معقولة رجال في صالونات نسائية !!!!!!! [الأرشيف] - منتديات شبكة الأسهم القطرية

وليف الشوق

19-09-2013, 10:32 PM

معقولة رجال في صالونات نسائية

وين البلدية

وين العضيد

وين الداخلية

وين الامر بالمعروف والنهي عن المنكر

معقولة هذا يصير في قطر

وين الامر بالمعروف والنهي عن المنكر
انت تتكلم عن اي دولة بالضبط ؟ وهل يوجد لدينا هيئة الامر بالمعروف والنهي عن المنكر وضح اكثر ؟ واتمنى تقدم ادله على كلامك بوجود رجال في صالونات النساء وليش ماتقدمت بطلب شكوى للجهات المختصه ان كنت فعلا متأكد ؟
اخي الفاضل بما اني مواطن واحرص تماما على عدم وجود رجال في صالونات النساء فارجوا ارسال الدليل لكن نقدمه للجهات المختصه او يمكن الصالونات اللي تتكلم عنها لفئة معينه من النساء غير مشمولا" بالصالونات المعروفه في المحال التجارية وفي المناطق !! او يمكن يكون الصالون في فندق لكن اخر كلامي بناتنا دايم يروحون لصالونات نسائيه وماحد ذكر وجود رجال !!
لكن اذا الصالونات النسائيه اللي ذكرتها في الفنادق ياااااخي شي طبيعي ومااشوف فيه شي لعدة اسباب ويجب على الفندق توفير الصالونات ان كانت رجالية او نسائية او حتى خلط وايش المشكله ولازم تعرف ان المقيمين في الفنادق هم فئات معينه يقدمون الى البلاد وتحتاج بعض النساء منهم لمثل هذي الصالونات 0

chillis

19-09-2013, 10:33 PM

للأسف اغلب الفنادق القطريه صالون اتهم رجال وعلى حسب طلب بل بوهن رجال او مره

حمد 2002

19-09-2013, 10:35 PM

ايش الجديد
حمد مايبغي له مصدر
؟؟؟؟؟
حمد خذ المصدر

http://www.qatarshares.com/vb/showthread.php?t=505613&highlight=%D5%C7%E1%E6%E4+%DD%E4%CF%DE

:omg::omg::omg: يالله بحسن الخاتمه :weeping::(

حسن

19-09-2013, 10:36 PM

للأسف اغلب الفنادق القطريه صالون اتهم رجال وعلى حسب طلب بل بوهن رجال او مره

ويروحن لها النسوان

:omg:

chillis

19-09-2013, 10:38 PM

ويروحن لها النسوان

:omg:

اي وقطريات بعد أصل وفصل عشان لا يقولون شي :shy:

عضو مشاكس

19-09-2013, 10:41 PM

:anger1:

وليف الشوق

19-09-2013, 10:46 PM

اي وقطريات بعد أصل وفصل عشان لا يقولون شي :shy:

مكرمات بناتنا عن الذهاب لمثل هذه الصالونات لكن ان كان الكلام بالفعل صحيح فهذا يرجع لتربية بعض البنات فكيف انها ماتتقي الله في نفسها وتحافظ على دينها ؟ كيف تقبل ان رجال غير محرم لها يمسك شعرها ويمكن تطول السالفه لمسك اي شي من جسمها اثناء تسريح شعرها او عمل اي حركه جديدة لشعرها ولاحول ولاقوة الا بالله العلي العظيم

غير البشر

19-09-2013, 10:46 PM

ويروحن لها النسوان

:omg:

اي يروحون يا حسن ليش مايروحون
يروحون الي فاسخين الحيا واهل العربده

الحمدلله الي عافانا

حسن

19-09-2013, 10:48 PM

اي يروحون يا حسن ليش مايروحون
يروحون الي فاسخين الحيا واهل العربده

الحمدلله الي عافانا

الله لايبلانا ياغير البشر
وين الطبل عنهم
:anger1:

هبوب الكوس

19-09-2013, 10:54 PM

انزين ليش يروحون حق الرياييل متسحي على وجهها

أخرتها بزاحمونا على حلاليق بن عمران هههههه

نوار قطر

19-09-2013, 11:05 PM

وين الجديد ،،،كل الي يشتغلون في صالونات الحريم في الفنادق رياييل ،،،، اللهم يحطون سكشن خاص ومسكر حق المتحجبات ،،،،وهالشي معرووف في كل مكان

وليف الشوق

19-09-2013, 11:14 PM

وين الجديد ،،،كل الي يشتغلون في صالونات الحريم في الفنادق رياييل ،،،، اللهم يحطون سكشن خاص ومسكر حق المتحجبات ،،،،وهالشي معرووف في كل مكان

متحجبات ؟ !!!!!!!!!!!!!!!

chillis

19-09-2013, 11:16 PM

متحجبات ؟ !!!!!!!!!!!!!!!

