة العامة عندنا وهي نسبة الحالة الزواجية للذكوروالاناث القطريين (فئة لم يتزوج أبدا) من عمر 15 سنة فأكثر للأعوام بين 2008-2011 وهذي الاحصائيه منشورة من قبل المجلس الاعلى للأسره،،،

2008
الذكور : 42.8
الاناث : 37

2009
الذكور :43
الاناث : 38.6

2010
الذكور: 40.5
الاناث : 37.7

2011
الذكور : 41.9
الاناث : 39.7


*نستخلص من ذلك ان نسبة الذكور أكبر من الاناث بحوالي 3.75%..
*نستخلص من ذلك بأن وجود عنوسه للبنات سواء حاضره أم مستقبليه بالبلد وهي في تزايد رضينا ام رفضنا..

واترك لكم المجال للتحليل..

شكرا لك على هذه الاحصائيات
ولكن والمؤسف انها قديمه مما يدل على نيام بعض المؤسسات التي تعنى بدور الاسره

ونقولهم صح النوم ومعلوماتكم بايته

وين دوركم في علاج ووضع الحلول لها

:discuss:

[تغلبية]

من باب العلم بالشيء وتوضيح الصورة للجميع للاسف لاتوجد احصائيه دقيقه وخاصة بنسبة الرجال المستهدفين للفئات العمرية اللي تدعم موضوعنا ، لكن حبيت أنزل الصورة العامة عندنا وهي نسبة الحالة الزواجية للذكوروالاناث القطريين (فئة لم يتزوج أبدا) من عمر 15 سنة فأكثر للأعوام بين 2008-2011 وهذي الاحصائيه منشورة من قبل المجلس الاعلى للأسره،،،

2008
الذكور : 42.8
الاناث : 37

2009
الذكور :43
الاناث : 38.6

2010
الذكور: 40.5
الاناث : 37.7

2011
الذكور : 41.9
الاناث : 39.7


*نستخلص من ذلك ان نسبة الذكور أكبر من الاناث بحوالي 3.75%..
*نستخلص من ذلك بأن وجود عنوسه للبنات سواء حاضره أم مستقبليه بالبلد وهي في تزايد رضينا ام رفضنا..

واترك لكم المجال للتحليل..

النسب مهولة !

أنا توقعت اذا كثرت 5% بس !!

عيل لا بد من تبني هذي الفئة .. ويشوفون اشسالفتهم .. ؟!؟!؟:(

[حسن]

النسب مهولة !

أنا توقعت اذا كثرت 5% بس !!

عيل لا بد من تبني هذي الفئة .. ويشوفون اشسالفتهم .. ؟!؟!؟:(

وين دور مركز الاسره مهب لازم هو على الاقل يتبناها

شوفي في الماضي كان قل نساء والرجال كانو يتسابقون على المره ولو كانت مطلقه ولا ارمله
يقولون من تخلص عدتها الا الخطاطيب منكتين عليها

شوفي شلون وصلنا الحين الخير والفلوس والبيوت
لاكنها تقرش لاحسيس ولا ونيس

:(

[تغلبية]

وين دور مركز الاسره مهب لازم هو على الاقل يتبناها

شوفي في الماضي كان قل نساء والرجال كانو يتسابقون على المره ولو كانت مطلقه ولا ارمله
يقولون من تخلص عدتها الا الخطاطيب منكتين عليها

شوفي شلون وصلنا الحين الخير والفلوس والبيوت
لاكنها تقرش لاحسيس ولا ونيس

:(




انا غاسلة يدي منهم مجلس الاسرة لانهم يعرفون حق الشو بس

مايعرفون يحلون مشاكل جذرية ..



على الاقل تستوي دراسة من معهد بحوث الاسرة في قطر فاونديشن او الجامعة في اسباب عزوفهم


يمكن يبون الشقراوات .. او عندهم ظروف نفسية او صحية او مادية يحاولون يقلصون منا

انا واثقة انا ما عدمنا الحيلة للحين :(

[حسن]

انا غاسلة يدي منهم مجلس الاسرة لانهم يعرفون حق الشو بس

مايعرفون يحلون مشاكل جذرية ..



