ممتاز ، جيد جدا ، جيد ، مقبول [الأرشيف] - منتديات شبكة الأسهم القطرية

حمد 2002

20-09-2013, 07:11 PM

السلام عليكم ورحمه الله وبركاته

مساء الخير

الموضوع يحمل العنوان التالي

(( ممتاز ، جيد جدا ، جيد ، مقبول )))

لماذا الطالب الجامعي القطري اللي يتخرج بمرتبة الشرف او الجيد جدا ليش عند التوظيف
يتساوى مع الطالب الي ما خذ المقبول ؟

ويمكن هالطالب الي ماخذ مقبول يتوظف بالواسطه والطالب الي ماخذ جيد جدا ولا ممتاز مايتوظف لان ماعنده واسطه !!!!! ،،،

عيل شالفايده الواحد يتعب عمره بالجامعه ويكرف مدام حاله حال الي ماخذ مقبول عند التوظيف !!!!!!!!!!! :):)

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،،

تــــــــــحــــــــــــــــياتي للجــــــــــــــمــــــــــــــيع ،،،

ام السعف

20-09-2013, 07:13 PM

عيل شالفايده الواحد يتعب عمره بالجامعه ويكرف مدام حاله حال الي ماخذ مقبول عند التوظيف !!!!!!!!!!!

صحيح ليش ؟؟ !!

aziz4z

20-09-2013, 07:19 PM

و الله يابوشهاب مب كل الناس تتوظف بالواسطة و إن كان لها دور , بس في فرق ممكن واحد يكون ممتاز دراسيا بس عمليا غير و العكس صحيح
في النهاية الارزاق قسمة و نصيب , بس ما هي حجة أننا نتكاسل , بل لازم نسعى , و من أبواب السعي التعليم و الاجتهاد فيه , ( قل هل يستوي الذين يعلمون و الذين لايعلمون )

ابوعلي

20-09-2013, 07:21 PM

معاك حق وبنفس الوقت استغرب ان ليش البنات يخلصون الجامعه مدام التوظيف الاولوية للثانوية وهالشي من واقع وبعض الخريجات كانوا يوقعون تعهد ان ما يطالبون بامتيازات الخريجه

حمد 2002

20-09-2013, 07:29 PM

عيل شالفايده الواحد يتعب عمره بالجامعه ويكرف مدام حاله حال الي ماخذ مقبول عند التوظيف !!!!!!!!!!!

صحيح ليش ؟؟ !!

ليشششششششششششششش :anger1::anger1::anger1:

رهج السنابك

20-09-2013, 07:32 PM

بصمة قطرية

20-09-2013, 07:36 PM

نقص في فيتامين واو :p:p:p

ام السعف

20-09-2013, 07:42 PM

انا حسيت بهالشي لما توظفت

تعبت وهلكت وتفوقت بالاخير كل دفعتي توظفوا معاي بنفس الدرجة والمميزات وكل شي
لا ووحده صارت مديره وهي من افشل طالبات الدفعه
صرت اقول لو اني مثلهم استانست ونجحت على الحفه ابرك لي ماشفت اي ميزه ولا اي تقدير لي
وتميت شهور في البيت ادور عمل
بس طبعي جذي ما اتنازل عن المراكز الاولى مارتاح نفسيا اذا مادرست واخلصت عدل لنفسي

نعم ،، يا الارستقراطية ،،

المفروض يكون هناك تشجيع على التفوق ،، بحيث ما يصير عند التوظيف
لو قلنا الدرجة وحدة لكن المفروض المميزات تكون أكبر

سواء من حيث الراتب ،، او منح فرص اسهل لاكمال الدراسات العليا
او اي شي ممكن يشجع البقية الباقية على الحث على التفوق
في الجامعة والتخرج بتقادير عالية تساعدهم في الاستفادة
من هذه التقارير مستقبلا ،،

ام السعف

20-09-2013, 07:43 PM

معاك حق وبنفس الوقت استغرب ان ليش البنات يخلصون الجامعه مدام التوظيف الاولوية للثانوية وهالشي من واقع وبعض الخريجات كانوا يوقعون تعهد ان ما يطالبون بامتيازات الخريجه

الدرجة الجامعية مطلب كل موظف

اليوم صحيح يبون صاحبات الشهادة الثانوية لأنهم ما يبون يصرفون
اكث على الخريج الجامعي ،،

في الوقت اللي تلقى ان صاحبة الشهادة الثانوية لو توظفت
يزيد طموحها وتبي تكمل الجامعة لأن مميزات الشهادة الجامعية أكبر ،،

دلال قطر

20-09-2013, 07:50 PM

اي والله قهر
انا وحده الحمدلله معدلي جيد جدا مرتفع .. ف المعرض المهني اول مايسألون شنهو معدلج ولما اقولهم ينصدمون وماشاءالله ومادري ايش عاد انا اتفاءل انهم بيتصلون لي .. آخرتها " سسين " !!