لا تقصد في مكان خاص مسكر للمحجبات حريم يسون لهم

حسن

19-09-2013, 11:17 PM

انزين ليش يروحون حق الرياييل متسحي على وجهها

أخرتها بزاحمونا على حلاليق بن عمران هههههه

معاد بقى الاجحر الضب

:victory:

وليف الشوق

19-09-2013, 11:20 PM

لا تقصد في مكان خاص مسكر للمحجبات حريم يسون لهم

احنا نتكلم عن صالونات النساء اللي فيها رجال مب حريم

نوار قطر

19-09-2013, 11:25 PM

متحجبات ؟ !!!!!!!!!!!!!!!

بما انه صالون نسائي وفي فندق عالمي ف الي يشتغلون فيه رياييل وطبعا اغلب رواد هالصالونات اجانب وقله قليله من البنات الفري ،،، بس فيه ستاف نسائي خاص حق البنات المتحجبات وتكون لهم غرفه مخصصه مسكره محد يدخل فيها الا الستاف النسائي والزبونه ،،، مممم اتمنى يكون شرحي واضح :nice:

chillis

19-09-2013, 11:27 PM

احنا نتكلم عن صالونات النساء اللي فيها رجال مب حريم

انت مب راضي تفهم الصالونات الي بالفنادق رجال يشتغلون وفي حريم

وليف الشوق

19-09-2013, 11:31 PM

انت مب راضي تفهم الصالونات الي بالفنادق رجال يشتغلون وفي حريم

حتى ولو ،، ولنفرض فيه صالون نسائي وفيه رجاجيل وحريم هل من المعقول ان البنت تدخل لعمل اي تسريحه في ظل وجود رجال بالمحل ؟!!!!!!

حسن

19-09-2013, 11:33 PM

حتى ولو ،، ولنفرض فيه صالون نسائي وفيه رجاجيل وحريم هل من المعقول ان البنت تدخل لعمل اي تسريحه في ظل وجود رجال بالمحل ؟!!!!!!

أي أي أي
يوليف الشوق تقولك في بنات الفري عادي يروحون
الله يهداك

:)

حمد 2002

19-09-2013, 11:36 PM

بما انه صالون نسائي وفي فندق عالمي ف الي يشتغلون فيه رياييل وطبعا اغلب رواد هالصالونات اجانب وقله قليله من البنات الفري ،،، بس فيه ستاف نسائي خاص حق البنات المتحجبات وتكون لهم غرفه مخصصه مسكره محد يدخل فيها الا الستاف النسائي والزبونه ،،، مممم اتمنى يكون شرحي واضح :nice:

اصلا المتحجبه والمحترمه المفروض ماتروح لهالامكان لا وبعد في فندق :anger1: ،،، الله المستعاااااااااااااااااااان :( ،،،،،،

سؤال نوار انتي شدراج عن تلك المعلومات الغزيره والتفصيليه ؟

نوار قطر

19-09-2013, 11:43 PM

احنا نتكلم عن صالونات النساء اللي فيها رجال مب حريم
اي الشيخ صالون حريم وفيه ستاف من الرياييل وستاف من الحريم ،، عاد كل وحده تروح حق الستاف الي تبيه ،،،

الفــهد

19-09-2013, 11:45 PM

الله يهديييييييييهم

يييييييييييييييييييييييياكثرهم في سسسسسسسسسسسسسفر ولا دورة خارجييييييييييييييه جاااااااات على الصااااالون

اللي ممممممممممممممماتستحي وصااااااااااااحبة ديييييييييييييين ضعيييييييييييييييييف لاتسسسسسسستغرب من