على الاقل تستوي دراسة من معهد بحوث الاسرة في قطر فاونديشن او الجامعة في اسباب عزوفهم


يمكن يبون الشقراوات .. او عندهم ظروف نفسية او صحية او مادية يحاولون يقلصون منا

انا واثقة انا ما عدمنا الحيلة للحين :(

انا اللي اعرفه كان له دعم قوي من قبل الدوله
ولهم شو كثير في اعلامنا يمكن تحطمت احلامهم بسبب تناقضات المجتمع يبون يعالجون ولا كن لنسمح لك بالكشف
على المريض

ايذا كان هذا السبب انا اتفق معهم التناقضات كثيره عندنا واوفر واصبحت بشكل كبير
يعني لو جبتي 3 تبين تاخذين رايهم كلهم مختلفين ولا واحد رايه صح

هل تتوقعين تاثير ذبذبات قناه الجزيره له دور في ذالك لان ارسالهم قوي

:con2:

[لاجل QT]

تدرين عاد ! أنا أحترم هذه الفئة كثيرا ...أكيد بتقولين ليش؟
لأنه في نظري عارف حجمه وقدراته في تكوين الأسرة
فلقى أنه مب كفو يفتح بيت ويباشر زوجة وعيال ومسؤوليات تحتاج رجل مسؤول
فريح نفسه وملائكته وخفف على الدولة وقضاتها من مشاكل زواجه وطلاقه وتشرد عياله ...
طبعا هالكلام للي رافض الزواج (فقط)

وحتى البنات ،،،تكفون اللي تشوف نفسها ماهي كفو تتحمل بيت وزوج وتربية عيال وتدريسهم
ارفضى الزواج واحتسبي الأجر عند رب العالمين :)

هههههههه

كلام جميل ومنطقي وفي الصميم..احيج:)

[طلعة الروح]

يمكن مرضى ياجماعه ليش الحنه

يعني تبون واحد يدش يقول انا عاجز .. عشان تسوون جنازه وتشبعوا فيها لطم ههههه مادري شدخل هالشي بس عجبني المثل


بعدين عندكم وليف يدور مره


اشوف طنشتوه وقاعدين تعيدون وتزيدون الكلام


ماعندي مشكله في البحث للعضو الفاضل وليف الشوق بشرط دراسة الحالة، اذا هو موافق يعطيني تفاصيله الخاصه بصدق وأمانه بشوف له البنت المناسبه والله يوفقنا للي فيه الخير..

[طلعة الروح]

انا باشرح لج وضعي انا ادرس واعمل في نفس الوقت
ادرس في جامعه قطر وانا عمري الحين ٣١ سنه وراتبي ١٤ الف يعني ماعندي وقت حق الزواج
والله يصبرني


أولا: أحب أطمنك وأقولك ان عمرك أقل من 35 سنه ولا تنطبق عليك المشكلة اللي احنا في صددها..

ثانيا : لست من الفئة المذكورة لانك لاتزال في مرحلة تطوير ذاتك علميا ومهنيا وماديا واجتماعيا ، احنا نتكلم عن الخالصين والجاهزين من 100 سنة ومعللين انفسهم ومجتمعهم...

ثالثا : بصراحه ما ينخاف عليك لان نية الزواج عندك موجودة مقدما فهاذي علامة طيبة مبدئيا...

عسى الله يوفقك ونفرح فيك قريب :)

[بشائر]

هههههههه

كلام جميل ومنطقي وفي الصميم..احيج:)


برافوووووو عليك بشاير .. كلام مقنع وحكم

أخذوووا خلاصة الكلام من بشاير ..


:victory::shy::)

[العلم]

:D :happy:


عيل شيدقوووووووووون؟!؟!

:omg::eek5::secret:

يعني مايقدرون يأخذون سلف من البنك عشان المهر والعرس :shy:

[OM_OMAR_QATAR]

لو يذهب للخارج؛ بـ يطولها بكل سهولة
وحتى لو بغى أقل من عشرينية فالأمر ميسور :)

اكيد ...
الاحسن انه يروح مبكرّ اذاَ,,, موو ؟

[OM_OMAR_QATAR]

يعني مايقدرون يأخذون سلف من البنك عشان المهر والعرس :shy:


ووين البركة ؟؟

اصلا شلون حرمة ترضاها .. انها تصير غصة في قلب زوجها ..
يدفع على يوم .. مايدفعه 10 والا 15 سنة

الدين والقروض عذاب و دمار نفسي..

[تحداني]

ووين البركة ؟؟

اصلا شلون حرمة ترضاها .. انها تصير غصة في قلب زوجها ..
يدفع على يوم .. مايدفعه 10 والا 15 سنة

الدين والقروض عذاب و دمار نفسي..




ما عليج منهم يتشكون من المصاريف والتفاهات
وان قالت لهم ابي عرس جي ولا جي اذبحوا روحهم
جنه حد طاقهم على راسهم .. وبس يخلص العرس وترجع السكره يقول لها علي ديون كله منج
طيب من قال لك اتصير بطل واتقول حاضر تحت امرج


ما يعرفون اشيبون واشفيهم وايش ادواهم

[رهج السنابك]

هذا الي نقوله يدفعون بارادتهم عقب يتشكون
يعطون ليسن لحريمهم عقب يتشكون ويبون الدوله تغير القانون ماقدرتوا ع حريمكم تبون الدوله تفزع لكم
يراكضون لبناتهم في الوظايف عقب يقولون اختلاط والمره اهملت بيتها مهو انتو الي سمحتوا من الاساس
يجيبون خدم ويدفعون لهم رواتب وعقب يتحندون من كسل نسوانهم ومشاكل الخدم


ترا الرك كله على الريال الي مايقدر يتحكم ويفرض شخصيته بناءا على رغباته وعقب مايملك الا بس لسان وتحلطم

[sweet qatar]

يا طلعة الروح .. موضوعج أظهر التناقض المرضي في مجتمعنا..