وتلتهت لين حصلت لي وظيفه .

النهار

20-09-2013, 07:52 PM

موضوعك يالذيب منتاز يعني ممتاز
لي عوده ان شاءالله

طلعة الروح

20-09-2013, 07:56 PM

عزيزي ليش ما نجتهد ونتفوق لأنفسنا ، وكي نحقق شي ما في هذه الحياة نثبت فيه وجودنا كبشر ، ثم إن الموضوع طبيعي ، التفوق والنجاح والدرجات العليا وكذلك التفاوت في القدرات نصيب يرزق به الله من يشاء من عباده، أما مسألة العمل ف صحيح الشهادة ضرورية للحصول على الوظيفة والتكسب ولكن ليست هي الأساس وفي النهاية احنا نتعلم ونطور من انفسنا عشان نخدم هالوطن ونفيد الناس هذا هو الاصل وبالمقابل نستفيد من الوظيفة ونقدم لأنفسنا شي بسيط من الماديات العائدة منها فانت خذها من هالزاويه وفك نفسك من الوسواس والنظر لما في أيدي الناس...

مسألة عدم وجود تفرقه بين المعدلات : أحب أقولك هناك الكثير من جهات العمل تهتم بالنسبة ومعدل الجي بي أيه وتعتبرعندهم من أولويات التوظيف...

تقبل مروري،،،

العلم

20-09-2013, 08:02 PM

بوووبندررر ... وااااسطتي :nice:

http://safeshare.tv/w/DmDjTLetTe

عاشق العديد

20-09-2013, 08:06 PM

اخوي حمد مب شرط الي ماخذ مقبول معناته فاشل.. لا بالعكس.. كل واحد على حسب مقابلته.. واتمنى التوفيق للجميع

سارآ

20-09-2013, 08:11 PM

نفس اللي أدخلت الجامعة نسبتها 75 نفس اللي ماخذه 94 ونفس التخصص وشرايك :secret:

فلتة زمانها

20-09-2013, 08:12 PM

المعدل او التقييم مب مقياس للمهارات لاني صادف موظفات
تخرجوا من الجامعة بمعدل 2 لكن ماشاءالله عليهم مهاراتهم عاليه في الشغل
بالمقابل كانت معاي موظفه تقديرها امتياز لكنها بليده وما تستوعب بسرعه
طبعا مب الكل ولكن نماذج لمستها من الواقع

imation

20-09-2013, 08:12 PM

بوووبندررر ... وااااسطتي :nice:

http://safeshare.tv/w/dmdjtlette

العلم ,,,,, سلملي على بوبندر ,,,,, ابغي شاليه في الشمال

’

ابوعلي

20-09-2013, 08:14 PM

الدرجة الجامعية مطلب كل موظف

اليوم صحيح يبون صاحبات الشهادة الثانوية لأنهم ما يبون يصرفون
اكث على الخريج الجامعي ،،

في الوقت اللي تلقى ان صاحبة الشهادة الثانوية لو توظفت
يزيد طموحها وتبي تكمل الجامعة لأن مميزات الشهادة الجامعية أكبر ،،
صحيح مطلب كل موظف

ولكن للبنات لو زاد طموحها راح توقع تعهد بعدم المطالبة بامتيازات الخريجة الا بعض الاماكن وبعض التخصصات

يعني لو توفر على نفسها هالاربع سنيين وتتوظف افضل وعقب تفكر بتكملة المرحلة الجامعية

حسن

20-09-2013, 08:15 PM

خلكم متفائلين
:)

لاتكون نظرتك سلبيه
:)

وهذه انا اعتبرها ارزاق وتوافيق يمكن

شوف ياحمد الشهاده انا اشوفها مش المقياس الحقيقي للانسان
ياما شافت من اصحاب الشهادات العليا وهو مايصلح كاتب ارشيف
والمناصب والقياده لها سمات معينه ماتقاس بالشهادات ولو كان الاول على دفعته

ياماشفنا قيادات من المؤهلات العاديه وكانو من انجح القيادات
وياما شفنا من اصحاب التفوق فشل في قيادته

خلك متفائل واجتهد في عملك لو جه الله
هني يعبر التفوق والتميز
اما الواسطه مالها ادوا
:)