اي تصرف ييييييييييييييييصدر منها بس بعد نقوووووووووووول الششششششعر اذا طلع مب مقيييييييييييييياس

لااخلاق البنت في بناااااااااااااااااااات عايشييييييييييييييين حيييييييييييييياة الفري وهذا غلط كبيييييييييييييييييييير

في الديييييييييييين في حلال وحرااااااااااااااام مافي فري

النهار

19-09-2013, 11:46 PM

حمد تبي تشوف حريم يدشون الحلاق
روح المحلات الي مقابل سوق العسيري عند الملاحم
فيه كذا حلاق فلبيني مكس حريم ورجال يحلقون في نفس المكان

النهار

19-09-2013, 11:50 PM

انت فصل واحنا نلبس مليت من الحلاق البنقالي يده قويه قطع سواطري ويحط لك كلونيا تقول تيزاب الله يخرب بيته
يازين الليد الخفيفه مثل حلاليق بانكوك
:secret:

موجدين طال عمرك هني عندنا لاتستغرب وانت قاعد تحلق عند صاحب اليد الحنونه وجنبك وحده لابسه المريله وقاعده على الكرسي الي جنبك تحلق اوتعدل شعرها :nice:

نوار قطر

19-09-2013, 11:56 PM

اصلا المتحجبه والمحترمه المفروض ماتروح لهالامكان لا وبعد في فندق :anger1: ،،، الله المستعاااااااااااااااااااان :( ،،،،،،

سؤال نوار انتي شدراج عن تلك المعلومات الغزيره والتفصيليه ؟

وييييي حمد ههههههه ترى انا متكلمه عن صالون حريم وأنا مره اعرف شيصير 'يعني في ذمتك سوالف حريم ماتبيني اعرفها ؟ اذا اما ماعرفتها من بيعرفها'' بعدين انا ماتكلمت عن حلاق رياييل او شي خاص بالرياييل :victory:

فلتة زمانها

19-09-2013, 11:56 PM

وين المشكلة اذا هالصالونات مرخصه من الدولة
حتى صالون لاديوريه فيه رجال وحريم ومعروف من الي يروح لها

غايه الطواش

20-09-2013, 12:01 AM

اصلا هالشي من زمان موجود
شالجديد فالخبر،هاي غير الرياييل الي يمكيجون والمصورين الي يجًون من برا حق بعض المناسبات الخاصه

أسد الجزيرة

20-09-2013, 12:05 AM

هذا منكر و لازم ننكره و البعض اذا تعود على الحرام مب معناته صار حلال مع الوقت

حسن

20-09-2013, 12:06 AM

اصلا هالشي من زمان موجود
شالجديد فالخبر،هاي غير الرياييل الي يمكيجون والمصورين الي يجًون من برا حق بعض المناسبات الخاصه

فعلا انا اذكر ان هل الصوالين موجوده من زمان
واخبر بعض الجاليات العربيه تروح تقص شعرها وهذا الشي موجود عندهم مانستهجنه عليهم لاكن نستهجن اذا في من ربعنا يرحون لمثل هذه الصالونات مع العلم ان الله مكثر صالونات الحريم في كل مكان

للاسف البعض يحرف انا هذا الشي حرام ولكن يفعلونه

ماانقول الله الله يهديهم وبس

الأصيلة

20-09-2013, 12:49 AM

كل صالونات الفنادق فيها رجال
وفيه بنات عادي عندهم

بصمة قطرية

20-09-2013, 01:17 AM

اصلا المتحجبه والمحترمه المفروض ماتروح لهالامكان لا وبعد في فندق :anger1: ،،، الله المستعاااااااااااااااااااان :( ،،،،،،

سؤال نوار انتي شدراج عن تلك المعلومات الغزيره والتفصيليه ؟

المعلومات الغزيرة و التفصيلية و الدقيقة جداً تخص ( الحريم )
واللي ذكرتها وحده يعني عادي طبيعي
كلنا نعرف هالشي ..