لما تسألين ليش الشياب ما عرسوا يقولون لج ليش اللقافة .. بس خل الدولة تفتح للشياب الزواج من الخارج !!!


الله يرحم أيام دوار المجنون .. وايد الي يفكرون نفس المهندس الي صممه






انا بشكل أساسي أعتقد ان الزواج رزق من الله حتى لو الرجل صاحب القرار يمكن عنده ذنوب تمنعه من باب الخير
او ان الخير له في عزوفه عن الزواج


اتفق معاج في ان الجيل الجديد أفضل و أكثر جرأة واستعداد لتحمل المسؤولية

لكن في هالأمور ما نقدر نعمم .. او نحط أسباب محددة


تذكرت سالفة أخوين في الستين كانوا مادري السبعين يوم يسألونهم ليش ما تزوجتوا يقولون باقي ما كونا نفسنا :eek5:


هالسالفة من كم سنة ما يندرا شصار عليهم الحين


الله يستر علينا وعليهم وعلى جميع المسلمين

[lion66]

احسن شباب للسفر والسياحة والتمشي
اللي اعمارهم 35 وطالع
مزاج عالي و وناسة وطربانين
وكله امورهم طيبة:nice:

[حسن]

الشبعان مافيه اجر

[asadfg]

اااااااااه لاتذكروني خست وانا انطر موافقه الزواج وللحين بعد ماخلصت

والله الزواج والاستقرار حلم حيااااااااااااتي بس يالله الموافقه

[شبح الصمت]

اعرف رجل عز المعرفة رجل فيه خير ويشهد الله اني احبه فالله

الرجال عمره وصل فوق الـ 45 سنه وكان يحب انسانه وما تزوجها كان يبيها بالحلال ولكن الظروف ابت الا انه تكون له ..
ومن ثم مرض وما يبي يوهق بنت الناس معاه وهالشيء اشوفه خطأ

الرجال وقسم بالله العظيم لو يبي يتزوج يقول مليون وحده تتمناه

رجال خايف الله وما يترك فرض

طائع لوالدينه رحمة الله عليهم
انسان بشوش فيه خير وخير كثير


ادعوا له ان يسهل له اموره ويرزقه فالجنه بالحور العين ..

ليس كل من تزوج عاصي او أنسان منحرف او فيه خلل

فلا نعلم مافي قلوبهم من قصــه ..

الله ييرزق كل شاب الفتاه الطائعة الي تقدر الحياه الزوجية
ويرزق البنت بالشاب الي يقدرها ويعزها ويرزها وطائع ويخاف الله في نفسه وفيها ..

[ام السعف]

هذا الي نقوله يدفعون بارادتهم عقب يتشكون
يعطون ليسن لحريمهم عقب يتشكون ويبون الدوله تغير القانون ماقدرتوا ع حريمكم تبون الدوله تفزع لكم
يراكضون لبناتهم في الوظايف عقب يقولون اختلاط والمره اهملت بيتها مهو انتو الي سمحتوا من الاساس
يجيبون خدم ويدفعون لهم رواتب وعقب يتحندون من كسل نسوانهم ومشاكل الخدم


ترا الرك كله على الريال الي مايقدر يتحكم ويفرض شخصيته بناءا على رغباته وعقب مايملك الا بس لسان وتحلطم

يعني الريايل هم اساس المشاكل :(

[رهج السنابك]

مب المشاكل لكن هم القوامين هم اللي لازم كلمتهم العليا ٪

فالقوامة للرجل هو من يقود المركب مب ينقاد

[أسد الجزيرة]

قانون الاسرة عطى القيادة للمرة

[رهج السنابك]

قانون الاسرة باطل

[لاجل QT]

يا طلعة الروح .. موضوعج أظهر التناقض المرضي في مجتمعنا..

لما تسألين ليش الشياب ما عرسوا يقولون لج ليش اللقافة .. بس خل الدولة تفتح للشياب الزواج من الخارج !!!