الدوحه1

20-09-2013, 08:17 PM

هي جات على "التقدير" بس؟؟؟؟
شوف العجب وعدم التقدير في دليل تصنيف الوظايف:
الحاصل على درجة الدكتوراه والحاصل على درجه الماجستير والحاصل على درجة البكالريوس(هندسه) الكل يتعين على نفس الدرجه( الدرجه السادسه )!!!!!
اللي حط هالقانون العجيب في اعتقاده ان درجه الدكتوراه لاتستحق أي مميزات او حوافز ماليه
او تشجيعيه!!!!!

http://www6.0zz0.com/2013/09/20/17/558610589.jpg (http://www.0zz0.com)

حسن

20-09-2013, 08:20 PM

Qa6ar

20-09-2013, 08:21 PM

الواسطه مرض مزمن صعب استئصاله الا بالقانون الرادع القوي ولا احد يوقف قدامه

أم علي 2010

20-09-2013, 08:23 PM

يمكن في بعض الدوائر الحكومية

عن نفسي لما توظفت كان راتبي اعلى من زملتي لاني خريجة هندسه وهي علوم
و كان في فرق بيبني وبين رفيجتي اللي معدلها ممتاز وانا معدلي جيدجدا مرتفع

الفرق مب كبير حول ال500 ريال وعقب يتساوى اظن مع الدرجه المالية

لكن في التقييم يختلف يعني في ناس ياخذون 8 بالميه وعقب 5 بالميه وهكذا

يعني النهايه في المجهود

وانا بالعكس قد ما اقدر اطور من نفسي و ان شالله راح اقدم على الماجستير واذا ماوافقوا لي راح ادرس على حسابي

واطلبوا العلم من المهد الى اللحد

وليف الشوق

20-09-2013, 08:42 PM

عندكم انا
اخذت درجه متدنيه في حصولي على علامات ليس راضي عنها ولما الله فقني في الحصول على وظيفه وبفضل من الله كثفت نفسي في دورات تأهيلية لها علاقة بالعمل ودورات ايضا" ليس لها علاقة بالعمل وحسيت ان العلامات التي اخذتها من الدراسه ليست بالمستوى المطلوب وماكنت راضي عن حالي وعشان جذي حاولت اكثف نفسي واعوض اللي فقدته وكان ترتيبي في العمل بدرجات جدا عاليه وتوصيات كثيرة ويشهد الله من الاعمال التي ترهق نفسي بلا ملل او كلل والى الان احب العمل لدرجه الامانه والاخلاص والتفاني واحاول اطور من نفسي دائم في مختلف الدورات ، خلاصة الكلام ان اللي حصل على درجة ممتاز في الشهادة الدراسية ليس بشرط انه ينجز الاعمال اول بأول وبهذه الطريقة تجدون ان قبوله في اداء العمل ضعيف ونسبة حصوله على مناصب اعلى قد تكون ضئيله وهذا بأعتقادي الشخصي

نتفـه

21-09-2013, 12:20 AM

لو المقبول ما يستاهل ليش يخرجونه عيل !!!!
فعلا هي ارزاق وتتوزع على خلق الله ..
بتقطعون ارزاق المقبول بعد هههههه

توشيبا

21-09-2013, 03:54 AM

ماله خص اللي يقول واسطه

عندنا التوظيف علي حسب الشهاده فقط

لو ممتاز والثاني مقبول انت وياه نفس الشي مدام الشهاده ابتدائي أو إعدادي أو ثانوي أو جامعي

المفروض يكون فيه درجات كمثل جامعي معدل جيده له درجه معدل جيد جدا له درجه معدل ممتاز له درجه

حتى لو بيعطون دورات المفروض ينظرون للمعدل مب أنا جامعي ورفيجي جامعي ونفس الوظيفه أنا جيد جدا واهو مقبول يأخذ الدوره وانا انتظر كم سنه لي يجئ دوري واخذ الدوره

بوحارب

21-09-2013, 05:13 AM

الجوكر90

21-09-2013, 05:22 AM

جنك تقول ليش اصلي واصوم وازكي
دام كل واحد رب العالمين كاتب له وشو راح يكون فالدنيا ووين مكانه فالاخره

رهج السنابك

21-09-2013, 08:34 AM

ليش دايماً البنات يحسدون بعض :telephone:

قولي الله يوفقها بدل ما تحسدينها :tease:

هذا مش حسد الله يبارك فيك

لو كنت مخلص بتفوق وتعبت وهلكت على تحصيلك العلمي
ولما تتوظف تتحطم وتلقى نفسك مثلك مثل غيرك الي جايب مقبول ويمكن هو اعلى نمنك بعد