البلا لما يجيك واحد يتكلم في أدق التفاصيل اللي تتعلق بالحريم
هني لازم نسأله ..
إنت شدراك عن تلك المعلومات الغزيرة و التفصيلية ..؟ :victory:

قهوة الضحى

20-09-2013, 01:18 AM

انزين شالجديد قسم للمتحجبات وقسم لغير المتحجبات يشتغلون فيه رياييل

على قولة البنات ان الريال يفهم بسوالف القص والصبغ اكثر من المرة

من جذي اقبال لبعض هالبنات عند الرياييل

بصمة قطرية

20-09-2013, 01:19 AM

هالشي موجود من زماااان
و في صالون معروف جداً وايد يروحون له
الله يهديهم و لا يبلانا ،،

همر

20-09-2013, 01:20 AM

وين المشكلة اذا هالصالونات مرخصه من الدولة
حتى صالون لاديوريه فيه رجال وحريم ومعروف من الي يروح لها

من اللي يروح له ؟!! :secret:

غيري انا طبعاً اللي دخلته بالغلط عبالي لادوريه مال الشكلاطه :shy:

بصمة قطرية

20-09-2013, 01:23 AM

من اللي يروح له ؟!! :secret:

غيري انا طبعاً اللي دخلته بالغلط عبالي لادوريه مال الشكلاطه :shy:

خخخخخخخخخخخخ :secret:

OM_OMAR_QATAR

20-09-2013, 01:44 AM

ويروحن لها النسوان

:omg:

ولا تنقطع عنهم النسوان ..
يعني تعتقد فاضية ويتمون فاتحين

ومن جميع الجنسيات
الأمرّ بعض الفنادق فيها غرفة خاصة ! حتى لو بغت الزبونة تمكيج او يرتبلها الاخ شعرها بعيد عن مرآى المتوافدين للصالون وباقي الموظفين من الرجال

لا ياشيخة !

نوار قطر

20-09-2013, 10:25 AM

انزين شالجديد قسم للمتحجبات وقسم لغير المتحجبات يشتغلون فيه رياييل

على قولة البنات ان الريال يفهم بسوالف القص والصبغ اكثر من المرة

من جذي اقبال لبعض هالبنات عند الرياييل

كون ان الرياييل في الصبغات والقص احلى من الحريم هالشي مايعطيها الحق انها تروح وترتز عنده ،،، فيه اشياء لازم نحطها في الاعتبار واولها انه حرااااااام وبعدين احنا ماتعودنا على هالحركات واذا فيه بنات وهو فعلا فيه بنات يروحون حق الرياييل فهم حالات شاذه وقلة عقل فيهم ،، لا دينا ولا عاداتنا وتقاليدنا تخلي الوحده مجرد تفكير انه تروح لهم ،،،

!..فيونكه..!

20-09-2013, 10:54 AM

من زمان هالشي موجود !
واتوقع المسؤولين عارفين بالوضع ..

نوار قطر

20-09-2013, 10:57 AM

هالشي موجود من زماااان
و في صالون معروف جداً وايد يروحون له
الله يهديهم و لا يبلانا ،،

لادوريه :shy:

أسد الجزيرة

20-09-2013, 11:06 AM

الله يهديهم

بنت مريخ

20-09-2013, 02:48 PM

من زمااااان
صالون في النصر نسيت اسمه
لأنهم يفكرون الرياييل يضبطون اكثر من الحريم

بوخالد911

20-09-2013, 04:07 PM

الله لا يبلانا

بومحمد المطاوعه

20-09-2013, 04:29 PM

وين موجود هالصالون

وعسى ماشر

شالمصخره ذي

بوخالد911

20-09-2013, 04:31 PM

وين موجود هالصالون

وعسى ماشر

شالمصخره ذي

روووووووووووح الفنادق

:secret::eek5::omg:

بومحمد المطاوعه

20-09-2013, 04:52 PM

روووووووووووح الفنادق

:secret::eek5::omg:

الفنادق حدث ولاحرج

في خموور بعد

انا قصدي برع

الي تروح فنادق لهاي السوالف
مب سنعه ولاعندها اصل

shadad

20-09-2013, 08:06 PM

شدراك ؟ وين المصدر ؟

اي مصدر يا حمد ؟

تحت صالة الحديد عندي لقيت حريم ( مب عرب ولا مسلمين ) يدشون صالون رجالي لاجل قصة الاسد. بس العكس مثل ما قال صاحب الموضوع موجود. ونشوف هاي الطخه ومعروفه سوالف البويات وال Gay هاي اليومين . يبالهم فعلا العضيد وخيزران اصلي مقوى بالالمونيوم .