الله يرحم أيام دوار المجنون .. وايد الي يفكرون نفس المهندس الي صممه






انا بشكل أساسي أعتقد ان الزواج رزق من الله حتى لو الرجل صاحب القرار يمكن عنده ذنوب تمنعه من باب الخير
او ان الخير له في عزوفه عن الزواج


اتفق معاج في ان الجيل الجديد أفضل و أكثر جرأة واستعداد لتحمل المسؤولية

لكن في هالأمور ما نقدر نعمم .. او نحط أسباب محددة


تذكرت سالفة أخوين في الستين كانوا مادري السبعين يوم يسألونهم ليش ما تزوجتوا يقولون باقي ما كونا نفسنا :eek5:


هالسالفة من كم سنة ما يندرا شصار عليهم الحين


الله يستر علينا وعليهم وعلى جميع المسلمين

من اللى صنع الدوار المينون:rolleyes2:..معقولة مهندس؟؟

[طلعة الروح]

اااااااااه لاتذكروني خست وانا انطر موافقه الزواج وللحين بعد ماخلصت

والله الزواج والاستقرار حلم حيااااااااااااتي بس يالله الموافقه

مع الأسف عين عذاري تسقي البعيد وتخلي القريب...
اسمحلي أخوي مادام هديتوا بنات بلادكم وطرتوا على زواج الخارج معليش تحملوا اللي يجيكم:)

[العلم]

مع الأسف عين عذاري تسقي البعيد وتخلي القريب...
اسمحلي أخوي مادام هديتوا بنات بلادكم وطرتوا على زواج الخارج معليش تحملوا اللي يجيكم:)



شننووو بنات بلادكم .. فرض فالدين إن الواحد يتزوج من قطر .. وش هالمنطق ..


بنات بلادنا صار الشاب يكره روحه وطاري الزواج إذا فكر يخطب منهم( وطبعا ليس الكل ).. إلا إذا كان الولد أبوه اللي يتكفل بكل شيء فعرسه فهذا شيء ثاني ..

التشدد القائم في لجنة الزواج من الخارج لا أصل له فالشرع وسيحمل كل من شارك فيه وزر من أوزار من اتجه للحرام بسببهم ..

[OM_OMAR_QATAR]

ما عليج منهم يتشكون من المصاريف والتفاهات
وان قالت لهم ابي عرس جي ولا جي اذبحوا روحهم
جنه حد طاقهم على راسهم .. وبس يخلص العرس وترجع السكره يقول لها علي ديون كله منج
طيب من قال لك اتصير بطل واتقول حاضر تحت امرج


ما يعرفون اشيبون واشفيهم وايش ادواهم


هذا الي نقوله يدفعون بارادتهم عقب يتشكون
يعطون ليسن لحريمهم عقب يتشكون ويبون الدوله تغير القانون ماقدرتوا ع حريمكم تبون الدوله تفزع لكم
يراكضون لبناتهم في الوظايف عقب يقولون اختلاط والمره اهملت بيتها مهو انتو الي سمحتوا من الاساس
يجيبون خدم ويدفعون لهم رواتب وعقب يتحندون من كسل نسوانهم ومشاكل الخدم


ترا الرك كله على الريال الي مايقدر يتحكم ويفرض شخصيته بناءا على رغباته وعقب مايملك الا بس لسان وتحلطم

صح صح صح تماماً
هذا لمسته من كثير حالات مباشرة صارت..
وانا اتم اقول .. من البداية واحد يخلي حدوده وقابليته ..
بس للأسف كثير لمست " مجاراة " يتبعها " تحلطم " تناقض عجيب
يعني نقول هالشي سببه الرجل اكثر من المرأة
/
وكله يقولك، انا الحين اوكككي بس بعد الزواج اعلن حدودي
كل شي يتغير بعد الزواج
وطبعا هذه بالنسبة للمرأة مصيبة ونص اسباب الطلاق
انه كان " مجاريني " قبل الزواج وبعده تغير !


غلط × غلط

[راعي القالات]

اعتقد هذي اسمه لقافة وفضولية لأن هذي حرية شخصية للفرد ليس لمخلوق حق في التدخل او التطفل على حياة غيره وقراراته الحياتية الخاصة .

اتركوا عنكم خلق الله و انشغلوا بأنفسكم

[المارونـــي]

اعتقد هذي اسمه لقافة وفضولية لأن هذي حرية شخصية للفرد ليس لمخلوق حق في التدخل او التطفل على حياة غيره وقراراته الحياتية الخاصة .

اتركوا عنكم خلق الله و انشغلوا بأنفسكم

هذا لب الموضوع السالفه فراغ وماعندهم قصه فقالوا ندور موضوع

[asadfg]

شننووو بنات بلادكم .. فرض فالدين إن الواحد يتزوج من قطر .. وش هالمنطق ..


بنات بلادنا صار الشاب يكره روحه وطاري الزواج إذا فكر يخطب منهم( وطبعا ليس الكل ).. إلا إذا كان الولد أبوه اللي يتكفل بكل شيء فعرسه فهذا شيء ثاني ..

التشدد القائم في لجنة الزواج من الخارج لا أصل له فالشرع وسيحمل كل من شارك فيه وزر من أوزار من اتجه للحرام بسببهم ..