اهني بتحس

بتقول يا خساره اجتهادي

لا مميزات
لا تقدير
لا حتى علاوه اضافيه
تدري شنو الفرق

بس قراطيس شهادات التفوق الي جمعتها ايام دراستك

المسأله مش حسد

لما يجيك طبيب مثلا بتعينه في مكان وتحطه على درجة مساويه لدرجة مدرس فنيه اهني مابتكون ظلمت الطبيب؟؟؟ مابتكون حطمتة؟ مابتخليه يحس ويقول ليتني ماتعلت وذي نهاية الشقا

الي يبط الجبد قانون الموارد البشريه

الي لا حطوا اي اعتبار لتشجيع المتفوقين بأي ميزه
ولا اي اعتبار للي معاهم شهادات عليا

ذي رساله لاهل قطر

لاحد يتعب نفسه بالدراسه

هاتوا معدل على الحفه ترا ماكو فرق

ام السعف

21-09-2013, 11:50 AM

هذا مش حسد الله يبارك فيك

لو كنت مخلص بتفوق وتعبت وهلكت على تحصيلك العلمي
ولما تتوظف تتحطم وتلقى نفسك مثلك مثل غيرك الي جايب مقبول ويمكن هو اعلى نمنك بعد

اهني بتحس

بتقول يا خساره اجتهادي

لا مميزات
لا تقدير
لا حتى علاوه اضافيه
تدري شنو الفرق

بس قراطيس شهادات التفوق الي جمعتها ايام دراستك

المسأله مش حسد

لما يجيك طبيب مثلا بتعينه في مكان وتحطه على درجة مساويه لدرجة مدرس فنيه اهني مابتكون ظلمت الطبيب؟؟؟ مابتكون حطمتة؟ مابتخليه يحس ويقول ليتني ماتعلت وذي نهاية الشقا

الي يبط الجبد قانون الموارد البشريه

الي لا حطوا اي اعتبار لتشجيع المتفوقين بأي ميزه
ولا اي اعتبار للي معاهم شهادات عليا

ذي رساله لاهل قطر

لاحد يتعب نفسه بالدراسه

هاتوا معدل على الحفه ترا ماكو فرق

هذا هو اللي مقصود ،،

المقبول من حقه يتوظف والجيد من حقه يتوظف والجيد جدا من حقه مثل الممتاز ،،،

محد قال لحد يتوظف ولحد يتطور ،،

لكن لازم يكون هناك تقدير بناء على درجة التخرج من الجامعة
علشان هالشي يكون دافع اكبر عند الدراسة الجامعية ،،

الموضوع ماله خص رزق وربنا كتبه

ربنا يقول اسعوا واسعوا واسعوا علشان ينكتب لنا الخير ،،
اذا على مبدأ الرزق من الله خلاص لازم الكل يتخرج بالمقبول
دام ان الوظيفة ما تفرق مابين اللي تخرج بمتياز او بدرجة مقبول !!

Bin Hood

21-09-2013, 02:35 PM

يوم كنت في الجامعة كان متداول الي يتخرج بامتياز

تتسابق الوزارات و الشركات لتوظيفة وهذا ما لم يحصل

والحمد لله أني قد حصلت على وظيفة محترمة

رهج السنابك

21-09-2013, 03:33 PM

هه لا تسابق ولا يحزنون انا كنت مب بس امتياز كنت على لستة الجامعه من الاوائل وتميت احوس بشهادتي ادور وظيفه شهور :) ولا احد عبرني
والحمدلله ع كل حال

حتى حماسي خف لما اشتغلت وتاثرت لما شفت انا وغيري من دفعتي الي جايبين مقبول على نفس الدرجة
القهر شنو
بعض بنات دفعتي كانوا وايد يغارون مني كحال اي حد متفوق لازم يلقى طابور من الفشله يغارون منه
في الوظيفه لما كلنا متساويين العجيب ان بعضهم لازالت مشاعر الغيره في قلبها اقول في خاطري على شنو ياحظي
شهادتي وشهادتكم وحده
اجتهادي يعادل كسلكم
اخلاصي لنفسي يعادل عدم اخلاصكم
تعبي يعادل راحتكم

مافي اي فرق

ام السعف اذا الدوله ما تمنح اي امتيازات وظيفيه للمجتهد المتفوق

فهي قاعده ترتكب كارثه في حقهم

وتعطي رساله لا مكان للمجتهد اهم شي بكالوريوس بأي معدل وعند التخرج كلكم على السابعه او السادسه