تلتوله

20-09-2013, 11:43 PM

مـراحـب

20-09-2013, 11:53 PM

الله يهديهم ويصلح بالهم

نوار قطر

20-09-2013, 11:53 PM

الي يبي يشوف بعينه يروح صالون الصغير بشرق ويشوف بنات قطر كلهم يدخلون مغطين من فوق لين تحت ومع امهاتهم وشوف داخل الصالون فاصخين الحجاب والعبايه وعادي الحياه حلوه عندهم وكل الي يشتغلون هناك رياييل لا ويتهاوشون عليهم بعد كل وحده تبي تختار واحد يسووي شعرها واتحدى اي احد يقول انهم يروحون قسم المتحجبات مافي ولاوحده حتى مافي حريم يسوون شعر من الااساس والي يقول لا مو قطريات ولا بنات قبايل وهالسوالف يالله يجي ويشوف البلاوي الي داخل اعرف كم وحدة يروحون من ورى ريايلهم

معقوله مافيه قسم للمتحجبات ؟؟؟؟؟ غريبه اول مره اعرف هالشي

مممممم بذكر لكم سالفه ولو انها قديمه على ايام الجامعه ،، وحده من البنات الي معاي كانت توها معرسه ورايحه دبي مع الحب ريلها ،،، وكانت قاصه شعرها والقصه وااايد حلووه سألتها وين قاصه شعرج الا تقول في مجمع الستي سنتر اذا ماخانتني الذاكره صالون وشغلهم وااايد حلو بس الي يقص ريال انا صرت جذي:omg: عقب صرت جذي:rolleyes2: قلت لها شلون تخلين ريال يقص شعرج اصدمتني بالجواب وقالت عادي ريلي كان معاي والي يقص اصلا مالمس شي فيني غير شعري ،،، المصيبه تدري انه حرام والمصيبه الاكبر شلون ريلها رضى على نفسه ان مرته تقعد وريال يسوي شعرها ،،،

ضوى

21-09-2013, 12:45 AM

تساهلوا بكل شي لين وصلوا للمحرمات وزينوها لانفسهم والفتهم قلوبهم ووقع المحظور

هداهم الله وانار قلوبهم بنوره يااارب

الصغيره

21-09-2013, 03:06 AM

صالونات الفنادق للاسف رجال ونساء وعلى القطريه تختار وبرايفت روووووووم

الصغيره

21-09-2013, 03:08 AM

معقوله مافيه قسم للمتحجبات ؟؟؟؟؟ غريبه اول مره اعرف هالشي

مممممم بذكر لكم سالفه ولو انها قديمه على ايام الجامعه ،، وحده من البنات الي معاي كانت توها معرسه ورايحه دبي مع الحب ريلها ،،، وكانت قاصه شعرها والقصه وااايد حلووه سألتها وين قاصه شعرج الا تقول في مجمع الستي سنتر اذا ماخانتني الذاكره صالون وشغلهم وااايد حلو بس الي يقص ريال انا صرت جذي:omg: عقب صرت جذي:rolleyes2: قلت لها شلون تخلين ريال يقص شعرج اصدمتني بالجواب وقالت عادي ريلي كان معاي والي يقص اصلا مالمس شي فيني غير شعري ،،، المصيبه تدري انه حرام والمصيبه الاكبر شلون ريلها رضى على نفسه ان مرته تقعد وريال يسوي شعرها ،،،

الشرهه مش عليها الا على ال..... لهذه الدرجه ما يغار استغفر الله

Roo7MooT

21-09-2013, 04:25 AM

ريم الشمال

21-09-2013, 05:43 AM

لما اسمع احدى العضوات تتعجب من أن الزوج ممكن يخلي زوجته يمسك شعرها رجل ... استغرب