خلها خلها يا ريال هاي بدال لا تقول الله ايسر امورك ولا الله يوفقك على طول تشمت تحمل الي يجيك وهديت القريب ورحت للبعيد يوريك النفسيه تشمت وعنصريه ونفسيه لا والله لو اطيح السما في الارض ماتزوج وحده نفسيتها مثل الاخت

يوريك من الرد انه مافي اي اتصال بالدين هههههههههه كنه مكتوب في القراءن اذا تزوجت برع حرام والله هاي لو بيدها بطلع فتوى بتحرم ع كيفها

الله يهديها انشالله

[شبح الصمت]

شننووو بنات بلادكم .. فرض فالدين إن الواحد يتزوج من قطر .. وش هالمنطق ..


بنات بلادنا صار الشاب يكره روحه وطاري الزواج إذا فكر يخطب منهم( وطبعا ليس الكل ).. إلا إذا كان الولد أبوه اللي يتكفل بكل شيء فعرسه فهذا شيء ثاني ..

التشدد القائم في لجنة الزواج من الخارج لا أصل له فالشرع وسيحمل كل من شارك فيه وزر من أوزار من اتجه للحرام بسببهم ..




دآخل قلبه متروسه

[العلم]

خلها خلها يا ريال هاي بدال لا تقول الله ايسر امورك ولا الله يوفقك على طول تشمت تحمل الي يجيك وهديت القريب ورحت للبعيد يوريك النفسيه تشمت وعنصريه ونفسيه لا والله لو اطيح السما في الارض ماتزوج وحده نفسيتها مثل الاخت

يوريك من الرد انه مافي اي اتصال بالدين هههههههههه كنه مكتوب في القراءن اذا تزوجت برع حرام والله هاي لو بيدها بطلع فتوى بتحرم ع كيفها

الله يهديها انشالله



دآخل قلبه متروسه



متروسه وبس .. آآآخ ياقلبي:weeping::weeping::weeping:

[تحداني]

صح صح صح تماماً
هذا لمسته من كثير حالات مباشرة صارت..
وانا اتم اقول .. من البداية واحد يخلي حدوده وقابليته ..
بس للأسف كثير لمست " مجاراة " يتبعها " تحلطم " تناقض عجيب
يعني نقول هالشي سببه الرجل اكثر من المرأة
/
وكله يقولك، انا الحين اوكككي بس بعد الزواج اعلن حدودي
كل شي يتغير بعد الزواج
وطبعا هذه بالنسبة للمرأة مصيبة ونص اسباب الطلاق
انه كان " مجاريني " قبل الزواج وبعده تغير !


غلط × غلط




صباح الخير على الجميع

لن تجدي اجابه ابدا .. يتجملون على حساب نفسهم .. ولكي يبين للناس ان انا قادر على كل شي
وكأن لما يحط على راسه ديون شهامه ولا رجوله ولا سنع .. الا قله وعي
وصدقتي معظم مشاكل الزواج سببها " تراكمات ماليه وديون " تبعات نفسيه مالها داعي

انا من اهني اقول لكم .. لما تدخل يا ولد الناس ابيوت بنات الناس
ان ساوموك بالافلوس والتجهيزات قول لهم خلوا بنتكم لكم
وما اعتقد في رجال ما وده يكرم بنت الناس وما يحتاج يطلبون على راسه

اخوي الله يسعده يارب .. ما عليه اقصور ابدا
ولا حتى الوالد .. عايشين في عز ونعمه
يوم راح يخطب قبل لا يتكلم ابو البنت .. قال له شوف يا عمي
انا هذا راتبي .. هذا الوالد .. وهذا حلالي وعنده اضعافه
مهركم هذا هو .. وحلالي كله تحت امر ام اعيالي
لكن اسمح لي اذا ما حطيت على العرس 500 الف ولا 300 الف
تقبلون الحمد لله .. ترفضون تشرفت ابمعرفتكم



وانتهى


والحمد لله تزوج وعاش بدون دين ولا سلفيات ولا خرابيط
وكنت دايما اقول لزوجه اخوي .. ترى اذا تتمنين الزين .. محمد اخوي يتمناه لج ولاعياله اضعافه


اي بنت اتساوم رجال .. هاذي ما اعتبرها بنت ناس وشايفه عز


جملكم الله برضاه

[بوالبيض]

شمزعلج يا أختي
دعوا الخلق للخالق
وايد شباب متزوجين ولله الحمد والمنه والعدد في ازدياد وانا متزوج والحمد الله
وقليل الاعزب ولعل هناك ضروف خاصه بهم لايعلمها الا الله كمرض عضوي او نوع الوظيفه او موقف ما
فلايجوز البحث في امور الناس الشخصيه بارك الله فيج وتنرفزين هذا شي خاص فيهم :rolleyes2:
قللوا الفضول شوي

