شارع جديد

[حفيدعمر]

السلام عليكم اليوم سمعت انى فيه موافقة لشارع تجاري جديد في الريان شو موضوع

[مشاكل]

يحظكم ياهل الريان ومعيذر المحلات عندكم اكثر من البيوت
تعال شوف فريجنا شكبر ومافيه حتى بقالة وحده :weeping:

[مو مهم]

شي طيب يقلل الزحمه في شارع السلام ( ال شافي)
بس يرفع اسعار البيوت والاراضي بالريان

لان اصحاب البيوت في الشارع الجديد ما ودهم يبعدون عن منطقتهم وجيرانهم

[New Vision]

التجار اكيد شرو في هالشارع من سنه لان عندهم خبر فيه والبيع بعد الموافقه

[OM_OMAR_QATAR]

يحظكم ياهل الريان ومعيذر المحلات عندكم اكثر من البيوت
تعال شوف فريجنا شكبر ومافيه حتى بقالة وحده :weeping:


ههههههههههههههه الله يجبر بخاطرك


محلات جديدة زين

[شيخ الديرة]

بأي مكان بالريان؟

[مخطط قطري]

ياجماعه الخير استفسار اذا انا رجل نافذ في الدوله وعلى علم بخطه وزاره البلديه والتخطيط العمراني هذا العام في تحويل بعض الاراضي السكنيه الى تجاريه واداريه
وشريت من اهل هالمنطقه بيوتهم هل على اثم ؟؟؟
مع العلم انه الشي انعرض على وانا على علم بخطتهم في هذا الشارع
انا ماتكلم عن اي حق مدني اتكلم عن الناحيه الشرعيه فقط

[وليف الشوق]

ياجماعه الخير استفسار اذا انا رجل نافذ في الدوله وعلى علم بخطه وزاره البلديه والتخطيط العمراني هذا العام في تحويل بعض الاراضي السكنيه الى تجاريه واداريه
وشريت من اهل هالمنطقه بيوتهم هل على اثم ؟؟؟
مع العلم انه الشي انعرض على وانا على علم بخطتهم في هذا الشارع
انا ماتكلم عن اي حق مدني اتكلم عن الناحيه الشرعيه فقط


جزاج الله كل خير على حرصك على الدين وهذا دليل على انك ماتبي اثم لك وبيض الله وجهك لكن صدقني مااحد راح يعطيك الفتوى غير اهل المشورة ومانبي من الانفس الضعيفه تحلل او تحرم ويمكن لك الاتصال بأهل الاختصاص مثل الدعوه والارشاد الديني وصدقني راح يعطونك التحليل الشرعي لسؤالك وبكل دقة وانا بدوري اعطيك رقمهم وهو : 44871182

[شموخ دائم]

,

,


مرحبا


نعم اخوي الكريم

هذا بيعه حرام

تسمى في الشرع بيع ( الغبن )

انت خبيت معلومه على البائع وانت تعرف ان البيت هذا بيسوى ملايين بعد سنه
والمالك الاصلي ( يجهل ) هذه المعلومه
هنا يقع الحرام

ومن حق المالك الاصلي رفع ( دعوه ) لا سترداد بيته ومعمول بها في المحاكم القطريه

اما اذا انت قلت له ان بيتك بيصير تجاري مستقبلا وبعطيك فوق قيمته الاصليه زياده

على سبيل المثال البيت يسوى 2 مليون اليوم
وبعد سنه بيصير 10 مليون

انا بدفع لك 3 مليون او 4 مليون
( وبنتظر ) الوقت يمر حتى يتحول تجاري

اذا وافق المالك فهذه بيعه حلال لانه اصبح ( يعلم ) مستقبل المنطقه
وهو قبل بالسعر على ( درايه ) ووافق فقط لعامل الوقت



,

,


اخوك


شموخ دائم

[بنسل]

يحظكم ياهل الريان ومعيذر المحلات عندكم اكثر من البيوت
تعال شوف فريجنا شكبر ومافيه حتى بقالة وحده :weeping:

ياحظنا ؟
زحمه وعفسه ومشاكل وعماله
الواحد لما يطلع من بيته يبيله نص ساعه لين يطلع من الفريج