ذلك يمكن اختلاف التربية
نساء العائلة ويكونون كبارهم ينصحون الفتاة قبل زوجها وذهابها إلى بيت زوجها ومن ضمن النصائح التي تحرص عليها الامهات الكبار حق بناتهم ويتعمدون أن يسمعها من هم اصغر خاصة إذا تزوجت غريب عن عائلتها لا يعرف دينه وخلقه
أنك انتِ الآن تزوجتي شخص وسوف تذهبين إلى بيته ونحن لا نعرف طباعه ولا اهله ولكن لا ترضي بأن تأتي بتصرف تهينك وتنزل من قدرك في الدنيا والأخرة وليس كل ما يقول ويتصرف تعملي به إلا إذا كان متوافق مع الدين وحسب ما تربيتي عندنا وأن وصل لنا علم أو شفنا تغير عما علمناك وربيناك عليه ما تلومين إلا نفسك وحطينا في بالك أنا أمك وهذا ابوك لنا عليك حق لو خالفتي ما تربيتي عليه من دين وخلق حتى لو كنتي متزوجه
لذلك استغرب الآن من جيل يقول زوجي سامح لي ارفع حجابي أو ادخل اماكن لا تليق او يقص شعري رجل ...
حتى لو زوجك بعضهم ينظر لك انك غريبه عنه وعيبك ما يلحقه ( عقول عقيمة فلا تتبعيها )

حسن

21-09-2013, 10:04 AM

تقراء ردود تشمئز منها وتسمع اخبار لاتسر

للاسف ماتت الغيره عن الكثير وهذا احنا نشوفها واللوم على اشباه الرجال لعنه الله عليهم
اللي يتركون الوضع على كيفهم لا عنده ذره من الغيره يان الخنزير اشرف منه
هذا الحال وكل ماله الى ازدياد واللي تقول تروح من ورا ذكرها وهو مايدري يعني تقدر تروح الاماكن المعروفه بعد وهو مايدري للاسف ماينعطون وجهه تستاهلون ياللي تخليتو عن رجولتكم عساكم في هذا الحال واردي لو فيكم خير كان ماتدفعونهم غصب باحتكاكهم بين الذكور

كلها سنوات بسيطه وسلمولي على العبايه
وبتتذكروني

:)

koketa

21-09-2013, 10:10 AM

في كذا صالون في الدوحه يعملون فيهم رجال

اعتقد في صالون لبناني في سلوى اللي جنب محل تكستشر ما اذكر اسمه هاي لبناني كلهم رجال

واظن بعض الصالونات في الاوتيلات مثل شرق فيهم رجال

هاي من زمان مب جديد

الخيالة

21-09-2013, 10:35 AM

اللي اعرفه اكثر الصالونات او يمكن كل الصالونات اللي في الفنادق الرجال أهمه اللي يشتغلون سواء للشعر والمكياج واسمع وايد بنات بعد يروحون عادي عندهم اهم شي يقولون ويفتخرون فلان مصفف شعر سوا لي شعر ولي فلان ممكيج المعروف من لبنان حاط لي المكياج
الله يهدي الجميع لا واسمع مرات بنات يقولون عادي مره وحده بس بيشوف شعري وبيقص شعري مافيها شي هو مجرد مصفف شعر

ام السعف

22-09-2013, 05:51 AM

اوبيه قديمة هالسالفة ،،

الحين ناطرين يفتحون صوالين رجالية يشتغلون فيها حريم
لأن الصوالين الحريمية اللي فيها رجال صار لها اكثر من عشر سنين ،،

قانوني متميز

22-09-2013, 08:19 AM

بل من زمان
جورج في الرتز من 2004 ولا ابشرك يروح لبعض الزبونات البيت
لادوريه بعد وصالون جاك
ومن زمان
انا راضي وهو راضي انت مالك يا قاضي

مثير للجدل

22-09-2013, 08:22 AM

ايش الجديد
حمد مايبغي له مصدر
؟؟؟؟؟
حمد خذ المصدر

http://www.qatarshares.com/vb/showthread.php?t=505613&highlight=%d5%c7%e1%e6%e4+%dd%e4%cf%de

يالله بحسن الخاتمه

أم نواري1

22-09-2013, 09:04 AM

مب تو هالكلام
أول مره أسمعه لما كنت في صالون جاك يوم حفلة تخرجي من الجامعة تحديدا
تقولي أنتي عرفتينا من الجامعة
قتلها لا والله من بنات العيله.!
قالت لأنو بنات الجامعة كتير بيجونا وكتير منهم بيجوا الفرع تبعنا اللي بنادي الدانة
هونيك شباب بيشتغلوا شغلهم حلو وكتير بنات بيفضلوهم.!

قتلها مايجوز وحرام عندنا احنا مسلمين.!