كلام طيب اشكرك

[ضوى]

ماشاء الله عليكم

طلع الموضوع تماما عن مداره

[أسد الجزيرة]

اكثر شئ عجبني في امريكا انه كل واحد في حاله راحة نفسية ما بعدها راحة

[kay93]

شمزعلج يا أختي
دعوا الخلق للخالق
وايد شباب متزوجين ولله الحمد والمنه والعدد في ازدياد وانا متزوج والحمد الله
وقليل الاعزب ولعل هناك ضروف خاصه بهم لايعلمها الا الله كمرض عضوي او نوع الوظيفه او موقف ما
فلايجوز البحث في امور الناس الشخصيه بارك الله فيج وتنرفزين هذا شي خاص فيهم :rolleyes2:
قللوا الفضول شوي

هذا الرد الي كنت انتظر اقراه , عين العقل و اوافقك 100%

[طلعة الروح]

اعتقد هذي اسمه لقافة وفضولية لأن هذي حرية شخصية للفرد ليس لمخلوق حق في التدخل او التطفل على حياة غيره وقراراته الحياتية الخاصة .

اتركوا عنكم خلق الله و انشغلوا بأنفسكم


عندنا مشكلة أكبر اليوم وهي ان بعض البشر ماتشوف أبعد من أرنبة خشومهم أو النظر الى ما يهم مصالحهم الشخصيه فقط من دون استشراف الأحداث المستقبلية وهذي المصيبة، للعلم احنا مب ماسكين كل واحد على جنب وقاعدين نحقق وننبش بحياته الخاصه ، لما نتكلم عن ظاهره موجوده وقد تكون غير ملاحظه أو يمكن أغلبكم ما يعاني منها في الوقت الحالي واجبنا اليوم ان احنا نفتح عيون الناس وبالأخص الدولة وكل منه له علاقه بالأمر من باب تدراك ما يمكن ادراكه ومن منطلق الحفاظ على كيان المجتمع والأسرة كما شدد على ذلك الدستور القطري....

[captin]

اختلفت الاسباب والمصير واحد هو حياة العزوبية

سبحان الله من خلال معرفتي ومعاشرتي لعدد من الرجال ممن وصل أواسط
الأربعينيات وبداية الخمسينيات وجدت أسباب كثيرة

منهم من كان يعشق عشق حتى الهيام احد الفتيات وكان يرغب الزواج منها وظروفه لم تساعده في ذلك وتركته تلك الفتاة وتزوجت غيره ورفض فكرة الزواج تماماً وأصبحت لدية عقدة مزمنة .

منهم من به وساوس قهرية بان الزواج سيربطه وسيمنعه من حياة الحرية وممارسة الهوايات والسهر مع الأصحاب والسفر الخ.

منهم من يخاف من الزواج والدخول في المصاريف المادية عند تكوين أسرة .
والصرف على الزوجة والأولاد وأمور الحياة الأخرى .

منهم حصر الزواج في الرغبة الجنسية ويقول أنني أفرغ شهوتي الجنسية
مع صديقاتي واسافر جميع الدول وانام مع اجمل البنات ولا احتاج للزواج وعوار الرأس والمسؤوليات.

وتبقى فطرة الله التي فطر الناس عليها بل جميع الخلوقات الذكر للأنثى والأنثى للذكر وجعل في الزواج سكن ومستقر ورباط وسبب في استمرار وتكاثر البشرية.

[lion66]

تصريح اخير

المتزوج يحن لأيام العزوبية
والعزوبي يقول ياليتني متزوج

والمتزوج يقول للعزوبي احسدك على عزوبيتك
والعزوبي اذا بغى يتزوج يقولولن له "متى بنفرح فيك مو لك "

يعني محد عاجبه شي ، فخلوا الناس بكيفها اللي يبي يتزوج يختار اللي يبيها واهلا وسهلا بالجميع
واللي مايبي يتزوج براحته هو الربحان وهو الخسران ، والكلام هذا بعد للبنات .

يعني فضوها سيره ،

ونشوف موضوع ثاني مع متصل جديد...

الووو ...