مخطط قطري

21-09-2013, 11:57 PM

المقبول لاقدم في ظيفه خصوصا قطاع النفط والطاقه قالو المنمم جيد
والممتاز لقدم عندهم قالو ليش تجي هنيه تعب ومافي امتيازات حرام تدفن نفسك شوف جهات اخرى
مالها شغل بالمعدل ..... لها شغل بذمه وضمير مسؤلي التوظيف بالجهه الي قدمت فيها

ام السعف

22-09-2013, 07:14 AM

هذا مش حسد الله يبارك فيك

لو كنت مخلص بتفوق وتعبت وهلكت على تحصيلك العلمي
ولما تتوظف تتحطم وتلقى نفسك مثلك مثل غيرك الي جايب مقبول ويمكن هو اعلى نمنك بعد

اهني بتحس

بتقول يا خساره اجتهادي

لا مميزات
لا تقدير
لا حتى علاوه اضافيه
تدري شنو الفرق

بس قراطيس شهادات التفوق الي جمعتها ايام دراستك

المسأله مش حسد

لما يجيك طبيب مثلا بتعينه في مكان وتحطه على درجة مساويه لدرجة مدرس فنيه اهني مابتكون ظلمت الطبيب؟؟؟ مابتكون حطمتة؟ مابتخليه يحس ويقول ليتني ماتعلت وذي نهاية الشقا

الي يبط الجبد قانون الموارد البشريه

الي لا حطوا اي اعتبار لتشجيع المتفوقين بأي ميزه
ولا اي اعتبار للي معاهم شهادات عليا

ذي رساله لاهل قطر

لاحد يتعب نفسه بالدراسه

هاتوا معدل على الحفه ترا ماكو فرق

تدرين

سمعت ان في قطرفونديشن هناك برنامج خاص للي معدلات التخرج فوق3.5
خاصة لو كانوا من منتسبي هالمكان ،،

يعني الطالب اللي يكون كيواف سبونسره ويتخرج من جامعات معدله التراكمي
3.5 وقطري الجنسية له مميزات عن غيره ــ فيسجل في هالبرنامج اللي
طارحينه ،،

فليش باقي الأماكن ما توفر مثل هالبرنامج علشان يساعدون الطلاب
الجامعيين انهم يشدون حيلهم ؟؟!

حمد 2002

22-09-2013, 07:39 AM

صب بالموتر فل بترول سوبر بسررررررعه :shy::tease:

ام السعف

22-09-2013, 07:46 AM

صب بالموتر فل بترول سوبر بسررررررعه :shy::tease:

:omg:

رهج السنابك

22-09-2013, 07:52 AM

أم علي 2010

22-09-2013, 07:59 AM

صح ام السبعف فقط في كيو اف
اصلا عار عليهم كمدينه تعليميه اذا ماحطوا جذي
هو مب برنامج هو عند التوظيف يحصل الموظف على درجات اعلى حسب معدله
والي معاه شهاده من مركز قطر للقيادات ياخذ درجة زياده
والي عنده ماستر ياخذ درجة
بس مب كل كيو اف

فقط في الام
ههههه عرفنا سر البرنامج :victory:

قطر للبترول يكافؤون المتفوق ويعطونه بونس راتب اساسي

واذا مخلص اخر كورس 16 ساعه و معدل فوق ال3 يعطونه 15 الف

انا كنت اخر كورس 10 ساعات وماكافؤوني مع ان معدلي 3.3

المفروض يكافؤوني لان متخرجه في 4 سنوات ومن جامعة قطر :tease:

قانوني متميز

22-09-2013, 08:12 AM

عادي ماتدري الله ايش كاتب لك
الحمدلله على كل حال
انكرفنا كراف في جامعه قطر
وخطة جديدة وتوفل وانجليزي
واخرتها خريجين فلادلفيا الاردنية يداومون في قطر فونديشن
والمشكله خريجين قانون حاطينهم تسويق
الواسطة ثم الواسطة ثم المساواة ههههههه

ام السعف

22-09-2013, 08:42 AM

صح ام السبعف فقط في كيو اف
اصلا عار عليهم كمدينه تعليميه اذا ماحطوا جذي
هو مب برنامج هو عند التوظيف يحصل الموظف على درجات اعلى حسب معدله
والي معاه شهاده من مركز قطر للقيادات ياخذ درجة زياده
والي عنده ماستر ياخذ درجة
بس مب كل كيو اف

فقط في الام

مب بس درجة أعلى ،، اصلا ممكن يحصل فرصة للماستر على طول ،،
حسب البرنامج نفسه ،،

بس اللي سمعته انهم الغو بعض المميزات اللي مالها دخل في البرنامج
يعني الواحد كان يحصل علاوة بناء على تقديره او معدله التراكمي
في الجامعة ،، بس حاليا كل شي صار عادي :(