هاكلام كان من عشر سنين تقريبا

فخبرك عتيج

والشره مب عليهم على بنات الديره وأهلهم اللي مايدرون وين رايحين
أو يدرون وفرحانين بهم من باب الانفتاح والتطور التخلفي الجاهلي

حمد 2002

22-09-2013, 09:06 AM

اوبيه قديمة هالسالفة ،،

الحين ناطرين يفتحون صوالين رجالية يشتغلون فيها حريم
لأن الصوالين الحريمية اللي فيها رجال صار لها اكثر من عشر سنين ،،

خاطري بصالونه هاموور ياسلاااااااااام :shy:

ام السعف

22-09-2013, 09:15 AM

خاطري بصالونه هاموور ياسلاااااااااام :shy:

داش مطعم يا حمد ؟:(

كازانوفا

22-09-2013, 09:19 AM

لا حول ولاقوة الا بالله يالله ثبتنا بالقول الثابت في الحياة الدنيا والاخره
بالفعل كتر الاختلاط بالنااااااااااااااااس يضيع ويؤثر على نفسية الانسان لذلك افضل الابتعاد والجلوس بالبيت
بالفعل ارحم من الضياع اللى قاعده اقراه الحين

الزعفراني

22-09-2013, 09:20 AM

وجود رجال في صالون نسائي ليس بغريب .. الغريب وجود نساء يرغبن ويفضلن وجود رجال في الصالون النسائي :)

أم نواري1

22-09-2013, 09:23 AM

وجود رجال في صالون نسائي ليس بغريب .. الغريب وجود نساء يرغبن ويفضلن وجود رجال في الصالون النسائي :)

بعض المغفلات تحمل فكرا اعوج
تظن أن الرجل يفهم جمال المرأه أكثر من المرأه نفسها
فتتوجه لمصفف شعر وماكيير رجل.!

شاهت العقول :rolleyes2:

وطن

22-09-2013, 09:24 AM

هالموضوع من سنين
وانطرح اكثر من مره

الله يهديهم ويستر عليهم
على اساس انه انفتاح و تطور !!!

أسد الجزيرة

22-09-2013, 09:29 AM

قال رسول الله صلى الله عليه وسلم يقول: " أيما امرأة وضعت ثيابها في غير بيت زوجها فقد هتكت ستر ما بينها وبين الله "

OM_OMAR_QATAR

22-09-2013, 09:35 AM

اي والله اختي وطن ..
المشكلة ان الصالونات تزيد ..
انا اتفق مع الي يكول الرجال يضبط احسن ويصبغ احسن ..
لكن الله سبحان قال من ترك شيء لأجلي..

عيل ليش متحجبين بس كلام فاضي..

Dmy Enabi

22-09-2013, 09:38 AM

وجود رجال في صالون نسائي ليس بغريب .. الغريب وجود نساء يرغبن ويفضلن وجود رجال في الصالون النسائي :)

صحيح
نسأل الله لنا ولهم الهداية ،وأن يصلح الله أحوالنا وأحوالهم

الدبلوماسي

22-09-2013, 09:39 AM

لا حول ولاقوة الابالله احنا في فرنسا نعيز والله واحنا ندور رجال يحلق شعورنا وفي المقابل بنات البلاد (الفري) يتراكضون على الصالون بسبه اسم (لادوري ) خير ان شاء الله !!! عرفنا الماركات وسافرنا ورحنا ودرنا بس عاداتنا وتقاليدنا شي اساسي في حياتنا الله يهدي هالفئه الي مب جايفه خير فاهمه الانفتاح غلط

ضوى

22-09-2013, 09:44 AM

اي والله اختي وطن ..
المشكلة ان الصالونات تزيد ..
انا اتفق مع الي يكول الرجال يضبط احسن ويصبغ احسن ..
لكن الله سبحان قال من ترك شيء لأجلي..

عيل ليش متحجبين بس كلام فاضي..