من معاي ....:telephone::telephone:

[طلعة الروح]

خلها خلها يا ريال هاي بدال لا تقول الله ايسر امورك ولا الله يوفقك على طول تشمت تحمل الي يجيك وهديت القريب ورحت للبعيد يوريك النفسيه تشمت وعنصريه ونفسيه لا والله لو اطيح السما في الارض ماتزوج وحده نفسيتها مثل الاخت

يوريك من الرد انه مافي اي اتصال بالدين هههههههههه كنه مكتوب في القراءن اذا تزوجت برع حرام والله هاي لو بيدها بطلع فتوى بتحرم ع كيفها

الله يهديها انشالله


أولا مادري ليش قاعد تزيد بهارات من عندك لمجرد اني معارضتك في الرأي ولا جبت لك طاري الحلال والحرام في ردي، ثانيا حالي حال أغلبية الناس ماعندي الرغبة في الدفاع عن الزواج من الخارج خصوصا من قبل الذكور ولا أشجع عليه لأسباب يطول شرحها وجزء منها اللي اذكروها الأخوات هني نرجع ونقول الاختيار الصحيح وليس الكلام الفاضي وسوالف المجالس والاشاعات، ثالثا الحق لا يحتاج الى كثرة الكلام لأن الحق يدافع عن نفسه بنفسه فإذا الدولة مقتنعة بأنه حالتك تستوجب موافقة راح تعطيك الموافقة ومن أول يوم والله أعلم وبالتوفيق...

[OM_OMAR_QATAR]

صباح الخير على الجميع

لن تجدي اجابه ابدا .. يتجملون على حساب نفسهم .. ولكي يبين للناس ان انا قادر على كل شي
وكأن لما يحط على راسه ديون شهامه ولا رجوله ولا سنع .. الا قله وعي
وصدقتي معظم مشاكل الزواج سببها " تراكمات ماليه وديون " تبعات نفسيه مالها داعي

انا من اهني اقول لكم .. لما تدخل يا ولد الناس ابيوت بنات الناس
ان ساوموك بالافلوس والتجهيزات قول لهم خلوا بنتكم لكم
وما اعتقد في رجال ما وده يكرم بنت الناس وما يحتاج يطلبون على راسه

اخوي الله يسعده يارب .. ما عليه اقصور ابدا
ولا حتى الوالد .. عايشين في عز ونعمه
يوم راح يخطب قبل لا يتكلم ابو البنت .. قال له شوف يا عمي
انا هذا راتبي .. هذا الوالد .. وهذا حلالي وعنده اضعافه
مهركم هذا هو .. وحلالي كله تحت امر ام اعيالي
لكن اسمح لي اذا ما حطيت على العرس 500 الف ولا 300 الف
تقبلون الحمد لله .. ترفضون تشرفت ابمعرفتكم



وانتهى


والحمد لله تزوج وعاش بدون دين ولا سلفيات ولا خرابيط
وكنت دايما اقول لزوجه اخوي .. ترى اذا تتمنين الزين .. محمد اخوي يتمناه لج ولاعياله اضعافه


اي بنت اتساوم رجال .. هاذي ما اعتبرها بنت ناس وشايفه عز


جملكم الله برضاه

الله يبارك بيهم
اللي اوله شرط اخره نووور ....
:nice:

[طلعة الروح]

أحب أقترح على الجهات التنفيذية بعض الحلول اللي تخص قضيتنا الأساسية واللي في اعتقادي ترضي الطرفين (الطرف المتسبب) و(الطرف المتضرر) :

1- بالنسبة للعازبات : يجب تغيير قانون الاسكان وتعديله بما يتوافق وتمكين المرأة، يجب ان يتم تخصيص الأرض والقرض في عمر الثلاثين سنة وطالع ومنع تعطيله لأي امرأه مثل ما قاعدين نشوف اليوم من تعطيل وتسويف في حق النساء المتضررات.. يجب حصر اعداد النساء اللاتي بلغن هذا العمر ولم يتزوجن وأن تكون لهن معاملة ومميزات خاصة من قبل الدولة حالها حال الرجل وكل ذلك بعد استيفاء الشروط وبما يوافق نص الدستور في مادته التي تؤكد على أن المواطنين متساوين في الحقوق والواجبات...

2-بالنسبة للرجل : في قانون الاسكان يجب تخصيص الأرض له مبدئيا من عمر الـ 25 وطالع كحد أدنى (من باب التشجيع على الزواج) وليس كما هو الحال الآن (ننتظره لين يتزوج ونخصص له) ، واعطائه مهلة بحد أقصى خمس سنوات وفي حالة لم يتزوج خلال الخمس سنوات القادمة يتم ايقاف حقه من الأرض إلى أن يتزوج وفي هالحاله يتقدم بطلب آخر ويجب عليه أخذ القرض وبناء البيت خلال الخمس السنوات القادمة من تاريخ زواجه والا يرجع يتوقف حقه من الأرض وهكذا وكل هذا من صالح الدولة ومن صالح الجميع.

بالنسبة للنقطة الثانية بتقولون لي ليش هالاقتراح، اللي صاير الحين ان في ناس تزوجوا والدولة بطبيعة الحال خصصت لهم الأرض والقرض ومع ذلك حالهم حال البيت الواقف فهم انغمسوا في اللعب والصرف على كماليات وأمور تافهه وأهملوا سالفة البيت والبنيان وطبعا قاعدين هم وعيالهم في بيوت أهاليهم ومسببين زحمة ومشاكل مالها أول وتالي ....