على اي اساس اجمعوا النسوان انه الرجل يصبغ ويقص احسن من الحريم ؟؟؟ لا حول ولا قوة الا بالله

وطن

22-09-2013, 09:50 AM

على اي اساس اجمعوا النسوان انه الرجل يصبغ ويقص احسن من الحريم ؟؟؟ لا حول ولا قوة الا بالله

ما ادري

:rolleyes2:

أم نواري1

22-09-2013, 10:01 AM

على اي اساس اجمعوا النسوان انه الرجل يصبغ ويقص احسن من الحريم ؟؟؟ لا حول ولا قوة الا بالله

على أساس مخها معطل
وماعندها شخصية
وشورها عند رفيجتها كبيرة الأبالسه تزين لها وتوسوس لها
فتقتفي أثرها بكل شي
وتنتشر العدوى

مايقولون من جالس جانس.؟!

تحيتي لج أختي الغاليه ضوى

قطريه ماركه

22-09-2013, 10:15 AM

الشرهه مب ع الصالونات

الشرهه ع البنات اللي يروحون هالصالونات !!!

OM_OMAR_QATAR

22-09-2013, 10:18 AM

والاهالي الي خلتهم ..!!

.. الكاش ..

22-09-2013, 04:24 PM

لاحول ولاقوه الا بالله

كاروهات

22-09-2013, 09:28 PM

شدراك ؟ وين المصدر ؟

صالون جاك فيه رجال

ودوم البنات فيه

يسشورونهم ويمكيجونهم

اعوذ بالله

وفيه حجرة صغيرة حق أي وحده ما تبي رجال يجيبون لها وحده تعدلها

الادارة كلهم لبنانيين

كاروهات

22-09-2013, 09:42 PM

الي يبي يشوف بعينه يروح صالون الصغير بشرق ويشوف بنات قطر كلهم يدخلون مغطين من فوق لين تحت ومع امهاتهم وشوف داخل الصالون فاصخين الحجاب والعبايه وعادي الحياه حلوه عندهم وكل الي يشتغلون هناك رياييل لا ويتهاوشون عليهم بعد كل وحده تبي تختار واحد يسووي شعرها واتحدى اي احد يقول انهم يروحون قسم المتحجبات مافي ولاوحده حتى مافي حريم يسوون شعر من الااساس والي يقول لا مو قطريات ولا بنات قبايل وهالسوالف يالله يجي ويشوف البلاوي الي داخل اعرف كم وحدة يروحون من ورى ريايلهم

انا مرة رحت صالون والله نسيت اسمه كان مقابل مكتبة الانصاري وكنت مدري انه خلط وزوجي اللي وصلني بس كنت جاية عندهم اخذ موعد تحت كان الكوفي شوب الا الفلبينيات يقولون روحي فوق الصالون فوق...... اطلع واطلع الا يطلع لي الرسبشن رجال لبناني واطالع وراي واشوف يمين الا وبنات يسشورون لهم شعورهم

يقولي شتبين قلت له ولا شي وربي مت من الخوف شافني ارتبكت الا يقولي ما تخافي شوفي وراي في قسم للمحجبات واقسم لكم بالله كان يبين من البارتشن ظل المتحجة وهي تسشور لها اللبنانية

قلت لا ما بي ونزل ويالله يالله شلتني رجولي

يقولي زوجي بشري سويتي الموعد قلت له على السالفة

الا وزوجي يهاوشني هواش :cry2:

ويقولي والله شكيت في الموضوع يوم شفت الرجال فتح لج الباب

تاجر كشخة

22-09-2013, 10:14 PM

حسبي الله ونعم الوكيل

همر

23-09-2013, 06:37 AM

اوبيه قديمة هالسالفة ،،

الحين ناطرين يفتحون صوالين رجالية يشتغلون فيها حريم
لأن الصوالين الحريمية اللي فيها رجال صار لها اكثر من عشر سنين ،،

صار شعري كدش وانا انتظر :whistling:

العلم

23-09-2013, 07:19 AM

صار شعري كدش وانا انتظر :whistling:

كدش وراتبك 80 ألف :eek5:

نوار قطر

23-09-2013, 07:25 AM

صالون جاك فيه رجال

ودوم البنات فيه

يسشورونهم ويمكيجونهم

اعوذ بالله

وفيه حجرة صغيرة حق أي وحده ما تبي رجال يجيبون لها وحده تعدلها

الادارة كلهم لبنانيين

نــــعـــــــــم ....شنووووو... صالون جاااك ديساانج ماغيره فيه ريال ؟؟؟اكيد اتغشمرين مستحيل ... :rolleyes2: يمكن مغلطه بأسم الصالون حبيبتي