3-بالنسبة لوزارة الداخلية المتمثله بلجنة الزواج من الخارج للرجل والمراة : يجب تقنينه والتركيز على استيفاء الشروط المطلوبة حتى فيما يخص الزواج من دول مجلس التعاون، لأن اللي قاعدين نشوفه أنه ياما شباب تزوجوا في سن حتى يكون أقل من 25 سنة ومن خارج الدولة ويكون السبب أنه راح يبي يخطب من بناتنا وبيت أو بيتين ارفضوه يروح ويطلب من أهله الزواج من الخارج وهذي بنظري خطأ يلام عليه الرجل والأهل وبعد ذلك نلوم تساهل الدولة في اعطاء الموافقة السريعة ، فالدولة يجب أن تقنن هذه الثغرات بزيادة الشروط اللي تتوافق مع مصالح أصول المجتمع...

والله الموفق،

[لاجل QT]

اختلفت الاسباب والمصير واحد هو حياة العزوبية

سبحان الله من خلال معرفتي ومعاشرتي لعدد من الرجال ممن وصل أواسط
الأربعينيات وبداية الخمسينيات وجدت أسباب كثيرة

منهم من كان يعشق عشق حتى الهيام احد الفتيات وكان يرغب الزواج منها وظروفه لم تساعده في ذلك وتركته تلك الفتاة وتزوجت غيره ورفض فكرة الزواج تماماً وأصبحت لدية عقدة مزمنة .
منهم من به وساوس قهرية بان الزواج سيربطه وسيمنعه من حياة الحرية وممارسة الهوايات والسهر مع الأصحاب والسفر الخ.

منهم من يخاف من الزواج والدخول في المصاريف المادية عند تكوين أسرة .
والصرف على الزوجة والأولاد وأمور الحياة الأخرى .

منهم حصر الزواج في الرغبة الجنسية ويقول أنني أفرغ شهوتي الجنسية
مع صديقاتي واسافر جميع الدول وانام مع اجمل البنات ولا احتاج للزواج وعوار الرأس والمسؤوليات.

وتبقى فطرة الله التي فطر الناس عليها بل جميع الخلوقات الذكر للأنثى والأنثى للذكر وجعل في الزواج سكن ومستقر ورباط وسبب في استمرار وتكاثر البشرية.



فكرت هالنوعية من الرجال انقرضو من العصور الوسطى:shy:


الامثلة اللى ضربتها باستثناء العاشق المخلص

زين سوو ماعرسو وابلشو بنات خلق الله والاجيال القادمة

بالعكس احيهم:nice: لانهم ابعدو شرهم واذاهم عن المسلمات

[captin]

فكرت هالنوعية من الرجال انقرضو من العصور الوسطى



ههههههههههههه باقي ديناصورين أعرفهم
صارت لهم عقدة من الزواج والحياة بعد ما
خلاهم الحب وراحت في طريقها وتزوجت

الامثلة والحالات الثانية اللي قلت عنها للأسف موجودة
عند المتزوجين هالايام أكثر من العزاب اللي ما تزوجوا

[لاجل QT]

ههههههههههههه باقي ديناصورين أعرفهم
صارت لهم عقدة من الزواج والحياة بعد ما
خلاهم الحب وراحت في طريقها وتزوجت

الامثلة والحالات الثانية اللي قلت عنها للأسف موجودة
عند المتزوجين هالايام أكثر من العزاب اللي ما تزوجوا


بك الكل تعقد من الزواج العزوبي المتزوج المطلق الارمل ونفس الشي الحريم

كله من الرياييل من ركضهم ورا هالدنيا متخرعين عقدو هالبنات وعقدو اعمارهم

يبا في دنيا اخرى وفيها ما قد رأت عين ليش هالتخرع

بك ياكافي الشر

[حسن]

المشكله فينا وايد مكبرين موضوع الزواج
المفروض خلاص يملج وانتهى كل شي
بلا طقطقه وبلا دندره
يسافر ويرجع وعقب يطرش حق الربع والاصدقاء والاحبه واتس اب ويقولهم
عرس
خلاص استغلو التكنولوجيا لاتسيرون سلبيين

:victory:

[طلعة الروح]

المشكله فينا وايد مكبرين موضوع الزواج
المفروض خلاص يملج وانتهى كل شي
بلا طقطقه وبلا دندره
يسافر ويرجع وعقب يطرش حق الربع والاصدقاء والاحبه واتس اب ويقولهم
عرس
خلاص استغلو التكنولوجيا لاتسيرون سلبيين

:victory:


إحنا مع إن الواحد يستانس بزواجه ويسوي عرس ودندره ههه على قولتك خلهم يفرحون بس بتصرف وبسنع مب بتخرع ومصاخه على قولة الاخت لأجلqt...